ԹՈՇԱԿ, ԹՈՇԱԿ... ԹՈՇԱԿԴ ԿՍՏԱՆԱՍ
- Ով կմտածեր, որ գալու է մի ժամանակ, երբ երկնիշ ու դինամիկ աճ ազդարարող նախագահ Ռ.Քոչարյանի համար փաստացի «դամ» պահողի դեր կատարող ազգային վիճակագրությունը նրան դնելու է խիստ անհարմար վիճակի մեջ:
Իսկ այդ բանը տեղի ունեցավ, երբ օրերս պաշտոնական վիճակագրությունը հրապարակեց մի տվյալ, որը վերաբերում էր տարվա առաջին եռամսյակում Հայաստան այցելած զբոսաշրջիկների թվին: Այդ տվյալի համաձայն` 2008 թվականի առաջին եռամսյակում զբոսաշրջիկների թիվը աճել է 15, 1 տոկոսով, այսինքն` եղել է ավելին, քան նախորդ տարվա նույն ժամանակահատվածում: Առաջին եռամսյակը հունվար, փետրվար եւ մարտ ամիսներն են: Ինչու՞ ենք դա ընդգծում: Ոչ միայն այն պատճառով, որ պաշտոնական վիճակագրությունը երեւի թե այդ ժամանակահատվածում որպես զբոսաշրջիկ է հաշվել նաեւ միջազգային դիտորդներին, որոնք եկել էին Հայաստանի նախագահական ընտրությունները դիտարկելու: Ընդ որում` սա իշխանության կողմից կլինի չափազանց ազնիվ քայլ, քանի որ իսկապես, ինչպես միջազգային դիտորդների եզրակացությունները ցույց տվեցին, նրանք Հայաստան եկել էին հենց ավելի շատ զբոսաշրջելու, քան ընտրություններ դիտարկելու նպատակով: Այնպես որ, սա էլ, այսինքն` ազգային վիճակագրության տվյալները, կարելի է համարել որպես իշխանության քաղաքական գնահատականը միջազգային դիտորդների աշխատանքին: Այսինքն` դուք զբոսաշրջիկ եք, ինչ դիտորդ: Սակայն տարվա առաջին եռամսյակի ամիսներն ընդգծում ենք նաեւ այլ պատճառով: Այդ ամիսներին Հայաստանում քաղաքական կրքերը խիստ թեժացել էին եւ նախընտրական զարգացումները հասել էին իրենց գագաթնակետին ու վերածվել ետընտրական համաժողովրդական պայքարի: Բանն այն է, որ երբ իշխանությունն ուժ կիրառեց ժողովրդի դեմ ու հայտարարեց արտակարգ դրություն, որպես իր քայլերի արդարացում, ի թիվս բոմժերի, թմրամոլների եւ խուլիգանների մասին իշխանական քարոզչության, իշխանությունը Ռ.Քոչարյանի շուրթերով ներկայացրեց նաեւ զբոսաշրջությանը վերաբերող մի փաստարկ, որպեսզի չգիտես ում ցույց տա, թե ինչ մեծ վնասներ են հասցվել երկրին տնտեսության ասպարեզում: Տրամաբանությունը հուշում է, որ այդ ամենը ցույց էր տրվում ժողովրդին, բայց ամբողջ խնդիրն այն է, որ այդ օրերին ժողովուրդը հեռուստացույց չէր նայում` թե առողջություն խնայելու համար, թե հասկանալով, որ հեռուստատեսությունը այդ օրերին նույնիսկ եղանակի տեսության ժամանակ գուցե չասի այն, ինչ կա իրականում: Բայց քանի որ կան մարդիկ, որոնք մասնագիտության բերումով նաեւ ստիպված են հետեւել հեռուստատեսային լրատվական թողարկումներին, ինչպես օրինակ` լրագրողները, ապա հայտնի դարձավ, թե ինչպես է հեռուստատեսությամբ, այն ժամանակ դեռ գործող նախագահ Քոչարյանը հայտարարել, որ ընդդիմության ետընտրական պայքարը զգալիորեն հարվածել է մեր տնտեսության գերակա ճյուղ համարվող զբոսաշրջությանը: Ռ.Քոչարյանը նույնիսկ նշեց, որ ինքը տեղյակ է, որ շատ զբոսաշրջային փաթեթներ ուղղակի ետ են տրվել: Ինչ-որ տեղ այդ «թեզը» բնական է, քանի որ հայտնի է` զբոսաշրջիկները ձեռնպահ կմնան այցելել այն երկրներ, ուր քաղաքական կրքերը թեժանում են, իշխանության ու ընդդիմության դիմակայությունը սրվում է, տեղի են ունենում տեւական բազմահազարանոց ցույցեր: Թեեւ մյուս կողմից` դա էլ կարող է գրավել էքստրեմալ տուրիզմի սիրահարներին: Բայց ամեն դեպքում Ռ.Քոչարյանի առաջ քաշած փաստարկը իսկապես կարող էր ունենալ ռացիոնալ հիմք: Եվ թերեւս դա ռացիոնալության, առողջ տրամաբանության հատիկներ պարունակող իշխանական միակ խոսքն էր, որ այդ օրերի իրադարձությունների մասին հնչում էր այդ ժամանակահատվածում: Բայց արի ու տես, որ իշխանական մտքի ռացիոնալության այդ «օազիսի» գոյությունը կասկածի տակ է առնում հենց նույն իշխանական վիճակագրությունը` Ռ.Քոչարյանի հեռանալուց օրեր անց հայտարարելով, որ 2008 թվականի առաջին երեք ամիսներին ավելացել է Հայաստան այցելած զբոսաշրջիկների թիվը: Ստացվում է, որ կամ Ռ.Քոչարյանն է խաբել հասարակությանը, կամ ազգային վիճակագրական ծառայությունն է հասարակությանը խաբում: Միգուցե երկուսն էլ խաբում են, պարզապես ամեն մեկը իր ժամանակին, ըստ պահի հրամայականի: Այսինքն` Ռ.Քոչարյանին այն ժամանակ պետք էր արտակարգ ռեժիմով խաբել, որպեսզի ցույց տար, թե ինչ մեծ վնասներ է տնտեսությանը պատճառել ընդդիմության ու ժողովրդի ետընտրական պայքարը, իսկ հիմա, երբ այդ ամենն արդեն անցել է, ապա կարելի է վերադառնալ ստի սովորական, առօրեական ռեժիմին եւ խաբել` ցույց տալով, թե ինչ անկասելի աճեր են տեղի ունենում մեր երկրում նույնիսկ այն ժամանակ, երբ ընդդիմությունը փորձում է ապակայունացնել իրավիճակը: Առաջին հայացքից սա եւս մեկ անգամ վկայում է Հայաստանի իշխանական համակարգի անմեղսունակ բնույթի մասին, երբ կորած է գործողությունների պատճառահետեւանքային կապը, եւ ամեն պահի ասվում է այն, ինչ հարմար է տվյալ իրավիճակում` առանց անգամ մտածելու, թե նախորդ պահին ինչ է ասվել կամ արվել, եւ առանց անգամ հաշվարկելու, թե հաջորդ պահին ինչ անելու կամ ասելու անհրաժեշտությունն է ավելի հավանական: Սակայն շատ հնարավոր է, որ մենք գործ ունենք նաեւ մեկ այլ խնդրի հետ, որն առնչվում է ներիշխանական հարաբերություններին եւ խնդիրներին, որ առաջ են եկել Ռ.Քոչարյանի պաշտոնաթողությունից հետո: Չափազանց նկատելի է այն, որ առայժմ, իհարկե ոչ ուղղակի, սակայն ակնհայտորեն ներկայիս նախագահ Ս.Սարգսյանի շրջապատը փորձում է «տակառներ» գլորել Ռ.Քոչարյանի իշխանության ժամանակահատվածի վրա: Հասկանալի է, որ Ս.Սարգսյանն էլ դրանով ընդամենը պահի խնդիր է լուծում, քանի որ անհնար է պաշտոնավարման ամբողջ ընթացքում հասարակության ուշադրությունը առկա խնդիրներից շեղել նախորդ պաշտոնավարողին սեւացնելու միջոցով: Ռ.Քոչարյանն էլ փորձում էր նույն բանը` ամենից սարսափելի մեղքերն ու հանցանքները վերագրելով Լեւոն Տեր-Պետրոսյանին: Ընդ որում` Ռ.Քոչարյանը դա անում էր ուղղակիորեն, առանց քաշվելու, դիմելով անգամ ակնհայտ մանիպուլյացիաների եւ ստերի: Բայց դա էլ նրան չօգնեց, կամ եթե այդ մարտավարությունն արդարացրեց իրեն, ապա միայն նրա նախագահության առաջին մի քանի ամիսներին: Սակայն պարզ է նաեւ, որ քաղաքականապես սնանկ իշխանություններն այլ բան չեն ունենում անելու, քան ամեն ինչ իրենց նախորդների վրա բարդելը: Այդ իմաստով, իհարկե, Ռ.Քոչարյանի բախտը բերել էր, քանի որ նա Լեւոն Տեր-Պետրոսյանի հետ բացահայտ առճակատման գնաց եւ իրեն կարող էր թույլ տալ նրան սեւացնել ամբողջ թափով ու առանց քաշվելու` ամեն մի թերություն բարդելով առաջին նախագահի կառավարման տարիների վրա: Ս.Սարգսյանն այդ իմաստով շղթայակապ է, քանի որ նա Ռ.Քոչարյանից ժառանգել է իշխանությունը, այսինքն` եղել է նրա «սիրելի որդին», հետեւաբար Քոչարյանին բացահայտ սեւացնելը նրան ոչ թե օգուտ կբերի, այլ վնաս, քանի որ կդիտվի որպես երախտամոռություն: Այնպես որ, մնում է սեւացնելու խնդիրը լուծելու ստվերային տարբերակների կիրառումը, ինչպես օրինակ` վիճակագրական ծառայության տվյալներով մանր հարվածներ հասցնելը: Դրանց նրբությունն այն է, որ թեեւ հարվածն ինքնին շոշափելի եւ զգալի չէ, սակայն նաեւ չափազանց դժվար է դրանց պատասխանելը: Ինչ պետք է անի Ռ.Քոչարյանը: Հո չի հայտարարելու, որ պաշտոնական վիճակագրությունը ստում է:
- Արամ Ամատունի
«ՇԱՏ ՏԱՂԱՆԴԱՎՈՐ Է` ԱՆՊԱՅՄԱՆ ՈՒՂԱՐԿԵՔ ԱՐՏԱՍԱՀՄԱՆ»
Մարինա Բաղդագյուլյան
Շնորհք ունե՞ս, թե՞ ոչ. սա կարեւոր է հաջողության հասնելու համար: Սակայն հատկապես շատ կարեւոր է, թե ու՞ր կտանեն օրերի ճանապարհները. փոքրիկ քաղաքից մեծ քաղա՞ք, մեծ քաղաքի փոքր երկրից մեծ երկրի մեծ քաղա՞ք... ...ԱՌԱՆՑ ՄԱՆՐԱՄԱՍՆԵՐԻ ՄԵՋ ԽՈՐԱՆԱԼՈՒ
Մարինե Խառատյան
Կենտրոն եւ Նորք-Մարաշ համայնքների ընդհանուր իրավասության դատարանում երեկ մարտի 1-ի գործով դատվելու հերթը Միսակ Հովակիմյանինն ու Սողոմոն Երիցյանինն էր:
Պատահականություն էր, թե զուգադիպություն, երկուսն ...ՊԵՏՐՈՍ ՄԱԿԵՅԱՆԻ ՀԱՅՏԱՐԱՐՈՒԹՅՈՒՆԸ
Երեկ Գյումրիի ընդհանուր իրավասության դատարանում «Ժողովրդավարական հայրենիք» կուսակցության նախագահ Պետրոս Մակեյանը հանդես եկավ հայտարարությամբ, որտեղ մասնավորապես ասաց, որ նույնիսկ միջազգային հանրության ...ԴԱՏԱԿԱՆ ՖԱՐՍ` ԲԱԶՈՒՄ ԳՈՐԾՈՂՈՒԹՅՈՒՆՆԵՐՈՎ
Գագիկ Աբգարյան 1
Եթե մի տեղ դատավորը ներս է մտնում, ու դատական նիստի մասնակիցները ոտքի չեն կանգնում, եթե մի տեղ մասնակիցները հոտնկայս ծափահարություններով են դիմավորում ամբաստանյալներին, եթե մի տեղ հասարակության հերոսներ ...ՌՈՒՍ-ԱՄԵՐԻԿՅԱՆ ՀԱՐԱԲԵՐՈՒԹՅՈՒՆՆԵՐԻ ՈՒՐՎԱԳԾԵՐ
Գոհար Բարսամյան
Արեւելյան Եվրոպայում ամերիկյան հակահրթիռային համակարգերի տեղաբաշխումը նոր «սառը պատերազմ» սադրեց: Այս կարծիքն է հայտնել նաեւ Խորհրդային Միության առաջին եւ վերջին նախագահ Միխայիլ Գորբաչովը:
Գորբաչովը ...ԿՆԻՔՆԵՐԸ ՎԵՐԱԴԱՐՁՐԻՆ, ՄՆԱՑ... ՄՆԱՑԱԾԸ
Ս/թ մարտի 3-ին ՀՀ ԱԱԾ-ն եւ գլխավոր դատախազությունը համատեղ խուզարկությամբ ապօրինաբար առգրավել էին Պահպանողական կուսակցության եւ «Երիտասարդ պահպանողականների միություն» հ/կ-ի կնիքները:
Նախօրեին հիշյալ ...ՆՈՐ ՌԱՈՒՆԴԻ ՍԿԻ՞ԶԲ, ԹԵ՞ ՆԱԽՈՐԴ 10-ԱՄՅԱԿԻ ՇԱՐՈՒՆԱԿՈՒԹՅՈՒՆ
Էմմա Գաբրիելյան
Կկայանա՞ն, արդյոք, բանակցություններ Սերժ Սարգսյանի եւ Իլհամ Ալիեւի միջեւ ղարաբաղյան հակամարտության կարգավորման նպատակով... Ամենայն հավանականությամբ առաջիկա ամիսներին ԵԱՀԿ Մինսկի խմբին կհաջողվի կազմակերպել ...ԹՈՇԱԿ, ԹՈՇԱԿ... ԹՈՇԱԿԴ ԿՍՏԱՆԱՍ
Արամ ԱմատունիՈվ կմտածեր, որ գալու է մի ժամանակ, երբ երկնիշ ու դինամիկ աճ ազդարարող նախագահ Ռ.Քոչարյանի համար փաստացի «դամ» պահողի դեր կատարող ազգային վիճակագրությունը նրան դնելու է խիստ անհարմար վիճակի մեջ:
Իսկ ...ՄԻ ՔԱՆԻ ՆԿԱՏԱՌՈՒՄ ՍԱՀՄԱՆԱԴՐԱԿԱՆ ԴԱՏԱՐԱՆԻ ՈՐՈՇՄԱՆ ԱՌԻԹՈՎ-2
Ա. Սարգսյան
ՀՀ Սահմանադրական դատարանում դատաքննության ընթացքում առաջադրվեց մի հարց եւս, որը պատասխանի կարիք ունի: Այդ հարցը հետեւյալն է. ՀՀ Սահմանադրության հոդված 53.1-ում ամրագրված է, որ «Ռազմական եւ արտակարգ դրության ...ԵԽ-Ն ԱՅՍ ԱՆԳԱՄ ՉԻ ՆԵՐԻ
Մարինե Խառատյան
Մեր զրույցը ԱԺ «Ժառանգություն» խմբակցության պատգամավոր, իրավաբան Զարուհի Փոստանջյանի հետ է:
-2003թ. ընտրակեղծիքների ու 2004-ի ապրիլի 12-ի հայտնի դեպքերից հետո Հայաստանի իշխանությունը հաջողացրեց մատների ...ԺԻՐԱՅՐ ՍԵՖԻԼՅԱՆ. «ՈՐՈՇՈՒՄՆԵՐԸ ԼԵՒՈՆ ՏԵՐ-ՊԵՏՐՈՍՅԱՆՆ ԷՐ ԿԱՅԱՑՆՈՒՄ»
Աստղիկ Սարգսյան 18
-Լեւոն Տեր-Պետրոսյանի դեմ ծավալված քարոզչության շրջանակներում, վերջերս կրկնվում է մի միտք, թե առաջին նախագահը դեմ է եղել հարձակողական գործողությունների իրականացմանը, տեղյակ չի եղել դրանց անցկացման ժամկետներին: ...ԵԿՄ-Ն ՔԵՖ ԱՆԵԼՈՒ ՏՐԱՄԱԴՐՈՒԹՅՈՒՆ ՉՈՒՆԻ
Հեղինե Մանուկյան
Մայիսի 8-ը Երկրապահի` Երկրապահ կամավորականների օրն է: Նախորդ տարիներին մայիսի 8-ը երկրապահները մեծ շուքով ու հանդիսավորությամբ էին նշում, սակայն այս տարի հնարավորինս զուսպ են նշելու:
«Ամեն տարի դահլիճ ...«ՀՅՈՒՍԻՍԱՅԻՆՈՒՄ» ԵՒՍ ԱՆՀԱՆԳՍՏԱՑԱԾ ԵՆ
Էմմա Գաբրիելյան
«Քաղաքական զբոսանքը» երեկ Հյուսիսային պողոտայում շարունակվում էր. մարդիկ դարձյալ քննարկում էին օրվա թերթերի հրապարակումները, «Ազատություն» ռ/կ-ի երեկոյան թողարկումն էին ունկնդրում: Մի քանի կանայք ստորագրություններ ...1-Ը ԳՐԵԼ ԵՆՔ, 9-Ը` ՊԱՀԵԼ ՄՏՔՈՒՄ: ՎԱՅ ԹԵ` ԻԶՈՒՐ: ԻՆՉՊԵՍ ՄԻՇՏ
Երկիր+պահել=երկրապահ: Այսինքն` երկիրը պահող: Անկախ, փաստորեն, նաեւ երկրի վիճակից: Մեծ հաշվով` անգամ մեր էս ունեցածը:
Երկրապահը` երկրապահ է: Անկախ հագուկապից: Կամուֆլյաժից-բանից: Որը, մեր մեջ ասած, ...ԱՅՍՕՐ ԵՐԿՐԱՊԱՀԻ ՕՐՆ Է
Կարինե Հարությունյան
Շուշի: Արցախյան ազատամարտի հաղթանակների հաղթանակը:
Շուշին ո՞վ է ազատագրել...
Այսօրվա օրը ունեցանք ՀՀ հիմնադիր եւ առաջին նախագահ, այն ժամանակվա գերագույն գլխավոր հրամանատար Լեւոն Տեր-Պետրոսյանի, ...
ԲՌՆԱՏԻՐՈՒԹՅԱՆ ԴԵՄ ՊԱՅՔԱՐՈՂ ՀԱՄԱԺՈՂՈՎՐԴԱԿԱՆ ՇԱՐԺՈՒՄԸ ՆՈՐ ԷՋ ԲԱՑԵՑ
Էմմա Գաբրիելյան
ԺԻՐԱՅՐ ՍԵՖԻԼՅԱՆ. «ՈՐՈՇՈՒՄՆԵՐԸ ԼԵՒՈՆ ՏԵՐ-ՊԵՏՐՈՍՅԱՆՆ ԷՐ ԿԱՅԱՑՆՈՒՄ»
Աստղիկ ՍարգսյանԼԵՒՈՆ ՏԵՐ-ՊԵՏՐՈՍՅԱՆԻ ԵԼՈՒՅԹԻ ԱՐՁԱԳԱՆՔՆԵՐԻՑ. ԱՄՆ: ՍԿԶԲՈՒՆՔԱՅԻՆ ԳՆԱՀԱՏԱԿԱՆՆԵՐ ՈՒ ՊԱՏԳԱՄՆԵՐ
Համբիկ Սարաֆյան«ԷՍՔԱՆ ՄԵՂՔԻ ՏԱԿԻՑ Ո՞ՆՑ ԵՆ ԴՈՒՐՍ ԳԱԼՈՒ»
Մարինե ԽառատյանՍՈՒՐ ԿԱՄ ԲՈՒԹ ՀԱՐՑԵՐ ՉԿԱՆ. ԿԱ ԲԱՐՈՅԱԿԱՆՈՒԹՅԱՆ ԽՆԴԻՐ
Աստղիկ ՍարգսյանԱՐԱՄ ՍԱՐԳՍՅԱՆ. «ԼԱՎԸ, ԲԱՐԻՆ, ԼՈՒՅՍԸ` ՀԱՂԹԵԼՈՒ ԵՆ»
ԱՊԱԿԱՆՎԱԾՆԵՐԻ ՎԵՐՋԻՆ ՕԹԵՒԱՆԸ
Գագիկ Շամշյան«ԴՐՈՇՈՎ ԱՂՋԻԿՆ» ՈՒ ՊԱՅՔԱՐԸ
Էմմա Գաբրիելյան«ՇԱՏ ՏԱՂԱՆԴԱՎՈՐ Է` ԱՆՊԱՅՄԱՆ ՈՒՂԱՐԿԵՔ ԱՐՏԱՍԱՀՄԱՆ»
Մարինա ԲաղդագյուլյանՍԱՌՈՒՅՑԸ ՇԱՐԺՎԵՑ
Արմեն Գրիգորյան
- 0 Մարերին հայոց տոմարի տասներորդ ամիսն է (մայիսի 8-ից մինչև հունիսի 6-իը): Ըստ Վանական Վարդապետի, դա այն ժամանակն է, երբ մայրիք (ծառերը) կանաչում են ու տերևակալում:
- 1851 Ծնվեց Եղիա Դեմիրճիպաշյանը: (Վախճ. 1908 թ.):
- 1883 Գործարկվեց Թիֆլիս-Բաքու երկաթգիծը:
- 1930 Խորհրդային ոստիկանության կողմից սպանվեց Ամենայն հայոց կաթողիկոս Գևորգ V-ը (Սուրենյանց):
- 1958 Բացվում է Հայաստանի արհմիությունների VIII համագումարը:
- 1992 Արցախի հայկական զինված ուժերը հակագրոհեցին Շուշին, այսպիսով կանգնեցնելով պատահական ռմբակոծումները և Ստեփանակերտի հրետանային ռմբակոծությունը:
- ՄՈՒԶԿԱՄԱՆԴ
- Ինչ արժե երջանկությունը
- Պարտադրված շուրջերկրյա ճանապարհորդություն
- Միջադեպ
- Իսկ դու ինչպիսի՞ բանջարեղեն ես նախընտրում... (տեսակի մասին չէ խոսքը)
- Offtopic
- Հայկական հարսանիք
- Supply: coin acceptor, coin mechanism, coin selector,coin validator,token,gaming coins.
- supplier of automatic sliding door, coin acceptor, coin selector,garage door, coin validator,air tight door,coin mechanism,revolving door
- Swedish Parliament Refuses to Recognize the 1915 Genocide
ԼՈՒՐԵՐ ՀԱՅԱՍՏԱՆ
ՕՆԼԱՅՆ ԼՈՒՐԵՐ
ԻՆՖՈՐՄԱՑԻԱ
ԻՄ ԱՐՄԹԱՈՒՆ
Ինչպե՞ս թողնել ծխելը
Ինչպե՞ս գրել Հայերեն Windows XP միջավայրում
Սույն կայքում հրատարակված նյութերը վերցված են բաց աղբյուրներից և պաշտպանված են հեղինակային իրավունքիով։ Արգելված է սույն կայքում հրատարակված նյութերի վերարտադրումը առանց իրական հեղինակի գրավոր թույլտվության։ Եթե ցանկանում եք հանել Ձեզ պատկանող նյութը, ապա ուղարկեք մեզ, պատկանելությունը վկայող փաստեր և տվյալ նութը անմիջապես կհանվի։ Բոլոր նյութերը հրատարակված են միայն ինֆորմացիոն նպատակով և մենք պատասխանատու չենք դրանց հավաստիության համար։