ՇԱՆՏԱԺԻ ՄԻ ԵՆԹԱՐԿԵՔ...
- Տեսնել էր պետք, թե ի~նչ ոգեւորությամբ, ծեքծեքումներով էր երեկ վարչապետի պաշտոնում առաջին անգամ ԱԺ-ում ելույթ ունենում Տիգրան Սարգսյանը` ներկայացնելով կառավարության ծրագիրը: Իսկը Իսպանիայի վարչապետ` միայն ափսոս Իսպանիան էր պակասում: Միգուցե դա էր պատճառը, որ նորանշանակ վարչապետը պարբերաբար կտրվում էր հայկական իրականությունից ու վերանում չգիտես ուր` Իսպանիա կամ այլ մոլորակ: Հատուկ բառարանից դուրս գրված բառեր, գունագեղ բառակապակցություններ, հղումներ քրիստոնեական արժեքներին ու կենցաղավարությանը ու մի գլուխ խոստումներ` «բարեշրջումների», «մտագործունեության» եւ այլնի տեսքով, եւ իհարկե մեջբերումներ ինչպես Ս.Սարգսյանից, այնպես էլ Ներսես Շնորհալուց: Մի խոսքով` ամեն ինչ, ինչպես թերեւս կարիերայի ծաղկուն շրջանում պատկերացրել է Տիգրան Սարգսյանը:
Նորանշանակ վարչապետը կառավարության ծրագրով աջ ու ձախ մարտահրավեր է նետում` զորօրինակ` «գավառամտությանը», որն իր մեկնաբանությամբ` այլ քաղաքակրթությունների արժեքները ներմուծելն ու կրկնօրինակելն է, եթե դրանք համահունչ չեն մեր արժեքներին: Մեր բառարանում, սակայն, չգիտես ինչու գրված է, որ գավառամտությունը հետամնացությունն է, գավառցու մտածողություն ունենալը: Պակաս հետաքրքիր չէ աղքատության հաղթահարման կոնտեքստում Հայաստանում հարստության ցուցադրությանը նետված մարտահրավերը: Նկատենք` խոսքը չի վերաբերում Իսպանիային կամ այլ երկրի: «Հասարակական համերաշխությունն ապահովելու համար անհրաժեշտ է փոխել ունեւոր խավի կենցաղավարությունը: Աղքատության հիմնախնդիր ունեցող երկրում հարստության, շքեղության, ուժի ցուցադրումն անհարիր է քրիստոնյա հայ մարդուն», - ամրագրված է կառավարության ծրագրում: Այնպես որ, այսուհետ նախագահականում ու ԱԺ-ում հանգրվանած որոշ օլիգարխներ ոչ միայն ստիպված են լինելու սովորել, քանի որ կառավարության ծրագրով հարստության միակ ճանապարհ է հռչակվում սովորելը, այլեւ հնամաշ մեքենաներ ու հագուստ նախընտրել ու չզարմանաք, եթե մի օր ձեզ խնդրեն իրենց սուրճ հյուրասիրել ձեր հաշվին: Իսկ նրանց ու մյուս օլիգարխների դղյակները, թերեւս, տեղափոխվեն արտերկիր` այդկերպ նպաստելով Հայաստանում համերաշխության մթնոլորտի ձեւավորմանը: Հայաստանի նորանշանակ կառավարությունը մարտահրավեր է նետում նաեւ եվրոպական արժեքներին: Իր ելույթում Տիգրան Սարգսյանը շեշտեց, թե մենք չպետք է կուրորեն հետեւենք եվրոպական չափանիշներին: Բրիֆինգի ժամանակ լրագրողները հետաքրքրվեցին, թե խոսքը եվրոպական հիմնարար չափանիշների՞ մասին է, որոնք վերաբերում են մարդու իրավունքներին, խոսքի եւ մամուլի ազատությանը: «Ուրեմն ուզում եմ ձեզ ասել, որ մարդու իրավունքների, խոսքի ազատությունը դրանք եվրոպական չափանիշներ չեն, դրանք հայկական չափանիշներ են», - ի գիտություն հավակնոտ եվրոպացիների` հայտարարեց Տիգրան Սարգսյանը` շարունակելով. «Եվ եթե դուք ծանոթ եք Հայ Առաքելական եկեղեցու նշանավոր գործիչներից մեկի` Մաղաքիա Օրմանյանի գրքի հետ, որտեղ նա բավականին խորիմաստ ամփոփումներ է կատարում Հայ Առաքելական եկեղեցու պատմության մասին, դուք կտեսնեք, որ դա մեր ազգին բնորոշ հատկանիշներից մեկն է եղել միշտ, եւ պետք չէ կրկնօրինակել այն, ինչ կա մեր մեջ, մեր էության մեջ: Ընդամենը դա պետք է բացահայտել եւ ներդնել: Եվ այդ արհեստական մոտեցումը, որ մենք պետք է տրվենք այդ եվրոպական արժեքային համակարգին, վիրավորական է: Վիրավորական է իրեն հայ համարող, արժանապատվություն ունեցող մարդու համար, որովհետեւ եվրոպական արժեքային համակարգը պետք է խարսխված լինի քրիստոնեական արժեքային համակարգի վրա: Եվ այսօր մենք տեսնում ենք եվրոպական բազմաթիվ այլանդակություններ, շեղումներ այդ արժեքային համակարգից, եւ մենք կուրորեն չենք հետեւելու այնպիսի արժեքներին, որոնք մեզ համար ընդունելի չեն, հարիր չեն հայ մարդուն, քրիստոնյա մարդուն: Եվ դա էլ կնշանակի գավառամտության հաղթահարում: Պետք չեն կրկնօրինակումներ, պետք է վերադառնալ մեր ակունքներին»: Թերեւս վերոնշյալ վիրավորանքն է պատճառը, որ ՀՀ կառավարությունը չի կատարում ԵԽԽՎ բանաձեւի պահանջները: Զարմանալի է միայն, թե ինչպես է Հայաստանը հաղթահարել վիրավորանքն ու դարձել ԵԽ անդամ` փոխանակ ԵԽ-ին կոչ անելու հետեւել մեր արժեքներին` հատկապես մարտի 1-ին եւ դրանից հետո: Նորանշանակ վարչապետ Տիգրան Սարգսյանը երեկ նաեւ ցնցող բացահայտում արեց` պատասխանելով պատգամավորներից մեկի հարցին. իրեն հատուկ ոճով ասաց. «Ես ձեզ հավաստիացնում եմ, որ մենք լինելու ենք ազնիվ եւ թափանցիկ, չնայած այն հանգամանքին, որ այսօր հարկային եւ մաքսային վարչարարության ոլորտում դա չափազանց դժվար է, որովհետեւ կա մեծ դիմադրություն, շանտաժ, սպառնալիքներ, մարդիկ ի վիճակի չեն աշխատելու նորովի»: Որոշ միամիտ լրագրողներ կարծեցին, թե խոսքը տարիներ շարունակ հարկերից խուսափող օլիգարխների մասին է: Բայց, ոչ: Տիգրան Սարգսյանն այսօր շանտաժի է ենթարկվում բոլորովին այլ անձանցից: «Ինչ վերաբերում է շանտաժին, ես կարծում եմ, դուք ինքներդ ականատեսն եք եղել, թե ինչպես են մարդիկ ըմբոստանում, երբ որ մենք փորձում ենք օրենքը կիրառել Հայաստանի Հանրապետությունում: Միանգամից հայտնվում են միտինգավորներ, որոնք բողոքում են, թե իրենց իրավունքները ոտնահարվում են, բայց իրականում մենք փորձում ենք օրենքն ամբողջ ուժով կիրառել, եւ չափազանց կարեւոր է, թե ովքեր են դրդում այդ մարդկանց հավաքվել կառավարության շենքի դեմ եւ կազմակերպել միտինգ, որի նպատակն է, որպեսզի մենք մաքսային ծառայությունում բարեփոխումներ չանենք, այլ վերականգնենք հին ռեժիմը, երբ որ մաքսանենգ ճանապարհով կարելի էր Չինաստանից ապրանքներ ներմուծել Հայաստան: Եվ երբ որ մենք հիմա փակել ենք այդ հնարավորությունը, այդ մարդիկ կազմակերպում են ցույցեր: Ես կարծում եմ, որ նման փոփոխություններ, որ մենք իրականացնում ենք, դրանք ցավոտ փոփոխություններ են, որովհետեւ մենք ստիպում ենք մարդկանց փոխել իրենց վարքագիծը: Դրանք ցավոտ փոփոխություններ են, որովհետեւ մարդկանց մոտ գոյություն ունի իներցիա մտածողության ու գործելակերպի», - հայտարարեց Տիգրան Սարգսյանը: Հասկացա՞ք, պարոնայք շանտաժիստ առեւտրականներ: Շանտաժի մի ենթարկեք Տիգրան Սարգսյանին, թողեք գոնե մի քիչ իրեն լավ զգա, բարեփոխումներ անի, իսկ թե քանի խանութ կփակվի ու քանի առեւտրական կմնա առանց գործ, քանի քաղաքացի` հին շորերով, դա արդեն կառավարության գործը չի: Հատկապես, որ մեր երկրում կառավարության ծրագրով խրախուսվում է համեստ կենցաղավարությունը: Իրականում, սակայն, եթե այսօր պարզվում է, որ օրինակ` Թուրքիայից եկած ապրանքների մաքսազերծման իրական գինը եղել է ասենք 8-10 դոլար, ոչ թե 2.5-3, ինչպես տարիներ շարունակ ապրանք են ներմուծել անհատ ձեռներեցները, ապա խոսքը գնում է տարիներ շարունակ իրականացվող պետական հանցագործության մասին, որը փաստորեն իրականացրել է մաքսային մարմինը: Հայտնի է նաեւ, որ մաքսային մարմինները գործել են անմիջապես վարչապետի ու նախագահի` տվյալ պարագայում Սերժ Սարգսյանի ու Ռոբերտ Քոչարյանի ենթակայության ներքո: Կամ եթե Չինաստանից ապրանքները ներմուծվել են «մաքսանենգ ճանապարհով», ինչպես ասում է Տիգրան Սարգսյանը, ապա ինչպե՞ս է չինական ապրանքը տարիներ շարունակ եղել հայկական շուկայում` նույն մաքսային աչքի առաջ: Բրիֆինգի վերջում հարց ուղղեցինք վարչապետին, թե այդ առթիվ պատասխանատվության ենթարկվելու՞ են մաքսավորները: «Ինչի՞, որ բացահայտել են, դրա համար պատասխանատվությա՞ն ենթարկվեն: Այդ մարդիկ են բացահայտել պրոբլեմը», - ասաց Սարգսյանը: Մեր դիտարկումը, թե ակնհայտ է, որ դա մաքսային մարմինների հետ համագործակցությամբ է եղել, վարչապետին դուր չեկավ. «Ես ասեցի, որ մենք բացահայտելու ենք այն թույլ կողմերը, որոնք ունենք, պատասխանատվության եք ենթարկելու այն պաշտոնյաներին, որոնք ներքաշված են անօրինական դաշտ: Եթե բացահայտենք` կպատժենք: Դեռ որ հակառակն ենք բացահայտել, մեր բիզնեսմեններն են շրջանցում, նրանք էլ եկել են, ըմբոստանում են»: «Փաստորեն, եթե մայկա վաճառողները կարողացել են Հայաստանի Հանրապետության մաքսային կոմիտեն շրջանցել, հալալ է իրենց», - նկատեցինք մենք` հավելելով, որ նորանշանակ վարչապետը իրականությունից կտրված բաներ է ասում: «Ի՞նչն է իրականությունից կտրված, որ ստվերային տնտեսությու՞ն կա Հայաստանում»- ընդդիմացավ վարչապետը` ավելի ուշ հավելելով. «Եթե բացահայտենք` կպատժենք»:
- Մարինե Խառատյան
Քննարկում
Levon-levon գրել է:
Ինչ հրաշալի , վառված սրտով է գրված: Մարինա Տոկարեվան ջանք չի խնայել սևացնելու նոր վարչապետին, ապրես Մարինա: Երբ նախագահ դառնամ, քեզ նշանակելու եմ համայն հայության ԶԱԳՍ-ի կառավարիչ, գնա ու վայելի: համ էլ թույլ կտամ քաղաքի կենտրոնում մի քանի սեղանիկ բացել և առևտուր անել:
69 օր առաջ | 
ԴԱՏԱԿԱՆ ՀԱՄԱԿԱՐԳԸ` ՓԼՈՒԶՄԱՆ ԵԶՐԻՆ
Գագիկ Աբգարյան 5
Երեկ, գրեթե միաժամանակ, Կենտրոն եւ Նորք-Մարաշ համայնքների ընդհանուր իրավասության դատարանում նշանակված էր քաղբանտարկյալներ Միսակ Հովակիմյանի եւ ՀՀՇ վարչության անդամ Հովհաննես Ղազարյանի դատը:
Դրանց ...«ՀԱՂԹԱՆԱԿԸ ՄԵՐ ԲՌԻ ՄԵՋ Է»
Կարինե Հարությունյան
«Ազատություն հերոսին»: Այս կոչը Վանատուրի երեխաների շուրթերին է: Արդեն մեկ ամսից ավել:
Այս երեխաները հասունացան որպես երկրի վաղվա տերեր, որպես հայրենիքի վաղվա զինվոր-հերոսներ, որպես Հայաստանի Հանրապետության ...ՈՐՊԵՍ ԱՄՓՈՓՈՒՄ
Վահան Շիրխանյան 16
Ի՞նչ է տվել 10 տարվա քոչարյանական կառավարումը Հայաստանին: Ինչո՞վ է Հայաստանը միջազգային կյանքում «անուն» հանել այդ 10 տարիներին.
1. 1998թ. հիմնադիր նախագահին պարտադրված հրաժարականով:
2. 1999թ. Հոկտեմբերի ...FREEDOM HOUSE-Ի ՀԱՇՎԵՏՎՈՒԹՅՈՒՆԸ
Freedom house միջազգային հեղինակավոր կազմակերպությունը վերջերս հրապարակել է նոր հաշվետվություն, որում Հայաստանի վերաբերյալ մասնավորապես նշված է.
«Սահմանադրությունը երաշխավորում է մամուլի ազատությունը` ...«ՃԱՆԱՉՈՂԱԿԱՆ ՀԱՆԴԻՊՄԱՆԸ» ԸՆԴԱՌԱՋ
Էմմա Գաբրիելյան
Մայիսի 7-ին Ստրասբուրգում նախատեսված է Հայաստանի նորանշանակ արտգործնախարար Էդվարդ Նալբանդյանի եւ Ադրբեջանի ԱԳ նախարար Էլմար Մամեդյարովի առաջին հանդիպումը, սակայն այս հանդիպման շուրջ մեկնաբանություններով ...ԲՌՆՈՒԹՅՈՒՆՆԵՐԸ ՀԱՅԱՍՏԱՆՈՒՄ ՆՈՐ ՈՐԱԿ ԵՆ ՍՏԱՆՈՒՄ
Ժաննա Ալեքսանյան 3
Մարտմեկյան իրադարձություններից հետո ականատես եղանք Հայաստանի իշխանությունների կողմից սեփական քաղաքացիների նկատմամբ իրականացվող զանգվածային բռնությունների ու հետապնդումների այնպիսի մի ալիքի, ինչը Հայաստանում ...ԶԻՆՎԵՆՔ ՎՃՌԱԿԱՆՈՒԹՅԱՄԲ ՈՒ ՆՊԱՏԱԿԱՍԼԱՑ ԼԻՆԵՆՔ
Արմեն Գրիգորյան
Ինչպես արդեն նշել էինք, վարչակարգի բնույթը նկատի ունենալով` 2008թ. հերթական ընտրությունների միջոցով ժողովրդավարացման հնարավորություն Հայաստանում չի եղել: Իսկապես, քոչարյանասերժական ավազակապետությունն ...ՇԱՆՏԱԺԻ ՄԻ ԵՆԹԱՐԿԵՔ...
Մարինե Խառատյան 1Տեսնել էր պետք, թե ի~նչ ոգեւորությամբ, ծեքծեքումներով էր երեկ վարչապետի պաշտոնում առաջին անգամ ԱԺ-ում ելույթ ունենում Տիգրան Սարգսյանը` ներկայացնելով կառավարության ծրագիրը: Իսկը Իսպանիայի վարչապետ` միայն ...ԲԻՇԱՐՅԱՆԸ ԴԵՄ Է ԲՈԼՈՐ ՏԵՍԱԿԻ ՋԻՊԵՐԻՆ ՈՒ «ԱԽՐԱՆՆԻԿՆԵՐԻՆ»
Հեղինե Մանուկյան 2
Երեկ ԱԺ երեսփոխաններից շատերի համար ծանր ու տառապալից օր էր. ստիպված էին իրենց թանկագին ժամանակից գողանալ ու գործի գալ, իսկ նման անձնուրացության պատճառն այն էր, որ իրենց ներկայությամբ պիտի պատվեին նորաթուխ ...ՀԱՅԱՍՏԱՆՈՒՄ ԺՈՂՈՎՐԴԱՎԱՐՈՒԹՅԱՆ ԿԱՅԱՑՈՒՄՆ ԱՌԱՋՆԱՀԵՐԹ ԽՆԴԻՐ Է
Ա. Սարգսյան
Հայաստանում ժողովրդավարությանն առնչվող հարցերի շուրջ է մեր զրույցը 2005-2008 թթ. Ամերիկայի հայկական համագումարի վաշինգտոնյան գրասենյակի Գիտահետազոտական եւ վերլուծության կենտրոնի տնօրեն Արմեն Խարազյանի ...ՉԿԵՑՑԵ՞ ՄԱՅԻՍԻ 1-Ը
Հեղինե Մանուկյան
Սոցիալ-դեմոկրատ հնչակյան կուսակցության ատենապետ Լյուդմիլա Սարգսյանը ս/թ ապրիլի 23-ին Երեւանի քաղաքապետարան էր ներկայացրել իրազեկում 2008թ.-ի մայիսի 1-ին, ժամը 13: 00-16: 00-ն ՍԴՀԿ-ի կողմից միջոցառում ...ԵՎ ԴԱՐՁՅԱԼ ՊԱՏՄՈՒԹՅԱՆ ՄԱՍԻՆ
Ինձ ստիպեցին: Ես չէի ուզում: Պարզապես երբ տեսնում ես, որ ումնի տեսքով սկսում են ոչ էնքան «ումնի» բաներ խոսել` մեկ-մեկ չես դիմանում:
Որ մեր պատմությունը հեքիաթ է` արդեն ասել եմ: Լավագույն դեպքում` ...«ԳՅՈՒՄՐԻ Ե՞Ս ԳՆՈՒՄ, ԹԵ՞ ԹԱԼԻՆ»
Էմմա Գաբրիելյան
Հյուսիսային պողոտայում երեկ «քաղաքական զբոսանքի» եկածները, ինչպես յուրաքանչյուր օր, զբոսնում, «Ազատություն» ռ/կ-ի երեկոյան թողարկումն էին ունկնդրում, երեխաները խաղում-վանկարկում էին` «Ազատ, անկախ Հայաստան», ...
ԱՍՔ «ՕՐԻՆԱՑ ԵՐԿՐԻ» ԱՐԹՈՒՐՉԻԿԻ, «ՄԵՐԿ» ՎԱՐՉԱՊԵՏԻ, «ԻՄՊՈՏԵՆՏ» ԱԺ-Ի ԵՒ ԵՐԿՈՒՆՔԻ ՄԱՍԻՆ
Հեղինե Մանուկյան
ԱՐԱՄ ՍԱՐԳՍՅԱՆ. «ԻՇԽԱՆՈՒԹՅԱՆ ՕՐԵՐԸ ՀԱՇՎԱԾ ԵՆ»
Կարինե ՀարությունյանՌԵԺԻՄԸ ՄԱՀՎԱՆ ՋՂԱՁԳՈՒՄՆԵՐԻ ՄԵՋ Է
Կարինե ՀարությունյանՏԱՔ ՍՐՏՈՎ, ՍԱՌԸ ԳԼԽՈՎ ՀԱԿՈԲՅԱՆԸ
Հեղինե ՄանուկյանԲՌՆԱԿԱԼՈՒԹՅՈՒՆԸ ՆՈՐ ՃԱՔԵՐ Է ՏԱԼԻՍ
Գագիկ Աբգարյան«ՄԵՐ ԼԵՒՈՆԸ` ՆԱԽԱԳԱՀ, ԻՍԿ ՍԵՐԺԻԿԸ... ՊՈՒ, ՊՈՒ, ՊՈՒ...»
Էմմա ԳաբրիելյանԴԱՇԲՈՒԼԱ՞Ղ, ԹԵ՞ ՍՏՐԱՍԲՈՒՐԳ
Միքայէլ ՀայրապետեանՈՐՊԵՍ ԱՄՓՈՓՈՒՄ
Վահան Շիրխանյան«...ՀԱՌԱՋԱԴԻՄՈՒԹՅՈՒՆ ԿՊՈՌԱՆՔ ԵՒ ԵՏ-ԵՏ ԿԵՐԹԱՆՔ...»
Նելլի ՇահնազարյանԲԻՇԱՐՅԱՆԸ ԴԵՄ Է ԲՈԼՈՐ ՏԵՍԱԿԻ ՋԻՊԵՐԻՆ ՈՒ «ԱԽՐԱՆՆԻԿՆԵՐԻՆ»
Հեղինե Մանուկյան
- 1901 Մահացավ թատերագիր, գրագիր և Պ. Դուրյանի ուսուցիչ Սրապիոն Թոլյանը, Սիպիլի Եսային:
- 1915 Մահացավ հեղափոխական գործիչ Սարգիս Բարսեղյանը (Վանա Սարգիս): (Ծնվ. 1875թ.-ին):
- 1927 Շահագործման է հանձնվում Երևանի կարբիդի գործարանը:
- 1941 Երևանում վախճանվեց ՀԽՍՀ ժողովրդական նկարիչ Փանոս Թերլեմեզյանը: (Ծնվ. 1865թ.-ին):
- 1947 ԱՄՆ-ում հրավիրվեց համաշխարհային հայկական կոնգրես:
- 1981 Միացյալ Նահանգների ցեղասպանությունների հիշատակման խորհուրդը, անկախ դաշնային գործակալությունը միաձայն որոշեցին, որ Միացյալ Նահանգների ցեղասպանությունների հիշատակման թանգարանում պետք է ընդգրկվի նաև հայկական ցեղասպանությունը և դա արվեց:
- 1991 Խորհրդային զորքերի և ադրբեջանական հրոսակախմբերի կողմից Գետաշենում և Մարտաշենում սկսվեց «Օղակ» օպերացիան:
- 1993 Միացյալ Ազգերի Անվտանգության խորհուրդը իր 3205-րդ ժողովում ընդունեց 822-րդ որոշումը:
- State Dept.'s David Kramer Owes an Apology for Misusing "Anti-Semitism" Card Against Armenia
- Ter-Petrossian had a meeting with the neo-fascist Turkish leader Alparslan Türkes
- levon ter petrosyan : a foreign agent
- The strategic research centre makes sensational revelations
- Open Letter to John Hughes who is the "agent in chief of the supposed "information" media armenia now which is 100% financed by the CIA.
- FOR THE RESPECT OF DEMOCRACY AND SURVIVAL OF THE ARMENIAN NATION
- Պարտադրված շուրջերկրյա ճանապարհորդություն
- ՄՈՒԶԿԱՄԱՆԴ
- Ինչ արժե երջանկությունը
- Միջադեպ
ԼՈՒՐԵՐ ՀԱՅԱՍՏԱՆ
ՕՆԼԱՅՆ ԼՈՒՐԵՐ
ԻՆՖՈՐՄԱՑԻԱ
ԻՄ ԱՐՄԹԱՈՒՆ
Ինչպե՞ս թողնել ծխելը
Ինչպե՞ս գրել Հայերեն Windows XP միջավայրում
Սույն կայքում հրատարակված նյութերը վերցված են բաց աղբյուրներից և պաշտպանված են հեղինակային իրավունքիով։ Արգելված է սույն կայքում հրատարակված նյութերի վերարտադրումը առանց իրական հեղինակի գրավոր թույլտվության։ Եթե ցանկանում եք հանել Ձեզ պատկանող նյութը, ապա ուղարկեք մեզ, պատկանելությունը վկայող փաստեր և տվյալ նութը անմիջապես կհանվի։ Բոլոր նյութերը հրատարակված են միայն ինֆորմացիոն նպատակով և մենք պատասխանատու չենք դրանց հավաստիության համար։