Հրատարակվում է

ԼԵՒՈՆ ՏԵՐ-ՊԵՏՐՈՍՅԱՆ. «ԱՅՍ ԻՇԽԱՆՈՒԹՅՈՒՆԸ ՉԻ ՃԱՆԱՉՎԻ»

• 
  Ռուսաստանյան «Նովիե Իզվեստիա» պարբերականն իր երեկվա համարում հարցազրույց է հրապարակել ՀՀ առաջին նախագահ Լեւոն Տեր-Պետրոսյանի հետ: Ռուսաստանյան պարբերականը հարցազրույցը տպագրել է որոշ կրճատումներով, սակայն այն մենք ձեր ուշադրությանն ենք ներկայացնում ամբողջությամբ: «Նովիե Իզվեստիայում» տպագրված հարցազրույցից դուրս մնացած հատվածներն ընդգծված են:

  Հայաստանի իրավիճակը շարունակում է մնալ միջազգային հանրության ուշադրության կենտրոնում: ԱՄՆ Կոնգրեսի Ներկայացուցիչների պալատը ապրիլի 17-ին լսումներ է անցկացնելու այդ թեմայով: Կոնգրեսի Հելսինկյան կոմիտեի իրավապաշտպանների կարծիքով՝ փետրվարի 19-ին Հայաստանում կայացած նախագահի ընտրությունները բերել են «լուրջ քաղաքական ճգնաժամի»: Այդ հարավկովկասյան երկրի իրավիճակի մասին մեր թերթին արդեն պատմել են իշխանության ներկայացուցիչները: Այսօր մենք հրապարակում ենք հարցազրույց ընդդիմության առաջնորդ, ՀՀ առաջին նախագահ Լեւոն Տեր-Պետրոսյանի հետ:

  - Ինչպիսի՞ն է Ձեր գնահատականը նախագահի ընտրություններից առաջ եւ հետո կատարված իրադարձությունների վերաբերյալ: - Այն, ինչ կատարվեց փետրվարի 19-ին, որեւէ կերպ չի կարելի ընտրություններ անվանել: Դա կոպտագույն բռնություն էր ժողովրդի կամքի վրա: Այդ օրվան նախորդեցին իմ հազարավոր կողմնակիցների ձերբակալությունները եւ ոստիկանություն բերման ենթարկելը: Նրանց սպառնում էին, ահաբեկում, որ չմասնակցեն իմ քարոզարշավին: Իմ հանրահավաքներին իշխանությունները սադրանքներ էին կազմակերպում, իշխանության վերահսկողության տակ գտնվող հեռուստատեսային բոլոր ալիքներով ընտրարշավի միակողմանի լուսաբանում էր ընթանում, փորձում էին իմ անձը դեմոնիզացնել ժողովրդի մեջ: Իսկ ընտրությունների օրը կազմակերպվեց իմ երկու հարյուր կողմնակիցների, վստահված անձանց, դիտորդների ծեծ: Ամենից սարսափելին սկսվեց ժամը 20-ից հետո, երբ փակեցին տեղամասերը ձայների հաշվարկի համար: Իրականացվեց վստահված անձանց համատարած վտարում եւ ընտրությունների արդյունքների կեղծում: Հետեւեցին ԵԱՀԿ դիտորդների երկու զեկույցներ: Հատկապես կոշտ էր երկրորդը: Նրանից հետեւում էր, որ ընտրություններ, որպես այդպիսին, չեն եղել, եւ հետեւաբար մենք չենք կարող ճանաչել դրանք: Հետագա բազմահազարանոց խաղաղ հանրահավաքներն ապացուցեցին, որ ժողովուրդը եւս չի ընդունում այդ փաստերը: Այն օրը, երբ մեզ միացան Սերժ Սարգսյանի հանրահավաքի մասնակիցները, ցուցարարների քանակը հասավ 300-400 հազարի: Իսկ ակտիվիստների նման քանակությունը արդեն ողջ ժողովուրդն է: Իշխանությունները հասկանում էին, որ այդ մթնոլորտում Սահմանադրական դատարանը չի կարող իրենց համար ընդունելի վճիռ կայացնել: Պետք էր փոխել մթնոլորտը, եւ նրանք կազմակերպեցին սադրանք՝ Ազատության հրապարակում հանրահավաքի ցրումը: Դա մանրակրկիտ կերպով պլանավորված ծրագիր էր՝ ընդհուպ խանութների թալանը եւ ցուցարարների գնդակահարումը: Նրանց առիթ էր պետք ՍԴ նիստն անցկացնել արտակարգ դրության պայմաններում, եւ նրանք հասան դրան:

  - Ի՞նչ կասեք այսօրվա իրավիճակի վերաբերյալ: - Հայաստանում քաղբանտարկյալների թիվը հասնում է 150-ի: Ես չեմ ճանաչում Եվրոպայի խորհրդի անդամ այլ պետություն, որտեղ քաղբանտարկյալներ կան: Կալանքի տակ են իմ գրեթե բոլոր վստահված անձինք, իմ շտաբների բոլոր ղեկավարները: Շատերը ստիպված են թաքնվել: Ավելին` գյուղերում, որտեղ ես հաղթել եմ, աշխատանքից ազատում են գյուղերի ղեկավարներին: Աշխատանքից ազատում են այն ընտրական հանձնաժողովների նախագահներին, որտեղ ես հաղթել եմ: Ամեն օր ոստիկանություն եւ ԱԱԾ են հրավիրվում տասնյակ մարդիկ, որոնք քաղաքացիական ակտիվություն են ցուցաբերել: Նրանց սպառնում են, հեռացնում աշխատանքից, հարվածում նրանց բիզնեսին: Ապրիլի 9-ին, միջազգային հանրության, եւ առաջին հերթին եվրոպական կազմակերպությունների, օրհնությամբ Հայաստանը ստացավ բռնապետական, քրեական վարչակազմ, որը, մեղմ ասած, չի վայելում ժողովրդի վստահությունը: Նույնիսկ նրանք, ովքեր քվեարկել էին Սերժ Սարգսյանի օգտին, այն ջարդից հետո, որը խաղաղ ցուցարարների գլխին բերեցին իշխանությունները, մեծ մասամբ նրանց դեմ են: Հասարակության կողմից սրվելու է ատելությունը իշխանությունների դեմ: Այսինքն` եթե կուզեք դասական «գանդիզմ», քաղաքացիական անհնազանդություն, եւ մենք ուղղորդելու ենք այդ տրամադրությունները: Եթե հարցնեք ինձ, թե ի՞նչ եմ անելու, կասեմ՝ ձեւավորելու եմ որոշակի հասարակական կարծիք, որ այս իշխանությունը չճանաչվի: Թե ինչպիսի քաղաքական ձեւեր դա կընդունի` ես հիմա չեմ կարող ասել: Թե ինչպիսի քաղաքական քայլերի կհանգեցնի` ցույց կտա ժամանակը: Դրա համար օգտագործելու ենք բոլոր հնարավոր օրինական միջոցները:

  - Ինչպե՞ս եք գնահատում արեւմտյան կառույցների արձագանքը Հայաստանի ընտրություններին: - Հայաստանը ԵԱՀԿ եւ ԵԽ անդամ է եւ նրա կառավարությունը որոշակի պարտավորություններ ունի այդ կազմակերպությունների առաջ: Դրա հետ մեկտեղ, կարծում եմ, որ այդ կազմակերպությունները եւս պարտավորություններ ունեն մեր ժողովրդի առջեւ: Այդ ժողովրդի իրավունքների պաշտպանությունը, ժողովրդավարության զարգացումը, երկրում օրինականության ամրապնդումը նրանց պարտավորություններն են մեր ժողովրդի առջեւ: Սակայն Հայաստանի կառավարությունից խստորեն պահանջելով պարտավորությունների կատարում, միաժամանակ մոռանում են իրենց՝ մեր ժողովրդի առջեւ ունեցած պարտավորությունների կատարման մասին: Այստեղից էլ Հայաստանում կատարված իրադարձությունների նկատմամբ այդ ֆորմալիստական մոտեցումը: Ընտրությունների մասին: Դա առաջին անգամը չէ: Նրանք գալիս են, ինչ-որ առաքելություն կատարում, վերադառնում եւ զեկուցում իրենց ղեկավարությանը՝ ինչ-որ թերություններ ենք տեսել, ինչ-որ հանձնարարականներ ենք տալիս, որ հաջորդ ընտրություններին վերացնեն, հետագա բարելավման հույս ունենք, օրենսդրության մեջ դրական քայլեր, իսկ իշխանության մոտ՝ ժողովրդավարության խորացման ցանկություն ենք նկատում: Ի՞նչ եմ տեսնում այս ամենում: Իրենց գոյության արդարացում: Դրանք, ըստ էության, մաքուր բյուրոկրատական կազմակերպություններ են՝ նկատի ունեմ աշխատակազմը: Այնտեղ հավաքվել են դիվանագետ թոշակառուներ եւ երիտասարդ կարիերիստներ, որոնք չեն կարող ասել, որ իրենց պատասխանատվության տակ գտնվող երկրներից մեկում ամեն ինչ վատ է: Այդ դեպքում նրանց հարցնելու են՝ բա մինչեւ այժմ ինչո՞վ եք զբաղվել: Դա այժմ հասկանում են Երոպայում, կան քննադատություններ, հոդվածներ այդ ուղղությամբ: Եթե առաջ այդ կազմակերպությունների դեմ հանդես էին գալիս հիմնականում կառավարությունները, ապա այժմ նրանց դեմ հանդես է գալիս արդեն հանրությունը, ընդդիմությունը, ինչը նրանց համար առանձնապես վտանգավոր է: Դա եւ Վրաստանում է եղել, եւ Հայաստանում, եւ Ադրբեջանում կան նման միտումներ: Այդ կազմակերպությունների դիտորդների գործողություններից դժգոհ են բոլորը: Գալիս են, խախտումների ցանկ կազմում, վերջում էլ հայտարարում, թե այդ խախտումները չեն ազդել ընտրությունների արդյունքների վրա: Ես հարցնում եմ նրանց՝ եթե հազարավոր մարդիկ բերման են ենթարկվել ոստիկանական բաժանմունքներ, եթե մարդկանց ծեծել են, ձերբակալել, եթե գնում է միակողմանի քարոզչություն, այդ ամենը չի՞ ազդել ընտրությունների արդյունքների վրա: Ամեն ինչ նկարագրում են, վերջում էլ նման անհեթեթ ձեւակերպում: Ես չգիտեմ` դա տրամաբանության պակա՞սն է, թե՞ անբարոյական ինչ-որ բան... Գրում ես, թե տասնյակ վստահված անձանց դուրս են վտարել ձայների հաշվման ժամանակ, եւ դա չի՞ ազդել ընտրությունների արդյունքների վրա: Կարծում եմ՝ վաղ թե ուշ այդ կազմակերպությունները պիտի բարեփոխվեն:

  - Ինչպիսի՞ն եք տեսնում Հայաստան-ՆԱՏՕ փոխհարաբերությունները: - Դա չարչրկված հարց է: Հայաստանի քաղաքական օրակարգում նման հարց դրված չէ: Ոչ իմ իշխանության, ոչ էլ Քոչարյանի օրոք նման հարց դրված չի եղել, եւ խոսել դրա մասին իմաստ չունի: Ինչ վերաբերում է ՆԱՏՕ-ի հետ փոխհարաբերություններին տարբեր ծրագրերի շրջանակներում` նման հարաբերություններ բոլորն ունեն: Նույն Ռուսաստանը եւս ունի, նույնիսկ ավելի սերտ, քան Հայաստանը: Փաստ է, որ Հայաստանը գտնվում է ԱՊՀ անվտանգության համակարգում: Առայժմ դա Հայաստանին ձեռք է տալիս, եւ ես որեւէ առիթ չեմ տեսնում Հայաստանին արհեստականորեն մղել այլ ուղղությամբ: Առավել եւս, որ ոչ մեկը չի հրավիրում:

  - Ինչպե՞ս կարելի է հասնել գոնե նվազագույն առաջընթացի Ղարաբաղի խնդրի լուծման ուղղությամբ: - Լավագույն լուծումը ներկա պահին կլինի ԵԱՀԿ Մինսկի խմբի համանախագահների ներկայացրած կարգավորման նախագծի անհապաղ իրականացումը: Սակայն այն բանից հետո, երբ Ադրբեջանը հասավ ՄԱԿ-ի ԳԱ հայտնի բանաձեւին, այդ նախագծի իրականացումը խնդրահարույց է:

  - Ինչպիսի՞ն եք տեսնում Հայաստանում ռուսական բիզնեսի եւ Ռուսաստանում հայկական բիզնեսի հեռանկարները: - Դա պարզունակ է: Եթե Սերժ Սարգսյանը մնա նախագահ, գործող քրեական համակարգը կախված կլինի քրեական Ռուսաստանից: Կլինի բիզնես, կլինի համագործակցություն, բայց դա հիմնականում կլինի Հայաստանի եւ Ռուսաստանի քրեական աշխարհների միջեւ: Ցանկացած այլ, օրինապաշտ իշխանության դպքում կլինեն չափազանց սերտ, նորմալ հարաբերություններ ռուսական պետության հետ:

  - Դուք հայտնի գիտնական եք: Կապեր ունե՞ք ռուսաստանցի գործընկերների հետ: - Իհարկե. ուղիղ կամ միջնորդավորված, բայց ունեմ: Հիմնականում իմ լենինգրադյան գործընկերների հետ: Նրանք արեւելագետներ են. պատմական գիտությունների դոկտորներ Կարեն Յուզբաշյան, Ելենա Մեշերսկայա, Ալեքսանդր Խոսրոեւ, Էրմիտաժի տնօրեն Միխայիլ Պիոտրովսկի, ԼՊՀ արեւելագիտության ֆակուլտետի դեկան Իվան Ստեբլին-Կամենսկի: Նրանք բոլորն իմ ընկերներն են: Հանդիպում ենք, իհարկե, ոչ հաճախ, երբ նրանք հնարավորություն են ունենում ժամանել Երեւան:

• ԿԱՌԱՎԱՐՈՒԹՅԱՆԸ ՔՆՆԱԴԱՏԵԼԸ ԴԱՎԱՃԱՆՈՒԹՅՈՒՆ ՉԷ

  Եվրոպայի խորհրդի մարդու իրավունքների հանձնակատար Թոմաս Համարբերգը երեկ հրավիրված ասուլիսում հայտնեց, որ չի կարող հայց առ հայց ասել, թե Հայաստանում վերջին շրջանում ձերբակալվածներից ով է քաղբանտարկյալ, ...

• ՀԱՅԱՍՏԱՆԸ ՆԵՐԿԱՅԱՑՆՈՂ ՑՈՒՑԱՀԱՆԴԵՍ ՆՅՈՒ ՅՈՐՔՈՒՄ

  Ողջ աշխարհի հայերի մասին 60 լուսանկար... Նյույորքաբնակ Բերբերյանը 1976 թվականից ճանապարհորդել է ողջ աշխարհով, իսկ նրա բազմաթիվ ուղեւորությունները Հայաստան սկսել են 1988 թվականի ավերիչ երկրաշարժից հետո, ...

• ՆՈՐ ԱՇԽԱՐՀԱԿԱՐԳԻ ՈՒՐՎԱԳԾԵՐԸ ԿԵՆՏՐՈՆԱԿԱՆ ԱՍԻԱՅՈՒՄ

  Գոհար Բարսամյան   
  Կենտրոնական Ասիայում Շանհայի համագործակցության երկրների կազմակերպությունը խոչընդոտներ չի տեսնում ՆԱՏՕ-ի հետ համագործակցության հարթակում, ինչը նախեւառաջ վերաբերում է Աֆղանստանին: Թե Շանհայի համագործակցության ...

• «ԷՍՊԵ՞Ս ԵՆ ՀԱՅՐԵՆԻՔ ՍԻՐՈՒՄ, ՀԱ՞»

  Մարինա Բաղդագյուլյան   1
  Փետրվարի 26-ի խուզարկության ժամանակ Հուսիկ Բաղդասարյանի տնից առգրավվել էր 16 փամփուշտ: Հետո նրա նկատմամբ քրեական գործ հարուցվեց այն հիմնավորմամբ, որ առգրավված փամփուշտներից երկուսը որսորդական զենքի համար ...

• «ԴՈՒՔ ՄԵՐ ՀԵՐՈՍՆԵՐՆ ԵՔ, ՄԵՆՔ ՀՊԱՐՏ ԵՆՔ ՁԵԶԱՆՈՎ»

  Գագիկ Աբգարյան   
  Երեկ Արագածոտնի մարզի ընդհանուր իրավասության դատարանը` դատավոր Մանուկ Մարգարյանի նախագահությամբ, ազատազրկման վճիռ կայացրեց Մկրտիչ, Ժորա եւ Անդրանիկ Սափեյանների, ինչպես նաեւ Հայկ Գեւորգյանի նկատմամբ: ...

• ԶՐՈՒՅՑՆԵՐ ՀՅՈՒՍԻՍԱՅԻՆ ՊՈՂՈՏԱՅՈՒՄ

  Մարինե Խառատյան   3
  Մինչ իրեն ՀՀ նախագահ պատկերացնող Ս.Սարգսյանը զբաղված է նորանոր նշանակումներով, իսկ կառավարության նոր ղեկավարը «առանց պոպուլիզմի» հայտարարում է, թե բարձրանում է գազի գինը, քանի որ դեռ հունվարին` ընտրությունների ...

• ՆԱՄԱԿ ՀԱՅԵՐԻՆ ԵՒ ՆՐԱՆՑ ՊԵՏԱԿԱՆ ԱՅՐԵՐԻՆ՝ ՄԻ ՖՐԱՆՍՈՒՀՈՒ ԿՈՂՄԻՑ

  Լուիզեթ Լամաղշ   1
  Ամուսնացած լինելով հայի հետ եւ ապրելով Ֆրանսիայում` ես մեծ հաճույքով այցելում եմ ձեր երկիրը: 17 տարուց ավել է աշխատում եմ Ազգաբնակչության սպասարկման պետական ծառայության ոլորտում: Աշխատանքիս բնույթի բերմամբ ...

• «ՌԵԺԻՄԻ ՉԱՓԱԶԱՆՑՎԱԾ ԱՐՁԱԳԱՆՔԸ ՎՏԱՆԳԱՎՈՐ Է ՀԵՆՑ ՌԵԺԻՄԻ ՀԱՄԱՐ»

  Էմմա Գաբրիելյան   2
  Միացյալ Նահանգների Կոնգրեսի Հելսինկյան հանձնաժողովը վաղը` ապրիլի 17-ին, կանցկացնի լսումներ հետընտրական Հայաստանում ստեղծված իրավիճակի վերաբերյալ: «Փետրվարի 19-ի նախագահական ընտրություններից հետո Հայաստանն ...

• «ՅՈԹԸ ՊՈՐՏՈՎ ՊԻՏԻ ՊԱՏԱՍԽԱՆ ՏԱՆ»

  Հեղինե Մանուկյան   
  Նախորդ օրը մեկնարկած` ի պաշտպանություն քաղբանտարկյալների պիկետն, ըստ նախատեսվածի, երեկ շարունակվեց ՀՀ-ում Ֆրանսիայի դեսպանատան մոտ: Այն պետք է սկսվեր ժամը 13: 00-ին, սակայն դեռ մեկ ժամ առաջ դեսպանատան ...

• ԼԵՒՈՆ ՏԵՐ-ՊԵՏՐՈՍՅԱՆ. «ԱՅՍ ԻՇԽԱՆՈՒԹՅՈՒՆԸ ՉԻ ՃԱՆԱՉՎԻ»

  19
  Ռուսաստանյան «Նովիե Իզվեստիա» պարբերականն իր երեկվա համարում հարցազրույց է հրապարակել ՀՀ առաջին նախագահ Լեւոն Տեր-Պետրոսյանի հետ: Ռուսաստանյան պարբերականը հարցազրույցը տպագրել է որոշ կրճատումներով, սակայն ...

• ԼՐՋԱՆՈՒՄ Է...

  Էմմա Գաբրիելյան   
  Եվրոպայի խորհրդի խորհրդարանական վեհաժողովի (ԵԽԽՎ) մոնիտորինգի հանձնաժողովը երեկ ընդունել է Հայաստանում ժողովրդավարական ինստիտուտների վիճակի վերաբերյալ բանաձեւի նախագիծը, որը Հայաստանի իշխանություններին ...

• ԱՆՑՆՈՂ, ԲԱՅՑԵՒ` ՈՉ ՄԻ ԿԵՐՊ ՉԱՆՑՆՈՂ ԳԵՏԻ ՄԱՍԻՆ, ՈՐԸ, ԵՐԵՒԻ ԹԵ ԿԱՄ` ԱՄԵՆԱՅՆ ՀԱՎԱՆԱԿԱՆՈՒԹՅԱՄԲ, ԺԱՄԱՆԱԿՆ Է ԽՈՐՀՐԴԱՆՇՈՒՄ...

  Վարպետը մի սիրած պատմություն ուներ. Խոջա Նասրեդինի մասին: Ուրեմն Խոջան նստած է գետի ափին: Մի ժամ, երկու ժամ, երեք ժամ... Անցնող-դարձողի համար արդեն նա ինքն էլ է կամաց-կամաց դառնում բնապատկերի մի մասը: ...

• ԱԶԱՏՈՒԹՅԱՆ ՀՐԱՊԱՐԱԿԸ ՄՆՈՒՄ Է ԱՆԱԶԱՏՈՒԹՅԱՆ ՄԵՋ

  Էմմա Գաբրիելյան   2
  Երեկ երեկոյան մայրաքաղաքի կենտրոնը հիշեցնում էր արտակարգ դրության օրերը` դարձյալ Օպերայի շրջակայքը ոստիկանացված էր: Այս տարածքով անցնող երեւանցիները դարձյալ ապշած, հարցական հայացքներով նայում էին ոստիկանների ...

• ԴԵ ՅՈՒՐԵՆ ՈՒ ԴԵ ՖԱԿՏՈՆ: ՓԱԿՈՒՂԻ: ՓԱԿՈՒՂԻ՞... ԲՆԱՎ

• ԿԱՌԱՎԱՐՈՒԹՅԱՆ ՇԻԶՈՖՐԵՆԻԿ ԿԵՑՎԱԾՔԸ

  Կարինե Հարությունյան   

• ԵՎ ԴԱՐՁՅԱԼ՝ ԹԱԹԱՐ-ՄՈՆՂՈԼԱԿԱՆԻ ՄԱՍԻՆ

  Էմմա Գաբրիելյան   

• ՍԻՐՈՒՆՅԱՆԻ ՎԵՐԱԲԵՐՅԱԼ` ՍԻՐՈՒՆ ԷԼ ԳՈՐԾ ԵՆ ԹԽԵԼ

  Հեղինե Մանուկյան   

• ՀԵՐԹԱԿԱՆ ԱՆԱԿՆԿԱԼԸ

  Է.Գ.   

• ՎԱՐԴԱՆ ՕՍԿԱՆՅԱՆԻ ՀԵՔԻԱԹՆԵՐԻ ԱՇԽԱՐՀԸ

  Էմմա Ազատյան   

• «ԳԻՏԵՆՔ` ԻՆՉԻ ՀԱՄԱՐ ԵՆՔ ՊԱՅՔԱՐՈՒՄ»

  Կարինե Հարությունյան   

• ԻՐԵՆՑ ԳՅՈՒՂԻ ԳԵՆԵՐԱԼԸ...

  Հեղինե Մանուկյան   

• ՆՐԱՆՔ ՄԵՐ ԸՆՏԱՆԻՔԻ ԱՆԴԱՄՆԵՐԸ ՉԵՆ

  Գրիգոր Խաչատրյան   

• «ԷՍՊԵ՞Ս ԵՆ ՀԱՅՐԵՆԻՔ ՍԻՐՈՒՄ, ՀԱ՞»

  Մարինա Բաղդագյուլյան   

• «ՆԱԽԱԳԱՀԻ» ԱՌԱՋԻՆ ՕՐԸ ԾԵԾՈՒՋԱՐԴՈՎ ՍԿՍՎԵՑ

  Էմմա Գաբրիելյան   

• ՄԻ ԲԱՆԴԱՅԻ ԱՆԴԱՄԻ ԽՈՍՏՈՎԱՆԱԿԱՆ ԳՐԱՌՈՒՄՆԵՐԻՑ

  Մեսրոպ Հարությունյան   

• ԿԱՐՈ ԿԱՐԱՊԵՏՅԱՆ. «ՊԱՅՔԱՐԵԼՈՒ ԵՆՔ ՄԻՆՉԵՒ ՎԵՐՋ»

  Կարինե Հարությունյան   

• «SANCTAS SIMPLICITAS» («ՍՈՒՐԲ ԱՆՄԵՂՈՒԹՅՈՒՆ»)

  Գրիզելդա Ղազարյան   

• 100 ՕՐ ԺԱՄԿԵՏ «ՆՈՐԸՆՏԻՐ» ՆԱԽԱԳԱՀԻՆ

  Հեղինե Մանուկյան   

• 1879  Մոսկվայում մահացավ հայտնի հրապարակախոս «Հյուսիսափայլի» խմբագիր Ստեփանոս Նազարյանցը: (Ծնվ. 1812թ.-ին):
• 1918  Թիֆլիսում լույս է տեսնում «Տեղեկատու» օրաթերթը՝ առաջին խորհրդային թերթը հայերեն:
• 1923  ՀԽՍՀ Ժողկոմխորհուրդը որոշում է Խորհրդային Հայաստանի պետկինո (Հետագայում Հայկինո) ստեղծելու մասին:
• 1953  Երևանում մահացավ ականավոր լեզվաբան, ակադեմիկոս Հրաչյա Աճառյանը: (Ծնվ. 1876թ.-ին):
• 1958  Մահացավ երգահան Վաղարշակ Սրվանձտյանը:
• 1959  ՀԽՍՀ Գերագույն խորհուրդի սեսիան հաստատում է օրենք «Կյանքի հետ դպրոցի կապի ամրապնդման և ՀԽՍՀ-ում ժողովրդական կրթության սիստեմի հետագա զարգացման մասին»:
• 1984  ԱՄՆ-ի կոնգրեսի ներկայացուցիչների պալատը ընդունեց բանաձև (թիվ 247) և պահանջեց կառավարությունից 1985թ. ապրիլի 24-ը հայտարարել «Մարդու կողմից մարդու նկատմամբ անմարդկային վերաբերմունքի հիշատակման ազգային օր»:
• 1984  Մարդկանց մշտական միջազգային տրիբունալը ճանաչեց հայերի ցեղասպանությունը:
• 1998  Փարիզի Սորբոն համալսարանում տեղի ունեցավ հայերի ցեղասպանության նվիրված միջազգային սեմինար: Այն կազմակերպվել էր ՀՅԴ-ի Ֆրանսիայի Հայ Դատի հանձնախմբի կողմից, Մեծի Տանն Կիլիկիո կաթողիկոսարանի հովանավորությամբ:

• am
• ru
• en

ԼՈՒՐԵՐ ՀԱՅԱՍՏԱՆ

• Ա1+
• Ազատ Արցախ
• Ազգ
• Առավոտ
• Ազատություն
• ԱրմենիաՆաու
• Երկիր
• Հայոց Աշխարհ
• Չորրորդ Իշխանութ.
• Պանորամա
• Պանարմենիան
• Ժամանակ

ՕՆԼԱՅՆ ԼՈՒՐԵՐ

• Օնլայն Ռադիո

ԻՆՖՈՐՄԱՑԻԱ

• Եղանակ
• Դրամի Փոխարժեք
• Վիճակագրություն

ԻՄ ԱՐՄԹԱՈՒՆ

• Կայքի Առօրյան
• Ֆորում
• Քվեարկություն
• Լուրերի Էքսպորտ
• Կոդավորվորիչ նոր