Հրատարակվում է

«ՀԱՅՐԱՊԵՏՅԱՆԸ ՅՈՒՐԱՀԱՏՈՒԿ ԴԱՍԱԽՈՍ Է, ԲԱՅՑ, ԱՓՍՈՍ, ՀԵՌԱՑՎԵՑ»

• 
  Լեւոն Տեր-Պետրոսյանի թիմակից` Պահպանողական կուսակցության ղեկավար, ՀՊՃՀ «Հասարակական գիտությունների եւ լեզուների դեպարտամենտի» հայոց լեզվի ամբիոնի դոցենտ, բ.գ.թ. Միքայել Հայրապետյանը ապրիլի 2-ին հեռացվել է աշխատանքից` փետրվարի 22-ից անհարգելի պատճառով աշխատանքի չներկայանալու համար:

  Թեեւ լուրեր են շրջանառվում այն մասին, որ Միքայել Հայրապետյանն իրականում հեռացվել է իր քաղաքական հայացքների, ավելի ստույգ` Լեւոն Տեր-Պետրոսյանին սատարելու պատճառով: Երեկ այցելեցինք բուհ` պարզելու դասախոսի հեռացման իրական պատճառները: Ուսումնամեթոդական հարցերով եւ մասնաճյուղերի գծով պրոռեկտոր Միքայել Հարությունյանը մեզ հետ զրույցում ասաց. «Պատճառը միակն է` աշխատանքի չներկայանալը: Համաձայն ՀՀ աշխատանքային օրենսգրքի, Հայրապետյանին ժամանակ առաջ նկատողություն է ներկայացվել, ապա` խիստ նկատողություն, իսկ հետո` հեռացվել է աշխատանքից, քանի որ փետրվարի 22-ից մարտի 31-ը չի ներկայացել աշխատանքի: Նա մեկ ամբողջ հաստիքով էր աշխատում, դասավանդում էր 8 ակադեմիական խմբերում, գործնականում նա ամբողջ շաբաթ ծանրաբեռնված էր ուսումնական գործընթացով»: Հարցին, թե մինչ այդ` սկսած 2005թ.-ից, ինչ Հայրապետյանը դասավանդում է բուհ-ում, երբեւէ խնդիրներ ծագե՞լ են նրա հաճախումների հետ, պրոռեկտորը նկատեց. «Ոչ մի խնդիր»: Իսկ լուրերն այն մասին, թե Հայրապետյանն իրականում աշխատանքից հեռացվել է այլ` քաղաքական հիմքով, իշխանությունների կողմից ճնշում է եղել ռեկտորատի վրա, եւ որ նրա բացակայություններն ընդամենը պատրվակ են եղել. «Դա այդպես չէ: Ցանկացած մեկը, ով չի կատարում աշխատանքային պայմանագրի կետը` պետք է ենթարկվի համապատասխան վարչական տույժի», - եղավ պրոռեկտորի պատասխանը: ՀՊՃՀ ուսխորհրդի նախագահ Հայկ Ակարմազյանը եւս բացառեց Մ.Հայրապետյանին քաղաքական հայացքների համար բուհ-ից հեռացնելու հանգամանքը: «Ես` որպես ուսանողության ներկայացուցիչ, մասնակցում եմ բուհ-ի ղեկավարության նիստերին եւ բացառում եմ քաղաքական հայացքների համար դասախոսին հեռացնելու փաստը: Պրն Հայրապետյանի աշխատանքից հեռացնելու միակ պատճառը նրա բացակայություններն են եղել»: Պահպանողական կուսակցության կենտրոնական խորհրդի քարտուղար Թաթուլ Մկրտչյանը, սակայն, պնդում է, որ Հայրապետյանը քաղաքական հետապնդման է ենթարկվում փետրվարի 20-ից եւ դրանից առաջ կազմակերպված հանրահավաքներին մասնակցելու համար: «Հենց այդ հետապնդումների եւ դրանցից խուսափելու պատճառն է, որ նա չի կարողացել դասերի ներկայանալ եւ կատարել իր աշխատանքային պարտականությունները: Բացի այդ, փետրվարի 21-ին տեղի ունեցած հանրահավաքի ժամանակ Հայրապետյանը կոչ է արել բոլոր ուսանողներին դասադուլ անել, ինքն էլ հայտարարել է, որ գործադուլ է անում ու համապատասխան դիմում է ներկայացրել բուհ-ի ղեկավարությանը, որտեղ նա պատճառաբանում է իր գործադուլ անցկացնելու որոշման հիմքերը: Այդ դիմումը Հայրապետյանին աշխատանքից հեռացնելու մասին որոշման մեջ չի արտացոլված: Ես պնդում եմ, որ հեռացման որոշման հիմքը թերի է, քանի որ այնտեղ միտումնավոր կերպով շրջանցվել է Հայրապետյանի ներկայացրած դիմումը դասադուլի մասին: Արհկոմիտեի նախագահ Մկրտչյանը եւ պրոռեկտոր Հարությունյանը մեր մի քանի օր առաջ տեղի ունեցած հանդիպման ժամանակ պնդում էին, որ իրենք չեն պատրաստվում քննարկել այդ դիմումը: Մենք խնդրեցինք քննարկելու դեպքում տեղյակ պահեն մեզ կամ Հայրապետյանի կնոջը: Սակայն տեղյակ չեն պահել, մեզ էլ հայտնի չի, թե ինչպես է անցել այդ քննարկումը եւ թե ինչու՞ են նրանք միտումնավոր շրջանցել Հայրապետյանի բացակայության բուն պատճառը` հանրահավաքներին մասնակցելու փաստով հետապնդումները եւ դրանցից խուսափելու համար թաքնվելու անհրաժեշտությունը: Շաբաթը մեկ կամ մի քանի անգամ Հայրապետյանենց տուն են գալիս ոստիկանության աշխատակիցներն ու փնտրում նրան, խուզարկում նրանց տունը, սակայն չեն ներկայացնում որեւէ հիմք, թե ի՞նչ քրեական զանցանք է թույլ տվել նա կամ թե արդյո՞ք նրա նկատմամբ քրեական հետախուզում է հայտարարված», - հավաստիացրեց Թ.Մկրտչյանը: Երեկ զրուցեցինք նաեւ Հայրապետյանի ուսանողներից մի քանիսի հետ: Ի դեպ, նրանցից մի քանիսը չցանկացան խոսել իրենց հեռացված դասախոսի մասին` պատճառաբանելով. «Մենք քաղաքական հարցերի հետ գործ չունենք, մեզ մի խառնեք այդ գործերին» ու բառիս բուն իմաստով փախան: ՀՊՃՀ «Համակարգչային համակարգեր եւ ինֆորմատիկայի դեպարտամենտի» հաշվողական տեխնիկա բաժնի 2-րդ կուրսի ուսանող Համլետ Ասլանյանն ասաց, որ Հայրապետյանն իր սիրելի դասախոսներից է, միշտ հաճույքով է մասնակցել նրա դասերին ու շատ է ցավում, որ նա այլեւս իրենց չի դասավանդելու: «Մեզ մեր դեկանն ու կուրսղեկը բացատրել են, որ նա մեկ ամիս դասի չի եկել, չնայած որ մեկ շաբաթով թույլտվություն ուներ դասերից բացակայելու համար: Ափսոսում ենք, որ նրա պես դասախոսն այլեւս չի դասավանդելու մեզ», - ասաց Համլետը: Անի Հարությունյանը եւս Հայրապետյանի ուսանողներից է. «Յուրահատուկ դասախոս է, այն եզակի դասախոսներից, ով կարողանում էր այնպես անել, որ կուրսն ամբողջ դասաժամի ընթացքում կլանված իրեն լսի»: «Մեր խումբը 30 հոգուց է բաղկացած, երեսունս էլ մեկ մարդու պես ներկա էինք լինում նրա դասերին, նույնիսկ, այսպես ասած, ամենաանհավես ու անտարբեր ուսանողը միշտ հետաքրքրված էր լինում նրա առարկայով: Հայրապետյանը ոչ մեկին հենց այնպես «բավարար» գնահատական չէր նշանակում, այդ «բավարարը» ուսանողն իր ուժերով էր ստանում, բոլորը ձգտում էին սովորել»: Ի դեպ, Հայրապետյանի ուսանողները նախատեսում են ստորագրահավաք կազմակերպել` իրենց հեռացված դասախոսին նախկին աշխատանքին վերականգնելու նպատակով, ինչի մասին արդեն տեղեկացրել են իրենց կուրսղեկին ու դեկանատին եւ լիահույս են, որ միառժամանակ հետո Հայրապետյանը վերստին կդասավանդի իրենց:

• Հեղինե Մանուկյան

• «ՀԱՅՐԱՊԵՏՅԱՆԸ ՅՈՒՐԱՀԱՏՈՒԿ ԴԱՍԱԽՈՍ Է, ԲԱՅՑ, ԱՓՍՈՍ, ՀԵՌԱՑՎԵՑ»

  Հեղինե Մանուկյան   4
  Լեւոն Տեր-Պետրոսյանի թիմակից` Պահպանողական կուսակցության ղեկավար, ՀՊՃՀ «Հասարակական գիտությունների եւ լեզուների դեպարտամենտի» հայոց լեզվի ամբիոնի դոցենտ, բ.գ.թ. Միքայել Հայրապետյանը ապրիլի 2-ին հեռացվել ...

• ՀՅՈՒՍԻՍ-ՀԱՐԱՎ ՆԱԽԱԳԾԻ ԵՐԿՐՈՐԴ ՇՆՉԱՌՈՒԹՅՈՒՆԸ

  Գոհար Բարսամյան   
  2000 թվականին «Հյուսիս-Հարավ» տրանսպորտային նախագծի նախաձեռնողներն էին Ռուսաստանը, Իրանը եւ Հնդկաստանը: Ռուսական աղբյուրները տեղեկացնում են, որ Թեհրանում կայացել է Իրանի, Ռուսաստանի եւ Ադրբեջանի երկաթուղագծերի ...

• ԻՇԽԱՆՈՒԹՅՈՒՆ ԱՄԵՆ ԳՆՈՎ, ԿԱՄ ՈՒՄ ԵՆ ԿԱՐԳԵԼՈՒ ՎԱՐՉԱՊԵՏ

  Ա. Գրիգորյան   5
  Սա է Քոչարյան-Սարգսյան երկյակի արդի լոզունգը: Այսպիսի սկզբունքի որդեգրումը ունի ծանրակշիռ պատճառներ: Անլուրջ է, թե իրենք ժողովրդի շահերի համար պայքարում այրվում են ու այդ գործում անփոխարինելի են: Ինչպես ...

• ՄՈՍԿՎԱՆ ԱՊԱՇՐՋԱՓԱԿՈՒՄ Է.. ՀԱՅԱՍՏԱՆԸ

  Գոհար Բարսամյան   
  Ռուսական աղբյուրները նշում են, որ Ռուսաստանի եւ Վրաստանի միջեւ տրանսպորտային հաղորդակցությունը կարող է ողջ ծավալով վերականգնվել` օդային եւ ծովային հաղորդակցությունից հետո: Վրաստանի փոխարտգործնախարար ...

• ԳԱԳԱԹՆԱԺՈՂՈՎԻ ՎԵՐՋՆԱՐԴՅՈՒՆՔՈՒՄ

  Գոհար Բարսամյան   
  ՆԱՏՕ-ի գագաթնաժողովը հետաձգել է Վրաստանի եւ Ուկրաինայի` անդամակցության գործողությունների ծրագրին միանալու որոշումը, սակայն երաշխավորել է ժամանակի ընթացքում նրանց դաշինքին միանալը: Փաստորեն, Ջորջ ...

• ՆԱՏՕ-Ի ԱՆԴԱՄԱԿՑՈՒԹՅՈՒ՞Ն, ԹԵ՞ ՊԱՅՔԱՐ ԻՆՔՆԻՇԽԱՆՈՒԹՅԱՆ ՀԱՄԱՐ

  Արման Բաբաջանյան   
  Բուխարեստում այսօր ավարտվող ՆԱՏՕ-ի գագաթնաժողովից ամիսներ առաջ Ռուսաստանն սկսեց օգտագործել ավանդական խորհրդային` շանտաժի լեզուն` ՆԱՏՕ-ի հետագա ընդլայնումը դեպի հետխորհրդային տարածք կանխելու հույսով: ...

• ԱԶԱՏԱՄԱՐՏԻԿՆԵՐԻ ՀԱՄԱՏԵՂ ՀԱՅՏԱՐԱՐՈՒԹՅՈՒՆԸ

  17
  Սույն հայտարարությամբ իրազեկում ենք, որ իրավապահ մարմինների կողմից ձերբակալված մեր մարտական ընկերները երբեւիցե չեն կատարել հակաօրինական, հատկապես` հակապետական գործողություններ: Նրանք ձերբակալված են ...

• ՀՈՒՅՍԸ ՌՈՒՍԱՍՏԱՆԻՆ ՀԱՄՈԶԵԼՆ Է ԿԱՄ ԱՆՋՐԴԻ ԻՇԽԱՆՈՒԹՅԱՆ ՀՈԳՍԵՐԸ

  Արամ Ամատունի   
  Հայաստանի ներկայիս իրավիճակի, երկրում տեղի ունեցող երեւույթների հանդեպ արտաքին արձագանքը անկասկած ոչ միարժեք է: Այն կարելի է բաժանել երեք մասի. ըստ աշխարհաքաղաքական երեք հիմնական կենտրոնների` ամերիկյան ...

• «ՍՐԱՆՔ ԱՄՈԹ, ՆԱՄՈՒՍ ՉՈՒՆԵ՞Ն»

  Կարինե Հարությունյան   2
  Վանատուրի հանրահավաքները դադար չունեն: Ամեն օր: Իրենց Ազատության հրապարակում: Սասուն Միքայելյանի նկարներով: Մեծ ու փոքր, ահել ու ջահել, կին ու տղամարդ: Այստեղ են: Իրենց հերոսի, պատգամավորի ազատության ...

• «ԺՈՂՈՎՈՒՐԴՆ Է ԱՓՍՈՍ. ԱՅԴ ԾՐԱԳՐԵՐԸ ԺՈՂՈՎՐԴԻ ՀԱՄԱՐ ԵՆ ՆԱԽԱՏԵՍՎԱԾ»

  Էմմա Գաբրիելյան   1
  Ամերիկայի հայկական համագումարի` ԱՀՀ-ի կայքում մարտի 14-ին տպագրվել էր Համագումարի Տնօրենների խորհրդի նախկին նախագահ Ժիրայր Հարաթունյանի` «Կանդրադառնա՞, արդյոք, Հայաստանի ընտրական ճգնաժամը Վաշինգտոնում ...

• ԵՐԵԿ ՍԿԻ՞ԶԲՆ ԷՐ...

  Ա. Սարգսյան   
  Բուխարեստում անցկացվող ՆԱՏՕ-ի գագաթնաժողովի շրջանակներում նախօրեին տեղի է ունեցել Ադրբեջանի նախագահ Իլհամ Ալիեւի հանդիպումը ԵԱՀԿ-ի Մինսկի խմբի համանախագահների` Մեթյու Բրայզայի, Բեռնար Ֆասիեի եւ Յուրի ...

• ՆԱՄԱԿ ՌՈՒՍԱՑ ԹԱԳԱՎՈՐԻՆ

  Հեղինե Մանուկյան   2
  Նախօրեին ՀՀ-ում Ռուսաստանի դեսպանատան եւ ռուսական «ՌԵԳՆՈՒՄ» լրատվական գործակալության միջոցով Սոցիալ-դեմոկրատ հնչակյան կուսակցության ատենապետ Լյուդմիլա Սարգսյանը նամակ է հղել ՌԴ գործող նախագահ Վլադիմիր ...

• ՄԵՐ ԿՅԱՆՔԸ, ՈՐՆ ԸՆԹԱՆՈՒՄ Է ԱՆԼՈՒԾԵԼԻ ՊԱՐԱԴՈՔՍՆԵՐԻ ՇՐՋԱԳԾՈՒՄ

  Գործող նախագահը մեղմում է արդեն իսկ ընդունված հրամանագրի ինչ-որ կետեր, բայց դրանից հրամանագիրն ավելի է դաժանանում: Առաջին նախագահի պաշտպանվածությանն ուղղված ԱԺ օրենքն, ըստ էության, դառնում է նրան ...

• ԱՆՇԼԱԳԻՆ ՍՊԱՍԵԼԻՍ – 2. ԵՐԲ ԶԲՈՍՆԵԼԸ ՔԱՂԱՔԱՑԻԱԿԱՆ ՊԱՐՏՔ Է...

  Մարինե Խառատյան   
  Երեւանի մամուլի ակումբի փորձագետ Մեսրոպ Հարությունյանի բնորոշմամբ, ով պարբերաբար ներկա է լինում զբոսանքներին, երեկ «Հյուսիսայինում»՝ «Առանձնակի դաժանությամբ պարան էին խաղում»: Եվ՝ ոչ միայն: Ինչպես նշել ...

• ԸՆՏՐՈՒԹՅԱՆ ԻՆՍՏԻՏՈՒՏԻ ՎԵՐՋՆԱԿԱՆ ՈՉՆՉԱՑՈՒՄԸ...

• ՀԱՅՏԱՐԱՐՈՒԹՅՈՒՆ

  

• ԺԱՄԱՆԱԿԸ ԿԱՆԳՆԵՑՆԵԼՈՒ ԱՆՎԵՐՋ ՓՈՐՁԵՐԸ

  Արամ Ամատունի   

• ԱԶԱՏԱՄԱՐՏԻԿՆԵՐԻ ՀԱՄԱՏԵՂ ՀԱՅՏԱՐԱՐՈՒԹՅՈՒՆԸ

  

• ՀԱՅՏԱՐԱՐՈՒԹՅՈՒՆ

  

• ԻՆՉՈՒ՞ Է «ՈՒՇԱՆՈՒՄ» ԱՄՆ-Ի ՇՆՈՐՀԱՎՈՐԱՆՔԸ. ԳՈՒՑԵ ԴԱ «ԼԱ՞Վ ՆՇԱՆ Է»

  Հ.Մ.   

• ԿՈՉ ՀԱՅՐԵՆԻ ԵՒ ՍՓՅՈՒՌՔԻ ՄՏԱՎՈՐԱԿԱՆՈՒԹՅԱՆԸ

  

• ՆՐԱՆՔ ԱՅՍ ԵՐԿՐԻ ՀԱՐՍՏՈՒԹՅՈՒՆԸ ՊԻՏԻ ԼԻՆԵԻՆ

  Մարինա Բաղդագյուլյան   

• ՊԱՅՔԱՐ, ՊԱՅՔԱՐ ՄԻՆՉԵՒ ՎԵՐՋ

  Էմմա Գաբրիելյան   

• ԻՇԽԱՆՈՒԹՅՈՒՆ ԱՄԵՆ ԳՆՈՎ, ԿԱՄ ՈՒՄ ԵՆ ԿԱՐԳԵԼՈՒ ՎԱՐՉԱՊԵՏ

  Ա. Գրիգորյան   

• ԶԱՐՄԱՆԱԼԻ Է... ԱՄՈԹ Է... ԾԻԾԱՂԵԼԻ Է...

  Մարինա Բաղդագյուլյան   

• 1820  Վանի Այգեստան թաղամասում ծնվեց հայ հասարակական-քաղաքական, հոգևոր-մշակութային գործիչ Մկրտիչ Խրիմյանը (Խրիմյան Հայրիկ): (Վախճ.1907թ.-ին, Էջմիածնում):
• 1915  Մահացավ Հայ հեղափոխական դաշնակցության բյուրոյի ներկայացուցիչ Արշակ Վռամյանը
• 1920  Շուշիի հայերի կոտորածը:
• 1922  Մահացավ շվեցարահայ հայագետ և բարեգործ Լեոպոլտ Ֆավրին: Հայկական նահանգներում նա իր ծախսերով որբանոցներ էր պահում:
• 1945  Մահացավ բանաստեղծ, հրապարակախոս, հասարակական գործիչ Վահան Թեքեյանը: (Ծնվ. 1878 թ.):
• 1957  Մահացավ դերասան Աշոտ Շաղաթունին: (Ծնվ. 1882 թ.):
• 1995  Ամենայն հայոց կաթողիկոս ընտրվեց Գարեգին Ա-ն: Նա դարձավ Ամենայն հայոց 131-րդ հայրապետը:

• am
• ru
• en

ԼՈՒՐԵՐ ՀԱՅԱՍՏԱՆ

• Ա1+
• Ազատ Արցախ
• Ազգ
• Առավոտ
• Ազատություն
• ԱրմենիաՆաու
• Երկիր
• Հայոց Աշխարհ
• Չորրորդ Իշխանութ.
• Պանորամա
• Պանարմենիան
• Ժամանակ

ՕՆԼԱՅՆ ԼՈՒՐԵՐ

• Օնլայն Ռադիո

ԻՆՖՈՐՄԱՑԻԱ

• Եղանակ
• Դրամի Փոխարժեք
• Վիճակագրություն

ԻՄ ԱՐՄԹԱՈՒՆ

• Կայքի Առօրյան
• Ֆորում
• Քվեարկություն
• Լուրերի Էքսպորտ
• Կոդավորվորիչ նոր