Հրատարակվում է

ՂԱՐԱԲԱՂՅԱՆ ԲԱՆԱԿՑԱՅԻՆ ԳՈՐԾԸՆԹԱՑԸ ԿԱՍԿԱԾԻ ՏԱ՞Կ

• 

  Էմմա Գաբրիելյան

  Այսուհետեւ պաշտոնական Բաքուն, անկասկած, բաց չի թողնելու որեւէ առիթ եւ տարբեր կառույցներում ցանկացած թեմայով ներկայացված փաստաթղթերում պահանջելու է հղում կատարել ՄԱԿ-ում մարտի 14-ին ընդունված բանաձեւին:

  Ինչպես յուրաքանչյուր տարի, այս տարի եւս Ադրբեջանը Լեռնային Ղարաբաղին առնչվող բանաձեւի նախագիծ ներկայացրեց ՄԱԿ-ի Գլխավոր ասամբլեային, սակայն այս տարի այն` 39 կողմ, 7 դեմ եւ 100 ձեռնպահ ձայների հարաբերակցությամբ ընդունվեց: Բանաձեւի օգտին քվեարկած 39 երկրների շարքում են ՎՈՒԱՄ-ի երկրները, հիմնականում նաեւ` Իսլամական կոնֆերանսի կազմակերպության անդամ պետությունները: ԵԱՀԿ Մինսկի խումբը համանախագահող երկրները` ԱՄՆ-ը, Ֆրանսիան, Ռուսաստանը, ինչպես նաեւ Հայաստանը եւ մի քանի երկրներ եւս դեմ են քվեարկել բանաձեւին, իսկ 100 պետությունների ներկայացուցիչներ ձեռնպահ են մնացել քվեարկությունից կամ չեն մասնակցել քվեարկությանը: Ի դեպ, այս պետությունների ձեռնպահ քվեարկելու փաստը հստակ վերաբերմունք է ԼՂ-ի խնդրի վերաբերյալ` հակառակ դեպքում այդ պետությունները պարզապես դեմ կքվեարկեին: Սակայն նախորդ տարիներին դեռ հաջողվում էր պայմանավորվածություններ ձեռք բերել, որպեսզի Ադրբեջանը չպնդի իր հեղինակած նախագիծը օրակարգ մտցնելը` այն հիմնավորմամբ, որ Լեռնային Ղարաբաղի կարգավիճակի հարցը չպետք է քննարկվի ՄԱԿ-ում, քանի դեռ ԵԱՀԿ ՄԽ-ն շարունակում է բանակցությունները: Երեւանը անգամ ժամանակ առ ժամանակ ստիպված էր լինում նախազգուշացնել, որ եթե Ադրբեջանը փորձի շարունակել բանաձեւի այդ նախագծերի քննարկումները, այն դնի քվեարկության, ապա Հայաստանը դուրս կգա բանակցային գործընթացից: ՄԱԿ-ում այս գործընթացը շարունակական էր դարձել, Հայաստանը վաղուց էր խաղում Ադրբեջանի թելադրած խաղի կանոններով, պաշտոնական Երեւանը նախորդ տարիներին ոչ մեկ անգամ էր հայտարարել, որ եթե Ադրբեջանը առաջ տանի նախագիծը ՄԱԿ-ում, նշանակում է վերապահումներ ունի բանակցային գործընթացի նկատմամբ: Ամեն տարի Բաքուն առիթը բաց չէր թողնում ՄԱԿ-ում Ադրբեջանի տարածքային ամբողջականության, գրավյալ տարածքների հարցերը նախագծերում ներառելու համար. Ադրբեջանը մշտապես իր հեղինակած բանաձեւի նախագծերում կոչ էր անում ՄԱԿ-ին՝ վերահաստատել երկրի տարածքային ամբողջականությունը եւ ԼՂ-ն ներկայացնում էր որպես Ադրբեջանի տարածք: Այսպիսով, մարտի 14-ին ՄԱԿ-ի Գլխավոր ասամբլեայի 62-րդ նստաշրջանի հավանությանը արժանացած` «Ադրբեջանի գրավյալ տարածքներում իրավիճակի մասին» բանաձեւի առիթով պաշտոնական Բաքուն ոչ առաջին անգամ արտահայտեց իր դժոգությունը ԵԱՀԿ ՄԽ-ի գործունեության վերաբերյալ. Ադրբեջանի արտաքին գործերի նախարարի տեղակալ Արազ Ազիմովը ոչ միայն հայտարարեց, որ վերապահումներ ունեն ԵԱՀԿ ՄԽ-ի հովանու ներքո ընթացող բանակցային գործընթացի նկատմամբ, այլեւ հստակ ընդգծեց, որ ԵԱՀԿ ՄԽ-ն գործունեությունը պետք է շարունակի ընդունված բանաձեւի հիման վրա: Այսպես. Ա.Ազիմովը ընդունված բանաձեւի առիթով նշել էր, որ այն «շատ կարեւոր մի փաստաթուղթ է, որն ինչպես իրավաբանական, այնպես էլ քաղաքական ուժ ունի», այնուհետեւ նա քննադատել էր ԵԱՀԿ-ի ՄԽ-ի համանախագահների գործունեությունը` պնդելով, թե վերջիններն իրենց շատ ծանր կացության մեջ են դրել. «Համանախագահները թող չկասկածեն, որ այսուհետեւ այն ամբողջ աշխատանքը, որ նրանց հետ է տարվելու, հիմնված է լինելու ՄԱԿ-ի Գլխավոր ասամբլեայի կողմից հաստատված սկզբունքների վրա: Մինսկի խմբի գործունեությունը պետք է շարունակվի ՄԱԿ-ի երեկ ընդունված բանաձեւի հիման վրա», - ընդգծել էր Ազիմովը: Ասել է թե` ԵԱՀԿ ՄԽ-ն եւս խաղալու է Ադրբեջանի թելադրած խաղի կանոններով: ՄԱԿ-ի Գլխավոր ասամբլեայի 62-րդ նստաշրջանում մարտի 14-ին ընդունված բանաձեւում մասնավորապես ամրագրված է. «Ադրբեջանական Հանրապետության Lեռնային Ղարաբաղի տարածաշրջանում եւ դրա շուրջ առկա ռազմական հակամարտությունը վտանգում է միջազգային անվտանգությունն ու խաղաղությունը»: ՄԱԿ-ը այս բանաձեւով ճանաչում է Ադրբեջանի տարածքային ամբողջականությունը` միջազգայնորեն ճանաչված սահմաններում. «ՄԱԿ-ի Գլխավոր ասամբլեան այս բանաձեւով նաեւ պահանջում է գրավյալ տարածքներից հայկական բոլոր ուժերի անհապաղ, անվերապահ եւ լիակատար դուրսբերում: ՄԱԿ-ի անդամ որեւէ պետություն չպետք է օրինական ճանաչի այն իրավիճակը, որ հիմա առկա է LՂ-ում եւ չպետք է դիմի որեւէ քայլի, որը կարող է նպաստել այս կացության պահպանմանը կամ ամրապնդմանը», - ասված է ՄԱԿ-ի բանաձեւում: Փաստաթուղթը նաեւ փաստում է. «Ադրբեջանական Հանրապետության օկուպացված տարածքներից տեղահանված անձանց անքակտելի իրավունքը` վերադառնալ իրենց օջախները»: Բանաձեւի շուրջ քվեարկությունից առաջ հայտնի է, որ ասամբլեայի լիագումար նիստում բանավեճ է ծավալվել. ԵԱՀԿ ՄԽ-ի համանախագահող երկրներից երկուսի` ԱՄՆ-ի եւ Ֆրանսիայի ներկայացուցիչները դեմ են արտահայտվել նախագծի ընդունմանը: Ամերիկյան պատվիրակության անդամ Ալեխանդրո Վուլֆը` ելույթ ունենալով ԵԱՀԿ ՄԽ-ի համանախագահների անունից ասել է, թե ներկայացված բանաձեւում տեղ է գտել ԵԱՀԿ ՄԽ-ի համանախագահների առաջարկների միայն մի մասը, ինչի հետեւանքով փաստաթուղթը հավասարակշռված բնույթ չունի. «Նման ընտրովի մոտեցումը կարգավորման սկզբունքներին ստիպում է մեր երեք պետություններին դեմ արտահայտվել ներկայացված նախագծին», - ասել է Վուլֆը: «Ադրբեջանի գրավյալ տարածքներում իրավիճակի մասին» բանաձեւի կապակցությամբ մեկնաբանությամբ է հանդես եկել ՌԴ ԱԳ նախարարությունը: Մեկնաբանությունում նշվել է, որ ԵԱՀԿ ՄԽ-ի համանախագահ երկրները՝ ՌԴ-ն, ԱՄՆ-ն եւ Ֆրանսիան այդ բանաձեւին դեմ են քվեարկել՝ համատեղ հայտարարությամբ փաստելով ադրբեջանական կողմի այդ քայլի ժամանակավրեպ եւ ոչ արդյունավետ լինելը. «Մասնավորապես բանաձեւում ներառված են միայն կարգավորման բազային այն սկզբունքները, որոնք բխում են զուտ Ադրբեջանի շահերից, չհիշելով, օրինակ, ԼՂ-ի կարգավիճակի վերջնական որոշումը` բնակչության ազատ եւ իրական կամարտահայտության միջոցով: Նման մոտեցումը բանաձեւն անընդունելի է դարձրել հայկական կողմի համար», - ասված է ՌԴ արտաքին քաղաքական գերատեսչության մեկնաբանության մեջ: Ինչ վերաբերում է պաշտոնական Երեւանին, ապա ՄԱԿ-ում ՀՀ մշտական ներկայացուցիչ Արմեն Մարտիրոսյանը նշել է, որ «այսպիսի բանաձեւ շրջանառության մեջ դնելով` Ադրբեջանը կարող է խաթարել ողջ բանակցային գործընթացը»: Իսկ ՀՀ ԱԳ նախարար Վարդան Օսկանյանը բանաձեւը բնութագրել է որպես երկերեսանի. «Մի կողմից այն փորձում է ապատեղեկացնել, քանզի ներառում է ԵԱՀԿ Մինսկի գործընթացին սատարող դրույթ: Մյուս կողմից Ադրբեջանը ցուցադրաբար հեգնեց ԵԱՀԿ ՄԽ համանախագահների դիրքորոշումը»: Այնուհետեւ Վ.Օսկանյանը նշել է. «Մեզ հիմա հետաքրքիր են Ադրբեջանի հաջորդ քայլերը: Մենք ուզում ենք պարզել` արդյո՞ք այս բանաձեւի նպատակն էր կազմաքանդել բանակցային գործընթացը, թե՞ այժմ միջազգային հանրության գնահատականը ստանալուց հետո նրանք կվերադառնան բանակցությունների սեղանի շուրջ` աշխատելու փոխզիջումների վրա հիմնված կայուն կարգավորում գտնելու համար»: Անդրադառնալով բանակցությունների սեղանին առկա հակամարտության կարգավորման փաստաթղթին` Վ.Օսկանյանը նկատել է. «Այս փաստաթուղթը հայերի եւ ադրբեջանցիների համար առաջ շարժվելու ունիկալ հնարավորություն է ընձեռում: Սա հենց այն է, ինչը ԼՂ հիմնախնդիրը տարբերակում է մեր տարածաշրջանում եւ Եվրոպայում առկա մյուս բոլոր հակամարտություններից եւ այն յուրահատուկ է դարձնում ոչ միայն իրավական եւ պատմական տեսանկյունից, այլեւ բանակցային նորարար մոտեցմամբ, որի նպատակն է գտնել իրատեսական հանգուցալուծում»: Օրերս Միացյալ Նահանգների փոխպետքարտուղարի օգնական, ԵԱՀԿ ՄԽ-ի ամերիկացի համանախագահ Մեթյու Բրայզան «Ամերիկայի ձայն»-ի ռուսական ծառայությանը տված հարցազրույցում անդրադառնալով կարգավորման վերջին տարբերակին է` շեշտել էր, որ օրակարգում դրված է սկզբունքային առաջարկների մի համալիր. «Այդ առաջարկները նախատեսում են տարածքների վերադարձ ադրբեջանցիներին, փախստականների վերադարձ այդ տարածքներ: Այն ներառում է Հայաստանը եւ Ղարաբաղը միացնող միջանցք եւ միջազգային խաղաղապահների ներկայություն: Այսինքն` այդ առաջարկները հիմք կհանդիսանան խաղաղ պայմանագրի համար, որը կնպաստի տարածաշրջանի բարգավաճմանը: Այնպես որ, օրակարգում դրված են բացառիկ եւ հիմնարար սկզբունքներ, որոնք անհրաժեշտ է կենսագործել», - նկատել էր ամերիկացի դիվանագետը: Այսպիսով` 1998թ. իշխանափոխությունից հետո հայկական դիվանագիտությունը ղարաբաղյան խնդրին առնչվող հերթական պարտությունը արձանագրեց, եւ ուշագրավ է, որ այս «ձեռքբերումները» ամրագրում է մի իշխանություն, որը համաժողովրդական Շարժման առաջնորդ Լեւոն Տեր-Պետրոսյանին մեղադրում է ԼՂ-ի խնդրում պարտվողական քաղաքականություն վարելու մեջ:

• ՉԳԻՏԵՍ ԼԱ՞Ս, ԹԵ՞ ԽՆԴԱՍ

  33
  Այն «հատուկ» վերաբերմունքն ու որակումները, որոնց արժանանում են Ազատության հրապարակում տեղի ունեցած հանրահավաքներին մասնակցած քաղաքացիներն ու հատկապես հայտնի քաղաքական գործիչները, մեկ բառով կարելի ...

• ՀԱՅՏԱՐԱՐՈՒԹՅՈՒՆ

  8
  Մենք` ներքոստորագրյալ հասարակական կազմակերպություններս, հասկանալով իրավիճակի լարվածությունը, հարգելով օրենքի տառը` թույլ չտվեցինք Երեւան քաղաքում արտակարգ դրություն հայտարարելու մասին Հայաստանի Հանրապետության ...

• ՎՐԱՍՏԱՆԸ ՀԱՐԱՎԱՅԻՆ ԿՈՎԿԱՍՈՒՄ

  Գոհար Բարսամյան Հարավային Կովկասում ժողովրդավարական ինստիտուտները հետխորհրդային շրջանում դժվար են կայանում: Հարավային Կովկասի գրեթե բոլոր հանրապետություններում հասարակության մեջ խնդիր է ծագում ...

• ՂԱՐԱԲԱՂՅԱՆ ԲԱՆԱԿՑԱՅԻՆ ԳՈՐԾԸՆԹԱՑԸ ԿԱՍԿԱԾԻ ՏԱ՞Կ

  Էմմա Գաբրիելյան Այսուհետեւ պաշտոնական Բաքուն, անկասկած, բաց չի թողնելու որեւէ առիթ եւ տարբեր կառույցներում ցանկացած թեմայով ներկայացված փաստաթղթերում պահանջելու է հղում կատարել ՄԱԿ-ում մարտի 14-ին ...

• ԹԱԼԵԱԹԻ ԵՒ ԷՆՎԵՐԻ ԿՐԿՆՕՐԻՆԱԿՆԵՐԻ, ՄԻԱԺԱՄԱՆԱԿ՝ «ՍՏԱԼԻՆԻ ԵՒ ԲԵՐԻԱՅԻ ԼԱՔԵՅՆԵՐԻ» ՄԱՍԻՆ

  21
  Այս օրերին աշխարհի տարբեր ծագերում ապրող մեր հայրենակիցները հանրահավաքներ են կազմակերպում եւ այսկերպ իրենց բողոքն ու դժգոհությունն են արտահայտում Հայաստանում տեղի ունեցող վերջին իրադարձությունների ...

• ՈՒՐԱՆԱԼ ԱՔԱՂԱՂԻ ԿԱՆՉԻՑ ՀԵՏՈ

  2
  Արամ Ամատունի Հայաստանի ներկայիս վարչապետ, իսկ փետրվարի 19-ի նախագահի ընտրության պաշտոնական տվյալներով նախագահ դարձած Սերժ Սարգսյանը իր փետրվարի 13-ի հեռուստաելույթում, որ կառուցված էր քաղաքացիների ...

• «ՇԱՏ ԴԺՎԱՐ ԿԼԻՆԻ ԱՂՎԱՆ ՀՈՎՍԵՓՅԱՆԻՆ ՊԱՇՏՊԱՆԵԼԸ, ԵԹԵ ՄԻ ՕՐ ՆԱ ՔԱՂԲԱՆՏԱՐԿՅԱԼ ԴԱՌՆԱ»

  9
  Հեղինե Մանուկյան Մեր զրույցը իրավապաշտպան, «Հելսինկյան ասոցիացիա» իրավապաշտպան կազմակերպության նախագահ Միքայել Դանիելյանի հետ է: - Պրն Դանիելյան, որպես իրավապաշտպան ի՞նչ գնահատական կտայիք մեր ...

• ԱՄԵՐԻԿԱՀԱՅԵՐԸ ԵՒՍ ԺՈՂՈՎՐԴԱՎԱՐ ՀԱՅԱՍՏԱՆ ԵՆ ՈՒԶՈՒՄ

  7
  Մարինե Խառատյան Ամերիկահայերի շրջանում գործող «Հանուն ժողովրդավարական Հայաստանի» միավորումը այս օրերին համալրվում է աշխարհի տարբեր ծայրերում ապրող հայերով, ովքեր մտահոգ են իրենց հայրենիքի ու հայրենակիցների ...

• ԶԱՐԳԱՑՈՒՄՆԵՐԻ ԵՐԵՔ ՏԱՐԲԵՐԱԿ

  12
  Այն, որ Հայաստանում քաղաքական ճգնաժամ է եւ էն էլ` լուրջ, որեւէ մեկի համար գաղտնիք չէ: Անգամ իշխանությունների, որոնք առերեւույթ անկանոն ծեքծեքումների եւ սեթեւեթանքների գիրկն են ընկել` իրենք էլ չհասկանալով, ...

• ԲՈՒԼՏԵՐԻԵՐԻ ՀՄԱՅՔԸ ԴՆՉԿԱԼՈՒՄ Է

  1
  Լեւոն Բարսեղյան Իմ Տիգրան ընկերը շների մեծ սիրահար է ու ամեն անգամ մի պատմություն է պատմում շների մասին: Հանդգնում եմ հայտարարել, որ նա ամեն ինչ գիտե շների մասին, ամեն նրբություն շներից յուրաքանչյուրի ...

• ԱԶԱՏՈՒԹՅՈՒՆԸ ՀՆԱՐԱՎՈՐ ՉԷ ԱՐԳԵԼԵԼ

  7
  ...Հանրահավաք, երթ, ցույց՝ կարելի է արգելել, ԱԶԱՏՈՒԹՅՈՒՆԸ՝ երբեք: Ու նա իր իրացման ճանապարհը ինքը կգտնի:

• ՌԵՊՐԵՍԻՎ ՄԻՋՈՑՆԵՐԸ ՄՂՈՒՄ ԵՆ ԱՊՍՏԱՄԲՈՒԹՅԱՆ

  6
  Ազգային ժողովը երեկ մինչ ուշ գիշեր տեւած արտահերթ նիստում 90 կողմ, 7 դեմ ձայներով ընդունեց «Ժողովներ, հանրահավաքներ, երթեր եւ ցույցեր անցկացնելու մասին» օրենքում առաջարկվող փոփոխությունները, որոնցով ...

• ՍՏԱՄԲՈՒԼԸ ԾՈՎ Է, ԼՌՈՒԹՅՈՒՆԸ` ՈՍԿԻ

  Արամ Ամատունի   

• «ՄԻ ՀԱՏ ԿՈՖԵ ԷԼ ՉՏՎԵՑԻՆ»

  Մարինե Խառատյան   

• ԷՆԵՐԳԵՏԻԿ ՆՈՐ ՆԱԽԱԳԾԵՐ

• ԵՐԵՒԱՆ ՔԱՂԱՔՈՒՄ ԿԱՏԱՐՎՈՂ ՄԵՏԱՄՈՐՖՈԶԱՅԻՆ ՄԻ ՔԱՆԻ ԽՆԴԻՐՆԵՐԻ ՄԱՍԻՆ

  Լեւոն Գրիգորյան   

• ԱՐԱՄ ՍԱՐԳՍՅԱՆ. «ՈՐ ՀԱՂԹԻ ՀԱՅԱՍՏԱՆԸ»

• ԴԱՎԻԹ ՇԱՀՆԱԶԱՐՅԱՆ. «ՊԱՅՔԱՐԸ ՆՈՐ Է ՍԿՍՎՈՒՄ»

  

• «ԵՍ ԼԻՆԵԼՈՒ ԵՄ ԲՈԼՈՐԻ ՆԱԽԱԳԱՀԸ` ԻՆՁ ՁԱՅՆ ՏՎՈՂՆԵՐԻ ԵՒ ՉՏՎՈՂՆԵՐԻ»

  

• ՉԳԻՏԵՍ ԼԱ՞Ս, ԹԵ՞ ԽՆԴԱՍ

  

• ԵԶՐԱԿԱՑՈՒԹՅՈՒՆՆԵՐ ԵՒ ԿԱՆԽԱՏԵՍՈՒՄՆԵՐ

  

• ՀԱՅՏԱՐԱՐՈՒԹՅՈՒՆ

  

• ԹԱԼԵԱԹԻ ԵՒ ԷՆՎԵՐԻ ԿՐԿՆՕՐԻՆԱԿՆԵՐԻ, ՄԻԱԺԱՄԱՆԱԿ՝ «ՍՏԱԼԻՆԻ ԵՒ ԲԵՐԻԱՅԻ ԼԱՔԵՅՆԵՐԻ» ՄԱՍԻՆ

  

• «ՊԱՀԸ ԿՈՐՑՐԵՑԻՆՔ», ԲԱՅՑ` «ՇԱՏ ԲԱՆ ԿԱԽՎԱԾ Է ԼԵՒՈՆ ՏԵՐ-ՊԵՏՐՈՍՅԱՆԻ՞Ց»

  

• ՕՀԱՆ ԴՈՒՐՅԱՆ. «ԺՈՂՈՎՐԴԻՆ ԱՎԵԼԻ ՄԻ ԲՈՐԲՈՔԵՔ»

  

• ՏԵՐ-ՊԵՏՐՈՍՅԱՆԻ ՀԱՆԴԻՊՈՒՄՆԵՐԸ

  

• ԱՐԿԱԴԻ ՎԱՐԴԱՆՅԱՆ. «ՆՐԱՆՑ ՀԱՄԱՐ ԻՇԽԱՆՈՒԹՅՈՒՆԻՑ ԶՐԿՎԵԼԸ ՀԱՎԱՍԱՐԱԶՈՐ Է ՄԱՀՎԱՆ»

  

• 1839  Հակոբոս Եպիսկոպոս Սերոբյանը Կ. Պոլսում ընտրվեց պատրիարք: Հայտնի է բողոքականության դեմ մղվող բուռն պայքարներով և ամիրաների դեմ ժողովրդական շարժման քաջալերող: Մեծապես օգնել է Սկյուտարի ճեմարանին:
• 1870  Ծնվեց պրոֆեսիոնալ հեղափոխական, պետական գործիչ, մասնագիտությամբ բժիշկ Սարգիս (Սաքո) Համբարձումյանը: (Վախճ. 1944 թ.):
• 1879  Ծնվեց բրիտանական արքայական բանակի հազարապետ և գեղագիտական վիրաբուժության հայրը՝ դոկտոր Վարազդատ Գալանճյանը:
• 1924  Ծնվեց լեզվաբան, հայագետ Լևոն Խաչերյանը:
• 1931  Հիմնադրվեց Երևան քաղաքի պատմության թանգարանը:
• 1940  Երևանի կարբիդի գործարանի հիմքի վրա, ստեղծվեց Կիրովի անվան սինթետիկ կաուչուկի գործարանը՝ ներկայիս «Նաիրիտը»:
• 1944  Մարտաշարք է մտնում «Սասունցի Դավիթ» տանկային շարասյունը, որը կառուցվել էր արտասահմանյան հայերի հավաքած միջոցներով:
• 1946  ԽՍՀՄ Գերագույն խորհրդի սեսիան ընդունում է «Օրենք ԽՍՀՄ ժողովրդական տնտեսության վերականգնման ու զարգացման հնգամյա պլանի (1946-1950) մասին»:
• 1949  Երևանում սկսեց երթևեկել առաջին տրոլեյբուսը:

• am
• ru
• en

ԼՈՒՐԵՐ ՀԱՅԱՍՏԱՆ

• Ա1+
• Ազատ Արցախ
• Ազգ
• Առավոտ
• Ազատություն
• ԱրմենիաՆաու
• Երկիր
• Հայոց Աշխարհ
• Չորրորդ Իշխանութ.
• Պանորամա
• Պանարմենիան
• Ժամանակ

ՕՆԼԱՅՆ ԼՈՒՐԵՐ

• Օնլայն Ռադիո

ԻՆՖՈՐՄԱՑԻԱ

• Եղանակ
• Դրամի Փոխարժեք
• Վիճակագրություն

ԻՄ ԱՐՄԹԱՈՒՆ

• Կայքի Առօրյան
• Ֆորում
• Քվեարկություն
• Լուրերի Էքսպորտ
• Կոդավորվորիչ նոր