Հրատարակվում է

ԵՐԿՈՒ ԱԹՈՌԻ ՀԱՄԱՐ ՉԱՐԺԵ ԱՅՍ ԵՐԿԻՐԸ ՎՏԱՆԳԵԼ

• ԱԺ պատգամավորները երեկ համաձայնություն տվեցին իրենց գործընկերներ Խաչատուր Սուքիասյանի, Սասուն Միքայելյանի, Հակոբ Հակոբյանի, Մյասնիկ Մալխասյանի դեմ քրեական հետապնդում իրականացնելու ու նրանց նկատմամբ խափանման միջոցը կալանք ընտրելու միջնորդությանը:

  Յուրաքանչյուր պատգամավորի համար քվեարկեցին առանձին քվեաթերթիկներով. արդյունքում ստացվեց հետեւյալ պատկերը. Խաչատուր Սուքիասյան` 85 կողմ, 22 դեմ, Հակոբ Հակոբյան` 84 կողմ, 20 դեմ, Մյասնիկ Մալխասյան` 84 կողմ, 22 դեմ, Սասուն Միքայելյան` 86 կողմ, 20 դեմ: Զգացվում էր, որ եթե ոչ բոլորը, ապա մեծ մասը դժգոհ էին իրենց արածից, բայց այդքան համարձակություն չունեցան արտահայտելու իրենց դժգոհությունը: Ղարաբաղյան պատերազմի մասնակից, գնդապետ պատգամավոր Հակոբ Հակոբյանին դահլիճ բերեցին ձեռնաշղթաներով, սեւ դիմակավոր երկու ԱԱԾ-ականի ուղեկցությամբ. անհնար էր չազդվել այդ տեսարանից: Մյասնիկ Մալխասյանն արդեն դահլիճում էր: Մյուս երկու պատգամավորների` Խաչատուր Սուքիասյանի ու Սասուն Միքայելյանի գտնվելու վայրը հայտնի չէ: Գլխավոր դատախազը կարդաց միջնորդությունը, ըստ որի վերոնշյալ պատգամավորները Տեր-Պետրոսյանի շարժման մասնակից դառնալուց ու խաղաղ ցույցերի մասնակցելուց հետո դարձել են «ազգային դավաճաններ», «բռնարարքներ են հրահրել», «հավաքագրել են գրոհայիններ», բացի դա էլ` փորձել են սահմանադրական կարգի խախտմամբ յուրացնել իշխանությունը, ինչ համար նրանց սպառնում է 10-15 տարի ազատազրկում: Պատգամավորները դատախազին խնդրեցին որեւէ առարկայական, կոնկրետ ապացույց ներկայացնել, որ մեղադրվող պատգամավորները որեւէ կապ ունեն իրենց ներկայացված բարձրագոչ մեղադրանքների հետ: Նման որեւէ փաստ Աղվան Հովսեփյանը չներկայացրեց` չկարողացավ որեւէ կոնկրետ փաստ նշել: «Հենց էնպես մի օր էլ դատախազը այս բարձր ամբիոնին չի հայտնվում, եթե չունի քրեական գործով ձեռք բերված տվյալներ», - վստահեցրեց դատախազը: «Ժառանգությունից» պատգամավոր Ստեփան Սաֆարյանը հարց ուղղեց, թե ցուցարարների հանդեպ կիրառված ուժը եղե՞լ է համարժեք, որն էլ բերել է հասարակական ընդվզման նոր ալիքի: Դատախազի պատասխանը հետեւյալն էր, թե պաշտպանության նախարարութան, ազգային անվտանգության եւ ոստիկանության գործողությունները օրինաչափ են եղել եւ համարժեք: Պատգամավոր Ջարուհի Փոստանջյանը նկատեց, որ ոստիկանության տարածած տեսանյութերում ոստիկանները մերկ ձեռքերով վերցնում ու ուսումնասիրում էին իբր Ազատության հրապարակում հայտնաբերված ատրճանակները` իրենց մատնահետքերը թողնելով դրանց վրա: «Կասկածներ է առաջանում, որ այդ զինամթերքը դրվել է հենց այդ իրավապահ մարմինների կողմից», - ասաց պատգամավորը: «Ձեզ հետ համամիտ եմ, որ դա կարելի էր անել ավելի պրոֆեսիոնալ ձեւով», - ասաց դատախազը` բացահայտելով. «Մեր հանրապետությունում մատնահետքերի համատարած հաշվառում չի իրականացվում, որ հայտնաբերված մատնահետքերով կարողանայինք պարզել, թե մի քանի հազար մարդուց որն է, որ թողել է այդ մատնահետքերը»: Պատգամավորի հայտարարությանը, որ իրենք ահազանգեր են ստանում բազմաթիվ կորածների մասին, որոնց գտնվելու վայրն անհայտ է ու հնարավոր է բացակա երկու պատգամավորները նույնպես կորածների թվում են, Աղվան Հովսեփյանը հակադարձեց, թե «կորածներ չկան, ոչ մի կորած անձ չկա: Մարդիկ կան, որ իրոք փախուստի մեջ են եւ հետախուզվում են»: Պատգամավոր Լարիսա Ալավերդյանի հարցին, թե ո՞վ է որոշում կայացրել նման կերպ ցրելու ցույցը, դատախազը համառորեն չպատասխանեց: Այնուհետեւ ելույթ ունեցավ պատգամավոր Հակոբ Հակոբյանը: «Բոլորիդ պարզ է ընդհանուր իրավիճակը, թե Հակոբ Հակոբյանը ինչում է մեղադրվում, ինչ հարցերում: ...Փետրվարի 9-ին ես հայտարարել եմ, որ պաշտպանում եմ Լեւոն Տեր-Պետրոսյանի թեկնածությունը: Էդ ընթացքում որեւէ մեկը չի կարող ասի, թե Հակոբ Հակոբյանը իրեն ճիշտ չի պահել, որեւիցե մեկին վիրավորել է: Գիշերները, առավոտյան մինչեւ 9-10 ես էնտեղ եմ եղել լարվածությունը կանխելու համար, որովհետեւ ես վտանգ զգացել եմ, որ հնարավոր է լավ բաներ չստացվի հանրապետությունում: Եղել է` գիշերները 15-20 անգամ պրովոկացիոն պահեր է ստացվել»: Պատգամավորը հայտարարեց, որ իր բոլոր ելույթներով, նաեւ մարտի 1-ին եւ 2-ին հանդարտության կոչեր է արել եւ փորձել է Մյասնիկյանի արձանի մոտ հավաքված ժողովրդին զերծ պահել սադրանքներից: Անգամ տեղում ոստիկանության ղեկավարներից շնորհակալություն են հայտնել իրեն` հանդարտություն ապահովելու համար: «Եթե ես իմանայի, որ իմ գնալուց հետո որեւէ այլանդակ իրավիճակ կստեղծվեր հանրապետությունում, թեկուզ իմ կյանքի գնով ես կմնայի կանխելու, թեկուզ ես զոհվեի: Հակոբը թուրք չի, Հակոբը սրիկա չի, Հակոբը միշտ աշխատել է հանրապետությունում նորմալ վիճակ պահի: Եթե որեւէ մեկը կասի, որ այս ընթացքում որեւէ մեկի հասցեին անգամ վիրավորանք եմ հայտնել, թող տանեն գնդակահարեն կամ ցմահ բանտարկեն: Էդպիսի բան չի կարա լինի», - ասաց պատգամավորը` հավելելով. «Խնդիր չկա, թող քննությունը կատարվի: Վաղը բոլորս էլ գնալու ենք, ոչ մեկս չենք մնալու, բայց մեր սերունդները մեզ չդատապարտեն մեր ախմախ քայլերի համար: Երկու հատ աթոռի համար չի կարելի երկիրը վտանգի տակ տալ: Բոլորն էլ գիտեն, որ ես իմ կյանքից, իմ ընտանիքից բարձր եմ գնահատել Ղարաբաղը, որովհետեւ ես գնացել էնտեղ հաշմանդամ են դառել»: Հակոբ Հակոբյանը նաեւ ասաց, որ ինքն ուզում է, որ քննություն լինի, որովհետեւ որպես զինվոր իր արժանապատվությունը իր կյանքից թանկ է գնահատում ու մազաչափ չի զգում իր մեղքը: ԵԿՄ փոխնախագահ Մյասնիկ Մալխասյանը նախ ցավակցեց բոլոր զոհվածների ընտանիքներին, ապա միացավ Հակոբ Հակոբյանի խոսքին` հավաստելով. «Այն տղաները, որ կային Ազատության հրապարակում իրենց ներկայությամբ փորձել են կանխել այն միջադեպերը, որոնք կարող էին տեղի ունենալ, որովհետեւ ամեն պահի կարող էին սադրիչ գործողություններ լինել եւ բազմաթիվ անգամ եղել են սադրիչներ, որոնց հայտնաբերել ենք, ոստիկաններին դիմել ենք, որ նրանց հեռացնեն»: Մյասնիկ Մալխասյանը նաեւ նշեց, որ հանրահավաքների 9 օրերի ընթացքում որեւէ միջադեպ չի եղել եւ «կարելի էր երկխոսության ճանապարհով հարթել այս խնդիրը ու ավելորդ բաների չհասցնել, եթե նստացույցի մասնակիցներին ցրելու գործողությունները չլինեին»: «Դրա հետեւանքը եղավ մնացած գործողությունները, որոնք ունեցան իրենց ցավալի հետեւանքները», -ասաց մեղադրվող պատգամավորը` հավելելով. «Կան ձայնագրություններ իմ ելույթների, իմ բոլոր ելույթները եղել են հավասարակշռված: Մենք ընդամենը մեր գործընկերներին, մեր ժողովրդին դիմել ենք հանդարտության, խոհեմության կոչերով, որ հարցը պիտի լուծվի արդարացի: Պիտի արդարությունը վեր հանվի եւ մեր ժողովուրդը պիտի կարողանա իր ճակատագիրը արդար, մաքուր ընտրություններով կանխորոշել: Եթե սա սահմանադրական կարգի տապալման ձեւ է, մենք դրա դեմ ոչինչ ասել չենք կարող: Որոշումը ձերն է», - հայտարարեց պատգամավորը` շարունակելով. «Եթե մենք ժողովրդի կողքին ենք, դա նշանակում է` մենք ուզում ենք սահմանադրական կարգը բռնությամբ տապալե՞նք»: Մյասնիկ Մալխասյանը նաեւ հավաստեց, որ հանրահավաքում ելույթներ ունեցած բոլոր պատգամավորները որեւէ ավելորդ կոչեր չեն արել, բացի Մյասնիկյան հրապարակում հավաքված զայրացած ժողովրդին հանդարտության կոչեր անելուց, ու նրանց գործողությունները եղել են հավասարակշռված: «Ես կարծում եմ, որ ԱԺ-ն իր դերը պիտի ունենա եւ քաղաքական երկխոսության ճանապարհը պիտի ընտրվի, որ երկիրն այս վիճակից դուրս բերվի», - ասաց պատգամավորը: «Ժառանգության» ղեկավար Րաֆֆի Հովհաննիսյանը միջնորդությունը քաղաքական հետապնդում որակեց: «Էս ի՞նչ ենք անում: Ազգային ողբերգության հաջորդող այս օրերին, երբ մեր պետությունը մեր ազգը կանգնած է հերթական, այս անգամ անդառնալի վիհի առջեւ, դիտարկվում է այդ վիհը ոչ թե բուժելու, ոչ թե կամրջելու, այլ խորացնելու հանրավորությունը», - իր ելույթում մտահոգություն հայտնեց Րաֆֆի Հովհաննիսյանը` հավելելով. «Քարոզի եւ վարքի միջեւ տարբերությունը ակնհայտ է»: Նա մատնանշեց հեռուսատեսությամբ մատուցվող ատելության քարոզչությունը, որը խորացնում է պառակտումն ու ատելությունը ժողովրդի մեջ: «Այս իրավիճակում ՍԴ անկաշկանդ նիստ, օրինական գործընթաց, ժողովրդի վստահությունը վայելող հանգուցալուծում հնարավո՞ր է արդյոք պատկերացնել: Այս միջնորդագիրը քաղաքական, հատվածական փաստաթուղթ է, ոչ իրավական, ոչ ամբողջական, ոչ առարկայական եւ ոչ էլ շիտակ, կորել է այս փաստաթղթում իրադարձությունների պատճառահետեւանքային կապը», - հայտարարեց Րաֆֆի Հովհաննիսյանը` հավելելով. «Այսօր գործ ունենք մարդասպանության հետ: Ո՞վ է հրահանգել, ո՞վ է իրականացրել այդ մահացու կրակը», - հարց ուղղեց Հովհաննիսյանը` կոչ անելով մերժել միջնորդությունը. «Այս միջնորդագիրը չի ապահովում ապացուցողական նվազագույն շեմը, որը կարող է խթան հանդիսանալ ԱԺ համապատասխան որոշման համար: Սա քաղաքական հայացքների համար գործընթացի հերթական քայլ է եւ ուղղված է ոչ միայն 4 պատգամավորների, այլեւ ՀՀ յուրաքանչյուր քաղաքացու դեմ: Մեր մասնակցությունը բերել այս հարցին, իմ համեստ կարծիքով` անընդունելի է»: Պատգամավոր Անահիտ Բախշյանը կոչ արեց իրեն եւս զրկել անձեռնմխելիությունից` ասելով, թե ինքն էլ է հանդարտության կոչեր արել հրապարակում ու փորձել կառավարելի դարձնել ժողովրդին: Ավելի ուշ նրա կոչին միացան «Ժառանգության» մյուս պատգամավորները: «Միտինգները, որ ծավալվեցին փետրվարի 20-ից, այնտեղ գտնվող ցանկացած մեկին ոգեւորում էին, որ ազատության շունչ կա այս պետության մեջ, սկսել էինք հավատալ, որ մեր ժողովուրդը ճորտ չէ: Ես նույնպես ելույթ եմ ունեցել, կոչ եմ արել, բոլոր անօրինականությունների հետեւանքով հավաքված մեր համաքաղաքացիներին համբերել, պինդ կանգնել, ամուր լինել եւ չտրվել ոչ մի սադրանքի», - հայտարարեց պատգամավորը` շարունակելով. «Ժողովրդի բողոքի ալիքն ու բարկությունը մեկ բանի հետեւանք էր. մեր դեմ խաղ չկա, էդ ո՞նց եք դուք համարձակվել, վեր կենալ, խոսել ձեր ազատությունից: ...Որեւէ միջնորդություն, որեւէ ապօրինություն, որը հետեւելու է այս միջնորդությանը, չի խանգարելու, որ մեր երկրում այնուամենայնիվ Սահմանադրությունը հաղթի, օրենքը գործի եւ մենք ապրենք այն ազատ երկրում, որի մասին երազում էին հոկտեմբերի 27-ին այստեղ զոհված բոլոր ձեր գործընկերները նախկին», - ասաց Անահիտ Բախշյանը: «Լայնածավալ հուզումների մեջ մեղավոր է իշխանությունների վարած ոչ ճիշտ քաղաքականությունը», - գնահատական ներկայացրեց Վարդան Խաչատրյանը: «Մենք այսօր նայում ենք հեռուստատեսությունը եւ տեսնում ենք այդ ճեղքի մեջ խրվող նոր սեպեր», - նկատեց պատգամավորը: Զարուհի Փոստանջյանը կոչ արեց գնալ երկխոսության եւ չխորացնել պառակտումն ու առկա ճգնաժամը: «Կոչ ենք անում ԱԺ գործընկերներին չխորացնել վրդովված հայ ժողովրդի եւ իշխանության միջեւ անջրպետը, այլապես դա հղի է անկանխատեսելի հետեւանքներով», - նշում էր «Ժառանգության» հայտարարությունը: Ստեփան Սաֆարյանի խոսքերով` անթույլատրելի է իշխանության որոշ շրջանակների կողմից այս իրավիճակում ամեն գնով հաղթող դառնալու մոլուցքը: «Ժառանգությունը» նաեւ կոչ արեց դատախազին ետ վերցնել միջնորդությունը: Ինչը չարվեց: Լղոզված ելույթ ունեցավ ԱԺ նախագահ Տիգրան Թորոսյանը` միեւնույն ժամանակ նշելով, թե ամեն ինչ կտար, որ նման քննարկում չլիներ: Նրա խոսքերով` պետք է հնարավորություն տա ողբերգության բոլոր մանրամասները բացահայտելու: «Այսօր շատ կարեւոր է, թե ովքեր են մեղավորները: Եվ անկախ կուսակցական պատկանելությունից, պետք է ամենայն խստությամբ պատժվեն մեղավորները», - ասաց Թորոսյանը: Քվեարկությունից հետո պատգամավորները գլուխները կախած, դժգոհ դեմքերով գնացին տուն:

• ՄԱՐԴՈՒ ՏԵՍԱԿԸ

  Կարեւորը ոչ տարիքն է, ոչ մասնագիտությունը, ոչ էլ, անգամ, սեռը: Կարեւորը` տեսակն է: Որն անփոփոխ է ու, երեւի թե, հավերժ: Տեսակը փնտրում է իր նմանին եւ հանգստանում է միայն այն դեպքում, երբ գտնում ...

• ՎԱԶԳԵՆ ՍԱՐԳՍՅԱՆ. ՊԱՏԱՍԽԱՆՆԵՐ` ԱՌԱՆՑ ՀԱՐՑԵՐԻ

  1
  Մենք մեր ազգային պատերազմը անընդհատ հետաձգել, բերել-հասցրել ենք 21-րդ դարի շեմին, հիմա էլ նստենք-մտածենք, թե այդ կռվում արժե՞, թե՞ չարժե զոհվել: Ճիշտ եմ արել, որ կենաց ու մահու ընտրության կոչով եմ ...

• ՄԵԶՆԻՑ ՅՈՒՐԱՔԱՆՉՅՈՒՐՆ ԷԼ ԻՐ ԵՂԲՈՐ ՊԱՀԱԿՆ Է

  Կայենը երեք մեծ ու ճակատագրական սխալ է գործել. եթե ժամանակագրական կարգով` եղբորը սպանելը, ապա չքմեղանալն Աստծո առջեւ, որ նույնն է, թե նրան խաբել փորձելը եւ երրորդը, որի լուծն էլ այսօր կրում ենք` ...

• ԵՐԿՈՒ ԱԹՈՌԻ ՀԱՄԱՐ ՉԱՐԺԵ ԱՅՍ ԵՐԿԻՐԸ ՎՏԱՆԳԵԼ

  4
  ԱԺ պատգամավորները երեկ համաձայնություն տվեցին իրենց գործընկերներ Խաչատուր Սուքիասյանի, Սասուն Միքայելյանի, Հակոբ Հակոբյանի, Մյասնիկ Մալխասյանի դեմ քրեական հետապնդում իրականացնելու ու նրանց նկատմամբ ...

• ԵՎՐԱՄԻՈՒԹՅՈՒՆԸ ԿՈՉ Է ԱՆՈՒՄ ՎԵՐԱՑՆԵԼ ԱՐՏԱԿԱՐԳ ԴՐՈՒԹՅՈՒՆԸ

  Եվրամիությունը երեկ կոչ է արել Հայաստանի իշխանություններին վերացնել արտակարգ իրադրությունը եւ չսահմանափակել Լեւոն Տեր-Պետրոսյանի տեղաշարժվելու իրավունքը: «Հորդորում եմ Հայաստանի կառավարությանը ...

• ՔԱՂԱՔ, ՈՒՐ ԿԱՐԾԵՍ ԱՄԵՆ ԻՆՉ ՍԿՍՎՈՒՄ Է ՄԵՌՅԱԼ ԿԵՏԻՑ

  Ռուսական «Կոմերսանտ» թերթի տեղեկատվությամբ` երեկ Երեւանի հիվանդանոցներում ստացած վնասվածքներից վախճանվել է 10 մարդ, այսինքն` զոհերի թիվը հասել է 20-ի: Ռազմական տեխնիկայով գերլցված քաղաքում սկսվել ...

• ԾՐԱԳՐՎԱԾ ՍԱԴՐԱՆՔ ԷՐ ԱԿԱՆԱՏԵՍԻ ՎԿԱՅՈՒԹՅՈՒՆՆԵՐ

  9
  Մարտի 1-ի կեսօրին ինձ զանգեցին տուն եւ տեղեկացրեցին, որ Ֆրանսիայի դեսպանատան մոտ խաղաղ ցուցարարներին առել են օղակի մեջ եւ ջարդում են: Արդեն հետագա զրույցից իմացա, որ ցուցարարներին առավոտյան մութուլուսին ...

• ԲՈԼՈՐԻՍ ՀԱՅԱՑՔՆԵՐԸ ԴԵՊԻ ՄԵՐ ՀԱՅՐԵՆԻՔԸ, ԴԵՊԻ ՄԵՐ ՀԱՅՐԵՆԱԿԻՑՆԵՐԸ...

  4
  ԱՄՆ-ի Կալիֆորնիայի նահանգը հայրենիքից ստացվող լուրերից տագնապած այս օրերին փոթորկվում է, ինչի արտահայտությունն էր մարտի 2-ին Լոս Անջելեսի Հոլիվուդ քաղաքի Սան Սեթ բուլվարում կայացած հանրահավաքը, որն ...

• ՀԱՐՁԱԿՈՒՄՆԵՐ ԳՅՈՒՄՐԻՈՒՄ ԱՇԽԱՏՈՂ ԼՐԱԳՐՈՂՆԵՐԻ ՎՐԱ

  Ժուռնալիստների «Ասպարեզ» ակումբի հաղորդագրությունը Մարտի 2-ին, ժամը 12.00-ի եւ 12.30-ի միջակայքում Գյումրու թատերական հրապարակի մատույցներում` Սայաթ-Նովա փողոցի միջնամասում ոստիկանները աննախադեպ ...

• ԿԼԻՆԵՐ, ԵԹԵ...

  Դժվար է ասել, թե ինչ կզգար Արգիշտի արքան` կանգնելով Էրեբունի ամրոցի պարիսպների մոտ եւ դիտելով իր ստեղծագործության շարունակությունը` նոր Երեւանը: Սակայն պարիսպներից ներս նայելիս աստվածների զայրույթը, ...

• ՓԻԹԵՐ ՍԵՄՆԵԲԻ. «ԱՄԵՆԱՅՆ ԽՍՏՈՒԹՅԱՄԲ ԴԱՏԱՊԱՐՏՈՒՄ ԵՆՔ ՇԱԲԱԹ ՕՐԸ ՏԵՂԻ ՈՒՆԵՑԱԾ ԲՌՆՈՒԹՅՈՒՆԸ

  Անկասկած, մենք խիստ մտահոգված ենք վերջին մի քանի օրերին իրադարձությունների զարգացմամբ, խիստ մտահոգված ենք շաբաթ օրը տեղի ունեցած բռնությամբ, որը դատապարտում ենք ամենայն խստությամբ», - «Ազատություն» ...

• ԳՅԱԴԵՆ ԵՐԲԵՔ ԱՂԱ ՉԻ ԴԱՌՆԱ»

  2
  Մարտի 1-ի լույս 2-ի գիշերը ՀՀ-ում Ֆրանսիայի դեսպանատան մոտ տեղի ունեցած հայտնի գործողությունների ժամանակ, ըստ պաշտոնական տվյալների, զոհվել է 8 մարդ` Զաքար Սարգսի Հովհաննիսյանը, ծնվ. 1977թ., Համլետ ...

• ԽՐՎՈՒՄ ԵՆ ՈՒ ԽՐՎՈՒՄ

  Կարինե Հարությունյան   

• ՕՏԱՐՆԵՐԻ ՄԵՋ` ՅՈՒՐԱՅԻՆ, ՅՈՒՐԱՅԻՆՆԵՐԻ ՄԵՋ` ԱՐԱՏ

  Արամ Ամատունի   

• ԳԱՎԱԹԸ, ԳԻՆԻՆ, ՀՈՎԻՏԸ...

  Աստղիկ Սարգսյան   

• ԼԵՒՈՆ ՏԵՐ-ՊԵՏՐՈՍՅԱՆ. «ՀԱՅԱՍՏԱՆԻ ՀԱՍԱՐԱԿՈՒԹՅՈՒՆԸ ԻՐ ԻՐԱՎՈՒՆՔՆԵՐԻ ՀԱՄԱՐ ՊԱՅՔԱՐԻ ԵԼԱԾ ԱԶԱՏ ՔԱՂԱՔԱՑԻՆԵՐԻ ԳԻՏԱԿԻՑ ՀԱՎԱՔԱԿԱՆՈՒԹՅՈՒՆ Է»

• ՀՀ ՈՍՏԻԿԱՆՈՒԹՅԱՆ ԵՐԵՒԱՆԻ ԿԵՆՏՐՈՆԻ ՈՍՏԻԿԱՆՈՒԹՅԱՆ ԲԱԺՆԻ ՊԵՏ Ա. ՄԵՀՐԱԲՅԱՆԻՆ

• ԼԵՒՈՆ ՏԵՐ-ՊԵՏՐՈՍՅԱՆԻ ՀԱՅՏԱՐԱՐՈՒԹՅՈՒՆԸ

  

• ԼԵՒՈՆ ՏԵՐ-ՊԵՏՐՈՍՅԱՆ. «ՄԵՆՔ ՉԵՆՔ ՆԱՀԱՆՋԵԼՈՒ»

  

• ՔՈՉԱՐՅԱՆԸ ՄԱՏՆԵՑ ԻՐԵՆ

  

• ՀԱՅԱՍՏԱՆ, ԲԱՑ ԱՐԱ ՔՈ ԱՉՔԵՐԸ

  Արամ Ամատունի   

• ԹԵՐԻ ԴԵՒԻՍԸ ՑՆՑՎԱԾ Է

• ՊԱՀԱՆՋՈՒՄ ԵՆՔ ՀՐԱԺԱՐՎԵԼ

  

• ՍԱ ՀԵՆՑ ԺՈՂՈՎՐԴԻ ԽԱՂՆ Է, ՊԱՐՈՆ ՆԱԽԱԳԱՀ

  Գոհար Բարսամյան   

• ԱԿԱՆԱՏԵՍԻ ՎԿԱՅՈՒԹՅՈՒՆ

  

• ԼԵՒՈՆ ԽԵՉՈՅԱՆ. «ԼԵՒՈՆԸ ՊԱՏՐԱՍՏ ՎԵՐԱԴԱՐՁԵԼ Է»

  Կարինե Հարությունյան   

• ՀԱՅ ԵԿԵՂԵՑՈՒ ԱՌԱՋՆՈՐԴՆԵՐԻ ՈՒՂԵՐՁԸ ԺՈՂՈՎՐԴԻՆ

  

• 1862  Կալկաթայում Տեր Հարությունյանը սկսեց հրատարակել «Եղբայրասեր» լրագիրը (մինչև 1863 թ.):
• 1873  Պոլսում ծնվեց հայ մշակույթի նվիրյալ Թեոդիկը (Լաբճինճյան): Մի կերպ փախչելով Դեր Զորի անապատից՝ մինչև Առաջին համաշխարհային պատերազմի վերջն ապրել է ուրիշի անվան տակ, ապա վերադարձել է ծննդավայր: Նշանավոր են Թեոդիկի «Հուշարձան ապրիլի 24-ին» գիրքը և հետագայում Փարիզում ավարտած «Ամենույն տարեցույցը» տարեգիրքը:
• 1878  Ծնվեց օպերային երգչուհի, մենակատար Զարուհի Դոլուխանյանը: (Վախճ. 1936թ.-ին):
• 1920  Կիլիկիայի Հաճըն քաղաքում կազմակերպեց քաղաքի պաշտպանների զորահանդես: Ինքնապաշտպանության 4 վաշտերը թշնամուն դիմակայեցին մինչև հոկտեմբերի կեսերը: Հաճընի հերոսամարտը մեր ազգային պայքարի փայլուն էջերից է:
• 1924  Մահացավ դերասան, կատակերգու, «Հուշարար» հանդեսի հիմնադիր և խմբագիր Վրույրը:
• 1959  Ծնվեց Վազգեն Սարգսյանը՝ արցախյան ազատամարտի առաջին կազմակերպիչներից մեկը: Նա 1999 թ. հունիսից Հայաստանի Հանրապետության վարչապետն էր: Վարչապետը զոհվեց նույն թվականի հոկտեմբերի 27-ին, Ազգային ժողովում կատարված ահաբեկչության հետևանքով:
• 1991  Ստեղծվեց Մոսկվայի ռուս մտավորականության «Ղարաբաղ» կոմիտեն, որը նպատակ ուներ Արցախի խնդրի միջազգայնացումն ու արդար լուծումը:
• 1998  Կիպրոսի խորհրդարանը դատապարտեց Թուրքիայի կողմից գրավված շրջանում գտնվող Ս. Մակարի վանքը կիպրացի թուրքերի կողմից պանդոկի վերածելու որոշումը: 1974 թ. Թուրքիայի Կիպրոս ներխուժելու ընթացքում, թուրքական ուժերը թալանել և ավերել էին այն:

• am
• ru
• en

ԼՈՒՐԵՐ ՀԱՅԱՍՏԱՆ

• Ա1+
• Ազատ Արցախ
• Ազգ
• Առավոտ
• Ազատություն
• ԱրմենիաՆաու
• Երկիր
• Հայոց Աշխարհ
• Չորրորդ Իշխանութ.
• Պանորամա
• Պանարմենիան
• Ժամանակ

ՕՆԼԱՅՆ ԼՈՒՐԵՐ

• Օնլայն Ռադիո

ԻՆՖՈՐՄԱՑԻԱ

• Եղանակ
• Դրամի Փոխարժեք
• Վիճակագրություն

ԻՄ ԱՐՄԹԱՈՒՆ

• Կայքի Առօրյան
• Ֆորում
• Քվեարկություն
• Լուրերի Էքսպորտ
• Կոդավորվորիչ նոր