«ԺԱՌԱՆԳՈՒԹՅՈՒՆԸ» ԾԱՆՐ ԿԱՌՈՒՅՑ Է

Հայտնի է, որ նախագահի թեկնածու առաջադրվելու շանսից այս էլ երկրորդ անգամ զրկված Րաֆֆի Հովհաննիսյանը, նույնն է թե` «Ժառանգություն» կուսակցությունը, դեռ չի հստակեցրել իր կողմնորոշումը առաջիկա նախագահական ընտրություններում: «Ժառանգության» պահվածքն այս դեպքում նմանվում է իրեն թանկացնող հարսնացուի:
Փաստ է, որ կուսակցության անդամները շարքայինի կարգավիճակով մասնակցում են ընդդիմության հանրահավաքներին, սակայն Րաֆֆի Հովհաննիսյանը դեռ չի շտապում ի տես ամենքի հարթակ բարձրանալ եւ հայտնվել Լեւոն Տեր-Պետրոսյանի կամ մյուս ուժերից որեւէ մեկի կողքին: Երբ փորձում ես մոտավորապես կողմնորոշվել, թե ում կողմն է ավելի շատ իրենց համակրանքը` իշխանությա՞ն, թե՞ ընդդիմության, «Ժառանգության» գրեթե բոլոր անդամները ճռճռան ֆրազներ են նետում. «Մեր համակրանքը զարգանում է դեպի ազատ, անկախ Հայաստանի ուղղությամբ, որը զարգացման տեսլական, բարեփոխումների իրականացման հեռանկար է ունենալու, որը ապահովելու է մեր երկրի երկարաժամկետ զարգացումը»: Երեկ այսպիսի պատասխան տվեց «Ժառանգություն» խմբակցությունից ԱԺ պատգամավոր Արմեն Մարտիրոսյանը: Համենայնդեպս, «Ժառանգությունը» խոստանում է մինչեւ հունվարի 5-ը, երբ պաշտոնապես կգրանցվեն 2008թ.-ի նախագահի թեկնածուները, ավետել իր «համակրանքի» մասին: Մեր այն հարցին, թե հնարավո՞ր է, որ «Ժառանգությունը», այնուամենայնիվ, որոշի չսատարել որեւէ քաղաքական ուժի եւ ընտրապայքարին մասնակցի դիտորդի կարգավիճակով, պրն Մարտիրոսյանն ասաց. «Տեսականորեն հնարավոր է, բայց գործնականում` ոչ: Տրամաբանությունը պետք է բերի նրան, որ մենք հայտարարենք, որ չենք մասնակցում ընտրություններին որեւէ ձեւով: Թեեւ առաջիկա մեկ ամսվա ընթացքում հնարավոր է այնպիսի զարգացումներ լինեն, որ լինի այդ տարբերակը եւս: Այնուամենայնիվ, ինչ-որ դիրքորոշում կարտահայտենք, որովհետեւ եւ կուսակցության, եւ Րաֆֆի Հովհաննիսյանի հեղինակությունն այնքան մեծ է, որ «Ժառանգության» եւ Ր.Հովհաննիսյանի անձնական դիրքորոշման ակնկալիքը քաղաքական դաշտում կա»: Երեկ Արմեն Մարտիրոսյանն ու «Ժառանգությունից» մեկ այլ պատգամավոր` Ստյոպա Սաֆարյանը հրավիրված էին «Լեգիտիմ նախագահ-2008» հասարակական շարժման շրջանակներում կազմակերպված քննարկմանը: Մեր այն հարցին, թե արդյո՞ք պատրաստվում են ներգրավվել այս շարժմանը եւ գոնե այսկերպ աջակցել լեգիտիմ նախագահ ընտրելու գործին, պրն Մարտիրոսյանը պատասխանեց. «Այս նախաձեռնությանը մասնակցելու հարցը դեռ չի քննարկվել կուսակցությունում, քանի որ երեկ ենք միայն հրավիրվել մասնակցելու: Անկախ ամեն ինչից, որպես ՀՀ քաղաքացի համոզված եմ, որ մեր երկրի համար կարեւոր է ոչ թե նախագահի անձը, այլ թե ինչպես է այդ անձն ընտրված լինելու, քանի որ ապագա նախագահի լեգիտիմության եւ հասարակական վստահության աստիճանը շատ բան է կանխորոշելու մեր պետականության վաղվա օրվա համար»: Մեզ հասած տեղեկություններով` «Ժառանգության» անդամներն իրենց առաջնորդի հետ հանդիպելու եւ զրուցելու համար օրերով հերթագրվում են ու սպասում, որ նա իրենց ընդունի: Եթե որեւէ հրատապ հարց է ծագում, ոչ ոք նրա հետ չի կարողանում անհապաղ հանդիպել, նախապես պետք է պայմանավորվել, նրա սեղանին պետք է զեկուցագիր դրվի, թե ինչ հարցով եւ ինչ հրատապություն է պարունակում այդ հանդիպումը, նոր միայն հանդիպման ժամ է նշանակվում, այն էլ` Ր.Հովհաննիսյանի համար հարմար ժամին:
Հ.Մ.

<< | Սկիզբ | >>

Translate

RSS © Ժամանակ

Վերջին լուրերը, Դեկտեմբեր 17, 2007

ՄԵԿՆ ԱՆՇՈՒՆՉ Է, ՄՅՈՒՍՆ ԷԼ ՏԱԿ ՉՈՒՆԻ
Մարինա Բաղդագյուլյան
Թատերական գործիչները լուրջ մտահոգված են «Թատրոնի մասին» օրենքում հնարավոր փոփոխությունների` ազատ բեմի կարգավիճակի առիթով: Այսինքն` լինեն թատրոններ, որոնք գեղարվեստական ղեկավարներ չեն ունենա, կլինի միայն ...
ՎԱՇԻՆԳՏՈՆԸ ԿՈՐՑՆՈՒՄ Է ՔԱՂԱՔԱԿԱՆ ԿՇԻՌԸ ՊԱՐՍԻՑ ԾՈՑՈՒՄ
Թոմաս Լ. Ֆրիդման 1
Ես մեծացել եմ Մինեսոթայում եւ շատ եմ սիրել լինել գյուղատնտեսական ցուցահանդեսում, ինչը յուրաքանչյուր տարի կազմակերպում էին նահանգի իշխանությունները: Այնտեղ մի երիտասարդ կար, միշտ գուշակում էր ձեր կշիռը` ...
ԲՆՈՒԹՅՈՒՆՆ ԻՐ ՎՐԵԺԸ ԼՈՒԾԵԼՈՒ Է
Արփի Հարությունյան
Թեեւ բնապահպաններն աղաղակում են, որ ավտոճանապարհ բացելու նպատակով Գետառ գետի հունը խողովակի մեջ առնելը վտանգում է մայրաքաղաքի կյանքը, շինարարները շարունակում են կառուցապատել այն` խախտելով ոչ միայն բնության, ...
ՖՈ՞Ն, ԹԵ՞ ՍԵՊ` ՍԵՐԺ ՍԱՐԳՍՅԱՆԻ ԱՆԻՎՆԵՐԻ ՄԵՋ
Արամ Ամատունի 5
Պարզ էր, թե ինչու է Սերժ Սարգսյանը Եվրոպայում հարցազրույց տալով անգլիական թերթին, այդքան հանդուրժողականություն ցուցաբերում Թուրքիայի հետ Հայաստանի հարաբերությունների մասին խոսելիս, եւ ի տարբերություն ...
ՈՎ ՄԵԶ ՀԵՏ ՉԷ, ՆԱ ՍԵՐԺԻ ՀԵՏ Է
Հեղինե Մանուկյան
Երեկ «Լեգիտիմ նախագահ-2008» նախաձեռնող խումբը սեմինար էր կազմակերպել «Մարիոթ» հյուրանոցում:Մոտ մեկ շաբաթ առաջ ՍԴՀԿ ատենապետ Լյուդմիլա Սարգսյանի, «Հայրենիք եւ պատիվ» կուսակցության ղեկավար Գառնիկ Մարգարյանի ...
ՔԱՂԱՔԱԿԱՆ ՈՒԺԵՐՆ ԸՆԴԴԵՄ ԱՐՏԱՔԻՆ ԱԶԴԵՑՈՒԹՅԱՆ
Ավետիս Բաբաջանյան
Երբ իրավիճակի բերումով անհրաժեշտություն է առաջանում հրապարակային խոսել Հայաստանի քաղաքական կյանքի կամ կուսակցությունների արտաքին քաղաքական կողմնորոշումների մասին, նրանց ներկայացուցիչները շատ նեղացած ու ...
«ԺԱՌԱՆԳՈՒԹՅՈՒՆԸ» ԾԱՆՐ ԿԱՌՈՒՅՑ Է
Հ.Մ. 3
Հայտնի է, որ նախագահի թեկնածու առաջադրվելու շանսից այս էլ երկրորդ անգամ զրկված Րաֆֆի Հովհաննիսյանը, նույնն է թե` «Ժառանգություն» կուսակցությունը, դեռ չի հստակեցրել իր կողմնորոշումը առաջիկա նախագահական ...
ՍԵՐԺԸ ԴԱՌՆԱ ՆԱԽԱԳԱՀ, ԵՍ ԷԼ ԳՆԱՄ ՀԱՆԳԻՍՏ ԱՇԽԱՏԵՄ
Մարինե Խառատյան
ՀՀԿ համամասնական ցուցակով պատգամավոր ընտրված «ՄԱՊ» գործարանի սեփականատեր, հոկտեմբերյանցի Ալեքսան Պետրոսյանը, որը ոչ վաղ անցյալում ՕԵԿ խմբակցության անդամ էր, այսօր պատրաստ է 24 ժամ քարոզչություն անել Սերժ ...
ԲԵՍՊՐԵԴԵԼԸ ՇԱՐՈՒՆԱԿՎՈՒՄ Է
4
Ապօրինություններն ու բեսպրեդելը մեզ այլեւս չեն զարմացնում` դրան մենք սովորել ենք` այնպես, ինչպես սովորեցինք ոչ լեգիտիմ իշխանության հետ կողք կողքի ապրելուն: Երեկ այս ոչ լեգիտիմները հերթական սանձարձակ քայլն ...
1 ՏԱՐԻ 169 ՕՐ...
«Ժամանակ Երեւան» («Ժամանակ Լոս Անջելես») օրաթերթի գլխավոր խմբագիր Արման Բաբաջանյանին ՀՀ վերաքննիչ դատարանը դատապարտել է երեքուկես տարի ազատազրկման` մի արարքի համար… Որը 2003 թվից սկսած այլեւս քրեորեն ...