Հրատարակվում է

ԿՀԱՆԻ ԱՐԴՅՈՔ ԹԵԿՆԱԾՈՒԹՅՈՒՆԸ

• 
  Իշխանության խուճապը ըստ երեւույթին հասել է այն աստիճանի, որ արդեն սկսել են իրար խառնել անգամ այն, ինչը առաջներում երեւի թե երբեք չէին խառնի: Խոսքը սոցհարցումների մասին է, որոնցից հերթականն օրերս ներկայացվեց հանրությանը` հեղինակավոր Գելապի ստորագրությամբ:

  Իհարկե Գելապին, համենայնդեպս Հայաստանում, վաղուց արդեն շատ դժվար է համարել հեղինակավոր, հատկապես այն բանից հետո, երբ Արտաշես Գեղամյանն ասում էր, թե ըստ Գելապի` իր վարկանիշը 58 տոկոս է, իսկ Րաֆֆի Հովհաննիսյանն էլ ասում էր, թե իր վարկանիշը, ըստ նույն Գելապի, 72 տոկոս է: Պարզ էր, որ նրանցից ինչ-որ մեկը սուտ էր խոսում, քանի որ չէր կարող Գելապի հարցումը մոտ 130 տոկոս շրջանակ ունենալ: Չէր էլ կարող պատահել, որ այդ գործիչներն իրենցից հորինեին այդ տոկոսները, այլապես Գելապը ձայն կհաներ ու կասեր, որ ինչ-որ մեկը խեղաթյուրում է իր սոցհարցման տվյալները: Մինչդեռ Գելապը լուռ է, ինչը նշանակում է, որ կամ Հովհաննիսյանին է սխալ տվյալ տվել, կամ Գեղամյանին: Իսկ գուցե երկուսին էլ միանգամից: Պարզապես նրանք էլ իրենց հերթին ձայն չհանեցին, որովհետեւ իրենց համար այն սուտը, որը ներկայացնում էին հանրությանը Գելապի անունից, հաճելի սուտ էր: Ինչու իզուր տեղը աղմուկ հանել, եթե կարող է պարզվել, որ ասենք, նրանցից ոչ մեկը 7 տոկոսից ավելի վարկանիշ չունի: Թեեւ ըստ էության դա թաքցնելու կարիք էլ չկար, որովհետեւ միեւնույն է` ամեն ինչ պետք է բացահայտվեր մայիսի 12-ին, երբ Ազգային միաբանությունն ու Գեղամյանն անգամ հինգ տոկոսը չանցան, եւ օգոստոսի 26-ին, երբ Րաֆֆի Հովհաննիսյանը Թալինում հազարից մի քիչ ավելի ձայն հավաքեց: Սակայն օրերս հրապարակված Գելապի սանդղակի հերոսները Րաֆֆին ու Արտաշեսը չեն, այլ Սերժ Սարգսյանն ու Արթուր Բաղդասարյանը: Եւ հենց այդ տեսանկյունից է, որ ակնհայտ է իշխանության շփոթմունքը: Հիմա ու՞մ հավատա հասարակությունը` հեղինակավոր Քոմրեսին, որ Սերժ Սարգսյանին 38 տոկոս ձայն էր տալիս, թե՞ պատվախնդիր Գելապին, որ Սերժ Սարգսյանին տալիս է 29 տոկոս: Ու՞մ տվյալն է ավելի հավաստի: Մի՞թե իշխանությունը չի նկատել այս անհամաձայնությունը եւ չի փորձել հարթել անհարթը: Թերեւս իշխանությունը լավ էլ նկատել է, եւ ավելին` ոչ միայն նկատել է, այլեւ ցանկացել է, որ դա նկատի նաեւ հասարակությունը: Բանն այն է, որ այդ հասարակությանը, արդեն մի քանի ամիս է, խորհրդարանի ընտրությունից հետո, Հանրապետական «եղբայրությունը» առավոտից երեկո համոզում է ու հավաստիացնում, որ իրենց թեկնածուն նախագահական ընտրություններին հաղթելու է առաջին իսկ փուլով: Ահա այդ ֆոնն ապահովելու համար էլ մեջ էր բերվել Քոմրեսը: Բայց երեւի թե իշխանությունը նկատեց, որ հասարակությունն առանձնապես ոչ միայն չի ոգեւորվում առաջին փուլի գաղափարից, այլ նույնիսկ սկսում է հակառակում համոզվել, որ Սերժ Սարգսյանը մեկ փուլով ոչ թե հաղթելու, այլ պարտվելու է: Եւ քանի որ ժողովուրդը երբեք չի սխալվում, իշխանությունն ինքն էլ հասկացավ, որ երեւի թե առաջին փուլը շառ է: Եւ քանի որ Քոմրեսին վերջնականապես ծաղրուծանակի կենթարկեին, եթե նրա միջոցով փորձեին ձեւավորել երկրորդ փուլի սոցիալական հենքը, անմիջապես ձեռք զարկեցին կարծես թե արդեն ծաղրուծանակի ենթարկված Գելապին: Եւ հրապարակ ելավ Սերժ Սարգսյանի 29 տոկոսը` Արթուր Բաղդասարյանի 11 տոկոսով: Նույնիսկ քաղաքականությունից հեռու մարդիկ անմիջապես հասկացան, որ եթե սոցհարցման տվյալները փոխվել են, ուրեմն փոխվել են իշխանության պլանները: Ամենայն հավանականությամբ Գելապով նախանշվում է երկրորդ փուլի սցենարը, որ հայտնվել է իշխանության օրակարգում: Ըստ ամենայնի, Սերժ Սարգսյանի հետ երկրորդ փուլում որպես «մրցակից» է նախատեսվում Արթուր Բաղդասարյանը, թեեւ չի բացառվում, որ հընթացս իշխանությունը փոխի այդ որոշումը, եթե ի հայտ գա ավելի նախընտրելի «մրցակից», ասենք` ի դեմս Վազգեն Մանուկյանի կամ Վահան Հովհաննիսյանի: Համենայնդեպս նրանք միշտ էլ կարող են ավելի հարմար պայմաններ առաջարկել Սերժ Սարգսյանի համար, թեեւ երկրորդ փուլի պարագայում, որեւէ այլ թեկնածուի համար դա լինելու է իր կյանքի վերջին փուլը, որովհետեւ դրանից հետո, եթե չդառնա նախագահ, Սերժ Սարգսյանի մրցակիցը, ով էլ որ նա լինի, կարող է հանգիստ թողնել քաղաքականությունը` հանգիստ թողնելով նաեւ ընտրողներին: Ինչ վերաբերում է Արտաշես Գեղամյանին, ապա նրան երկրորդ փուլում տեսնելը, գրեթե կարելի է բացառել, որովհետեւ 2003 թվականը ցույց տվեց, որ Գեղամյանն իշխանության համար «միանգամյա» օգտագործման է: Մյուս կողմից` ըստ էության կարեւոր էլ չէ, թե ով է լինելու Սերժ Սարգսյանի ֆոնը երկրորդ փուլում: Խնդիրն այն է, որ իշխանությունն արդեն հրաժարվել է առաջին փուլով հաղթելու մտքից: Իսկ դա նշանակում է, որ աստիճանաբար իշխանությունները կգիտակցեն, համենայնդեպս կա դրա հավանականությունը, որ հաղթանակն անհնար է նաեւ երկրորդ, երրորդ եւ ընդհանրապես որեւէ փուլով, եւ վերջում երեւի կդիմեն Ահարոն Ադիբեկյանի օգնությանը, որպեսզի նա իրեն հատուկ սառնարյունությամբ կարողանա ձեւակերպել, սոցիոլոգիական հենք հաղորդել փաթեթային պարտությանը: Ի վերջո, միայն նա կարող է հաղորդել, որ ասենք եղանակային վատ պայմանների պատճառով Սերժ Սարգսյանի վարկանիշը 38-ից հասել է 8-ի, ինչը քննարկելով ՀՀԿ խորհուրդը որոշում է կայացրել հանել նրա թեկնածությունը: Ի դեպ, կարելի է այդ իրավիճակից պատվով դուրս գալ` ասելով նաեւ, որ իրականում Սերժ Սարգսյանին մոլորեցրել են հենց Գելապն ու Քոմրեսը, որոնք նրան ավելորդ հույսեր են ներշնչել, թե նա ունի Հայաստանի նախագահ դառնալու ամենամեծ շանսը:

• Արամ Ամատունի

• ՄԿԱՆ ՏԱՐԻ Է ԳԱԼԻՍ, ԲԱՅՑ ԿՌԻՍ ՉԴԱՌՆԱՆՔ

  Մարինա Բաղդագյուլյան   
  Մոտենում է 2008 թվականը: Նոր տարվա շունչը ամենալավը զգացվում է շուկաներում, մայթերին կանգնած առեւտրականների «սեղանիկների» բարիքներից` չիր, չամիչ, պոպոք, պնդուկ, մանդարին ու խնձոր, նարինջ ու արքայախնձոր, ...

• ԳԵՐՄԱՆԻԱՆ ԳԵՐՏԵՐՈՒԹՅՈՒ՞Ն

  Վերջերս անցկացված հանրային հարցման համաձայն` գերմանացիների կեսը իր երկիրը համարում է գերտերություն, մինչդեռ աշխարհում այլ կերպ են մտածում: Կասկած չեն հարուցում հետեւյալ փաստերը` ԱՄՆ-ի մայրամուտը, նոր ...

• ՀՀՇ-Ն ԸՆԴԴԵՄ «ՇԱՆԹ»-Ի

  Էլմիրա Մարտիրոսյան   4
  Մոտ մեկ ամիս առաջ ինչ-որ մեկը զանգահարել էր «Շանթ» հեռուստաընկերություն եւ ասել, որ եթե այսուհետ էլ Լեւոն Տեր-Պետրոսյանի մասին զրպարտչական խոսք հնչի, պայթեցնելու են հեռուստաընկերությունը: Այդ զանգն ...

• ԸՆՏՐՈՒԹՅՈՒՆ ՆԵՐԿԱՅԻ ՈՒ ԱՊԱԳԱՅԻ ՄԻՋԵՒ

  Թադեւոս Խաչատրյան   1
  Ի դեմս Լ.Տեր-Պետրոսյանի ձեւավորված նոր ընդդիմությունը մի շարք հատկանիշներով տարբերվում է նախորդներից: Նախեւառաջ այն գաղափարական է: Այսինքն` պայքարը ոչ թե իշխանափոխություն է հանուն իշխանափոխության, ...

• ԿՀԱՆԻ ԱՐԴՅՈՔ ԹԵԿՆԱԾՈՒԹՅՈՒՆԸ

  Արամ Ամատունի   
  Իշխանության խուճապը ըստ երեւույթին հասել է այն աստիճանի, որ արդեն սկսել են իրար խառնել անգամ այն, ինչը առաջներում երեւի թե երբեք չէին խառնի: Խոսքը սոցհարցումների մասին է, որոնցից հերթականն օրերս ներկայացվեց ...

• ԿՈՄՊՐՈՄԱՏՆԵՐԻ ՊԱՏԵՐԱԶՄԸ ՍԿՍՎԵՑ

  Մարինե Խառատյան   
  Թվում է` ԱՄ ղեկավար Արտաշես Գեղամյանը ամեն ջանք գործադրում է, ասուլիսներ է հրավիրում` ապացուցելու համար, որ աշխատում է ներկա իշխանությունների օգտին: Երեկ հրավիրած ասուլիսում Գեղամյանը կոչ արեց հայ ժողովրդին ...

• «ՀԱԶԱՐԱՄՅԱԿԻ ՄԱՐՏԱՀՐԱՎԵՐՆԵՐԸ» ՄՏԱՀՈԳՎԱԾ Է ԹԵՂՈՒՏԻ ԽՆԴՐՈՎ

  Գագիկ Աբգարյան    
  Երեկ տեղի ունեցավ «Հազարամյակի մարտահրավերների» ծրագրի Շահառուների խորհրդի նիստը: Խորհուրդը քննարկեց եւ ընդունեց 2007-08թթ. տարեկան գործունեության պլանը` հընթացս շեշտելով, որ դա մի քարացած փաստաթուղթ ...

• ՎԱՀԱՆ ՀՈՎՀԱՆՆԻՍՅԱՆԸ ՍՊԱՌՆՈՒՄ Է ՀԱՂԹԵԼ

  Ավետիս Բաբաջանյան   1
  Երեկ մենք ՀՅԴ թեկնածու, ԱԺ փոխնախագահ Վահան Հովհաննիսյանին երկու հարց ուղղեցինք. 10 տարի Դաշնակցությունը պաշտպանել է Ռոբերտ Քոչարյանին, նախագահական երկու ընտրություններում աջակցել նրան, հիմա երբ Դաշնակցությունն ...

• ԵՍ ԿԶԶՎԱՄ «ԳԱԼԱ»-ԻՑ

  Երեկ ընդունելով «ձուն ձմեռով» Գյումրի ժամանած լրագրողներին Գյումրիի քաղաքապետ Վարդան Ղուկասյանը չի ընդունել «ԳԱԼԱ»-ի լրագրողին եւ օպերատորին, հայտարարելով` «, չեմ ուզե էդ տղու` Վահանի երեսը տեսնել»: ...

• 1 ՏԱՐԻ 167 ՕՐ...

  «Ժամանակ Երեւան» («Ժամանակ Լոս Անջելես») օրաթերթի գլխավոր խմբագիր Արման Բաբաջանյանին ՀՀ վերաքննիչ դատարանը դատապարտել է երեքուկես տարի ազատազրկման` մի արարքի համար… Որը 2003 թվից սկսած այլեւս քրեորեն ...

• ՀԱՄԱ ԹԵ ԿԶԱՐՄԱՆԱ ՌՈԲԵՐՏ ՔՈՉԱՐՅԱՆԸ

  Մարինե Խառատյան   1
  Ռոբերտ Քոչարյանը զարմանալու առիթ ունի: Ոչ վաղ անցյալում պարոն Քոչարյանը զարմանում էր բացառապես Լեւոն Տեր-Պետրոսյանի «թրքամետության» վրա, երբ վերջինս հայտարարեց, թե Հայաստանը պետք է նորմալ հարաբերություններ ...

• ՄԵՐԸ ՊԱՅՔԱՐ Է ՀԱՆՈՒՆ ԿՅԱՆՔԻ

  Տիգրան Խաչատրյան   

• ՀԱՄԱ ԹԵ ԿԶԱՐՄԱՆԱ ՌՈԲԵՐՏ ՔՈՉԱՐՅԱՆԸ

  Մարինե Խառատյան   

• «ՎԻՎԱՐՈ»-Ն «ՔՑՈՒ՞Մ» Է ՀԱՃԱԽՈՐԴՆԵՐԻՆ

  Էլմիրա Մարտիրոսյան   

• ՀԵՂԻՆԱԿՈՒԹՅՈՒՆՆԵՐՆ ՈՒ ԻՇԽԱՆՈՒԹՅՈՒՆՆԵՐԸ «ՍԵԿԱ» ԵՆ ԼԻՆՈՒՄ

• ԿԱՐԵՒՈՐԸ ՄԿՆԵՐ ՈՐՍԱԼՆ Է

  Գայանե Բաբայան   

• 1 ՏԱՐԻ 166 ՕՐ...

• «Հ1»-Ն ԻՐԱՎՈՒՆՔ ՉՈՒՆԻ ՓՆՈՎԵԼ ՀՀ ԱՌԱՋԻՆ ՆԱԽԱԳԱՀԻՆ

  Հեղինե Մանուկյան   

• ՏՐԱՄԱԲԱՆՈՒԹՅԱՆ ԵՆԹԱԿԱ ԲՈՒՄԵՐԱՆԳԸ

  Արամ Ամատունի   

• ՀԱՆՈՒՆ 20 ՀԱԶԱՐ ԴՐԱՄԻ

  Ավետիս Բաբաջանյան   

• ՄԿԱՆ ՏԱՐԻ Է ԳԱԼԻՍ, ԲԱՅՑ ԿՌԻՍ ՉԴԱՌՆԱՆՔ

  Մարինա Բաղդագյուլյան   

• 1802  Կեսարիայում ծնվեց մանկավարժ Հակոբ Մանվելյանը: (Վախճ. 1870թ.-ին):
• 1825  Դեկաբրիստների ապստամբությունը Պետերբուրգում:
• 1825  Զմյուռնիայում ծնվեց արևմտահայ հրապարակախոս և քաղաքական գործիչ Ստեփան Ոսկանյանը: (Վախճ. 1901թ.-ին):
• 1846  Անդրկովկասը վարչական նոր բաժանման է ենթարկվում. ստեղծվում են Թիֆլիսի, Քութայիսի, Շամախու և Դերբենդի նահանգները:
• 1861  Կ. Պոլսում հիմնվում է Արևելյան թատրոնը: Բացման առթիվ ճառ է ասում Միք. Նալբանդյանը:
• 1913  Գերմանիան Թուրքիա ուղարկեց գեներալ Լիման Ֆոն Սանդերսի գլխավորած ռազմական պատվիրակությունը:
• 1919  ՈՒզունլարում բոլշևիկների նախաձեռնությամբ հրավիրվում է Լոռվա «չեզոք գոտու» գյուղացիական դեպուտատների խորհրդի առաջին նիստը, որը բանաձև է ընդունում կալվածատիրությունը վերացնելու և հողային կոմիտեներ ստեղծելու մասին:
• 1922  Ծնվեց վաստակավոր երգչուհի Գոհար Գասպարյանը Կահիրեում:
• 1929  Մարսելում (Ֆրանսիա) վախճանվեց լեզվագետ, թարգմանիչ Մեսրոպ Նուպարյանը: (Ծնվ. 1842թ.-ին Զմյուռնիայում):

• am

ԼՈՒՐԵՐ ՀԱՅԱՍՏԱՆ

• 168 Ժամ
• Ա1+
• ԱրմենիաՆաու
• Առավոտ
• Ազատ Արցախ
• Ազգ
• Լրագիր
• Պանարմենիան
• Պանորամա
• Ազատություն
• Երկիր
• Ժամանակ
• Չորրորդ Իշխանություն
• Հայոց Աշխարհ

ՕՆԼԱՅՆ ԼՈՒՐԵՐ

• Օնլայն Ռադիո

ԻՆՖՈՐՄԱՑԻԱ

• Եղանակ
• Դրամի Փոխարժեք
• Վիճակագրություն

ԻՄ ԱՐՄԹԱՈՒՆ

• Կայքի Առօրյան
• Ֆորում
• Քվեարկություն
• Լուրերի Էքսպորտ
• Կոդավորվորիչ