ՀՅԴ ԲՅՈՒՐՈՅԻ ՆԵՐԿԱՅԱՑՈՒՑԻՉ ՀՐԱՆՏ ՄԱՐԳԱՐՅԱՆԻ ՀԱՐՑԱԶՐՈՒՅՑԸ «ԱԶԱՏՈՒԹՅՈՒՆ» ՌԱԴԻՈԿԱՅԱՆԻՆ
Երեւան (Երկիր) - ՀՅԴ Բյուրոյի ներկայացուցիչ Հրանտ Մարգարյանը ապրիլի 2-ին հարցազրույց է տվել «Ազատություն» ռադիոկայանին: Հարցազրույցի ամբողջական տեքստը բերվում է ստորեւ:
- Պարո'ն Մարգարյան, փաստորեն, Դաշնակցության գնահատականը մարտի 1-ի վերաբերյալ պաշտոնապես չի հնչել, համենայնդեպս, առիթ չի եղել, որպեսզի դուք գնահատական հնչեցնեք: Ինչպիսի՞ն է Դաշնակցության դիրքորոշումը այդ իրադարձությունների վերաբերյալ` ինչի՞ հետեւանք էր, կա՞ն մեղավորներ:
- Կարծում եմ այդ դիրքորոշումը հայտնվել է։ Մարտի 1-ից հետո մենք ունեցել ենք առնվազն երկու-երեք պաշտոնական հայտարարություն, էլ չեմ խոսում Վահան Հովհաննեսյանի կատարած երկու հայտարարության մասին, որոնք նույնպես կարելի է մերը համարել։ Հետեւաբար, բավական լուրջ հայտարարություններ արել ենք: Մարտի 1-ի իրադարձությունները, ցավալի, ողբերգական լինելով հանդերձ, կանխագուշակելի էին, եւ մենք նախընտրական ընթացքում հաճախ ենք բարձրացրել այն մտահոգությունը, որ այս ընթացքը տանում է բախումի:
Թե ո՞ւմ էր պետք այդ բախումը` կարելի է ենթադրություններ անել, վերլուծությամբ հասնել եզրակացության, բայց որ ընթացքը տանում էր բախումների, դա պարզորոշ էր, եւ մեծ կարողություն պետք չէր դա զգալու համար: Մենք մեծ ճիգ թափեցինք զգաստացնելու, սթափեցնելու, ասելու, որ այդ ճանապարհը ճիշտ տեղ չի տանում մեզ, սակայն մեր կոչերը, հայտարարությունները, կեցվածքները մնացին անպատասխան:
- Եթե Դուք վերլուծել եք` ո՞ւմ էր ձեռնտու:
- Ես կարծում եմ` ոչ հայկական ուժերին: Կարծում եմ` նպատակը մի բան էր` այս երկիրը խեղճացնելը, այս երկիրը տկարացնելը: Խեղճ ու տկար երկիրը արտաքին միջամտության համար պարարտ հող է. ամեն մարդ կարող է իրեն թույլ տալ միջամտելու այս երկրի հարցերին, զիջումներ պարտադրելու, եւ դա էր, որ տեղի ունեցավ, իմ կարծիքով: Նույնը տեղի ունեցավ նաեւ Վրաստանում, թեպետ Սաակաշվիլին իրենց սիրելի թեկնածուն էր, բայց ընդդիմությունը նույնպես նույն ուժերին էր պատկանում, եւ Սաակաշվիլու, այսպես ասած, հզորանալը իրենց ձեռնտու չէր: Նրան էլ խեղճացրին։ Խեղճացած նախագահը օտար ուժերին, ավելի ձեռնտու է:
- Այսինքն, Ձեր կարծիքով, գունավոր հեղափոխության փորձ էր իրականացվում Լեւոն Տեր-Պետրոսյանի միջոցով:
- Այո:
- Այսինքն, արտաքին ուժերը Լեւոն Տեր-Պետրոսյանի միջոցով ուզում էին խեղճացնե՞լ:
- Այո:
- Պարո'ն Մարգարյան, այնուամենայնիվ, եղան զոհեր: Երկու կարծիք կար` մեկը, որ դա հրահրել է Լ. Տեր-Պետրոսյանը, երկրորդ կարծիքը` որ մեղավոր է իշխանությունը: Ձեր կարծիքով, ովքե՞ր են մեղավոր այս զոհերի համար, եւ իշխանությունները այդ զոհերի համար պատասխանատվություն ունե՞ն, թե՞ ոչ:
- Ես ո'չ դատախազ եմ, ո'չ դատավոր եւ ո'չ էլ ոստիկանապետ, որ կարողանամ այդ ամենի մասին ստույգ բան ասել։ Ես կարող եմ իմ ընկալումներն ու դիտարկումները ներկայացնել միայն:
Դեպքերը տեղի են ունեցել Երեւանի կենտրոնում, եւ մենք էլ գտնվել ենք այդ իրադարձություններից մի քանի կիլոմետր հեռավորության վրա: Ճանաչում ենք թե' ծեծողներին եւ թե' ծեծվողներին, այսինքն` շատ հանելուկային վիճակ չէ, եւ հավատում եմ, որ բոլորն են մեղավոր: Թե ինչո՞ւ հարցը հասավ բախումի` դա էլ խնդիր է։ Բայց, կարծում եմ, այդ երեկոն, որ ցավալի եղավ իսկապես, եւ զոհերի համար, կարծում եմ, ողջ հայությունն այսօր ողբում է, շատ ծանր ազդեց մեր ժողովրդի հոգեբանության վրա:
Մի բան պարզ է` այդ օրը` առավոտից սկսած, պետությունը անկազմակերպվածություն դրսեւորեց: Այս առումով կան պատասխանատուներ, որ պետք է պատասխանատվության ենթարկվեն։ Որովհետեւ, մի բան եթե ժամանակին չես կանխում, հետո պարտավորվում ես արյամբ կանխել: Այս առումով կա փաստ. պարզ էր, որ ամեն բան ավարտվելու էր դրանով, բայց այն ամենը, որ ես, որպես ոչ պրոֆեսիոնալ, կարող էի ընկալել` անկազմակերպվածություն էր պետության կողմից` ոչ օպերատիվ, ոչ կազմակեպված վերաբերմունք, հակազդեցություն: Հենց այն փաստը, որ երեկոյան կողմ արդեն զինվորական ոստիկանությունը իր բռնած դիրքերից մոտ երկու կիլոմետր նահանջել է, եւ հետո են տեղի ունեցել այդ բախումները, արդեն ամեն ինչ ասում է:
Կան մանրամասներ, որոնց մասին ես չեմ կարող կարծիք հայտնել. դեռ պետք է սպասենք մինչեւ քննության արդյունքների հրապարակումը, որն ամեն ինչ իր տեղը կդնի: Բայց որքան որ կազմակերպված չէր իշխանությունն ու պետությունը, թվում էր, որ կազմակերպված էին ցուցարարները: Ասում եմ` թվում է, որովհետեւ այն, ինչ որ ես կարողացա տեսնել, նրանում պատրաստվածություն, համենայնդեպս, կար` ձողերի մակարդակով, բենզինի շշերի մակարդակով, երկաթե ոզնիների մակարդակով: Դրանք ցույց են տալիս, որ ընդդիմությունը ավելի կազմակերպված է եղել, քան իշխանությունները:
- Բայց 8 զոհ կա, որից 7-ը քաղաքացիական, 1-ը` ոստիկան:
- Ես դրա համար ցավում եմ: Բայց նաեւ բնական է, որ այդ տեսակ բախումների մեջ այդպես է լինում: Եթե վիրավորներին մենք նկատի ունենանք, հրազենից վիրավորվածների քանակը, այն թիվը, որ հայտարարվում է, բնականաբար, ես այդ թիվը նկատի ունեմ, շատ ավելի մեծ է զինվորների մեջ. բնականաբար, որովհետեւ զինվորներն ավելի պաշտպանված են, քան քաղաքացիները: Սա իմ մակերեսային դիտարկումն է:
- Այդ օրը ոստիկանությունը կրակե՞լ է, Ձեր կարծիքով, մարդկանց վրա:
- Հապա որտեղի՞ց են զոհերը:
- Դե, ասում են` չեն կրակել։
- Ես տեղյակ չեմ, բայց ինձ թվում է, որ պետք է կրակոց լինի, որ զոհ լինի:
- Պարոն Մարգարյան, կոալիցիայում արդեն պորտֆելների բաշխումը շատ մոտ է, կա հուշագիր, եւ հասկանալի է նաեւ, որ Դաշնակցությունը պաշտոններ պետք է ունենա կառավարությունում: Ո՞րն է, Ձեր, այսպես ասենք, այն ցանկությունների մակարդակը, պահանջների մակարդակը, որ դուք ունեք:
-Գիտեք, կա երկու իրողություն. մեկն այն էր, որ շուտափույթ ստորագրվի քաղաքական համաձայնագիր, որին մենք բավական ուշացումով միացանք, բայց միացանք: Կարծում եմ, որ այդ քաղաքական համաձայնագիրը, ինքնըստինքյան, ժեստ էր, այսինքն` մենք դրանով փորձեցինք աշխարհին ցույց տալ, որ մենք միասնական ենք, եւ այն, ինչ որ պատահեց մեր երկրում, թույլ չենք տա, որ դա առիթ հանդիսանա, որ երկիրը խեղճանա, տկարանա, փորձեն ազգային առումով կամ երկրի անկախության առումով մեզ որեւէ բան պարտադրել: Այս իմաստով, կարծում եմ, այդ միասնականությունը ցույց տալը անհրաժեշտ էր հանուն այս երկրի, այս ժողովրդի, Ղարաբաղի հարցի, ազգային պետականության, անկախության։ Վերջին հաշվով, մեր անվտանգության առումով դա անհրաժեշտ էր:
Երկրորդ հարցը կառավարության կազմությունն է, որտեղ եւս առաջին մակարդակի խնդիրները ծրագրային հարցերն են, եւ երկրորդ տեղում են կադրային հարցերը: Ծրագրային հարցերում, կարծում եմ, նորընտիր նախագահի համար շատ կարեւոր է այն կառավարությունը, որ պիտի ձեւավորվի` վարչապետով ու կազմով։ Այդ կառավարությունը պետք է կարողանա հուսալի լինել, հույս ներշնչել:
Այդ առումներով, նորընտիր նախագահը շատ անելիքներ ունի` կամք դրսեւորելու, առավելագույնս նրբանկատությամբ այդ կառավարությունը ձեւավորելու, որովհետեւ դա իր առաջին քայլն է լինելու, սկիզբը այն տարիների, որոնք մենք պետք է ապրենք նորընտիր նախագահի նախագահության շրջանում: Եվ որքան կառավարությունը բարեհույս անձանցից կազմված լինի, այնքան այդ կառավարությունը ժամանակ կունենա, ժամանակ կշահի իրեն արդարացնելու կամ չարդարացնելու: Ուրեմն` այս խնդիրը կա։ Իսկ դրանից դուրս մենք, նախքան քաղաքական համաձայնագիր ստորագրելը, մի շարք հարցեր ենք արծարծել, պահանջներ ներկայացրել, խնդիրներ առաջարկել, որոնք թե' քաղաքական են, թե' սոցիալական:
Մենք սկզբունքային համաձայնություն կայացրել ենք այն խնդիրների շուրջ, որոնց մասին հրապարակավ հայտարարություն կատարել ենք: Դա կոնկրետացնելը, գործի վերածելը արդեն առաջիկայի հարց է։ Կրկնեմ, որ այդ քաղաքական համաձայնության ժեստը երկրի համար անհրաժեշտություն էր, եւ մենք գնացինք այդ քայլին։ Ապագան թե ինչպես կլինի` ինձ շատ չի մտահոգում, որովհետեւ եթե լավ լինի` մենք լավի հետ ենք, եթե պետք է, մեր կամքին հակառակ, վատը լինի, մենք միշտ էլ ունենք այն քաղաքական կամքը, մեր ճիշտ տեղը գտնելու այս քաղաքական իրավիճակի մեջ:
- Այսինքն` հնարավո՞ր է, որ ինչ որ Ձեր քաղաքական պահանջներն են` չկատարվեն եւ դուրս գաք կոալիցիայից:
-Այո, անպայման այդպես է լինելու: Եթե այն ինչ որ պայմանավորվել ենք, չհաջողվի, չիրագործվի, մենք անպայման դուրս ենք գալու:
- Մյուս քաղաքական ուժերն էլ են դրե՞լ այդպիսի պահանջ:
-Բնականաբար, ամեն մեկը առանձին ինչ որ բաներ դրել է:
- Չէ, հնարավորություն` որ դուրս գան:
- Ես չգիտեմ դրանց մասին, բայց եթե մեկը պայմանական է մասնակցում, դա է նշանակում:
- Այսինքն` դուք պայմանական ե՞ք մասնակցում:
- Այո, մենք ասել ենք, այս պայմաններով պատրաստ ենք մասնակցելու, եթե այս ծրագիրը փորձում եք իրականացնել, այդ ժամանակ մենք կմասնակցենք: Սա է պայմանական այդ հասկացողությունը, մեր ծրագիրն ենք ներկայացրել եւ նրանք ընդառաջել են մեր ծրագրին:
- Բայց, այնուամենայնիվ, կան կադրային հարցեր, որ այս օրերին շոշափվում են: Օրինակ` Դուք ձեր պորտֆելները պահպանելո՞ւ եք:
- Որ ասեմ, գուցե եւ չհավատաք, բայց այդ հարցով դեռ ոչ մի կոնկրետացում, պայմանավորվածություն չկա։ Հավատացեք, որ դա այդպես է: Այն ինչ որ այս ու այն կողմից, մամուլից լսում եք, դրանք բոլորը ենթադրություններ են: Մեր պահանջն ավելի շատ ծրագրային է: Կադրային առումով, որպեսզի կարողանանք ավելի դերակատար լինել, բնականաբար, ավելի ազդու տեղերում ենք ուզում ներկայություն լինել: Բայց ինչ որ առումով դա երկրորդական է: Առաջնահերթը ծրագրային խնդիրներն են:
- Ճի՞շտ է, որ արտգործնախարարի պաշտոնն եք Դուք պահանջում:
- Ոչ, այդպիսի պաշտոն չենք պահանջում:
- Իսկ Սփյուռքի նախարարի՞։
- Ոչ էլ դա ենք պահանջում: Սփյուռքի նախարարը չպետք է լինի կուսակցական:
- Իսկ ոստիկանապետի՞:
- Ոչ մի պարագա կոնկրետ չենք ուզել, բայց ասացի` բնական է, որ ցանկացած կուսակցություն ուզենա ներկայություն ազդու տեղերում:
- Ազդու միայն իրավապահ մարմիննե՞րն են:
- Ուժային նախարարություններն են, տնտեսական-ֆինանսականներն են, բայց նաեւ ասեմ, որ այն նախարարությունները, որ մենք ժամանակին ստանձնեցինք, ամենապրոբլեմատիկն էին` սոցիալական, առողջապահական, գյուղատնտեսական, գիտություն-կրթություն: Այն ժամանակ էլ այդ հարցը մնաց վերջին պահին, եւ վերջին պահին մենք ստանձնեցինք դրանք։ Ես կատակով ասում էի, որ լավ զինվորին դնում են ամենավտանգված դիրքերում: Այդտեղ մենք փորձ ենք արել այդ գործի շարունակականությունը ապահովելու առումով, գուցե մեր ներկայությունն այնտեղ դեռ անհրաժեշտ է։ Բայց բնական է, որ ցանկանում ենք ավելի ազդու տեղերում լինել:
- Հիշո՞ւմ եք, Դուք պաշտպանության նախարարի մասին խոսելիս ասում էիք, որ ունեք լավ կադրեր` ի դեմս Արթուր Աղաբեկյանի, դա դեռ ուժի մե՞ջ է:
- Մենք հիմա էլ ունենք լավ կադրեր ոչ միայն պաշտպանության նախարարության, այլեւ մյուս նախարարությունների համար: Կարծում եմ, որ կադրային իմաստով, մենք վատ քննություն չենք տվել: Մինչեւ հիմա որտեղ եղել ենք, պատվով ենք դուրս եկել:
- Բայց, այնուամենայնիվ, հիշո՞ւմ եք նախընտրական շրջանում ձեր թեկնածուի կարգախոսը` «Ոչ անցյալին, ոչ ներկային». հասկանալի է, որ անցյալը Լ. Տեր-Պետրոսյանն է, ներկան` Սերժ Սարգսյանը: Այնուամենայնիվ, դուք գնացիք համաձայնության, իսկ ամբողջ քննադատությո՞ւնը, որ դուք տվեցիք Սերժ Սարգսյանի վարած քաղաքականությանը:
- Եկեք ավելի ստույգ վերհիշենք մեր կարգախոսը` «Բացառենք նախկինի վերադարձը, փոխենք ներկան»: Սա է պաշտոնական լոզունգը, մենք մասամբ բացառել ենք անցյալի վերադարձը, եւ այսօր, եթե մասնակցում ենք, մասնակցում ենք, որպեսզի փոխենք ներկան:
- Իսկ կհասկանա՞ն:
- Գուցե այս պահին մենք դժվարություն ունենանք, բայց ժամանակի ընթացքում կհասկանան: Չէինք ուզենա, որ այդպես լիներ, կուզեինք, որ մենք իշխանություն լինեինք, կուզեինք ունենալ վստահության քվե, բայց եթե չենք ունեցել, ի՞նչ անենք, ձեռքներս ծալենք` մի կողմ կանգնե՞նք:
- Ընդդիմություն դառնայիք:
- Ընդդիմությունն էլ ձեւ է այս երկրի մեջ դերակատար լինելու համար: Ոչ միայն իշխանությունն է, որ կարող է դերակատար լինել, այլեւ ընդդիմությունը: Մենք հաշվարկեցինք մեր հնարավորություններն ու կարելիությունները, երկրի վիճակը եւ տեսանք, որ նախ` քաղաքական առումով, ազգային նկատառումով անհրաժեշտ էր, որ մենք մասնակցեինք կոալիցիային: Երկրորդ` բնականաբար, եթե մենք տեսնում ենք, որ կարողանում ենք փոխել ինչ-որ չափով, ինչո՞ւ մեզ խնայենք: Գուցե առաջին հայացքից ճիշտ կլիներ, որ մենք դառնայինք ընդդիմություն, մեր նկարագիրն էլ ընդդիմադիրի նկարագիր է, բայց կարծում եմ, որ այդ տեսակ դիրքորոշումը շատ ճոխություն կլիներ, եւ մենք գուցե թե փորձենք իշխանության մեջ դերակատար լինել։ Եթե չհաջողենք, ընդդիմություն միշտ կարող ենք լինել:
- Քաղբանտարկյալներ տերմինն է օգտագործվում, կան մարդիկ, որ տարբեր հոդվածներով` իշխանությունը յուրացնելու, տապալելու, անօրինական հանրահավաքներ կազմակերպելու փորձեր են արել: Դուք կարծո՞ւմ եք, որ Հայաստանում կան քաղբանտարկյալներ։
- Մենք մեր տեսակետը բազում անգամներ փորձել ենք փոխանցել մեր հին ու նոր գործընկերներին` ասելով, որ պետք է զգուշանալ: Մենք կարծում ենք, որ 8 զոհերը եւ մի քանի տասնյակ վիրավորները այնքան քիչ չեն, որ ասենք` պետք չեն ձերբակալություններ, հետապնդումներ, բանտարկյալներ։ Պետք է իսկապես զգուշանալ եւ քաղաքականն ու քրեականը չխառնել իրար, քրեականի քողի տակ քաղաքական հալածանքներ չծավալել: Կարեւոր է, որ նրանք, ովքեր քրեական հանցագործության մեջ են եւ քրեական գործ են կազմակերպել, նրանք պատասխանատվության կանչվեն, եւ զգուշանանք քաղաքական հաշվեհարդարներից: Սա մեր համոզմունքն է, մեր մոտեցումը, եւ բազում անգամներ այդ մասին հիշեցրել ենք:
Այսօր դեռ այն մակարդակում չենք, որ կարողանանք իսկապես ռեալ գնահատական տալ` նման փաստեր գոյություն ունե՞ն, թե՞ ոչ: Բայց մի բանում պետք է վստահ լինել` այս կազմակերպությունը քաղաքական հալածանքի զոհ է, եւ զոհ է եղել բավական երկար ժամանակ եւ ոչ միայն Հայաստանում։ Դրա համար էլ մենք շատ զգայուն ենք այդ հարցի նկատմամբ եւ ամեն տեղ մեր խոսքը լսելի ենք դարձնում ու փորձում ենք այդ ուղղությամբ ստեղծել վիճակ: Այդ հարցում մենք անկեղծ ենք` քրեականն ու քաղաքականն իրարից զատորոշելու եւ քաղաքական հալածանքներ չծավալելու:
- Իսկ հիմա տեսնո՞ւմ եք նման իրավիճակ:
- Ունենք մտավախություններ, ունենք կասկածներ, բայց վերջնական համոզումներ չունենք, ապա թե ոչ` ավելի ամուր կեցվածքներ կընդունեինք, թեպետ զգուշացնելու, հարցը հետապնդելու առումով շահախնդիր ենք:
- Կա 110 բանտարկյալ, որոնց մեջ երեսունը այն լիդերներն են, որոնք կազմակերպիչներ են եղել։ Եթե դատապարտվեն, ի՞նչ եք կարծում` քաղաքական կհամարվե՞ն:
-Գիտեք, ցավալին այն է, որ մեր երկրում մարդիկ հաճախ քրեական հանցանք են գործում, սակայն նրանք պատասխանատվության չեն կանչվում. քաղաքական դրդապատճառներով: Իսկ քաղաքական պատասխանատվության են կանչվում, երբ քաղաքական պայմանները դրա համար դառնում են նպաստավոր: Ուրեմն չի կարելի ասել` տվյալ անձինք քրեական հանցագործներ չէին, նրանք ուղղակի քրեական հանցագործ էին, որոնք ժամանակին չէին ձերբակալվում: Խոսքս կոնկրետացնեմ. տնտեսական գործունեությամբ զբաղվող շատ ու շատ մարդիկ, ինչ-որ իմաստով, ենթադրվում է, որ «քրեական հանցանքներ» ունեն կատարած: Սակայն նրանք չեն ձերբակալվում մինչեւ այն պահը, երբ չի զգացվում նրանց հետապնդելու անհրաժեշտությունը:
Ինձ համար դատելը իսկապես դժվար է այս պահին, չենք էլ շտապում։ Այն, ինչ պատահեց, ցավալի իրադարձություն էր, եւ դրա համար կարելի է նաեւ մի քսան օր բանտ նստել, մինչեւ որ հարցերը հստականան, եւ հույս ունեմ, որ սխալ դատավճիռ չի կայացվի:
- Ասում են` Սերժ Սարգսյանը միանձնյա է որոշում պաշտոնների հարցը, դա ճի՞շտ է:
- Չեմ կարծում։ Եթե կոալիցիա է, դա ինքնաբերաբար բացառվում է. պետք է լինի խորհրդակցության հետեւանք, քննարկման հետեւանք։ Տեսականորեն բացառում եմ: Իսկ ինչ էլ որ անձնական փորձով եմ տեսել, դրա մասին չի վկայում։
- Մի հարց եւս։ Նոր պաշտոնազրկման մասին. Մանվել Գրիգորյանին հեռացրել են պաշտոնից։ Դուք սա ճի՞շտ քաղաքականություն եք համարում. նախագահ Ռոբերտ Քոչարյանն այսօր հրամանագիր ստորագրեց:
- Եկեք այս հարցին չպատասխանեմ, որովհետեւ այդ հարցին չի կարելի պատասխանել առանց երկար նախաբանի։ Երկար նախաբան, որովհետեւ 18 տարի մենք ունեցել ենք Ղարաբաղի պայքար, Ղարաբաղյան պայքարի մասնակիցներ, մեծ ու փոքր կորուստներ, եւ այդ ամենի նկատմամբ մեր պետական վերաբերմունքը միշտ չէ, որ ճիշտ է եղել: Կա'մ շփացրել ենք մարդկանց, կա'մ արժեզրկել ենք, կա'մ անտեսել ենք, չենք կարեւորել, կա'մ այդ մարդկանց մղել ենք տնտեսական դաշտ, քաղաքական դաշտ, փորձել ենք զինվորից դարձնել քաղաքական գործիչ, եւ դրա հետեւանքն է, որ ինչ-որ առումով այսօր կրում ենք: Կոնկրետ այս պարագայում ես դեռ չեմ շտապում կարծիք հայտնել:
Քննարկում
Feday գրել է:- belgia
ԵՍ ԿԱՐՈՂԵՄ ԱՍԵԼ ԴԱՇՆԱԿՆԵՐԸՄԻՇՏԵԼ ԶԲԱՂՎԵԼ ԵՆ ՀԱՅՐԵՆԻՔԸ
ՄԱՍՆԱՏԵԼՈՒ ԲԻԶՆԵՍՈՎ:ՕՐԻՆԱԿ
ԱՅՍ ԸՆՏՐՈՒԹՅՈՒՆԻՑ ՀԵՏՈ:
ՔՈ ԴԱՇՆԱԿՆԵՐԸ ՔԱՐՈԶ ԱՐՇԱՎԻ
ԺԱՄԱՆԱԿ ԳՈՌՈՒՄ ԷԻՆ ԹԷ ԻԲՐ
ՆԵՐԿԱ ԻՇԽԱՆԱՎՈՆԵՐԸ ԹԱԼԱՆՉԻՆԵՐ ԵՆ,ԱՅՍՊԵՍ ԱՆՀՆԱՐ
ԱՊՐԵԼ,ՉԿԱ ՕՐԵՆՔ ԲԱՅՑ ՄԻ ՄՈՌԱՑԵՔ ՕՐԵՆՔ ԸՆԴՈՒՆՈՂ ՉՆԴՈՒՆՈՂԸ ՀԵՆՑ ԴԱՇՆԱԿՑՈՒԹՅԱՆ ՆԱԽԱԳԱՆ ԷՐ
<ՎԱՀԱՆ ՀՈՎԱՆԻՍՅԱՆԸ>ՔԱՆԻ ՈՐ
ԻՆՔԸ ԶԲԱՂԵՑՆՈՒՄ ԷՐ ԳԵՐԱԳՈՒՅՆ
ԽՈՐՀՈՒՐԴԻ ՆԱԽԱԳԱՀԻ ԱՌԱՋԻՆ
ՏԵՂԱԿԱԼԻ ՊԱՇՏՈՆԸ:ԲԱ ԷՏ ՎՈՆՑ
ՊԱՏԱՀԵՑ ԱՅԴՊԻՍԻ ԿՈՉԵՐՈՎ
ՀԱՆԴԵՍ ԵԿՈՂ ՂԵԿԱՎԱՐԸ ՆՈՐԻՑ
ՄԻԱՑԱՎ ԱՅԴ ՆՈՒՅՆ ԱՊԱՌԱՏԻՆ
ՔԱՆԻ ՈՐ ԴՐԱՆՑ ՓՆՈՎՈՒՄ ԷՐ:
ՀԵՆՑ ԱՅՍՏԵՂԻՑԵԼ ԵՐևԱՑ ՈՐ
ԴԱՇՆԱԿԵՐԸ ՄԻՇՏ ԷԼ ՊԱՇՏՈՆԻ
ՀԱՄԱՐ ԾԱԽՎԵԼ ԵՆ:
Դու շատ փոքր մարդ ես որ ասես Դաշնակցությունը զբաղվել է մասնատել բիզնեսով քանի որ դու անձամբ ոչ մի ներդրում չես ունեցել Հայ ազգի համար բացի այն որ կատարում ես պառակտման քաղաքականություն:
Եթէ դու ծույլ չլինես կարդաս հոդվածը ևս մեկ անգամ և կհամուզվես որ այս կոալիցիային Դաշնակցությունը միացել է պայմանականօրեն և որ սրա գլխավոր նպատակը քաղաքական եր:
Դու ուղղակի լավ չես կարդացել հոդվածի անյն մասը որ Հրանտը հայտնում է իրենց միացման հիմնական պտճառը կոալիցիային՝ բերեմ ստորև:
«- Եթե Դուք վերլուծել եք` ո՞ւմ էր ձեռնտու:
- Ես կարծում եմ` ոչ հայկական ուժերին: Կարծում եմ` նպատակը մի բան էր` այս երկիրը խեղճացնելը, այս երկիրը տկարացնելը: Խեղճ ու տկար երկիրը արտաքին միջամտության համար պարարտ հող է. ամեն մարդ կարող է իրեն թույլ տալ միջամտելու այս երկրի հարցերին, զիջումներ պարտադրելու, եւ դա էր, որ տեղի ունեցավ, իմ կարծիքով: Նույնը տեղի ունեցավ նաեւ Վրաստանում, թեպետ Սաակաշվիլին իրենց սիրելի թեկնածուն էր, բայց ընդդիմությունը նույնպես նույն ուժերին էր պատկանում, եւ Սաակաշվիլու, այսպես ասած, հզորանալը իրենց ձեռնտու չէր: Նրան էլ խեղճացրին։ Խեղճացած նախագահը օտար ուժերին, ավելի ձեռնտու է:
- Այսինքն, Ձեր կարծիքով, գունավոր հեղափոխության փորձ էր իրականացվում Լեւոն Տեր-Պետրոսյանի միջոցով:
- Այո:
- Այսինքն, արտաքին ուժերը Լեւոն Տեր-Պետրոսյանի միջոցով ուզում էին խեղճացնե՞լ:
- Այո:»- belgia
185 օր առաջ | 
ՍԵՐԳԵՅ ԼԱՎՐՈՎ. «ԲԱՆԱԿՑՈՒԹՅՈՒՆՆԵՐԸ ՀԱՅԱՍՏԱՆԻ ԵՒ ԱԴՐԲԵՋԱՆԻ ՄԻՋԵՒ ՊԵՏՔ Է ՇԱՐՈՒՆԱԿՎԵՆ»
Երեւան (Երկիր) - «Բանակցությունները Հայաստանի եւ Ադրբեջանի միջեւ պետք է շարունակվեն»,- Պետդումայի նիստում հայտարարել է ՌԴ արտաքին գործերի նախարար Սերգեյ Լավրովը: Լավրովը նշել է, որ ԵԱՀԿ Մինսկի խմբի համանախագահների ...ԲՈՒԵՆՈՍ ԱՅՐԵՍԻ ՀԱՅԿԱԿԱՆ ԵԿԵՂԵՑՈՒՄ ՏԵՂԻ ՈՒՆԵՑԱՎ ՀՈԳԵՒՈՐ ԵՐԱԺՇՏՈՒԹՅԱՆ ՀԱՄԵՐԳ
Երեւան (Երկիր) - Մարտի 29-ին Արգենտինայում Հայաստանի դեսպանության եւ Սուրբ Աթոռ Վատիկանի դիվանագիտական ներկայացուցչության հովանավորությամբ Բուենոս Այրեսի Սբ Գրիգոր Լուսավորիչ հայկական եկեղեցում տեղի է ...ՈՒԿՐԱԻՆԱՅԻ ԱԳՆ ՊԱՏՎԻՐԱԿՈՒԹՅՈՒՆԸ ԱՅՑԵԼԵԼՈՒ Է ՀԱՅԱՍՏԱՆ
Երեւան (Երկիր) - ՀՀ եւ Ուկրաինայի ԱԳՆ-երի միջեւ միջգերատեսչական խորհրդատվություններին մասնակցելու նպատակով ապրիլի 3-5-ը Հայաստանում է գտնվելու Ուկրաինայի փոխարտգործնախարար Կոնստանտին Ելիսեեւի գլխավորած ...ԸՍՏ ԱԲԽԱԶԻԱՅԻ ՆԱԽԱԳԱՀԻ` ՎՐԱՍՏԱՆԻ ԱՆԴԱՄԱԿՑՈՒԹՅՈՒՆԸ ՆԱՏՕ-ԻՆ ՍՊԱՌՆԱԼԻՔ Է ԿՈՎԿԱՍԻ ԽԱՂԱՂՈՒԹՅԱՆ ՀԱՄԱՐ
Երեւան (Երկիր) - ՆԱՏՕ-ի գագաթաժողովում Վրաստանի` դաշինքին անդամակցելու հարցերի քննարկումը կարող է բացասական լուրջ հետեւանքներ ունենալ Կովկասում խաղաղության եւ անվտանգության համար: Ինչպես հաղորդում է «Նոյյան ...ՀՈԳԵՀԱՆԳԻՍՏ Ի ՀԻՇԱՏԱԿ ԶՈՀՎԱԾՆԵՐԻ
Երեւան (Երկիր) - Հայաստանում մարտի 1-ի լույս 2-ին տեղի ունեցած բախումների հետեւանքով զոհված անմեղ հայորդիների մահվան քառասնօրեքի առիթով ապրիլի 6-ին` Հայաստանի թեմերի առաջնորդանիստ եկեղեցիներում եւ Մայր ...ՆԱՏՕ-Ի ԳԱԳԱԹԱԺՈՂՈՎԸ ՇԱՐՈՒՆԱԿՎՈՒՄ Է
Երեւան (Երկիր) - Այսօր Բուխարեստում ընթանում Է ՆԱՏՕ-ի գագաթաժողովի երկրորդ աշխատանքային նիստը: Բացելով այն` ՆԱՏՕ-ի գլխավոր քարտուղար Յաապ դե Հոոպ Սհեֆերը հայտարարել Է, որ գագաթաժողովը պետք Է որոշում ընդունի ...ԵՐԵՒԱՆՈՒՄ ՀՈՒԼԻՍԻ 21-ԻՑ ՕԳՈՍՏՈՍԻ 18-Ը ԿԱՆՑԿԱՑՎԵՆ ՍՓՅՈՒՌՔԱՀԱՅ ՈՒՍՈՒՑԻՉՆԵՐԻ ՎԵՐԱՊԱՏՐԱՍՏՄԱՆ ԴԱՍԸՆԹԱՑՆԵՐ
Երեւան (Երկիր) - ՀՀ կրթության եւ գիտության նախարարությունը կիրականացնի արտասահմանյան երկրների հայկական վարժարաններում, դպրոցներում, մանկապարտեզներում, մեկօրյա եւ այլ տիպի կրթօջախներում դասավանդող հայագիտական ...ՍԵՐԺ ՍԱՐԳՍՅԱՆԸ ՀԱՆԴԻՊԵԼ Է ԵԱՀԿ ՄԻՆՍԿԻ ԽՄԲԻ ՀԱՄԱՆԱԽԱԳԱՀՆԵՐԻ ՀԵՏ
Երեւան (Երկիր) - ՆԱՏՕ-ի գագաթաժողովին մասնակցելու համար այսօր առավոտյան Բուխարեստ մեկնած ՀՀ վարչապետ, նորընտիր նախագահ Սերժ Սարգսյանը հանդիպել է ԵԱՀԿ Մինսկի խմբի համանախագահների հետ: Ինչպես, ըստ Հայաստանի ...ՀՀ ԱԺ ՆԱԽԱԳԱՀԸ ՀԱՆԴԻՊԵԼ Է ԵԽԽՎ ՆԱԽԱԳԱՀԻ ՀԵՏ
Երեւան (Երկիր) - Ապրիլի 3-ին Սանկտ Պետերբուրգում ՀՀ ԱԺ նախագահ պարոն Թորոսյանը հանդիպեց Եվրոպայի խորհրդի Խորհրդարանական վեհաժողովի նախագահ Լյուիս Մարիա դե Պյուչի հետ: Հանդիպման առանցքում Հայաստանում ընթացող ...ՆՅՈՒ ՅՈՐՔԻ ՔԱՂԱՔԱՅԻՆ ԴԱՀԼԻՃՈՒՄ ԱՊՐԻԼԻ 25-ԻՆ ԿՆՇՎԻ ՀԱՅՈՑ ՑԵՂԱՍՊԱՆՈՒԹՅԱՆ ՏԱՐԵԼԻՑԸ
Երեւան (Երկիր) - Ապրիլի 25-ին ՀՅԴ Նյու Յորքի Հայ Դատի հանձնախումբը Քաղաքային դահլիճում կանցկացնի Հայոց ցեղասպանության 93-րդ տարելիցի հիշատակման արարողություն: Օրվա հիմնական բանախոսը կլինի դոկտոր Հենրի ...ՀՐԱՆՏ ՄԱՐԳԱՐՅԱՆ. ««ԸՆԴԴԵՄ»-Ը ԿԱՐՈՂ Է ՔԱՆԴԵԼ, ԲԱՅՑ ՈՉ ԵՐԲԵՔ` ԵՐԿԻՐ ԿԱՌՈՒՑԵԼ»
9Երեւան (Երկիր) - Ռադիո ԱՅԲ-ՖԵ-ի (Փարիզ) հարցերին պատասխանում է ՀՅԴ Բյուրոյի ներկայացուցիչ Հրանտ Մարգարյանը: Ստորեւ ներկայացնում ենք հատվածներ հարցազրույցից: - Նախ եւ առաջ, սկսենք նախընտրական քարոզարշավով, ...ՇՎԵԴԻԱՅԻ ՀԱՅԵՐԸ ԹՈՒՐՔԻԱՅԻ ՎԱՐՉԱՊԵՏԻՆ ԴԻՄԱՎՈՐԵԼ ԵՆ ԲՈՂՈՔԻ ԱԿՑԻԱՅՈՎ
Երեւան (Երկիր) - Այցով Շվեդիայում գտնվող Թուրքիայի վարչապետ Ռեջեփ Թայիփ Էրդողանի դեմ իր բողոքի ձայնն է բարձրացրել տեղի հայ համայնքը: Ինչպես, ըստ «Նոյյան տապանի», հաղորդում են թուրքական լրատվամիջոցները, ...ԹՈՒՐՔԻԱՅԻ ԻՇԽՈՂ ԿՈՒՍԱԿՑՈՒԹՅՈՒՆԸ ՓԱԿԵԼՈՒ ՊԱՀԱՆՋՈՎ ՀԱՅՑ ՆԵՐԿԱՅԱՑՐԱԾ ԳԼԽԱՎՈՐ ԴԱՏԱԽԱԶԸ ՍՊԱՌՆՈՒՄ Է ԵՐԿՐԻ ԶԼՄ-ՆԵՐԻՆ
Երեւան (Երկիր) - Թուրքիայի Վճռաբեկ դատարանի գլխավոր դատախազ Աբդուրահման Յալչընքայան երկրի ԶԼՄ-ներից պահանջել է ուշադիր լինել «Արդարություն եւ զարգացում» իշխող կուսակցության գործունեությունը կասեցնելու ...ԹՈՒՐՔԻԱՅՈՒՄ ԱՊՐԻԼԻ 4-ԻՆ ԿՈԳԵԿՈՉԵՆ ՍՊԱՆՎԱԾ ԼՐԱԳՐՈՂՆԵՐԻ ՀԻՇԱՏԱԿԸ
Երեւան (Երկիր) - Թուրքիայի լրագրողների միության նախաձեռնությամբ` ապրիլի 4-ին կնշվի երկրում սպանված լրագրողների ոգեկոչման օրը, ըստ «Նոյյան տապանի»` հաղորդում են թուրքական լրատվամիջոցները: Այդ օրը Թուրքիայում ...ԸՍՏ ԹՈՒՐՔԻԱՅԻ ՎԱՐՉԱՊԵՏԻ` ՔՕ 301-ՐԴ ՀՈԴՎԱԾԸ ՓՈՓՈԽՈՒԹՅԱՆ ԿԵՆԹԱՐԿՎԻ
Երեւան (Երկիր) - Ամենակարճ ժամանակամիջոցում Թուրքիայի ՔՕ 301-րդ հոդվածը փոփոխությունների կենթարկվի: Այս մասին, ինչպես հաղորդում է «Զաման» օրաթերթը, Շվեդիայի միջազգային հարաբերությունների ինստիտուտում ...ԹՈՒՐՔԻԱՅՈՒՄ ՍՏԵՂԾՎԵԼ Է ՄԱԼԱԹԻԱՅԻ «ԶԻՐՎԵ» ՀՐԱՏԱՐԱԿՉԱՏԱՆԸ ՏԵՂԻ ՈՒՆԵՑԱԾ ՈՃՐԱԳՈՐԾՈՒԹՅՈՒՆՆ ՈՒՍՈՒՄՆԱՍԻՐՈՂ ՀԱՆՁՆԱԺՈՂՈՎ
Երեւան (Երկիր) - Մալաթիայի «Զիրվե» հրատարակչատան աշխատակիցների սպանությունը ուսումնասիրելու նպատակով Թուրքիայում ստեղծվել է հատուկ հանձնախումբ: Ինչպես, ըստ «Նոյյան տապանի», հաղորդում է «Միլիեթ» օրաթերթը, ...ԵՊՀ ԺՈՒՌՆԱԼԻՍՏԻԿԱՅԻ ՖԱԿՈՒԼՏԵՏԻ ԴԵԿԱՆ ԸՆՏՐՎԵՑ ՆԱՂԱՇ ՄԱՐՏԻՐՈՍՅԱՆԸ
Երեւան (Երկիր) - Այսօր ԵՊՀ ժուռնալիստիկայի ֆակուլտետի դեկան ընտրվեց բանասիրական գիտությունների դոցենտ Նաղաշ Մարտիրոսյանը: Նա 1986 թվականին եղել է նորաբաց ժուռնալիստիկայի ֆակուլտետի առաջին ուսանողներից ...ԱՊՐԻԼԻ 24-ԻՆ ՉԻԿԱԳՈՅԻ ՀԱՅ ՀԱՄԱՅՆՔԸ ԹՈՒՐՔԱԿԱՆ ՀՅՈՒՊԱՏՈՍԱՐԱՆԻ ԱՌՋԵՒ ԿԱՆՑԿԱՑՆԻ ԲՈՂՈՔԻ ՑՈՒՅՑ
Երեւան (Երկիր) - Ապրիլի 24-ին, 26-ին եւ 27-ին Չիկագոյում ՀՅԴ Իլլինոյսի Հայ Դատի հանձնախմբի կողմից կանցկացվի Հայոց ցեղասպանության հիշատակման միջոցառում: Ապրիլի 24-ին Չիկագոյի թուրքական հյուպատոսարանի ...ՆՅՈՒ ՅՈՐՔԻ ՀԱՅ ՀԱՄԱՅՆՔԸ ԱՊՐԻԼԻ 27-ԻՆ ԿԱՆՑԿԱՑՆԻ ՀԱՅՈՑ ՑԵՂԱՍՊԱՆՈՒԹՅԱՆ ԶՈՀԵՐԻ ՀԻՇԱՏԱԿԻ ՄԻՋՈՑԱՌՈՒՄ
Երեւան (Երկիր) - Ապրիլի 27-ին Նյու Յորքի Թայմս Սքուեր հրապարակում տեղի կունենա Հայոց ցեղասպանության հիշատակման միջոցառում: Անվճար տեղափոխում կապահովվի դեպի Նյու Յորքի եւ Նյու Ջերսիի հայկական եկեղեցիներ: ...ՀՅԴ ԲՅՈՒՐՈՅԻ ՆԵՐԿԱՅԱՑՈՒՑԻՉ ՀՐԱՆՏ ՄԱՐԳԱՐՅԱՆԻ ՀԱՐՑԱԶՐՈՒՅՑԸ «ԱԶԱՏՈՒԹՅՈՒՆ» ՌԱԴԻՈԿԱՅԱՆԻՆ
2Երեւան (Երկիր) - ՀՅԴ Բյուրոյի ներկայացուցիչ Հրանտ Մարգարյանը ապրիլի 2-ին հարցազրույց է տվել «Ազատություն» ռադիոկայանին: Հարցազրույցի ամբողջական տեքստը բերվում է ստորեւ: - Պարո'ն Մարգարյան, փաստորեն, ...
ԱՊՀ ԵՒ ԲԱԼԹՅԱՆ ԵՐԿՐՆԵՐԻ ՄԻՋՔՐԻՍՏՈՆԵԱԿԱՆ ԽՈՐՀՐԴԱՏՎԱԿԱՆ ԽՈՐՀՐԴԻ ՀԱՆԴԻՊՈՒՄԸ` ՄՈՍԿՎԱՅՈՒՄ
ՀՀ ՆԱԽԱԳԱՀԻ ՈՒՂԵՐՁԸ ԺՈՂՈՎՐԴԻՆ ԵՒ ԱԶԳԱՅԻՆ ԺՈՂՈՎԻՆ
ՄԱՆՎԵԼ ԳՐԻԳՈՐՅԱՆԸ ԱԶԱՏՎԵԼ Է ՀՀ ՊԱՇՏՊԱՆՈՒԹՅԱՆ ՆԱԽԱՐԱՐԻ ՏԵՂԱԿԱԼԻ ՊԱՇՏՈՆԻՑ
ՀՐԱՆՏ ՄԱՐԳԱՐՅԱՆ. ««ԸՆԴԴԵՄ»-Ը ԿԱՐՈՂ Է ՔԱՆԴԵԼ, ԲԱՅՑ ՈՉ ԵՐԲԵՔ` ԵՐԿԻՐ ԿԱՌՈՒՑԵԼ»
ՀԱՅԱՍՏԱՆԸ ՍՏԵՂԾՎԱԾ ԻՐԱՎԻՃԱԿԻՑ ԴՈՒՐՍ ԲԵՐԵԼՈՒ ՀԱՄԱՐ ԱԳՈՅԻ ԽՈՒՄԲԸ ՆԵՐԿԱՅԱՑՐԵԼ Է 6 ԿԵՏԻՑ ԲԱՂԿԱՑԱԾ ԱՌԱՋԱՐԿ
ՀՀ ՔԱՂԱՔԱՑԻՆԵՐԻ ՌԵԻՆՏԵԳՐՄԱՆ ԾՐԱԳՐԻ ՇՐՋԱՆԱԿՆԵՐՈՒՄ ՇՎԵՅՑԱՐԻԱՅԻՑ ՀԱՅԱՍՏԱՆ Է ՎԵՐԱԴԱՐՁԵԼ ԱՎԵԼԻ ՔԱՆ 100 ԱՆՕՐԻՆԱԿԱՆ ՄԻԳՐԱՆՏ
ՎԱՀԱՆ ՏԵՐ-ՂԵՒՈՆԴՅԱՆԸ ԱԶԱՏՎԵԼ Է ԼԻԲԱՆԱՆՈՒՄ ՀՀ ԱՐՏԱԿԱՐԳ ԵՒ ԼԻԱԶՈՐ ԴԵՍՊԱՆԻ ՊԱՐՏԱԿԱՆՈՒԹՅՈՒՆՆԵՐԻՑ
ՀՅԴ ԲՅՈՒՐՈՅԻ ՆԵՐԿԱՅԱՑՈՒՑԻՉ ՀՐԱՆՏ ՄԱՐԳԱՐՅԱՆԻ ՀԱՐՑԱԶՐՈՒՅՑԸ «ԱԶԱՏՈՒԹՅՈՒՆ» ՌԱԴԻՈԿԱՅԱՆԻՆ
ԵՎՐԱԽՈՐՀՐԴԱՐԱՆԸ ՔՆՆԱԴԱՏԵԼ Է ԹՈՒՐՔԻԱՅԻՆ
ՋՈԶԵՖ ՓԵՆԻՆԳՏՈՆ. «ՂԱՐԱԲԱՂՅԱՆ ՀԱԿԱՄԱՐՏՈՒԹՅԱՆ ԽԱՂԱՂ ԿԱՐԳԱՎՈՐՄԱՆ ԿԱՐԵԼԻ Է ՀԱՍՆԵԼ ՄԻԱՅՆ ԵԱՀԿ ՄԽ ՇՐՋԱՆԱԿՆԵՐՈՒՄ»
ԸՍՏ ԹՈՒՐՔ ՊՐՈՖԵՍՈՐԻ` ԹՈՒՐՔԱԿԱՆ ՊԵՏՈՒԹՅԱՆ ԲՈԼՈՐ ՀԱՏՎԱԾՆԵՐԸ ՓԼՈՒԶՎՈՒՄ ԵՆ
ՍԵՐԺ ՍԱՐԳՍՅԱՆՆ ԸՆԴՈՒՆԵԼ Է ԱԳՈՅԻ ԽՄԲԻՆ
- 1913 Կ. Պոլսի պատրիարքարանը ռուսական դեսպան Գիրսին ներկայացրեց բարենորոգումների իր նախագիծը:
- 1915 Սպանվեց հեղափոխական գործիչ Վանա իշխանը (Նիկոլ Պողոսյան): (Ծնվ. 1883 թ.):
- 1921 ՀԽՍՀ Հեղկոմի հրամանը «Հայրենիքի փրկության կոմիտեի» տապալման, նրա անդամների ձերբակալման և ամբողջ հանրապետության մեջ խորհրդային իշխանությունը վերականգնելու մասին:
- 1990 Ընդունվեց ԽՍՀՄ-ի օրենք՝ «ԽՍՀՄ-ի կազմից Խորհրդային հանրապետութունների դուրս գալու ընթացակարգի մասին», որն ինքնավար մարզերին թույլ տվեց դառնալ անկախ այն հանրապետությունից, որի կազմում եղել են, եթե տվյալ հանրապետությունը ԽՍՀՄ-ի կազմից դուրս է եկել:
- 1997 Լիբանանի Հանրապետության խորհրդարանը բանաձև ընդունեց, ապրիլի 24-ը հռչակելով հայ ժողովրդի դեմ գործադրված կոտորածների հիշատակի օր:
ԼՈՒՐԵՐ ՀԱՅԱՍՏԱՆ
ՕՆԼԱՅՆ ԼՈՒՐԵՐ
ԻՆՖՈՐՄԱՑԻԱ
ԻՄ ԱՐՄԹԱՈՒՆ
Ինչպե՞ս թողնել ծխելը
Ինչպե՞ս գրել Հայերեն Windows XP միջավայրում
Սույն կայքում հրատարակված նյութերը վերցված են բաց աղբյուրներից և պաշտպանված են հեղինակային իրավունքիով։ Արգելված է սույն կայքում հրատարակված նյութերի վերարտադրումը առանց իրական հեղինակի գրավոր թույլտվության։ Եթե ցանկանում եք հանել Ձեզ պատկանող նյութը, ապա ուղարկեք մեզ, պատկանելությունը վկայող փաստեր և տվյալ նութը անմիջապես կհանվի։ Բոլոր նյութերը հրատարակված են միայն ինֆորմացիոն նպատակով և մենք պատասխանատու չենք դրանց հավաստիության համար։