Հրատարակվում է 1951
Հրատարակված է Ապրիլ 08, 2009
LԵՒՈՆ ԶՈՒՐԱԲՅԱՆԸ ՀՐԱՎԻՐՎԵԼ Է ՈՍՏԻԿԱՆՈՒԹՅՈՒՆ
- Այսօր երեկոյան Երեւանի կենտրոնից ոստիկանություն է տարվել տասը մարդ, այդ թվում` Հայ ազգային կոնգրեսի համակարգող Lեւոն Զուրաբյանը: Այդ մասին ասված է Հայ ազգային կոնգրեսի տարածած հաղորդագրությունում: Զուրաբյանը եկել էր Հյուսիսային պողոտա, երբ այնտեղ սովորականի պես հավաքված մարդկանց ոստիկանները հրահանգում էին դուրս գալ տվյալ հատվածից եւ անցնել դիմացի մայթ: Հայ ազգային կոնգրեսի համակարգողը փորձում էր պարզել այդ հրահանգների պատճառը եւ բարձրաստիճան ոստիկաններից պահանջում վկայակոչել օրենքի այն դրույթը, որը իրավապահներին թույլ է տալիս դիմել նման գործողությունների, ինչից հետո ոստիկանները նրան տարան անհայտ ուղղությամբ: Ինչպես ավելի ուշ «Ազատություն» ռադիոկայանին ասաց Հայ ազգային կոնգրեսի խոսնակ Արման Մուսինյանը, Զուրաբյանին տարել են ոստիկանություն: Մինչ այդ ոստիկանները Հյուսիսային պողոտայից տարել էին եւս մի քանի մարդու, հիմնականում` կանանց: Ոստիկանների գործողություններից հետո մարդիկ սկսեցին խմբերով շարժվել Կարապի լճի, Կենտրոնի թաղապետարանի, Սայաթ Նովա փողոցի ուղղությամբ, ինչին զուգահեռ` նույն վայրերում հավաքվեցին նաեւ ոստիկաններ, այդ թվում` հատուկ նշանակության ջոկատից: Ավելի վաղ «Ազատություն» ռադիոկայանի հետ զրույցում ոստիկանության պարեկապահակային ծառայության գնդի հրամանատար Ռոբերտ Մելքոնյանը իրենց գործողությունները պատճառաբանել էր նրանով, թե հավաքվածները խաթարում են շրջակայքի անդորրը, խոչընդոտում տեղի խանութների նորմալ աշխատանքին: Ոստիկանությունում մոտ 15 րոպե պահելուց հետո Զուրաբյանին, իր իսկ վկայությամբ, բաց են թողել: «Կենտրոնի ոստիկանապետը ինձ կանչեց իր սենյակ` զրուցելու, ասացին` թյուրիմացություն է տեղի ունեցել, ոստիկանապետը ինձնից ներողություն խնդրեց միջադեպի համար», - «Ազատություն» ռադիոկայանին տեղեկացրեց Հայ ազգային կոնգրեսի համակարգողը: Lեւոն Զուրաբյանի պնդմամբ` իրավապահները այդպես էլ չեն կարողացել պարզաբանումներ ներկայացնել, թե ինքը ինչ հիմքերով է տարվել ոստիկանություն:
- Անուշ Մարտիրոսյան եւ Աստղիկ Բեդեւյան
ԼՈՒՐԵՐ ՀԱՅԱՍՏԱՆ
ՕՆԼԱՅՆ ԼՈՒՐԵՐ
ԻՆՖՈՐՄԱՑԻԱ
ԻՄ ԱՐՄԹԱՈՒՆ
Ինչպե՞ս թողնել ծխելը
Ինչպե՞ս գրել Հայերեն Windows XP միջավայրում
Սույն կայքում հրատարակված նյութերը վերցված են բաց աղբյուրներից և պաշտպանված են հեղինակային իրավունքիով։ Արգելված է սույն կայքում հրատարակված նյութերի վերարտադրումը առանց իրական հեղինակի գրավոր թույլտվության։ Եթե ցանկանում եք հանել Ձեզ պատկանող նյութը, ապա ուղարկեք մեզ, պատկանելությունը վկայող փաստեր և տվյալ նութը անմիջապես կհանվի։ Բոլոր նյութերը հրատարակված են միայն ինֆորմացիոն նպատակով և մենք պատասխանատու չենք դրանց հավաստիության համար։You must set the ad network .txt file to be writable (or file is not within path).