Հրատարակվում է 1951

«ԲՋՆԻ» ԸՆԿԵՐՈՒԹՅՈՒՆԸ ՉԻ ԿԱՐՈՂԱՆՈՒՄ ԱՇԽԱՏԵԼ

• 
  «Բջնի» հանքային ջրերի գործարան» ընկերությունը ներկայումս զրկված է աշխատելու հնարավորությունից: Ինչպես «Ազատություն» ռադիոկայանին փոխանցեց ընկերության շահերի ներկայացուցիչ Արա Զոհրաբյանը, «առգրավվել են ընկերության բոլոր տրանսպորտային միջոցները, այս պահին ընկերության 480-ից ավելի աշխատակիցներ հարկադիր պարապուրդի են մատնված, կապարակնքված են բոլոր պահեստները, եւ սկսվել է ընկերության գույքի աճուրդային գործընթացը»: Հոկտեմբերի 10-ին վարչական դատարանը` դատավոր Լարիսա Սոսյանի նախագահությամբ, վճիռ է կայացրել «Բջնի» հանքային ջրերի գործարան» ընկերությունից ավելի քան 4 միլիարդ դրամ բռնագանձելու մասին: Իսկ հոկտեմբերի 23-ին արդեն, ինչպես հայտնեց Արա Զոհրաբյանը, արդարադատության նախարարության դատական ակտերի հարկադիր կատարման ծառայության աշխատակիցները, առանց համապատասխան որոշման, սեւ համազգեստներով եւ դիմակավորված անձանց հետ, ներխուժել են «Բջնի» գործարան: Ինչպես փաստաբանի, այնպես էլ «Սիլ» կոնցեռնի ներկայացուցիչների պնդմամբ` Սուքիասյան ընտանիքին պատկանող կամ նրա հետ համագործակցող կազմակերպությունների նկատմամբ «հատուկ» ուշադրությունը եւ, ըստ իրենց` ապօրինի ստուգումները սկսվել են անցյալ տարվա սեպտեմբերի 21-ից հետո, երբ Սուքիասյան եղբայրները իրենց զորակցությունը հայտնեցին նախկին նախագահ Լեւոն Տեր-Պետրոսյանին: Արդեն մի քանի ամիս է, ինչ դատարանում քննվում է «Պիցցա դի Ռոմա» սրճարանի երեք աշխատակիցների գործը: 2007 թվականի նոյեմբերից էլ սկսվել են ստուգումները «Բջնի» գործարանում, ինչի արդյունքում քրեական գործ է հարուցվել: Փաստաբան Արա Զոհրաբյանի վկայությամբ` հարուցված գործի շրջանակներում մի քանի անձինք գտնվում են հետախուզման մեջ, կալանավորվել էր ընկերության գլխավոր տնօրենը, որը, սակայն, հետագայում ազատ է արձակվել. - «Միակ պրոբլեմը, որ հետո իրենք այստեղ ունեցան` Հարկային պետական ծառայության քննչական բաժինը, այն էր, որ հետո հասկացան, որ բնօգտագործման վճարը մեր օրենքով չի համարվում պարտադիր վճարի տեսակ»: Այդուհանդերձ, վարչական դատարանի սահմանած տուգանքի հիմնական բաժինը` շուրջ 3,4 միլիարդ դրամ, բնօգտագործման վճարի մասով է: Արա Զոհրաբյանի վկայությամբ, 2007 թվականի նոյեմբերին Հարկային պետական ծառայությունը ստուգում է իրականացրել, իսկ 2008-ի հունվարին ակտ է կազմել` հաշվարկելով, թե գետնի տակից որքան ջուր է դուրս գալիս. - «Եվ այդ ամբողջ ժամանակահատվածի համար [սկսած 2005 թվականի ապրիլից, երբ տեղադրվել է հաշվիչը] հաշվարկել է, որ ընկերությունը իբր պետք է վճարեր մինչեւ հաշվիչը եղած ջրի համար, եւ դա փորձել է պատճառաբանել, որ հաշվիչը տեղադրված է ոչ ճիշտ տեղում: Ընկերության հիմնական փաստարկը այն է, որ այս հաշվիչը տեղադրել է բնապահպանության նախարարության պետական տեսուչը, ընդ որում` այդ անձն էլ դատարանում հստակ իր ցուցմունքով վկայել է, որ ինքն է տեղը որոշել»: Փաստաբանի հավաստմամբ, «Բջնի» գործարանի ջրաչափը կապարակնքելուց հետո բնապահպանության նախարարությունը երկու անգամ` 2005 եւ 2006 թվականներին, ստուգումներ էր անցկացրել եւ որեւէ խախտում չէր հայտնաբերել: 2006 թվականի հոկտեմբերի 28-ին ստուգում էր իրականացրել նաեւ Հարկային պետական ծառայությունը եւ բնօգտագործման վճարների մասով խախտում չէր հայտնաբերել: Այդ ստուգումներից հետո էլ որեւէ փաստ չէր փոխվել: Այսինքն, փաստաբանի մեկնաբանությամբ, «Բջնի» գործարանի նկատմամբ խտրական մոտեցում է ցուցաբերվել: «Ինձ քաղաքականությունը չի հետաքրքրում, ինձ հետաքրքրում է անձանց իրավունքների պաշտպանությունը», - շեշտեց Զոհրաբյանը` ամփոփելով. - «Ուղղակի կարող եմ ասել, որ շատ վատ նախադեպ է արձանագրվում մեր պետության մեջ»: Փաստաբանի փոխանցմամբ` «Բջնի» ընկերությունը պատրաստվում է վարչական դատարանի վճիռը բողոքարկել Վճռաբեկ դատարանում: «Սիլ» կոնցեռնի նախագահ, Ազգային ժողովի պատգամավոր Խաչատուր Սուքիասյանը ներկայումս հետախուզման մեջ է մարտի 1-2-ի դեպքերի կապակցությամբ հարուցված քրեական գործով: Կարինե Քալանթարյան

• (ՖՈՏՈԼՈՒՐ-ի լուսանկարում` Լեւոն Տեր-Պետրոսյան եւ Խաչատուր Սուքիասյան)

• ՀՐԱՆՈՒՇ ԽԱՌԱՏՅԱՆ. «ՉԵՄ ԲԱՑԱՌՈՒՄ, ՈՐ ՌՈՒՍԱՍՏԱՆԸ ԻՐ ՈՐՈՇՈՒՄԸ ՊԱՐՏԱԴՐԻ ՀԱՅԿԱԿԱՆ ԿՈՂՄԻՆ»

  Տիգրան Ավետիսյան   4
  «Ես չեմ բացառում, որ Ռուսաստանը ամենամոտ ապագայում, իրեն բնորոշ շատ բիրտ, ուժային մեթոդներով, իր որոշումը պարտադրի հայկական կողմին` իր իսկ նախընտրած սցենարով Ղարաբաղի հարցը լուծելու համար», - այսօր կայացած ...

• ՀԱՅԱՍՏԱՆԸ ԱՆՑՆՈՒՄ Է ՁՄԵՌԱՅԻՆ ԺԱՄԱՆԱԿԻ

  Վաղվանից Հայաստանը անցնում է ձմեռային ժամանակի: Էկոնոմիկայի նախարարության տեղեկատվության եւ հասարակայնության հետ կապերի բաժնից փոխանցում են, որ հոկտեմբերի վերջին կիրակի օրը` հոկտեմբերի 26-ին, ժամը 3:00-ին, ...

• «ԲՋՆԻ» ԸՆԿԵՐՈՒԹՅՈՒՆԸ ՉԻ ԿԱՐՈՂԱՆՈՒՄ ԱՇԽԱՏԵԼ

  (ՖՈՏՈԼՈՒՐ-ի լուսանկարում` Լեւոն Տեր-Պետրոսյան եւ Խաչատուր Սուքիասյան)   1
  «Բջնի» հանքային ջրերի գործարան» ընկերությունը ներկայումս զրկված է աշխատելու հնարավորությունից: Ինչպես «Ազատություն» ռադիոկայանին փոխանցեց ընկերության շահերի ներկայացուցիչ Արա Զոհրաբյանը, «առգրավվել են ...

• ՀՐԱՆՏ ԴԻՆՔԻ ՍՊԱՆՈՒԹՅԱՆ ԳՈՐԾՈՎ ՆԵՐԳՐԱՎՎԵԼ Է 20-ՐԴ ՄԵՂԱԴՐՅԱԼԸ

  Տիգրան Ավետիսյան   5
  Ստամբուլի «Ակոս» թերթի խմբագրապետ Հրանտ Դինքի սպանության գործով ներգրավվել է 20-րդ մեղադրյալը` Օսման Հայալը: Ինչպես տեղեկացնում է «Անատոլիա» լրատվական գործակալությունը, Օսման Հայալը Դինքի սպանությունը ...

• «ԲՋՆԻ» ԸՆԿԵՐՈՒԹՅՈՒՆԸ ՉԻ ԿԱՐՈՂԱՆՈՒՄ ԱՇԽԱՏԵԼ

  (ՖՈՏՈԼՈՒՐ-ի լուսանկարում` Լեւոն Տեր-Պետրոսյան եւ Խաչատուր Սուքիասյան)   

• 60-ԱՄՅԱ ՖՐԱՆՍՈՒՀԻՆ ԻՆՔՆԱՀՐԿԻԶՎԵԼ Է` ԲՈՂՈՔԵԼՈՎ ՀԱՅ ԸՆԿԵՐՈՋ ԱՐՏԱՔՍՄԱՆ ԴԵՄ

  

• ՀՐԱՆՈՒՇ ԽԱՌԱՏՅԱՆ. «ՉԵՄ ԲԱՑԱՌՈՒՄ, ՈՐ ՌՈՒՍԱՍՏԱՆԸ ԻՐ ՈՐՈՇՈՒՄԸ ՊԱՐՏԱԴՐԻ ՀԱՅԿԱԿԱՆ ԿՈՂՄԻՆ»

  Տիգրան Ավետիսյան   

• ԹՈՒՐՔԻԱՆ ԸՆՏՐՎԵՑ ՄԱԿ-Ի ԱՆՎՏԱՆԳՈՒԹՅԱՆ ԽՈՐՀՐԴԻ ԱՆԴԱՄ

• ՆԱԽՆԱԿԱՆ ԱՐԴՅՈՒՆՔՆԵՐՈՎ` ԷՋՄԻԱԾՆԻ ՔԱՂԱՔԱՊԵՏ Է ԸՆՏՐՎԵԼ ԿԱՐԵՆ ԳՐԻԳՈՐՅԱՆԸ

  (Լուսանկարում` Մանվել Գրիգորյան)   

• «ԱԶԱՏՈՒԹՅԱՆ» ՎԻԴԵՈՍՐԱՀԻ ՀՅՈՒՐԵՐԸ ՔՆՆԱՐԿՈՒՄ ԵՆ ՀԱՅԱՍՏԱՆԻՑ ՍՓՅՈՒՌՔԱՀԱՅ ԳՈՐԾԻՉՆԵՐԻ ԱՐՏԱՔՍՄԱՆ ՀԵՏ ԿԱՊՎԱԾ ԽՆԴԻՐԸ

• ՄԱՆՎԵԼ ԳՐԻԳՈՐՅԱՆ. «ՇԱՐԺՈՒՄԸ ԺՈՂՈՎՐԴԻՆՆ Է, ՈՉ ՄԵԿԻ ՍԵՓԱԿԱՆՈՒԹՅՈՒՆ ՉԷ»

  Անուշ Մարտիրոսյան   

• ՍԱՄՎԵԼ ՖԱՐՄԱՆՅԱՆ. «ԱՆՀԱՍԿԱՆԱԼԻ Է, ԹԵ ԻՆՉ Է ՆՇԱՆԱԿՈՒՄ «ԵՐԿՐՈՐԴ ՌՈՒՍԱԿԱՆ ՌԱԶՄԱԿԱՅԱՆ»

  Հովհաննես Շողիկյան   

• ԵՐԵՒԱՆ Է ԺԱՄԱՆՈՒՄ ԻԳՈՐ ԼԵՒԻՏԻՆԻ ԳԼԽԱՎՈՐԱԾ ՊԱՏՎԻՐԱԿՈՒԹՅՈՒՆԸ

• ՄՈՒՇԵՂ ՍԱՂԱԹԵԼՅԱՆԸ ԴԱՏԱՊԱՐՏՎԵՑ 5 ՏԱՐՎԱ ԱԶԱՏԱԶՐԿՄԱՆ

  Ռուզաննա Ստեփանյան   

• 1913  Կ. Պոլսում հանկարծամահ եղավ Հայ հեղափոխական դաշնակցության հիմնադիրներից Սիմոն Զավարյանը:
• 1917  Հոկտեմբերյան սոցիալիստական մեծ հեղափոխության հաղթանակը (նոյեմբերի 7 նոր տոմարով) Ռուսաստանում:
• 1967  Մահացավ գրականագետ Էդուարդ Տարոնյանը: (Ծնվ. 1896 թ.-ին):

• am
• en

ԼՈՒՐԵՐ ՀԱՅԱՍՏԱՆ

• 168 Ժամ
• Ա1+
• ԱրմենիաՆաու
• Առավոտ
• Ազատ Արցախ
• Ազգ
• Լրագիր
• Պանարմենիան
• Պանորամա
• Ազատություն
• Երկիր
• Ժամանակ
• Չորրորդ Իշխանություն
• Հայոց Աշխարհ

ՕՆԼԱՅՆ ԼՈՒՐԵՐ

• Օնլայն Ռադիո

ԻՆՖՈՐՄԱՑԻԱ

• Եղանակ
• Դրամի Փոխարժեք
• Վիճակագրություն

ԻՄ ԱՐՄԹԱՈՒՆ

• Կայքի Առօրյան
• Ֆորում
• Քվեարկություն
• Լուրերի Էքսպորտ
• Կոդավորվորիչ