Հրատարակվում է 2005
ՕՐՎԱ ՄԱՄՈՒԼԻՑ 27.05.09
- Առավոտ. Պատմությունը չես կարող սրբագրել Ես չեմ ուզում մեղավոր զգալ, երբ գալիս եմ Հայաստան: Ես ի՞նչ կապ ունեմ՝ պապս ինչ է արել, գուցե նա սրիկա Էր, ե՛ս ինչ կապ ունեմ: Բոլորն ինձ այնպես են նայում, կարծես՝ ահա սա այն թուրքի թոռն է, որ... Ես չեմ ուզում ինձ այդպես նայեն,- այսպես սկսեց մեր զրույցը Աքշամ թերթի թղթակից Նագեհան Ալջըն: Մեր հարցին ի պատասխան նա ասաց, որ իրեն նման բան չեն ասել, շատ բարի Էին իր հանդեպ, այլ այդպես նայել են: Սահմանի երկու կողմում չգիտեն, որ թուրքերը մարդակեր չեն, հայերն էլ դավաճան չեն, ասում էր Նագեհանը: Հուրիեթի թղթակից Վերջիհան Զիլֆիօղլուի համոզմամբ, թշնամանքի հիմնական պատճառը իրար չճանաչելն է. Մարդիկ չգիտեն` անցյալում ինչ է եղել: Պետք չէ նրանց քննադատել, որովհետեւ իրենց ոչ մի բան չեն պատմել: Եվ Վերջիհան Զիլֆիօղլուն պատմում է: Վերջերս նա շահեց Թուրքիայի լրագրողների ասոցիացիայի մրցանակը՝ Փարաջանովի մասին իր հրապարակումների համար: Նույն կազմակերպության մյուս գլխավոր մրցանակը տրվեց նույնպես հայկական թեմայի՝ համշենցի մի լրագրողի՝ համշենահայերի մասին նյութի հրապարակմանը: Մինչդեռ նախկինում, ասում էր Վերջիհանը, Հայաստանի եւ հայերի մասին լավ նյութեր դժվար էր գտնել թուրքական մամուլում. Հայերը հեռու կղզու նման էին թուրք լրագրողների համար, եւ նյութերը երբեմն նույնիսկ վիրավորական կարող էին դաոնալ: Օրինակ՝ մեկը մյուսին սպանում է, նշում են, որ սպանողը հայկական ծագումով էր: Այսինքն, հայ, հրեա կամ հույն ինքնությունն ավելի էր կարեւորվում, քան ինքը՝ դեպքը, որ ամեն երկրում պատահում է: Խոսքը ոչ միայն եւ ոչ այնքան Հայաստանի մասին է, այլ ընդհանրապես հայերի, ովքեր Թուրքիային միշտ հիշեցնում են պատմական անցյալը: Սակայն վերջին տարում թուրքական մամուլում դրական միտումներ են նկատվում: Մանավանդ Հրանտ Դինքի սպանությունից հետո թուրքական թերթերն ավելի շատ են անդրադառնում հայկական թեմաների՝ դեպի ապագա ուղղված հայացքով: Վերջիհանն ազգությամբ հայ է, եւ լեզվի իմացությունը նրան շատ է օգնում: Աոաջին անգամ Հայաստան է եկել հենց Հուրիեթի հանձնարարությամբ: Վերջին 2,5 տարում հիմնականում գրում է հայերի, հատկապես՝ Թուրքիայի հայերի մասին: Մարդիկ զարմանում էին եւ անընդհատ ինձ հարցնում՝ իսկապե՞ս Թուրքիայում նման բաներ եղել են, իսկապե՞ս թուրքական թատրոնը հայերն են հիմնել,- Վերջիհանն ասում էր, որ դա գրեթե նորություն էր թուրքական մամուլի համար: Յուրօրինակ էր Թավշանօղլուի պատասխանը հարցիս՝ ո՛րն է այն ուղերձը, որ ընթերցողներն ուզում են լսել ձեզնից, կամ գուցե այն ցավոտ հարցերը, որոնց մասին չեն ուզում լսել: Բայց ստիպված են,- ասաց նա,- այո, ստիպված են: Փաստեր կան, ես չեմ կարող դրանք սրբել պատմությունից, էնպես որ՝ պետք է գրեմ այդ մասին: Առավոտ. Փաստեր` ստի դեմ Ըստ ԼՂՀ ԱԳՆ մամուլի ծառայության, Մոսկվայում՝ Ռուսաստանի Դաշնությունում ՀՀ դեսպանատանը տեղի է ունեցել Արսեն Մելիք-Շահնազարովի Լեռնային Ղարաբաղ. փաստեր ստի դեմ: Լեռնային Ղարաբաղի հակամարտության տեղեկատվական-գաղափարախոսական ասպեկտները գրքի շնորհանդեսը: Շնորհանդեսին ներկա Էին ՌԴ-ում ՀՀ դեսպանատան, Մոսկվայում ԼՂՀ մշտական ներկայացուցչության աշխատակիցներ, ինչպես նաեւ Ռազմավարական հետազոտությունների ռուսական ինստիտուտի, ԱՊՀ երկրների ինստիտուտի, Մոսկվայում միջազգային իրավունքի եւ քաղաքագիտության հայկական ինստիտուտի, այլ գիտական հաստատությունների եւ հիմնադրամների ներկայացուցիչներ: Միջոցառմանը ներկա էին նաեւ ռուսական մտավորականության` Ղարաբաղ կոմիտեի ներկայացուցիչներ Ինեսա Բուրկովան, Անդրեյ եւ Գալինա Նույկինները: Գրքի տպաքանակը երեք հազար օրինակ է: Մոսկվայում ԼՂՀ մշտական ներկայացուցչությունը շարունակում է աշխատանքներ տանել գրքի տարածման ուղղությամբ, որը ռուսներին կհասցնի Արցախի եւ իր հողում ազատ ապրելու իրավունքի համար Արցախի ժողովրդի արդար պայքարի մասին ճշմարտությունը: Հայոց աշխարհ. Ոչ ոք չի կարող բավարարված լինել Ֆրանսիայի Սենատի կողմից Հայոց ցեղասպանության ուրացումը դատապարտող նախագծի ընդունումն անհրաժեշտ եմ համարում, քանի որ այն պահից, երբ ցեղասպանությունը ճանաչված է, ոչ ոք չի կարող բավարարված լինել մի իրավիճակով, երբ թույլ է տրվում կատարյալ անպատիժ կերպով ժխտել այդ ցեղասպանությունը,- հայտարարել է Ֆրանսիայի Ազգային ժողովի ֆինանսների հանձնաժողովի նախագահ, Ազգային ժողովում 2006թ. աշնանն ընդունված Հայոց ցեղասպանության ուրացումը դատապարտող օրինագծի հեղինակ, սոցիալիստ պատգամավոր Դիդյե Միգոն: Ինչ վերաբերում է Սենատի կողմից նախագծի քննարկման ուշացմանը, Դ. Միգոն նշել է, որ նախագծի քննարկմանը դեմ է արտահայտվել կառավարությունը: Հարցն օրակարգում ներառելու միակ եղանակն այն է, որ Սենատը նախաձեռնի այն օրակարգում ընդգրկելը, բայց արդյոք Սենատը կցանկանա՞ նման բան նախաձեռնել,- կասկած է հայտնել սոցիալիստ պատգամավորը: Հայոց աշխարհ. Յոլդաշները Թուրքիայի արտգործնախարար Ահմեդ Դավուդօղլուն հայտարարել է, որ ուժեղ Ադրբեջան՝ նշանակում Է ուժեղ Թուրքիա: Թուրքիան կլինի Ադրբեջանի կողքին, ինչպես որ եղել է ողջ պատմության ընթացքում: Թուրքիան Ադրբեջանի ապագային նայում է որպես իր ապագայի: Ադրբեջանի եւ Թուրքիայի միջեւ հարաբերությունները բարձր մակարդակի են, եւ մենք ոչ միայն եղբայր ու բարեկամ երկրներ ենք, այլեւ ռազմավարական դաշնակիցներ,- ասել է Դավուդօղլուն: Թուրքիայի արտգործնախարարը հավելել Է, թե անկախ այն բանից՝ Թուրքիայում ով կլինի իշխանության գլուխ, երկրի արտաքին քաղաքականության մեջ Ադրբեջանը կմնա որպես ռազմավարական գերակայություն: Իրավունք. Ցեղասպանությունը կամ Ղարաբաղի հարցը չի կարող լինել առեւտրի առարկա Ռուսաստանի հայերի միության եւ Հայերի համաշխարհային կոնգրեսի նախագահ Արա Աբրահամյանը տեղեկացրել է, որ ԱՄՆ-ում հանդիպել է Մորգենթաուի /Թուրքիայում ԱՄՆ դեսպան` Առաջին համաշխարհային պատերազմի ժամանակ/ թոռան հետ, որը փոխանցել է մեզ 1700 արխիվային փաստաթուղթ, որոնք վերաբերում են 1915-1923 թթ. Թուրքիայում հայերի ցեղասպանությանը: Մենք ունենք միջազգային իրավունքների ինստիտուտ, որը ղեկավարում էր Յուրի Բարսեղովը: Եվ երբ մենք սկսեցինք գիրք կազմել Ցեղասպանության մասին, մոտավորապես 40 երկրների արխիվներում հետաքրքրվեցինք, թե ով, ինչ հարցով կարող է օգնել, ինչ փաստաթղթեր կարող է ներկայացնել, ու դրա արդյունքում ստեղծվեցին երեք հատորներ: Մենք շատ փաստաթղթեր ենք հավաքել եւ մեր գրած գիրքը տարբերվում է ցեղասպանության վերաբերյալ գրված բոլոր գրքերից: Տարբեր երկրների արխիվներից վերցրած փաստաթղթեր են: Ես փաստաթղթերի մասին չեմ ուզում հիմա շատ բան ասել, քանի որ մենք տպագրելու ենք դրանց մասին եւ ուզում ենք գրել արդեն 4-րդ հատորը: Դրանք բավականին մեծածավալ նյութեր են: Դրա մասին պետք է խոսեն մասնագետները /իրավաբանները/: Մեր ինստիտուտը մոտ 24 երկրներում է աշխատել, բայց կարող էինք աշխատել 50 երկրում, քանի որ մենք չգիտենք, թե արդյունքում մեզ ինչ է սպասվում, միգուցե` միջազգային դատ, դրա համար մենք ինչքան փաստաթուղթ ունենանք, ինչքան լավ պատրաստված լինենք, այնքան մեր գործերը հաջող կընթանան: Ազգ. Մորգենթաուի պատմությունը ֆիլմը կցուցադրվի ԱՄՆ-ում հունիսի 8-ին Ափո Թորոսյանի Մորգենթաուի պատմությունը փաստագրական ֆիլմը ներկայացվելու է Արլինգթոնում Ցեղասպանության միջազգային ասոցիացիայի կրթաթոշակառուների համագումարի ժամանակ, հաղորդում է Panarmenian.net-ը: Ֆիլմը նվիրված է Հենրի Մորգենթաուի գործունեությանը, որը 1913-1916-ին ԱՄՆ-ի դեսպանն էր Օսմանյան կայսրությունում: Նա հատուկ ուշադրություն է դարձրել քրիստոնեական ավանդույթների եւ հայերի պաշտպանությանը, ինչպես նաեւ բանակցություններ է վարել թուրքական կառավարության հետ` կոչ անելով դադարեցնել երկրի խաղաղ քաղաքացիների զանգվածային սպանությունները: 1923-ին նրա ջանքերի շնորհիվ հաջողվել է փրկել հազարավոր հայերի, հույների, ասորիների կյանքեր: Ափո Թորոսյանի ֆիլմը հիմնված է դիվանագետի հետնորդների հիշողությունների վրա: Համագումարի շրջանակներում տեղի կունենա ռեժիսորի մեկ այլ ֆիլմի` Ձայնի ցուցադրությունը, որը հիմնված է Իզմիրի նախկին բնակիչների հիշողությունների վրա, ովքեր փրկվել են Հայոց ցեղասպանությունից հետո: Ազգ. Թուրքիան հրաժարվում է կրտսեր եղբորից Ինչպես հիշում ենք, Ադրբեջանը ակնարկում էր, որ եթե Թուրքիան Հայաստանի հետ հարաբերությունների կարգավորման գործընթացում անտեսի Ադրբեջանի շահերը, ապա Ադրբեջանը կթանկացնի Թուրքիա մատակարարվող գազի գինը: Բաքու կատարած այցի շրջանակներում Թուրքիայի վարչապետը կարողացավ չեզոքացնել այս սպառնալիքը, Ադրբեջանի հետ կնքվեց գազի մատակարարման նոր պայմանագիր ավելի արդար սակագնով: Ադրբեջանը, հասկանալով, որ կորցնում է Թուրքիայի նկատմամբ ազդեցության տնտեսական լծակը, որը թերեւս ամենագլխավորն է Թուրքիա-Ադրբեջան հարաբերություններում, դիմեց գաղափարական եւ տեղեկատվական ճնշման: Էրդողանի Բաքու կատարած այցի շրջանակներում ամբողջ Ադրբեջանը եւ ադրբեջանական ԶԼՄ-ները ողողված էին Մեկ ազգ, երկու պետություն կարգախոսով: Էրդողանին այլ բան չէր մնում, քան հանգստացնել ադրբեջանական հիստերիան: Թուրքիայի վարչապետը, լինելով բավականին հասուն դիվանագետ, լավ հասկանում է քաղաքական հայտարարությունների եւ իրական քաղաքական գործընթացների տարբերությունը: Դրանով են բացատրվում վերջին շրջանում Էրդողանի կոշտ հայտարարությունները` հայ-թուրքական հարաբերությունների կարգավորումը ԼՂՀ հիմնախնդրի կարգավորմամբ պայմանավորելու առումով: Սա Էրդողանի վերջին նվերը կարող էր լինել Ադրբեջանին մինչեւ պետերբուրգյան հանդիպում: Սակայն, ինչպես ցույց տվեց ժամանակը, ադրբեջանական ջանքերն ապարդյուն անցան, քանի որ ԵԱՀԿ Մինսկի խմբի համանախագահ երկրները, տարբեր մակարդակներով, զգուշացրին Էրդողանին` զերծ մնալ նմանատիպ հայտարարություններից եւ ԼՂՀ հիմնախնդրի կարգավորման գործընթացում դերակատարում ստանձնելու ավելորդ ջանասիրությունից: Նախ ՌԴ վարչապետ Վ. Պուտինը հայտարարեց, որ միայն Հայաստանը եւ Ադրբեջանը կարող են համաձայնության գալ, իսկ միջնորդ երկրները պետք է միայն օժանդակեն այդ համաձայնության ձեռքբերմանը: Այնուհետեւ ԵԱՀԿ Մինսկի ԱՄՆ համանախագահ Մ. Բրայզան ակնարկեց, թե Թուրքիան արդեն իսկ կնքել է Հայաստանի հետ հաշտեցման համաձայնագիր (առանց նախապայմանների), որով սահմանների բացումը նախատեսված է հաջորդ փուլում: Իսկ վերջերս էլ ֆրանսիացի համանախագահ Բ. Ֆասիեն հայտարարեց, որ եթե Թուրքիայի վարչապետը պնդում է, թե հայ-թուրքական հարաբերությունները եւ ԼՂՀ հիմնախնդրի կարգավորումը զուգահեռ գործընթացներ են, ապա էվկլիդեսյան երկրաչափության համաձայն, զուգահեռները երբեք չեն հատվում: Այսինքն` ԵԱՀԿ Մինսկի խմբի համանախագահները ցույց տվեցին, որ հայ-թուրքական հարաբերությունների կարգավորումը ընդհանրապես կապ չունի ԼՂՀ հիմնախնդրի կարգավորման գործընթացի հետ: ԵԱՀԿ Մինսկի խմբի համանախագահների նմանատիպ վերաբերմունքը օգտակար է նաեւ Թուրքիայի եւ մասնավորապես Էրդողանի համար: Քանի որ արդեն իսկ չեզոքացված է տնտեսական ազդեցության լծակը, Թուրքիան հանգիստ խղճով կարող է շարունակել հարաբերությունների կարգավորումը Հայաստանի հետ եւ Ադրբեջանի վայնասունին ի պատասխան` մատնացույց անել ԵԱՀԿ Մինսկի խմբի համանախագահների Թուրքիայի ջանքերին ուղղված կոշտ դիրքորոշումը, նշելով, որ նմանատիպ հետագա նախաձեռնողականությունը կարող է էլ ավելի բարդացնել հենց Ադրբեջանի վիճակը: Ազատամտություն. Թուրքիայի եւ Ադրբեջանի գաղտնի ծառայությունները բողոքի ակցիաներ են պատրաստում Ինչու Թուրքիան 70 տարի անց որոշեց բարելավել հարաբերությունները Հայաստանի հետ, այս հարցին երեկ փորձեց պատասխանել Հայաստանի դեմոկրատական կուսակության առաջնորդ Արամ Սարգսյանը: Ըստ նրա, խնդիրն այն է, որ մենք չենք էլ փորձում նույնիսկ հասկանալ այդ ինչուն, մինչդեռ Թուրքիան բանակցային գործընթացում կրկին կտրուկ փոխեց մարտավարությունը: Դա հետեւանք էր երկու շաբաթ առաջ Ֆրանսիայի նախագահ Նիկոլա Սարկոզիի ու Գերմանիայի կանցլեր Անգելա Մերկելի այն հայտարարության, թե Թուրքիան Եվրամիությանն անդամակցելու հեռանկար չունի, ինչը դարձավ Թուրքիայի եւ Ադրբեջանի առավել մերձեցման առիթ: Նա նշեց, որ բանակցային գործընթացում սպասվում են հետաքրքիր զարգացումներ, քանի որ որոշ տեղեկություններով, Թուրքիայի եւ Ադրբեջանի գաղտնի ծառայություններն արհեստական ապակայունացման ծրագիր են մշակել եւ շուտով Թուրքիայի տարբեր քաղաքաներում սպասվում են բողոքի տարատեսակ ակցիաներ: Նախատեսվում է բնակչության դեմարշը ապերախտ հայերի դեմ, ինչի ֆոնին էլ կսառեցվեն բոլոր հարաբերությունները Հայաստանի հետ: Այսինքն, բանախոսի գնահատմամբ, Թուրքիան գործում է իրավիճակային, մինչդեռ Հայաստանի նախագահը, գործելով ազգային անվտանգության շահերից, ավելի ճկուն քաղաքականություն է վարում եւ արդյունքում, տեսնելով Թուրքիայի քայլերը, գնալով կոշտացնում է դիրքորոշումը: Արամ Սարգսյանը երեկ մամուլի ասուլիսում նորից շեշտեց, որ բանակցային գործընթացը դեռ շատ երկար է տեւելու եւ որ դրան նպաստում են նաեւ ԵԱՀԿ Մինսկի խմբի ջանքերը: Վերջում էլ հույս հայտնեց, որ մեզ, այնուամենայնիվ, կհաջողվի խուսափել պատերազմական գործողություններից: Հայք. Լավատեսությունը հեռացավ անաղմուկ Միջազգային ճգնաժամային խմբի կովկասյան ծրագրերի տնօրեն Սաբինա Ֆրայզերը Greek news-ում հրապարակած իր հոդվածում ընդգծել է, թե հայ-թուրքական հարաբերությունների կարգավորման շուրջ լավատեսությունը, որն առաջացավ ապրիլի 22-ին, երբ կողմերը հայտարարեցին ճանապարհային քարտեզի ստորագրման մասին, անսպասելիորեն անհետացավ: Ֆրայզերն ընդգծել է, որ եթե Թուրքիան հրաժարվի իր չհաջողված քաղաքականությունից եւ կարգավորի հարաբերությունները Հայաստանի հետ, ապա նրա առաջ Հարավային Կովկասում ռազմավարական գլխավոր դերակատար դառնալու հնարավորություն կբացվի: Թուրքիան չպետք է թույլ տա, որ Հայաստանի հետ իր քաղաքականությունն ադրբեջանական շանտաժի կամ Լեռնային Ղարաբաղի անելանելի իրավիճակի գերին դառնա: Ինչ վերաբերում է ԼՂ հակամարտության կարգավորման գործընթացին` ապա ըստ Միջազգային ճգնաժամային խմբի Կովկասյան ծրագրերի տնօրենի, առավելագույնը, որ այս տարի կարելի է սպասել այդ գործընթացից` հիմնարար սկզբունքների շուրջ համաձայնության ձեռքբերումն է: Սակայն անելանելի խնդիրներ կան մի շարք կետերի շուրջ` այդ թվում Լեռնային Ղարաբաղի վերջնական կարգավիճակը վճռող հանրաքվեի անցկացման մոդելի եւ ԼՂ-ն Հայաստանի հետ կապող Լաչինի միջանցքի կարգավիճակի ու չափսերի հարցերի շուրջ: Հայոց աշխարհ. Ո՞վ է առեւանգել վկային եւ ի՞նչ նպատակով Ի՞նչ է տեղի ունեցել իրականում: Այդ ի՞նչ սենսացիոն տեղեկություններ էր հայտնելու դատարանին վկա Անտոնյանը, որ դատախազությունը, դատավորը ոստիկանությունը, իրար խառնված, որոշել էին ընդհուպ վկային առեւանգելու գնով կոծկել ճշմարտությունը: Նախ, ասենք, որ դատարանը Անտոնյանին բերման ենթարկելու որոշում էր կայացրել, որոշումը կատարելու պարտականությունն էլ հանձնարարվել էր ոստիկանության Մալաթիայի բաժնի աշխատակիցներին: Այսինքն` ոստիկանները պարտավոր էին բերման ենթարկել վկային, անկախ նրա գտնվելու վայրից: Բայց մայիսի 25-ին Անտոնյանը, որ մինչեւ այս դետեկտիվ պատմության սկսվելը դիմում էր գրել` ասելով, որ պնդում է նախաքննական ցուցմունքը, քանի որ Վրաստան մեկնելու կապակցությամբ չի կարող ներկայանալ դատարան, անսպասելիորեն հայտնվել էր` կամավոր ներկայացել էր բերման ենթարկելու որոշումը վերացնելու դիմումով: Իր իրավունքն է, ինչպես ասում են: Բայց այս պարագայում հարց է առաջանում` ինչո՞ւ արմատական մի ամբողջ շքախմբի ուղեկցությամբ էր ժամանել Կենտրոն, Նորք-Մարաշ առաջին ատյանի դատարան. հայհոյախոս, լաչառ կնանիք ու լրագրողներ, պատգամավորներ եւ արտախորհրդարանական ընդդիմության ներկայացուցիչներ` ի դեմս Ժառանգություն խմբակցության ղեկավար Արմեն Մարտիրոսյանի եւ Նոր ժամանակների առաջնորդ Արամ Կարապետյանի, ՄԻՊ գրասենյակի արագ արձագանքման խմբի անդամների եւ այլն: Որոնք էլ կազմ ու պատրաստ ներկայացել էին` պաշտպանելու վկային իրավապահների ոտնձգություններից: Այլ կերպ ասած` փոքր բանից մեծ շոու սարքելու, ինչն էլ արվել է: Եւ ինչ եք կարծում` ինչի՞ համար էր այդ ամբողջ աղմուկ-աղաղակը: Պարզվում է, ոչնչից մեծ աղմուկն իրականում ոչ մի բանի համար էր: Վկա Անտոնյանը երեկ հարցաքննվել է, ի դեպ, մեղադրողի միջնորդությամբ, եւ գրեթե նույնությամբ կրկնել է նախաքննական ցուցմունքը: Այն է` որ Հակոբ Հակոբյանի դրկից-հարեւանն է, եղբոր հետ աշխատում էր Ռաֆայել-Տաթեւ տոնավաճառում, մետաղաձողերով հեղաշրջման հիշարժան օրերին` 2008-ի փետրվարի 24-ին կամ 25-ին, Հ. Հակոբյանը հեգնանքով դիմել է իրեն` հանդիմանելով սերժական լինելու մեջ: Ինչո՞ւ. որովհետեւ չի մասնակցում լեւոնական հանրահավաքներին: Ինքն էլ դրանից անհրաժեշտ հետեւություն է արել, որ պետք է իր մասնակցությունը բերի հետընտրական ակցիաներին, հակառակ դեպքում կզրկվի աշխատանքից: Միակ էական տարբերությունը նախաքննական ցուցմունքից այն է եղել, որ դատարանում, դրկից-հարեւանի ներկայությամբ պրիզնատ չի եկել, որ վերջինս իրեն սերժական է անվանել: Այդքա՞ն բան:
ԼՈՒՐԵՐ ՀԱՅԱՍՏԱՆ
ՕՆԼԱՅՆ ԼՈՒՐԵՐ
ԻՆՖՈՐՄԱՑԻԱ
ԻՄ ԱՐՄԹԱՈՒՆ
Ինչպե՞ս թողնել ծխելը
Ինչպե՞ս գրել Հայերեն Windows XP միջավայրում
Սույն կայքում հրատարակված նյութերը վերցված են բաց աղբյուրներից և պաշտպանված են հեղինակային իրավունքիով։ Արգելված է սույն կայքում հրատարակված նյութերի վերարտադրումը առանց իրական հեղինակի գրավոր թույլտվության։ Եթե ցանկանում եք հանել Ձեզ պատկանող նյութը, ապա ուղարկեք մեզ, պատկանելությունը վկայող փաստեր և տվյալ նութը անմիջապես կհանվի։ Բոլոր նյութերը հրատարակված են միայն ինֆորմացիոն նպատակով և մենք պատասխանատու չենք դրանց հավաստիության համար։You must set the ad network .txt file to be writable (or file is not within path).