Հրատարակվում է

ԵՐԵՎԱՆԻ ՔԱՂԱՔԱՊԵՏԻ ԱՅՑԸ ՇԻՆՀՐԱՊԱՐԱԿՆԵՐ

• 
  Ուրբաթ օրը, մարտի 21-ին Երևանի քաղաքապետ Երվանդ Զախարյանը դուրս էր եկել աշխատանքային շրջայցի` հիմնականում մայրաքաղաքում ընթացող շինարարական աշխատանքներին տեղում ծանոթանալու նպատակով: Քաղաքապետը նախ այցելեց տրոլեյբուսի հավաքակայան: Մարտի 1-ի հայտնի իրադարձությունների ժամանակ ՙԷլեկտրատրանսպորտ՚ ընկերությանը պատկանող 6 տրոլեյբուս վնասվել էր` ընդհանուր վնասի չափը տրոլեյբուսների մասով կազմում է 3 մլն դրամ: Քաղաքապետին ներկայացվեց, որ դրանք այժմ վերականգնվում են: Երևանում այսօր միջին հաշվով օրական երթուղի է մտնում 50 տրոլեյբուս, որոնցից 18-ը Երևանի քաղաքապետարանը ներկրել էր անցյալ տարի: Քաղաքապետը խոստանում է, որ այս տարի ևս դրանց թիվը կավելանա 20-ով: Բացի այդ կվերանորոգվեն դեռ նախկին տարիներից խափանված 15-20 տրոլեյբուսներ արդյունքում տարեվերջին արդեն մայրաքաղաքում շահագործվող տրոլեյբուսների թիվը կհասնի 85-90-ի: Տրոլեյբուսի հավաքակայանից հետո Երևանի քաղաքապետը այցելեց շինհրապարակներ, բոլոր շինարարական ծրագրերի մրցույթները, ըստ քաղաքապետի, արդեն ավարտվել են և շինարարությունը սկսվել: Քաղաքապետի առաջին կանգառը Մալաթիա-Սեբաստիա համայնքի Սեբաստիա փողոցն է, որտեղից հանվում են տրամվայի չգործող գծերը: Դրանց տեղում հատվածաբար արդեն խիճ է լցվել, որին կհաջորդի փողոցի ասֆալտապատումը: Սեբաստիա փողոցի շինարարությունը, որն սկսվել է 2 շաբաթ առաջ, կավարտվի 2 ամսից: Երվանդ Զախարյանի հաջորդ կանգառը ՙԱյրարատ՚ կինոթատրոնի հարևանությամբ գտնվող շինարարական տեղամասում էր: Այստեղ Տիգրան Մեծ-Խանջյան- Ագաթանգեղոս փողոցների խաչմերուկում մեծ թափով շարունակվում է տրանսպորտային հանգույցի անցյալ տարի սկսված շինարարությունը: Ագաթանգեղոս փողոցի հատվածում թունելի պատերն ու առաստաղը արդեն տեղադրված է, այժմ նույն աշխատանքը կատարվում է Մանկավարժական համալսարանի հարակից հատվածում: Սա լինելու է երկկողմանի երթևեկելի տրանսպորտային հանգույց, որի ընդհանուր երկարությունը 320 մետր է, որից բուն թունելային հատվածը 180 մետր: Շինարարական աշխատանքներն այստեղ նախատեսվում է ավարտել մայիսի վերջին: Հաջորդը դա Գետառի վերակառուցմամբ նոր ճանապարհի կառուցումն է, որը նույնպես սկսվել է անցյալ տարի: Գետառի հունի մի մասը վերածվում է ճանապարհի, իսկ ջուրը կհոսի փակ թունելային հունով: Գետառի նոր ավտոճանապարհը սկիզբ առնելով Թումանյան-Խանջյան խաչմերուկից ձգվում է մինչև Հերացի փղոց: Շինարարական աշխատանքներն այժմ ընթանում են Շախմատի տան հատվածում և Հերացի փողոցում` Բժշկական համալսարանի հարևանությամբ: Երևանի քաղաքապետը նշեց, որ ՙԱյրարատ՚ կինոթատրոնի հարևանությամբ կառուցվող տրանսպորտային հանգույցն ու Գետառի ճանապարհը համարվում են Լինսի հիմնադրամի միջոցներով կառուցվող Սարալանջի մայրուղու շարունակությունը: Այդ աշխատանքների ավարտը նախատեսված է օգոստոսին: Դավթաշենի կամուրջը Հերացի փողոցի հետ կապող նորակառույց Սարալաnջի մայրուղին փաստորեն կդառնա շարունակական` Գետառի նոր ճանապարհով մինչև Ագաթանգեղոս փողոց և Արշակունյաց պողոտա` առանց լուսացուցային հատումների: Երվանդ Զախարյանը նշում է, որ տարեվերջին արդեն այս ամբողջ շղթան` սկսած Ավետիսյան փողոցից մինչև Ագաթանգեղոս առանց լուսացուցային հատումների վարորդների համար բաց կլինի: Դա զգալիորեն կթեթևացնի կենտրոնի այսօրվա տրանսպորտային ծանրաբեռնվածությունը: ՙՀետագայում, հավանաբար 2009-2010 թվականներին, համապատասխան նախագիծն արդեն կա, շինարարական աշխատանքները կշարունակվեն Դավթաշենի կամուրջից մինչև Աշտարակի խճուղի, որպեսզի մայրաքաղաքի հարավային հատվածից հյուսիսային գնացող մեքենաները անարգել անցնեն այդ ճանապարհով՚,-ասաց քաղաքապետը: Քաղաքապետի այցելած վերջին շինարարական տեղամասը Հերացի փողոցի սկզբնամասում էր: Հերացի-Աբովյան փողոցների խոչմերուկի ծանրաբեռնվածությունը թեթևացնելու նպատակով այստեղ օրերս սկսվել է նոր տրանսպորտային թունելի շինարարությունը, որի ավարտը նույնպես նախատեսվում է մինչև սեպտեմբեր: Աբովյան պուրակը Մյասնիկյան պողոտային կապող թունելի ընդհանուր երկարությունը` թեքանցներով լինելու է 240 մետր, թունելային հատվածը 56 մետր, լայնությունը 6 մետր: Քաղաքապետի տեղեկացմամբ, բացի նշված ճանապարհաշինական ծրագրերից, մայրաքաղաքում այս տարի իրականացվելու է շուրջ 2.4 մլրդ դրամի ծավալով փողոցների վերակառուցման և հիմնանորոգման աշխատանքներ, այդ թվում` Արաշկունյաց պողոտայի ամբողջ երկարությամբ` Կրկեսի մոտից մինչև նախկին Բանվորի արձանի խաչմերուկն ընկած հատվածում անվտանգությունն ապահովելու համար բետոնային միջնապատեր են տեղադրվելու: Այստեղ պետք է կառուցվի նաև վերգետնյա անցում: Բացի այդ 4-րդ կարգի վթարայնության շենքերի բնակիչների նոր բնակարաններով ապահովելու համար կառուցվելու է 2 նոր շենք: Ոռոգման ցանցի կառուցման հիմնական աշխատանքները այս տարի պետք է շարունակվեն: Նախատեսվում է ամբողջությամբ ավարտել Երևանի արտաքին լուսավորության ծրագիրը: Քաղաքապետը խոստանում է. ՙԱյս տարի արդեն ամբողջությամբ լուսավորված Երևան կունենանք՚: Նրա խոսքերով, շինարարության առումով 2008-ը մայրաքաղաքի համար նույնքան հագեցած կլինի, որքան նախորդ 2007 թվականն էր, քաղաքապետը չի բացառում, որ տարվա ընթացքում կարող են իրականցվել ավելի շատ ծրագրեր, քան նախատեսված էր: Այսօր Երևանում շինարարությունն իրականացվում է 2 հերթափոխով: Քաղաքապետն ինքն էլ շինհրապարակ հաճախ է այցելում: ՙԸնդհանրապես շաբաթ չկա, որ օբյեկտներում չլինեմ: Անցած տարվա վերջին 3 ամիսներին ամեն օր էի լինում շինհրապարկներում, այդ թվում` գիշերային ժամերին: Ուղղակի կան ժամկետներ, որոնց համար առաջին հերթին պատասխանատու է քաղաքապետը: Դրանք ապահովելու համար պետք է հաճախակի լինել տեղում, ծանոթանալ խնդիրներին, չլուծված հարցերին օպերատիվ լուծում տալ դրանց: Այլապես հարցերը կկուտակվեն, հետագայում լուծումները կդժվարանան, իսկ ժամանակի առումով կարող է խնդիրներ առաջանալ՚: Շինարարական եռուզեռը մայրաքաղաքում լիովին վերականգնված է, Երվանդ Զախարյանը համոզված է, որ ծրագրերը անպայման կիրականացվեն, սակայն կարևոր է նաև Երևանում բարոյահոգեբանական մթնոլորտի վերականգնումը: ՙՔաղաքապետարանի բոլոր ստորաբաժանումներում բնականոն աշխատանքային ռիթմը վերականգնված է, մնում է վերականգնել միայն քաղաքի բարոյահոգեբանական վիճակը, ինչը ավելի երկար ժամանակ, ավելի պատասխանատու և հետևողական աշխատանք է պահանջում յուրաքանչյուրիցս, որովհետև հասցված բարոյական վնասը բավական մեծ է և խորը: Պետք է ամեն ինչ անել, որպեսզի կարողանանք համեմատաբար կարճ ժամանակահատվածում վերականգնել նորմալ աշխատանքային բարոյահոգեբանական մթնոլորտ հանրապետությունում և մայրաքաղաքում՚, նշեց քաղաքապետը, հայտնում է Երևանի քաղաքապետարանի տեղեկատվության և հասարակայնության հետ կապերի վարչությունը:

• ՏԵՐ-ՊԵՏՐՈՍՅԱՆԸ ՀԱՆԴԻՊԵԼ Է ՍԵՄՆԵԲԻԻՆ

  Լեւոն Տեր-Պետրոսյանի գրասենյակից տեղեկացնում են, թե մարտի 21-ին ՀՀ առաջին նախագահը հանդիպել է Հարավային Կովկասում Եվրամիության հատուկ հանձնակատար Պիտեր Սեմնեբիին և նրա գլխավորած պատվիրակության հետ, որի ...

• ԵՐԵՎԱՆԻ ՔԱՂԱՔԱՊԵՏԻ ԱՅՑԸ ՇԻՆՀՐԱՊԱՐԱԿՆԵՐ

  Ուրբաթ օրը, մարտի 21-ին Երևանի քաղաքապետ Երվանդ Զախարյանը դուրս էր եկել աշխատանքային շրջայցի` հիմնականում մայրաքաղաքում ընթացող շինարարական աշխատանքներին տեղում ծանոթանալու նպատակով: Քաղաքապետը նախ այցելեց ...

• ՏԵՂԻ ՈՒՆԵՑԱՎ ՕԵԿ ԿԱՆԱՆՑ ՄԻՈՒԹՅԱՆ ՀԱՄԱԺՈՂՈՎԸ

  Մարտի 22-ին կառավարության նիստերի դահլիճում տեղի ունեցավ Օրինաց երկիր կուսակցության Կանանց միության վեցերորդ համաժողովը: Համաժողովի պատվիրակները հոտնկայս ծափերով դիմավորեցին ՕԵԿ նախագահ Արթուր Բաղդասարյանին, ...

• ՔԱՌԱԿՈՂՄ ԿՈԱԼԻՑԻԱՅԻ ՀԻՆԳ ԱՌԱՆՁՆԱՀԱՏԿՈՒԹՅՈՒՆ

  Օրինաց երկիր կուսակցությունը 2007 եւ 2008 թվականներին մասնակցելով երկու համապետական ընտրության, անցավ դժվարին, բարդ մի ժամանակահատված, բայց միեւնույն ժամանակ այդ ժամանակահատվածն անցավ արժանապատվորեն, ...

• ԿԱՆԱՆՑ ՄԻՈՒԹՅՈՒՆԸ ՀԱՎԱՆՈՒԹՅՈՒՆ ՏՎԵՑ ԿՈԱԼԻՑԻԱՅԻՆ

  Մարտի 21-ին Հանրապետական, Դաշնակցություն, Բարգավաճ Հայաստան եւ Օրինաց երկիր կուսակցությունների ձեւավորած քառակողմ քաղաքական կոալիցիան մարտի 22-ին ստացել է ՕԵԿ Կանանց միության հավանությունը, որը դրսեւորվել ...

• ԱՐԴԵՆ ՀԱՆԳԱՆԱԿՎԵԼ Է 15,5 ՄԻԼԻՈՆ ԴՐԱՄ

  Խոսքի ազատության եւ ԳԱԼԱ ՀԸ պաշտպանության շտաբի հաղորդագրության համաձայն, ԳԱԼԱ ՀԸ Պաշտպանության հեռուստամարաթոն դրամահավաքը դառնում է ՀԱՄԱՀԱՅԿԱԿԱՆ ՄԱՐԱԹՈՆ. Արդեն հանգանակվել է 15 մլն 550 հազար դրամ Շարունակվում ...

• ԵԱՀԿ ԽՎ ՀԱՏՈՒԿ ՆԵՐԿԱՅԱՑՈՒՑԻՉԸ ԿԱՅՑԵԼԻ ԿՈՎԿԱՍ

• 157 ԴՊՐՈՑ ԱՐԴԵՆ ԼՈԿԱԼ ՋԵՌՈՒՑՈՒՄ ՈՒՆԻ

• ԱՌԿԱ Է ՄԻ ՎԻՃԱԿ, ԵՐԲ ՏՈՒԺՈՒՄ ԵՆ ՇԱՏԵՐԸ

• ՏԵՂԻ ՈՒՆԵՑԱՎ ՕԵԿ ԿԱՆԱՆՑ ՄԻՈՒԹՅԱՆ ՀԱՄԱԺՈՂՈՎԸ

• ԵՐԵՎԱՆԻ ՔԱՂԱՔԱՊԵՏԻ ԱՅՑԸ ՇԻՆՀՐԱՊԱՐԱԿՆԵՐ

• ՏԵՐ-ՊԵՏՐՈՍՅԱՆԸ ՀԱՆԴԻՊԵԼ Է ՍԵՄՆԵԲԻԻՆ

• ՔԱՌԱԿՈՂՄ ԿՈԱԼԻՑԻԱՅԻ ՀԻՆԳ ԱՌԱՆՁՆԱՀԱՏԿՈՒԹՅՈՒՆ

• ԱՐԴԵՆ ՀԱՆԳԱՆԱԿՎԵԼ Է 15,5 ՄԻԼԻՈՆ ԴՐԱՄ

• ԿԱՆԱՆՑ ՄԻՈՒԹՅՈՒՆԸ ՀԱՎԱՆՈՒԹՅՈՒՆ ՏՎԵՑ ԿՈԱԼԻՑԻԱՅԻՆ

• 1793  Վենետիկում առաջին անգամ տպագրվեց «Ղազար Փարպեցի»-ն:
• 1853  Կ. Մարքսը գրողմ է «Ազգությունները Թուրքիայում» հոդվածը, որտեղ տեղեկություններ կան տարբեր դավանանքի պատկանող հայերի թվաքանակի, արևմտահայության կրած սոցիալական ու ազգային ճնշումների մասին:
• 1905  Ծնվեց ռումինացի հայազգի դաշնակահար, կոմպոզիտոր և բանաստեղծ Գեորգու Վերջիլը:
• 1913  Ծնվեց ինժեներ - գնդապետ Սերգեյ Ադավելյանը: Մասնակցել է Տու-104, 114, 124 և 134 ինքնաթիռների ստեղծման և փորձարկման աշխատանքներին, ԽՍՀՄ չորս և ֆրանսիական չորս շքանշանների ասպետ է:
• 1915  Սկսվեց հուշագրերի փոխանակումը Ռուսաստանի արտգործնախարարության և Պետրոգրադի անգլիական ու ֆրանսիական դեսպանությունների միջև: Շուրջ մեկ ամսվա ընթացքում երեք պետությունները կնքեցին գաղտնի համաձայնագիր՝ դաշնակիցների հաղթանակից հետո Թուրքիայի սևծովյան նեղուցները և Ստամբուլը ռուսական կայսրությանը միացնելու մասին: Համաձայնագրողմ ոչ մի խոսք չկար Արևմտյան Հայաստանի մասին:
• 1922  Ծնվեց փիլիսոփայական գիտությունների դոկտոր, պրոֆեսոր, շախմատի գծով ԽՍՀՄ սպորտի վարպետ, հանրապետության վաստակավոր գործիչ Լորիս Քալաշյանը:
• 1925  Կոմունիստական կուսակցության Անդրերկրկոմի քարտուղար, Անդրժողկոմխորհրդի նախագահի տեղակալ Ալ. Մյասնիկյանի, Անդրկովկասի արտակարգ հանձնաժողովի (Չեկա) նախագահ Ս. Մոգիլևսկու և ԽՍՀՄ փոստ-հեռագրական ժողկոմի ԱՍՖՍՀ լիազոր Գ. Աթաբեկյանի ողբերգական մահը:
• 1943  Լվովի մարզում գտնվող հայ ռազմագերիներից կազմակերպվեց «Հաղթանակ» պարտիզանական ջոկատը՝ Սերգեյ Հարությունյանի ղեկավարությամբ:
• 1954  Լույս տեսավ «Ոզնի» երգիծական հանդեսի առաջին համարը:
• 1992  Նուբարաշենում տեղի ունեցավ Հայաստանի Հանրապետության նորաստեղծ բանակի 1-ին դեսանտագրոհային գնդի երդման արարողությունը:

• am
• ru
• en

ԼՈՒՐԵՐ ՀԱՅԱՍՏԱՆ

• Ա1+
• Ազատ Արցախ
• Ազգ
• Առավոտ
• Ազատություն
• ԱրմենիաՆաու
• Երկիր
• Հայոց Աշխարհ
• Չորրորդ Իշխանութ.
• Պանորամա
• Պանարմենիան
• Ժամանակ

ՕՆԼԱՅՆ ԼՈՒՐԵՐ

• Օնլայն Ռադիո

ԻՆՖՈՐՄԱՑԻԱ

• Եղանակ
• Դրամի Փոխարժեք
• Վիճակագրություն

ԻՄ ԱՐՄԹԱՈՒՆ

• Կայքի Առօրյան
• Ֆորում
• Քվեարկություն
• Լուրերի Էքսպորտ
• Կոդավորվորիչ նոր