ՊԱՇԱՐՎԱԾ ԱՄՐՈՑԻ ՍԻՆԴՐՈՄԸ

Մշտական պատերազմական վիճակը, որի մեջ գտնվում են առնետների հարեւան մեծ ընտանիքները, սելեկցիոն ուժգին ազդեցություն է գործում անընդմեջ աճող մարտունակության ուղղությամբ։
Այդ առումով թեկուզ փոքր-ինչ հետ մնացող կլանը դատապարտված է արագ ոչնչացման։ Հավանաբար բնական ընտրությունը մրցանակ է նշանակել ամենամեծաթիվ ընտանիքին. քանի որ դրա անդամները, անշուշտ, օգնում են միմյանց՝ օտարների դեմ պայքարում, ապա առնետների փոքր խումբն ավելի վատ վիճակում է հայտնվում, քան մեծը։
Հայտնի կենսաբան Շտեյնիգերը Հյուսիսային ծովում գտնվող Նորդերոոգ փոքրիկ կղզում հայտնաբերեց առնետների մի քանի ոհմակ, որոնք բաժանել էին տարածքը՝ իրենց արանքում թողնելով մոտավորապես 50 մետր լայնությամբ չեզոք հողաշերտեր։ Հենց այդ սահմաններում էլ ընթանում էր մշտական պատերազմը։ Քանի որ պաշտպանության ճակատը սակավանդամ ընտանիքի համար շատ ավելի երկայնաձիգ էր, քան բազմանդամի, առաջինը հայտնվում էր ոչ շահեկան վիճակում։ Դրա հետեւանքով կղզում առնետների ոհմակների թիվը տարեցտարի նվազում էր, իսկ ողջ մնացածները դառնում էին ավելի մեծաթիվ ու արյունարբու։
Համանման իրավիճակ է դիտարկվում նաեւ քաղաքական դաշտում, որտեղ առնետների ոհմակների դերում հանդես են գալիս կուսակցությունները։ Բնական ընտրությունն անխուսափելիորեն հանգեցնում է նրան, որ սակավաթիվ եւ թույլ խմբերը հետզհետե վերանում են, իսկ ուժեղները՝ դառնում ավելի բազմանդամ ու դաժան։
Paramaecium հողաթափիկ-ինֆուզորիան, բախվելով որեւէ խոչընդոտի, մի քիչ հետ է լողում, իսկ հետո նորից առաջ շարժվում, բայց միանգամայն այլ, պատահական ուղղությամբ։ Պարամեցիան այդ օբյեկտի մասին «գիտի» միայն մի բան. որ այն արգելակում է նախկին ուղղությամբ իր հետագա շարժումը։ Այդ «իմացությունը» կարող ենք ենթարկել քննադատության մեր անհամեմատ ավելի բարդ ու մանրամասն աշխարհընկալման տեսանկյունից։ Հաճախ մենք կկարողանայինք, հավանաբար, ցույց տալ ինֆուզորիային ավելի շահավետ ուղղություններ, քան իր պատահական ընտրածը, բայց այն, ինչ նա «գիտի», անտարակույս ճիշտ է. ուղիղ շարժվելն իսկապես անհնար է։
«Համաժողովրդական» շարժման ներկայացուցիչ ԴԱՎԻԹ ՇԱՀՆԱԶԱՐՅԱՆՆ այդ առումով զիջում է նույնիսկ ինֆուզորիային։ Ահա արդեն քանի տարի շարունակ գլխով զարկվում է խոչընդոտին ու ոչ մի կերպ չի կարողանում հասկանալ, որ ուղիղ շարժվելն անհնար է։ Ահավասիկ անցած շաբաթ էլ, լինելով ինչպես միշտ ծայրաստիճան անհամարժեք հոգեվիճակում, նա հայտարարեց. «Ավազակապետության մեջքը ջարդած է, ռեժիմը չոքած է, մնում է ձեւակերպել եւ կազմակերպել ռեժիմի թաղման արարողությունը»։
Ինչպե՞ս այստեղ չհիշես սուրբ Գրիգոր Աստվածաբանին, որը համեմատում էր մեղսագործին սղոց լիզող ու սեփական արյան համից արբող շան հետ։ Թեպետ սադոմազոխիզմը մեր ժողովրդական խաղն է։ Սակայն վաղուց ժամանակն է հասկանալ, որ փղին կարող է քննադատել մեկ ուրիշ փիղ, ընձուղտ եւ նույնիսկ շնիկ, բայց հողաթափիկ-ինֆուզորիան պիտի պապանձվի։
Թեպետ, մյուս կողմից, եթե փորձենք նայել -4 միավոր ստացած Դ.Շահնազարյանի խնդրին կարեկցալից հոգեբուժական հայացքով, ապա ստացվում է բնավ ոչ այդչափ տխուր պատկեր։ Այն ենթադրությունը, թե խելագարը չգիտի՝ ինչի մասին է խոսում, հերքում է գերմանական հին ասույթը, համաձայն որի՝ «ճշմարտությունը խոսում է մանկան եւ խելագարի շուրթերով» («nur Kinder und Narren sagen die Wahrheit»)։
Այնպես որ՝ եկեք չխանգարենք մեր գերեզմանափորին կազմակերպել թաղման արարողությունը։ Նրան ընդհանրապես չի կարելի նեղացնել. Աստված արդեն իսկ նեղացրել է։
Զարմանահրա՛շ են գործերդ, Տեր։ Եթե տիեզերքում ինչ-որ տեղ գոյություն ունեն այլ քաղաքակրթություններ, ապա նրանք հաստատ չեն մեռնի ձանձրույթից։ Քանզի այնքա՜ն ուշագրավ է զննել Հայաստանը մեծ մանրադիտակով ու մտորել, թե այդ ինչպես հաջողվեց մի ամբողջ երկրի ընկնել ամնեզիայի մեջ։
Գուցե միանման ցից փոցխերով պատված իր դժվարին ճանապարհի ընթացքում Հայաստանի ստացած գանգուղեղի վնասվածքն ուրիշ ոչինչ չի էլ ենթադրում։ Փոխարենը՝ կա մխիթարանք. ոչ մի փոցխ այլեւս մեզ սարսափելի չէ։ Բացարձակ ամնեզիան սկսվել է։ Երկիրը չի հիշում ցավը եւ, հետեւաբար, պատրաստ է նորից ու նորից դեմ տալ ճակատը փոցխին։
Այս անգամ փոցխը հանդես եկավ «Ռ.Քոչարյանի գործը» Հաագայի դատարան փոխանցելու նպատակով ստորագրահավաքի կազմակերպման նեոբոլշեւիկների նախաձեռնության տեսքով։ Այդ կապակցությամբ ԱԺԿ առաջնորդ ՇԱՎԱՐՇ ՔՈՉԱՐՅԱՆՆ անցած շաբաթ հայտարարեց հետեւյալը. «Դա քայլ է, որ ուղղված է Հայաստանի, Ղարաբաղի եւ մեր շահերի դեմ... Չգիտեմ, այն մարդիկ, ովքեր ստորագրահավաք են նախաձեռնել Ռ.Քոչարյանին Հաագայի դատարան հանձնելու գործընթացով, գիտակցո՞ւմ են դա»։
Դե իհա՛րկե գիտակցում են։ Նայեք, թե ինչ մոլեգին են փայլատակում նախաձեռնողների աչքերը։ Արդար ցասումից, եթե ես այդ արարածներին գոնե փոքր-ինչ ճիշտ եմ հասկանում։ Ըստ որում՝ պարզապես միջակ ֆիզիոնոմիստ լինելն էլ բավական է, որպեսզի հասկանաս. Մայր հայրենիքը սրանք ատում են։
Ի դեպ, ինչո՞ւ է ընդունված ասել՝ Մայր հայրենիք։ Դուստր հայրենիքն անհամեմատ ավելի ճշգրիտ կլիներ, քանզի մենք այդ հայրենիքին դստեր պես դաստիարակում ենք, ուսուցանում, ցանկանում ավելի լավը դարձնել։ Բացի դրանից, մեր պարտքն է պաշտպանել հայրենիքը ամեն կարգի քաղաքական մոլագարներից, որոնք մշտապես փորձում են բռնաբարել նրան՝ իբր մեծ, ես կասեի նույնիսկ՝ անսահմանափակ սիրո պատրվակով։
Չգիտեմ, +3 միավոր վաստակած Շ.Քոչարյանը՝ ինչպես, իսկ ես կառաջարկեի հայոց աշխարհը հինգերորդ շարասյունից մաքրելու համար սահմանել 15-րդ դարասկզբից մինչեւ 18-րդ դարավերջ Եվրոպայում չափազանց տարածված lettre de cachet-ի ինստիտուտը, ինչը բառացիորեն նշանակում է՝ «կնիքով նամակ»։ Դա իրենից ներկայացնում էր թագավորի կամ նրա ամենաբարձրաստիճան չինովնիկներից մեկի կնիքով փաստաթուղթ, որով թույլատրվում եւ կարգադրվում էր առանց դատի կալանավորել այն մարդուն կամ մարդկանց, որոնց անուններն այդտեղ թվարկված էին։
Բրիտանական հանրագիտարանում lettre de cachet-ի կիրառումը նկարագրվում է հետեւյալ կերպ. «Ծառայելով կառավարությանը՝ որպես քաղաքական հակառակորդների դեմ ուղղված լուռ գործիք, ինչպես նաեւ՝ բարձրաստիճան դավադիրներին հակազդելու միջոց, lettre de cachet-ներն ունեին նաեւ այլ կիրառումներ։ Դրանք օգտագործվում էին ոստիկանության կողմից՝ մարմնավաճառների հետ հաշվեհարդար տեսնելու համար։ Բացի այդ, դրանց ընձեռած իշխանությամբ փակում էին խելագարներին գժանոցներում»։
Հոգեբանության մեջ գոյություն ունի այդպիսի մի հասկացություն. «պաշարված ամրոցի սինդրոմ»։ Դրա առավելությունը գլխավորապես նրանում է, որ ամրոցը ոչ ոք չի գրոհում, եւ կարելի է ապրել այնտեղ՝ տրվելով կյանքի հաճույքներին, սեփական շիզոֆրենիկ կանոններով։ Հանգցնել լույսն ու ընկնել երեւակայության գիրկը։ Ման ես գալիս քո համար, մռայլ խոսքեր հանգավորում, բռունցքով սպառնում ինչ-որ մեկին... Եթե հայելուն չմոտենաս, իսկը Հերակլեսն ես՝ Սասունցի Դավթի հետ նույն սրվակում։
Հայրենի արմատական ընդդիմությունը վաղուց եւ անհուսալիորեն հիվանդ է պաշարված ամրոցի սինդրոմով, եւ պատահական չէ, որ ՀՅԴ Բյուրոյի անդամ, կուսակցության խորհրդարանական խմբակցության ղեկավար ՎԱՀԱՆ ՀՈՎՀԱՆՆԻՍՅԱՆԸ անցած շաբաթ հայտարարեց. «Ռադիկալ ընդդիմության մեջ կան մարդիկ, ովքեր ուղղորդվում են «որքան վատ, այնքան լավ» սկզբունքով։ Եւ բնական է, որ պիտի փորձեն դրդել իշխանությանը սխալ քայլերի։ Այսինքն՝ չափից դուրս ագրեսիվություն դրսեւորեն, որպեսզի համարժեք պատասխանը իշխանությունից ստանալով՝ հնարավորություն ունենան էլ ավելի զարգացնելու լաչառությունը»։
Ավելացնենք, որ այս կոդլը աչքի է ընկնում ոչ միայն իշխանությունների, այլեւ «պաշարված ամրոցը» թեկուզ կարճ ժամանակով լքած յուրայինների նկատմամբ ծայրաստիճան ագրեսիվությամբ։ Այդ առումով նրանք անչափ հիշեցնում են սեւ առնետներին։
Ժամանակին գիտնականները մի չափազանց հետաքրքիր գիտափորձ անցկացրին։ Սեւ առնետների վանդակից հանեցին մեկին եւ մի քանի օրից դարձյալ վերադարձրին այնտեղ։ Առնետը հավանաբար չէր մոռացել իր ոհմակի հոտը, բայց չգիտեր, որ իր սեփական հոտն այդ ընթացքում փոխվել է։ Ուստի, հայտնվելով նախկին տեղում, կենդանին զգում էր իրեն միանգամայն ինքնավստահ, ինչպես տանը։ Իր նախկին ընկերների կատաղի հարձակումներն առնետի համար բացարձակապես անսպասելի էին։ Նույնիսկ մի քանի լուրջ վերքերից հետո նա դեռեւս չէր վախենում եւ չէր փորձում փրկվել փախուստով, ինչպես վարվում են իսկապես օտար առնետները՝ տեղի ոհմակի հարձակվող անդամի հետ առաջին իսկ հանդիպման ժամանակ։ Ի վերջո սեւ առնետին պատառ-պատառ արեցին։
Եւ այդուհանդերձ խորհուրդ ենք տալիս +2 միավոր վաստակած Վ.Հովհաննիսյանին չափազանց լուրջ չվերաբերվել արմատականների լաչառությանը։ Մեծ մասամբ բողոքական տրամադրությունները հայոց աշխարհում հիշեցնում են 17-րդ դարի ֆրանսիական ֆրոնդան՝ ինչպես ամենավերին (շարժմանը պատկանում էին նաեւ արքայազններ), այնպես էլ ստորին խավերի շարժումը, որի էությունը բողոքելն էր, ըստ որում՝ չձեռնարկելով որեւէ բան փոխելու իրական փորձեր։
Ինչ-որ վաղուց չէր լսվում «Ժողովրդավարական հայրենիք» կուսակցության նախագահ ՊԵՏՐՈՍ ՄԱԿԵՅԱՆԻ ձայնը։ Արդեն սկսել էի անհանգստանալ. ինչպե՞ս է նա այնտեղ, առո՞ղջ է արդյոք, գուցե ինչ-որ խնդիրնե՞ր ունի (բացի դատից, իհարկե)...
Բայց զուր էի անհանգստանում. մեր հերոսն առաջվա պես հիանալի մարզավիճակում է, գաղափարների շատրվաններ է ժայթքում եւ ընդհանրապես։ Անցած շաբաթ նա հայտարարեց. «Հասարակությունը՝ Լեւոն Տեր-Պետրոսյանի գլխավորությամբ, պետք է շարունակի ամենօրյա պայքարը։ Վստահ եմ, որ մենք գնում ենք ճիշտ ուղղությամբ եւ Աստված մեզ հետ է»։
Եթե Պ.Մակեյանը վերջնականապես որոշել է երգիծաբան դառնալ, ապա ստիպված եմ հիասթափեցնել նրան։ Իր հումորը Եվգենի Շվարցի «Մերկ թագավորի» հերոսների մակարդակի վրա է։ Հիշո՞ւմ եք, երբ միապետը սկսեց ձանձրանալ, հրամայեց խեղկատակին որեւէ զվարճալի բան պատմել։
Եւ ահա վերջինս սկսեց պատմել վաճառականի մասին, որը դուրս եկավ կրպակից, «մեկ էլ հանկարծ սայթաքեց, ու շրը՜խկ. քթով զարկվեց սալահատակին... Իսկ այդ պահին անցնում էր ներկարարը՝ ներկը ձեռքին, նա էլ սայթաքեց՝ վաճառականին խփվելով, եւ ներկը շուռ տվեց կողքից անցնող պառավի վրա... Իսկ պառավը վախեցավ ու տրորեց շան պոչը... Շունն էլ կծեց մի գեր մարդու...»։ Եւ այդպես շարունակ։ Թագավորը թուլանում է ծիծաղից։ «Էլ չե՛մ կարող,- գոռում է նա խեղկատակին,- հիմա կպայթե՜մ»։
Հենց այդպիսի երախտապարտ ունկնդրի համար էլ, ըստ երեւույթին, նախատեսված է -2 միավոր ստացած Պ.Մակեյանի նրբաճաշակ հումորը։ «Հասարակությունը՝ Լեւոն Տեր-Պետրոսյանի գլխավորությամբ», «Աստված մեզ հետ է»... Ինչպես արտահայտվել է Գյոթեն՝ Մեֆիստոֆելի միջոցով. «Անհագ տենչով կտեսնես դու Հեղինեին յուրաքանչյուր կնոջ մեջ»։
Եւ այդուհանդերձ ինչպիսի՜ սեր են տածում արմատական առաջնորդները միմյանց նկատմամբ։ Հենց դրա մեջ է ամփոփված նրանց ուժը։ Պլատոնը իր հանրահայտ «Խնջույքում» գրում է. «Եթե միջոց գտնվեր սիրահարներից ու նրանց պաշտելի էակներից պետություն կամ ռազմական ճամբար ձեւավորելու, ապա նրանք կսատարեին միմյանց մարտում եւ կհաղթեին մնացյալ բոլորին։ Իրոք որ. շարքը լքած կամ զենքը վայր դրած սիրահարը չէր կարող տանել իր սիրո առարկայի արհամարհանքը, նա ավելի շուտ կնախընտրեր մեռնել։ Լքել սիրելիին կամ չօգնել նրան վտանգի պահին. չի գտնվի անգամ ստոր ու նսեմ մարդ, որին Էրոսը չոգեւորի քաջագործության»։
Քաղաքական գործիչներին հետեւում էր ԳԱԳԻԿ ՄԿՐՏՉՅԱՆԸ

<< | Սկիզբ | >>

Ուղարկել հոդվածը | Քննարկել հոդվածը նոր

Քննարկում

39 օր առաջ | ջնջել (1) | պատասխանել
vay գրել է:
sirun kirt txa es, biyts shat apush es.
39 օր առաջ | ջնջել (4) | պատասխանել
karen գրել է:
Գագիկ Մկրտչյանը երևում է նախկինում կամ կենսաբան է եղել,կամ էլ չափից շատ սիրել է կենդանական աշխարհը,քանի որ նկատել եմ շատ դիպուկ է նկարագրում ու համեմատում այսպես կոչված քաղաքական գործիչներին կենդանական աշխարհի ներկայացուցիչների հետ:
Բռավո.....
39 օր առաջ | ջնջել (4) | պատասխանել
Vahan NY ORIGINAL գրել է:
Այսինքն շահնազարյանը մի հո-աթափիկ ինֆուզորիայի խելք էլ չունի
39 օր առաջ | ջնջել (4) | պատասխանել
karen գրել է:
Կարողա մարդը խելք էլ ունենա,գիտնական էլ լինի,բայց տվյալ պարագայում հայրենիքի հանդեպ մտածի ինֆուզորիայի ուղեղի մակարդակով:
- Vahan NY ORIGINAL
  Այսինքն շահնազարյանը մի հո-աթափիկ ինֆուզորիայի խելք էլ չունի
39 օր առաջ | ջնջել (4) | պատասխանել
Մավսես Խորենացի գրել է:
Փաստորեն հոդվածագիրը չի ժխտում ,որ Ռոբը հանցագործ է միայն ասում է
թէ պետք չի հանձնել...Բա պահենք ինչ ՞անենք:

RSS © Հայոց Աշխարհ

Վերջին լուրերը, Հուլիս 22, 2008

ՄՆԱՑԱԾԸ ՑՈՒՅՑ ԿՏԱ ՄՐՑԱԳՈՐԳԸ
«Հայոց Աշխարհ»-ը շարունակում է հետեւել հայ մարզիկների նախապատրաստությանը օգոստոսի 8-ին մեկնարկող 29-րդ ամառային օլիմպիական խաղերին։ Այդ շարքից մեր հերթական անդրադարձը ձյուդոյիստների մասին է, իսկ զրուցակիցն ...
ՓԱՇԻԿՅԱՆԻ ՀԱՂԹԱՆԱԿՈՎ
Մարտունիում ավարտված «Սեւանա լիճ» շախմատի միջազգային մրցաշարում Արման Փաշիկյանը, վերջին՝ 9-րդ փուլում, ոչ-ոքի խաղալով միջազգային վարպետ Հրանտ Մելքումյանի հետ եւ վաստակելով 6,5 միավոր, միանձնյա հաղթող ...
ՄՐՑԵՑԻՆ ՆԱԵՎ ԽՃՈՒՂԻՈՒՄ
Հարավաֆրիկյան Հանրապետության Քեյփթաուն քաղաքում ավարտված հեծանվասպորտի աշխարհի երիտասարդական առաջնության խճուղային անհատական մրցավազքում հայաստանցի հեծանվորդներ Սուրեն Պետրոսյանը եւ Դավիթ Մկրտչյանը զբաղեցրին ...
ԲԵՐԵԶՈՎՍԿԻՆ 11 ՄԵՏՐԱՆՈՑ Է ՀԵՏ ՄՂԵԼ
ԱՐՄԵՆՊՐԵՍ
Ֆուտբոլի Հայաստանի ազգային հավաքականի լեգեոներներից ոչ բոլորն են հանդես եկել իրենց թիմերի հերթական տուրի խաղերում: Մասնավորապես Շվեդիայի առաջնության 15-րդ տուրում Լեւոն Պաչաջյանի ԳԱԻՍ-ը մրցակցի հարկի ...
«ՈՒԼԻՍԸ» ՈՒԺԵՂԱՑՆՈՒՄ Է ԿԱԶՄԸ
ԱՐՄԵՆՊՐԵՍ
Երեւանի «Ուլիսը» մինչեւ տարեվերջ (հետագայում այն երկարաձգելու հնարավորությամբ) պայմանագիր է կնքել Հայաստանի հավաքականի թեկնածուներ, հարձակվող Արամ Հակոբյանի եւ դարպասապահ Գեւորգ Կասպարովի հետ: Հնարավոր ...
ՕՐԵՆՔԻ «ՊԱՇՏՊԱՆԸ»
Գլխավոր դատախազի մամուլի քարտուղար ՍՈՆԱ ՏՌՈՒԶՅԱՆ 3
ՀՀ քաղաքացի Շավարշ Ղարիբյանը 2008 թվականի հուլիսի 17-ին ՀՀ ոստիկանության Կոտայքի բաժին հաղորդում է ներկայացրել այն մասին, որ ՀՀ գլխավոր դատախազի տեղակալի օգնական Մհեր Բաղդասարյանը շուրջ 15 ժամ իրեն զրկել ...
ԷԴՈՒԱՐԴ ՄԱՐԳԱՐՈՎ. «ԶԳՈՒՇԱՑԵՔ, ԱՊԱՏԵՂԵԿԱՏՎՈՒԹՅՈՒՆ Է»
ԷԴՈՒԱՐԴ ՄԱՐԳԱՐՈՎ ԽՍՀՄ սպորտի վաստակավոր վարպետ, Հայաստանի վաստակավոր մարզիչ, «Կիլիկիայի» գլխավոր մարզիչ
Խորին զայրույթով հայտնում եմ, որ «Ֆուտբոլ+» թերթի ս.թ. հուլիսի 16-ի (թիվ 30) տպագրված «Կիլիկիան» «Շիրակի» թույլ տեղը գտել է» հոդվածը, որը նվիրված է «Սթար» ֆուտբոլի ազգային առաջնության 14-րդ տուրի «Կիլիկիա»-«Շիրակ» ...
ՄԵՐ ՕՐԵՐԻ «ԳՐԱԴԱՐԱՆԻ ԱՂՋԻԿԸ»
ԿԻՄԱ ԵՂԻԱԶԱՐՅԱՆ 2
Ղարաքիլիսան՝ հեղափոխական բոցերի մեջ Շատերն են հիշում Ստեփան Զորյանի «Գրադարանի աղջիկը» ստեղծագործությունը, ուր պատկերված են անցած դարասկզբին Ղարաքիլիսա քաղաքում ծավալվող իրադարձությունները։ Վիպակի ...
ՍՈՒՏԸ ՍՏԻ ՎՐԱ, ԿԵՂԾԻՔԸ՝ ԿԵՂԾԻՔԻ
Ս.ՄԱՐԳԱՐՅԱՆ 5
Հուլիսի 11-ին «Հայկական ժամանակը» առաջին էջում հրապարակել էր «Հիվանդիս տեսեք» վերտառությամբ մի տեղեկատվություն։ Ընդամենը մի քանի տողանոց այդ տեղեկատվության մեջ ՀՀ գլխավոր դատախազության՝ ազգային անվտանգության ...
ՀԻՆԳԵՐՈՐԴ ՇԱՐԱՍՅՈՒՆԸ ՀԱՅԱՍՏԱՆՈՒՄ
ԱԺԿ վարչություն 20 հուլիսի 2008թ. 2
ԱԺԿ հայտարարությունը Ներքաղաքական պայքարում չի կարելի անցնել այն շեմը, որից հետո վտանգվում են մեր ազգային շահերը, թուլացվում են երկու հայկական պետության` Հայաստանի Հանրապետության եւ Լեռնային Ղարաբաղի ...
ԵՐԿԽՈՍՈՒԹՅՈՒՆԸ ՊԵՏՔ Է ԼԻՆԻ ԺՈՂՈՎՐԴԻ, ՀԱՍԱՐԱԿՈՒԹՅԱՆ ՀԵՏ
ԼԻԼԻԹ ՊՈՂՈՍՅԱՆ 5
Նախագահ ՍԵՐԺ ՍԱՐԳՍՅԱՆԸ երեկ իր անդրանիկ ասուլիսն էր հրավիրել՝ ամփոփելու պաշտոնավարման 100 օրը եւ պատասխանելու լրագրողներին հետաքրքրող հարցերին Ինչպե՞ս է գնահատում «նախագահի 100 օրը»։ «Արդյունքների ...
ՊԱՇԱՐՎԱԾ ԱՄՐՈՑԻ ՍԻՆԴՐՈՄԸ
Քաղաքական գործիչներին հետեւում էր ԳԱԳԻԿ ՄԿՐՏՉՅԱՆԸ 5
Մշտական պատերազմական վիճակը, որի մեջ գտնվում են առնետների հարեւան մեծ ընտանիքները, սելեկցիոն ուժգին ազդեցություն է գործում անընդմեջ աճող մարտունակության ուղղությամբ։ Այդ առումով թեկուզ փոքր-ինչ հետ մնացող ...
ՀԱՄԱԳՈՐԾԱԿՑՈՒԹՅՈՒՆ
ՆԱԽԱԳԱՀԻ ՄԱՄԼՈ ԳՐԱՍԵՆՅԱԿ
Նախագահ Սերժ Սարգսյանը երեկ ընդունել է Հավաքական անվտանգության պայմանագրի կազմակերպության գլխավոր քարտուղար Նիկոլայ Բորդյուժային: Հավաքական անվտանգության պայմանագրի կազմակերպության խորհրդի սեպտեմբերին ...
ՀԱՆՁՆԱԺՈՂՈՎ
2008թ. մարտի 1-2-ին Երեւան քաղաքում տեղի ունեցած իրադարձությունների եւ դրանց պատճառների ուսումնասիրության ԱԺ ժամանակավոր հանձնաժողովի նախագահ Սամվել Նիկոյանը հուլիսի 21-ին հանդիպեց ԱՄՆ դեսպանատան քաղաքական ...
ՀԱՆԴԻՊՈՒՄ
Ադրբեջանի եւ Հայաստանի արտգործնախարարներ Էլմար Մամեդյարովի եւ Էդվարդ Նալբանդյանի հերթական հանդիպումը տեղի կունենա օգոստոսի 1-ին՝ Մոսկվայում: Այդ մասին երեկ հայտնել է Ադրբեջանի ԱԳ ներկայացուցիչ Խազար Իբրահիմը: ...
ԻՆՉՊԵՍ ՔԱՅՔԱՅՎԵՑ ԷՆԵՐԳԵՏԻԿ ՀԱՄԱԿԱՐԳԸ ՏԵՐ-ՊԵՏՐՈՍՅԱՆԻ ՕՐՈՔ
Ս.ԲԵԳԼԱՐՅԱՆ 13
«Հայոց Աշխարհ»-ը շարունակում է հրապարակումների շարքը, որոնց նպատակն է առանց զգացմունքների, բացառապես թվերի հիման վրա անդրադառնալ վերջին միտինգում Տեր-Պետրոսյանի ներկայացրած ծիծաղելի մեղադրանքներին։ Անդրադառնալով ...
ՀԻՄՔՈՒՄ ՀԱՄԱԳՈՐԾԱԿՑՈՒԹՅԱՆ ԳԱՂԱՓԱՐՆ Է
ՆԱԻՐԱ ԽԱՉԱՏՐՅԱՆ
Երեկ «Նովոստի-Արմենիա» լրատվական կենտրոնում «Նախագահի 100 օրը» թեմայով հրավիրված ասուլիսի հյուրն էր քաղաքագետ ԱԼԵՔՍԱՆԴՐ ՄԱՐԿԱՐՈՎԸ Բանախոսի գնահատմամբ, նկատելի է երկրի նախագահի նախընտրական ծրագրային ...
ՔՆՆՈՒԹՅՈՒՆՆԵՐ
Հանրապետությունում հուլիսի 20-ին մեկնարկել են բուհական ընդունելության քննությունները: Այդ օրը գրավոր քննություն էր կազմակերպվել քիմիայից, ֆիզիկայից, կենսաբանությունից, աշխարհագրությունից, հայ ժողովրդի ...
ՉԻ ՖԻՆԱՆՍԱՎՈՐԵԼ
Մեր օրաթերթի հուլիսի 16-ի համարում տպագրվել էր «Հեղափոխության վճարվող լոկոմոտիվները» հոդվածը, ուր տեղեկատվություն կար նաեւ այն մասին, որ երիտասարդական շարժումներին ֆինանսավորելու նպատակով Լոս Անջելեսում ...
Ո՞Վ ԿԱՐՈՂ Է ԼԻՆԵԼ ԻՇԽԱՆՈՒԹՅՈՒՆՆԵՐԻ ԻՐԱԿԱՆ ԸՆԴԴԻՄԱԽՈՍԸ
ԳԵՎՈՐԳ ՀԱՐՈՒԹՅՈՒՆՅԱՆ
Հարցազրույց Հայաստանի միավորված կոմունիստական կուսակցության առաջնորդ ՅՈՒՐԻ ՄԱՆՈՒԿՅԱՆԻ հետ -Եթե մեր երկրի ու ժողովրդի առջեւ ծառացած խնդիրների լուծմանը մոտենանք դասական սկզբունքներով, ապա առաջիկա անելիքների ...
ԱՅՍՈՒՀԵՏ՝ ԱՐԵՎՄՏՅԱՆ ՀԱՅԱՍՏԱՆԻ ՀԱՅ
ԱՆԱՀԻՏ ԵՍԱՅԱՆ
Ոչ թե՝ ֆրանսահայ, լիբանանահայ, կանադահայ, պոլսահայ «Ամեն մի հայ ունի իր մեջ հայրենիքի մի պստիկ մաս, որի համար պատասխանատու է». արմատներով կարինցի եւ ճակատագրի բերումով «ֆրանսահայ» որակումին արժանացած ...
ԱՎԱՐՏՎԵՑ ԳԵՐԱԳՈՒՅՆ ԺՈՂՈՎԸ
Հուլիսի 18-20-ը Վանաձորում տեղի ունեցավ ՀՅԴ Հայաստանի կազմակերպության 14-րդ Գերագույն ժողովը: Ժողովը քննարկեց շրջանավարտ Գերագույն մարմնի գործունեությունը, հաստատեց առաջիկա շրջանում քաղաքական, քարոզչական ...
ՄԱԴՐԻԴՅԱՆ ԱՌԱՋԱՐԿՈՒԹՅՈՒՆՆԵՐԻ ՀԻՄԱՆ ՎՐԱ
Օգոստոսի սկզբին Մոսկվայում Ադրբեջանի եւ Հայաստանի արտգործնախարարների միջեւ բանակցությունների համար հիմք կծառայի Ղարաբաղյան հակամարտության կարգավորման այն աշխատանքը, որը երկու երկրների նախագահները հունիսին ...
ՑՈՐԵՆ ԵՎ ԱԼՅՈՒՐ
Տնտեսական մրցակցության պաշտպանության պետական հանձնաժողովում այսօր տեղի կունենա քննարկում-խորհրդակցություն՝ ցորենի եւ ալյուրի շուկայում գործող տնտեսավարողների մասնակցությամբ: Հանձնաժողովի մասնագետների ...
ՔԱՂԱՔԱԿԱՆՈՒԹՅԱՆ ԱԼԳՈՐԻԹՄԸ
Սեփ.լրտվ.
«Մեր քաղաքական գործիչները հասկացան, որ քաղաքականությունը զրոյական արդյունքով խաղը չէ։ Մեկի հաղթանակը չի նշանակում մյուսի պարտությունը։ Քաղաքականության մեջ պետք է հաղթեն բոլորը եւ ոչ թե հաղթողը ամեն ինչ ...
ՀԱՅԻ ԲԱԽՏ
Հանքավան համայնքի հարակից ջրամբարում խեղդվել է երկու երիտասարդ: Դեպքի վայր մեկնած հատուկ փրկարարական ջոկատները ջրամբարից դուրս են բերել Գյումրիի բնակիչ, 19-ամյա Սուրեն Մկրտչյանի եւ Արագածոտնի Վերին Բազմաբերդ ...
ԶԱՆԳԵՐՈՎ ՄԱՐԴԿԱՆՑ ԱԶԱՏ ՉԵՆ ԱՐՁԱԿՈՒՄ
4
Իր վերջին հանրահավաքներից մեկի ժամանակ Տեր-Պետրոսյանը խոստացավ «երկխոսության ձեռք մեկնել» Սերժ Սարգսյանին, պայմանով, որ նախագահը «մի գիշերում, մի զանգով» ազատ կարձակի բոլոր «քաղբանտարկյալներին»։ Ինչո՞ւ ...