ՓՈԽԵԼ Է ՊԵՏՔ ՈՉ ԹԵ ԿԱՀՈՒՅՔԸ, ԱՅԼ ԱՂՋԻԿՆԵՐԻՆ
- Պատմում են, որ ականավոր կենսաբան Ալֆրեդ Կյունը Ավստրիայի գիտությունների ակադեմիայում իր զեկույցը մի անգամ ավարտեց Գյոթեի խոսքերով. «Մտածող մարդու գերագույն երջանկությունն է՝ ըմբռնել ըմբռնելին եւ անվրդով հարգել անըմբռնելին»։
Ասելով դա, գիտնականը մի պահ լռեց, հետո բողոքալից բարձրացրեց ձեռքն ու հնչեղ ձայնով, խլացնելով արդեն դղրդացող բուռն ծափահարությունները, բացականչեց. «Ո՛չ, պարոնայք։ Բնավ ոչ անվրդով, ո՛չ»։
Այդպես էլ «Շաբաթական վարկանիշի» պարագայում է։ Ի դեմս հայրենի քաղաքական գործիչների, մենք ցանկանում ենք ըմբռնել նաեւ անըմբռնելին։ Չենք վախենում զրկել նրանց աստվածային հատկանիշներից՝ ներթափանցելով էության խորքերը։ Եւ հայրենի քաղաքական գործիչներն իրենց զարմանահրաշ հատկանիշներից որեւէ մեկի գիտական բացատրությունից հետո երբեք չեն հայտնվում տոնավաճառային մերկացված շառլատանի դրության մեջ, որը կորցրել է հրաշագործի հեղինակությունը։ Քանզի յուրաքանչյուր մանրէ հայոց աշխարհում գիտի, որ իրենք կատարելության մարմնացում են։
Գիտնականները ժամանակին չափազանց հետաքրքիր գիտափորձ անցկացրին գետածածանի նկատմամբ։ Նրանք հեռացրին ձկնիկներից մեկի ուղեղի այն մասը, որը պատասխանատու է վտառային միավորման ռեակցիաների համար։ Գետածածանը դրանից հետո միանգամայն նորմալ տեսք ուներ, սովորականի պես ուտում էր ու լողում, եւ նրա պահվածքի միակ առանձնահատկությունն այն էր, որ բացարձակապես ուշադրություն չէր դարձնում. լողո՞ւմ է իր հետեւից ընկերներից մեկնումեկը, թե՞ ոչ։
Եթե ծածանը կեր էր տեսնում կամ որեւէ այլ պատճառով ցանկանում մի կողմ թեքվել, ապա վճռականորեն անում էր դա՝ ոչ մեկի վրա ուշադրություն չդարձնելով։ Եւ ահա թե ինչ էր այդ ժամանակ կատարվում. ամբողջ վտառը հետեւում էր նրան։ Փաստորեն վիրահատված կենդանին հենց իր արատի շնորհիվ դարձավ անվիճելի ֆյուրեր։
Կարծում ենք, գրեթե համանման ձեւով է ազատագրական շարժման առաջնորդ դարձել նաեւ նախկին նախագահ ԼԵՎՈՆ ՏԵՐ-ՊԵՏՐՈՍՅԱՆԸ, որն անցած շաբաթ հայտարարեց. «Մեր պահանջները չկատարելու դեպքում, օգոստոսի 1-ից սկսած շարժման գլխավոր կարգախոսը կլինի հայտարարել Սերժ Սարգսյանի հրաժարականը եւ արտահերթ նախագահական ընտրությունների անցկացումը»։
Դե՞։ Եւ ինչո՞վ է տարբերվում սույն ֆյուրերը վիրահատված գետածածանից։ Համենայն դեպս՝ ներկայացված վերջնագիրը վկայում է նեոբոլշեւիկների պարագլխի մտավոր ծայրահեղ դեգրադացիայի մասին, ինչի համար ավազակապետության ոչ մի արատն արդեն արդարացում չէ։ Եւ դեռ դժգոհում են, որ ընդդիմությունը կրում է մի պարտությունը մյուսի հետեւից։ Անառականոցի մասին հին անեկդոտում համանման իրավիճակում խորհուրդ էր տրվում փոխել ոչ թե կահույքը, այլ աղջիկներին։
Ինչեւէ, մարդիկ, ինչպես հայտնի է, բաժանվում են իրենց մեղսագործ համարող արդարակյացների եւ իրենց արդարակյաց համարող մեղսագործների։ Միանշանակ երկրորդ խմբին պատկանող եւ -4 միավոր ստացած Տեր-Պետրոսյանն իր ներկայիս ողջ գործունեությունը խարսխում է ցինիկ ստի վրա, եւ դրա փայլուն ապացույցն էր վերջին միտինգը։
Հիշո՞ւմ եք, թե ինչպես է Մեծ ինկվիզիտորը Դոստոեւսկու վեպում ասում. «Ոչ, մեր սրտին թանկ են նաեւ թույլերը։ Նրանք արատավոր են ու խռովարար, բայց ի վերջո հենց նրանք կդառնան խոնարհ ու հնազանդ։ Նրանք կզարմանան՝ մեզ նայելով, եւ աստվածներ կհամարեն մեզ այն բանի համար, որ առաջնորդելով իրենց, համաձայնվել ենք դիմանալ ազատությանը եւ իշխել իրենց նկատմամբ։ Բայց մենք կասենք, թե հնազանդ ենք Քեզ եւ իշխում ենք հանուն Քեզ։ Մենք նորից կխաբենք նրանց։ Հենց այդ ստի մեջ էլ ամփոփված կլինի մեր տառապանքը, քանզի մշտապես ստիպված կլինենք ստել»։
Ժամանակին Վլադիմիր Մայակովսկին գրում էր. «Եթե հանկարծ / թանգարանում / որպես նմուշ ցուցադրվի / արտասվող բոլշեւիկ, / ապա ամբողջ օրը / թանգարանը լի կլինի / պարապ-սարապ մարդկանցով։ / Հարկավ. / նման բան / դարերով էլ չես տեսնի»։
Չգիտեմ՝ արտասվող բոլշեւիկների առումով ինչպես, բայց հիրավի լավ քաղաքական գործիչն իսկապես հազվագյուտ ապրանք է, որը կարիք ունի եթե անգամ ոչ թանգարանի, ապա թանգարանային վերաբերմունքի՝ հաստատ։ Այժմ խոսենք հենց այդպիսի մեկի մասին։
Իրենց վերջին միտինգում ազատագրական շարժման առաջնորդները տառապագին փորձում էին հասկանալ, թե ովքեր են իրենք եւ ինչ են անելու հիմա այդ երջանկության հետ։ Ինչպես միշտ, մտավոր ջանքերի կենտրոնում հայտնվեց ՀԺԿ փոխնախագահ ԳՐԻԳՈՐ ՀԱՐՈՒԹՅՈՒՆՅԱՆԸ։ Մտքի արիությունն այդ մարդու մեջ մրցակցում է միայն իր իսկ բարոյական կատարելության հետ, ինչը երեւում է հենց թեկուզ հետեւյալ հայտարարությունից. «Մեկ անգամ եւս փաստում ենք. գոյություն ունի այսօր մեկ ճանապարհ՝ տվեք հրաժարական ու հեռացեք։ Սա է միակ ճանապարհը, սա է միակ փրկությունը»։
Ճանաչելով նախկին պատգամավորին՝ որպես ծայրաստիճան ազնիվ ու սկզբունքային մարդու... այսինքն՝ ես չեմ ճանաչում նրան ո՛չ որպես ազնիվ, ո՛չ էլ սկզբունքային մարդ, բայց կարո՞ղ է այդպիսին չլինել Դեմիրճյանի տեղակալը. ահա ուրեմն, չեմ կասկածում, որ կհասնի ողջ հանցավոր վարչախմբի հրաժարականին։ Այո... կարծես թե հասակն առած մարդ է այդ -2 միավոր ստացած Գ.Հարությունյանը, մինչդեռ իրականության ընկալման թարմությամբ ասես ծծկեր լինի։
Լավ, հրաժարականի հարցը համարենք լուծված, բայց ի՞նչ է լինելու հետո։ Մենք, բնականաբար, ամեն կերպ ողջունում ենք ազատարարների զարմանահրաշ բազմազանությունը, բայց լեզու կգտնե՞ն արդյոք նրանք միմյանց հետ հաղթանակից հետո։
Մասնագիտական գրականության մեջ նկարագրված է մի չափազանց հետաքրքիր գիտափորձ, որը կարող է տալ սույն հարցի պատասխանը։ Գիտնականները տարբեր տեղերից բռնած առնետներին միասին փակում էին ընդարձակ վանդակում, որտեղ նրանց համար ստեղծված էին միանգամայն բնական պայմաններ։ Սկզբում առանձին կենդանիները կարծես թե վախենում էին իրարից։ Հարձակվելու տրամադրություն նրանք չունեին։
Իսկապես ագրեսիվ նրանք դառնում էին միայն այն ժամանակ, երբ սկսում էին վարժվել միմյանց եւ յուրացնել տարածքի հատվածները։ Այդ ժամանակ սկսում էին զույգեր ձեւավորվել տարբեր տեղերից վերցրած, իրար անծանոթ առնետներից։ Եթե միաժամանակ առաջանում էր մի քանի զույգ, ապա դրան հաջորդած մարտերը կարող էին չափազանց երկար շարունակվել։ Իսկ եթե զույգերից մեկը ձեւավորվում էր մյուսներից քիչ ավելի շուտ, ապա ամուսինների միավորված ուժերն այն աստիճան էին ճնշում վանդակում նրանց դժբախտ հարեւաններին, որ զույգերի հետագա ձեւավորումն անհնար էր դառնում։
Միայնակ առնետներն ակնհայտորեն իջեցվում էին ստորին դասի, եւ այդուհետ զույգը հետապնդում էր նրանց անդադար։ Նույնիսկ չափազանց մեծ վանդակում նման զույգին, որպես կանոն, երկու-երեք շաբաթն էլ բավական էր, որպեսզի վերացներ մնացած բոլոր բնակիչներին, այսինքն՝ 10-15 ուժեղ, հասուն առնետների։
Ողջ աշխարհում երեխաները, ընդօրինակելով մեծերին, խաղում են տուն-տունիկ եւ կռիվ-կռիվ։ Անտիկ հասարակություններում նրանք խաղում էին սրբազան ծիսակատարություններ ու առասպելական հերոսներ, միջնադարյան Եվրոպայում երեխաները տարված էին դատարան, դատավճիռ ու մահապատիժ խաղալով։ «Մեծական» խաղը մանկական ենթամշակույթի «մշտակայություններից» մեկն է, աշխարհի պես հին ու անսահման բազմադեմ։ Մեծահասակները սյուժեներ են հուշում երեխաներին իրենց խաղերի համար։ Երբեմն նրանք անում են դա միանգամայն գիտակցաբար։
«Հանրապետության» քաղխորհրդի փոքրիկ անդամ ՍՈՒՐԵՆ ՍՈՒՐԵՆՅԱՆՑԸ զօր ու գիշեր խաղում է «հեղափոխություն» ուշագրավ խաղը։ Ահավասիկ անցած շաբաթ էլ նա հայտարարեց. «Այն նույն հետեւողականությամբ, որ մենք արդեն երկրորդ անգամ ոստիկանությունից եւ այս ավազակապետությունից ազատում ենք Մատենադարանը, նույն հետեւողականությամբ պետք է Հայաստանը դարձնենք ազատ, անկախ երկիր»։
Այո... Պետք է կողքից եւս մի գլուխ աճեցնես, որպեսզի հասկանաս, թե ինչ է ուզում -2 միավոր ստացած Ս.Սուրենյանցը։ Նույնիսկ չգիտենք, թե ինչ ախտորոշում տալ սրան։
Թեպետ, ամերիկացի նշանավոր հոգեբույժ Կարլ Մենինգերը հավաստիացնում է, որ իրականում գոյություն ունեն ոչ թե տարբեր հոգեկան հիվանդություններ, այլ միայն մեկը, եւ որ յուրաքանչյուր մարդ ժամանակ առ ժամանակ հակված է դրան այս կամ այն չափով։ «Մենք պնդում ենք,- գրում է Մենինգերը,- որ գոյություն ունեն վիճակներ, որոնց առավել համապատասխանում է «հոգեկան հիվանդություն» անվանումը։ Բայց հիվանդության տարբեր տեսակներին եւ կլինիկական պատկերներին այդչափ մեծ կարեւորություն տալու փոխարեն, առաջարկում ենք իմաստավորել հոգեկան հիվանդության բոլոր դրսեւորումները որպես միասնական ինչ-որ բան, որն իր էությամբ տարբերակվում է լոկ քանակապես»։
Դե իսկ ընդհանուր առմամբ՝ ինչո՞վ այս Գավրոշը հերոս չէ, ընդօրինակման ինչո՞վ նմուշ չէ։ Ես նույնիսկ հուշարձան կկանգնեցնեի նրա պատվին. միանգամից, առանց նախնական քննարկումների։ Որպեսզի մարմարե կամ բրոնզե տեսքով վեր խոյանար ավազակապետությունից ազատագրված Մատենադարանի տարածքում։ Եւ պարզած ձեռքով մատնացույց աներ մնացյալ բոլորին ճշմարտության, արդարության եւ ազատության կանխադրույթները։
ՊԱԿ-ի նախկին ղեկավար ԴԱՎԻԹ ՇԱՀՆԱԶԱՐՅԱՆԻՆ մենք օրերս անդրադարձել ենք, բայց սյուժեն սրընթաց զարգանում է, եւ ամենահետաքրքիրն այդ նոր շրջադարձում այն է, որ մեր հերոսը հանկարծ խոսեց օրենքի մասին։ Քանզի դա, եթե խորը մտածենք, չափազանց ծիծաղելի է։ Շահնազարյան եւ օրենք։ Սուրբ ինկվիզիցիային կից հակահրդեհային կոմիտեի պես մի բան։
Թեպետ, դատեք ինքներդ։ Անցած շաբաթ նա հայտարարեց. «Իշխանությունները թող հասկանան, որ այն օրենքները, որոնք իրենց համար այսօր գոյություն չունեն, այդ նույն օրենքներով իրենք կանգնելու են դատարանի առաջ՝ մեղադրյալի աթոռին»։
Մի կողմ թողնենք գործի տեխնիկական կողմը, թեեւ, անշուշտ, հետաքրքիր կլիներ տեսնել մեղադրյալի աթոռին կանգնածին։ Այստեղ ուրիշ բան է կարեւոր։ Այն, որ այսօր օրենքի մասին դատողություններ են անում -3 միավոր ստացած Դ.Շահնազարյանի պես անձնավորությունները, մեղավոր են ոչ թե իրենք, այլ Ֆիլիպ Պինելը, որը 1793 թվականին փարիզյան Բիսետր հիվանդանոցում աշխարհում առաջին անգամ արգելեց խցերում կատաղի հոգեկան հիվանդներին գամող շղթաները։ Եւ հիմա մենք սրանց ձեռքը կրակն ենք ընկել։
Ի դեպ, ուշադրություն դարձրեցի՞ք Շահնազարյանի տոնի կտրականությանը։ Այնինչ դեռ Պողոս Առաքյալը, դիմելով նրանց, ովքեր ասում են. «Այսօր կամ վաղը կգնանք այսինչ քաղաքն ու կապրենք այնտեղ մեկ տարի, եւ կզբաղվենք առեւտրով ու եկամուտ կստանանք», ուսուցանում էր. «Փոխանակ ասելու՝ «Եթե Աստված կամենա եւ ողջ լինենք, ապա կանենք այս կամ այն», դուք՝ լինելով ամբարտավան, սնապարծ խոսքեր եք ասում. այդօրինակ ցանկացած սնապարծություն չարիք է»։
Կազատագրվի՞ երբեւէ հայոց աշխարհն այդ ինքնասիրահարված ու ինքնավստահ խելագարներից։ Դժվար թե։ Մեզանում տարածքն օդափոխելու ցանկացած փորձ ավարտվում է «փակե՜ք պատուհանը, փչո՛ւմ է» ճիչերով։
Ասենք, ամեն ինչ կախված է Աստծո կամքից։ Այո, հենց այդպես է որ կա։ Համենայն դեպս՝ մերօրյա Հայաստանում։ Քանզի պետության կամքից երկրում գրեթե ոչինչ կախված չէ։ Հակառակ դեպքում հայրենի հեռուստաալիքները ամերիկյան անվերջանալի մարտաֆիլմերի փոխարեն վերջապես կցուցադրեին վավերագրական քրոնիկայի կադրեր. ձախողված պետական հեղաշրջման կազմակերպիչ Տեր-Պետրոսյանի ձերբակալությունը։
- Քաղաքական գործիչներին հետեւում էր ԳԱԳԻԿ ՄԿՐՏՉՅԱՆԸ
Քննարկում
20/20 գրել է:
ORVA KARGAXOS:
Kani der haie Komitas e ergum, Narek e kardum, Zegaspanutiun e hishum- chi korchi, ail kmna HZOR!
duk hogmeri pes kkorchek vairag,
menk lerneri pes kmnank amur...or so- suren գրել է:
Շատ եմ ափսոսում, որ ԱԱԾ-ն չի կարողացել մինչև հիմա սրանց ֆինանսական աղբյուրները
բացահայտել: Բոլորիս համար էլ պարզ է, որ դա SOROS-ի "ազատ հասարակություն"-ի
փողերով են թռվռում: ԱԱԾ-ում էլ լավ չեն աշխատում: Երևի այնտեղ էլ են սիոնիստները
խցկվել: Հենց փակվեն այդ աղբյուրը, ՀԱՅԱՍՏԱՆ կհանդարտվի: 
Vahag գրել է:- suren
Շատ եմ ափսոսում, որ ԱԱԾ-ն չի կարողացել մինչև հիմա սրանց ֆինանսական աղբյուրներըբացահայտել: Բոլորիս համար էլ պարզ է, որ դա SOROS-ի "ազատ հասարակություն"-ի
փողերով են թռվռում: ԱԱԾ-ում էլ լավ չեն աշխատում: Երևի այնտեղ էլ են սիոնիստները
խցկվել: Հենց փակվեն այդ աղբյուրը, ՀԱՅԱՍՏԱՆ կհանդարտվի:
Գիտես ինչու չեն կարողանում որովհետև այդպիսի բան չկա,այդ լուրերը նրանք են տարածել բայց չունեն և ոչ մի ապացույց:Իսկ կներես այդ որտեղից քեզ պարզ դարձավ որ նա հովանավորվում է Սորոսի կողմից:- suren
- suren գրել է:
Գիտես ինչու չեն կարողանում որովհետև այդպիսի բան չկա,այդ լուրերը նրանք են տարածել բայց չունեն և ոչ մի ապացույց:Իսկ կներես այդ որտեղից քեզ պարզ դարձավ որ նա հովանավորվում է Սորոսի կողմից:[/quot Հետ գնա մի տարի առաջ, երբ 12 ամերիկահայ կազմակերպություններ (ՀՅԴ-ն մեջը չէր) գնացին SOROS-ի դուռը և խնդրեցին մեր երկիրն էլ գույնել:Ես շատ եմ ափսոսում, որ ժամանակին ոչինչ չգրվեց այս մասին:ՀԱՅԱՍՏԱՆ-ի ԱԱԾ-ն էլ ուրիշ "կարևոր" գործերով էր զբաղված: - es գրել է:
ay ayspes bolort el kamats-kamats khaskanak te ov emer azgin arajnortelu.de inch paykarenk?
52 օր առաջ | 
ՀԵՐԹԱԿԱՆ ԵՎՐԱՄՐՑԱՇՐՋԱՆԻ ՇԵՄԻՆ
Հաջորդ շաբաթ մեկնարկող ֆուտբոլի եվրոպական ակումբային գավաթների հերթական խաղարկությունը դարձյալ լուրջ հեռանկարներ չի խոստանում հայրենի թիմերին։ Սակայն եթե նախորդ տարիներին վիճակահանությունը գոնե առաջին ...ՄԵՐ ՀԱՎԱՔԱԿԱՆԸ ԹԱՆԿԱՑԵԼ Է
ԱՐՄԵՆՊՐԵՍ 1Ֆուտբոլի Հայաստանի ազգային հավաքականի ֆուտբոլիստների տրանսֆերային արժեքը բարձրացել է՝ համեմատած այս տարվա ձմռանը հրապարակված ցուցանիշների: Ըստ «Տրանսֆերմարկետի», Հայաստանի ընտրանու ամենաթանկարժեք ֆուտբոլիստը ...ԴՈՐՏՄՈՒՆԴՈՒՄ ՀԱՂԹԵՑ ԼԵԿՈՆ
Հունգարացի գրոսմայստեր Պետեր Լեկոյի հաղթանակով ավարտվեց շախմատի 18-րդ կարգի միջազգային մրցաշարը ԳՖՀ Դորտմունդ քաղաքում։ Արշակ Պետրոսյանի փեսան, 7 հնարավորից վաստակելով 4,5 միավոր, կես միավորով առաջ ...ՈՐՈՇՎԵՑԻՆ «ՋԵՐՄՈՒԿ-2008»-Ի ՀԱՂԹՈՂՆԵՐԸ
Ջերմուկում ավարտված շախմատի բաց միջազգային մրցաշարի մինչեւ 20 տարեկանների մրցաշարում Ռոբերտ Հովհաննիսյանը հաղթանակ է տարել: Ռոբերտ Աղասարյանը լավագույնն էր մինչեւ 14 տարեկանների, իսկ իրանցի Լոքհատ Շահինը՝ ...ՆԱԵՎ ՀԱՑԻՎ...
ԷԴՈՒԱՐԴ ԳԱՍՊԱՐՅԱՆ 1
Չմոռանանք, սակայն, նաեւ մեր անկախության առաջին տարիներին ՀՀՇ-ի նվիրած «Չինական դիետան» եւ չարհամարհենք ԼՏՊ մաքիավելիական աղանդի հեղափոխական ճամբարից հնչող «անհանգստացածությունը»՝ կապված վերջին թանկացումների ...ԱՐԱՐԱՏ ԼԵՌԱՆ ԽՈՐՀՈՒՐԴԸ
2
Հոգեւոր առումով խորհուրդ նաեւ գաղտնիք է նշանակում, որը մեր առօրեական մտքին անհաս է, մինչեւ չխորանանք էության մեջ։ Եւ այժմ պիտի փորձեմ ընթերցողին հնարավորինս ներկայացնել Արարատ լեռան խորհուրդը, որն ամեն ...ՀԱՅԻ ԲԱԽՏ
Հուլիսի 7-ին Տաթեւի վանքին հարակից «Սատանայի կամրջից» ցած է ընկել Գորիսի բնակիչ Մհեր Մելքումյանը: Դեպքի վայր մեկնած փրկարարները ժամը 07։00-ին, 25 մետր խորությամբ ձորից դուրս են բերել նրա դին: *** ...ՎԵՐՋ ՏՐՎԵԼՈ՞Ւ Է «ՀԱՅԿԱԿԱՆ ՌՈՒԼԵՏԿԱՅԻՆ»
ԱՐԹՈՒՐ ՀՈՎՀԱՆՆԻՍՅԱՆ
Մեր երկրում կոռուպցիայի թեպետ ոչ ամենախոշոր, բայց ցայտուն դրսեւորումներից մեկը երթուղային միկրոավտոբուսների գերբեռնված երթեւեկությունն է։ Միկրոավտոբուսային երթուղիներ շահագործողներից շատերը չեն շահագործում ...ԿՓՈԽՎԻ ՇԱՀՈՒԹԱԲԵՐ ԲԻԶՆԵՍԻ ՀԱՐԿՄԱՆ ՄԵԽԱՆԻԶՄԸ
ՎԱՍԱԿ ԹԱՐՓՈՇՅԱՆ
Ոչ թե հաստատագրված վճար, այլ շահութահարկ
Կառավարությունը մտադիր է առաջիկայում փոխել բիզնեսի որոշ շահութաբեր տեսակների հարկման մեխանիզմը։ Խոսքն առաջին հերթին վերաբերում է հեղուկ վառելանյութին, որն, ...«ԱՐՄԱՎԻԱՅԻ» ՀԱՎԱԿՆՈՏ ԾՐԱԳՐԵՐԸ
ՆԱԻՐԱ ԽԱՉԱՏՐՅԱՆ
Բանակցություններ «Բոինգի» եւ «AIRBUS»-ի հետ
«Արմավիա» ընկերությունը պատրաստվում է մոտ ապագայում Երեւան- Լոս Անջելես անվայրէջք թռիչքներ իրականացնել։ Այդ չվերթի համար անհրաժեշտ օդանավերի ձեռքբերման նպատակով ...ՀԱԿԱՀԱՐՎԱԾ ՏԱԼՈՒՑ ԶԱՏ ՊԻՏԻ ՆԱԵՎ ԱՆՑՆԵՆՔ ՀԱՐՁԱԿՄԱՆ
ԱՆԱՀԻՏ ԵՍԱՅԱՆ
Հարցազրույց ԳԱԱ պատմության ինստիտուտի տնօրեն ԱՇՈՏ ՄԵԼՔՈՆՅԱՆԻ հետ
-Օրերս նախագահ Սերժ Սարգսյանը, ԱԱԾ աշխատակիցների հետ հանդիպման ժամանակ անդրադառնալով Ադրբեջանի հետ քարոզչական հիմնահարցերին, հայտարարեց, ...ՕՂԱԿԱՁԵՎ ՃԱՆԱՊԱՐՀ
«Մայրաքաղաքի կենտրոնը բեռնաթափելու համար այսօր կառուցվում է կենտրոնը շրջանցող առաջին օղակաձեւ ճանապարհը»,- երեկ ասաց Երեւանի գլխավոր ճարտարապետ Սամվել Դանիելյանը: Նա նշեց, որ կենտրոնը շրջանցող ճանապարհն ...ՎԱԽՃԱՆՎԵԼ Է ՆՈՆԱ ՄՈՐԴՅՈՒԿՈՎԱՆ
Կիրակի ուշ երեկոյան երկարատեւ հիվանդությունից հետո կյանքի 83-րդ տարում վախճանվել է ռուս սիրված դերասանուհի Նոնա Մորդյուկովան:ԱԲԴՈՒԼԱ ԳՅՈՒԼԸ ՍՏԱՑԵԼ Է ՀՐԱՎԵՐԸ
2
Նախագահ Սերժ Սարգսյանը Աստանայում ոչ պաշտոնական շփում է ունեցել Թուրքիայի նախագահ Աբդուլա Գյուլի հետ, որը փոխանցել է, որ ստացել է Հայաստան ժամանելու եւ Հայաստան-Թուրքիա ֆուտբոլային հանդիպումը միասին դիտելու ...ԱՅԴՊԵՍ Ո՞ՒՐ ԿԱՐՈՂ ԵՆՔ ՀԱՍՆԵԼ
Ըստ պատգամավոր ՄԿՐՏԻՉ ՄԻՆԱՍՅԱՆԻ, ստեղծվել է զավեշտական իրավիճակ, երբ օրենքի եւ արդարության ինքնակոչ պաշտպանները «սարկազմով են խոսում այն մասին, որ հղփացած մարդկանց մեքենաները տարել են տուգանային հրապարակ։ ...ԻՆՔՆԵՐՍ ԼՈՒԾՈՒՄ ԳՏՆԵՆՔ
«Իշխանական նպատակահարմարությունից ելնելով, որոշվում է, թե ով է քո քաղաքական հակառակորդը, իսկ քրեական հոդվածը միշտ կա ու կա։ Եթե առաջիկա շաբաթների ընթացքում չգտնենք քաղաքական ու քրեական հանցանքները զանազանելու ...ՓՈԽԵԼ Է ՊԵՏՔ ՈՉ ԹԵ ԿԱՀՈՒՅՔԸ, ԱՅԼ ԱՂՋԻԿՆԵՐԻՆ
Քաղաքական գործիչներին հետեւում էր ԳԱԳԻԿ ՄԿՐՏՉՅԱՆԸ 5Պատմում են, որ ականավոր կենսաբան Ալֆրեդ Կյունը Ավստրիայի գիտությունների ակադեմիայում իր զեկույցը մի անգամ ավարտեց Գյոթեի խոսքերով. «Մտածող մարդու գերագույն երջանկությունն է՝ ըմբռնել ըմբռնելին եւ անվրդով ...ՆԱԽԱԳԱՀԸ ԱՍՏԱՆԱՅՈՒՄ
Նախագահ Սերժ Սարգսյանը հուլիսի 5-6-ը աշխատանքային այցով եղել է Ղազախստանի մայրաքաղաք Աստանայում:
Հանրապետության նախագահը մասնակցել է Աստանայի 10-ամյակի առիթով Ղազախստանի մայրաքաղաք ժամանած Պետությունների ...ՀԱՄԱԳՈՐԾԱԿՑՈՒԹՅՈՒՆ
ՆԱԽԱԳԱՀԻ ՄԱՄԼՈ ԳՐԱՍԵՆՅԱԿՆախագահ Սերժ Սարգսյանը երեկ ընդունել է «Իտեռա» ռուսաստանյան նավթագազային ընկերության տնօրենների խորհրդի նախագահ Իգոր Մակարովին: Հանդիպման ժամանակ կողմերը քննարկել են տարբեր ոլորտներում համագործակցության ...«ԱՐՄԱՎԻԱՆ» ՑԱՆԿԱՆՈՒՄ Է ԴԱՌՆԱԼ ՄԵԾ ԱՎԻԱԸՆԿԵՐՈՒԹՅՈՒՆ
1«Փոքր ավիաընկերությունը պետք է միայն մեկ տիպի ինքնաթիռներ ունենա։ «Բոինգի» ձեռքբերումը վկայում է, որ մենք ուզում ենք մեծ ավիաընկերություն դառնալ։ Եթե մենք «Բոինգ» ենք գնում, ուրեմն առնվազն պետք է ունենանք ...ՊԱՏԿԵՐՆԵՐ «ԱՆԼՌԵԼԻ ԶԱՆԳԱԿԱՏՆԻՑ»
ԿԻՄԱ ԵՂԻԱԶԱՐՅԱՆ 4
Հյուսիսային պողոտան շուտով կնմանվի «ֆիրդուսնոցին»
Ինչպես հայտնի է, հուլիսի 4-ին Մատենադարանի տարածքում տեղի ունեցած միտինգի ժամանակ Տեր-Պետրոսյանի գլխավորած շարժումն ազդարարեց, թե պայքարը թեւակոխում ...ՔԱՂԱՔԱԿԱՆ ՍԿԼԵՐՈԶԻ ՎՏԱՆԳՆԵՐԻ ՄԱՍԻՆ
ԱՐՄԵՆ ԾԱՏՈՒՐՅԱՆ 1
Ծերուկը անտանելի է դարձել
Եթե փորձենք ի մի բերել վերջին շրջանում իշխանության առանցքային դեմքերին ուղղվող Տեր-Պետրոսյանի սպառնալիքների, հորդորների, առաջարկների, խոստումների ողջ շարքը, ապա կարող ենք ...Ո՞ՒՄ Է ՊԵՏՔ ԱՅԴ ԱՆՈՐՍԱԼԻ ՋՈՆ
Սեփ. լրտվ. 3
Մարդու իրավունքների պաշտպան Արմեն Հարությունյանը երեկ պաշտոնապես դիմել է ԱԱԾ պետ Գորիկ Հակոբյանին` խնդրելով ապահովել իր եւ ընտանիքի անդամների անվտանգությունը:
Հիշեցնելով, որ, ըստ օրենքի, օմբուդսմենը ...ՎՏԱՆԳՈՒՄ ԵՆ ԳՈՐԾԸՆԹԱՑԸ
«Տարբեր միջազգային կազմակերպությունների եւ առանձին երկրների միջոցով իր դիրքորոշումը որպես համաշխարհային հանրության կողմից ընդունված կարծիք ներկայացնելու Ադրբեջանի փորձերը լուրջ վնաս են հասցնում եւ վտանգում ...ԱՆԿԵՂԾՈՐԵՆ ԱՇԽԱՏՈՒՄ ԵՆ
Հայաստանի եւ Ադրբեջանի նախագահները անկեղծորեն աշխատում են Լեռնային Ղարաբաղի հակամարտության կարգավորման հարցերի վրա: Այդ մասին ասել է ԵԱՀԿ Մինսկի խմբի ամերիկացի համանախագահ Մեթյու Բրայզան: «Միաժամանակ, ...ՁԵՐԲԱԿԱԼՎԵԼ ԵՆ
3Հուլիսի 7-ին ԱԱԾ մարմինների կողմից իրականացված օպերատիվ-հետախուզական միջոցառումների արդյունքում կաշառք ստանալու պահին ձերբակալվել են ոստիկանության Կոտայքի մարզային քննչական բաժնի Աբովյանի բաժանմունքի ...ԵՎՍ 2 ԱՄՍՈՎ
Երեւանի Կենտրոն եւ Նորք-Մարաշ համայնքների ընդհանուր իրավասության դատարանը, դատավոր Ռուբիկ Ափեյանի նախագահությամբ, երեկ ԱԺ պատգամավոր Սասուն Միքայելյանի կալանքը երկարաձգել է եւս 2 ամսով:ՀԱՅԱՍՏԱՆԸ ԵՎ ԵՎՐԱԽՈՐՀՈՒՐԴԸ ՄԻՄՅԱՆՑ ԱՐԺԱՆԻ ՉԵՆ
ԳԵՎՈՐԳ ՀԱՐՈՒԹՅՈՒՆՅԱՆ 6
«Ժառանգություն» կուսակցության եւ համանուն խորհրդարանական խմբակցության ղեկավար ՐԱՖՖԻ ՀՈՎՀԱՆՆԻՍՅԱՆԸ երեկ հանդիպեց լրագրողների հետ
Չցանկանալով մեկնաբանել ԵԽԽՎ ամառային նստաշրջանի աշխատանքները բոյկոտելու ...ՍՐԱՆՑ ԳԼԽԻՆ ԱՎԵՏԱՐԱՆ ԿԱՐԴԱՑԻՆ
ԼԻԼԻԹ ՊՈՂՈՍՅԱՆ
Ասացին՝ շուտ արեք, ոչխարը սարն անցավ
«Հայացք» ակումբը երեկ հրավիրել էր ԱԺ «Հանրապետական» խմբակցության անդամ ՄԿՐՏԻՉ ՄԻՆԱՍՅԱՆԻՆ եւ Քաղաքագետների միության նախագահ ՀՄԱՅԱԿ ՀՈՎՀԱՆՆԻՍՅԱՆԻՆ՝ խոսելու ԵԽԽՎ թիվ ...ԱԼՎԻՆԱ ԶԱՔԱՐՅԱՆԻՆ ԱԶԱՏԵՑԻՆ
23
Հայաստանի ոստիկանության անձնագրերի եւ վիզաների վարչության պետ Ալվինա Զաքարյանը ազատվել է պաշտոնից:
Ա.Զաքարյանը վարչության ղեկավարի պաշտոնը զբաղեցրել է ավելի քան 15 տարի շարունակ:
Հիշեցնենք, որ անցած ...ՊԱՏԺՈՒՄ ԵՆ ԲՈԼՈՐԻՆ
Հանրապետությունում հունիսին ճանապարհային երթեւեկության կանոնները խախտելու համար պատժվել են ոչ միայն շարքային քաղաքացիներ, այլեւ նախարարներ, ճանապարհային ոստիկանության եւ ոստիկանության համակարգի աշխատակիցներ: ...
ՀԵՆՑ ԱՅՍՊԵՍ ԷԼ ԱՊՐՈՒՄ ԵՆՔ ՄԵՐ ՍԻՐԱԾ ՔԱՂԱՔՈՒՄ
ԳՈՒՐԳԵՆ ՍԱՐԳՍՅԱՆԵ՞ՐԲ ԵՎ Ի՞ՆՉ ԵՂԱՆԱԿՈՎ
ԼՂՀ ՄԻՋԱԶԳԱՅԻՆ ՃԱՆԱՉՄԱՆ ՀԻՄՆԱԽՆԴԻՐԸ
ՎԱՐԴԱՆ ԳՐԻԳՈՐՅԱՆՀԱՂԹԱՆԱԿՈՂ Է ԴԱՌՆՈՒՄ ԻՆՔՆՈՐՈՇՄԱՆ ԻՐԱՎՈՒՆՔԸ
ԳԵՎՈՐԳ ՀԱՐՈՒԹՅՈՒՆՅԱՆՊԵՏՔ Է ԵԼՆԵԼ ԱԶԳԱՅԻՆ ԱՆՎՏԱՆԳՈՒԹՅԱՆ ՇԱՀԵՐԻՑ
ՆԱԻՐԱ ԽԱՉԱՏՐՅԱՆ
ԱԼՎԻՆԱ ԶԱՔԱՐՅԱՆԻՆ ԱԶԱՏԵՑԻՆ
ՎԵՐՋԻՆ ԶՈՀԸ ՀՅՈՒՍԻՍԱՅԻՆ ՊՈՂՈՏԱՆ Է
Ս.ՀԱՐՈՒԹՅՈՒՆՅԱՆԱՄԱՌԱՅԻՆ ԱՐՁԱԿՈՒՐԴՆԵՐԸ ՉԵՂՅԱԼ ԵՆ ՀԱՅՏԱՐԱՐՎՈՒՄ
«Հայոց Աշխարհ»-ի ժամանակակից հայկական հեքիաթների բաժինԹՈՂ ԶՈՌՈՎ ԲԶԵԶԻ ԲՈՒՆԸ ՄԱՏ ՉՏԱՆ
ԿԻՄԱ ԵՂԻԱԶԱՐՅԱՆՀԵՐԻՔ Ա
ՁԵՎԱՎՈՐՎՈՒՄ Է ԸՆԴԴԻՄԱԴԻՐ ԵՐՐՈՐԴ ԲԵՎԵՌ
ՆԱԻՐԱ ԽԱՉԱՏՐՅԱՆԹԱՏԵՐԱԿԱՆ ԳՅՈՒՄՐԻ-2008
ԿԻՄԱ ԵՂԻԱԶԱՐՅԱՆՓՈԽԵԼ Է ՊԵՏՔ ՈՉ ԹԵ ԿԱՀՈՒՅՔԸ, ԱՅԼ ԱՂՋԻԿՆԵՐԻՆ
Քաղաքական գործիչներին հետեւում էր ԳԱԳԻԿ ՄԿՐՏՉՅԱՆԸՊԱՏԵՐԱԶՄՈՒՄ՝ ԻՆՉՊԵՍ ՊԱՏԵՐԱԶՄՈՒՄ
ԳԱԳԻԿ ՄԿՐՏՉՅԱՆԿՅԱՆՔԸ ԵՌՈՒՄ Է ՀՅՈՒՍԻՍԱՅԻՆ ՊՈՂՈՏԱՅՈՒՄ
- 1735 Եղվարդի ճակատամարտում թուրքերը ջախջախիչ պարտություն են կրում:
- 1807 Կնքվում է Տիլզիտի հաշտությունը Ֆրանսիայի և Ռուսաստանի միջև:
ԼՈՒՐԵՐ ՀԱՅԱՍՏԱՆ
ՕՆԼԱՅՆ ԼՈՒՐԵՐ
ԻՆՖՈՐՄԱՑԻԱ
ԻՄ ԱՐՄԹԱՈՒՆ
Ինչպե՞ս թողնել ծխելը
Ինչպե՞ս գրել Հայերեն Windows XP միջավայրում
Սույն կայքում հրատարակված նյութերը վերցված են բաց աղբյուրներից և պաշտպանված են հեղինակային իրավունքիով։ Արգելված է սույն կայքում հրատարակված նյութերի վերարտադրումը առանց իրական հեղինակի գրավոր թույլտվության։ Եթե ցանկանում եք հանել Ձեզ պատկանող նյութը, ապա ուղարկեք մեզ, պատկանելությունը վկայող փաստեր և տվյալ նութը անմիջապես կհանվի։ Բոլոր նյութերը հրատարակված են միայն ինֆորմացիոն նպատակով և մենք պատասխանատու չենք դրանց հավաստիության համար։