ՄԱՅԻՍԻ 28-Ի ԽՈՐՀՈՒՐԴԸ
- 1918 թվականի մայիսի 28-ին հրապարակված Հայաստանի անկախության հռչակագրում հստակորեն նշված էր. քանի որ Անդրկովկասյան սեյմի լուծարումով, Ադրբեջանի եւ Վրաստանի անկախության հռչակումով ի չիք է դառնում Անդրկովկասյան Դաշնությունը, Թիֆլիսի Հայոց ազգային խորհուրդն իրեն հռչակում է հայկական գավառների գերագույն եւ միակ իշխանություն: Դա ժամանակի քաղաքական զարգացման արդյունքն էր` փլուզվել էր Ռուսական կայսրությունը, Անդրկովկասյան կոնֆեդերացիա էր ստեղծվել, որը եւս փլուզվել էր, եւ սա բերեց մեզ համար բարենպաստ վիճակի ընդհանրապես. այսպես հիշեց պատմությունը ԳԱԱ պատմության ինստիտուտի տնօրեն Աշոտ Մելքոնյանը երեկ «Հայացք» ակումբում: Ապա ավելացրեց, որ մասնավորապես մեզ համար այդ վիճակը նպաստավոր չէր, որովհետեւ ոչ մեկը չէր կամենում Հայաստանի քաղաքական ղեկավարություն ներկայացնող Թիֆլիսի Հայոց ազգային խորհրդի հետ բանակցել: Բայց այնպես չէր, թե մենք դատապարտվեցինք այդ անկախությանը` դա ուղղակի քաղաքական շանս էր, որ տրվեց մեզ, բայց մեր անկախությունը ձեռք բերվեց 1918 թվականի մայիսյան հերոսամարտերի` Սարդարապատի, Բաշ-Ապարանի, Ղարաքիլիսայի հաղթանակներով: Անկախությունը գերագույն այն հատկանիշն է, որը ապահովում է յուրաքանչյուր ազգի ապագան, հեռանկարը, զարգացումը, իսկ դա մենք պաշտպանեցինք եւ ստացանք հայ զինվորի արյան գնով, կենաց ու մահու կռվի արդյունքում:
Աշոտ Մելքոնյանը խոսեց ազգի երկփեղկվածության մասին` նշելով, որ ցավալիորեն աշխարհագրական հասկացությունը դարեր առաջվա պետականության կորստի, Հայաստանի բաժանումների պատճառով մեզ մոտ ձեռք բերեց քաղաքական իմաստ, մեկ միասնական հայերենի` գրաբարի հենքի վրա երկու լեզու ստեղծվեց, քաղաքական երկփեղկվածության պատճառով հետզհետե «արեւմտահայություն եւ արեւելահայություն, Արեւմտյան Հայաստան, Արեւելյան Հայաստան» աշխարհագրական հասկացությունները, ցավոք, վերածվեցին քաղաքական հասկացությունների:
Անկախ պետության վերականգնումից` 1991-ից հետո էլ անգամ, հայրենիք-սփյուռք ջերմ հարաբերության առկայությամբ նույնիսկ, որոշակի հակամարտություն կա այս երկու հարթությունների միջեւ: Եվ սփյուռքի հետ հարաբերություններ կառուցելու ցանկությունը, որ երկուստեք գոյություն ունի, կարծես մեզանում չի ստացվում:
Հայաստանի առաջին հանրապետության ստեղծումից հետո, երբ կոչվեց Հայաստանի Հանրապետություն, դա առաջացրեց գաղթած հայ բնակչության դժգոհությունը, որովհետեւ սկզբում 12 հազ. քառ կմ էր, այնուհետեւ դարձավ 60, այնուհետեւ 70 հազ. քմ., մինչդեռ Արեւմտյան Հայաստանը նրանից դուրս էր: 1919 թվականի փետրվարին տեղի ունեցած արեւմտահայերի երկրորդ համագումարը իր դժգոհությունը հայտնեց այդ կապակցությամբ, կոչ արեց Հայաստանի իշխանություններին` տեր դառնալ Արեւմտյան Հայաստանին: Ըստ Մելքոնյանի` 1919 թվականի «Ազատ, անկախ, միացյալ Հայաստանի» քաղաքական ակցիան (Ալեքսանդր Խատիսյանը ՀՀ-ն հայտարարեց ազատ, անկախ, միացյալ) շատ կարեւոր էր մեր ազգի միասնականության համար, այսինքն՝ Արեւելյան Հայաստանն իր կառավարությունով հանդես էր գալիս որպես արեւմտահայության պաշտպան, այդ գաղափարն էր, որ Փարիզի վեհաժողովում պաշտպանեցին մեր պատվիրակությունները` Պողոս Նուբարն ու պաշտոնական պատվիրակությունն` Ավետիս Ահարոնյանի գլխավորությամբ: Դա իրավական ձեւակերպում ստացավ առաջին անգամ 1920 թվականին, Սան-Ռեմոյի կոնֆերանսում, ապա նաեւ հաղթանակած երկրների եւ պարտված Թուրքիայի միջեւ կնքված Սեւրի դաշնագրում, 1920 թվականի օգոստոսի 10-ին: 1920 թվականի նոյեմբերի 22-ին, ցավոք, երբ հայկական բանակն արդեն պարտություններ էր կրել թուրք-հայկական պատերազմում, մեջտեղ եկավ Միացյալ Նահանգների նախագահ Վուդրո Վիլսոնի գծած քարտեզը, որը համարվում էր հայ-թուրքական սահման, որի համաձայն ոչ միայն Արեւմտյան Հայաստանը` Կարսի մարզով եւ Սուրմալուի գավառով, այլեւ Արեւմտյան Հայաստանի խոշորագույն նահանգներ Վանը, Էրզրումը, Տրապիզոնը եւ Բիթլիսն` իրենց տարածքների մեծամասնությամբ, պիտի Հայաստանի Հանրապետության մաս կազմեին:
Հայ-թուրքական հարաբերությունների ներկա պահի մասին: Մինչեւ հիմա դեռ ճանապարհային քարտեզը չի հրապարակվել, մինչդեռ, ըստ Մելքոնյանի, դա պետք է լիներ հանրության լայն քննարկման առարկա: Եթե ճանապարհային քարտեզում «Կարսի պայմանագիր» ձեւակերպումը չկա, դա չի նշանակում, թե խոսքը Կարսի պայմանագրի մասին չէ: Կարող է այդ փաստաթղթում լինել հետեւյալ ձեւակերպումը, որ Հայաստանի Հանրապետությունը ճանաչում է ՄԱԿ-ի` Թուրքիայի Հանրապետության միջազգայնորեն ճանաչված սահմանները, որը Կարսի պայմանագրի վերաբերյալ դիվանագիտական խորամանկ տարբերակն է: Բայց որ դրանից հետո պետք է մեջտեղ գա Կարսի պայմանագրի վավերացման հարցը, որը թողեց մեզ մի փոքրիկ հայրենիք, դրան Աշոտ Մելքոնյանը չի կասկածում: Որպեսզի ձեւ գտնեն, թե խոսքը Կարսի պայմանագրի վերավավերացման մասին չէ, մեզ կարող են առաջարկել նոր պայմանագիր կնքել Թուրքիայի հետ, արդեն բնականաբար Ախուրյան-Արաքսը ճանաչելով որպես հայ-թուրքական սահման: Ա. Մելքոնյանն ասում է, որ սա միայն ՀՀ-ի խնդիր չէ, սա հայրենազրկված ողջ հայության խնդիրն է, եւ Արեւելյան Հայաստանից խոսել Արեւմտյան Հայաստանի պահանջատիրության մասին, ըստ Մելքոնյանի, այնքան էլ ճիշտ չէ, վերջնական խոսքը սփյուռքին պետք է պատկանի: Հայրենիք-սփյուռք հարաբերություններն այդ միասնական մոտեցման վրա պետք է կառուցել: Ժամանակն է, որ սփյուռքում ստեղծվեն լիազոր մարմիններ, որոնք կներկայացնեն արեւմտահայության շահերը: Արդեն ստեղծվում են ցեղասպանության ենթարկվածների ժառանգների իրավունքների կոմիտեներ, որոնց նպատակն է միջազգային ասպարեզում լեգիտիմություն ձեռք բերել եւ Արեւմտյան Հայաստանի անունից խոսել թուրքական իշխանությունների հետ: Նա հիշեցրեց, որ անցած դարի 70-ական թվականներին Թուրքիայի վարչապետ Էջեւիթը փորձ արեց սփյուռքյան հայ կառույցների հետ բանակցել նյութական հատուցման խնդիրների շուրջը:(*)
Իսկ մենք չմոռանանք, որ բացի նյութական հատուցումից` տարածքային հատուցում կա, որի տերը նաեւ ՀՀ-ն է, որովհետեւ Սուրմալուի գավառը եւ Կարսի մարզը եղել են նաեւ ՀՀ տարածք, եւ առանց մեր կամքը հարցնելու` նրա իրավահաջորդ Խորհրդային Հայաստանից խլվել են:
«Հայ-թուրքական հարաբերությունների այսօրվա վիճակն ինձ հուշում է, որ ակնկալել լուրջ առաջընթաց հազիվ թե կարելի է», համոզմունք հայտնեց Աշոտ Մելքոնյանը:
«Եթե ես լինեի պաշտոնյա` կասեի. ցեղասպանության համար ի՞նչ է նախատեսում միջազգային իրավունքը, մտնենք դատարան` թող դատարանը որոշի: Միջազգային դատարանը հնարավորություն կտա ֆիֆթի-ֆիֆթի տարբերակով Հաագայի դատարան մտնելու դեպքում հատուցման խնդիր դնել` նյութական եւ տարածքային ենթատեքստերով: Հայ դատի խնդիրը Թուրքիայի հետ հարաբերվելիս մեր կարեւորագույն կռվանը պետք է լինի»: (*) Կարծում ենք, խոսքը Թուրքիայի այդ ժամանակվա արտգործնախարար Չաղլայանգիլի մասին է, որի հետ հայ ավանդական երեք կուսակցությունների պետերը հանդիպում ունեցան 1977-ին Շվեյցարիայում: - Ծ.Խ. Նկար 1. Հայ մարտիկները Ս. Էջմիածնի մայր տաճարի առջեւ՝ թափորի պահին՝ Սարդարապատի ճակատ մեկնելուց առաջ:
- ՄԱՐԻԵՏԱ ԽԱՉԱՏՐՅԱՆ
ՀԱՆՐԱՊԵՏՈՒԹՅԱՆ ՆԱԽԱԳԱՀԻ ՈՒՂԵՐՁԻՑ
30«1918-1920 թվականները մեր ազգի վերածննդի, նրա ստեղծագործ ուժերի եւ կարողությունների պոռթկման, ազատ ու անկախ ապրելու իրավունքի իրացման տարիներ էին մեր ժողովրդի համար: Մանուկ հանրապետությունը կործանվեց, ...ՄԱՅԻՍԻ 28-Ի ԽՈՐՀՈՒՐԴԸ
ՄԱՐԻԵՏԱ ԽԱՉԱՏՐՅԱՆ 21918 թվականի մայիսի 28-ին հրապարակված Հայաստանի անկախության հռչակագրում հստակորեն նշված էր. քանի որ Անդրկովկասյան սեյմի լուծարումով, Ադրբեջանի եւ Վրաստանի անկախության հռչակումով ի չիք է դառնում Անդրկովկասյան ...ՔԱՐԻ ՊԵՍ ԱՄՈՒՐ ԲՌՈՒՆՑՔ
ԶԱՐԻՆԵ ԹՈՐԳՈՄՅԱՆ
Սարդարապատի հերոսամարտը եղել է հայ ժողովրդի նորագույն պատմության նորագույն Ավարայրը: Վտանգներով լեցուն այս շրջանում պահպանել ամեն հայի համար սուրբ այս օրրանը` Արարատյան դաշտավայրը, եղել է պարզապես հերոսություն: ...ԲԱՐՁՐ ՊԱՐԳԵՎՆԵՐ` ՀԱՆՐԱՊԵՏՈՒԹՅԱՆ ՏՈՆԻ ԿԱՊԱԿՑՈՒԹՅԱՄԲ
ՆԱԻՐԻ ՄՈՒՐԱԴՅԱՆ 1
Հանրապետության տոնի կապակցությամբ նախագահ Սերժ Սարգսյանը երեկ պետական պարգեւներ եւ կոչումներ հանձնեց պետական գործիչների, գիտության, մշակույթի, արվեստի, ճարտարապետության, առողջապահության, լրագրության բնագավառների ...ՆՇՎԵՑ ԿՈՄԱՆԴՈՍԻ ԾՆՆԴՅԱՆ 70-ԱՄՅԱԿԸ
2
ԵՊՀ-ում երեկ տեղի ունեցավ Արցախի հերոս Արկադի Տեր-Թադեւոսյանի (Կոմանդոս) ծննդյան 70-ամյակին նվիրված երեկո, որը կազմակերպվել էր «Վարդանանք» ռազմահայրենասիրական ակումբի նախաձեռնությամբ: Ինչպես նշեց ակումբի ...ՎԱՐՉԱՊԵՏ ԷՐԴՈՂԱՆԸ ՎԵՐՋԱՊԵՍ ԸՆԴՈՒՆՈՒՄ Է
Թարգմ. Հ. Ծ.Որոշ մեկնաբաններ Էրդողանի ակնարկները վերագրեցին 1923 թվին մեկուկես միլիոն հույների տեղահանմանը Թուրքիայից Հունաստան: Այդ ժամանակ բնակչության փոխանակման շրջանակներում ավելի քան 500 հազար թուրքեր էլ Հունաստանից ...ԹՈՒՐՔԻԱՅԻ ՎԱՐՉԱՊԵՏԻՑ 13 ՕՐ ՀԵՏՈ ԲԱՔՈՒ Է ՈՒՂԵՎՈՐՎԵԼ ԱՐՏԳՈՐԾՆԱԽԱՐԱՐԸ
ՀԱԿՈԲ ՉԱՔՐՅԱՆՄայիսի 13-ին վարչապետ Ռեջեփ Թայիփ Էրդողանը մեկնել էր Բաքու, որ վերացնի Ադրբեջանի Հայաստան-Թուրքիա երկխոսությունից բխող դժգոհությունը: Ակնհայտ է, որ առանց դժգոհության վերացման անհնար կլիներ հաղթահարել ...«ՀԱՅ ԺՈՂՈՎՈՒՐԴՆ ԱՆՀԱՆԳՍՏԱՆԱԼՈՒ ՈՉ ՄԻ ԽՆԴԻՐ ՉՈՒՆԻ»
1
Հայաստանի` Թուրքիայի եւ Իրանի հետ սահմաններում ռուսական սահմանապահ զորքերը սահմանների պաշտպանությունն իրականացնում են բարձր մակարդակով եւ պատվով, ասաց ՌԴ անվտանգության դաշնային ծառայության ՀՀ-ում սահմանապահ ...«ԽԱՂԱՂ, ԲԱՅՑ ԾԱՅՐԱՀԵՂ» ՔԱՅԼԵՐ
Ա. ՀԱՐՈՒԹՅՈՒՆՅԱՆՎրաստանի իշխանությունների համբերությունը կարող է չբավարարել վրաց ընդդիմության «ծայրահեղ միջոցառումների» դիմելու նախաձեռնությունների համար, որ օրերս սկսվեցին Թբիլիսիի երկաթգծային գլխավոր կայարանի աշխատանքը ...ՆՈՐ ԴԵՍՊԱՆՆԵՐԻ ՆՇԱՆԱԿՈՒՄ
Նախագահի նստավայրից հաղորդում են, որ Սերժ Սարգսյանի մայիսի 26-ի հրամանագրով Վիգեն Չիտեչյանն ազատվել է Բելգիայի Թագավորությունում ՀՀ արտակարգ եւ լիազոր դեսպանի եւ Եվրոպական միությունում Հայաստանի ներկայացուցչության ...ՄԱՐԴՈՒ ԻՐԱՎՈՒՆՔՆԵՐԻ ՊԱՇՏՊԱՆԸ ԳԼԱԴԻԱՏՈՐ Է ՓՆՏՐՈՒՄ
1Մարտի 1-2-ի իրադարձություններն ուսումնասիրող փաստահավաք խմբից Հայաստանի մարդու իրավունքների պաշտպանի գրասենյակի աշխատակազմի ղեկավար Վահե Ստեփանյանի դուրս գալու դեպքում պաշտպանը կներկայացնի իր նոր ներկայացուցչին, ...ԲԱԳՐԱՏՅԱՆՆ ՈՒ ՏԵՐ-ՊԵՏՐՈՍՅԱՆԸ՝ «ՆԱԽՈՐԴ 10 ՏԱՐԻՆԵՐԻ» ՏՆՏԵՍԱԿԱՆ ՔԱՂԱՔԱԿԱՆՈՒԹՅԱՆ ՄԱՍԻՆ
ԱՐԱ ՄԱՐՏԻՐՈՍՅԱՆՌուսական ժողովրդական ասացվածք կա՝ «Ում կովը որ բառաչի, քոնը՝ թող լռի» ((«Чья корова бы мычала, ...ԲԱՆԿԱՅԻՆ ՔԱՐՏԵՐ` ԾԱՆՐՈՑՈՎ
1ՊԵԿ մաքսանենգության դեմ պայքարի եւ կրկնակի մաքսային հսկողության վարչության աշխատակիցները վերջերս «Զվարթնոց» օդանավակայանի բեռնային համալիրում («Կարգո») կանխել են 100 բանկային քարտերի ապօրինի ներմուծումը: ...ՄԻԱՍՆԱԿԱՆ ՔՆՆՈՒԹՅՈՒՆՆԵՐԸ ԿՄԵԿՆԱՐԿԵՆ ՀՈՒՆԻՍԻ 2-ԻՆ
ՀԱՍՄԻԿ ՀԱՐՈՒԹՅՈՒՆՅԱՆ
Վերջին մեկ տարվա քաղաքական անցուդարձի ու փոփոխությունների ազդեցությունն իրենց մաշկի վրա զգացին հատկապես կրթության ոլորտի աշխատողները: Մեկ տարվա ընթացքում փոխվեց երեք նախարար, հետեւաբար մտահոգությունը, ...ՄՈՑԱՐՏԻ ԿՈՆՑԵՐՏԸ ՀԱՅ ԵՎ ԻՏԱԼԱՑԻ ԴԱՇՆԱԿԱՀԱՐՆԵՐԻ ԸՆԿԱԼՄԱՄԲ
ՀԱՍՄԻԿ ՀԱՐՈՒԹՅՈՒՆՅԱՆ 2Մայիսի 29-ին Արամ Խաչատրյան համերգասրահում տեղի կունենա Հայաստանի պետական ֆիլհարմոնիկ նվագախմբի համերգը` մասնակցությամբ դաշնակահարներ Կարլո Գրանետենի ու Նարե Արղամանյանի: Ծրագրում կհնչեն Մոցարտի երկու ...ԱՇԽԱՏՈՒԹԵԱՆ ԱՐԴԻԱԿԱՆ ՀՆՉԵՂՈՒԹԻՎՆԸ ԱՆՈՒՐԱՆԱԼԻ Է
ՎԱՐԴԱՆ ՄԱՏԹԷՈՍԵԱՆ, Պատմական գիտութիւններու թեկնածու, Ֆորթ Լի (Նիւ Ճըրզի, ԱՄՆ)
Դաւիթ Պետրոսեանի «Գրական բանավէճերը 20րդ դարասկզբի հայ մամուլում» (Երեւան, Երեւանի համալսարանի հրատարակչութիւն, 2007, 368 էջ) աշխատութիւնը վերջին տարիներուն լոյս տեսած գրապատմական ուշագրաւ գործ մըն է: ...ՀԱՄԵՐԳԱՇԱՐԸ ՆՎԻՐՎՈՒՄ Է ԿՈՄԻՏԱՍԻ 140-ԱՄՅԱԿԻՆ
Մ. Մ. 1ՀՀ մշակույթի նախարարությունն արդեն երրորդ տարին մարզերում անցկացնում է բազմաբնույթ մշակութային ծրագրեր: Երեկ նախարարությունում լրագրողների հետ հանդիպեցին Հայաստանի պետական կամերային երգչախմբի գեղարվեստական ...ԵՐԱԺՇՏՈՒԹՅՈՒՆՆ ԱԶԳՈՒԹՅՈՒՆ ՈՒ ՍԱՀՄԱՆՆԵՐ ՉԻ ՃԱՆԱՉՈՒՄ
ՄԱՐԻԵՏԱ ՄԱԿԱՐՅԱՆ
«Արվեստների պատկերասրահ» մշակութային հիմնադրամը մայիսի 29-ին Ազգային պատկերասրահի Որմնանկարների սրահում «Ազգային պատկերասրահ» միջազգային երաժշտական 5-րդ փառատոնի եզրափակիչ համերգին հրավիրել է կոմպոզիտորներ ...ՆՎԱԶԱԳՈՒՅՆԸ ԵՐԿՈՒ ՄԵԴԱԼ ԱՐԴԵՆ ՆՎԱՃՎԱԾ Է
ԱՇՈՏ ՀԱՅՐԱՊԵՏՅԱՆ
Բռնցքամարտի աշխարհի պատանեկան առաջնությունում սկսվել են քառորդ եզրափակիչ հանդիպումները, որոնցում հաղթած բռնցքամարտիկները նվազագույնն իրենց համար ապահովում են բրոնզե մեդալները: Հայաստանի համար առաջին մեդալը ...ԷԴԳԱՐ ՄԱՆՈՒՉԱՐՅԱՆԸ ՆՈՐ ՄԱՐԶԻՉ ԿՈՒՆԵՆԱ
ԱՇՈՏ ՀԱՅՐԱՊԵՏՅԱՆՆոր մրցաշրջանում հոլանդական «Այաքսի» ղեկը կստանձնի «Համբուրգի» նախկին մարզիչ Մարտին Յոլը: Նա վերադարձել է հայրենիք եւ եռամյա պայմանագիր է կնքել «Այաքսի» հետ: Յոլը կփոխարինի Մարկո վան Բաստենին: Վերջինիս ...ԱՌԱՋԻԿԱ ՕՐԵՐԻՆ ՀԱՆՐԱՊԵՏՈՒԹՅՈՒՆՈՒՄ ՍՊԱՍՎՈՒՄ Է ԱՆԿԱՅՈՒՆ ԵՂԱՆԱԿ
Մայիսի 28-ին հանրապետության առավելապես հյուսիսային շրջաններում գիշերն ու երեկոյան ժամերին սպասվում է կարճատեւ անձրեւ, ամպրոպ, տեղ-տեղ հնարավոր է նաեւ կարկուտ: Մայիսի 29-ին եւ 30-ին սպասվում է առավելապես ...ՀԱՅԿԱԿԱՆ ՕԴԱՆԱՎԸ ՎԹԱՐԻ Է ԵՆԹԱՐԿՎԵԼ ԵԹՈՎՊԻԱՅՈՒՄ
«Ազատություն» ռադիոկայանը, հղում անելով The Aviation Herald պարբերականին, հաղորդում է, որ հայկական ԱՆ-24 բեռնատար օդանավը, որը շահագործող ընկերության անունը անհայտ է, Եթովպիայից ուղեւորվում էր Սոմալի, ...
ՀԱՆՐԱՊԵՏՈՒԹՅԱՆ ՆԱԽԱԳԱՀԻ ՈՒՂԵՐՁԻՑ
ԱԴՐԲԵՋԱՆՑԻ ԶԻՆՎՈՐԸ ԳՆԴԱԿԱՀԱՐԵԼ Է ՀԻՆԳ ԾԱՌԱՅԱԿԻՑՆԵՐԻ
ԹՈՒՐՔԻԱՆ ՀՐԱԺԱՐՎՈՒՄ Է «ԿՐՏՍԵՐ ԵՂԲՈՐԻՑ»
Ս. Մ.ԵՐԵՎԱՆԸ՝ ՀՆԱՐԱՎՈՐ ԿԱՄՈՒՐՋ ՄՈՍԿՎԱՅԻ ԵՎ ԲՐՅՈՒՍԵԼԻ ՄԻՋԵՎ
Ս. Մ.ՄԱՅԻՍԻ 28-Ի ԽՈՐՀՈՒՐԴԸ
ՄԱՐԻԵՏԱ ԽԱՉԱՏՐՅԱՆՍԵՐԺ ՍԱՐԳՍՅԱՆ. «ԼՂ ՀԱԿԱՄԱՐՏՈՒԹՅԱՆ ԱՌԱՆՑՔԱՅԻՆ ԽՆԴԻՐԸ ԿԱՐԳԱՎԻՃԱԿԻ ՀԱՐՑՆ Է»
ԱՂԱՎՆԻ ՀԱՐՈՒԹՅՈՒՆՅԱՆՄՏԱՀՈԳԻՉ Է ՀԱՏԿԱՊԵՍ ՔԱՂԱՔԱԿԱՆ ՍԵՐՆԴԱՓՈԽՈՒԹՅԱՆ ԽՆԴԻՐԸ
Հարցազրույցը վարեց ԿԻՄ ԳԱԲՐԻԵԼՅԱՆԸՀԱՄԲԱՐՁՄԱՆ ՏՈՆԻՆ ՆՎԻՐՎԱԾ ՄԻՋՈՑԱՌՈՒՄՆԵՐ
ՄԱՐԻԵՏԱ ՄԱԿԱՐՅԱՆՎԱՐԴԱՏՈՆ ՆՎԻՐՎԱԾ ՍԱՅԱԹ-ՆՈՎԱՅԻ ԱՐՎԵՍՏԻՆ
ՀԱՍՄԻԿ ՀԱՐՈՒԹՅՈՒՆՅԱՆԿՈՎԿԱՍՅԱՆ ՏԱՐԱԾԱՇՐՋԱՆՆ ՈՒ... ԲՐԱՅԶԱՆ
ՌՈՒԲԵՆ ՀԱՅՐԱՊԵՏՅԱՆ, Մոսկվա
- 1877 Ռուսական զորքերը մտան Ալաշկերտ:
- 1878 Մահացավ Ղուկաս Պալթազարյանը, Իզմիրի «Արշալույս Արարատյան» պարբերականի խմբագիր, որ 38 տարի հրատարակում է իր թերթը:
- 1905 Պետերբուրգում վախճանվեց հայագետ Կարապետ Եզյանը (Էզով): (Ծնվ. 1835թ.-ին):
- 1918 Հայկական ուժերի կողմից թուրքական բանակի պարտությունից հետո Հայաստանը հայտարարվեց անկախ (առաջին հանրապետության օր):
- 1928 Կահիրեում հիմնվեց հայ կրթական և հրատարակչական Համազգային ընկերությունը:
- 1963 Գործարկվում է յոթնամյակի հսկաներից մեկը՝ Ագարակի պղնձա-մոլիբդենային կոմբինատը:
- 1967 Մահացավ շնորհալի արձակագիր և հրապարակագիր Սոս - Վանին: (Ծնվ. 1895 թ.):
- 2000 Զորավար Դրաստամարտ Կանայանի (Դրո) աճյունը Բոստոն քաղաքից Հայաստան տեղափոխվեց, այն ամփոփվեց Ապարանի հուշահամալիրում:
ԼՈՒՐԵՐ ՀԱՅԱՍՏԱՆ
ՕՆԼԱՅՆ ԼՈՒՐԵՐ
ԻՆՖՈՐՄԱՑԻԱ
ԻՄ ԱՐՄԹԱՈՒՆ
Ինչպե՞ս թողնել ծխելը
Ինչպե՞ս գրել Հայերեն Windows XP միջավայրում
Սույն կայքում հրատարակված նյութերը վերցված են բաց աղբյուրներից և պաշտպանված են հեղինակային իրավունքիով։ Արգելված է սույն կայքում հրատարակված նյութերի վերարտադրումը առանց իրական հեղինակի գրավոր թույլտվության։ Եթե ցանկանում եք հանել Ձեզ պատկանող նյութը, ապա ուղարկեք մեզ, պատկանելությունը վկայող փաստեր և տվյալ նութը անմիջապես կհանվի։ Բոլոր նյութերը հրատարակված են միայն ինֆորմացիոն նպատակով և մենք պատասխանատու չենք դրանց հավաստիության համար։