ՍԿՍՎԵԼ Է ԸՆԴՈՒՆԵԼՈՒԹՅԱՆ ՔՆՆՈՒԹՅՈՒՆՆԵՐԻ ԵՐԿՐՈՐԴ ՓՈՒԼԸ

Հուլիսի 21-ից Ստեփանակերտի N 2 միջնակարգ դպրոցում սկսվեց Արցախի պետհամալսարանի եւ ՀՀ պետական բուհերում Արցախին հատկացված տեղերի համար ընդունելության քննությունների երկրորդ փուլը։ Առաջին փուլը ներառում էր միասնական քնությունները։ Արցախի պետհամալսարանը 2007-2008 ուստարում ընդունելություն է կատարում.առկա ուսուցմամբ՝ անվճար համակարգում՝ 348, վճարովի համակարգում՝ 522 տեղերի համար։ Եվս 60 տեղ Արցախին հատկացվել է ՀՀ պետական բուհերում։ Ընդհանուր առմամբ, ԱրՊՀ դիմել է 934 դիմորդ։ Նշենք, որ այս տարի հանրապետության դպրոցները թողարկել են շուրջ 1800 շրջանավարտ։ Դարձյալ վարկանիշային են տնտեսագիտական բլոկի, իրավագիտություն, ՆԶՊ, օտար լեզու, հայոց լեզու եւ գրականություն մասնագիտությունները։ Դրանց շարքում այս տարի ավելացել է նաեւ շինարարականը։ Իսկ ահա, գյուղատնտեսական մասնագիտությունները նորից ամենավերջում են։ 12-ից միայն ագրոնոմիական լայն պրոֆիլի հնարավորություններով բաժինն է անհրաժեշտ քանակությամբ դիմորդներ հավաքագրել, իսկ մնացած բաժիններում թափուր տեղեր կան։ Եթե Արցախի պետական համալսարանի ագրոնոմիական մասնագիտություններում գոնե որոշ քանակի դիմորդներ կան, ապա Հայաստանի գյուղատնտեսական ակադեմիա ոչ ոք չի դիմել։ Իսկ վարձավճարները համապատասխանում են մասնագիտությունների վարկանիշին։ Ամենաբարձր վարձավճարը՝ տարեկան 350-հազարական դրամ, պահանջվում է ֆինանսների եւ իրավագիտության մասնագիտությունների համար։ Հետո գալիս են օտար լեզուները, ստոմատոլոգիան՝ 300-հազարական դրամ։ Ամենաքիչ վարձավճար՝ 120 հազար դրամ, պահանջվում է բնագիտական մասնագիտությունների համար։ Տնտեսագիտական բլոկի մասնագիտությունների գծով արդեն ավարտվել է ընդունելությունը։ Այն իրականացվել է միասնական քննություններով։ Ստեփանակերտի N 2 միջնակարգ դպրոցում արդեն փակցված է ՀՀ պետական բուհերում տնտեսագիտական բլոկի մասնագիտություններում ընդունված դիմորդների ցուցակը։ Իսկ նույնը ԱրՊՀ-ի համար՝ դեռ ոչ։ Թերեւս, դա բացատրվում է նրանով, որ այստեղ մրցույթն ամենաբարձրն է եւ հիմնականում բարձր միավորներ ստացած դիմորդներն են։ Ըստ երեւույթին, ընդունող հանձնաժողովը դեռ որոշում չի կայացրել՝ սահմանափակվել նախատեսված 25 տեղո՞վ, թե՞ ավելացնել տեղերը (ինչպես վերջին տարիներին կատարվում է)։ Հավանաբար, դա կարվի ընդունելության վերջում։ Բայց մի բան ակներեւ է՝ ամենաբարձր միավորներ ստացած դիմորդները նախընտրել են սովորել Արցախի պետական համալսարանում՝ թեկուզ վճարովի համակարգում, քան հայաստանյան բուհերում՝ անգամ անվճար։ Ընդունելության քննությունները կշարունակվեն մինչեւ հուլիսի 31-ը։
Սվետլանա ԽԱՉԱՏՐՅԱՆ

| Սկիզբ | >>

Ուղարկել հոդվածը | Քննարկել հոդվածը նոր

RSS © Ազատ Արցախ

Վերջին լուրերը, Հուլիս 22, 2008

ՍԿՍՎԵԼ Է ԸՆԴՈՒՆԵԼՈՒԹՅԱՆ ՔՆՆՈՒԹՅՈՒՆՆԵՐԻ ԵՐԿՐՈՐԴ ՓՈՒԼԸ
Սվետլանա ԽԱՉԱՏՐՅԱՆ
Հուլիսի 21-ից Ստեփանակերտի N 2 միջնակարգ դպրոցում սկսվեց Արցախի պետհամալսարանի եւ ՀՀ պետական բուհերում Արցախին հատկացված տեղերի համար ընդունելության քննությունների ...
ԿԱՐՈ՞Ղ ԵՆՔ ԴԱՌՆԱԼ ԽՈՇՈՐ ՀԱՐԿԱՏՈՒՆԵՐԻՑ ՄԵԿԸ
Նորայր ՀՈՎՍԵՓՅԱՆ
ԼՂՀ գյուղատնտեսական հնարավորություններն ըստ ամենայնի օգտագործելու համար անհրաժեշտ է նաեւ ապահովել գյուղմթերքների արտադրությանը համարժեք վերամշակման հնարավորություններ։ ...
ՇԱՆՏԱԺԻ ԵՎ ՍՊԱՌՆԱԼԻՔՆԵՐԻ ԴԻՎԱՆԱԳԻՏՈՒԹՅՈՒՆ
Լեոնիդ ՄԱՐՏԻՐՈՍՅԱՆ
Վերջին ժամանակներս Ադրբեջանն ավելի ու ավելի մեծ պարբերականությամբ եւ համառությամբ է ձգտում հասնել լեռնայինղարաբաղյան հիմնախնդրի քննարկումը ԵԱՀԿ Մինսկի խմբի ձեւաչափից միջազգային այլ ատյան տեղափոխելուն։ ...
ՎՈՒԱՄ-Ը,ԱՐԴՅՈ՞Ք, ՄԻ ՏԱՌ ԷԼ Է ԿՈՐՑՆՈՒՄ
ԽՄԲԱԳՐԻ ՍՅՈՒՆԱԿ
Հուլիսի սկզբին Բաթումիում անցկացվեց ՎՈՒԱՄ-ի, այսպես կոչված՝ Ժողովրդավարության եւ տնտեսական զարգացման կազմակերպության հերթական գագաթնաժողովը, որտեղ նախագահությունը ...