Հրատարակվում է 16/01/1923

ՀԱՅԱՍՏԱՆՅԱՆ ԻՐՈՂՈՒԹՅՈՒՆՆԵՐ

• 
  ԿԱՏԱԿԸ ՄԻ ԿՈՂՄ ՀԱՅԱՍՏԱՆԻ ԱՊԱԳԱ ՂԵԿԱՎԱՐ ՍԵՐԺ ՍԱՐԳՍՅԱՆԸ ԲԱՑԱՌԻԿ ՀԱՐՑԱԶՐՈՒՅՑ ՏՎԵՑ «ՌԳ»-ԻՆ         Վերջերս Հայաստանում անցկացված նախագահական ընտրություններն ավարտվեցին այդ երկրի գործող վարչապետ Սերժ Սարգսյանի հաղթանակով։         Նրա երդման արարողությունը կկայանա ապրիլի 9-ին։ Նախօրյակին պետության ապագա ղեկավարը համաձայնել է հարցազրույց տալ «ՌԳ»-ի թղթակցին։ Ռոսիյսկայա գազետա,         - Հայ-ռուսական ներկայիս հարաբերություններում ի՞նչն է Ձեզ բավարարում, եւ ի՞նչն է, որ չի բավարարոմւ։         ՍԵՐԺ ՍԱՐԳՍՅԱՆ. - Ինձ համար հաճելի է այն փաստը, որ վերջին հինգ-յոթ տարիներին մեր երկրների միջեւ ապրանքաշրջանառությունն աճել է մի քանի անգամ։ Ռուսաստանը Հայաստանի տնտեսության հիմնական ներդրող է։ Արտասահմանյան երկրների կողմից մեր պետության տնտեսության մեջ ներդրված 3 դոլարից մեկը բաժին է ընկնում Ռուսաստանին։ Ռուսական բիզնեսն իրեն շատ լավ է զգում Հայաստանում։ Ռուսական հայտնի ընկերություններն աշխատում են մեր տնտեսության ամենատարբեր ոլորտներում։ Քաղաքականության բնագավառում մեր երկկողմ հարաբերությունները նույնպես ամենաբարձր մակարդակի վրա են։     Ինչն է, որ ինձ չի բավարարում հայ-ռուսական հարաբերություններո՞ւմ։ Գոյություն ունի դրանց զարգացման մեծ ներուժ ոչ միայն քաղաքականության եւ տնտեսության բնագավառում, այլեւ մյուս ոլորտներում, օրինակ՝ կրթության եւ մշակույթի ոլորտում։ Այդ ներուժը դեռեւս մնում է չիրացված։         ՌԳ. - Այսօր Դուք ինչպե՞ս եք գնահատում լեռնայինղարաբաղյան կարգավորման հեռանկարները։         Ս. ՍԱՐԳՍՅԱՆ.- Ես միշտ համարել եւ համարում եմ, որ Լեռնային Ղարաբաղի հիմնախնդիրը պետք է կարգավորվի բացառապես խաղաղ ճանապարհով, փոխադարձ զիջումների հենքի վրա։ Իսկ այդ զիջումները պետք է խելամիտ լինեն։ Ես ծնվել եմ Լեռնային Ղարաբաղում, մեծացել այնտեղ, զբաղեցրել պատասխանատու պաշտոններ։ Բնական է, ես գերազանց գիտեմ այդ տարածաշրջանի հիմնախնդիրը։ Լեռնայինղարաբաղյան հակամարտության կարգավորման իմ դիրքորոշումն արդեն հայտնի է 15 տարի։ Այդ հիմնախնդրի վերաբերյալ իմ պատկերացմամբ ես հանդես եմ եկել նախընտրական քարոզչության ժամանակ։ Եվ ընտրողների այն ձայները, որոնք ստացել եմ, ապացուցում են, որ հայ հասարակությունը պաշտպանում է հիմնախնդրի կարգավորման վերաբերյալ իմ մոտեցումները։ Ես գտնում եմ, որ, ինչքան էլ պարադոքսալ հնչի, Ադրբեջանը պետք է ճանաչի Լեռնային Ղարաբաղի ժողովրդի ինքնորոշման իրավունքը, իսկ Հայաստանը պետք է ճանաչի տարածքային ամբողջականության Ադրբեջանի իրավունքը։ Առաջին հայացքից դրանք անհամատեղելի են։ Սակայն ես համոզված եմ՝ միայն առաջին հայացքից։ Եվ հենց այդ հիման վրա ընդունելով մեկը մյուսի հիմնախնդիրները՝ մենք կարող ենք խելամիտ փոխզիջում գտնել։         ՌԳ. - Մի շարք երկրների կողմից Կոսովոյի անկախության ճանաչումը կարո՞ղ է նախադեպ հանդիսանալ Լեռնային Ղարաբաղի համար։         Ս. ՍԱՐԳՍՅԱՆ.- Մենք Կոսովոն չենք համարում լեռնայինղարաբաղյան հակամարտության կարգավորման նախադեպ։ Որովհետեւ համոզված ենք՝ յուրաքանչյուր հակամարտություն իր արմատներն ունի, զարգացման իր դինամիկան եւ կարգավորման իր ուղիները։ Սակայն ամեն անգամ, երբ աշխարհում որեւէ տեղ իրագործվում է ժողովրդի ինքնորոշման իրավունքը, մենք ողջունում ենք այդ փաստը։         ՌԳ.- Ներկա պահին Հայաստանի եւ Թուրքիայի միջեւ լիովին բացակայում են դիվանագիտական հարաբերությունները։ Ինչպիսի՞ պայմաններում է հնարավոր դրանց հաստատումը։         Ս. ՍԱՐԳՍՅԱՆ.- Մենք միշտ ասել ենք եւ շարունակում ենք հայտարարել, որ Հայաստանը պատրաստ է թեկուզեւ վաղը դիվանագիտական հարաբերություններ հաստատել Թուրքիայի հետ առանց որեւէ նախապայմանների։ Թուրքիան է, որ Հայաստանին ներկայացնում է բավականին տարօրինակ պահանջներ դիվանագիտական հարաբերությունների հաստատման համար։         Ես գտնում եմ, որ երկու երկրների միջեւ բոլոր հարցերի (որքան էլ դրանք բարդ լինեն) վճռման քաղաքակիրթ ճանապարհը դիվանագիտական հարաբերությունների հաստատումն է եւ դիվանագիտական ճանապարհով առկա հիմնախնդիրների քննարկումը։ Դժբախտաբար, Թուրքիան առայժմ պատրաստ չէ գնալ այդ ճանապարհով։ Կարելի է ասել, որ այժմ գնդակը գտնվում է Անկարայի դաշտում։         ՌԳ.- Ինչո՞ւ Օսմանյան կայսրությունում հայերի ցեղասպանության փաստի ճանաչման հարցը Երեւանի համար այդքան սկզբունքային նշանակություն ունի։         Ս. ՍԱՐԳՍՅԱՆ.- Որովհետեւ մեր ժողովրդի պատմության մեջ դա այնպիսի ողբերգություն է, այնպիսի վերք, որ մոռանալ հնարավոր չէ։ Եվ, ի դեպ, աշխարհի տարբեր երկրներում այդ հարցի քննարկման նախաձեռնողը Հայաստանը չէ։ Որպես նախաձեռնող հանդես են գալիս այնտեղ ապրող եւ քաղաքացիություն ունեցող հայերը։ Հայաստանի այժմյան քաղաքականության համար ցեղասպանության հարցը առաջնահերթային է հանդիսանում, նախեւառաջ, նրա համար, որպեսզի 1915թ. Օսմանյան կայսրությունում հայերի Ցեղասպանության պաշտոնական ճանաչումով միջազգային ընկերակցությունն ապահովի ոչ միայն հայ ժողովրդի, այլեւ ցանկացած ժողովրդի նկատմամբ ցեղասպանությունը կրկնելու անհնարինությունը։ Մենք միեւնույն ժամանակ ձգտում ենք հասնել Թուրքիայի կողմից ապաշխարանքին, որը, համոզված եմ, օգտակար կլինի եվրոպական ընտանիքի լիարժեք անդամ դառնալուն ձգտող թուրքական հասարակության համար։         ՌԳ.- Դուք համաձա՞յն եք այն բանի հետ, որ արմատականորեն տրամադրված ընդդիմության կողմից Երեւանում կազմակերպված վերջին անկարգություններն իրենցից ներկայացնում էին որպես Հայաստանում «գունավոր հեղափոխություն» կազմակերպելու փորձ։         Ս. ՍԱՐԳՍՅԱՆ.- Երեւում է, Հայաստանում «գունավոր հեղափոխություն» կազմակերպելու փորձ, իրոք, կար։ Բայց այն ի սկզբանե դատապարտված էր ձախողման։ Ի տարբերություն մյուս երկրների, որտեղ «գունավոր հեղափոխությունները» հաջողվել են, Հայաստանում գոյություն ունեն գործոններ, որոնք հաշվի չեն առել այդ հուզումների կազմակերպիչները։ Առաջին՝ Հայաստանում իշխանություններն օգտվում են հասարակության ամուր վստահությունից։ Դա հաստատել է նախագահական ընտրությունների արդյունքը։ Երկրորդ՝ հայ հասարակության մեծամասնությունը ցանկանում է զարգացման էվոլյուցիոն ճանապարհը, որն առկա էր վերջին 7 տարիներին եւ, ի տարբերություն որոշ արմատական ընդդիմադիրների, համաձայն չէ հին էլիտայի ռեւանշին։ Իսկ այստեղ կատարվել է ռեւանշի փորձ հենց այն ուժերի կողմից, ում օրոք Հայաստանը 90-ական թվականներին ապրել է ամենամռայլ եւ ցուրտ տարիները։ Այդ բառերի ինչպես ուղղակի, այնպես էլ փոխաբերական իմաստով։         ՌԳ. - Որոշ քաղաքագետներ Ձեզ անվանում են «հայամետ» քաղաքագետ։ Դուք համաձա՞յն եք դրան։         Ս. ՍԱՐԳՍՅԱՆ.- Իհարկե, համաձայն եմ։ Իմ ամբողջ քաղաքական կենսագրությունն ապացուցում է, որ իմ գործունեությունն ուղղված է հայկական պետականության ամրապնդմանը, տնտեսության զարգացմանն ու մեր ժողովրդի անվտանգության ու բարեկեցության ապահովմանը։ Եվ մոտակա տարիներին երկրի նախագահի պաշտոնում ես մտադիր եմ անել այն անհրաժեշտը, որպեսզի Հայաստանը դառնա ազատական տնտեսություն ունեցող ուժեղ ժողովրդավարական պետություն, որտեղ պահպանվում են մարդու իրավունքներն ու հիմնական ազատությունները։ Արդյո՞ք դա «հայամետ» քաղաքականություն չէ։         ՌԳ.- Ձեր կարծիքով, հայ ժողովրդի ազգային ո՞ր հատկանիշն է առավել բնութագրական։         Ս. ՍԱՐԳՍՅԱՆ.- Ես կասեի՝ ոչ թե մեկ, այլ մի քանի հատկանիշ։ Դա ամենից առաջ ոգու կայունությունն է, լավատեսությունը, հումորի զգացումը, նախաձեռնողականությունը, գիտելիքների հանդեպ սերը եւ կյանքի բարելավման մշտական ձգտումը։         ՌԳ.- Հայկական ռադիոն պատմության մեջ է մտել որպես հումորի եւ սրամտության իսկական մարմնավորում։ Այդ ավանդույթները շարունակո՞ւմ են, արդյոք, այսօրվա լրագրողները։         Ս. ՍԱՐԳՍՅԱՆ.- Կարծում եմ, որ շարունակում են։ Ես արդեն ասել եմ, որ հումորի զգացումը հայ ժողովրդին բնութագրող հատկանիշներից մեկն է, որն ամբողջ պատմության ընթացքում նրան օգնել է դուրս գալ ամենաբարդ իրավիճակներից։ Այսուհետեւ եւս, ես համոզված եմ, հումորի զգացումը կօգնի մեզ հաղթահարել այն քաղաքական ու տնտեսական հիմնախնդիրները, որոնք կանգնած են մեր առջեւ։         ՌԳ.- Հայաստանի նորընտիր նախագահն ունի՞, արդյոք, բարեմաղթանքներ «Ռոսիսկայա գազետա»-ի ընթերցողներին։         Ս. ՍԱՐԳՍՅԱՆ.- Առաջին հերթին, օգտվելով առիթից, շնորհավորում եմ բոլոր կանանց Մարտի 8-ի տոնը։ Եղբայրական ռուս ժողովրդին ցանկանում եմ ծաղկում եւ բարգավաճում։ ՄՈՒԹ ԵՎ ԽԱՌԸ ԺԱՄԱՆԱԿՆԵՐ՝ ՀԱՅԱՍՏԱՆՈՒՄ     «Նյու-Յորք թայմս», Խմբագրական 07 մարտի, 2008թ.     Ժողովրդավարությունը, որի մասին երազել են հայերը տասնամյակներ շարունակ, երբ գտնվում էին Մոսկվայի լծի տակ, սայթաքում է։ Այն բանից հետո, երբ ընդդիմադիրները վիճարկեցին անցած ամսում տեղի ունեցած նախագահական ընտրությունները, կառավարությունը մտցրեց արտակարգ դրություն։ Առնվազն 8 մարդ սպանվել է, անկախ ԶԼՄ-ները ճնշվել են, բոլոր տեսակի բողոքները՝ խլացվել։ Նախագահ Բուշը եւ արեւմտյան մյուս ղեկավարները պետք է լավ հասկացնեն Հայաստանի կառավարությանը, որ նման վարքագիծն անընդունելի է եւ կբարդացնի հետագա հարաբերությունները։ Հետխորհրդային մի շարք երկրների (ինչպես, օրինակ, Բելառուսը եւ Ուզբեկստանը) համեմատ իրավիճակը Հայաստանում գուցե թե այնքան էլ վատ չէ։ Ահա թե ինչու խիստ կարեւոր է զսպել դեպի բռնապետություն տանող այդ սայթաքումը, քանի դեռ շատ չէ ուշ։ Ընտրությունների պաշտոնական արդյունքների համաձայն՝ համոզիչ հաղթանակ է տարել իշխող կուսակցության թեկնածու Սերժ Սարգսյանը։     Միջազգային դիտորդները հայտարարել են, որ չնայած ընդհանուր ելքն արդարացի է թվում, ձայների հաշվման ընթացքում թույլ են տրվել լուրջ վրիպումներ։ Բռնություն է կիրառվել ընտրություններին հաջորդած բողոքների ընթացքում՝ այն բանից հետո, երբ ոստիկանությունը սկսել է ծեծել ցուցարարներին։     Ինչպես մեր գործընկեր Սաբրինա Տավերնայզին պատմել են ականատեսները, իշխանություններն անցած շաբաթ օրվա առավոտյան զենք եւ նռնակներ են նետել քնած ցուցարարների վրա։ Այնուհետեւ հայտարարելով, որ կանխվել է սադրանքի փորձը, ոստիկանությունը գրոհել է ընդդիմության ճամբարի վրա։ Հաջորդ օրը պաշտոնից հեռացող նախագահը զրահասայլեր է հանել փողոցներ, արգելել հանրահավաքները, եւ հայկական լրատվական կազմակերպություններին հրահանգել հաղորդել միայն կառավարությունից ստացվող տեղեկատվությունը։ Տեղի ռադիոկայաններն այլեւս հնարավորություն չունեն օգտագործել հայերեն լեզվով ծրագրերը, որոնք հեռարձակվում են արտասահմանից, ներառյալ «Ամերիկայի ձայն» եւ «Ազատություն» ռադիոկայանները։ Դա բողոքի մեծ ալիք է բարձրացրել Վաշինգտոնի հեռարձակման կառավարողների խորհրդի, անկախ դաշնային գործակալության կողմից, որը վերահսկում է այդ ռադիոկայանները։     Նրանց խոսքն ավելի մեծ կշիռ կունենար, եթե դրանց գումարվեր նաեւ նախագահ Բուշի ձայնը։ Հայաստանը, որը տեւական հակամարտության մեջ է հարեւան Ադրբեջանի հետ, համեմատաբար մեկուսացված է իր սեփական տարածաշրջանում եւ հատկապես գնահատում է լավ հարաբերությունները Միացյալ Նահանգների հետ։ Եվ բանն այստեղ ոչ թե զուտ ժողովրդավարական բարեգործության եւ զուտ բռնապետական չարիքի միջեւ դիմակայության մեջ է։ Պարտություն կրած ընդդիմության առաջնորդ, նախկին նախագահ Լեւոն Տեր-Պետրոսյանը ճիշտ նույն կերպ 1996-ին փողոց է հանել զրահասայլեր՝ ճնշելու ընտրություններում թույլ տված կեղծիքների դեմ բողոքի դուրս եկած ցուցարարներին։ Բացի այդ, նա, չունենալով հավաստի ապացույցներ, պնդում է, որ ինքը հաղթել է ընտրություններում։ Եվ հենց որ կառավարական ուժերը բռնություն գործադրեցին, Տեր-Պետրոսյանի օգտին դուրս եկած մարդկանցից մի քանիսն, ըստ երեւույթին, մեծ հետաքրքրություն ցուցաբերեցին մերձակա խանութների թալանման գործի հանդեպ...     Եվ, այդուհանդերձ, գլխավոր պատասխանատվությունն ընկած է Հայաստանի կառավարության ղեկավարների վրա, եւ հատկապես Սպիտակ տունը հենց նրանց պետք է հայտնի իր բողոքները։ «ԱԱ»-ի խմբագրության կողմից.- Բնականաբար, միակողմանի այս հոդվածը, գրված կանխակալությամբ, զուրկ է անաչառությունից։ Սակայն, հրապարակելով «Նյու-Յորք թայմսի» խմբագրական հոդվածը, նպատակ ունենք հնարավորություն տալ մեր ընթերցողին՝ ճիշտ գնահատել տեսակետների եւ կարծիքների դասավորությունը, որոնք տեղ են գտել համաշխարհային տեղեկատվական եւ գաղափարախոսական դաշտում՝ Հայաստանում տեղի ունեցող դեպքերի շուրջ։ Ուժերը, որոնք «խոսքի, հանրահավաքների եւ երթերի ազատությունը» հասցնում են պաշտամունքի աստիճանի, իհարկե, գլխավոր եւ նույնիսկ միակ մեղավոր են ճանաչում կառավարությանը միմիայն՝ այն պատճառով, որ նա ուժ է կիրառել։ Բայց թե ե՞րբ, ինչո՞ւ եւ ո՞ւմ դեմ՝ դա նրանց համար երկրորդական է։ Ի՞նչ կարող ես անել. այդպիսին է ներկա լիբերալ գաղափարախոսությունը, իսկ այդ գաղափարախոսության կողմնակից է համարվում արեւմտյան հանրության կեսը, ԶԼՄ-ների եւ, այսպես կոչված, ինտելեկտուալների մոտ 90 տոկոսը։

• .

• ՂԱՐԱԲԱՂՅԱՆ ՇԱՐԺՈՒՄ

  .   
  ՆԱՄԱԿՆԵՐ ԱՐՑԱԽԻՑ     193. ԿԱՖԿԱՅԻ մոտ ես հանդիպել եմ «Նամակներ Միլենային», իսկ ես գրում եմ «Նամակներ Ստելլային» (քրոջս)։     Սիրելի՛ Ստելլա, Նոր տարիդ շնորհավոր։ ...

• ՀԱՅԱՍՏԱՆՅԱՆ ԻՐՈՂՈՒԹՅՈՒՆՆԵՐ

  .   17
  ԿԱՏԱԿԸ ՄԻ ԿՈՂՄ ՀԱՅԱՍՏԱՆԻ ԱՊԱԳԱ ՂԵԿԱՎԱՐ ՍԵՐԺ ՍԱՐԳՍՅԱՆԸ ԲԱՑԱՌԻԿ ՀԱՐՑԱԶՐՈՒՅՑ ՏՎԵՑ «ՌԳ»-ԻՆ         Վերջերս Հայաստանում անցկացված նախագահական ընտրություններն ավարտվեցին ...

• ԱՐԴԱՐՈՒԹՅԱՆ ՎԵՐՋՆԱԿԵՏԸ ՀԱՂԹԱՆԱԿՆ Է

  .   13
  ՄԵԾԱՐԳՈ՛ ՊԱՐՈՆ ՎԱՐՉԱՊԵՏ Ս. ՍԱՐԳՍՅԱՆ     Ձեզ գրում եւ իր զորակցությունն է հայտնում Ասկերանի շրջանի փոքրիկ գյուղերից մեկի՝ Դաշուշենի Վ. Օվյանի անվան 8-ամյա դպրոցի աշակերտական կազմը։ ...

• ՏԵՍՉՈՒԹՅՈՒՆԸ ԿՈՉՎԱԾ Է ԱՋԱԿՑԵԼՈՒ ԿՐԹՈՒԹՅԱՆ ՈՐԱԿԻ ԲԱՐՁՐԱՑՄԱՆԸ

  ՍՎԵՏԼԱՆԱ ԽԱՉԱՏՐՅԱՆ   
  2007թ. հոկտեմբերի 1-ից, «Կրթության պետական տեսչության» մասին ԼՂՀ օրենքի համաձայն, ԼՂՀ կրթության եւ գիտության նախարարության կառուցվածքում սկսեց գործել կրթության պետական տեսչության առանձնացված ստորաբաժանումը։ ...

• ՖԻՆԱՆՍԱԿԱՆ ՀԱՆՃԱՐԸ

  .   
  Ռ. ՎԱՐԴԱՆՅԱՆԻ ՀԵՏ ՀԱՐՑԱԶՐՈՒՅՑԻՑ     Ռուբեն Վարդանյանը «Տրոյկա դիալոգ» ընկերության Տնօրենների խորհրդի նախագահն է։ Ընկերությունն ստեղծվել է 1991թ.։ Շրջանառությունը 2007թ. կազմել է 190 ...

• ՃՇԳՐԻՏ ԻՆՖՈՐՄԱՑԻԱՆ՝ ՆԵՐԴՐՈՒՄՆԵՐԻ

  ՆՈՐԱՅՐ ՀՈՎՍԵՓՅԱՆ   
      Մարտի 8-ին ԼՂՀ նախագահն ընդունեց Ռուբեն Վարդանյանի եւ Լեւոն Հայրապետյանի գլխավորությամբ Արցախ ժամանած մի խումբ ռուսահայ գործարարների։ Հանդիպմանը մասնակցում էին նաեւ ԼՂՀ վարչապետն ...

• ՆՇԱՆԱԿՈՒՄ

  .   
  ԼՂՀ վարչապետ Արա Հարությունյանի՝ մարտի 10-ի որոշմամբ՝ Արամ Գրիգորյանը նշանակվել է ԼՂՀ առողջապահության նախարարի տեղակալ։

• ԾԱՌԱՏՆԿՄԱՆ, ՍԱՆԻՏԱՐԱԿԱՆ ՄԱՔՐՄԱՆ ԵՒ ԲԱՐԵԿԱՐԳՄԱՆ ԱՇԽԱՏԱՆՔՆԵՐԻ ՄԻԱՄՍՅԱԿ

  .   
      ԼՂՀ վարչապետ Արա Հարությունյանի որոշմամբ՝ 2008թ. ապրիլի 1-ից 30-ը հանրապետությունում կանցկացվի ծառատնկման, սանիտարական մաքրման եւ բարեկարգման աշխատանքների միամսյակ։     ԼՂՀ ...

• ԻՐԱՎԱՊԱՀ ՄԱՐՄԻՆՆԵՐԸ ՊԱՏՐԱՍՏՎՈՒՄ ԵՆ ՔՐԵԱԿԱՆ ՄԵՂԱԴՐԱՆՔ ՆԵՐԿԱՅԱՑՆԵԼ...

  .   4
      Հայաստանի իրավապահ մարմինները պատրաստվում են քրեական մեղադրանք ներկայացնել նախագահության նախկին թեկնածու Լեւոն Տեր-֊Պետրոսյանին: Այդ մասին «Ֆրանսպրես»-֊ի թղթակցին հայտնել է Հայաստանի ...

• ԿԱՐՈ՞Ղ ԵՆՔ ԴԱՌՆԱԼ ԽՈՇՈՐ ՀԱՐԿԱՏՈՒՆԵՐԻՑ ՄԵԿԸ

  Նորայր ՀՈՎՍԵՓՅԱՆ   

• ԱԴՐԲԵՋԱՆԱԿԱՆ ԿՈՂՄԸ ՆՈՐԻՑ Է ԽԱԽՏԵԼ ՀՐԱԴԱԴԱՐԻ ՌԵԺԻՄԸ

  .   

• ԻՆՉՈ՞Ւ ՆՄԱՆ ԲԱՆ ՀՆԱՐԱՎՈՐ ԵՂԱՎ

  .   

• ՂԱՐԱԲԱՂՅԱՆ ԽՆԴԻՐԸ 30-ՐԴ ՏԵՂՈՒՄ Է

  .   

• ԻՆՉՈ՞Ւ ՆՄԱՆ ԲԱՆ ՀՆԱՐԱՎՈՐ ԵՂԱՎ

  .   

• ԱՄՆ-Ն ԵՎ ՌՈՒՍԱՍՏԱՆԸ ԱՋԱԿՑՈՒՄ ԵՆ ՍԵՐԺ ՍԱՐԳՍՅԱՆԻՆ

  .   

• ՀԱՅԱՍՏԱՆՅԱՆ ԻՐՈՂՈՒԹՅՈՒՆՆԵՐ

  .   

• ԼՂՀ ՊԱՇՏՊԱՆՈՒԹՅԱՆ ՆԱԽԱՐԱՐՈՒԹՅԱՆ ՀԱՅՏԱՐԱՐՈՒԹՅՈՒՆԸ

  .   

• «ԼԵՒՈՆ ՏԵՐ-֊ՊԵՏՐՈՍՅԱՆԸ ԺՈՂՈՎՐԴԻ ՄԻ ՀԱՏՎԱԾԸ ՀԱՆԵՑ ՄՅՈՒՍԻ ԴԵՄ»

  Սեփ.թղթակից   

• ՄՏՈՐՈՒՄՆԵՐ ԸՆՏՐՈՒԹՅՈՒՆՆԵՐԻՑ ՀԵՏՈ

  .   

• ԲՈՅԿՈՏ

  .   

• 1666  Ամստերդամում անվանի տպագրիչ և հրատարակիչ Ոսկան Երևանցին իր աշակերտների հետ սկսեց հայերեն Աստվածաշնչի տպագրողթյունը: Աստվածաշնչի հայերեն առաջին ամբողջական հրատարակությունը տևել է երկու տարուց ավելի:
• 1709  Կ. Պոլսում Գրիգոր Դպիրի տպարանում Աստվածատուր Վարդապետի ջանքերով առաջին անգամ տպագրվեց «Ագաթանգեղոս»-ը:
• 1836  Նիկոլայ I-ը վավերացնում է Ռուսաստանի հայ լուսավորչական եկեղեցու կանոնադրությունը «Պոլոժենիե»:
• 1900  Ջավախքի Սաթխա գյուղում ծնվեց խորհրդային բանակի գեներալ - լեյտենանտ, խորհրդային 10 և լեհական 3 շքանշանների ասպետ Ստեփան Գինոսյանը: (Վախճ. 1965 թ., Մոսկվայում):
• 1909  Բաքվում ծնվեց հանրապետության վաստակավոր շինարար, ճարտարապետ Կոնստանտին Խուդաբաշյանը: Նրա նախագծերով են կառուցվել Վանաձորի քիմիական մանրաթելի, Երևանի դաշնամուրի, էլեկտրոապարատների և մի շարք այլ գործարաններ:
• 1923  Փարիզի «Էնվալիդի» զինվորական թանգարանը պաշտոնապես ընդունեց հայկական եռագույնը:
• 1952  Մահացավ դերասանուհի Վարդիթեր Ֆելեկյանը:
• 1955  ԽՍՀՄ Գերագույն խորհրդի նախագահության հրամանագրով բանակի գեներալ Հովհաննես Բաղրամյանին շնորհվում է Խորհրդային Միության մարշալի կոչում:
• 1992  Հայկական ինքնապաշտպանական ուժերի հերոսական ջանքերի շնորհիվ ձախողվեց Ղարաչինարի ուղղությամբ ռուս-ադրբեջանական ուժերի ներխուժումը ԼՂՀ Շահումյանի

• am
• ru
• en

ԼՈՒՐԵՐ ՀԱՅԱՍՏԱՆ

• Ա1+
• Ազատ Արցախ
• Ազգ
• Առավոտ
• Ազատություն
• ԱրմենիաՆաու
• Երկիր
• Հայոց Աշխարհ
• Չորրորդ Իշխանութ.
• Պանորամա
• Պանարմենիան
• Ժամանակ

ՕՆԼԱՅՆ ԼՈՒՐԵՐ

• Օնլայն Ռադիո

ԻՆՖՈՐՄԱՑԻԱ

• Եղանակ
• Դրամի Փոխարժեք
• Վիճակագրություն

ԻՄ ԱՐՄԹԱՈՒՆ

• Կայքի Առօրյան
• Ֆորում
• Քվեարկություն
• Լուրերի Էքսպորտ
• Կոդավորվորիչ նոր