Հրատարակվում է 01/08/1994

ԿՈՂՈՊՏԻՉՆԵՐԸ ԿԱՊ ՉՈՒՆԵԻՆ ԸՆԴԴԻՄՈՒԹՅԱՆ ՀԵՏ

• Այդ մասին վկայում են պաշտոնական հաղորդագրությունները

  Մարտի 1-2-ին հաջորդող օրերին հեռուստաեթերը ողողված էր Մաշտոցի պողոտայում գտնվող ջարդուխուրդ արված ու կողոպտված խանութների պատկերներով, եւ այդ ամենը մատուցվում էր որպես ընդդիմության գործողությունների հետեւանք: Սակայն անցան ամիսներ, եւ այդ կողոպուտների վերաբերյալ դատարանում հայտնված գործերից ակնհայտ դարձավ, որ խանութների ջարդն իրականացրել էին մարդիկ, որոնք ուղղակի օգտվել էին ստեղծված իրավիճակից՝ տեղեկանալով Երեւանում կատարվողի մասին: Ու մինչ այժմ քննված գործերի վերաբերյալ տարածված հաղորդագրություններում չեղավ հիշատակում, թե կողոպուտ իրականացրած անձինք այս կամ այն ընդդիմադիր կուսակցության անդամ են: Որպես մեր այս պնդումների ապացույց՝ մի քանի մեջբերումներ անենք Վճռաբեկ դատարանի մամուլի քարտուղարի տարածած պաշտոնական հաղորդագրություններից:

  Հունիսի 4-ին տարածված տեղեկանքը վերաբերում է Երեւանի քրեական դատարանում ավարտված դատաքննությանը, որն ընթացել էր արագացված կարգով: Այդ քրգործով Արմեն Գրիգորյանը եւ Յուրիկ Ղուկասյանը մեղավոր ճանաչվեցին զանգվածային անկարգությունների եւ կողոպուտի համար ու դատապարտվեցին ազատազրկման՝ 3 տարի 6 ամիս ժամկետով: Նրանք Արտաշատի բնակիչներ են, որոնք Երեւան էին եկել մարտի 1-ին ժամը 18-ի սահմաններում եւ որեւէ կապ չունեին ընդդիմության հետ: Հաղորդագրության մեջ ուղղակի նշվում է, որ նրանք «տեսնելով Գր. Լուսավորչի պողոտայում հավաքված բազմությանը՝ միացել են արդեն անվերահսկելի դարձած ամբոխին եւ ներգրավվել զանգվածային անկարգություններին»: Իսկ հետո էլ նշվում է. «Իրարից անջատ մուտք են գործել «Ռոբերտո» խանութ-սրահ, որտեղից այլ անձանց ներկայությամբ հափշտակել են ընդհանուր առմամբ 403.000 դրամ արժողությամբ հագուստներ ու կոշիկներ, 245.000 դրամ արժողությամբ խանութի տեսաձայնագրային սարքը»:

  Մեկ այլ օրինակ: Հունիսի 10-ի հաղորդագրությամբ Վճռաբեկ դատարանը տեղեկացրեց, որ Երեւանի քրեական դատարան է մուտքագրվել քրեական գործ, որի համաձայն՝ Անդրանիկ Ղազարյանը մեղադրվում է զանգվածային անկարգությունների եւ կողոպուտի համար: Մեջբերված է մեղադրական եզրակացությունից, թե Անդրանիկ Ղազարյանը մարտի 1-ին տեղեկանալով Գր.Լուսավորչի պողոտայում կատարվող զանգվածային անկարգությունների մասին՝ ժամը 17:00-ի սահմաններում Էջմիածնից մեկնել է մայրաքաղաք: Հետո նշվում է, որ նա մասնակցել է կենտրոնական փողոցներում գտնվող մի շարք խանութների ջարդերին ու թալանին, «որի ընթացքում բացահայտ հափշտակել է «Ռոբերտո» խանութ-սրահի ապրանքներից 22.500 դրամ արժեքով կնոջ մեկ զույգ երկարաճիտ կոշիկ եւ «Երեւան-Սիթի» սուպերմարքեթի ապրանքներից 9 տարա՝ 4590 դրամ ընդհանուր արժեքով «Կոպոլիվա» տեսակի ձիթապտուղ»:

  Հուլիսի 11-ին Վճռաբեկ դատարանի մամուլի քարտուղարը տեղեկացրեց Երեւանի քրեական դատարանի կայացրած դատավճռի մասին, որով Սարգիս Մկրտչյանը մեղավոր ճանաչվեց մարտի 1-ի գիշերը կողոպուտ կատարելու մեջ, դատապարտվեց ազատազրկման՝ 1 տարի ժամկետով: Սակայն դատարանը վճռեց նրա նկատմամբ քրեական հետապնդումը դադարեցնել ու նրան արդարացնել ՀՀ քրեական օրենսգրքի 225-րդ հոդվածի 2-րդ մասով («Զանգվածային անկարգությունները»)՝ արարքի մեջ հանցակազմ չլինելու հիմքով: Փաստորեն՝ այս անձնավորության գործողությունները սահմանափակվել են միայն կողոպուտով, նա հանրահավաքի մասնակից չէ:

  Թվարկումն այսքանով դադարեցնենք: Նշենք միայն, որ այն ԶԼՄ-ները, որոնք շտապեցին խանութների կողոպուտի մեջ մեղադրել ընդդիմությանը, այժմ չեն անդրադառնում այս դատավճիռներին, որոնք ապացույց են, թե այդ մեղադրանքներն առնչություն չունեն իրականության հետ:

• Ա. ԻՍՐԱՅԵԼՅԱՆ

• ՍԱՀՄԱՆԱՅԻՆ ԱՅՑ

  Շաբաթ օրը ՀՀ կառավարությունը՝ վարչապետ Տիգրան Սարգսյանի գլխավորությամբ, այցելեց Տավուշի մարզ եւ ստուգեց մեր սահմանների ամրությունը: Կարդացեք

• «ՔՈՉԱՐՅԱՆԻ ԳՈՐԾԸ» ԿՈՒՂԱՐԿՎԻ ՀԱԱԳԱՅԻ ԴԱՏԱՐԱՆ

  ՆԱԻՐԱ ՄԱՄԻԿՈՆՅԱՆ   5
  Հայտարարեց Դավիթ Շահնազարյանը Երեկ «Ուրբաթ» ակումբում Համաժողովրդական շարժման ներկայացուցիչ Դավիթ Շահնազարյանը հայտարարել է նախկին նախագահ Ռոբերտ Քոչարյանին Հաագայի միջազգային քրեական դատարանում ...

• ՀՀ-Ն ՔԱՐՏ-ԲԼԱՆՇ ՉՈՒՆԻ ՈՉԻՆՉ ՉԱՆԵԼՈՒ ՄԻՆՉԵՎ ՀՈՒՆՎԱՐ

  ԱՆՆԱ ԻՍՐԱՅԵԼՅԱՆ   
  Ըստ Ալեքսանդր Արզումանյանի տիկնոջ՝ Մելիսա Բրաունի, սա իրենց ասվել է Եվրոպայի խորհրդի Մարդու իրավունքների հանձնակատարի գլխավորած պատվիրակության հետ հանդիպման ժամանակ: ԵԽԽՎ 1620 բանաձեւի 9.2 կետով ոչ միայն ...

• ԿՈՂՈՊՏԻՉՆԵՐԸ ԿԱՊ ՉՈՒՆԵԻՆ ԸՆԴԴԻՄՈՒԹՅԱՆ ՀԵՏ

  Ա. ԻՍՐԱՅԵԼՅԱՆ   
  Այդ մասին վկայում են պաշտոնական հաղորդագրությունները Մարտի 1-2-ին հաջորդող օրերին հեռուստաեթերը ողողված էր Մաշտոցի պողոտայում գտնվող ջարդուխուրդ արված ու կողոպտված խանութների պատկերներով, եւ այդ ամենը ...

• ԿԼԻՆԻ՞ ՄԵԾ ԲԱԽՈՒՄ, ԹԵ՞ ՈՉ

  Տ. Ա.   
  «Վրաստանը շահագրգիռ չէ Ռուսաստանի հետ առճակատմամբ: Հակառակը՝ մենք շահագրգիռ ենք այդ երկրի հետ լավ, կառուցողական հարաբերությունների հաստատմամբ»: Այս մասին «Յալթայի եվրոպական ռազմավարություն» ...

• «ՄԻԱՍԻՆ»-Ը ՀԱՅՏԱՐԱՐՈՒՄ Է

  Երեկ «Միասին» երիտասարդական շարժումը հանդես է երեկ հայտարարությամբ, որում, մասնավորապես, ասված է. «Հուլիսի 11-ին «Միասին» երիտասարդական շարժումը նախաձեռնել էր ռոք-համերգ ...

• ՎԵՐԱԴԱՐՁՆԵՆՔ ՎԱՐԴԱԳՈՒՅՆ ԵՐԵՎԱՆԸ

  Ն. ԳՐԻԳՈՐՅԱՆ   
  «Ես չափազանց կարեւորում եմ Երեւանի կառուցապատման աշխատանքները. դրանք նոր տեսք տվեցին մայրաքաղաքին եւ հասցրեցին զարգացման նոր փուլի»,- անցած շաբաթ, քաղաքապետարան այցելության ժամանակ, ընթացող ...

• «ԶՎԱՐԹՆՈՑԻՑ» ԱՆՀԻՄՆ ԿՐՃԱՏԵԼ ԵՆ

  ՆԵԼԼԻ ԲԱԲԱՅԱՆ   
  Դավիթ Եղիազարյանը 6 տարի է, չի կարողանում պարզել աշխատանքից կրճատվելու պատճառը: «Իմ ամբողջ կյանքն ու պրոֆեսիոնալիզմը ներդրել եմ «Զվարթնոց» օդանավակայանում: Բայց մի րոպեում, 2002 թվականին, ...

• ԿԻՆ ՆԱԽԱՐԱՐԻՆ ՉԷԻՆ ԶՈՐԱԿՈՉԵԼ

  ԳԱՐԻԿ ՄԿՐՏՉՅԱՆ   2
  Վարչապետն ու նախարարները կրակեցին: Բարեբախտաբար, ոչ իրար վրա Հուլիսի 12-ին վարչապետ Տիգրան Սարգսյանը, գրեթե բոլոր նախարարները եւ կառավարությանը մաս կազմող մի շարք գերատեսչությունների ղեկավարներ պաշտպանության ...

• ՇԱՏ ՓՈՂ ԵՆ ՈՒԶՈՒՄ, ՔԻՉ՝ ՈՒՍԱՆՈՂ

  ՏԱԹԵՎ ՀԱՐՈՒԹՅՈՒՆՅԱՆ   
  Բուհերը պրակտիկայի կազմակերպման ժամանակ խնդիրներ են ունենում որոշ «անհյուրընկալ» կազմակերպությունների հետ: Ուսումնական տարվա ավարտից հետո այժմ ՀՀ բուհերում առաջացել է մի խնդիր՝ ինչպես կազմակերպել ...

• Ե՞ՐԲ ԷՐ ԱՎԵԼԻ ԱՆԿԵՂԾ

  

• ՍՊԱՌՆԱՑԵԼ Է «ԳՅՈՒԼԼԵԼ»

  

• «ՔՈՉԱՐՅԱՆԻ ԳՈՐԾԸ» ԿՈՒՂԱՐԿՎԻ ՀԱԱԳԱՅԻ ԴԱՏԱՐԱՆ

  ՆԱԻՐԱ ՄԱՄԻԿՈՆՅԱՆ   

• ՄԱՐՏԻ 1-Ը ԿԱՐՈՂ ԷՐ ԿԱՆԽԵԼ ՄԵԿ ՄԱՐԴ՝ ԱՌԱՋԻՆ ՆԱԽԱԳԱՀԸ

  ՄԱՐԳԱՐԻՏ ԵՍԱՅԱՆ   

• ՊԱԼԱՏԱԿԱՆ «ՀԻՆ ԳԱՅԼԸ»

  

• ԿԻՆ ՆԱԽԱՐԱՐԻՆ ՉԷԻՆ ԶՈՐԱԿՈՉԵԼ

  ԳԱՐԻԿ ՄԿՐՏՉՅԱՆ   

• «ՊԱՏԱՍԽԱՆԱՏՎՈՒԹՅՈՒՆԸ ՄԵԶ ՎՐԱ ՎԵՐՑՆԵՆՔ»

  ՆԵԼԼԻ ԳՐԻԳՈՐՅԱՆ   

• ԳԵՆԵՐԱԼԻ ԹԵԿՆԱԾՈ՞ՒՆ ԿԱՆՑՆԻ

  Հարցազրույցը՝ ԳՐԻՇԱ ԲԱԼԱՍԱՆՅԱՆԻ   

• ԱԺ ՀԱՆՁՆԱԺՈՂՈՎԸ ՉԻ ՓՈԽԱՐԻՆԻ ՆԱԽԱՔՆՆՈՒԹՅԱՆԸ

  Զրույցը վարեց ԱՆՆԱ ԻՍՐԱՅԵԼՅԱՆԸ   

• ԳՈՂՈՒԹՅՈՒՆ՝ ՍՈՒՐԵՆ ՍՈՒՐԵՆՅԱՆՑԻ ԲՆԱԿԱՐԱՆՈՒՄ

  ՆԱԻՐԱ ՄԱՄԻԿՈՆՅԱՆ   

• 1852  Ծնվեց «Կիլիկյան ընկերություն» բարեգործական կազմակերպության հիմնադիրներից Մինաս Շերազը: (Վախճ. 1929 թ.):
• 1860  Մ. Գ. Տեյրմենջյանը Կ. Պոլսում սկսեց հրատարակել «Արևելյան Դար» երկշաբաթաթերթը (մինչև 1862 թ.):
• 1872  Ծնվեց բանաստեղծ և գրական քննադատ Արշակ Չոբանյանը: (Վախճ. 1954 թ.-ին):
• 1899  Ավարտվեց Թիֆլիս-Կարս երկաթուղու շինարարությունը:
• 1965  Հելսինքիում կայացած խաղաղության կողմնակիցների համաշխարհային վեհաժողովը դատապարտեց Օսմանյան կայսրությունում տեղի ունեցած 1915-ի ցեղասպանությունը:

• am
• ru
• en

ԼՈՒՐԵՐ ՀԱՅԱՍՏԱՆ

• Ա1+
• Ազատ Արցախ
• Ազգ
• Առավոտ
• Ազատություն
• ԱրմենիաՆաու
• Երկիր
• Հայոց Աշխարհ
• Չորրորդ Իշխանութ.
• Պանորամա
• Պանարմենիան
• Ժամանակ

ՕՆԼԱՅՆ ԼՈՒՐԵՐ

• Օնլայն Ռադիո

ԻՆՖՈՐՄԱՑԻԱ

• Եղանակ
• Դրամի Փոխարժեք
• Վիճակագրություն

ԻՄ ԱՐՄԹԱՈՒՆ

• Կայքի Առօրյան
• Ֆորում
• Քվեարկություն
• Լուրերի Էքսպորտ
• Կոդավորվորիչ նոր