ԵՐԱՇԽԻՔԱՅԻՆ ՍՊԱՍԱՐԿՈՒՄԸ ՁԵՎԱԿԱՆ Է
Հայաստանում կենցաղային եւ համակարգչային տեխնիկայի վաճառքով զբաղվող տասնյակ ընկերություններ խուսափում են կատարել իրենց երաշխիքային պարտավորությունները:
Հատկապես վերջին տարիներին Հայաստանում կենցաղային ապրանքների վաճառքով զբաղվող ընկերությունները սկսեցին գնված ապրանքի դիմաց սպառողներին տրամադրել երաշխիքային կտրոններ, ինչը նշանակում է, որ եթե գնված ապրանքը որոշակի ժամկետի ընթացքում փչանում կամ վնասվում է արտադրողի, այլ ոչ թե գնորդի մեղքով, ապա վաճառող կազմակերպությունը պարտավոր է այն վերանորոգել կամ փոխարինել նորով: Մեր երկրում երաշխիքային սպասարկմամբ աշխատում են հիմնականում այն ընկերությունները, որոնք ապրանքներ են ներկրում արտերկրից: Իսկ արտերկրի արտադրողները կարեւորում են, որ տարբեր երկրներում գտնվող իրենց մասնաճյուղերը սպառողների հետ աշխատեն երաշխիքային սպասարկմամբ, քանի որ դա բարձրացնում է ընկերության հեղինակությունը եւ գնորդի մոտ վստահություն է ներշնչում տվյալ ընկերության հանդեպ: Մեր կենցաղում բազմաթիվ են դեպքերը, երբ հայտնի ապրանքանիշեր ներկայացնող խանութներից գնելով որեւէ կենցաղային իր կամ, ասենք, բջջային հեռախոս, գնորդը հայտնվում է խաբվածի կարգավիճակում, քանի որ օրեր անց պարզվում է, որ տվյալ իրը ունի գործարանային կամ տեղափոխման ընթացքում առաջացած անսարքություններ: Ու չնայած տվյալ խանութը սպառողին երաշխիքային սպասարկման կտրոն է տրամադրում, սովորաբար խնդիրը հեշտ ու հանգիստ չի լուծվում, քանի որ բազմաթիվ դեպքերում խանութի աշխատակիցներն ամեն գնով փորձում են մեղքը գնորդի վրա գցել ու համոզել, որ տվյալ ապրանքի անսարքությունը տեղի է ունեցել հենց գնորդի անփութության հետեւանքով: Ապրանքների ներկրմամբ զբաղվող մի քանի ընկերությունների հետ մեր զրույցից պարզեցինք, որ հատկապես կենցաղային եւ համակարգչային տեխնիկայի իրացմամբ զբաղվող ընկերությունները խուսափում են իրենց վաճառած ապրանքի համար պատասխանատվություն կրել, քանի որ Մաքսային պետական կոմիտեի ոչ ճիշտ վարչարարության հետեւանքով ներկրողները չեն կարողանում տվյալ ապրանքը նորից արտերկիր՝ արտադրողին ուղարկել ու այն մնում է «իրենց վրա»: Խնդիրն այն է, որ ամեն անգամ արտերկրից ներկրված որեւէ ապրանք հետ ուղարկելիս, նորից պետք է մաքսային ձեւակերպումներ անել, ճանապարհածախս վճարել, ինչը ներկրողի համար լրացուցիչ ժամանակ ու հավելյալ ծախսեր է պահանջում: Համակարգչային տեխնիկայի ներկրմամբ եւ իրացմամբ զբաղվող «Քոմփմարկետ» ընկերության տնօրեն Գագիկ Ջուլհակյանն «Առավոտի» հետ զրույցում հավաստիացրեց, որ երաշխիքային սպասարկման մեջ գտնվող ապրանքն արտադրողին վերադարձնելը Հայաստանում շատ բարդ պրոցես է: Ըստ նրա, գործարարի համար ավելի ձեռնտու է անսարք ապրանքը գնորդից վերցնել ու դրա փոխարեն նորը տրամադրել, քան տվյալ սարքը վերանորոգման կամ փոխարինման համար ուղարկել արտադրողին. «Նման դեպքերում պետք է մաքսայինից ժամանակավոր արտահանման թույլտվություն ստանալ, բայց քանի որ այդ պրոցեսը Հայաստանում խիստ բարդացված է, ապա ես ինքնուրույն եմ փորձում գտնել խնդրի լուծումն ու իմ գնորդին չնեղացնելու համար հետ եմ վերցնում թերություն ունեցող ապրանքը, ու քանի որ հետ ուղարկելը բավականին ծախսեր է պահանջում, վերցրած ապրանքն, ըստ էության, մնում է ինձ վրա»: «Ձեռնարկությունների ինկուբատոր հիմնադրամի» ներկայացուցիչ Քնարիկ Բարսեղյանն էլ մեզ հետ զրույցում հավաստիացրեց, որ այսօր Հայաստանում անգամ շատ հեղինակավոր ընկերություններ խուսափում են աշխատել երաշխիքային սպասարկմամբ. «Վերջերս մենք արտերկրի մի արտադրողից պետք է մեծ քանակությամբ համակարգիչներ ու համակարգչային աքսեսուարներ գնեինք եւ պահանջեցինք, որ երաշխիքային սպասարկումն իր վրա վերցնի տվյալ արտադրողի՝ Հայաստանում գտնվող ներկայացուցչությունը: Մեր այս պահանջից հետո արդեն խնդիրներ առաջացան, քանի որ Հայաստանի ներկայացուցիչը չցանկացավ մեզ երաշխիքային սպասարկում տրամադրել»: Սակայն Ք. Բարսեղյանի հավաստմամբ, արտադրող կազմակերպությունը նման դեպքերում տվյալ երկրում իր ներկայացուցչի հետ կնքում է պայմանագիր, ըստ որի՝ ապրանքն արտադրողին հետ ուղարկելու ժամանակ բոլոր տրանսպորտային ծախսերն ու մաքսային ձեւակերպումները կատարվում են արտադրող ընկերության միջոցների հաշվին: Այսինքն, ըստ Ք. Բարսեղյանի, խնդիրն այստեղ այն է, որ Հայաստանում այս կամ այն հայտնի ապրանքանիշը ներկայացնող ընկերությունները իրականում չեն հանդիսանում տվյալ արտադրողի ներկայացուցչությունը եւ հենց այդ պատճառով էլ խուսափում են սպառողի հետ աշխատել նորմալ պայմաններով ու կատարել երաշխիքային կտրոնում նշված իրենց պարտավորությունները:
Երաշխիքային սպասարկման մեջ գտնվող ապրանքներն արտադրողին հետ ուղարկելու ժամանակ մաքսայինում առաջացող խնդիրների առնչությամբ Մաքսային պետական կոմիտեի մաքսային գործի կատարելագործման բաժնի պետ Գագիկ Քառյանն «Առավոտի» հետ զրույցում ասաց, որ, ըստ էության, տնտեսվարողների հետ խնդիրներ են առաջանում այն պատճառով, որ նրանցից շատերը պարզապես տեղեկություն չունեն մաքսային օրենսգրքից: Ըստ Գ. Քառյանի, եթե գործարարը ներկայացնում է բոլոր պահանջվող փաստաթղթերը եւ եթե հաշիվ-ապրանքագրի մեջ նշված է տվյալ ապրանքի երաշխիքի մեջ գտնվելու մասին, ապա մաքսայինում ժամանակավոր արտահանման համար որեւէ խնդիր չի առաջանում: Պարոն Քառյանի տեղեկացմամբ, խնդիրներ չեն առաջանա անգամ այն դեպքում, երբ տվյալ ապրանքը արտադրողը ոչ թե վերանորոգում է, այլ դրա փոխարեն մեկ այլ ապրանք է տրամադրում, եւ գործարարը ներկայացնում է համապատասխան փաստաթղթեր այն մասին, որ արտադրողին հավելյալ գումար չի վճարել:
- ԳԱՅԱՆԵ ՍԱՀԱԿՅԱՆ
«ԱՐԳԵԼՔՆԵՐ ՉՈՒՆԵՆ»
«Ես գիտեի, որ ստեղծվելու է մի հանձնաժողով, որը պետք է զեկուցեր Սերժ Սարգսյանին ինչ-որ քայլերի մասին, եւ սպասում էի, որ քայլերից մեկն էլ պետք է լինի թուլացումը»,- երեկ «Ազատություն» ...ԴԱՏՎՈՒՄ Է «ՏՐԱՖԱՐԵՏԱՅԻՆ» ՄԵՂԱԴՐԱՆՔՈՎ
ՆԱԻՐԱ ՄԱՄԻԿՈՆՅԱՆԵրեկ Երեւանի քրեական դատարանում մեկնարկել է Վահե Ղազարյանի քրգործով դատավարությունը Վահե Ղազարյանը, ում դատավարությունը սկսվեց երեկ, ՀՀ առաջին նախագահ Լեւոն Տեր-Պետրոսյանի անվտանգության թիկնազորի պետ ...ՈՒՂՂԱԿԻ ԵՐԵԽԱՆԵՐԸ ԻՐԱՐ ՔԱՇՔՇԵ՞Լ ԵՆ
ՄԱՐԳԱՐԻՏ ԵՍԱՅԱՆ 1Սյունիքի մարզպետ Սուրեն Խաչատրյանը երեկ համոզում էր լրագրողներին, որ ինքը երեխա չի ծեծել - Այսօր ամենամեծ հասարակական հնչեղություն ունեցող հարցը ձեր հանդեպ իրականացրած ծառայողական քննությունն է, ի՞նչ ...ԻՐԱՎԱԿԱՆ «ՏՐՅՈՒԿՆԵՐ»
ՆԵԼԼԻ ԳՐԻԳՈՐՅԱՆՄեկին կդատեն գրիչն ընտրակաշառք դարձնելու, մյուսին՝ իբր ոստիկանին մարմնական վնասվածք պատճառելու համար: Մարտի 1-ի դեպքերի առիթով կալանավորված Արամ Բարեղամյանի գործն արդեն ուղարկվել է Երեւանի քրեական դատարան, ...ԽԱՓԱՆՄԱՆ ՄԻՋՈՑՆԵՐԸ ՓՈԽՎԵՑԻՆ
Ինչպես արդեն հաղորդվել է, մայիսի 12-ին ՀՀ գլխավոր դատախազի ցուցումով նախաքննական մարմինը փոխել էր պետական իշխանությունը յուրացնելու եւ զանգվածային անկարգություններ հրահրելու մեջ մեղադրվող ՀՀ ԱԺ նախկին ...«ԲԱՐԻ ԿԱՄՔԸ» ՀԵԳՆԵԼՈՒ ՕՐԻՆԱԿ ՉԿԱ
Ա. Ի. 1ՀՀ նախագահի հասարակական-քաղաքական հարցերով խորհրդական Գառնիկ Իսագուլյանը վերջերս ասուլիսում տեսակետ էր հայտնել, թե ձերբակալվածներին ազատ արձակելը կլինի բարի կամքի դրսեւորում, բայց եթե իշխանությունը դրսեւորում ...ԵՐԱՇԽԻՔԱՅԻՆ ՍՊԱՍԱՐԿՈՒՄԸ ՁԵՎԱԿԱՆ Է
ԳԱՅԱՆԵ ՍԱՀԱԿՅԱՆՀայաստանում կենցաղային եւ համակարգչային տեխնիկայի վաճառքով զբաղվող տասնյակ ընկերություններ խուսափում են կատարել իրենց երաշխիքային պարտավորությունները: Հատկապես վերջին տարիներին Հայաստանում կենցաղային ...ՄԵՆԹԱԼԻՏԵՏԻ ՀԱՐՑ Է
ՆԵԼԼԻ ԲԱԲԱՅԱՆԿովկասցիների իրավունքները նույն կերպ են ոտնահարվում «Վրաստանում տարեցտարի ընտրություններն ավելի քիչ են թափանցիկ դառնում, իսկ մարդու իրավունքներն էլ խախտվում են ամենաանհավանական մեթոդներով: Վրացիներն, ...ԴԱՏԱՐԱՆՈՒՄ «ԱՉՈԿ» ԵՆ ՀԱՎԱՔՈ՞ՒՄ
ԳԱՐԻԿ ՄԿՐՏՉՅԱՆ«Մարտի 1»-ի քրգործերի շարքից Երեկ Կենտրոն եւ Նորք-Մարաշ համայնքների ընդհանուր իրավասության դատարանում լսվեց «Մարտի 1»-ի գործով մեղադրվող, Թալին քաղաքի 30-ամյա բնակիչ Համլետ Աբրահամյանի ...ՈՂՋ ԱՐՄԱՎԻՐԸ՝ «ԱՇԱԿԵՐՏԱԿԱՆ» Հ/Կ-ՈՒՄ
ԳՈՀԱՐ ՀԱԿՈԲՅԱՆԿամ տեղի դպրոցներից գումար կորզելու հերթական «հնարքը» Հանրակրթական դպրոցներից ստացված դժգոհությունների չափով Արմավիրի մարզն ուղղակի ռեկորդակիր է: Երեկ կրկին «Առավոտին» են դիմել ...ԲԱԿԻ ԿՈՂՄԻՑ ՊԱԼԱՏ ՄՏՑՆԵԼԸ ԵԼՔ ՉԷ
ԱՆՆԱ ԻՍՐԱՅԵԼՅԱՆԱսում է քաղաքագետ Էդվարդ Անտինյանը՝ վիճարկելով Հասարակական պալատի ստեղծման արդյունավետությունը: Օրերս ստեղծվելիք աշխատանքային խումբը պիտի մինչեւ մայիսի 20-ը մշակի փաստաթուղթ, որով ՀՀ նախագահին առընթեր ...ՊԵՏԱԿԱՆՈՐԵՆ ԱՋԱԿՑԵԼ ՏԻԿՆԻԿԱՅԻՆ ԱՐՎԵՍՏԻՆ
Ս. ԴԱՆԻԵԼՅԱՆՄանուկների դաստիարակության «դեղատոմսը»՝ ըստ դրամատուրգ Պետրոս Մարտիրոսյանի Տիկնիկային արվեստին առնչվող մտահոգություններով «Առավոտին» էին դիմել ամուսիններ, դրամատուրգ Պետրոս Մարտիրոսյանը ...ՄԱՐԶԱԿԱՆ ԽՃԱՆԿԱՐ
Ա. Հ.Նահանջը շարունակվում է Սոֆիայում ընթացող շախմատի «Mtel Masters» 20-րդ կարգի միջազգային մրցաշարում անհաջողությունը շարունակում է հետապնդել Հայաստանի լավագույն շախմատիստ Լեւոն Արոնյանին: Առաջին ...ՀԱՑԱԴՈՒԼԱՎՈՐՆԵՐՆ ՈՒՇԱԹԱՓՎՈՒՄ ԵՆ
ՆՈՒՆԵ ԱՐԵՎՇԱՏՅԱՆ 1Բայց Շիրակի մարզի առողջապահության վարչությանը դա ամենեւին չի հետաքրքրում Ըստ Շիրակի մարզի 18 հացադուլավորների՝ Շիրակի թեմի առաջնորդ Միքայել արքեպիսկոպոս Աճապահյանից ու ԱԺ «Ժառանգություն» ...ՔՈԼԵՋՆԵՐԸ ԽՆԴԻՐՆԵՐ ՈՒՆԵՆ
ՏԱԹԵՎ ՀԱՐՈՒԹՅՈՒՆՅԱՆՄայիսի 12-ին Հ. Պարոնյանի անվան երաժշտական կոմեդիայի պետական թատրոնի բեմում ոչ թե թատերական ներկայացում էր, այլ նորաձեւության ցուցադրում: Երեւանի պետական թեթեւ արդյունաբերության, Վանաձորի տեխնոլոգիական, ...
«ՄԱՐՏԻ 1-ԻՆ ԵՌԱԳՈՒՅՆ ԴՐՈՇ ԿԱ՞Ր ՁԵՌՔԻԴ»
ՄԱՐԳԱՐԻՏ ԵՍԱՅԱՆ
«ՀԻՄԱ ԷՍ ՊԼԱԿԱՏԸ ԿՄՏՑՆԵՄ ԲԵՐԱՆԴ»
ԱՆՆԱ ԻՍՐԱՅԵԼՅԱՆԵՐԿՐԱՊԱՀՆԵՐԻ ՀԵՏ
«ԿԱՐՈ՞Ղ Ա ՎՍՅՈ ՏԿԻ ԷՆ «ՆԻՎԵՆ» ԴՈՒ ԵՍ ՎԱՌԵԼ»
Գրի առավ ԱՆՆԱ ԻՍՐԱՅԵԼՅԱՆԸ«ԹՈՂ ՔԱՐԸ ԳՑԵՆ ԻՐԵՆՑ ՓԵՇԵՐԻՑ»
Սեփ. լր.ՄԱՍՍՈՆԱԿԱՆ ԽԱՐԴԱՎԱՆՔՆԵՐ՝ ԸՍՏ ԽԱՉԻԿ ՍՏԱՄԲՈԼՑՅԱՆԻ
ԳՈՀԱՐ ՀԱԿՈԲՅԱՆԶԼՄ-ՆԵՐԸ՝ ՆՈՒՅՆ «ՔԱՂԱՔՈՒՄ»
Զրուցեց ԳՈՀԱՐ ՀԱԿՈԲՅԱՆԸՆՈՐ «ԽԱՂԱՏՈՒՆ» ԳՅՈՒՄՐԻՈՒՄ
ՀԱԿԱՔԱՐՈԶՉՈՒԹՅՈՒՆԸ ՀԱՆԳԵՑՐԵՑ ՀԱԿԱՌԱԿ ԱՐԴՅՈՒՆՔԻ
ԱՆՆԱ ԻՍՐԱՅԵԼՅԱՆՀԱՑԱԴՈՒԼԻ՝ ՈՂՋ ԳՅՈՒՂՈՎ
- 1632 Մահացավ 17-րդ դարի հայ վերածննդի ռահվիրա Մովսես Տաթևացի կաթողիկոսը: (Ծնվ. 1583 թ.):
- 1805 Քյուրակ-չայ գետի ափին կնքվում է պայմանագիր, որի համաձայն Ղարաբաղը միացվում է Ռուսաստանին:
- 1812 Թիֆլիսում ծնվեց «Հյուսիսափայլ» ամսագրի հիմնադիր, անվանի հրապարակախոս և լուսավորիչ Ստեփանոս Նազարյանը: (Ծնվ. 1812թ.-ին):
- 1814 Պարսկաստանի Համադան քաղաքում ծնվեց Կարապետ Շահնազարյանը: (Վախճ. 1865թ.-ին, Կ. Պոլսում):
- 1870 Ալեքսանդր II-ի մանիֆեստը Հայաստանում և Ադրբեջանում գյուղացիական ռեֆորմ անցկացնելու մասին:
- 1911 Բաքվի Բայիլովի բանտում մահացավ ականավոր բոլշևիկ, պրոֆեսիոնալ հեղափոխական Բոգդան Կնունյանցը: (Ծնվ. 1878թ.-ին):
ԼՈՒՐԵՐ ՀԱՅԱՍՏԱՆ
ՕՆԼԱՅՆ ԼՈՒՐԵՐ
ԻՆՖՈՐՄԱՑԻԱ
ԻՄ ԱՐՄԹԱՈՒՆ
Ինչպե՞ս թողնել ծխելը
Ինչպե՞ս գրել Հայերեն Windows XP միջավայրում
Սույն կայքում հրատարակված նյութերը վերցված են բաց աղբյուրներից և պաշտպանված են հեղինակային իրավունքիով։ Արգելված է սույն կայքում հրատարակված նյութերի վերարտադրումը առանց իրական հեղինակի գրավոր թույլտվության։ Եթե ցանկանում եք հանել Ձեզ պատկանող նյութը, ապա ուղարկեք մեզ, պատկանելությունը վկայող փաստեր և տվյալ նութը անմիջապես կհանվի։ Բոլոր նյութերը հրատարակված են միայն ինֆորմացիոն նպատակով և մենք պատասխանատու չենք դրանց հավաստիության համար։