ԵՐԱԶՈՒՄ ԵՆ ՀԱՐՈՒՍՏ ՍԻՐԱԾ ՃԱՐԵԼ ՈՒ ԷԼ ՓՈՂՈՑ ԴՈՒՐՍ ՉԳԱԼ
Մարմնավաճառները Մայրության եւ գեղեցկության միամսյակը տոնել են ինչպես միշտ՝ փողոցում տղամարդկանց սպասարկելով:
Արդեն քանի տարի է՝ Բագրատունյաց փողոցում՝ «Մայամի» ռեստորանային համալիրի հարեւանությամբ, գործում է մարմնավաճառների բավականին հայտնի մի շուկա: Մառայի ծառայությունների մեկ ժամն արժե նվազագույնը 10-12 հազար դրամ: Հաշվի առնելով, որ իր մյուս ընկերուհիները հաճախորդներից առավելագույնը 5-6 հազար դրամ են ուզում՝ Մառան այդ տարածքի «թանկանոց ծիտիկներից» է համարվում. «Բոլորին թվում ա՝ մենք նենց մեծ հաճույքով ենք սրանով զբաղվում, էլ չգիտեն, որ ձեռքներս ճար լիներ՝ ամբողջ օրը տանը կնստեինք եւ մեր երեխեքին տիրություն կանեինք: Հո լավ կյանքի՞ց չենք փողոց ընկել: Ամուսնացած էի, ամեն օր ծեծ ու ջարդ էր մեր տանը, դրա համար էլ բաժանվեցի: Կեսրայրս մի քիչ անհաջող մարդ էր, ինքն էր հիմնականում հրահրում, որ տղեն ինձ ծեծի, ես էլ չդիմացա: Իբր ամուսին էր: Գոնե մի օր չի հարցրել՝ ո՞նց ես էրեխուն պահում, երեւի չգիտի էլ՝ վերջը աղջի՞կ, թե՞ տղա ունեցա: Չնայած մեկ-մեկ զանգում է, բայց ուրիշ բաների համար: Երեւի հասկանում եք: Ես հղի հետ եկա, բայց հորս տուն չէ, սկսեցի վարձով ապրել, մի ամիս գործ ման եկա, տարբեր բաներ արեցի, ուր գնում էի՝ ընդունում էին, բայց ասում էին՝ ստեղ երկար մնալու համար պետք է տնօրենի սիրածը դառնաս, ես էլ մտածեցի՝ ըտենց-ըտենց, հենա փողոցում ավելի շատ գումար կաշխատեմ: Երեխա ունենալուց մի քանի ամիս հետո արդեն ընգա փողոցներն ու սկսեցի կուտակած պարտքերս փակել: Հիմա եթե գոնե կարողանամ տուն առնել՝ էլ փողոց դուրս չեմ գա, մի հատ էլ սիրած կպահեմ, որ մենակ չլինեմ ու իմ համար երջանիկ կապրեմ, էլ չեմ տանջվի հիմիկվա պես»: Մեր հարցից՝ ինչպե՞ս ես տոնում մայրության եւ գեղեցկության միամսյակը, նվերներ ստանո՞ւմ ես՝ Մառան նեղացավ. «Ես ուրիշներից ինչո՞վ եմ պակաս, որ նվեր չստանամ: Ծաղիկներ, դուխի-մուխի ստանում եմ: Բայց կոնկրետ որ ասեմ՝ Մարտի 8-ը, Ապրիլի 7-ը մյուս օրերից չի առանձնանում, հելնում եմ փողոց, կլիենտ կպավ՝ էդ իմ համար արդեն տոն ա»: Մառայի աղջիկը 4 տարեկան է: Նա դեռ չի հասկանում, թե ինչպես է գումար վաստակում իր մայրը. «Ես անգամ մեր շենքում շատ «ակուրատնի» եմ ինձ պահում, որ ոչ ոք գլխի չընկնի: Բայց ինչքա՞ն կարող եմ թաքցնել, նորմալ հագնվում եմ, ոչ մի բանս պակաս չի, բայց, դե, մի օր կիմանան: Համ էլ սենց ամբողջ օրը փողոցներում եմ, մի օր կտեսնեն երեւի: Ոչ մեկն էլ էսօր էշ չի, սաղ էլ հասկանում են, ես էլ եմ հասկանում, որ մի օր աղջիկս էլ կիմանա՝ ինչ եմ անում ես, բայց ավելի լավ է չիմանա, հույս ունեմ, որ չի իմանա։ Ինքը հիմա գիտի՝ մաման վարսավիր ա, գնում ա մարդկանց տները՝ մազ սարքելու»: Չնայած տանից ծպտված է դուրս գալիս, որ հարեւաններից ոչ ոք իր աշխատանքի մասին չիմանա՝ Մառան մեզ հետ զրույցում հավաստիացնում էր, որ չի ամաչում իր աշխատանքից: Ավելին, նրա խոսքերով. «Կարելի ա ասել՝ հիմա բոլորն էլ պուտանկա են դառել, բայց տակից են էդ անում, մենք ենք, որ ամեն ինչ բաց ենք անում: Կարող ա՞ իրանք մեզանից լավն են, ումի՞ց եմ պակաս, որ ես փողոցում եմ»: Այնուամենայնիվ, Մառան իր ողջ կյանքը չի պատրաստվում փողոցում անցկացնել՝ մարմինը վաճառելով. «Չեմ մտածում, որ միշտ սրանով եմ զբաղվելու: Արդեն քանի տարի ա՝ էս գործին եմ, բայց չեմ կարում մի քիչ փող հետ գցեմ ու տուն առնեմ: Եթե տան վարձը չլիներ, ո՞վ էր փողոց դուրս եկողը: Կգնայի, օրը 1000-2000 դրամով կաշխատեի: Հիմա ամեն ինչ իմ վրա ա, չեմ կարող ըտենց ցածր աշխատավարձով տան վարձ տալ, լույսի, գազի, ջրի կամ էլ զիբիլի գումար տալ, դայակ էլ եմ պահում, որ երեխուս հետ նստի, մինչեւ ես գնամ փողոց ու հետ գնամ: Էդ սաղ փող ա, չէ՞»:
Բնակարանի հարցով Մառան մի քանի անգամ դիմել է Երեւանի քաղաքապետարան. «Ողբերգական նամակ էի գրել, ներկայացրել էի՝ ես ով եմ, ինչ եմ անում ու ինչ եմ ուզում, բայց ինձ բանավոր ասեցին՝ գնա գործիդ, քաղաքապետարանը քո համար հարցեր լուծելու տեղ չի: Ինչի՞, ես էս երկրի քաղաքացի չե՞մ: Գնացել եմ նաեւ նախագահ Ռոբերտ Քոչարյանի մոտ, բայց դարպասների մոտ հավաքված էդ հաստավիզներն ինձ լարեցին էնտեղից: Իրանց ոչ մի բան հետաքրքիր չի, ամեն մեկն իր հացի մասին է մտածում կամ էլ աթոռի կռիվ ա տալիս, ոչ մեկը մեր մասին չի մտածում: Գոնե կիսաքանդված հանրակացարանում մի հատիկ սենյակ տան, թեկուզ քաղաքից դուրս, բայց մենք ոնց որ գոյություն չունենք, բոլորը մեզ արհամարհում են»:
Մարմնավաճառների շուկայում Մառան աշխատում է միայն ցերեկը, իսկ երեկոյան գնում է տուն: Պատճառն այն է, որ այդ տարածքը «նայող» կա, որին մյուս մարմնավաճառները փող են մուծվում՝ օրվա բաժնից: Իսկ ցերեկվա կանգնելու համար «տարածքի հսկիչը» տոկոս չի ուզում: Ոստիկանների հետ Մառան նույնպես չի համագործակցում: Մեր հարցին, թե այդ դեպքում ոստիկաններն ինչպե՞ս չեն տանում բաժին՝ «ցերեկային մարմնավաճառները» պատմեցին, որ նրանց հետ հարցերը լուծելու իրենց ձեւերն ունեն, բանակցում են, հետո մի ժամը նվիրում են նրանց ու այդքանով հարցը փակվում է: Մառայի պատմելով՝ իր հաճախորդների մի մասը հենց ոստիկան է. «Իրանք, սովորաբար, երբ գալիս են մեր մոտ, տանում են հոթել, վկայականը ցույց են տալիս, իբր թե պետք է վախենաս, որ բռնվեցիր, բայց մենք հո գիտենք ինչ է պետք անել, շուստրի ենք, ասում եմ՝ փողերդ մուծվի, գործդ արա-գնա, վկայականդ փաթթած ունեմ, ստեղ բերելուց չգիտեի՞ր ես ով եմ: Էդ ժամանակ ձենները կտրում են»:
Հարցին, թե այս տարիների ընթացքում չի՞ սիրահարվել հաճախորդներից որեւէ մեկին, Մառան քմծիծաղով ասաց. «Ո՞ւր էր նորմալ տղամարդ, որ սիրահարվեի, տենց բան բացառվում ա»:
«Մայամիի» հարեւանությամբ գործող մարմնավաճառների շուկայի «աշխատակիցներից» է նաեւ 32-ամյա Աննան: Նա արդեն 4 տարի այդպես է գումար վաստակում՝ երկու երեխաներին պահելու համար: Նրա հետ 1 ժամը 7 հազար դրամ է, բայց դա՝ նոր հաճախորդների համար, իսկ մշտականներին նա զեղչով է սպասարկում՝ մինչեւ 5 հազար դրամ: «Ես մի քիչ անհաջող տուն էի հարս գնացել, ամուսինս մի օր ասում էր՝ գնա հարեւաններից ցորեն ուզի, մյուս օրը՝ լավաշ ուզի, երրորդ օրը՝ կարտոշկա: Ամբողջ օրը գնում էի ստեղ-ընտեղ քոծություն էի անում, իրանց ընտանիքի պարտքերն էի փակում, երբ իրան էլ ասում էի գնա մի տեղ աշխատի, հեսա երեխա ենք ունենալու՝ հետս կռվում էր: Առաջին երեխեն ունենալուց հետո, երբ մի քանի ամսական էր աղջիկս, աղիքային ինֆեկցիա էր, համարյա մեռած էր, ես մենակս ձեռքերիս մեջ նրան հասցրեցի Աշտարակի հիվանդանոց, ոնց որ հեր չուներ: Բժիշկները աղջկաս հազիվ հետ բերեցին: Հետո հերն եկավ հիվանդանոց, ասեց, դե աղջիկ էր, էլի, թողեիր մեռներ-գնար, ինչի էիր ըտենց ոտ ու ձեռ ընկել: Ես արդեն երկրորդով հղի էի, բայց էդ ինձ չկանգնացրեց, կատաղեցի, էդքան օրերի կուտակված ջղայնությունս թափեցի, երեխայիս վերցրեցի-եկա մամայիս տուն՝ Մալաթիա: Մի քանի տարի տենց ապրեցի, գնում էի յառմռկում առավոտից իրիկուն քոծություն էի անում, մաքրում էի: Մամայենքս տունը ծախեցին, գնացին Ֆրանսիա, ես էլ մնացի դրսերը, չգիտեի ինչ անել, երեխեքը դոշիս մի քանի ամիս բորդյուրներին եմ քնել: Հետո խելքի եկա, տուն վարձեցի ու սկսեցի աշխատել սենց՝ փողոցում»,- պատմեց Աննան: Նա իր երեխաներին օրերով չի տեսնում ու տանջվում է կարոտից: Աննայի աղջիկը 12 տարեկան է, տղան՝ 11: Նրանք գիշերօթիկ դպրոցում են ապրում. «Երեխեքս գիտեն, թե մինչեւ հիմա էդ յառմռկում քոծություն եմ անում: Ավելի լավ, որ տենց գիտեն, Աստված տա երբեք էլ չիմանան ինչ եմ անում՝ իրանց պահելու համար: Հենց էդ ժամը գալիս ա, որ պիտի դուրս գամ փողոց, մտքումս ասում եմ, գոնե ոտքերս ջարդվեն, որ էլ չգնամ: Բայց էդ փողերն ինձ պետք են: Ես էլ եմ վարձով ապրում, ամսական 30 հազար մենակ դրա վարձն եմ տալի, չհաշված մնացածը: Հավաքարարությամբ կամ դրա նման մի բանով չեմ կարողանա երեխաներիս ուտելիքով ապահովել, համ էլ տան վարձ տալ: Գիտեմ, եթե այսօր կլիենտ չունեցա՝ վաղը երեխեքս սոված են մնալու: Էս քանի օրը ոչ մեկը չէր գալիս, հենա երեկ մեկին փշի-փշի անելով, գուրգուրելով հազիվ տարել եմ, որ էսօր հաց առնեմ, որ կարանամ շաբաթ-կիրակի երեխեքին կերակրեմ: Որ երեխաներիս տեսնեք՝ հեչ չեք ասի, որ իմն են, շատ խելացի ու սիրուն բալիկներ են, փառք Աստծու, հեչ ինձ ու իրանց պապային չեն քաշել: Իսկ հերը գոնե մի անգամ ձեւի համար չի եկել կամ չի էլ զանգել, որ իմանա մենք ոնց ենք»:
Հարցին՝ հաճախորդների կողմից երբեւէ բռնություններ եղե՞լ են՝ Աննան պատասխանեց. «Դե, իհարկե, լինում են, մի քիչ քեզ սխալ պահես՝ միանգամից կօգտվեն առիթից ու հերդ կանիծեն»:
48-ամյա Ռիման մարմնավաճառուհու 5 տարվա «ստաժ» ունի: Նա իր ծառայությունների դիմաց առավելագույնը 5000 դրամ է ստանում՝ 1 ժամի համար: Նա նույնպես փողոցում է հայտնվել, իր խոսքերով՝ անհաջող ամուսնությունից հետո: Երկար տարիներ երեխա չի ունեցել ու ամուսինը բաժանվել է իրենից: «Առաջ հիվանդանոցում սանիտարկա էի աշխատում, բաժանվելուց հետո երբ սկսեցի վարձով ապրել, մի քանի տեղ էի աշխատում, բայց էլի չէի կարում ծերը ծերին հասցնել: Մեկ-մեկ սկսեցի փողոց դուրս գալ ուշ ժամերին, տեսա կլիենտ գալիս է, սկսեցի ամեն օր դուրս գալ: Սկզբում գումարներից ոգեւորվեցի ու ավելի ու ավելի էի ձգտում փողոց դուրս գալ: Բայց հետո հասկացա, որ կյանքս կործանում եմ»,- պատմեց Ռիման: Պատահե՞լ է, որ սիրահարվեք կլիենտին՝ այս հարցին ի պատասխան Ռիման ծիծաղեց. «Ո՞նց կարող ես սիրահարվել, մենակ հասցնում ես կլիենտների հետ շփվել: Իրանց հետ ոչ մի բան չես զգում, մեխանիկորեն ես ամեն ինչ անում, իսկ տենց չեն սիրահարվում: Պետք ա շփվես, ճանաչես, համակրելով սեքս անես, որ բան հասկանաս, հետո նոր սիրահարվես: Բացառվում ա, որ մարմնավաճառը կլիենտի վրա սիրահարվի կամ էլ իրան սիրահարվեն, էդ սաղ հեքիաթներ են»:
«Մայամիի» տարածքում գործող մարմնավաճառների խմբակի, այսպես կոչված, «մեծը» 30-ամյա Սիրանն է: Նա չասաց, թե որքան արժեն իր ծառայությունները՝ «վախտը գիտի, մեկ էլ իմ հավեսը»: Սիրանը փոքր երեխա ունի, դրա համար էլ «գործի» դուրս է գալիս բացառապես միայն կեղծամով ու կերպարանափոխող շպարով. «Ես մի բան կասեմ, էն հայտարարությունները, որ տալիս են` բարետես արտաքինով, էսքանի-էսքան չափանիշներով, էլ չեմ խոսում լեզուների ու չգիտեմ ինչերի իմացությունը, էդ գործերը մեր համար չեն: Սաղի մերերը հնարավորություն չեն ունեցել իրենց երեխեքին բարձրագույն կրթություն տալու, հիմա մենք կրա՞կն ենք ընկել: Դրա համար էլ ստիպված դուրս ենք եկել մեր եղած-չեղածով գումար առնելու։ Ոչ մեկին վնաս չենք տալիս, հակառակը՝ օգուտ ենք տալիս՝ մանավանդ հոթելներին: Ընենց անկապ աշխատանքով ամենաշատը օրական կկարողանայի 2000 դրամ հետ գցել, 1000 դրամ էլ օրվա ուտելիքի համար, բայց ես տենց ոչ մի բանի չէի հասնի: Իսկ սենց հեսա տուն կառնեմ ու կգնամ սովորական աշխատանք անելու, որ երեխես մեծանա ու ինձանից չամաչի, մի քանի տարի հետո ո՞վ ա մեզ հիշողը, բոլորին էլ տենց մոռանում են: Ո՞ւմ ա դուր գալիս, որ իրան մատով են ցույց տալիս, ինձ էլ դուր չի գալիս, բայց ինչ անեի, որ չէի կարա ավելի բարձր տեղերից բռնացնել, շեֆերին կպցնեի: Ոչ էլ մասնագիտություն ունեմ, որ գլուխս կախ աշխատեի»:
Մարմնավաճառներն ու օբյեկտները
Սովորաբար, մարմնավաճառներն ինչ-որ կոնկրետ հոթելի հետ են համագործակցում եւ իրենց հաճախորդներին միայն այդտեղ են տանում: Մառան «Առավոտի» հետ զրույցում պատմեց, որ իրենք նախկինում համագործակցում էին հենց «Մայամիի» հետ. «Իրանց շեֆը մեր հետ լավ էր, շուտ-շուտ կանչում էր մեզ հաց ուտելու: Բայց հենց 2-րդ հարկը սարքեց՝ մեզ արդեն վերեւից էր նայում, մուննաթով էր խոսում: Ես էլ նեղացա ու էլ չտարա կլիենտիս իրա մոտ: Գիտե՞ք, հենց ռեյդ ա լինում ու աղջիկներին հավաքում-տանում են՝ հոթելների գործը կանգնում է, այնպես որ՝ իրանց էլ է ձեռնտու մեր հետ լավ լինել»: Շատ մոթելներ կան, որոնք ստեղծվել են՝ հատուկ մարմնավաճառների համար: Որոշ օբյեկտներ հենց իրենք են հաճախորդ գրավելու համար ներքին կարգով նրանց ապահովում սեփական մարմնավաճառներով: Ըստ շրջանառվող լուրերի, նման օբյեկտ է Բաղրամյան փողոցում գտնվող «Ինջոյ» հոթելը: Ինչպես ճշտեցինք, «Ինջոյում» 1 սենյակը 3 ժամով զբաղեցնելն արժե 5 հազար դրամ, «լյուքս» համարը՝ 9000 դրամ, իսկ ողջ գիշերվա համար սովորական հարմարություններով սենյակի վարձը 12 հազար դրամ է: Հյուրանոցի տնօրեն եւ սեփականատեր Սպարտակ Մխիթարյանը մեզ հետ զրույցում հերքեց, որ իրենք «աղջիկ» են տրամադրում: Նրա խոսքերով՝ «Մենք նույնիսկ մենակ աղջիկներին արգելում ենք մտնել մեր օբյեկտ, աղջիկների մուտքը մեզ մոտ սահմանել ենք միայն զույգի հետ, որովհետեւ ցանկացած աղջիկ տեղով շառ է ու միանշանակ խուսափում ենք թե՛ նրանց մատուցած ծառայություններից, թե՛ նրանց բերած եկամուտներից: Մարմնավաճառները ոստիկանների հետ համագործակցում են ու կարող են հանգիստ մի օր գլխներիս սարքել, դրա համար էլ աշխատում ենք որքան հնարավոր է նրանցից հեռու մնալ»: Ս. Մխիթարյանը չժխտեց, որ հաճախ իրենց օբյեկտից օգտվում են Բաղրամյան փողոցում կանգնող մարմնավաճառները, բայց նրանք «Ինջոյ» մտնում են միայն իրենց հաճախորդների հետ. «Առաջ այդ տարածքում միայն մենք էինք, ու Բաղրամյանի մարմնավաճառները, բնականաբար, մենակ այստեղ էին գալիս, հետո օբյեկտները վերջին տարիներին շատացան, ու հիմա մրցակցությունը շատ մեծ է»:
Ըստ լուրերի, Պռոշյանի մարմնավաճառներին սպասարկում է «Այգեձոր» հոթելը, հրապարակի մարմնավաճառներին՝ Վազգեն Սարգսյանի փողոցում գտնվող «Սենյոր» օբյեկտը: Նման օբյեկտների թիվը Հայաստանում օր օրի ավելանում է, մեծանում է նաեւ դրանց պահանջարկը:
- ԱՆՈՒՇ ԽԵՉՈՅԱՆ
Քննարկում
ARMEN գրել է:
Ամո՛թ մեր պետության, ամո՛թ մեր համաքաղաքացիներին: Մարմնավաճառությունը ամեն տեղ կա, բայց չափերն են տարբեր: Աղջիկներին ու կանանց չեմ կարող բան ասել, ոչ էլ իրավունք ունեմ դատելու:
Այդ այլանդակ երևույթի դեմ պայքարելու ձև կա՝ կոչվում է զարգացած տնտեսություն, 3-4 տոկոս տատանվող գործազրկություն, աշխատանքային տեղերի ապահովում: Այն, ինչ կարճ ժամանակով մենք ապրել ենք 1965-1980 թթ.:
Բայց եթե մեր պետությունը չի ուզում կեղտոտ և անշնորհակալ աշխատանք կատարել, այսինքն, վերականգնել արդյունաբերությունը և գյուղատնտեսությունը, ապա ես ի՞նչ ասեմ: Միայն բանկային ծառայություններով ու սպասարկման ոլորտը զարգացնելով երկիր չես պահում:
Adan գրել է:- Vahan NY
Մարմնավաճառության հալր՝ լեվոն տեր պետրոսյան:
XI?, ARA,
LEVONY MORD ARAJI KLENTNERIC A EXEL?- Vahan NY
- ARMEN գրել է:
Հայրենակիցներ, դուք իրոք ինֆանտիլ սենտիմենտալիզմով եք տառապում:
Լուրջ հարցի մասին է հոդվածը, որի դեմ համայն աշխարհում պայքար ա գնում, երկրները բյուջեից փող են ծախսում, որպեսզի կին կամ տղամարդ իր մարմինը վաճառելու տեղ ուսում ստանա ու աշխատի, իսկ դուք, անտեսելով հարցի էությունը, էլի ձեր էշն եք առաջ քշում: Արա, բա էն կանաց համար կարևոր ա, թե Լևոնն ա, թե Սերժը: Նրանց համար կարևոր ա, որ նորմալ գործ ունենան, աշխատեն, իրանց երեխաներից չամաչեն, դուք էլ ստեղ անձնական նախասիրություններ եք առաջ բերում:
Հիմա եթե մեկդ 1995 թ. գրիպով էր հիվանդ՝ Լևո՞նն ա մեղավոր: Իսկ եթե 2001 թ. գրիպ ընկար, ուրեմ՝ Քոչարյաննի մեղքն ա՞: Դմբոնե՛ր: 
Vahag գրել է:- ARMEN
Ամո՛թ մեր պետության, ամո՛թ մեր համաքաղաքացիներին: Մարմնավաճառությունը ամեն տեղ կա, բայց չափերն են տարբեր: Աղջիկներին ու կանանց չեմ կարող բան ասել, ոչ էլ իրավունք ունեմ դատելու:Այդ այլանդակ երևույթի դեմ պայքարելու ձև կա՝ կոչվում է զարգացած տնտեսություն, 3-4 տոկոս տատանվող գործազրկություն, աշխատանքային տեղերի ապահովում: Այն, ինչ կարճ ժամանակով մենք ապրել ենք 1965-1980 թթ.:
Բայց եթե մեր պետությունը չի ուզում կեղտոտ և անշնորհակալ աշխատանք կատարել, այսինքն, վերականգնել արդյունաբերությունը և գյուղատնտեսությունը, ապա ես ի՞նչ ասեմ: Միայն բանկային ծառայություններով ու սպասարկման ոլորտը զարգացնելով երկիր չես պահում:
Բա որ պայքարեն դրա դեմ ով պիտի շահույթ ստանա,երևի ինձանից լավ գիտես որ շատ մեծ փողերի մասինա խոսքը գնում:- ARMEN
- ARMEN գրել է:
- Vahag
Էտ դու ես տենց մտածում,բայց ով որ այդ բիզնեսի մեջա փողից բացի աչքին ուրիշ բան չի երևում ու որ իրան պետք լինի կտանի Դուբայներում կծախի:Դժվար թե ինձ հետ համաձայն չլինես:
Բայց պոռնիկները ավելի մեղավոր են,ամեն մարդ ինքնա պատասխանատու իր արարքների համար:Իրանք են մեղավոր որ էտ օրին են չեն ուզում մի քիչ աշխատեն,վատ կզգան որ մի քիչ ճռռան,բայց մաքուր կյանքով ապրեն,ընենց որ Արմեն ջան իրանք են մեղավոր որ այդ օրին են:
Կավատ անողն ու պոռնիկը մեղք ունեն, անմեղ մարդ չկա, խուսաթենք իրար դատելուց:
Այո՛, կարող էին հավաքարար աշխատել, բայց երեխեքին կկարողանայի՞ն պահել այդ փողով: Չեմ կարծում:
Բացի այդ, պատկերացրու, որ դրանց տեղը մեր հարազատներից մեկը լիներ: Դրա համար մենք մեզ պիտի վատ զգանք:
1793 թ. Իտալիայում մահացել է մի լեհ հարուստ ազնվական: Հարուստ ասելով՝ նկատի ունենք հենց հարուստ: Նա իր ԱՄԲՈՂՋ ունեցվածքը կտակել էր Հռոմի պոռնիկենրին՝ այն պայմանով, որ այդ փողով կառուցվեն արհեստավորաց տներ, որտեղ այդ կանանց համար լինեն կենցաղային և աշխատանքային պայմաններ, մի հանրակացարան: Բացի այդ՝ նրանց երեխաներին այդ փողով պետք է տրվեր կրթութոյւն, իսկ եթե այդ կանանցից մեկը ուզենար վանք գնա՝ ապա նրա հարազատներին պետք է թոշակ վճառվեր: - Vahag
- Vahag գրել է:
- ARMEN
Կավատ անողն ու պոռնիկը մեղք ունեն, անմեղ մարդ չկա, խուսաթենք իրար դատելուց:
Այո՛, կարող էին հավաքարար աշխատել, բայց երեխեքին կկարողանայի՞ն պահել այդ փողով: Չեմ կարծում:
Բացի այդ, պատկերացրու, որ դրանց տեղը մեր հարազատներից մեկը լիներ: Դրա համար մենք մեզ պիտի վատ զգանք:
1793 թ. Իտալիայում մահացել է մի լեհ հարուստ ազնվական: Հարուստ ասելով՝ նկատի ունենք հենց հարուստ: Նա իր ԱՄԲՈՂՋ ունեցվածքը կտակել էր Հռոմի պոռնիկենրին՝ այն պայմանով, որ այդ փողով կառուցվեն արհեստավորաց տներ, որտեղ այդ կանանց համար լինեն կենցաղային և աշխատանքային պայմաններ, մի հանրակացարան: Բացի այդ՝ նրանց երեխաներին այդ փողով պետք է տրվեր կրթութոյւն, իսկ եթե այդ կանանցից մեկը ուզենար վանք գնա՝ ապա նրա հարազատներին պետք է թոշակ վճառվեր:
Չէ Արմեն թող հավաքարար աշխատի,թող նեղության մեջ ապրի,չի մտածում որ վաղը իրա երեխան մեծանալուա (աղջիկ երեխայի մասինա խոսքս գնում) մոր նման պոռնիկ պիտի լինի քանի որ մորից ուրիշ բան չի տեսել որ սովորի,իսկ տղա երեխեքը կամ պիտի ամոթից գլուխները կոխեն ավազի մեջ ու տենց ապրեն կամ էլ երբեմն պատահումա թքում են ծնողի վրա ու տանից հեռանում:ՈՒ այս ամբողջի մեղավորը միայն ծնողնա:Արմեն իմ,քո, մեր ընկերների մայրերը հո բոլորը տնօրեն չեն աշխատում,բայց արժանավայել են ապրում:Դժվար թե չհամաձայնվես:
Ճիշտ է երբեմն բացառություններ էլ են լինում,բայց քիչ:
Կամ Արմեն կարողա 15 տարեկան աղջիկները չեն ք....ում,զուտ կայֆ ստանալու համար,փորցում են մեկ անգամ հետո մի հատ ել ու դրանից հետո տռաս են կայնում,ըտենց պոռնիկները մեծամասնություն են:
Արմեն մի 2 ամիս առաջ Տերյանի վրա կանգնած մարդ էի սպասում,մեկ էլ մեկը մոտիկացավ մոտ մի 16-18 տարեկան տղա բա ապեր ինձ հացի փող կտաս:Դե արի ու մի ասա ֆիզիկականտ տեղնա հոգեկանտ խանգարված չի,գնա աշխատի,բանորություն արա,ես ել եմ բանորություն արել, բա որպեսզի աշխատանքիտ մեջ հաջողության հասնես պետք է աստիճանը սկզբից բարձրանաս: - ARMEN
- ARMEN գրել է:
- Vahag
Չէ Արմեն թող հավաքարար աշխատի,թող նեղության մեջ ապրի,չի մտածում որ վաղը իրա երեխան մեծանալուա (աղջիկ երեխայի մասինա խոսքս գնում) մոր նման պոռնիկ պիտի լինի քանի որ մորից ուրիշ բան չի տեսել որ սովորի,իսկ տղա երեխեքը կամ պիտի ամոթից գլուխները կոխեն ավազի մեջ ու տենց ապրեն կամ էլ երբեմն պատահումա թքում են ծնողի վրա ու տանից հեռանում:ՈՒ այս ամբողջի մեղավորը միայն ծնողնա:Արմեն իմ,քո, մեր ընկերների մայրերը հո բոլորը տնօրեն չեն աշխատում,բայց արժանավայել են ապրում:Դժվար թե չհամաձայնվես:
Ճիշտ է երբեմն բացառություններ էլ են լինում,բայց քիչ:
Կամ Արմեն կարողա 15 տարեկան աղջիկները չեն ք....ում,զուտ կայֆ ստանալու համար,փորցում են մեկ անգամ հետո մի հատ ել ու դրանից հետո տռաս են կայնում,ըտենց պոռնիկները մեծամասնություն են:
Արմեն մի 2 ամիս առաջ Տերյանի վրա կանգնած մարդ էի սպասում,մեկ էլ մեկը մոտիկացավ մոտ մի 16-18 տարեկան տղա բա ապեր ինձ հացի փող կտաս:Դե արի ու մի ասա ֆիզիկականտ տեղնա հոգեկանտ խանգարված չի,գնա աշխատի,բանորություն արա,ես ել եմ բանորություն արել, բա որպեսզի աշխատանքիտ մեջ հաջողության հասնես պետք է աստիճանը սկզբից բարձրանաս:
Եթե ՏՂԵՔՆ են արդեն մուրացկանություն անում՝ ուրեմն, իմ՝ Հայաստան գալու ժամանակն ա եկել: Սպասե՛ք, գալիս եմ, ամեն ինչը դզեմ: Դիմացե՛ք, մինչև գալս: - Vahag
- Vahag գրել է:
- ARMEN
Եթե ՏՂԵՔՆ են արդեն մուրացկանություն անում՝ ուրեմն, իմ՝ Հայաստան գալու ժամանակն ա եկել: Սպասե՛ք, գալիս եմ, ամեն ինչը դզեմ: Դիմացե՛ք, մինչև գալս:
Արի բարով գաս,բայց զգուշ չհիասթափվես: - ARMEN
14 օր առաջ | 
ՀԱՆՈՒՆ ԻՐԱԿԱՆ ԲԱՐԵՓՈԽՈՒՄՆԵՐԻ
1«Մենք մշտապես առաջնորդվել եւ այսուհետեւ եւս առաջնորդվելու ենք քաղաքական պայքարի ընդունված կանոններով, գործել եւ այսուհետեւ եւս գործելու ենք բացառապես օրենքի շրջանակներում՝ ի տարբերություն իշխող ...ՎԵՐԵՎԻՆՆԵՐԸ ՉԵ՞Ն ԿԱՐՈՂԱՆՈՒՄ, ՆԵՐՔԵՎԻՆՆԵՐԸ ՉԵ՞Ն ՈՒԶՈՒՄ
ՄԱՐԳԱՐԻՏ ԵՍԱՅԱՆՀամաժողովրդական շարժման 2-րդ կոնգրեսի աշխատանքներին մարդիկ հետեւում էին ոչ միայն լեփ-լեցուն դահլիճում, այլեւ կառավարության նիստերի դահլիճին հարող ոչ պակաս լեցուն բոլոր միջանցքներում: Ընդհատակից դուրս ...ՀԱՆՐԱՀԱՎԱՔ՝ ԴԱՀԼԻՃՈՒՄ
ԱՆՆԱ ԻՍՐԱՅԵԼՅԱՆ 5Այսպիսին էր երեկ կառավարության նիստերի դահլիճում անցկացված Համաժողովրդական շարժման 2-րդ կոնգրեսի մթնոլորտը: Համաժողովրդական շարժման 2-րդ կոնգրեսի սկզբից դեռ 1 ժամ առաջ կառավարության նիստերի դահլիճի առջեւ ...ԱՄՆ ՊԵՏԴԵՊԸ՝ ՀԱՅԱՍՏԱՆ-ԻՐԱՆ ՀԱՐԱԲԵՐՈՒԹՅՈՒՆՆԵՐԻ ՄԱՍԻՆ
ԱՄՆ պետդեպարտամենտը աշխարհում ահաբեկչության դեմ պայքարի մասին վերջին տարեկան զեկույցում հատուկ առանձնացրել է Իրանի եւ Հայաստանի միջեւ ջերմացող հարաբերությունները եւ հիշատակել 2007-ի հոկտեմբերին Իրանի ...ԱՌԱՆՑ ԱՐՏԱՔԻՆ ՔԱՂԱՔԱԿԱՆՈՒԹՅԱՆ
Ն. Գ.«Մենք առայսօր իրականացրել ենք արտաքին հարաբերություններ, արտաքին քաղաքականություն չենք ունեցել. չունենք նաեւ այսօր»,- երեկ «Հայելի» ակումբում նման հայտարարությամբ հանդես եկավ ԼՂՀ ...«ՆԱԻՐԻՏՆ» ՈՒ «ՊՐՈՄԵԹԵՅ ՔԻՄՊՐՈՄԸ» ՎՏԱՆԳԱՎՈ՞Ր ԵՆ
ԳԱՅԱՆԵ ՍԱՀԱԿՅԱՆԸստ բնապահպանական ոլորտի պատասխանատուների, օդի մեջ հայտնաբերված վնասակար արտանետումների «մեղավորը» մայրաքաղաքի ու Վանաձորի քիմիական գործարաններն են: Երեւանում եւ Վանաձորում օրերս էկոլոգները ...«ՍՓՅՈՒՌԻՑ» ԳՈՂԱՑԵ՞Լ ԵՆ
ՆԵԼԼԻ ԲԱԲԱՅԱՆԸնկերության տնօրենը վստահեցնում է, որ իրենց ինֆորմացիան անօրինական արտատպում են Նորաստեղծ www.abc.am հայտարարությունների կայքն իրեն ավելորդ նեղություն չի տվել եւ ինֆորմացիա հավաքելու համար դիմել է հեշտ ...«ՕՐԻՆԱԿ ՎԵՐՑՐԵՔ ՍԵՐԺ ՍԱՐԳՍՅԱՆԻՑ»
Ն. ԳՐԻԳՈՐՅԱՆԱսում են իշխանական երիտասարդներն ընդդիմադիր լիդերներին Մեկ-երկու ամսից լրանում է Հայաստանի երիտասարդական կուսակցության հիմնադրման տասնամյակը: Տասնամյակի նախօրեին կկայանա կուսակցության համագումարը, որտեղ ...ԲԱՐԵԽԻՂՃ ԳՆՈՐԴԻՆ ՎՏԱՐՈՒՄ ԵՆ ԻՐ ԲՆԱԿԱՐԱՆԻՑ
ԳՐԻՇԱ ԲԱԼԱՍԱՆՅԱՆՊատճառը բնակարանի նախկին սեփականատիրոջ մորեղբոր որդու արարքն է, ինչն ուղղակիորեն անդրադարձել է նոր սեփականատիրոջ վրա: Սոնա Սրմաբեկյանը հանդիսացել է Երեւանի Արարատյան փողոցի թիվ 64 շենքի 26 բնակարանի ...«ՄՈՒԿ ԳՆԵԼՈՒ ՀՆԱՐԱՎՈՐՈՒԹՅՈՒՆ ՉՈՒՆԵՆՔ»
ԵՎԱ ՀԱԿՈԲՅԱՆԱկադեմիայի միջոցներից դժգոհեց ԳԱԱ նախագահ Ռադիկ Մարտիրոսյանը «Առաջին դեպքն է, երբ հանրապետության նախագահն ու վարչապետը միասին էին ներկա մեր ժողովին: Այստեղից կարելի է եզրակացնել, որ գիտության նկատմամբ ...ԵՐԵԽԱՆԵՐԸ ՆՈՐ ՏՈՆԵՐ ԵՆ ՈՒԶՈՒՄ
ՏԱԹԵՎ ՀԱՐՈՒԹՅՈՒՆՅԱՆՑանկանում են, որ լինեն Արդարության, Հայերի, Ուրախության եւ Հայրության տոներ եւս «Առավոտը» փոքրիկ հարցախույզ կատարեց ՀՀ հանրակրթական դպրոցների աշակերտների շրջանում, պարզելու, թե ի՞նչ տոներ ...«ՍԻՓԱՆԱ ՔԱՋԵՐԻ» ՈԴԻՍԱԿԱՆԸ
Ս. ԴԱՆԻԵԼՅԱՆՏարիների ձգձգումից հետո կոմպոզիտոր Նուբար Ասլանյանի այս ստեղծագործությունը վստահվեց Հայաստանի պետական երիտասարդական նվագախմբին: «Առավոտը» իսրայելաբնակ կոմպոզիտոր Նուբար Ասլանյանից ստացել ...ՄՇԱԿՈՒԹԱՅԻՆ ԽՃԱՆԿԱՐ
Պատրաստեց Ե. ՀԱԿՈԲՅԱՆԸ«Բանվորն ու կոլտնտեսուհին» «կհեռանան» Ինչպես Հայաստանում են շատ արձաններ ավելորդ ու ժամանակավրեպ համարվում եւ ապամոնտաժվում, նույնն էլ կատարվում է ԽՍՀՄ նախկին հանրապետություններում, ...ԼԵՌՆԱՅԻՆ ՂԱՐԱԲԱՂԻ ԽԱՂԱՂ ԳՈՐԾԸՆԹԱՑ
Ամեն ինչ մեր ձեռքում է Նախորդ հոդվածում («Լրագիր», 7.04.08, «Հայկական ժամանակ», 8.04.08) ես անդրադարձել էի Լեռնային Ղարաբաղի հակամարտության կարգավորման շուրջ ձեւավորված նոր իրողություններին, ...ԵՂԲԱՅՐ ԵՆՔ ՄԵՆՔ
ԳԵՂԱՄ ԲԱՂԴԱՍԱՐՅԱՆ «Դեմո» հանրային թերթ Ստեփանակերտ 7Ղարաբաղցի մտավորականի խոհերը «Հայաստանցի-ղարաբաղցի» տարաբաժանումը վերջին ժամանակներս անցել է հատվածային մտածելակերպի թույլատրելի բոլոր սահմանները եւ վերածվում է անջրպետի, ինչը չի կարող չտագնապեցնել ...ՄԵՆԱԿ ՄԵԿ ՀԱՅԱՍՏԱՆ ԿԱ, ԱՆ ԱԼ ՀՈՍ Է
ՀՐԱՉՅԱ ՄԱԹԵՎՈՍՅԱՆ Հայաստանի մտավորականների ֆորումի ավագանու անդամՀրապարակախոսի հայացքով Աստծո զորությամբ՝ էլի դարեր, հույս ունենանք՝ մեզ սովոր օր ու դարերի նման՝ նույնալիք հազարամյակներ կանցնեն, շատ բան կիմանանք, շատ բան էլ չենք իմանա, կկորցնենք ու կմոռանանք, բայց ...ԵՐԱԶՈՒՄ ԵՆ ՀԱՐՈՒՍՏ ՍԻՐԱԾ ՃԱՐԵԼ ՈՒ ԷԼ ՓՈՂՈՑ ԴՈՒՐՍ ՉԳԱԼ
ԱՆՈՒՇ ԽԵՉՈՅԱՆ 11Մարմնավաճառները Մայրության եւ գեղեցկության միամսյակը տոնել են ինչպես միշտ՝ փողոցում տղամարդկանց սպասարկելով: Արդեն քանի տարի է՝ Բագրատունյաց փողոցում՝ «Մայամի» ռեստորանային համալիրի հարեւանությամբ, ...«ՍԵՐԺԱԿԱՆ» ԵՎ «ԼԵՎՈՆԱԿԱՆ» ԳՈՐԾԱՐԱՐՆԵՐԸ
Հ. ՋԵԲԵՋՅԱՆՈվքե՞ր եւ ինչո՞ւ են սատարում իշխանական թեկնածուին, կամ հանրահավաքներին մասնակցելն ի՞նչ ճակատագրական հետեւանքներ է ունենում բիզնեսմենների համար: ՀՀ նախագահ Սերժ Սարգսյանի կողքին նախընտրական շրջանում բավականին ...ՀԵՂՈՒԿ ԳԱԶԻ ԴԵՖԻՑԻՏ՝ ՀԱՅԱՍՏԱՆՈՒՄ
ԳԱՅԱՆԵ ՍԱՀԱԿՅԱՆՆերկրողներն օրի օրի թանկացնում են այդ գազը՝ պատճառաբանելով, որ պահանջարկ չկա, օգուտ չեն ունենում: Նախորդ ամսվա ընթացքում Հայաստանում 8-9%-ով թանկացել է հեղուկ գազը: Ներկրողները հեղուկ գազի գնաճը պայմանավորում ...500 ԴՐԱՄԱՆՈՑ ՕՂԻ ՉԻ ԿԱՐՈՂ ԼԻՆԵԼ
ԳԱՅԱՆԵ ՍԱՀԱԿՅԱՆՀայաստանում կոնյակի, գինու եւ օղու կեղծարարները, բացի խաղողի ու ցորենի մաքուր սպիրտից, օգտագործում են ինչ պատահի՝ շաքար, սննդային ներկեր, արոմատիկ նյութեր, անհայտ ծագումով էժանագին սպիրտներ, իսկ մի քանի ...ԴՈԼԱՐԻ ԿՈՒՐՍԸ ԵՐԲ ՈՒԶՈՒՄ՝ «ԼՈՂԱՑՆՈՒՄ» ԵՆ
ՀՌԻՓՍԻՄԵ ՋԵԲԵՋՅԱՆՈրքան էլ փոխարժեքի տատանումները փորձում են կապել «տնտեսական բնականոն երեւույթների» հետ, այնուամենայնիվ, կուրսի փոփոխությունները համընկնում են քաղաքական իրադարձություններին: 2008թվականի պետբյուջեում ...ԶՈՀԻՆ ԴԱՀԻՃ ԷԻՆ ՆԵՐԿԱՅԱՑՆՈՒՄ, ԴԱՀՃԻՆ՝ ԶՈՀ
Ըստ a1plus.am-ի 1Հատվածներ Լեւոն Տեր-Պետրոսյանի ելույթից՝ Համաժողովրդական շարժման 2-րդ կոնգրեսում Քոչարյանա-սերժական քարոզչությունը փորձում է 2008 թ. մարտի 1-ի իրադարձությունները ներկայացնել որպես ընդդիմության կողմից ...ԻՆՉՊԵ՞Ս ԵՆՔ ՄԵՆՔ ԸՆՏՐՈՒՄ
ՍԱՄՎԵԼ ՄԱՐԳԱՐՅԱՆ 5Ոչ քաղաքական մտորումներ Նախագահական ընտրություններից անմիջապես առաջ «Առավոտում» կարծիք էի հայտնել, որ «ներկա քաղաքական գործընթացները Հայաստանում, առաջին հերթին, հարկ է դիտարկել հոգեբանական ...ՄԱՐԶԱԿԱՆ ԽՃԱՆԿԱՐ
Ուզում է հեռանալ «Այաքսից» Ֆուտբոլի Հայաստանի ազգային հավաքականի հարձակվող Էդգար Մանուչարյանը Ամստերդամի «Այաքսից» հեռանալու ցանկություն է արտահայտել: 21-ամյա ֆուտբոլիստն այս ...ԶԼՄ-ՆԵՐԻ ՄԻՋԵՒ ԱՌԱՋՆՈՒԹՅԱՆ ՀՐԱՎԵՐ
Կազմկոմիտե«Առավոտ» օրաթերթը եւ «Միր» միջպետական հեռուստառադիոընկերության հայաստանյան ազգային մասնաճյուղը (ՄՄՀՌԸ) «ՎիվաՍելլ» ՓԲԸ-ի հովանավորությամբ մայիսի 24-ին, ժամը 11.00-ին, ...ՅՈԹԱՂԲՅՈՒՐԸ՝ ՆՈՐՈԳՎԵՑ
«Նոյյան տապանը» տեղեկացնում է, որ «Երեւան» ամսագրի նախաձեռնությամբ եւ Երեւանի քաղաքապետարանի աջակցությամբ բարեկարգվել է Հանրապետության հրապարակի 7 աղբյուր կամ Կաթնաղբյուր կոչվող ...ՍՈՎՈՐԵԼ ՍԻՐՈՎ, ՈՉ ԹԵ ՍՏԻՊՈՂԱԲԱՐ
Արդեն մի քանի տարի «Հովնանյան Ինթերնեյշնլ» եւ եւս մի քանի ընկերությունների նախագահ Վահագն Հովնանյանը կազմակերպում է ԱՄՆ-ի Նյու Ջերսի նահանգի Նյու Միլֆորդ քաղաքում 1976թ.-ին իր հիմնադրած Հովնանյան ...
«ՍԽՈԴԿԱՅԻՑ ՀԵՏՈ»
Հարցազրույցը՝ ՌՈՒԶԱՆ ՄԻՆԱՍՅԱՆԻՆՊԱՍՏԱՌՈՒՆԵՐԸ ՏՈՒԺԵԼ ԵՆ
ԱՆՈՒՇ ԽԵՉՈՅԱՆ«ՀԻՄԱ ԷՍ ՊԼԱԿԱՏԸ ԿՄՏՑՆԵՄ ԲԵՐԱՆԴ»
ԱՆՆԱ ԻՍՐԱՅԵԼՅԱՆԱՆՄՈՌԱՆԱԼԻ ՕՐ՝ ՈՐ ՆՎԻՐԵՑ
RՊԱՅՔԱՐ՝ ՃԻՇՏ ԿԱՆԽԱՏԵՍՈՂՆԵՐԻ ԴԵՄ
Ա. Ի.
ԵՐԱԶՈՒՄ ԵՆ ՀԱՐՈՒՍՏ ՍԻՐԱԾ ՃԱՐԵԼ ՈՒ ԷԼ ՓՈՂՈՑ ԴՈՒՐՍ ՉԳԱԼ
ԱՆՈՒՇ ԽԵՉՈՅԱՆ
ՍՊԱՆՈՒԹՅՈՒՆ, ՈՐԸ ՑՆՑԵԼ Է ՆՈՐՔԸ
ՌՈՒԶԱՆ ՄԻՆԱՍՅԱՆՄԵԿ ՔԱՅԼ՝ ՄԻՆՉ ՀԶՈՐ ՔԱՂԱՔԱԿԱՆ ՇԱՐԺՈՒՄԸ
ՆԵԼԼԻ ԳՐԻԳՈՐՅԱՆՋՀԱՆԳԻՐՅԱՆԸ ԿՄՆԱ ԿԱԼԱՆԱՎՈՐՎԱԾ
Ա. Ի.ՀԱՆՐԱՀԱՎԱՔ՝ ԴԱՀԼԻՃՈՒՄ
ԱՆՆԱ ԻՍՐԱՅԵԼՅԱՆՈՒԹ ՕՐ ԺԱՄԱՆԱԿ ԻՇԽԱՆՈՒԹՅԱՆԸ
ՍՏՈՒԳՎՈՒՄ ԵՆ «ԼԵՎՈՆԱԿԱ՞Ն» ԳՅՈՒՂԵՐԸ
Հարցազրույցը՝ ԳՐԻՇԱ ԲԱԼԱՍԱՆՅԱՆԻՈՒԺԵՐԴ ՓՈՐՁԻՐ ՇՈՈՒ ԲԻԶՆԵՍՈՒՄ
ԱՆՆԱ ԻՍՐԱՅԵԼՅԱՆԲՈԼՈՐԸ ՊԵՏՔ Է ԻՄԱՆԱՆ, ՈՐ, ԻՐՈՔ, ԺՈՂՈՎՈՒՐԴԸ ԽՆԴԻՐՆԵՐ ՈՒՆԻ
ՄԱՐԳԱՐԻՏ ԵՍԱՅԱՆ«ՍԵՐԺԱԿԱՆ» ԵՎ «ԼԵՎՈՆԱԿԱՆ» ԳՈՐԾԱՐԱՐՆԵՐԸ
Հ. ՋԵԲԵՋՅԱՆ
- 1881 Խաչատուր Կերեքցյանի նախաձեռնությամբ Կարինում հիմնադրվեց «Պաշտպան հայրենյաց» գաղտնի կազմակերպությունը:
- 1905 Ծնվեց հայ ռեժիսոր Վարդան Աճեմյանը: (Վախճ. 1977թ.-ին):
- 1957 Մահացավ հայագետ, ակադեմիկոս Գրիգոր Ղափանցյանը:
- 1997 Լիբանանի Հանրապետության խորհրդարանը նկատի ունենալով, որ ամեն տարվա ապրիլի 24-ը առիթ է ոգետոչելու հայ ժողովրդի դեմ կատարված ջարդերի արհավիրքի հիշատակը, բանաձև ընդունեց ամեն տարի այդ օրը հայ ժողովրդի հետ միասնության օր հայտարարելու մասին:
- 1998 Ալեքսանդրիա քաղաքի (Եգիպտոս) գերեզմանատանը տեղի ունեցավ Սերոբ Աղբյուրի կողակից և ազգային հերոսուհի Սոսե Մայրիկի (Սոսե Վարդանյան) աճյունները Երևան տեղափոխելու արարողությունը:
ԼՈՒՐԵՐ ՀԱՅԱՍՏԱՆ
ՕՆԼԱՅՆ ԼՈՒՐԵՐ
ԻՆՖՈՐՄԱՑԻԱ
ԻՄ ԱՐՄԹԱՈՒՆ
Ինչպե՞ս թողնել ծխելը
Ինչպե՞ս գրել Հայերեն Windows XP միջավայրում
Սույն կայքում հրատարակված նյութերը վերցված են բաց աղբյուրներից և պաշտպանված են հեղինակային իրավունքիով։ Արգելված է սույն կայքում հրատարակված նյութերի վերարտադրումը առանց իրական հեղինակի գրավոր թույլտվության։ Եթե ցանկանում եք հանել Ձեզ պատկանող նյութը, ապա ուղարկեք մեզ, պատկանելությունը վկայող փաստեր և տվյալ նութը անմիջապես կհանվի։ Բոլոր նյութերը հրատարակված են միայն ինֆորմացիոն նպատակով և մենք պատասխանատու չենք դրանց հավաստիության համար։