ՊԱՏԻԺ՝ ԸՆՏՐԱԽԱԽՏՄԱՆ ԴԵՄ ՊԱՅՔԱՐԵԼՈՒ ՀԱՄԱՐ
Նախաքննության մարմինն անտեսել է այն տեսագրությունը, որն ապացույց է, որ «Ժողովրդավարական Հայրենիք» կուսակցության նախագահ Պետրոս Մակեյանը ոչ թե բռնություն գործադրելու սպառնալիքներ է տվել, այլ ընդամենը հիշեցրել, թե լցոնմանն աջակցելու համար կարող են կրել պատասխանատվություն:
Շիրակի մարզի ընդհանուր իրավասության դատարանը քննում է թիվ 34/06 տեղամասային ընտրական հանձնաժողովի «աշխատանքներին խոչընդոտելու դեպքի» առթիվ հարուցված քրեական գործի նախաքննությունը: Նախաքննությամբ հիմնավորված է համարվում, թե փետրվարի 19-ի քվեարկության ընթացքում՝ ժամը 14:30-ի սահմաններում, այդ տեղամաս են մտել նախ Գյումրիի ռազմական ոստիկանության նախկին պետ Աշոտ Զաքարյանը եւ Լեւոն Տեր-Պետրոսյանի՝ Գյումրու նախընտրական շտաբի աշխատանքները համակարգող Մուրադ Գրիգորյանը, նրանցից հետո՝ վստահված անձ Շոթա Սաղաթելյանը, նրանից հետո էլ՝ «Ժողովրդավարական Հայրենիք» կուսակցության նախագահ Պետրոս Մակեյանը: Ըստ առաջադրված մեղադրանքի՝ նրանք այստեղ էին եկել «տեղամասային ընտրական հանձնաժողովի աշխատանքներին եւ քաղաքացիների ընտրական իրավունքի իրականացմանը խոչընդոտելու դիտավորությամբ», վիճաբանել են հանձնաժողովի անդամների հետ, բռնություն գործադրելու սպառնալիքներ տվել ու խոչընդոտել ընտրական հանձնաժողովի աշխատանքին:
Պետրոս Մակեյանի եղբայրը՝ Վարդան Մակեյանը, Գյումրիի մեր թղթակցին հայտնել էր, թե կա իրականությունը պատկերող տեսաերիզ: Եվ Լեւոն Տեր-Պետրոսյանի կողմնակիցները վստահեցրել են, թե իրենք Գյումրիի 41-րդ դպրոցում տեղակայված այդ ընտրատեղամաս հասել էին այն պահին, երբ ահազանգ էին ստացել, որ շուրջ 350 քվեաթերթիկ է լցոնվել Սերժ Սարգսյանի օգտին:
Պետրոս Մակեյանի շահերի պաշտպան Տիգրան Տեր-Եսայանն «Առավոտին» փոխանցեց այդ տեսաերիզը: Ըստ այդմ՝ կարող ենք դատել, թե որքանով է իրականությանը համապատասխանում մասնավորապես Մակեյանի մասով նախաքննության հաստատումները, թե նա «սպառնացել եւ խոչընդոտել է հանձնաժողովի աշխատանքներին»: Եվ ավելի վաղ այս տեղամաս այցելած իր գործընկերների հետ նրանք «շուրջ 30 րոպե կազմալուծել են 34/06 ընտրատեղամասի աշխատանքները, ընտրական գործընթացը՝ սերմանելով վախ եւ անվստահություն»:
Այս տեսագրության մեջ Պետրոս Մակեյանը հանձնաժողովի նախագահ Սիլվա Հովհաննիսյանից փորձում է պարզել, թե ինչու չեն գրանցել Լեւոն Տեր-Պետրոսյանի վստահված անձի գրանցած խախտումը: Կողքից նրանց զրույցին հետեւում եւ ժամանակ առ ժամանակ միջամտում է սեւ գլխարկով, սեւ կաշվե երկար անձրեւանոցով մի տղամարդ (լուսանկարը կադր է այդ տեսագրությունից): Մակեյանը նրան հարցնում է. «Դո՞ւք որպես ինչ եք խոսում»: Հանձնաժողովի նախագահը պատասխանում է, թե նա վստահված անձ է: Մակեյանը հարցնում է. «Մի րոպե, ես ձեզ հետ խոսում եմ որպես հանձնաժողովի նախագահ, դուք ինչի՞ համար եք վստահված անձանց բերում ստեղ խոսակցության»: Սիլվա Հովհաննիսյանը «Ժողովրդավարական Հայրենիքի» նախագահին ասում է. «Դուք վստահված անձ չեք»: Մակեյանը դիմելով Տեր-Պետրոսյանի վստահված անձին՝ հարցնում է. «Արձանագրությունը գրե՞լ ես, բերե՞լ ես... Դե, գրանցե՛ք»: Իսկ Սիլվա Հովհաննիսյանին էլ (որն ակնհայտորեն ավելի շատ լսում է վերոհիշյալ «վստահված անձին») ասում է. «Ուրեմն իմացի, ով որ աջակցել է լցոնման՝ առաջին պատասխանատուն կլինեք հանձնաժողովի նախագահն ու անդամները»: Այս պահին միջամտում է այդ տղամարդը՝ գոռալով. «Պրն Մակեյան, մատդ վրեն մի՛ թափ տուր»: «Ժողովրդավարական Հայրենիքի» նախագահը նրան հակադարձում է. «Ես ձեզ հետ չեմ խոսում»: Իսկ տղամարդը՝ արդեն կռիվ հրահրելով, գոռում է. «Ձենդ կտրի՛ր: Մատդ վրեն թափ մի՛ տուր»: Մակեյանը գոռում է ի պատասխան. «Դո՛ւ ձենդ չբարձրացնես, հասկացա՞ր»: Հետեւում է լեզվակռիվ՝ «Մատ մի թափ տուր», «Ձենդ չբարձրացնես», որը տեւում է շատ կարճ՝ 1 րոպեից էլ պակաս: Սակայն հենց այդ պահին տեսախցիկը տեղափոխվում է, եւ երեւում է, որ հանձնաժողովի անդամները շարունակում են աշխատել, քվեաթերթիկ են տալիս մի կնոջ: Կարճ լեզվակռվից հետո Պետրոս Մակեյանն ասում է. «Բոլորդ պատասխան եք տալու լցոնման դեպքում», ու դուրս գալիս: Մեկ այլ տղամարդ, ըստ ամենայնի՝ հանձնաժողովի անդամներից, նրա դուրս գալու ընթացքում ասում է. «Ընտրություններին մի՛ խանգարեք, դուրս գնացեք: Օրենք կա, դրա համար կարգ կա»:
Ահա այս ամենի համար է Պետրոս Մակեյանն այժմ մեղադրվում «Քրեական օրենսգրքի» 149 հոդվածի 2-րդ մասի 3-րդ եւ 5-րդ կետերով՝ «ընտրական իրավունքի իրականացմանը, ընտրական հանձնաժողովի աշխատանքներին կամ ընտրությանը մասնակցող անձանց լիազորությունների իրականացմանը խոչընդոտելը», որը զուգորդվել է բռնություն գործադրելով կամ դա գործադրելու սպառնալիքով եւ կատարվել է մի խումբ անձանց կողմից: Նրան սպառնում է 2-5 տարի ազատազրկում:
Փաստորեն, Հայաստանում բռնություն գործադրելու սպառնալիք է համարվում հիշեցումը, թե լցոնմանն աջակցելու համար կարող են կրել պատասխանատվություն, իսկ ընտրախախտումները կանխելու փորձն էլ «քաղաքացիների ընտրական իրավունքի իրականացմանը խոչընդոտելու» դիտավորություն է:
Տիգրան Տեր-Եսայանը մեզ ասաց. «Այս տեսահոլովակը գործի մեջ կա, բայց նախաքննության մարմինն այն որպես հիմք չի ընդունել ու չի դիտարկել որպես ապացույց: Տեսաերիզն անտեսվել է»: Պաշտպանը պնդեց, թե այս տեսաերիզն ապացույց է, որ Պետրոս Մակեյանի քայլերի եւ գործողությունների մեջ չկան հիմքեր նրան առաջադրելու այս մեղադրանքը. «Այսինքն՝ հանձնաժողովն իր գործառույթը շարունակել է կատարել այն պահին էլ, երբ նա զրուցում էր հանձնաժողովի նախագահի հետ՝ փորձելով ճշտել, թե ինչու Լեւոն Տեր-Պետրոսյանի վստահված անձի կազմած արձանագրությունը՝ նկատված կեղծարարության մասին, չի գրանցվել մատյանում՝ սա «Ընտրական օրենսգրքի» պահանջն է: Տեսագրությունից ակնհայտ է, որ ընտրությունները չեն դադարեցվել այդ զրույցի ժամանակ: Եվ այստեղ, ըստ էության, վիճաբանություն՝ վիրավորանք կամ հայհոյանք չկա: Բան չունեմ ասելու՝ գուցե Մակեյանի ձայնի տոնայնությունը մի քիչ բարձր է եղել: Բայց եթե «օրենքի առջեւ պատասխան եք տալու» միտքը համարվում է սպառնալիք... թող համարեն: Բացի այդ՝ հիմնավորված չէ Մակեյանին մեղադրելը ՔՕ այդ հոդվածի՝ «մի խումբ անձանց կողմից» կետով: Տեսագրությունից ակնհայտ է, որ խոսում են Լեւոն Տեր-Պետրոսյանի վստահված անձը, հանձնաժողովի նախագահը, Մակեյանը եւ ոմն քաղաքացի, որը չգիտես ինչու է այդ տեղամասում: Ոչ մի այլ մարդ չկա»:
Ապրիլի 25-ին վերսկսվելու է այս գործով դատաքննությունը: Հետաքրքիր է՝ դատարանն է՞լ է նախաքննության պես անտեսելու այս տեսագրությունը:
- ԱՆՆԱ ԻՍՐԱՅԵԼՅԱՆ
Քննարկում
Aran գրել է:
Պատկերացրեք ինչ բազար են բացել ընտրատեղամասում, որ ով ուզում ա, գալիս մտնում ներս ու հթաթա ա տալիս ներսում« պատասխան կտաք» և այլն: Այ Պետրոս, ինչի ես մտել ներս, խանգարել, հիմա էլ տեսաժապավեն ես մեջ բերում: Քեզ մեղադրում են խանգարելու համար, ինչպես Ամերիկայում խոսելով ոստիկանի հետ (արդարանալով և բացատրելով) քեզ բանտ կտանեն, նրան խանգարելու համար: հասկացա՞ր ապուշ, արի այստեղ մի տարի ապրի նոր կիմանաս թե քեզ ժաղովրդավար ձևով վոնց կկոխեն բանտ, վզիտ էլ տուգանք կդնեն, տեղդ չես իմանա:
karen գրել է:
Ապրես .- Aran
Պատկերացրեք ինչ բազար են բացել ընտրատեղամասում, որ ով ուզում ա, գալիս մտնում ներս ու հթաթա ա տալիս ներսում« պատասխան կտաք» և այլն: Այ Պետրոս, ինչի ես մտել ներս, խանգարել, հիմա էլ տեսաժապավեն ես մեջ բերում: Քեզ մեղադրում են խանգարելու համար, ինչպես Ամերիկայում խոսելով ոստիկանի հետ (արդարանալով և բացատրելով) քեզ բանտ կտանեն, նրան խանգարելու համար: հասկացա՞ր ապուշ, արի այստեղ մի տարի ապրի նոր կիմանաս թե քեզ ժաղովրդավար ձևով վոնց կկոխեն բանտ, վզիտ էլ տուգանք կդնեն, տեղդ չես իմանա:
- Aran
169 օր առաջ | 
ԼԻՑԿԱՅԻ ՆՈՐ «ՔԱՋԱԳՈՐԾՈՒԹՅՈՒՆԸ»
11Սյունիքի մարզպետ Սուրեն Խաչատրյանը շուրջ մեկ շաբաթ առաջ ծեծի է ենթարկել Գորիսի գրախանութի աշխատակից Հայկի 12 տարեկան որդուն: Պատճառն այն է, որ այդ տղան կռվել է մարզպետի զավակների հետ: Ահա եւ Սուրեն Խաչատրյանն ...ԲԱՐԻ ՑԱՆԿՈՒԹՅՈՒՆՆԵՐԻ՞ ԿԱՌԱՎԱՐՈՒԹՅՈՒՆ
ՄԱՐԳԱՐԻՏ ԵՍԱՅԱՆՀամենայնդեպս, հանրապետական Սամվել Նիկոյանը այս կարծիքին է Արդեն ձեւավորված է կոալիցիոն նոր կառավարությունը, եւ այս կառավարության առաջին քայլը, ըստ վարչապետ Տիգրան Սարգսյանի, պետք է լինի սովորելը: Սովորելը՝ ...ՊԱՏԻԺ՝ ԸՆՏՐԱԽԱԽՏՄԱՆ ԴԵՄ ՊԱՅՔԱՐԵԼՈՒ ՀԱՄԱՐ
ԱՆՆԱ ԻՍՐԱՅԵԼՅԱՆ 4Նախաքննության մարմինն անտեսել է այն տեսագրությունը, որն ապացույց է, որ «Ժողովրդավարական Հայրենիք» կուսակցության նախագահ Պետրոս Մակեյանը ոչ թե բռնություն գործադրելու սպառնալիքներ է տվել, այլ ...«ԿԱՏԱՐՈՒՄ ԵՆ» ԵԽ ՊԱՀԱՆՋՆԵՐԸ
ՄԱՐԳԱՐԻՏ ԵՍԱՅԱՆՔաղաքական գործիչների կալանքը երկարացնելով 2 ամսով Եվրոպայի խորհրդի խորհրդարանական վեհաժողովի ընդունած բանաձեւում բավականին հստակ նշված է, որ Հայաստանի իշխանությունները պարտավոր են անհապաղ միջոցառումներ ...«ՍՈՎՈՐԵԼ, ՍՈՎՈՐԵԼ, ՍՈՎՈՐԵԼ»
Ն. Գ. 1Երեկ սովետական առաջնորդի այս պատգամը Սերժ Սարգսյանին հղեց ՀԿԿ առաջին քարտուղար Ռուբեն Թովմասյանը. «Խորհուրդ կտայի լրջորեն կարդալ Լենինին: Նրա տված խորհուրդները եթե ճիշտ օգտագործես, անկախ նրանից՝ ...ՆՄԱՆ ՌԵԺԻՄՆԵՐԸ ՄԵԿ ՀԱՐՎԱԾՈՎ ՉԵՆ ՏԱՊԱԼՎՈՒՄ
Զրույցը վարեց ԱՆՆԱ ԻՍՐԱՅԵԼՅԱՆԸ 2Ասում է «Հանրապետություն» կուսակցության քաղխորհրդի անդամ Սուրեն Սուրենյանցը - Մեկուսարանից ազատ արձակվելուց հետո Ձեր առաջին հարցազրույցում կարծիք էիք հայտնել, թե ընդդիմությունը «որոշ ...ԱՌԱՋԻՆԸ՝ ՏԻԳՐԱՆ ԹՈՐՈՍՅԱՆԻ ԲՆԱԿԱՐԱՆԻ ՄՈՏ
ԳԱՐԻԿ ՄԿՐՏՉՅԱՆ 1«Սկսել ա»-ն անակնկալ կմատուցի պատգամավորներին Առաջիկա օրերին, սկսած այսօր առավոտից, երիտասարդական «Սկսել ա» շարժման եւ «Հիմա» ֆորումի մի խումբ ակտիվիստներ կազմակերպելու ...ԾԵՐԱՆՈՒՄ ԵՆՔ, ԲԱՅՑ ԾՆԵԼԻՈՒԹՅՈՒՆՆ ԱՃՈՒՄ Է
ՏԱԹԵՎ ՀԱՐՈՒԹՅՈՒՆՅԱՆՓաստում են մասնագետները «2008-ի հունվարի 1-ի տվյալներով՝ ՀՀ բնակչության թիվը 3 միլիոն 229 հազար 900 է: 2001-ից հետո հաջորդ մարդահամարը կլինի 2011-ին»,- երեկ «Հայելի» ակումբում ...ԵՐԿՈՒ ՔԱՐԻ ԱՐԱՆՔՈՒՄ
ՌՈՒԲԵՆ ՀԱԿՈԲՅԱՆ Քաղաքագիտության թեկնածու, ՀՀ ԳԽ, ՀՀ ԱԺ 1֊ին եւ 2֊րդ գումարումների պատգամավոր, ՀՅԴ անդամ 1Ո՞րն է ելքը Փետրվարի 19֊ի նախագահական ընտրությունից եւ դրան հաջորդող հայտնի ողբերգական դեպքերից հետո բոլորիս մտատանջում է երկու հիմնական հարց. Ինչո՞ւ այսպես եղավ եւ որտե՞ղ է թաքնված չարիքի բուն արմատը: ...ԾԾԿԵՐ ՎԵՀԱՆՈՒՇԸ ՀԱՑԱԴՈՒԼԱՎՈՐ Է
ՆԵԼԼԻ ԲԱԲԱՅԱՆ 1Նորետա Էլոյանի բազմանդամ ընտանիքը ոչ տուն, ոչ հողամաս, ոչ էլ աշխատանք ունի Երեկ կառավարության շենքի առաջ Գեղարքունիքի մարզի Վաղաշեն գյուղի բնակիչ Նորետա Էլոյանն իր 8 անչափահաս երեխաների հետ հացադուլի ...ՄԱՐԶԱԶԳԵՍՏԻ ՊԱՏԻՎԸ
ԱՇՈՏ ՀԱԿՈԲՅԱՆՄիջազգային մրցասպարեզներում Հայաստանի դրոշի պատիվը բարձր պահած մարզիկների մեծարումն սկսվում է նրանց հենց «Զվարթնոց» օդանավակայանում պատշաճ դիմավորելով: Վերջին տարիներին նման առիթները մեզանում ...
ՉՀԱՄԵՄԱՏԵՑ, ԲԱՅՑ ԱՍԱՑ
«ՉԻ ԿԱՐԵԼԻ ՄԵԿԻՆ ԿՈՒՌՔ ՍԱՐՔԵԼ ԵՎ ՀԵՏՈ ԳՑԵԼ ՆԵՐՔԵՎ»
ՄԱՐԳԱՐԻՏ ԵՍԱՅԱՆԼԻՑԿԱՅԻ ՆՈՐ «ՔԱՋԱԳՈՐԾՈՒԹՅՈՒՆԸ»
ԿՄԵՐԿԱՆԱՆ ՀԱՅԱՍՏԱՆՅԱՆ «PLAYBOY»-Ի ԷՋԵՐՈՒՄ
Ս. ԴԱՆԻԵԼՅԱՆ«ՏԱԿԱՆՔՆԵՐԸ ԴՈՒՐՍ ԵԿԱՆ ՋՐԻ ԵՐԵՍ»
ԵՎԱ ՀԱԿՈԲՅԱՆ«ԵՎՐԱՏԵՍԻԼԻ» ԵՐԳԻ ՀԵՂԻՆԱԿՆ ԱՐՀԱՄԱՐՀՎԱԾ Է
Ս. ԴԱՆԻԵԼՅԱՆԱՌԱՋԻՆԸ՝ ՏԻԳՐԱՆ ԹՈՐՈՍՅԱՆԻ ԲՆԱԿԱՐԱՆԻ ՄՈՏ
ԳԱՐԻԿ ՄԿՐՏՉՅԱՆՆՐԱՆՔ ԱԶԴԵԼՈՒ ՀՆԱՐԱՎՈՐՈՒԹՅՈՒՆ ՉՈՒՆԵՆ
Հարցազրույցը վարեց ԱՆՆԱ ԻՍՐԱՅԵԼՅԱՆԸ ՍտրասբուրգՆԵՂԱՑԱ՞Ծ Է, ԱՐԴՅՈՔ, «ԲԱՐԳԱՎԱՃ ՀԱՅԱՍՏԱՆԸ»
ՄԱՐԳԱՐԻՏ ԵՍԱՅԱՆՆԱ ՈՒՂՂԱԿԻ ՄԵՋԲԵՐԵԼ ԷՐ ՀԱՄՄԱՐԲԵՐԳԻՆ
- 1956 Մահացավ արևելագետ, լեզվաբան Նորայր Վրույրը:
- 1959 Լենինյան մրցանակ է շնորհվում կոմպոզիտոր Արամ Խաչատրյանին՝ «Սպարտակ» բալետի համար:
- 1965 Մեծ եղեռնի 50-ամյակի նախօրեին Ֆրանսիայի Ազգային ժողովի ձախ թևի մի խումբ պատգամավորներ հանդես եկան հայերի 1915 թվականի ցեղասպանությունը դատապարտելու առաջարկությամբ:
- 1985 Արգենտինայի Ազգային կոնգրեսը միաձայն որոշում ընդունեց հայերի ցեղասպանությունը դատապարտելու մասին:
- 1985 Հայերի ցեղասպանությունը դատապարտելու մասին որոշում ընդունեց Ուրուգվայի Ազգային համագումարը:
- 1990 Կանադայի համայնքների պալատը քննարկեց «Մարդու կողմից իր մերձավորին ցույց տրվող անմարդկային վերաբերմունքի մասին» հարցը: Առաջարկություն ներկայացվեց հայերի 1915թ. ցեղասպանության 81-րդ տարելիցի կապակցությամբ. սահմանել և յուրաքանչյուր տարի 20-ից 24-ը նշել մարդու կողմից իր մերձավորի նկատմամբ թույլատրված հանցագործության հիշողության շաբաթ:
- 1990 Սկսվեց Արձնի (Բագրևանդ) ճակատամարտը:
ԼՈՒՐԵՐ ՀԱՅԱՍՏԱՆ
ՕՆԼԱՅՆ ԼՈՒՐԵՐ
ԻՆՖՈՐՄԱՑԻԱ
ԻՄ ԱՐՄԹԱՈՒՆ
Ինչպե՞ս թողնել ծխելը
Ինչպե՞ս գրել Հայերեն Windows XP միջավայրում
Սույն կայքում հրատարակված նյութերը վերցված են բաց աղբյուրներից և պաշտպանված են հեղինակային իրավունքիով։ Արգելված է սույն կայքում հրատարակված նյութերի վերարտադրումը առանց իրական հեղինակի գրավոր թույլտվության։ Եթե ցանկանում եք հանել Ձեզ պատկանող նյութը, ապա ուղարկեք մեզ, պատկանելությունը վկայող փաստեր և տվյալ նութը անմիջապես կհանվի։ Բոլոր նյութերը հրատարակված են միայն ինֆորմացիոն նպատակով և մենք պատասխանատու չենք դրանց հավաստիության համար։