ԷԿՎԱԴՈՐԻՑ ՎԵՐԱԴԱՐՁԱՎ ՈՒ ԱՆՍԱՄԲԼ ՀԻՄՆԵՑ
Դիրիժոր Զավեն Վարդանյանն այլեւս ղեկավարելու է Մենակատարների պետական կամերային անսամբլը
Հայաստանյան մշակութային կյանքում առաջին անգամ 2008թ. հունվարի վերջերին դասական երաժշտության երկրպագուներին կներկայանա նորաստեղծ Մենակատարների պետական կամերային անսամբլը՝ այս ոլորտում ճանաչված դիրիժոր Զավեն Վարդանյանի ղեկավարությամբ: Նա Էկվադորում շուրջ 4 տարի գործունեություն ծավալելուց հետո վերջերս է վերադարձել, հետեւաբար հարկ ենք համարում հիշեցնել, որ Զ. Վարդանյանը դեռեւս 1975թ. Ֆիլհարմոնիկ նվագախմբի գլխավոր դիրիժորի ասիստենտը լինելով, միաժամանակ հիմնեց Ժամանակակից երաժշտության անսամբլը, իսկ 1979-ին՝ Երեւանի կամերային նվագախումբը, որը ղեկավարեց մինչեւ 1990թ.: 1994-2000թթ. դիրիժորն աշխատել է Երեւանի օպերային թատրոնում՝ առաջին անգամ Հայաստանում իրականացնելով Մոցարտի «Առեւանգում հարեմից» օպերայի համերգային կատարումը, այնուհետեւ՝ «Կախարդական սրինգը»:
1990-ականների վերջերին Վերդիի «Տրուբադուր» օպերան ճակատագրական եղավ դիրիժորի համար. 4-ամսյա փորձերից հետո, երբ Զավեն Վարդանյանը խնդրեց եւս մեկ ամիս հետաձգել օպերայի պրեմիերան, Ալ. Սպենդիարյանի անվան օպերայի եւ բալետի ազգային թատրոնի ղեկավարությունը չհամաձայնեց, ինչին էլ հետեւեց դիրիժորի հրաժարականը:
«Առավոտը» հանդիպեց Զ. Վարդանյանին՝ խնդրելով համառոտ ներկայացնել էկվադորյան իր գործունեությունը: «2003թ. Կուենկա քաղաքի համալսարանի հրավերով մեկնեցի դասավանդելու, այնուհետեւ ղեկավարում էի տեղի սիմֆոնիկ նվագախումբը: Հաճախ կանգնել եմ նաեւ Կիտոյի, Լոխայի եւ Գուայակիլի սիմֆոնիկ նվագախմբերի դիրիժորական վահանակի առջեւ: Այս ընթացքում հրավիրվել եմ նաեւ Արգենտինա: 2007-ի գարնանը, հայրենիք վերադառնալուց առաջ, Էկվադորում իրականացրի մեծամասշտաբ փառատոն՝ նվիրված Կուենկա քաղաքի հիմնադրման 450-ամյակին: Վերադարձիս պատճառը կարոտն էր, նախ՝ ընտանիքիս հանդեպ, հետո էլ այն միջավայրի, որտեղ եղել եմ տասնամյակներ շարունակ: Այժմ Երեւանի պետկոնսերվատորիայի վոկալ ամբիոնում շարունակում եմ վարել անսամբլի դասարանը: Էկվադորում անցկացրած տարիներիս հիշում էի 1999-2000 թթ., երբ առաջին անգամ կամերային անսամբլի, երգչախմբի եւ մեներգիչների հետ Երեւանում իրականացրի Բախի «Չարչարանքներ՝ ըստ Հովհանու» եւ «Չարչարանքներ՝ ըստ Մատթեոսի» պասիոնները, որտեղ տենորներ Սարգիս Թորոսյանը եւ վաղամեռիկ Սուրեն Զուրաբյանը ներկայացան Ավետարանիչի դժվարագույն պարտիաներով»:
Դառնալով նորաստեղծ Մենակատարների անսամբլին, պրն Վարդանյանը տեղեկացրեց, որ այն 14 հոգանոց է՝ 7 փողային, 5 լարային, հարվածային եւ դաշնամուր. «Երկացանկում կգերակշռեն հայ ժամանակակից կոմպոզիտորների ստեղծագործությունները, իհարկե՝ կանդրադառնանք նաեւ արտերկրի ստեղծագործողներին»:
Հետաքրքրվեցինք էկվադորյան դասական երաժշտարվեստով: Ըստ Զ. Վարդանյանի, այնտեղի դասական արվեստը բուռն է մայրաքաղաքում, որտեղ հյուրախաղերով հանդես են գալիս աշխարհահռչակ կոլեկտիվներ եւ անհատ կատարողներ, այդ թվում՝ մեծանուն երգիչ Դոմինգոյի՝ ԱՄՆ-ում հիմնած սիմֆոնիկ նվագախումբը, Արգենտինայի հռչակավոր «Կոլոն» երգչախումբը եւ այլն. «Մեր հայտնի ջութակահար Սերգեյ Խաչատրյանն էլ երեք անգամ իր արվեստով հիացրեց էկվադորցիներին»: «Առավոտը» ժամանակին տեղեկացրել էր, որ Էկվադորում են աշխատում նաեւ հայաստանցի արվեստագետներ Ռուբեն Տերտերյանը, Ալեքսանդր Թամազովը: Հարցին, թե կոնկրետ ինչ գործունեություն են նրանք ծավալել, Զ. Վարդանյանն ասաց. «Ռուբենը ղեկավարում է Կուենկայի համալսարանի երաժշտական բաժինը, Ալեքսանդրը վոկալ է դասավանդում նույն համալսարանում, իսկ վերջերս Կուենկայի օպերային թատրոնում նա հանդես եկավ Զարաստրոյի դերերգով՝ «Կախարդական սրինգում», որից առաջ զբաղված էր Դոնիցետիի եւ Պերգոլեզիի օպերաներում»:
- Ս. ԴԱՆԻԵԼՅԱՆ
ԱՅԴ Ի՞ՆՉ «ԱՅԼ ԾԱԽՍԵՐ» ԷԻՆ
«Ժառանգություն» խմբակցության պատգամավոր Անահիտ Բախշյանը, որ ներկա է լինում կառավարության նիստերին, «Առավոտի» հետ զրույցում հիշատակեց, թե կառավարության օգոստոսի 16-ի N 981-Ա որոշմամբ ...«ՀԵՂԱՓՈԽՈՒԹՅՈՒՆՆԵՐԸ ՉԵՆ ԼՈՒԾՈՒՄ ԿԱՐԵՎՈՐ ԽՆԴԻՐՆԵՐԸ»
ՄԱՐԳԱՐԻՏ ԵՍԱՅԱՆՀՀԿ խմբակցության պատգամավոր Արմեն Աշոտյանը ադրբեջանական «Դեյ-Ազ»-ին տված հարցազրույցում կարծիք էր հայտնել, որ մեզանում գունավոր հեղափոխությունները բացառված են: ՀՀԿ խմբակցության պատգամավոր, ...«ԱՌԱՋԻՆ ՓՈՒԼՈՒՄ ՀԱՂԹԵՑ ՇԱՐԺՈՒՄԸ»
ՆԱԻՐԱ ՄԱՄԻԿՈՆՅԱՆԴեկտեմբերի 22-ին հայտարարեց ՀՀ առաջին նախագահ Լեւոն Տեր-Պետրոսյանը՝ վերլուծելով իր շուրջ ձեւավորված համաժողովրդական շարժման եւ իշխանությունների ծավալած գործունեության արդյունքը: Դեկտեմբերի 22-ին ՀՀ կառավարության ...ԱՌԱՍՊԵԼ՝ ԸՍՏ ՎԱՀԱՆԻ
ԱՆՆԱ ԻՍՐԱՅԵԼՅԱՆՀՅԴ նախագահի թեկնածուն չի հավատում հրապարակված հարցումների արդյունքներին, ըստ որոնց՝ Սերժ Սարգսյանի վարկանիշն ամենաբարձրն է: Երեկ ՀՅԴ բյուրոյի գրասենյակում հրավիրված ասուլիսում ՀՅԴ բյուրոյի անդամ, նախագահի ...ԽՈՍՏԱՆՈՒՄ Է ՏԱՐԱԾՔՆԵՐ ՉՀԱՆՁՆԵԼ
Ն. Գ. 1«Տեր-Պետրոսյանը նշել է, որ դրածոները առաջադրելով իրենց թեկնածությունը` խնդիր են լուծել նախորդ եւ նախորդի նախորդ ընտրություններում: Այսինքն` դրածոները մշտապես դրածո անձինք են»,- երեկ բացառելով ...ՔԱՂԱՔԱՊԵՏՆ ԱՄՓՈՓԵՑ 2007-Ը
ՆԵԼԼԻ ԳՐԻԳՈՐՅԱՆ«Ցանկանում եմ շնորհակալություն հայտնել երեւանցիներին՝ համբերատարության համար, բոլոր ժամանակավոր անհարմարությունները տարան պատվով»,- երեկ տարվա ամփոփիչ ասուլիսում հայտարարեց քաղաքապետ Երվանդ ...ԶԻՆՎՈՐՆԵՐՆ ՈՒ ԴՊՐՈՑԱԿԱՆՆԵՐԸ ՋՐԾԱՂԻԿ ԵՆ
ԱՆՈՒՇ ԽԵՉՈՅԱՆՉնայած դրան, թե՛ կրթության, թե՛ բանակի պատասխանատուները հերքում են հիվանդության առկայությունը: Այս օրերին մայրաքաղաքի դպրոցներում շատ երեխաներ դասերից բացակայում են: Պատճառն այն է, որ մի շարք դպրոցներում ...«ՍՅՈՒՆՅԱՑ ԱՐԾԻՎՆԵՐԸ» ԿՍԱՏԱՐԵՆ ՍԵՐԺ ՍԱՐԳՍՅԱՆԻՆ
ԳՈՀԱՐ ՀԱԿՈԲՅԱՆՈրովհետեւ, իրենց համոզմամբ, վարչապետն արիական ծագում ունի Շաբաթ օրը լրագրողների մի խումբ այցելեց Կապան՝ լուսաբանելու «Սյունյաց արծիվներ» երիտասարդական-հասարակական կազմակերպության հիմնադրման ...ԴԱՏԱԽԱԶԻ ՏԵՂԱԿԱԼԻ ԲՈՂՈՔԸ ԲԱՎԱՐԱՐՎԵԼ Է
ՌՈՒԶԱՆ ՄԻՆԱՍՅԱՆՊայմանականով ազատվածները կրկին մեկուսարանում են ՀՀ գլխավոր դատախազի տեղակալ Արամ Թամազյանը դիմել էր ՀՀ վճռաբեկ դատարանի քրեական պալատին՝ դատապարտյալներ Վարդան Մուխսիխաչոյանի եւ Արամայիս Միրիբյանի պայմանական ...«ՄԻԱՅՆ ՀԱՅԱՍՏԱՆՈՒՄ ԵՄ ԻՆՁ ԼԱՎ ԶԳՈՒՄ»
Զրուցեց ԱՇՈՏ ՀԱԿՈԲՅԱՆԸՀարցազրույց Արթուր Աբրահամի հետ IBF-ի վարկածով աշխարհի չեմպիոն Արթուր Աբրահամը դեկտեմբերի 8-ին անգլիացի Ուեյն Էքլոքին 5-րդ ռաունդում նոկաուտի ենթարկելուց եւ վեցերորդ անգամ անընդմեջ չեմպիոնական գոտին ...ԷԿՎԱԴՈՐԻՑ ՎԵՐԱԴԱՐՁԱՎ ՈՒ ԱՆՍԱՄԲԼ ՀԻՄՆԵՑ
Ս. ԴԱՆԻԵԼՅԱՆԴիրիժոր Զավեն Վարդանյանն այլեւս ղեկավարելու է Մենակատարների պետական կամերային անսամբլը Հայաստանյան մշակութային կյանքում առաջին անգամ 2008թ. հունվարի վերջերին դասական երաժշտության երկրպագուներին կներկայանա ...
«ՄԻԱՅՆ ՀԱՅԱՍՏԱՆՈՒՄ ԵՄ ԻՆՁ ԼԱՎ ԶԳՈՒՄ»
Զրուցեց ԱՇՈՏ ՀԱԿՈԲՅԱՆԸՍԱԴՈՅԱՆՆ ԱԼՐԱՂԱՑԻ ԼՅՈՎԻ ՕԳՆԱԿԱ՞Ն
«ՍԻԼ»-ՈՒՄ ՍՏՈՒԳՈՒՄՆԵՐԸ ՈՉՆՉԱՑՆԵԼՈՒ ԲՆՈՒՅԹԻ ԷԻՆ
Զրույցը վարեց ԱՆՆԱ ԻՍՐԱՅԵԼՅԱՆԸ«ԶՐՊԱՐՏԱՆՔ ԵՎ ՏԳԻՏՈՒԹՅՈՒՆ»
«ԵԹԵ ԻՆՁ ՉԽՓԵՆ, ԵՍ ՉԵՄ ԽՓԻ»
ՆԱԻՐԱ ՄԱՄԻԿՈՆՅԱՆ«ԲԱՐԵՎԻ ՓՈԽԱՐԵՆ ՀԱՐՑՆՈՒՄ ԷԻՆ՝ ՊԱՀԱՆՋԱՏԵ՞Ր ԵՍ»
ՄԱՐԳԱՐԻՏ ԵՍԱՅԱՆԽՈՍՏԱՆՈՒՄ Է ՏԱՐԱԾՔՆԵՐ ՉՀԱՆՁՆԵԼ
Ն. Գ.«ԳԵՂԱՄՅԱՆԸ ՀԱՅՐԵՆԱՍԵՐ ՔԱՂԱՔԱԿԱՆ ԳՈՐԾԻՉ Է»
ՄԱՐԳԱՐԻՏ ԵՍԱՅԱՆ41 ՄԻԼԻԱՐԴ 514 ՄԻԼԻՈՆ 230 ՀԱԶԱՐ 940 ԴՈԼԱՐ
ԱՆՆԱ ԻՍՐԱՅԵԼՅԱՆՀԵՐԹԱԿԱՆ ՀԱՐՁԱԿՈՒՄԸ ՉԵՆՋԻ ՎՐԱ
- 1805 Ռուսաստանի կազմի մեջ է մտնում Շիրվանի (Շամախու) խանությունը:
- 1864 Ծնվեց արևելագետ, հնաբան, լեզվաբան Նիկողայոս Մառը: (Վախճ. 1934թ.-ին):
- 1920 Խորհրդային Հայաստանում կազմակերպվում է առաջին մասսայական շաբաթօրյակը:
- 1920 Դաշնակցականները կազմում են այսպես կոչված «Ինքնավար Սյունիքի կառավարություն» (1921 թվականի ապրիլի 26-ին այն վերակազմվում է և անվանվում «Լեռնահայաստանի կառավարություն»):
- 1991 Խորհրդային Միությունը քայքայվեց: Միխայիլ Գորբաչովը տվեց իր հրաժարականը:
ԼՈՒՐԵՐ ՀԱՅԱՍՏԱՆ
ՕՆԼԱՅՆ ԼՈՒՐԵՐ
ԻՆՖՈՐՄԱՑԻԱ
ԻՄ ԱՐՄԹԱՈՒՆ
Ինչպե՞ս թողնել ծխելը
Ինչպե՞ս գրել Հայերեն Windows XP միջավայրում
Սույն կայքում հրատարակված նյութերը վերցված են բաց աղբյուրներից և պաշտպանված են հեղինակային իրավունքիով։ Արգելված է սույն կայքում հրատարակված նյութերի վերարտադրումը առանց իրական հեղինակի գրավոր թույլտվության։ Եթե ցանկանում եք հանել Ձեզ պատկանող նյութը, ապա ուղարկեք մեզ, պատկանելությունը վկայող փաստեր և տվյալ նութը անմիջապես կհանվի։ Բոլոր նյութերը հրատարակված են միայն ինֆորմացիոն նպատակով և մենք պատասխանատու չենք դրանց հավաստիության համար։