«ԱՌԱՋԻՆ ՓՈՒԼՈՒՄ ՀԱՂԹԵՑ ՇԱՐԺՈՒՄԸ»
Դեկտեմբերի 22-ին հայտարարեց ՀՀ առաջին նախագահ Լեւոն Տեր-Պետրոսյանը՝ վերլուծելով իր շուրջ ձեւավորված համաժողովրդական շարժման եւ իշխանությունների ծավալած գործունեության արդյունքը:
Դեկտեմբերի 22-ին ՀՀ կառավարության նիստերի դահլիճում տեղի ունեցավ ՀՀ առաջին նախագահ եւ նախագահի թեկնածու Լեւոն Տեր-Պետրոսյանին սատարող շուրջ 17 քաղաքական ուժերի եւ ավելի քան մեկ տասնյակ հասարակական կազմակերպությունների կոնգրես: Ու թեեւ այն, ինչպես Լ. Տեր-Պետրոսյանը ձեւակերպեց, կոչված էր «ամփոփելու նախընտրական գործընթացի առաջին փուլի արդյունքները եւ ուրվագծելու մեր հետագա գործունեության խնդիրները», այդուհանդերձ, ՀՀ առաջին նախագահին սատարողները հարկ համարեցին եւս մեկ անգամ փաստարկել առաջիկա նախագահական ընտրություններում Տեր-Պետրոսյանի թեկնածությունը պաշտպանելու իրենց որոշումը:
ՀԺԿ առաջնորդ Ստեփան Դեմիրճյանն իր ելույթում նախ ասաց, թե այսօր գործող վարչախմբի համար հասարակության բարոյազրկումը դարձել է գերխնդիր, որովհետեւ միայն դրանով է պայմանավորված նրա գոյատեւումը:
Այդ վարչախմբից ազատվելու համար Ստ. Դեմիրճյանը անհրաժեշտ համարեց հասարակական եւ քաղաքական ներուժի համախմբումը, որի հրամայականով էլ Լ. Տեր-Պետրոսյանին սատարող քաղաքական ուժերը, մի կողմ դնելով իրենց տարաձայնությունները, միավորվել են նրա շուրջ՝ նպատակ ունենալով Հայաստանում հաստատել սահմանադրական կարգ, լիարժեքորեն բացահայտել «Հոկտեմբերի 27»-ի ոճրագործությունը, արդյունավետ պայքար ծավալել կոռուպցիայի դեմ, նաեւ հասնել բիզնեսի ու իշխանության տարանջատմանը:
«Հանրապետություն» կուսակցության նախագահ Արամ Սարգսյանի դիտարկմամբ, գործող իշխանությունները՝ ի դեմս Ռոբերտ Քոչարյան-Սերժ Սարգսյան զույգի, որոնք, նրա բնորոշմամբ, «եկած օրից մերժված» են եղել հասարակության կողմից, այսօր դուրս են եկել ոչ թե ընտրությունների, այլ կենաց ու մահվան կռվի՝ իրենց իշխանությունը պահելու համար: Նա միայն դրանով բացատրեց «իշխող զույգի» կողմից սանձազերծված քարոզչական պատերազմը Լ. Տեր-Պետրոսյանի դեմ ու կարծիք հայտնեց, թե՝ հակառակ իշխանության գործադրած ջանքերի, ժողովուրդն իր բնազդով է կանգնում Տեր-Պետրոսյանի կողքին: «Մենք պարտավոր ենք հաղթել՝ հանուն Ղարաբաղի հարցի արժանապատիվ լուծման, հանուն արդարության, հանուն «Հոկտեմբերի 27»-ի գործի լիարժեք բացահայտման, հանուն ժողովրդավարության կայացման, եւ մենք հաղթելու ենք»,- հավաստիացրեց Ա. Սարգսյանը՝ այս վերջին հավաստիացումն ամրապնդելով այն հույսով, որ բոլոր զինվորականները «քվեարկելու են իրենց հաղթանակների հրամանատարի՝ Տեր-Պետրոսյանի օգտին»:
Կոնգրեսում ելույթ ունեցավ նաեւ «Ազատություն» կուսակցության նախագահ, ՀՀ նախկին վարչապետ Հրանտ Բագրատյանը: Նրա ելույթի հիմքում ընկած էր հայաստանյան տնտեսական վերլուծությունը, որի ամփոփումը կարելի է համարել նրա հետեւյալ արձանագրումները՝ Ռ. Քոչարյանն ու Ս. Սարգսյանը, որոնք 1998թ.-ին իշխանությունը զավթելուց հետո ձեռնամուխ եղան իրենց կլանի տնտեսական հիմքերի ամրապնդմանը եւ սկսեցին տնտեսությունը կիսել իրար մեջ, այսօր այնքան են հարստացել, որ նրանց հաղթանակի դեպքում ոչ թե իրենք են ծառայելու մեր պետությանը, այլ պետությունը՝ նրանց:
Ելույթ ունեցան նաեւ Տեր-Պետրոսյանի թեկնածությունը սատարող «Հայրենիք եւ պատիվ» կուսակցության նախագահ Գառնիկ Մարգարյանը, Մարքսիստական կուսակցության նախագահ Դավիթ Հակոբյանը, «Պահպանողական» կուսակցության ղեկավար Միքայել Հայրապետյանը, ԺՈՒԿ-ի ղեկավար Մանուկ Գասպարյանն ու այլք: Ի դեպ, Մ. Գասպարյանը համոզմունք հայտնեց, թե ընտրություններում պաշտոնական քարոզարշավի ժամանակ, երբ Տեր-Պետրոսյանը հնարավորություն ստանա հանդես գալու հեռուստաեթերով, ընդամենը մեկ շաբաթ անց այսօր առաջադրված նախագահի մյուս բոլոր թեկնածուները, այդ թվում՝ Սերժ Սարգսյանը, ինքնաբացարկ են հայտնելու:
Միջոցառումն ավարտվեց Լեւոն Տեր-Պետրոսյանի շուրջ մեկուկես ժամ տեւած ելույթով, որի հե՛նց սկիզբն ընդմիջվեց՝ դահլիճը հոսանքազրկվեց: «Խնդրում եմ սրանից հեռուն գնացող եզրակացություններ չանել»,- իր կողմնակիցներին երկիմաստ ժպտալով հորդորեց ՀՀ առաջին նախագահը, իսկ մի քանի րոպե անց՝ շարունակելով իր ելույթը, նա անդրադարձավ հիմնականում իր ընտրարշավի կազմակերպչական աշխատանքներին առնչվող տարաբնույթ հարցերի, բայց ոչ միայն դրանց: Նախ՝ Լ. Տեր-Պետրոսյանն արձանագրեց, որ իր գլխավորած համաժողովրդական շարժման առաջին փուլն ավարտվել է քոչարյանասերժական ռեժիմի պարտությամբ: Նա հատ-հատ թվարկեց ներկա վարչախմբի ձեռքում կենտրոնացած այն բոլոր ռեսուրսները, որոնք ուղղվել եւ առաջիկայում էլ ուղղվելու են գործող իշխանության վերարտադրությանը: Արձանագրվեց, որ գործող իշխանությունները ընտրական գործընթացում որդեգրել են պայքարի «ընդհատակյա, ինտրիգային սկզբունքը՝ հիմնվելով գլխավորապես վարչական, տեղեկատվական, ապատեղեկատվական, ֆինանսական, ռեպրեսիվ, քրեական ու պառակտողական ռեսուրսների վրա»: Ըստ նրա, ի տարբերություն իշխանությունների, «Հայաստանում ձեւավորված նոր համաժողովրդական շարժումը որդեգրել է բաց, հրապարակային գործունեության մարտավարություն՝ հիմնված իրավագիտակցության, ժողովրդավարության եւ քաղաքացիական հասարակության համընդհանուր սկզբունքների վրա: Շարժման սոցիալական բազան ժողովրդական լայն զանգվածներն են, մասնավորապես՝ հասարակության ընչազուրկ հատվածը, գյուղացիությունը, միջին խավը ներկայացնող գործարարներն ու մտավորականները, ինչպես նաեւ ստորին օղակների պետական պաշտոնեությունը, մի խոսքով՝ վարչախմբից դժգոհ ողջ ընտրազանգվածը»:
Միջոցառման ավարտին կոնգրեսը ուղերձով դիմեց հայաստանցիներին, որտեղ մասնավորապես ասված է. «Հայաստանում ձեւավորվել է համաժողովրդական շարժում, որի վճռականությունը պսակվելու է հաղթանակով: Դա լինելու է ՀՀ յուրաքանչյուր քաղաքացու հաղթանակը: Ավազակապետական ռեժիմը խուճապի է մատնված: Ժողովրդին ահաբեկված պահելու նրա հուսահատ փորձերը դատապարտված են ձախողման: Հայ ժողովուրդը քաղաքացիական զարթոնք է ապրում: Ոչինչ չի կարող կասեցնել ժողովրդական կամքի հաղթական ընթացքը: ՀՀ յուրաքանչյուր քաղաքացու կոչ ենք անում միանալ համաժողովրդական շարժմանը, մասնակցել համաժողովրդական հաղթանակի կերտմանը՝ հանուն սերունդների առաջ ունեցած պատասխանատվության»:
Հ. Գ. Կոնգրեսում Լեւոն Տեր-Պետրոսյանի ունեցած ծավալուն ելույթի ուշագրավ հատվածները կարդացեք վաղվա համարում:
- ՆԱԻՐԱ ՄԱՄԻԿՈՆՅԱՆ
ԱՅԴ Ի՞ՆՉ «ԱՅԼ ԾԱԽՍԵՐ» ԷԻՆ
«Ժառանգություն» խմբակցության պատգամավոր Անահիտ Բախշյանը, որ ներկա է լինում կառավարության նիստերին, «Առավոտի» հետ զրույցում հիշատակեց, թե կառավարության օգոստոսի 16-ի N 981-Ա որոշմամբ ...«ՀԵՂԱՓՈԽՈՒԹՅՈՒՆՆԵՐԸ ՉԵՆ ԼՈՒԾՈՒՄ ԿԱՐԵՎՈՐ ԽՆԴԻՐՆԵՐԸ»
ՄԱՐԳԱՐԻՏ ԵՍԱՅԱՆՀՀԿ խմբակցության պատգամավոր Արմեն Աշոտյանը ադրբեջանական «Դեյ-Ազ»-ին տված հարցազրույցում կարծիք էր հայտնել, որ մեզանում գունավոր հեղափոխությունները բացառված են: ՀՀԿ խմբակցության պատգամավոր, ...«ԱՌԱՋԻՆ ՓՈՒԼՈՒՄ ՀԱՂԹԵՑ ՇԱՐԺՈՒՄԸ»
ՆԱԻՐԱ ՄԱՄԻԿՈՆՅԱՆԴեկտեմբերի 22-ին հայտարարեց ՀՀ առաջին նախագահ Լեւոն Տեր-Պետրոսյանը՝ վերլուծելով իր շուրջ ձեւավորված համաժողովրդական շարժման եւ իշխանությունների ծավալած գործունեության արդյունքը: Դեկտեմբերի 22-ին ՀՀ կառավարության ...ԱՌԱՍՊԵԼ՝ ԸՍՏ ՎԱՀԱՆԻ
ԱՆՆԱ ԻՍՐԱՅԵԼՅԱՆՀՅԴ նախագահի թեկնածուն չի հավատում հրապարակված հարցումների արդյունքներին, ըստ որոնց՝ Սերժ Սարգսյանի վարկանիշն ամենաբարձրն է: Երեկ ՀՅԴ բյուրոյի գրասենյակում հրավիրված ասուլիսում ՀՅԴ բյուրոյի անդամ, նախագահի ...ԽՈՍՏԱՆՈՒՄ Է ՏԱՐԱԾՔՆԵՐ ՉՀԱՆՁՆԵԼ
Ն. Գ. 1«Տեր-Պետրոսյանը նշել է, որ դրածոները առաջադրելով իրենց թեկնածությունը` խնդիր են լուծել նախորդ եւ նախորդի նախորդ ընտրություններում: Այսինքն` դրածոները մշտապես դրածո անձինք են»,- երեկ բացառելով ...ՔԱՂԱՔԱՊԵՏՆ ԱՄՓՈՓԵՑ 2007-Ը
ՆԵԼԼԻ ԳՐԻԳՈՐՅԱՆ«Ցանկանում եմ շնորհակալություն հայտնել երեւանցիներին՝ համբերատարության համար, բոլոր ժամանակավոր անհարմարությունները տարան պատվով»,- երեկ տարվա ամփոփիչ ասուլիսում հայտարարեց քաղաքապետ Երվանդ ...ԶԻՆՎՈՐՆԵՐՆ ՈՒ ԴՊՐՈՑԱԿԱՆՆԵՐԸ ՋՐԾԱՂԻԿ ԵՆ
ԱՆՈՒՇ ԽԵՉՈՅԱՆՉնայած դրան, թե՛ կրթության, թե՛ բանակի պատասխանատուները հերքում են հիվանդության առկայությունը: Այս օրերին մայրաքաղաքի դպրոցներում շատ երեխաներ դասերից բացակայում են: Պատճառն այն է, որ մի շարք դպրոցներում ...«ՍՅՈՒՆՅԱՑ ԱՐԾԻՎՆԵՐԸ» ԿՍԱՏԱՐԵՆ ՍԵՐԺ ՍԱՐԳՍՅԱՆԻՆ
ԳՈՀԱՐ ՀԱԿՈԲՅԱՆՈրովհետեւ, իրենց համոզմամբ, վարչապետն արիական ծագում ունի Շաբաթ օրը լրագրողների մի խումբ այցելեց Կապան՝ լուսաբանելու «Սյունյաց արծիվներ» երիտասարդական-հասարակական կազմակերպության հիմնադրման ...ԴԱՏԱԽԱԶԻ ՏԵՂԱԿԱԼԻ ԲՈՂՈՔԸ ԲԱՎԱՐԱՐՎԵԼ Է
ՌՈՒԶԱՆ ՄԻՆԱՍՅԱՆՊայմանականով ազատվածները կրկին մեկուսարանում են ՀՀ գլխավոր դատախազի տեղակալ Արամ Թամազյանը դիմել էր ՀՀ վճռաբեկ դատարանի քրեական պալատին՝ դատապարտյալներ Վարդան Մուխսիխաչոյանի եւ Արամայիս Միրիբյանի պայմանական ...«ՄԻԱՅՆ ՀԱՅԱՍՏԱՆՈՒՄ ԵՄ ԻՆՁ ԼԱՎ ԶԳՈՒՄ»
Զրուցեց ԱՇՈՏ ՀԱԿՈԲՅԱՆԸՀարցազրույց Արթուր Աբրահամի հետ IBF-ի վարկածով աշխարհի չեմպիոն Արթուր Աբրահամը դեկտեմբերի 8-ին անգլիացի Ուեյն Էքլոքին 5-րդ ռաունդում նոկաուտի ենթարկելուց եւ վեցերորդ անգամ անընդմեջ չեմպիոնական գոտին ...ԷԿՎԱԴՈՐԻՑ ՎԵՐԱԴԱՐՁԱՎ ՈՒ ԱՆՍԱՄԲԼ ՀԻՄՆԵՑ
Ս. ԴԱՆԻԵԼՅԱՆԴիրիժոր Զավեն Վարդանյանն այլեւս ղեկավարելու է Մենակատարների պետական կամերային անսամբլը Հայաստանյան մշակութային կյանքում առաջին անգամ 2008թ. հունվարի վերջերին դասական երաժշտության երկրպագուներին կներկայանա ...
«ՄԻԱՅՆ ՀԱՅԱՍՏԱՆՈՒՄ ԵՄ ԻՆՁ ԼԱՎ ԶԳՈՒՄ»
Զրուցեց ԱՇՈՏ ՀԱԿՈԲՅԱՆԸՍԱԴՈՅԱՆՆ ԱԼՐԱՂԱՑԻ ԼՅՈՎԻ ՕԳՆԱԿԱ՞Ն
«ՍԻԼ»-ՈՒՄ ՍՏՈՒԳՈՒՄՆԵՐԸ ՈՉՆՉԱՑՆԵԼՈՒ ԲՆՈՒՅԹԻ ԷԻՆ
Զրույցը վարեց ԱՆՆԱ ԻՍՐԱՅԵԼՅԱՆԸ«ԶՐՊԱՐՏԱՆՔ ԵՎ ՏԳԻՏՈՒԹՅՈՒՆ»
«ԵԹԵ ԻՆՁ ՉԽՓԵՆ, ԵՍ ՉԵՄ ԽՓԻ»
ՆԱԻՐԱ ՄԱՄԻԿՈՆՅԱՆ«ԲԱՐԵՎԻ ՓՈԽԱՐԵՆ ՀԱՐՑՆՈՒՄ ԷԻՆ՝ ՊԱՀԱՆՋԱՏԵ՞Ր ԵՍ»
ՄԱՐԳԱՐԻՏ ԵՍԱՅԱՆԽՈՍՏԱՆՈՒՄ Է ՏԱՐԱԾՔՆԵՐ ՉՀԱՆՁՆԵԼ
Ն. Գ.«ԳԵՂԱՄՅԱՆԸ ՀԱՅՐԵՆԱՍԵՐ ՔԱՂԱՔԱԿԱՆ ԳՈՐԾԻՉ Է»
ՄԱՐԳԱՐԻՏ ԵՍԱՅԱՆ41 ՄԻԼԻԱՐԴ 514 ՄԻԼԻՈՆ 230 ՀԱԶԱՐ 940 ԴՈԼԱՐ
ԱՆՆԱ ԻՍՐԱՅԵԼՅԱՆՀԵՐԹԱԿԱՆ ՀԱՐՁԱԿՈՒՄԸ ՉԵՆՋԻ ՎՐԱ
- 1805 Ռուսաստանի կազմի մեջ է մտնում Շիրվանի (Շամախու) խանությունը:
- 1864 Ծնվեց արևելագետ, հնաբան, լեզվաբան Նիկողայոս Մառը: (Վախճ. 1934թ.-ին):
- 1920 Խորհրդային Հայաստանում կազմակերպվում է առաջին մասսայական շաբաթօրյակը:
- 1920 Դաշնակցականները կազմում են այսպես կոչված «Ինքնավար Սյունիքի կառավարություն» (1921 թվականի ապրիլի 26-ին այն վերակազմվում է և անվանվում «Լեռնահայաստանի կառավարություն»):
- 1991 Խորհրդային Միությունը քայքայվեց: Միխայիլ Գորբաչովը տվեց իր հրաժարականը:
ԼՈՒՐԵՐ ՀԱՅԱՍՏԱՆ
ՕՆԼԱՅՆ ԼՈՒՐԵՐ
ԻՆՖՈՐՄԱՑԻԱ
ԻՄ ԱՐՄԹԱՈՒՆ
Ինչպե՞ս թողնել ծխելը
Ինչպե՞ս գրել Հայերեն Windows XP միջավայրում
Սույն կայքում հրատարակված նյութերը վերցված են բաց աղբյուրներից և պաշտպանված են հեղինակային իրավունքիով։ Արգելված է սույն կայքում հրատարակված նյութերի վերարտադրումը առանց իրական հեղինակի գրավոր թույլտվության։ Եթե ցանկանում եք հանել Ձեզ պատկանող նյութը, ապա ուղարկեք մեզ, պատկանելությունը վկայող փաստեր և տվյալ նութը անմիջապես կհանվի։ Բոլոր նյութերը հրատարակված են միայն ինֆորմացիոն նպատակով և մենք պատասխանատու չենք դրանց հավաստիության համար։