«ԲԱՐԵՎԻ ՓՈԽԱՐԵՆ ՀԱՐՑՆՈՒՄ ԷԻՆ՝ ՊԱՀԱՆՋԱՏԵ՞Ր ԵՍ»
- ԱԻՄ նախագահ Պարույր Հայրիկյանն ասում է, որ այս հարցը հաճախակի տվող դաշնակցականները իշխանության տարիներին որեւէ քայլ չարեցին «խարխափող եւ արտաքին ճնշումներին ենթարկվող» արտաքին քաղաքականությունը փոխելու եւ պահանջատիրական դարձնելու ուղղությամբ:
«Բազմաթիվ օրինակելի նվիրյալներով հագեցած այս ազգային-քաղաքական կազմակերպությունը փաստորեն չունի հօգուտ հայ ժողովրդի իրականություն դարձրած մի նախաձեռնություն, մի ներդրում, որը մենք վերագրենք իրեն եւ միայն իրեն: Նախ, անցյալ դարի սկզբին լինելով հիմնական քաղաքական ուժը, չկարողացան կանխել ցեղասպանությունը,- ասում է ԱԻՄ նախագահը:- Հետո Տիրոջ կամքով մեզ տրվեց անկախություն, որին նրանք պատրաստ չէին եւ կորցրին, հետո էլ անկախության համար մեր նորօրյա վճռական փուլում իրենք որեւէ գործնական դերակատարություն չկամեցան ունենալ»: Մեր հարցին՝ մի՞թե դաշնակցությունը կարող էր կանխել ցեղասպանությունը, պարոն Հայրիկյանը պատասխանեց. «Դրանից ավելի մեծ առաքելություն կարող է ունենալ ազգային-քաղաքական կուսակցությունը, իսկ եթե չէին կարող, ուրեմն կոպեկ չարժեն»: Որպես ապացույց ներկայացրեց Վանի ինքնապաշտպանական կռիվներից հետո ռուսական հրամանատարության պահանջով Վանը լքելը:
Այսօր դաշնակցության ներկայացուցիչները հայտարարություններ են անում արդար, ներողամիտ եւ հանդուրժող մթնոլորտում նախագահական ընտրությունները անցկացնելու մասին: ԱԻՄ նախագահը նկատեց, որ այդ հայտարարությունները ուրախացնող են. «Մի քիչ իրենց հեղափոխական ոգուն հարիր չէ, դա ավելի շատ քրիստոնեա-դեմոկրատական ուղղվածության դիրքորոշում է եւ ոչ սոցիալիստական-հեղափոխական, բայց ամեն դեպքում ուրախացնող է: Սակայն չմոռանանք, որ բարի ցանկությունները քաղաքական իրականություն են դառնում Սահմանադրության մեջ ամրագրվելով»:
Պ. Հայրիկյանը նշեց, որ երիտասարդ տարիներին իրեն այդ կուսակցության գաղափարական հետեւորդ էր համարում՝ առանց նրա անդամը լինելու. «Երբ մենք պայքարում էինք ազատ, անկախ Հայաստանի համար, մեզ համար դաշնակցությունը իր «Մահ կամ ազատություն» հիմնական կարգախոսով գաղափարապես առաջնորդող ուժ էր, բայց նույն այդ գործունեությունը վերլուծելու ընթացքում սկսում ես հասկանալ, թե ինչ պատահեց, որ այդքան նվիրյալներ ունեցող ազգային-քաղաքական ուժը ոչ միայն մեր ժողովրդին հաջողությունների չհասցրեց, այլեւ մենք բոլորս ականատես եղանք մի մեծ ողբերգության, հետո ստացանք պետականություն, որը չպահպանեցինք, իսկ եթե 20 թվին ստացած մեր պետականությունը կարողանայինք պահպանել, ապա այսօր կլինեինք առնվազն 7 միլիոնանոց Հայաստան եւ առնվազն Կարս-Արդահան տարածքներ, այսինքն՝ 2-3 անգամ ավելի մեծ տարածքով, չէինք ունենա Արցախի խնդիր եւ այլն: Այդպես կլիներ, եթե հետեւողականություն դրսեւորեինք եւ կարողանայինք հավատարիմ մնալ «Մահ կամ ազատություն» սկզբունքներին»:
Պարոն Հայրիկյանը համաձայն չէ դաշնակցության այն պնդումներին, ըստ որի՝ ՀՅԴ-ն իրեն է վերագրում հայապահպանության բացառիկ դերը. «Դա ինքնախաբեություն է, շատ լավ գիտենք, օրինակ, որ Բեյրութը ամենապահպանված հայկական գաղութն է, բայց անկախությունից հետո միայն մի քանի մասնավոր ընտանիքներ են եկել Հայաստան, իսկ եթե Պարսկաստանից հայեր են եկել, եկել են իրենց հայեցողությամբ,- նշում է ԱԻՄ նախագահը:- Բայց ես ուզում եմ խոսել մեկ այլ խնդրի մասին: Մեր ժողովրդի համար կարեւորը պետականության պահպանման խնդիրն է եւ կասկած չկա, որ 1920 թվականին պետականության կորուստը տեղի ունեցավ այն պայմաններում, երբ դաշնակցությունն էր իրավիճակի տերը: Այ, այստեղ է, որ հարց է ծագում, մարդիկ փոխանակ հասկանան, որ սա ցավի, անաչառության դրսեւորում է, ընդհակառակը, ներկայացնում են, թե ես խեղաթյուրում եմ իրավիճակը: Տեսեք, «Մահ կամ ազատություն» կարգախոսը կրող կուսակցությունը, որը ձեռքի տակ ուներ Սեւրի պայմանագրի բարոյական աջակցությունը, ռուս-թուրքական անմիջական ճնշման հետեւանքով վիճակը օրհասական համարեց եւ կորցրեց Կարս-Արդահանը, մոռանալով, որ դրանից 2 տարի առաջ թուրքերը շատ ավելի առաջ էին եկել եւ ետ շպրտվել: Եվ մի քանի հարյուր-հազար ընտրող ունեցող կուսակցության մեջ չգտնվեց մեկը, որն ասեր՝ ոչ, մենք ասել ենք «Մահ կամ ազատություն» եւ մեր երկիրը չենք տալիս բոլշեւիկներին: Ես սա ասում եմ տխրությամբ եւ ոչ թե մի օտար երեւույթի, այլ իմ՝ մեր հայրերի մասին»:
ՀՅԴ-ի ինքնավստահությունը այսօրվա նախագահական պայքարում Պարույր Հայրիկյանը պատահական չի համարում. «Դաշնակցությունը 91-ին եւս մտել էր նախագահական պայքարի մեջ եւ ոչ պակաս ինքնավստահ էր, ես դրանում դատապարտելի ոչինչ չեմ տեսնում, քարոզարշավ է: Բայց 91-ի նախագահական ընտրություններին դաշնակցությունը ԱԻՄ-ից երկու անգամ պակաս ձայներ ստացավ, սա փաստ է»: Դաշնակցության շանսերն այս պահին ԱԻՄ նախագահը գնահատում է շատ համեստ. «Ոչ ավելի, քան խորհրդարանական ընտրությունների ժամանակ: Իրենք ասում են՝ ազգային կուսակցություն են: Եթե ազգային կուսակցություն ես ու մի քանի անգամ կրթության նախարար ես ունեցել, էդ ինչպե՞ս պատահեց, որ տարրական ազգային հարցը՝ միասնական ուղղագրությունն ավարտին հասցնելու խնդիրը չկարողացար լուծել: Ուրեմն՝ քո ազգայինը վերացավ: Ի վերջո, դաշնակցությունից է, չէ՞, կախված Էջմիածին-Անթիլիաս հարաբերությունների կարգավորման հարցը: Այստեղ էլ որեւէ քայլ չեն անում, էդ ինչո՞վ պիտի իրենք գրավիչ դառնան մարդկանց համար: Նրանով, որ իմ լավ բարեկամ Վահան Հովհաննիսյանն ասում է, որ իրենք էին սահմանադրական բարեփոխում նախաձեռնողը, շատ լավ իմանալով եւ այնքան ակնհայտ էր, որ իրենք չէին, այլ մենք էինք նախաձեռնողը, ես նույնիսկ այդ հանձնաժողովի նախագահն էի»:
- ՄԱՐԳԱՐԻՏ ԵՍԱՅԱՆ
Քննարկում
Bush գրել է:
Պարույրի կողմից լավ է ասված, բայց քիչ է ասված: Դաշնակցությունը մինչև այսօր առեղծվածային անիմաստություն է:
216 օր առաջ | 
ՏՊԱԳԻՐ ՄԱՄՈ՞ՒԼԸ ՊԻՏԻ ՀԱՎԱՍԱՐԱԿՇՌԻ TV-ՆԵՐԻՆ
Հարավային Կովկասում Եվրամիության հատուկ ներկայացուցիչ Պիտեր Սեմնեբիի հետ երեկ հանդիպման ժամանակ (տես լուսանկարը) վարչապետ Սերժ Սարգսյանն ակնհայտորեն պատասխանել է Եվրոպայի Խորհրդի գլխավոր քարտուղար Թերի ...24 ԵՐԿԱՐԱԺԱՄԿԵՏ ԴԻՏՈՐԴՆԵՐ ԵԱՀԿ-ԻՑ
ԱՆՆԱ ԻՍՐԱՅԵԼՅԱՆ 1ԵԱՀԿ Ժողովրդավարական հաստատությունների եւ մարդու իրավունքների գրասենյակի հատուկ առաքելությունը դեկտեմբերի 13-ին հրապարակել է իր զեկույցը Հայաստանի նախագահական ընտրությունների մասին: Զեկույցը հիմնված ...«ՈՒԺԻ ԿԻՐԱՌՄԱՄԲ ՁԵՌՔ ԲԵՐՎԱԾ ՈՐԵՎԷ ԱՊԱՑՈՒՅՑ ԳՐՈՇԻ ԱՐԺԵՔ ՉՈՒՆԻ»
Ս. Սուրենյանցի հետ հարցազրույցը կարդացեք վաղվա համարում:ՆԱԻՐԱ ՄԱՄԻԿՈՆՅԱՆԱսում է «Հանրապետություն» կուսակցության անդամ Սուրեն Սուրենյանցը Երեկ ԱԺՄ նախագահ եւ ՀՀ նախագահի թեկնածու Վազգեն Մանուկյանը հայտարարություն է տարածել, որում մասնավորապես ասված է. «Ս.թ. ...«ՈՎ ԳԱԼԱ-Ի ԾԱՌԸ, ՄԵՆՔ ՆՐԱՆՑ ԱՆՏԱՌԸ»
ՆՈՒՆԵ ԱՐԵՎՇԱՏՅԱՆԵրեկ Գյումրիի թատերական հրապարակում տեղի ունեցած հանրահավաքի ժամանակ Գյումրիի անկախ լրատվական ալիքի անտառապահ երկրպագուները իրենց զայրույթն արտահայտել էին այսպիսի հայհոյանքով: Հանրահավաքը արտասովոր էր ...ԿԱՐԾԻՔՆԵՐ ԹՈՒՐՔԻԱՅԻ ՄԱՍԻՆ
Ա. Ի.«Հայ-թուրքական հարաբերություններ. հիմնախնդիրներ եւ հեռանկարներ» թեմայով երեկ անցկացված խորհրդարանական լսումներին հրավիրված էին նաեւ 20 թուրքական պետական եւ հասարակական գործիչներ, մասնավորապես՝ ...ՆՈՐ ՏԱՐԻՆ՝ ՆՈՐ ԵՐԵՎԱՆՈՎ
ՆԵԼԼԻ ԳՐԻԳՈՐՅԱՆ Նյութը պատրաստվել է Երեւանի քաղաքապետարանի աջակցությամբ
Տարվա երկրորդ եռամսյակում, երբ մայրաքաղաքում սկսվեցին լայնածավալ շինարարական աշխատանքները, շատերն էին թերահավատությամբ վերաբերվում այն խոստումներին, որ մինչեւ տարեվերջ հիմնական աշխատանքները կավարտվեն, ...ՑՈՒՅՑ ԵՆ ՏՎԵԼ ՄԵԿԸ, ՎԱՃԱՌԵԼ՝ ՄՅՈ՞ՒՍԸ
ՆԵԼԼԻ ԲԱԲԱՅԱՆԲնակիչն «էլիտար» շենքում տուն է գնել ու փոշմանել Այսօր մայրաքաղաքում շատ «էլիտար» շենքեր կառուցման փուլում են: Դրանց հիմքը դեռ չգցած՝ էլիտարների սեփականատերերն արդեն զբաղվում ...ՄԵԿ ՊԱՅԹՅՈՒՆ՝ ՅՈԹ ՄԱՀ
ՌՈՒԶԱՆ ՄԻՆԱՍՅԱՆ
Տուժողների ներկայացուցիչներն ու մեղադրյալները դժգոհ են առաջին ատյանի դատավճռից
2006թ. օգոստոսի 12-ին Վանաձոր-Դիլիջան ճանապարհին «ՎՆՍ Եռյակ» ՍՊԸ-ի համար հեղուկ գազ տեղափոխող «ՄԱԶ 5334» ...ԻՐԱՎԱԿԱՆ ԽՃԱՆԿԱՐ
Սեփ. լր.Դեկտեմբերի 17-20 Ինչպես հայց գրել Նախորդ օրը Հայաստանի մարզերի առաջին ատյանի դատարաններ եւ երեկ Երեւան քաղաքի համայնքների առաջին ատյանի դատարաններ, ինչպես նաեւ վերաքննիչ դատարաններ այցելեցին հանրապետության ...70-ԱՄՅԱ ՄՈՌԱՑՎԱԾ ԹԱՏՐՈՆ
Ս. ԴԱՆԻԵԼՅԱՆ
Կապանի Ալ. Շիրվանզադեի անվան պետական թատրոնը դեռ կիսավեր «տանն» է
Կապանի Ալ. Շիրվանզադեի անվան պետական թատրոնի գործունեության ընթացքում արձանագրվել են տարօրինակ իրողություններ. 1936թ. հիմնադրված ...ԿԵՐՊԱՐՎԵՍՏԻ ԲՆԱԳԱՎԱՌՈՒՄ ՈՐԱԿԸ ԶԻՋՈՒՄ Է ՔԱՆԱԿԻՆ
ՍՏԵԼԼԱ ՍԱՐԳՍՅԱՆ
Հայտարարում է ՀՆՄ նախագահ Կարեն Աղամյանը
Հայաստանում կերպարվեստի բնագավառում նկատվում է նկարիչների եւ նրանց ստեղծագործությունների քանակի աճ, ինչը հաճախ հակառակ համեմատական է նրանց գործերի որակին: Մեզ ...«ԲԱՐԵՎԻ ՓՈԽԱՐԵՆ ՀԱՐՑՆՈՒՄ ԷԻՆ՝ ՊԱՀԱՆՋԱՏԵ՞Ր ԵՍ»
ՄԱՐԳԱՐԻՏ ԵՍԱՅԱՆ 1ԱԻՄ նախագահ Պարույր Հայրիկյանն ասում է, որ այս հարցը հաճախակի տվող դաշնակցականները իշխանության տարիներին որեւէ քայլ չարեցին «խարխափող եւ արտաքին ճնշումներին ենթարկվող» արտաքին քաղաքականությունը ...ԼՈՌԻՈՒՄ ԿԱ՞Ն ԵՐԿԱԿԻ ԽԱՂԱՑՈՂ ՀՀԿ-ԱԿԱՆՆԵՐ
ՆԱԻՐԱ ՎԱՆՅԱՆ
«Այլընտրանքի» մարզային կառույցի ղեկավար Կարեն Սարգսյանը պնդում է, թե շատ ՀՀԿ-ականներ գաղտնի սատարում են Լեւոն Տեր-Պետրոսյանին:
- Պարոն Սարգսյան, ըստ Ձեզ, ինչպիսի՞ն են մարզի հասարակության ...
ՖՈՏՈՄՈՆՏԱ՞Ժ Է
«ԿՐԱԿՈՑ»՝ ՍԵՐԺ ՍԱՐԳՍՅԱՆԻ ԱՅՑԻ ԺԱՄԱՆԱԿ
ՆՈՒՆԵ ԱՐԵՎՇԱՏՅԱՆՍԱԴՈՅԱՆՆ ԱԼՐԱՂԱՑԻ ԼՅՈՎԻ ՕԳՆԱԿԱ՞Ն
«ԵԹԵ ԻՆՁ ՉԽՓԵՆ, ԵՍ ՉԵՄ ԽՓԻ»
ՆԱԻՐԱ ՄԱՄԻԿՈՆՅԱՆ«ԲԱՐԵՎԻ ՓՈԽԱՐԵՆ ՀԱՐՑՆՈՒՄ ԷԻՆ՝ ՊԱՀԱՆՋԱՏԵ՞Ր ԵՍ»
ՄԱՐԳԱՐԻՏ ԵՍԱՅԱՆԳԵՂԱՄՅԱՆԸ ԲԱՑԱՀԱՅՏՈՒՄ Է
Մ. ԵՍԱՅԱՆԻԶՈՒՐ ԷԻՆ «ԶԻՆՎԵԼ»
ՀԱՅՀՈՅԱՆՔԸ ՄԱՏՆՈՒՄ Է ԹՈՒԼՈՒԹՅՈՒՆԸ
ԱՆՆԱ ԻՍՐԱՅԵԼՅԱՆ«ՓԱՌՔ ՏՎԵՔ ՍՈՎԵՏԱԿԱՆ ՇՐՋԱՆԻՆ»
ՆԵԼԼԻ ԳՐԻԳՈՐՅԱՆԹԵԿՆԱԾՈՒՆԵՐԸ ԻՐԵՆՑ ՈՒՆԵՑՎԱԾՔԸ ՀԱՅՏԱՐԱՐԱԳՐԵՑԻՆ
ՆԱԻՐԱ ՄԱՄԻԿՈՆՅԱՆ
- 1808 Զմյուռնիայում ծնվեց բանասեր, կղերա-աղայական հոսանքի ներկայացուցիչ Մսեր Մսերյանցը: (Վախճ. 1873 թ.-ին, Մոսկվայում):
- 1883 Թիֆլիսում լույս տեսավ «Նոր դար» լրագիրը Սպանդար Սպանդարյանի խմբագրողթյամբ:
- 1885 Ծնվեց հայ ականավոր հեղափոխական և պետական գործիչ Ասքանազ Մռավյանը: (Սպանվեց խորհրդային ոստիկանության կողմից 1929թ.-ին):
- 1912 Ցարական կառավարությունը օրենք հրապարակեց «Թիֆլիսի, Քութայիսի, Երևանի, Ելիսավետպոլի, Բաքվի նահանգների ժամանակավոր պարտավորյալ, կախյալ գյուղացիների՝ կալվածատերերի նկատմամբ ունեցած պարտավորությունները դադարեցնելու և պետության օժանդակությամբ հողաբաժինները պարտադիր կերպով ետ գնելու մասին»:
ԼՈՒՐԵՐ ՀԱՅԱՍՏԱՆ
ՕՆԼԱՅՆ ԼՈՒՐԵՐ
ԻՆՖՈՐՄԱՑԻԱ
ԻՄ ԱՐՄԹԱՈՒՆ
Ինչպե՞ս թողնել ծխելը
Ինչպե՞ս գրել Հայերեն Windows XP միջավայրում
Սույն կայքում հրատարակված նյութերը վերցված են բաց աղբյուրներից և պաշտպանված են հեղինակային իրավունքիով։ Արգելված է սույն կայքում հրատարակված նյութերի վերարտադրումը առանց իրական հեղինակի գրավոր թույլտվության։ Եթե ցանկանում եք հանել Ձեզ պատկանող նյութը, ապա ուղարկեք մեզ, պատկանելությունը վկայող փաստեր և տվյալ նութը անմիջապես կհանվի։ Բոլոր նյութերը հրատարակված են միայն ինֆորմացիոն նպատակով և մենք պատասխանատու չենք դրանց հավաստիության համար։