ԸՆՏՐԵՆՔ ՄԵՐ ԱԶԳԻՆ ԱՐԺԱՆԻ ՆԱԽԱԳԱՀ

Կարեւորագույն ժամանակներ են: Պատասխանատու՝ ողջ ազգի համար: Առհասարակ ցանկացած ընտրություն մեծ պատասխանատվություն է: Հատկապես՝ հանրապետության նախագահի ընտրությունները: Եվ երանի, որ ամեն մի ընտրությունից հետո կարողանանք ասել. «Փառք Աստծո՝ ճիշտ ենք վարվել»: Սակայն նախագահական ընտրություններում մեր ճիշտն ու սխալը ցույց կտա ժամանակը, երկրի զարգացումն ու ժողովրդի բարեկեցությունը: Ո՞ւմ կվստահենք մեր վաղվա օրը, երեխաների ապագան, տարեցների վաստակած հանգիստը, երիտասարդների իղձերը, երկրի սահմանները, այդ սահմանները պաշտպանող զինվորի ապահովությունը, զինվորին սպասող մոր հույզերը: Ո՞ւմ կվստահենք մեր երկրի ճակատագիրը: Այսօր, ավելի քան երբեւէ, լուրջ եւ սթափ մտածելու ժամանակն է: Ժամանակն է գործով ապացուցելու, որ ժողովուրդ ենք, ազգ ենք, իրավունք ունենք մեր տեղը գտնելու 21-րդ դարում, քաղաքակիրթ աշխարհում:
Արդեն տասը տարի է, ինչ ապրում եւ աշխատում եմ Եվրոպայում: Սեփական փորձից գիտեմ, թե ինչ է նշանակում բարեկեցիկ երկիր, եւ ինչ կարող է այն տալ ազնիվ աշխատող մարդուն: Երբ լսեցի, որ մեր հանրապետության նախագահի թեկնածուներից մեկը Վահան Հովհաննիսյանն է, ուրախության հետ մեկտեղ հոգիս լցվեց հպարտությամբ, քանզի Վահան Հովհաննիսյան՝ նշանակում է Հայ Յեղափոխական Դաշնակցություն: Իսկ Հայ Յեղափոխական Դաշնակցություն՝ նշանակում է «Ամեն ինչ ազգի, ժողովրդի համար, պատասխանատվություն նրա անցյալի, ներկայի եւ ապագայի հանդեպ»: ՀՅԴ՝ նշանակում է 117 տարիների անձնվեր աշխատանք, պայքար, հաղթանակներ հանուն ազգի: Ես երջանիկ եմ, որ նաեւ անձամբ եմ ճանաչում Վահան Հովհաննիսյանին: Երեւանյան մեր մանկության ու պատանեկության տարիներին նա մեզ համար օրինակ էր բարձր ինտելեկտի, ընկերության նվիրյալի, վեհ գաղափարներ կրողի: Այն ժամանակների հերոսները այլ մարդիկ էին: Վահանը այն եզակիներից էր, ում ձգտում էինք նմանվել՝ հակադրվելով գործող համակարգին, գնահատելով նրա ազգանվեր գաղափարները, մտքի թռիչքը, անսահման ձգտումը դեպի բարին, արդարությունը:
Կյանքը ցույց տվեց, որ Վահան Հովհաննիսյանը անդավաճան մնաց իր հայացքներին, եւ եկան այն ժամանակները, որտեղ նա կարող է հերոս համարվել: Սակայն նա պարզապես աշխատում է, պայքարում հանուն երկրի զարգացման, իրավական հասարակության ձեւավորման, հանուն խաղաղության եւ կայունության:
Այսօր Վահան Հովհաննիսյանը խոշոր քաղաքական գործիչ է, հայտնի՝ նաեւ արտերկրում: Մեծ հպարտություն եմ ապրում ամեն անգամ, երբ եվրոպական տարբեր ատյաններում բարձր գնահատականներ եմ լսում Վ. Հովհաննիսյանի քաղաքական գործունեության վերաբերյալ: Հայտնի է, որ մտավորականը նա է, ով հասարակությանը տալիս է ավելին, քան կարող է եւ ստանում է շատ ավելի պակաս, քան իրեն պետք է: Ինձ համար իսկական մտավորական է Վահան Հովհաննիսյանը, եւ ես համոզված եմ, որ մեր ժողովրդին այսօր պետք է մտավորական նախագահ, որը մեծ դեր է ունեցել Արցախյան պատերազմում մեր հաղթանակի մեջ եւ, առհասարակ, Հայաստանի նորագույն պատմության բոլոր էջերում:
Հաջողություն եմ մաղթում մեզ բոլորիս՝ մեր ազգի համար այս ճակատագրական պահին: Ուզում եմ մեր երկրի ապագան տեսնել հզոր, կայուն, բարեկեցիկ: Սակայն, ինչպես ասում են՝ «ապագան գուշակելու լավագույն միջոցը այն կառուցելն է»: Եկեք կառուցենք այն այսօր միասին, ընտրենք մեր ազգին արժանի նախագահ:
Լավագույն մաղթանքներով եւ ապագայի հանդեպ մեծ ակնկալիքներով՝
ԳԱՐԻԿ ԻՍՐԱՅԵԼՅԱՆ Ֆիզիկամաթեմատիկական գիտությունների դոկտոր
Հ. Գ. Դոկտ. Գարիկ Իսրայելյանը ծնվել է 1963 թ. Երեւանում։ 1987 թ. առաջին կարգի դիպլոմով ավարտել է համալսարանը, 1992 թ. պաշտպանել է դոկտորական թեզ։ Այնուհետեւ որպես դասախոս-հետազոտող աշխատել է Ուտրեխտում (Նիդեռլանդներ), Բրյուսելում (Բելգիա) եւ Սիդնեյում (Ավստրալիա)։ 1992-ից հաստիքային հետազոտող եւ նախագծի ղեկավար է Իսպանիայում՝ Կանարյան կղզիների «Աստղաֆիզիկայի եվրոպական հաստատության» մեջ (European Institute of Astrophysics in Canary Islands, IAC)։ Սույն հաստատությունը (IAC) աստղաֆիզիկայի բնագավառի երրորդ կարեւոր կենտրոնն է աշխարհում։ Իսրայելյանը զեկույցներ է կարդացել 30 միջազգային կոնֆերանսներում եւ հեղինակ է ավելի քան 150 տարաբնույթ գիտական հոդվածների՝ արեգակնային համակարգից դուրս մոլորակների հայտնագործությունից մինչեւ սեւ անցքերի հատկությունների մասին հետազոտություններ։ Դասախոսություններ է կարդացել Ժնեւի եւ Տոկիոյի համալսարանների ասպիրանտուրաներում։ Նրա ջանքերով կազմակերպված միջազգային կոնֆերանսների, հանդիպումների եւ դասախոսությունների շնորհիվ մեծ ճանաչում են ձեռք բերել Կանարյան կղզիները։ Այս փաստը հաշվի առնելով՝ Կանարյան կղզիների իշխանությունները 2002 թ. դոկտ. Իսրայելյանին պարգեւատրել են պատվո շքանշանով։ Երկրին ցուցաբերած գիտական ծառայության համար Իսպանիայի թագավոր Խուան Կարլոս Առաջինը նրան պատվավոր քաղաքացու կոչում է շնորհել։ Գարիկ Իսրայելյանը Nature, Science, Astrophysical Journal եւ այլ հանդեսների գիտական քարտուղարն է։ Նա, ի թիվս այլոց, համահեղինակն է պրոֆ. Հանս Բեթհեի (ֆիզիկոս, Նոբելյան մրցանակի դափնեկիր), պրոֆ. Մայքլ Մայորի (Ժնեւի համալսարանից, 1995թ. արեգակնային համակարգից դուրս առաջին մոլորակի հայտնագործման հեղինակ), պրոֆ. Կորնելիս դը Ջագերի (Նիդեռլանդներից, «Աստղագիտական միջազգային միության» (International Astronomical Union) նախկին գլխավոր քարտուղար, «Տիեզերական հետազոտության կոմիտեի» (Committee on Space esearch) նախագահ եւ «Գիտական միությունների միջազգային խորհրդի» (International Council of Scientific Unions) նախագահ) մի շարք գիտական հոդվածների։
Դոկտ. Իսրայելյանի ամենանշանակալի աշխատությունը լույս է տեսել հանրահայտ Nature գիտական հանդեսում 1999 թ.։ Տիեզերքում «սեւ անցքերի» գոյացման մասին Ջոն Մայքլի նախնական գաղափարի հայտարարումից երկու հարյուր տարի անց Գ. Իսրայելյանը ղեկավարեց միջազգային մի աշխատախումբ, որն ապացուցեց սեւ անցքերի ձեւավորման հարցում սուպերնովա պայթյունների հիմնարար դերը։ Սա, պրոֆ. Հանս Բեթհեի գնահատմամբ, «վերջին տասնամյակի ամենակարեւոր հայտնագործությունն է աստղաֆիզիկայում»։
R

<< | Սկիզբ | >>

Ուղարկել հոդվածը | Քննարկել հոդվածը նոր

Քննարկում

260 օր առաջ | ջնջել (5) | պատասխանել
Erjanik գրել է:
Ո՞ւմ կվստահենք մեր վաղվա օրը, երեխաների ապագան:
Եթե Վահան Հովհաննիսյանն իր աղջկա ապագան վստահել է Սերժ Սարգսյանի եղբորը, ինչու է հոդվածագիրը մեր երեխաների ապագան փորձում կապել Վահան Հովհաննիսյանի հետ: Եթե
ՀՅԴի 117 տարիների անձնվեր աշխատանքը տեսնելու համար աստղաֆիզիկոս պետք է լինել, այն էլ Կանարյան կղզիներում...
260 օր առաջ | ջնջել (5) | պատասխանել
Պոլոզ Մուկուչ գրել է:
Հարգելի Գ. Իսրայելյան էս անտեր տիեզերքում ժամանակի ընթացքում լինում են մեծ
փոփոխություններ, ինչու եք կարծում, որ Վահան Հովհաննիսյանը էս քսան տարվա
ընթացքում չի փոխվել ,մնացել է Ձեր իմացած Վահանը,մանավանդ եթե հաշվի առնենք,որ
իշխանության կազմում է,և ԱԺ-ում շրջապատված է «լավ տղերք»-ով,որոնցից որոշ
բաներ սովորած կլինի...
Հարգանքներով՝ նախկին Մկրտիչ,անկախ Հայաստանում ալան-թալանը,կաշառակերությունը,
անարդարությունը տեսած - ներկայումս Պոլոզ Մուկուչ

RSS © Առավոտ

Վերջին լուրերը, Դեկտեմբեր 19, 2007

ԿՈՂՄՆԱԿԱԼ ԼՈՒՍԱԲԱՆՄԱՆ ՄԱՍԻՆ ԼՈՒՐԸ ՀԱՍԵԼ Է ՍՏՐԱՍԲՈՒՐԳ
Եվրոպայի Խորհրդի գլխավոր քարտուղար Թերի Դեւիսը Նյու Յորքում «Ազատություն» ռ/կ-ի թղթակցին պատմել է անցած շաբաթ Ստրասբուրգում վարչապետ Սերժ Սարգսյանի հետ իր հանդիպման մասին, որ քննարկել են ...
«ԵԹԵ ԻՆՁ ՉԽՓԵՆ, ԵՍ ՉԵՄ ԽՓԻ»
ՆԱԻՐԱ ՄԱՄԻԿՈՆՅԱՆ 6
Երեկ հայտարարեց ԱԺՄ նախագահ Վազգեն Մանուկյանը Երեկ «Հայելի» ակումբում ԱԺՄ նախագահ Վազգեն Մանուկյանին ուղղված հարցերի առյուծի բաժինը առնչվում էր դեկտեմբերի 15-ին «Հայկական ժամանակում» ...
ՔՎԵԱՐԿԵԼ՝ ՆԱԵՎ ՀԱՅԱՍՏԱՆԻՑ ԴՈՒՐՍ
ԱՆՆԱ ԻՍՐԱՅԵԼՅԱՆ
ՀՅԴ-ն ապագայում փորձելու է օրենսդրական նախաձեռնությամբ վերացնել ՀՀ քաղաքացիների համար Հայաստանից դուրս ընտրություններին մասնակցելու արգելքը: Սակայն երեկ ՀՅԴ-ն լռեց: ԱԺ-ն երեկ քննարկեց եւ ընդունեց 2002-ի ...
ՊԱՐԶԱԲԱՆՈՒՄ Է «ՉԻ»-Ն
Վերջին տարիներին «Չորրորդ իշխանություն» թերթի նկատմամբ պարբերաբար բռնություններ են կիրառվել: ՀՀ իշխանություններն ամեն ինչ արել են, որպեսզի խոչընդոտեն թերթի գործունեության բնականոն ընթացքը: ...
ԱՆԿԵՂԾ ԿՊԱՏԱՍԽԱՆԵ՞Ն
Ա. Ի.
«Ժառանգության» վարչությունը երեկ նամակով դիմել է ՀՀ նախագահի բոլոր թեկնածուներին՝ առաջարկելով 22 կետերից բաղկացած մի հարցաշար եւ ակնկալելով նրանց անկեղծ պատասխանները: Այդ հարցերից են՝ «Անձնական ...
ԸՆՏՐԵՆՔ ՄԵՐ ԱԶԳԻՆ ԱՐԺԱՆԻ ՆԱԽԱԳԱՀ
R 2
Կարեւորագույն ժամանակներ են: Պատասխանատու՝ ողջ ազգի համար: Առհասարակ ցանկացած ընտրություն մեծ պատասխանատվություն է: Հատկապես՝ հանրապետության նախագահի ընտրությունները: Եվ երանի, որ ամեն մի ընտրությունից ...
ԿԱՐԱԳ ՆԵՐԿՐՈՂԸ ԿԴԻՄԻ ԴԱՏԱՐԱՆ
ԳԱՅԱՆԵ ՍԱՀԱԿՅԱՆ
Տնտեսվարողը պնդում է, որ շուկայում կարագի գնի բարձրացման հետ ինքը կապ չունի Կարագի գինն անհիմն բարձրացնելու եւ այլ տնտեսվարողների հետ հակամրցակցային համաձայնության գալու համար վերջերս Տնտեսական մրցակցության ...
«ՊԵՏՔ Է ՀԱՇՏՎԵԼ ԱԴՐԲԵՋԱՆԻ ՀԵՏ»
ՏԱԹԵՎ ՀԱՐՈՒԹՅՈՒՆՅԱՆ
Կարծում են «Մխիթար Սեբաստացի» կրթահամալիրի սաները՝ պայմանով, որ հարեւան երկիրը վերադարձնի մեզնից խլած տարածքները: Այսօր երրորդ օրն է, ինչ «Մխիթար Սեբաստացի» կրթահամալիրում իրականացվում ...
ՍՊԱՌՆՈՒՄ ԵՆ ՍԵՐԺԻՆ ՉՍԱՏԱՐԵԼ
ՆԵԼԼԻ ԳՐԻԳՈՐՅԱՆ
Եվ սոցիալական հարցին քաղաքական աստառ տալ Երեկ «Առավոտի» հետ զրույցում «Սեփականության իրավունքի պաշտպանություն» հասարակական կազմակերպության ղեկավար Վաչագան Հակոբյանը սպառնաց, որ ...
«ՉԿԱՄՆԵՐԸ ԹՈՂ ԴԵՂՈՐԱՅՔ ԳՆԵՆ»
Զրուցեց Ս. ԴԱՆԻԵԼՅԱՆԸ
Իրենց հաջողություններին կասկածողներին խորհուրդ է տալիս ՀԹԳՄ նախագահ Հակոբ Ղազանչյանը Վերջերս Հայաստանի թատերական գործիչների միությունը (ՀԹԳՄ) անցկացրեց հեռուստամարաթոն, որի արդյունքում հավաքվեց 20 մլն ...
ՍԵՐ ԵՒ ԱԶԱՏՈՒԹՅՈՒՆ
ԱՐԹՈՒՐ ԱԹԱՅԱՆ ԱՐՏՅՈՄ ԱԲՐԱՀԱՄՅԱՆ
Ինչպես ամբողջ աշխարհում, այնպես էլ Հայաստանում այդպիսին է ռոքի կարգախոսը Երեւանի տիկնիկային թատրոնում արագորեն ուժ առնող համերգային ալիքը չի կարող անտարբեր թողնել ռոքի հայ սիրահարներին: Աշնանային համերգների ...
ՍՊՈՐՏՈՒՄ ԵՐԿՐՈՐԴԱԿԱՆ ԽՆԴԻՐՆԵՐ ՉԿԱՆ
Զրուցեց ԱՇՈՏ ՀԱԿՈԲՅԱՆԸ
ՀՀ սպորտի եւ երիտասարդության հարցերի նախարար Արմեն Գրիգորյանն «Առավոտի» հետ հարցազրույցում ամփոփում է անցնող տարին եւ խոսում 2008 թվականի ծրագրերի մասին: - Պարոն Գրիգորյան: Շուրջ հինգ ա միս ...
ՀՐԱՇԱԼԻ ՏԱՍՆՅԱԿԸ ՈՐՈՇՎԵՑ
Հայաստանի մարզական լրագրողների ֆեդերացիան, շարունակելով «Հայաստանի ֆիզկուլտուրնիկ» թերթի հիմնադրած ավանդույթը, որոշեց անցնող տարվա (2007 թվականի) 10 լավագույն մարզիկներին եւ թիմերին: Հարցմանը ...