ՊԱՐԶԱԲԱՆՈՒՄ Է «ՉԻ»-Ն

Վերջին տարիներին «Չորրորդ իշխանություն» թերթի նկատմամբ պարբերաբար բռնություններ են կիրառվել:
ՀՀ իշխանություններն ամեն ինչ արել են, որպեսզի խոչընդոտեն թերթի գործունեության բնականոն ընթացքը: «ՉԻ»-ի դեմ կատարված բոլոր ոտնձգություններն, ըստ էության, ուղղված են եղել ազատ խոսքի դեմ: Թվարկելով դեռեւս 2003թ. ապրիլի 30-ից «ՉԻ»-ի եւ նրա լրագրողների նկատմամբ իրականացրած բռնարարքներն ու սպառնալիքները՝ կոնկրետ փաստերով, «ՉԻ»-ն, ի վերջո, մատնանշել է նաեւ 2007թ. դեկտեմբերի 13-ին անհայտ անձանց կողմից «ՉԻ»-ի խմբագրության մուտքի դուռը պայթեցնելու հանգամանքը:
Վերջին միջադեպի առնչությամբ «ՉԻ»-ն անհրաժեշտ է համարել ներկայացնել նաեւ թերթի լրագրող Թագուհի Թովմասյանի պարզաբանումները, որոնք կարող են նպաստել հերթական այս ահաբեկչության բացահայտմանը (եթե իրավապահները նման մտադրություններ ունեն): Նկատի ունենալով, որ տեղի ունեցած պայթյունից հետո թերթի խմբագիր Շողեր Մաթեւոսյանի հայտարարությունը, թե ԱԺ-ում Սերժ Սարգսյանի վարորդ Վաչոն մոտեցել է «ՉԻ» լրագրողներից մեկին ու զգուշացրել, որ կարող է «համը դուրս գալ», հետաքրքրություն է առաջացրել քաղաքական ու լրագրողական շրջանակներում, «ՉԻ»-ն տեղեկացնում է, որ այն լրագրողը, որին մոտեցել է Վաչոն, «ՉԻ» լրագրող Թագուհի Թովմասյանն է եղել: Թե հատկապես Վաչոն ինչ է ասել լրագրողին իր հետ ունեցած զրույցի ընթացքում, ներկայացնում է հենց Թագուհի Թովմասյանը. «Այո, դեկտեմբերի 5-ին խորհրդարանի միջանցքում Սերժ Սարգսյանի վարորդ Վաչիկ Ղազարյանը ինձ հետ զրույցում, որն, ի դեպ, ծավալվում էր բավականին ջերմ, ընկերական մթնոլորտում, ասաց, թե «իսկականից կարող է համը դուրս գա»: Իմ հարցին, թե ի՞նչ նկատի ունի, Վ. Ղազարյանը հարցով պատասխանեց. «Քեզ դուր գալի՞ս ա այսօրվա «Չորրորդ իշխանության» նկարը»: Ես էլ ասացի, որ եթե առարկություններ ունի, ապա պետք է դիմի խմբագրին, քանի որ ես պատասխանատու եմ բացառապես իմ գրած հոդվածների համար, այլ ոչ թե ողջ թերթի: Այստեղ զրուցակիցս ինձ խնդրեց իմ խմբագրին «ընկերական փոխանցել», որ իրենք ունեն բազմաթիվ համակիրներ, որոնք չեն ենթարկվում ոչ մեկին, «կրիշները թռած են», որոնց դուր չի գալիս այդ ամենը, եւ հնարավոր է, որ օրերից մի օր առանց որեւէ մեկին տեղյակ պահելու որոշեն մի բան անել, ու «ես չկարողանամ կանտրոլ անել»: Ես ի պատասխան ասացի, որ եթե ես փոխանցեմ այս ամենը Շողեր Մաթեւոսյանին, ապա նա հաստատ ասելու է` թերթում հրապարակի խոսակցության բոլոր մանրամասները: «Չէ, գրել պետք չի. ուղղակի ընկերական զգուշացրու», առարկեց կոչումով գնդապետ Վաչիկ Ղազարյանը: Ես խոստացա, որ կփոխանցեմ խմբագրիս ու նաեւ կխնդրեմ նրան, որ չհրապարակի այդ ամենը եւ չհամարի սպառնալիք: Այդպես էլ եղավ. ես փոխանցեցի մեր զրույցի մանրամասները Շողեր Մաթեւոսյանին, իսկ նա էլ որեւէ բան չհրապարակեց այդ մասին, ավելին, նույնիսկ մոռացել էինք դրա մասին: Բայց մոտ մեկ շաբաթ հետո, երբ պայթեցրեցին խմբագրության դուռը, Շողեր Մաթեւոսյանը, պատասխանելով լրագրողների հարցին, թե ի՞նչ սպառնալիքներ է ստացել, ասաց, որ Վաչոն «ՉԻ» լրագրողներից մեկին մոտեցել եւ զգուշացրել էր, որ «համը դուրս ա գալիս»: Եվս մեկ անգամ շեշտեմ, որ եթե չլիներ այդ չարաբաստիկ պայթյունը, հաստատ իմ ու Վաչիկ Ղազարյանի միջեւ տեղի ունեցած զրույցը չէր դառնա հրապարակային քննարկման առարկա, այն կմոռացվեր այնպես, ինչպես օրական բազում այդպիսի խոսակցություններ են ծավալվում ու մոռացվում: Ի դեպ, նշեմ նաեւ, որ մեր զրույցը տեղի է ունեցել խորհրդարանի կարմիր միջանցքում, ուր բազմաթիվ մարդիկ կային, ովքեր նաեւ լսել են մեր զրույցի որոշ՝ հավանաբար կարեւոր հատվածներ եւ կարող էին օգտվել դրանից»:

<< | Սկիզբ | >>

Ուղարկել հոդվածը | Քննարկել հոդվածը նոր

RSS © Առավոտ

Վերջին լուրերը, Դեկտեմբեր 19, 2007

ԿՈՂՄՆԱԿԱԼ ԼՈՒՍԱԲԱՆՄԱՆ ՄԱՍԻՆ ԼՈՒՐԸ ՀԱՍԵԼ Է ՍՏՐԱՍԲՈՒՐԳ
Եվրոպայի Խորհրդի գլխավոր քարտուղար Թերի Դեւիսը Նյու Յորքում «Ազատություն» ռ/կ-ի թղթակցին պատմել է անցած շաբաթ Ստրասբուրգում վարչապետ Սերժ Սարգսյանի հետ իր հանդիպման մասին, որ քննարկել են ...
«ԵԹԵ ԻՆՁ ՉԽՓԵՆ, ԵՍ ՉԵՄ ԽՓԻ»
ՆԱԻՐԱ ՄԱՄԻԿՈՆՅԱՆ 6
Երեկ հայտարարեց ԱԺՄ նախագահ Վազգեն Մանուկյանը Երեկ «Հայելի» ակումբում ԱԺՄ նախագահ Վազգեն Մանուկյանին ուղղված հարցերի առյուծի բաժինը առնչվում էր դեկտեմբերի 15-ին «Հայկական ժամանակում» ...
ՔՎԵԱՐԿԵԼ՝ ՆԱԵՎ ՀԱՅԱՍՏԱՆԻՑ ԴՈՒՐՍ
ԱՆՆԱ ԻՍՐԱՅԵԼՅԱՆ
ՀՅԴ-ն ապագայում փորձելու է օրենսդրական նախաձեռնությամբ վերացնել ՀՀ քաղաքացիների համար Հայաստանից դուրս ընտրություններին մասնակցելու արգելքը: Սակայն երեկ ՀՅԴ-ն լռեց: ԱԺ-ն երեկ քննարկեց եւ ընդունեց 2002-ի ...
ՊԱՐԶԱԲԱՆՈՒՄ Է «ՉԻ»-Ն
Վերջին տարիներին «Չորրորդ իշխանություն» թերթի նկատմամբ պարբերաբար բռնություններ են կիրառվել: ՀՀ իշխանություններն ամեն ինչ արել են, որպեսզի խոչընդոտեն թերթի գործունեության բնականոն ընթացքը: ...
ԱՆԿԵՂԾ ԿՊԱՏԱՍԽԱՆԵ՞Ն
Ա. Ի.
«Ժառանգության» վարչությունը երեկ նամակով դիմել է ՀՀ նախագահի բոլոր թեկնածուներին՝ առաջարկելով 22 կետերից բաղկացած մի հարցաշար եւ ակնկալելով նրանց անկեղծ պատասխանները: Այդ հարցերից են՝ «Անձնական ...
ԸՆՏՐԵՆՔ ՄԵՐ ԱԶԳԻՆ ԱՐԺԱՆԻ ՆԱԽԱԳԱՀ
R 2
Կարեւորագույն ժամանակներ են: Պատասխանատու՝ ողջ ազգի համար: Առհասարակ ցանկացած ընտրություն մեծ պատասխանատվություն է: Հատկապես՝ հանրապետության նախագահի ընտրությունները: Եվ երանի, որ ամեն մի ընտրությունից ...
ԿԱՐԱԳ ՆԵՐԿՐՈՂԸ ԿԴԻՄԻ ԴԱՏԱՐԱՆ
ԳԱՅԱՆԵ ՍԱՀԱԿՅԱՆ
Տնտեսվարողը պնդում է, որ շուկայում կարագի գնի բարձրացման հետ ինքը կապ չունի Կարագի գինն անհիմն բարձրացնելու եւ այլ տնտեսվարողների հետ հակամրցակցային համաձայնության գալու համար վերջերս Տնտեսական մրցակցության ...
«ՊԵՏՔ Է ՀԱՇՏՎԵԼ ԱԴՐԲԵՋԱՆԻ ՀԵՏ»
ՏԱԹԵՎ ՀԱՐՈՒԹՅՈՒՆՅԱՆ
Կարծում են «Մխիթար Սեբաստացի» կրթահամալիրի սաները՝ պայմանով, որ հարեւան երկիրը վերադարձնի մեզնից խլած տարածքները: Այսօր երրորդ օրն է, ինչ «Մխիթար Սեբաստացի» կրթահամալիրում իրականացվում ...
ՍՊԱՌՆՈՒՄ ԵՆ ՍԵՐԺԻՆ ՉՍԱՏԱՐԵԼ
ՆԵԼԼԻ ԳՐԻԳՈՐՅԱՆ
Եվ սոցիալական հարցին քաղաքական աստառ տալ Երեկ «Առավոտի» հետ զրույցում «Սեփականության իրավունքի պաշտպանություն» հասարակական կազմակերպության ղեկավար Վաչագան Հակոբյանը սպառնաց, որ ...
«ՉԿԱՄՆԵՐԸ ԹՈՂ ԴԵՂՈՐԱՅՔ ԳՆԵՆ»
Զրուցեց Ս. ԴԱՆԻԵԼՅԱՆԸ
Իրենց հաջողություններին կասկածողներին խորհուրդ է տալիս ՀԹԳՄ նախագահ Հակոբ Ղազանչյանը Վերջերս Հայաստանի թատերական գործիչների միությունը (ՀԹԳՄ) անցկացրեց հեռուստամարաթոն, որի արդյունքում հավաքվեց 20 մլն ...
ՍԵՐ ԵՒ ԱԶԱՏՈՒԹՅՈՒՆ
ԱՐԹՈՒՐ ԱԹԱՅԱՆ ԱՐՏՅՈՄ ԱԲՐԱՀԱՄՅԱՆ
Ինչպես ամբողջ աշխարհում, այնպես էլ Հայաստանում այդպիսին է ռոքի կարգախոսը Երեւանի տիկնիկային թատրոնում արագորեն ուժ առնող համերգային ալիքը չի կարող անտարբեր թողնել ռոքի հայ սիրահարներին: Աշնանային համերգների ...
ՍՊՈՐՏՈՒՄ ԵՐԿՐՈՐԴԱԿԱՆ ԽՆԴԻՐՆԵՐ ՉԿԱՆ
Զրուցեց ԱՇՈՏ ՀԱԿՈԲՅԱՆԸ
ՀՀ սպորտի եւ երիտասարդության հարցերի նախարար Արմեն Գրիգորյանն «Առավոտի» հետ հարցազրույցում ամփոփում է անցնող տարին եւ խոսում 2008 թվականի ծրագրերի մասին: - Պարոն Գրիգորյան: Շուրջ հինգ ա միս ...
ՀՐԱՇԱԼԻ ՏԱՍՆՅԱԿԸ ՈՐՈՇՎԵՑ
Հայաստանի մարզական լրագրողների ֆեդերացիան, շարունակելով «Հայաստանի ֆիզկուլտուրնիկ» թերթի հիմնադրած ավանդույթը, որոշեց անցնող տարվա (2007 թվականի) 10 լավագույն մարզիկներին եւ թիմերին: Հարցմանը ...