ԱՂԵՏԻ ԳՈՏՈՒՄ՝ ՄԵԿ ՕՐ ԱՌԱՋ
Վարչապետ Սերժ Սարգսյանը երեկ այցելեց աղետի գոտի եւ բացեց Դալլաքյանի անվան դպրոցի նոր շենքը
1988 թվականի դեկտեմբերի 7-ի ավերիչ երկրաշարժի էպիկենտրոն Նալբանդ գյուղ մտնելուն պես վարչապետին ուղեկցող ավտոշարասյունն անսպասելիորեն կանգնեց: Փողոցի ձախ կողմում առաջին գետնահարկ տունն էր, որը ամեն ինչի կարելի էր նմանեցնել, բացի բնակարանից; Վարչապետը որոշել էր ուղղակի, առանց հրավերի մտնել այդ տուն եւ տեսնել, թե մարդիկ ինչպես են ապրում: Մանգասարյանների ընտանիքը՝ տարեց մի տատիկ, նրա որդին, հարսը եւ երեք դպրոցահասակ թոռները անկեղծորեն զարմացած էին: Այս ընտանիքն արդեն 19 տարի ապրում է գետնահարկ տնակում: Ս. Սարգսյանը խոստացավ, որ մարդկանց խնդիրները կլուծվեն: Իսկ Նալբանդ գյուղի հրապարակում, որտեղ զոհերի հիշատակի հուշաքար է կանգնեցված, վարչապետին դիմավորեցին բոլոր գյուղացիները: Սերժ Սարգսյանը հորդորեց, որ նալբանդցիները իրենց զավակներին լավատեսության ոգով դաստիարակեն, եւ խոստացավ, որ ամեն ինչ լավ կլինի, ասաց, որ մարդկանց խնդիրների լուծման համար քիչ ժամանակ է մնացել: Գյուղի հրապարակում հսկայական, մայրաքաղաքին վայել մեծ բեմ էր կառուցվել, որի վրա ելույթ ունեցան հայտնի երգիչներ, իսկ երկու հսկա էկրաններից Նալբանդի դպրոցականները տող առ տող արտասանեցին Չարենցի «Ես իմ անուշ Հայաստանի» բանաստեղծությունը: Համերգը վերնագրված էր՝ «Վերածնունդ»:
Լոռու մարզի Լեռնապատ գյուղի Երվանդ Դալլաքյանի անվան (դպրոցը ժողկրթբաժնի նախկին ղեկավարի՝ ԱԺ պատգամավոր Վիկտոր Դալլաքյանի հոր անունով անվանակոչվել է 1993-ին) դպրոցի նոր շենքի բացմանը մասնակցելուց առաջ վարչապետ Սերժ Սարգսյանը նախ ծաղկեպսակ դրեց երկրաշարժի ժամանակ դպրոցում զոհված 33 աշակերտների հուշարձանին: Ի դեպ, այս գյուղը բացառիկ է նաեւ նրանով, որ հանրապետական գյուղապետ Վանո Եղիազարյանը միակ գյուղապետն է, որը բանասիրական գիտությունների դոկտոր է: Դոկտոր գյուղապետը գյուղի խնդիրները ներկայացնելուց հետո հայտարարեց. «Պարոն վարչապետ, համոզված եմ, որ իմ գյուղը պիտի վստահի ձեզ առաջիկա նախագահական ընտրություններին՝ իր առաջ ծառացած խնդիրների լուծումը կապելով ձեր հայրենանվեր եւ հետեւողական գործունեության հետ»: Դպրոցի տնօրեն տիկին Սարուխանյանը շնորհակալություն հայտնելով վարչապետին դպրոցի կառուցման գործընթացն արագացնելու եւ ավարտելու համար՝ ասաց. «Խոստումն արագ ակնհայտ գործի վերածելը ձեզ համար գործելաոճ է դարձել, այս ամենի համար անսահման շնորհակալ ենք»: Տիկին Սարուխանյանը վարչապետին մաղթեց. «Ձեզ հետ միասին դեպի ապագայի երկիր»: 8-րդ դասարանի աշակերտուհի Լիլիթ Հակոբյանը վարչապետին նվիրեց իր եւ իր ընկերների ձեռքի աշխատանքների ալբոմը եւ «սպասվող պայքարում միայն հաղթություն» մաղթեց: «Աղետի օրվա տարելիցին մարդը եկել է եւ նոր դպրոց է բացում, սրանից էլ ճիշտ քա՞յլ, ինչո՞ւ եք այդպիսի սխալ հարցեր տալիս»,- մեր հարցին՝ արդյոք հանդիպման մեջ նախընտրական երանգ չկա՞, ասաց դպրոցի տնօրենը: ԱԺ պատգամավոր Վիկտոր Դալլաքյանը, ով դպրոցի բացմանը եկել էր իր որդու եւ դստեր հետ, հարկ համարեց հիշեցնել, որ դպրոցի տեղում ժամանակին տեղի է ունեցել Ղարաքիլիսայի հերոսամարտը, եւ դրանում մեծ խորհուրդ տեսնելով՝ պարոն Դալլաքյանն ասաց. «Ես չէի ցանկանա քաղաքականացնել իմ ելույթը, բայց, մեծարգո վարչապետ, այսօր Հայաստանի քաղաքական կյանքում ձեզ հետ միասին մենք ձեւավորում ենք մի հետաքրքիր ավանդույթ՝ ՀՀ վարչապետը եւ ԱԺ պատգամավորը, որոնք ունեն քաղաքական տարաձայնություններ, բարձր են կանգնում այդ տարաձայնություններից եւ միասին գլուխ են խոնարհում անմեղ զոհերի հիշատակի առջեւ, գիտելիքի առջեւ, կրթության առջեւ, մեր ապագայի առջեւ: Եվ անձամբ պարոն Սերժ Սարգսյանին ես ուզում եմ շնորհակալություն հայտնել միասին այս քաղաքական մշակույթը Հայաստանի կյանքում ներդնելու համար»: Վերջում դպրոցի բակում երեք եղեւնի տնկեցին ԱԺ պատգամավորը, վարչապետը եւ Լոռու մարզպետը:
Սպիտակ քաղաքում, Լեռնապարում, Նալբանդ գյուղում եւ ամեն տեղ, ուր կանգնում էր վարչապետը, նրան էին մոտենում, գրկում եւ համբուրում տարեց տատիկներ. «Գլխիդ մեռնեմ, բալա ջան, բարով եկար, թող խաղաղություն լինի», եւ այս կարգի այլ խոսքերով փաթաթվում էին վարչապետին եւ խոստանում, որ իրենք իրենց գերդաստանով, թոռներով եւ ծոռներով ընտրելու են Սերժ Սարգսյանին:
Հ. Գ. Եթե «Աղետի գոտու վերականգնման համալիր ծրագիր»-ը ժամանակին կատարվեր, ապա մինչեւ 2003 թվականը աղետի գոտում անօթեւան ընտանիք չէր լինելու, մինչդեռ այսօր շուրջ երեսուն հազար մարդ անօթեւան է:
- ՄԱՐԳԱՐԻՏ ԵՍԱՅԱՆ
Քննարկում
Վիշապ գրել է:
Ահա այսպես է պետք՝ շինած պահել ժողովրդին մինչև վերջ, իսկ ընտրություններից առաջ հույս տալ, և ամբոխը կհուսա անվերջ…
Կարեն գրել է:- Վիշապ
Ահա այսպես է պետք՝ շինած պահել ժողովրդին մինչև վերջ, իսկ ընտրություններից առաջ հույս տալ, և ամբոխը կհուսա անվերջ…
Հիշում եմ ՌՔ Վանաձորի քիմկոմբինատի կարմիր լենտ կտրելը: Ծառի հետևու պահած գազի բալոնով: Մյուս օրը ոնց գործարանը բացել էին, նենց էլ փակեցին: Այ սա է սրանց բարոյական կերպարը:- Վիշապ
- Կարեն գրել է:
Իսկ Սերժին հալալա. տղեն երկու ամիս առանց ղումարի պիտի յոլլա գնա, որ նախընտրական կամպանյա անի: Այ մեզ պետք են ինքնատիրապետման այսպիսի բարձր ունակությամբ ղեկավարներ: - Կարեն գրել է:
Հ. Գ. Եթե «Աղետի գոտու վերականգնման համալիր ծրագիր»-ը ժամանակին կատարվեր, ապա մինչեւ 2003 թվականը աղետի գոտում անօթեւան ընտանիք չէր լինելու, մինչդեռ այսօր շուրջ երեսուն հազար մարդ անօթեւան է:
Փաստորեն տաս տարին հերիք չէր: - Կարեն գրել է:
Դալլաքյան էլ անցավ Հայաստանի Լիբերալ-Հարմարվողականների Կուսակցության շարքերը: 
Mephistopheles գրել է:- Կարեն
Հիշում եմ ՌՔ Վանաձորի քիմկոմբինատի կարմիր լենտ կտրելը: Ծառի հետևու պահած գազի բալոնով: Մյուս օրը ոնց գործարանը բացել էին, նենց էլ փակեցին: Այ սա է սրանց բարոյական կերպարը:
Տղերք, մոռացեք ժապավենների ու խոստումների մասին...երբ մարդ սուզվելով հասնում է ծովի հատակիը նրան միայն երկու բան է մնում անել, խեղտվել կամ ոտքերով հրել ու դուրս գալ ջրի երես: Խեղտվելն ի հարկե տարբերակ չէ ուրեմն հրելն անխուսափելի է: Աըստեղ ԱՄՆ-ում էլ 8 տարի այդ խեղկատակի ձեռքը կրակն ենք ընկել, բայց վերջին պառլամենտան ընտրությունները ազդարարեցին այս հանցագուրծ ադմինիստրացիայի ավարտը: Այսինքն այստեղ էլ ժողովուրդը մոլորյալ էր 8 տարի և ի վերջո հասկացավ: Նույնը նաև հայաստանում որոշ վերապահումներով ի հարկե, բայց այն որ միայն ժողովուրդը դա կարող է անել, կասկածից վեր է: Ոչ ոք, ոչ ՌՔ-ն, ոչ ՍՍ-ն, ոչ ԼՏՊ-ն, ոչ Ռուսաստանը և ոչ էլ Արևմուտքը, ոչինչ անել չեն կարող. Ի դեպ Ռուսաստանն ու Արևմուտքը ուշի ուշով հետևում են դեպքերին, բայց որևէ միջամտություն չեն ցուցաբերում (միգուցե սխալվում եմ, դուք ավելի լավ կիմանաք)ինչպես Վրաստանում և Ուկրաինայում եղավ: Իմիջայլոց ԼՏՊ-ն շատ ավելի ազդեցիկ գործիչ է քան նրա վրացական և ուկրաինական կոլեգաները և դա մեծապես նպաստում է:ԼՏՊ-ն կարելի է միչև վերջ վստահել, բայց ժողովուրդը միայն արդար ընտրություններով չպիտի բավարարվի այլ մնա ակտիվ, որպեսզի իշխանություններին սթափ պահի (ի հարկե ոչ այնքան որքան Վրաստանում)- Կարեն
- Mephistopheles գրել է:
Դալլաքյանն իսկապես խելքը թռցրել է...Սերժ Սարգսյան...գլուխ խոնարհում գիտելիքի առջեւ, կրթության առջեւ...Եվ անձամբ պարոն Սերժ Սարգսյանին ես ուզում եմ շնորհակալություն հայտնել միասին այս քաղաքական մշակույթը Հայաստանի կյանքում ներդնելու համար....այս նախադասության մեջ շարահյուսական սխալ կա. "Սերժ Սարգսյան", "գիտելիք" և "քաղաքական մշակույթ" բառերն ու դարձվածքները մի նախադասության մեր օգտագործել չի կարելի, դա շարահյուսական սխալ է - Կարեն գրել է:
- Mephistopheles
Տղերք, մոռացեք ժապավենների ու խոստումների մասին...երբ մարդ սուզվելով հասնում է ծովի հատակիը նրան միայն երկու բան է մնում անել, խեղտվել կամ ոտքերով հրել ու դուրս գալ ջրի երես: Խեղտվելն ի հարկե տարբերակ չէ ուրեմն հրելն անխուսափելի է: Աըստեղ ԱՄՆ-ում էլ 8 տարի այդ խեղկատակի ձեռքը կրակն ենք ընկել, բայց վերջին պառլամենտան ընտրությունները ազդարարեցին այս հանցագուրծ ադմինիստրացիայի ավարտը: Այսինքն այստեղ էլ ժողովուրդը մոլորյալ էր 8 տարի և ի վերջո հասկացավ: Նույնը նաև հայաստանում որոշ վերապահումներով ի հարկե, բայց այն որ միայն ժողովուրդը դա կարող է անել, կասկածից վեր է: Ոչ ոք, ոչ ՌՔ-ն, ոչ ՍՍ-ն, ոչ ԼՏՊ-ն, ոչ Ռուսաստանը և ոչ էլ Արևմուտքը, ոչինչ անել չեն կարող. Ի դեպ Ռուսաստանն ու Արևմուտքը ուշի ուշով հետևում են դեպքերին, բայց որևէ միջամտություն չեն ցուցաբերում (միգուցե սխալվում եմ, դուք ավելի լավ կիմանաք)ինչպես Վրաստանում և Ուկրաինայում եղավ: Իմիջայլոց ԼՏՊ-ն շատ ավելի ազդեցիկ գործիչ է քան նրա վրացական և ուկրաինական կոլեգաները և դա մեծապես նպաստում է:ԼՏՊ-ն կարելի է միչև վերջ վստահել, բայց ժողովուրդը միայն արդար ընտրություններով չպիտի բավարարվի այլ մնա ակտիվ, որպեսզի իշխանություններին սթափ պահի (ի հարկե ոչ այնքան որքան Վրաստանում)
Եղբայր..
ԱՄՆ-ում ընտրությունների մշակույթ կա, մեզ մոտ այն բացակայում է:
Ժողովուրդն առավելագույնս իներտացել է, նա այժմ սեփական առօրյա խնդիրներից բացի ուրիշ բանի մասին մտածել չի ցանկանում:
Ժողովուրդն ահաբեկված է, (1)պետք է տեսնել թե ինչպես են Երևանի փողոցներում ֆռֆռում իշխանությունների թև ու թիկունք գռեհիկները, հաստավիզ ախռաննիկների բանակով;(2)ամեն վարկյան աշխատանքից զրկվելու վախ կա;(3)չի բացառվում ուղղակի բռնությունը ընտրությունների պահին, եթե ոչ տեղամասում ապա հետո բակում, մութ անկյունում:
Քաղաքական դաշտը լցված է բազմագույն պնակալեզներով: Ժողովուրդն արդեն ինքն էլ չի հասկանում թե ով ով է. (1)Ինքնասիրահարված, ծախու, պոռոտախոս Գեղամյան; (2)կիսա-իշխանա-ընդիմադիրա-երկնագույն դաշնակցություն; (3) ինքն իրենից նեղացած Վազգեն Մանուկյան; (4) Մի անգամ սկզբունքային քայլ արած ու դա որպես հերոսություն ներկայացնող Արթուր Բաղդասարյան և այլն և այլն:
Ժողովրդին սովորեցրել են, որ միակ արժեքը հանուն որի պետք է պայքարել "քյաբաբ-խորովածն է", կուշտ ես ուրեմն լռիր, դրա հետ համտեսիր տեսարաններ ու հիացիր ազգիդ առաջընթացով - Գագոյի աղջկա հարսանիք, Դիմա բիլանի համերգ, Սալյուտ, կաֆե, ոսկեգույն աշուն, Էրեբունի-Երևան:
Ժողովրդին համոզել են, որ երկրի այսպես ասած "կայունության" դեմ գնացողները դավաճաններ են ու դա անում են ի նպաստ Ադրբեջանի:
Ժողովրդին հրամցրել են կեղծ թվեր Հայաստանի վագրային վարքի մասին, մինչդեռ երկիրը կամաց կամաց վերածվում է նվնվան կատվի, որ մուկ էլ չի կարողանալու բռնել:
Էլ որն ասեմ եղբայր: - Mephistopheles
272 օր առաջ | 
ՀԱՇՎԵՀԱՐԴԱՐ՝ ՀԱՆՐԱՀԱՎԱՔԻՆ ՄԱՍՆԱԿՑԵԼՈՒ ՀԱՄԱՐ
2Ընդդիմության հանրահավաքներին ներկա գտնվող պետական եւ իշխանական կառույցների աշխատակիցների մասնակցությունն արձանագրվում է, եւ արվում են համապատասխան կազմակերպական հետեւություններ: «Ոչ միայն իմ մասնակցությունն ...ԱՂԵՏԻ ԳՈՏՈՒՄ՝ ՄԵԿ ՕՐ ԱՌԱՋ
ՄԱՐԳԱՐԻՏ ԵՍԱՅԱՆ 9Վարչապետ Սերժ Սարգսյանը երեկ այցելեց աղետի գոտի եւ բացեց Դալլաքյանի անվան դպրոցի նոր շենքը 1988 թվականի դեկտեմբերի 7-ի ավերիչ երկրաշարժի էպիկենտրոն Նալբանդ գյուղ մտնելուն պես վարչապետին ուղեկցող ավտոշարասյունն ...ԻՆՁ ՏԵՍԵԼ ԷԻՆ ԼԵՎՈՆ ՏԵՐ- ՊԵՏՐՈՍՅԱՆԻ ՀԱՆՐԱՀԱՎԱՔՈՒՄ
ԱՆՆԱ ԻՍՐԱՅԵԼՅԱՆ 1Ասում է Հ2-ի նախկին քաղաքական մեկնաբան Լեւոն Սարդարյանը Հոկտեմբերի 31-ին սեփական դիմումի համաձայն աշխատանքից ազատվել է Հ2-ի քաղաքական մեկնաբան Լեւոն Սարդարյանը, որն այս հեռուստաընկերությունում էր աշխատում ...Ա. ԿԱՐԱՊԵՏՅԱՆԸ ՈՉ ՄԵԿԻՆ ՉԻ ՍԱՏԱՐԵԼՈՒ
Ն. Գ.Եվ հույսը դնում է փետրվարի 20-ի վրա «Ես սկսել եմ տպավորություն ստանալ, որ Ռոբերտ Քոչարյանը դարձել է աղանդավոր»,- երեկ հայտարարեց «Նոր ժամանակներ» կուսակցության նախագահ Արամ Կարապետյանը՝ ...«ԺԱՌԱՆԳՈՒԹՅՈՒՆԸ» ՈՐՈՇԵՑ
«Ժառանգություն» կուսակցության խորհրդի ընդլայնված նիստը երեկ քննել է նախագահական ընտրություններին առնչվող հարցեր: Ըստ «Ժառանգության» լրատվական ծառայության հաղորդագրության՝ մասնակիցներն ...ՀԶՈՐ ՄԱՐԴԻԿ ԽՈՑԵԼԻ՞ ԵՆ ԼԻՆՈՒՄ
Մ. ԵՍԱՅԱՆ 1- Հավատարի՞մ է մնալու ԲՀԿ-ն կոալիցիոն հուշագրին եւ պաշտպանելո՞ւ է Սերժ Սարգսյանի թեկնածությունը: - Ծառուկյանը պաշտպանելու է ինչ որ ասել է, ինչ որ ստորագրել է, կյանքում ոչ խաբել է, ոչ քցել է, միշտ իմ ...ՆԱԽԱՐԱՐՆ ԷԺԱՆ ԱՊՐԱՆՔՆԵՐԻ ՏԵ՞Ղ ԳԻՏԻ
ՀՌԻՓՍԻՄԵ ՋԵԲԵՋՅԱՆՆերսես Երիցյանը պնդում է, որ ներկրվող ապրանքներն էժան են, թոշակներն էլ լրիվ բավարար են՝ հաց, կարագ, ձեթ ու առաջին անհրաժեշտության ապրանքներ գնելու համար: 2008-ի բյուջեն ոմանք համարում են քրտնաջան աշխատանքի, ...ՎԱՐԴԱՆ ՊԵՏՐՈՍՅԱՆԸ ԱՍՈՒԼԻՍ ԱՐԵՑ
ՆԱԻՐԱ ՄԱՄԻԿՈՆՅԱՆԻր ասելով, նա ներկայացնում է 12 մտավորականի Երեկ «Հայոց տուն» հասարակական կազմակերպության ղեկավար Վարդան Պետրոսյանը լրատվամիջոցներին տեղեկացրել էր, թե «Արմատ» հասարակական-քաղաքական ...«ԿԱՊՈՒՏԱԿ ՍԵՎԱՆԻ» ՍՊԱՍՈՒՀԻՆ՝ ԴՊՐՈՑԻ ՏՆՕՐԵՆ
ԳՈՀԱՐ ՀԱԿՈԲՅԱՆ 1ՀՀ առաջին տիկին Բելլա Քոչարյանին սպասարկած Լիանա Մկրտչյանի աշխատանքը գնահատվեց «վերեւների» կողմից: «Առավոտը» դեկտեմբերի 1-ի համարում («Սպասուհին՝ տնօրե՞ն») տեղեկացրել ...ՆԿԱՏՎՈՒՄ Է ԱՎԱԶԱԿՈՒԹՅԱՆ ԱՃ
ԳԱԳԻԿ ՇԱՄՇՅԱՆ 1Ոստիկանները դարձել են սանիտարներ Ավազակային հարձակումներն ու կողոպուտները մեր երկրում «հեղինակավոր» հանցագործություններից են: Վերջին 3 տարիներին նկատվում է նշված հանցատեսակների կտրուկ աճ: ...«ՄՈՒՏԻԼՈՎՉԻԿՈՒԹՅԱՄԲ» ՉԵՄ ԶԲԱՂՎԵԼՈՒ»
ՆԵԼԼԻ ԳՐԻԳՈՐՅԱՆ 3Նախագահական ընտրություններում Իսրայել Հակոբկոխյանը կսատարի «ամենաազգասեր տղուն» Բռնցքամարտի աշխարհի չեմպիոն Իսրայել Հակոբկոխյանը մեկ շաբաթ առաջ նամակ էր գրել «հայոց թագավորին», ...ԶՐԿՎԱԾ ԵՆ ՄԱՆԿԱՊԱՐՏԵԶԻՑ
Հ. ԲԱՐՍԵՂՅԱՆՆերքին Գետաշենի երեխաներն օրն անցկացնում են հանդերում՝ ծնողների կողքին Գեղարքունիքի մարզի Ներքին Գետաշեն գյուղի բնակիչ Հռիփսիկ Շահինյանը երկու փոքրիկ թոռնիկ ունի: Նրանք մանկապարտեզ չեն հաճախում, քանի ...ԱԱԾ-Ն ՀԵՏԱՔՆՆՈՒԹՅՈՒՆ Է ԻՐԱԿԱՆԱՑՆՈՒՄ
Ի պատասխան լրատվամիջոցների հարցումների ՀՀ կառավարությանն առընթեր ազգային անվտանգության ծառայության քննչական վարչությունում հարուցվել է քրեական գործ՝ ՀՀ քրեական օրենսգրքի 189-րդ հոդվածի 3-րդ մասի (կեղծ ...ՕՐԻՆԱԽԱԽՏ ԴԱՏԱՎՈՐԸ
ՋԵՄՍ ՍՏԵՓԱՆՅԱՆ Բժիշկ«Առավոտ» թերթի ս/թ. օգոստոսի 7-ի համարում զետեղվել էր հոդված՝ «Հին ընկերները դավաճանո՞ւմ են», ու նկարագրվել էր, թե ինչպես իմ մոտ ընկերը՝ Արշակ Բոստանջյանը, որը տնօրենն է «Ոսկի ...
«ՍԱՐԳՍՅԱՆԻՆ ՔՈՉԱՐՅԱՆԻ «ՏՈՒՌՆԻԿՆ» ԷԼ ՉԻ ՓՐԿԻ»
ԱՅՍՔԱՆ ՈՒՐԱԽ ԿՅԱՆՔԸ ՄԵՐ
ԻՆՁ ՏԵՍԵԼ ԷԻՆ ԼԵՎՈՆ ՏԵՐ- ՊԵՏՐՈՍՅԱՆԻ ՀԱՆՐԱՀԱՎԱՔՈՒՄ
ԱՆՆԱ ԻՍՐԱՅԵԼՅԱՆԱՂԵՏԻ ԳՈՏՈՒՄ՝ ՄԵԿ ՕՐ ԱՌԱՋ
ՄԱՐԳԱՐԻՏ ԵՍԱՅԱՆՀԱՇՎԵՀԱՐԴԱՐ՝ ՀԱՆՐԱՀԱՎԱՔԻՆ ՄԱՍՆԱԿՑԵԼՈՒ ՀԱՄԱՐ
«ԱՌԱՋԻՆ ՆԱԽԱԳԱՀԻ ՖԻԳՈՒՐԸ ԿԱՐՈՂ Է ՀՈՒՅՍ ԱՐԹՆԱՑՆԵԼ»
Հարցազրույցը՝ ՆԱԻՐԱ ՄԱՄԻԿՈՆՅԱՆԻՎԱԽԵՆՈՒՄ ԵՆ ՃՇՄԱՐՏՈՒԹՅՈՒՆԸ ԼՍԵԼՈՒՑ
ՆԵԼԼԻ ԳՐԻԳՈՐՅԱՆ«ՏԵՐ-ՊԵՏՐՈՍՅԱՆԸ՝ ԵՐԿՐԻ ԱՊԱԳԱ»
ՆԱԻՐԱ ՄԱՄԻԿՈՆՅԱՆ«ԿԱՊՈՒՏԱԿ ՍԵՎԱՆԻ» ՍՊԱՍՈՒՀԻՆ՝ ԴՊՐՈՑԻ ՏՆՕՐԵՆ
ԳՈՀԱՐ ՀԱԿՈԲՅԱՆ«ԺԱՌԱՆԳՈՒԹՅՈՒՆԸ» ՈՐՈՇԵՑ
- 1988 Հայաստանում տեղի ունեցավ կործանարար երկրաշարժ, որի հետևանքով մի քանի վայրկյանների ընթացքում (11:41) զոհվեց մոտավորապես 30000 մարդ: Ադրբեջանում այս դժբախտությունը ուրախության մեծ առիթ հանդիսացավ, և Հայաստանին օգնելու բոլոր ջանքերը ադրբեջանցիների կողմից սաբոտաժի էին ենթարկվում:
ԼՈՒՐԵՐ ՀԱՅԱՍՏԱՆ
ՕՆԼԱՅՆ ԼՈՒՐԵՐ
ԻՆՖՈՐՄԱՑԻԱ
ԻՄ ԱՐՄԹԱՈՒՆ
Ինչպե՞ս թողնել ծխելը
Ինչպե՞ս գրել Հայերեն Windows XP միջավայրում
Սույն կայքում հրատարակված նյութերը վերցված են բաց աղբյուրներից և պաշտպանված են հեղինակային իրավունքիով։ Արգելված է սույն կայքում հրատարակված նյութերի վերարտադրումը առանց իրական հեղինակի գրավոր թույլտվության։ Եթե ցանկանում եք հանել Ձեզ պատկանող նյութը, ապա ուղարկեք մեզ, պատկանելությունը վկայող փաստեր և տվյալ նութը անմիջապես կհանվի։ Բոլոր նյութերը հրատարակված են միայն ինֆորմացիոն նպատակով և մենք պատասխանատու չենք դրանց հավաստիության համար։