ԵՎՍ ՄԵԿ ՌԱԶՄԱՎԱՐԱԿԱՆ ՀԱՄԱԿԱՐԳԻ ՕՏԱՐՄԱՆ ՓՈՐՁ ՀԱՅԱՍՏԱՆՈՒՄ
- «Փոստատարը թակում է երկու անգամ, որից հետո գալիս է հատուցման պահը»
Լուի Ցայֆեր
2006 թ. նոյեմբերի 30-ից ՀՀ փոստային կապի ազգային օպերատոր «Հայփոստ» ՓԲԸ-ի հավատարմագրային կառավարիչ, հոլանդական «Թրասթ մենեջմենթ» ընկերության ներկայացուցիչ պրն Հանս Բոոնը «Բազիս» ամսագրում (2007թ. մայիս) տված հարցազրույցում մեծ անակնկալ մատուցեց աշխատողներիս՝ «խոստանալով» չերկարաձգել շուրջ չորս հազար հոգանոց աշխատակազմից կեսի հետ աշխատանքային պայմանագրերը, հետագայում նաեւ` սեփականաշնորհել «Հայփոստը»: Դժվար չէ կռահել, որ գլխավոր տնօրենի այս հարցազրույցը միաժամանակ համակարգի ողջ անձնակազմի` ցնցող ու անսպասելի լուրի հանդեպ տրամադրությունների զննման նպատակ էր հետապնդում:
Ծայր առած կրճատումների եւ սեփականաշնորհման մասին անսպասելի հայտարարությունից հետո, օգտվելով աշխատակիցների համարժեք արձագանքի բացակայությունից, պրն Բոոնը եւ իր քաջարի տեղակալներն, առանց ձեւականությունների, անցան իրենց սեւ գործին: Եվ արդեն, 2007թ. հոկտեմբերի
5-ին 270 աշխատակիցների, առանց պարզաբանումների ու պատճառաբանումների, տրվեցին աշխատանքային պայմանագրերը չերկարացնելու հիմքով ծանուցագրեր` այն էլ Համաշխարհային փոստային օրվա նախօրեին: Խոսք չկա, «լավ» նվեր էր: Երեւանի փոստային բաժանմունքների աշխատակիցներիս ընդվզման, Լոռու մասնաճյուղի փոստայինների գործադուլի մտադրության մասին հայտարարությունից, ինչպես նաեւ` մամուլում մի շարք սուր քննադատական հոդվածների ճնշման ներքո, տնօրինությունը տեղի տվեց եւ կայացրեց որոշում` «դուրս հրավիրվածների» թիվը նվազեցնելու մասին: 270 աշխատողներից վերականգնվեցին 170-ը (այդ թվում` բոլոր կենսաթոշակառուները, որոնցից, ուզած պահի, առանց բացատրության եւ գլխացավանքի, հետագայում կարող են ազատվել): Բիզնեսմեն-գործատուի խորամանկ հնարքով` տնօրինությունը հանրության համար «նկարեց» մեծ թիվ՝ նպատակ ունենալով մեղմել բողոքավորների նոր-նոր թափ առնող բողոքի ալիքը:
Կադրային ջարդի առաջին փորձն իշխանությունների կողմից մնաց անպատիժ, ինչը չի բացառվում հերթական կրճատումների դեպքում: Հարյուր հոգի զրկվեցին սահմանադրորեն իրենց վերապահված աշխատելու իրավունքից: Ազատման հրաման արձակելուց 1 ամիս անց, իր առաջին ասուլիսում գլխավոր տնօրենը, չկարողանալով հիմնավորել կրճատումները, ուղղակիորեն զրպարտեց գործազուրկներիս՝ կպցնելով «կարգապահական միջոցառման ենթակա անձինք» պիտակը: Ոչ իրավական ակցիայի տուժածներից ոչ մեկը չի կարողանում հիշել վերջին մեկ տարվա ընթացքում աշխատանքային կարգապահության խախտման գեթ մեկ լուրջ դեպք, որն աշխատանքից զրկվելու պատճառ հանդիսանար: Սա բացահայտ զրպարտություն է եւ անձնական վիրավորանք 100-ից յուրաքանչյուրին, Արդյո՞ք այս «շատ» կլոր թիվը չի ապացուցում, որ ազատվողների ընտրությունը կատարվել է կամայականորեն:
Իշխանություններին գոնե չհետաքրքրեց, թե ի՞նչ «հանցանքներ են գործել» այդ 100 աշխատակիցները: Պարզաբանումները կօգնեին բացահայտելու Հ. Բոոնի թիմի գործունեության բուն շարժառիթները: Մինչդեռ, իրենց հնարած «կարգապահական միջոցառման» շրջանակներում է տեղավորվում նաեւ վտարված աշխատակիցներին 3 ամսվա աշխատավարձի չափով նպաստի` կամայական ընտրությամբ վճարումը: Վերջին ամիսներին «Հայփոստի» նոր տնօրինության կողմից ՀՀ աշխատանքային օրենսգրքի խախտումների մասին եղել են բազմաթիվ հրապարակումներ: Դրանցից մեկում («168 Ժամ» 09.10.07 թ.) «Կադրային ջարդ» վերնագրով հոդվածում բերված մի քանի փաստ բավարար հիմք են, որպեսզի պայմանագրային պարտավորությունների հստակ ու անվերապահ կատարման երաշխիքների մասին գլխավոր տնօրենը հրապարակավ հանդես գար պարզաբանումներով:
Մեջբերենք հոդվածից. «Հայփոստի» կառավարումը ստանձնած հոլանդական կառավարիչը բազմիցս է հայտարարել, որ կրճատումներ չեն լինելու, ինչը նախատեսված չէ Կառավարության հետ վավերագրված կառավարման պայմանագրով: Բացի այս էլ` մարդկանց աշխատանքից ազատում են ՀՀ աշխատանքային օրենսգրքի կոպիտ խախտումներով: Իրավունք չունեն աշխատանքից ազատել ընտանիքի միակ կերակրողին կամ կենսաթոշակի տարիքին մի քանի տարի մնացած անձանց»:
Մարդկային արժանապատվությունը եւ՛ իրավական, եւ՛ բարոյական առումով խորհրդանշող` վերոնշյալ կետերի խախտումներով է պայմանավորված գործազուրկներիս այժմյան կարգավիճակը: Հայտնի է, որ լավ ու վատ օրենքներից զատ, գոյություն ունեն բարոյական չգրված օրենքներ, որոնց հետ մարդը ծնվում է եւ ապրում դրանց մեջ, իսկ Աստծո պատվիրաններով նաեւ` չխախտելու առաքելությամբ:
Գրված օրենքներն ի զորու չեն լիովին պահպանելու չգրվածների արժեքային համակարգը։ Օրեցօր տրոհվում, աղճատվում է բարոյականության արժեհամակարգը: Մի՞թե պետք է գրվի օրենք, թե հարկավոր է լինել մաքուր ու բարոյապաշտ:
«Հայփոստի» խաթարված նորմալ կենսառիթմի վերականգնման ճանապարհն այսօր համակարգում առկա բոլոր սխալները, թյուրիմացությունները, թյուրըմբռնումները հասկանալ-ուղղելու մեջ է: Կոլեկտիվի վստահությունը նվաճելու համար նոր ղեկավարության կողմից այս ամենի վերաբերյալ ստույգ պարզաբանումները կնպաստեն մթնոլորտի առողջացմանը: Զարմանք է հարուցում այն փաստը, թե ինչո՞ւ հետաքննող մարմինները մամուլի տարբեր հրապարակումներում նշված, բազում օրինախախտումների հեղինակ «թրասթցիների» գործերը չեն քննում: Հերթական ասուլիսի ընթացքում Հ. Բոոնը հավաստիացրեց, որ «կրճատումներն արդեն ավարտվել են»: Սակայն կադրային ջարդի շարունակության մասին խոսակցությունները չեն դադարում, քանզի անարդար դրվագներով լի այս ամբողջ պատմությունն ապացույց է, որ տնօրինության գերնպատակը եղել է եւ կա՝ ամեն գնով իրականացնել կադրերի կտրուկ նվազեցումը: Ահա թե ինչու է նոր թիմը շարունակում ամբաստանությունների շարքը: Այլապես, համակարգի 4000-անոց թվակազմից ընդամենը 100 կրճատվածներին վերականգնելն առանձնապես մեծ բան չէ, եւ բոլոր առումներով նման քայլը նույնիսկ կհանդիսանար տպավորիչ ժեստ` երեւալու արդարամիտ, իբրեւ թե օբյեկտիվորեն շտկվում է «թյուրիմացաբար» արված սխալը: Անկախ ամեն ինչից, սա կլիներ այն խելամիտ տարբերակը, որ «թրասթցիները» կարող էին կիրառել` ազատվելու երկուստեք տհաճ, երկարատեւ աղմուկից: Ցավալի է, երբ երկրի պատկան մարմինների իրազեկության պարագայում չենք կարողանում «Հայփոստում» ծայր առած անօրինականությունների դեմն առնել: Մի՞թե հասունացել է դատարան դիմելու պահը: Ի դեպ, մի շարք աշխատակիցների կողմից իրենց իրավունքները դատական կարգով վիճարկելու հայցերը բավարարվել են, ինչն ապացուցում է, որ նրանք իրավացի են եղել իրենց պահանջներում:
Հավատարմագրային կառավարչի, միաժամանակ գլխավոր տնօրենի գործողություններն իրավական համարժեք լուծում չեն գտնում, որովհետեւ բողոքի հակազդեցությունն է թույլ...: Այ, եթե իր երկրում նման դեպք տեղի ունենար, ապա դա կհանգեցներ հանրության ընդվզմանը հրաժարականի վերջաբանով:
Ինչ վերաբերում է կրճատումների սկզբնական պատրվակի՝ աշխատակիցներիս մասնագիտական պատրաստվածությանը, ապա այստեղ պետք է նույն բանը պահանջել գլխավոր տնօրենի տեղակալներից: Թիմում փոստային կապի միակ մասնագետը գլխավոր տնօրենն է` Հ. Բոոնը, որը, սակայն, գերզբաղված լինելով, հաճախակի բացակայելով, աշխատակիցների հետ հաղորդակցվելու անհնարինության պատճառով, կադրերի ընտրության հարցում օբյեկտիվ որոշում կայացնել չի կարող: Իսկ տեղակալներն էլ, Աստված տվել չի խնայել, չգիտես ինչո՞ւ մշտապես պահվում են մարդկանցից, աշխատակիցների հետ չունեն բնական շփման եզրեր:
Հոլանդական «Թրասթ մենեջմենթ» ընկերության որդեգրած (ոչ միայն իր) գործելակերպի հետեւանքով համակարգում հատկապես կրճատումների վերջին ամիսներին վերահաստատվեց աշխատանքից զրկվելու վախի սինդրոմը, որն առաջանում է բարոյահոգեբանական բացասական մթնոլորտի սրումից, ինչպես նաեւ՝ խեղճության, քծնանքի, փոխադարձ անվստահության եւ այլ հոռի երեւույթներից:
Հայաստանում «նոր բիզնեսի կառուցման ճանապարհին» (Բոոնի արտահայտությունն է) առկա արատավոր գործընթացի արդյունքում՝ որպես օրինական, իրավական հակաքայլ, հարկավոր է վճիռ կայացնել «Թրասթ մենեջմենթ» ընկերության ներկայացուցիչների` Հայաստանում առեւտրային եւ այլ պայմանագրային գործունեության աննպատակահարմարությունը ճանաչելու մասին:
Որպես չարի դեմ համամարդկային պայքարի համերաշխության վկայություն, մեջբերեմ 20-րդ դարի առաջին կեսի հոլանդացի պատմագետ-մշակութաբան Յոհան Հայզինգայի խոսքը. «Բարոյական սկզբունքի համընդհանուր մոռացությունը, թերեւս, առավել տեսանելի ու անմիջական է դրսեւորվում ամենաթողության, չարիքի արդարացման եւ հասարակության էկզալտացիայի մեջ: Ամեն անգամ, երբ բռնության, կեղծիքի եւ դաժանության սրված ձեւերը, որոնցով աշխարհը լի է այնպես, ինչպես երբեք, ի հայտ են գալիս անհատական արարքներում, մենք ավելի ու ավելի ենք դառնում ականատեսը վայրենացման, չարագործության երեւույթների, որպես սարսափելի պատերազմների եւ դրանց հետեւանքների` ատելության եւ կորուստների»:
Ամեն հնարավոր միջոցով մեր երկրի ներուժը քայքայվում է հենց այդ «վայրենացման, չարագործության երեւույթների» հետեւանքով:
Հայզինգայի մռայլ կանխատեսումը ցավոք իրականություն է դարձել էլ ավելի դաժան իրողությամբ, քան կպատկերացներ Հ. Բոոնի նշանավոր հայրենակիցն ու անվանակիցը: Բացի ավանդական բռնամիջոցներից, այսօր կարելի է ուզած երկիր ծնկի բերել առանց զենքի եւ ուժի գործադրման, ուղղակի զրկելով տվյալ ազգի ինքնապահպանման, նրա մարտունակության ոգին բարձրացնող հիմնասյուն-մայրենի լեզվի գերակայությունից: Բազմաթիվ պետություններ են վերացել հենց այս պատճառով, որոնք իրենցից հետո թողել են ընդամենը «մեռած լեզուներ» բառակապակցությունը:
XX դարից սկսած աշխարհում շրջում է անգլերենացման ուրվականը: Իհարկե, վատ չէ «փոքր» աշխարհում տիրապետել միջազգային եւ բոլոր երկրներին «բռան» մեջ հավաքող համակարգչային միասնական լեզվին: Բայց սա չի նշանակում, թե վերն ասվածի պատրվակով կարելի է աստիճանաբար գործածությունից հանել մայրենի լեզուներ:
Մեր իշխանությունների թողտվությամբ «Հայփոստի» նոր տնօրինությունը, ելնելով իր հարմարությունից, կամա թե ակամա դառնում է նաեւ ՀՀ Լեզվի մասին օրենքի խախտող` համակարգում ներդնելով անգլերենի գրագրությունը: Իմ տագնապը կհասկանա նա, ով նույնպես Բարձրյալից հետո, առավել քան հայրենիքը, կպաշտի իր մայրենին: Քանզի մարդ, եթե չփայփայի հարազատ լեզուն եւ կորցնի այն, ապա նրա մոտ կխաթարվի հայրենիք հասկացությունը: Աստվածախորհուրդ այս ճշմարտությունը ամենեւին չի մերժում այլ լեզուների նկատմամբ հարգանքը:
Եթե տնօրինությունը որդեգրել է համակարգի աշխատակազմին անգլիախոս դարձնելու շնորհակալ ծառայություն մատուցելու սկզբունքը, ապա դա բարոյական իրավունք չի վերապահում` լուծարելու «Հափոստի» մամուլի եւ հասարակայնության հետ կապերի ծառայությունը, ազատել հայերենի` պետական, պաշտոնական լեզվի անհրաժեշտ իմացությամբ օժտված աշխատակիցներիս: Մի՞թե հարկ կա «թրասթցիներին» բացատրելու, որ նման ծառայությունները, ինչպես եւ իրենց երկրներում, հանդիսանում են տվյալ դեպքում Հայաստանի Հանրապետության փոստային կապի ազգային օպերատորի համակարգի բոլոր ստորաբաժանումների աշխատանքների կամրջող, պետական քաղաքականության շահերից բխող գործառույթներ իրականացնող օղակ:
Այս պատմության մեջ անձնական օրինակով ընդհանրացվում է ցավալիորեն տարածված մի երեւույթ: Բանն այն է, որ «Հաճախորդների սպասարկման կուլտուրայի ռազմավարության արդյունավետ ներդրումը որպես հաջողության գրավական» լրագրողական ուսումնասիրությունս երբ հանձնեցի տնօրինությանը (այդ թվում` վարչապետին, Տրանսպորտի եւ կապի նախարարին, նրա տեղակալներին, Պետգույքի կառավարման վարչության պետին, ինչպես նաեւ՝ Հեղինակային իրավունքի պաշտպանության «Հայ հեղինակ» կազմակերպության տնօրենին), այդպես էլ ոչ մի արձագանք չհնչեց: Ընդամենը լսել եմ, որ վարչապետի կամ նախարարի աշխատակազմից առաջարկվել է «Հայփոստի» ղեկավարությանը՝ քննարկել սույն աշխատությունը եւ զեկուցել արդյունքի մասին: Սակայն, ինչպես միշտ, տնօրինության ոչ մի ներկայացուցիչ չի բարեհաճել տեղեկացնել ինձ այդ մասին: Նրանք կարող են լռել, սակայն լինել անհաղորդ, դա արդեն տգիտության նշան է:
Մի խոսքով, «Ռազմավարության...» մասին աշխատությանս հանդեպ փոքրոգի լռությամբ հաստատվում է այն իրողությունը, որ նրանք ոչնչով շահագրգռված չեն մեր տնտեսահամակարգի զարգացմամբ, որպեսզի մշտապես շարունակեն մեզ համեմատել աֆրիկյան կամ այլ երկրների հետ (ըստ Բոոնի՝ Սոմալիի եւ Կոնգոյի) իրենց «ձեռքբերումները» ուռճացնելու համար:
Այժմ, պարոն Բոոն, դիմում եմ անձամբ Ձեզ` «Հայփոստում» արդարության հաստատման գլխավոր երաշխավորիդ:
Ափսոսում եմ, որ սույն շարադրանքում տեղ են գտել վիրավորվածության թանձր զգացումից բխած մի քանի, թերեւս, անհարկի խիստ որակումներ: Ճշմարտությունն իրեն ոտնահարողին գտնում եւ պատժում է: Անարդարության զոհի արժանապատվությունից է կախված դրա չափաբաժինը: ՈՒստի եւ նույնպիսի արժանապատվությամբ ընդունեք Ձեզ ուղղված հորդոր-քննադատությունը: Սրանով մենք երկուստեք կնպաստենք արդարության հաղթանակին եւ վերստին կհամոզվենք, որ մեր մեղսավոր աշխարհում բոլոր-բոլոր վիճարկելի հարցերում լավագույն հաշտարարը Արդարությունն է` Արարչական վեհագույն առաքելության կրողը:
Օրենքի եւ արդարության փոխառնչության մասին ահա թե ինչ է ասել ֆրանսիացի պետական գործիչ եւ տնտեսագետ Ֆրեդերիկ Բաստիեն. «Օրենքը, որպես արդարություն, սահմանափակ է, անփոփոխ եւ անփոխարինելի»: Օրենքը ճիշտ կիրառելու համար մեզ մնում է ընդամենը լսել Արդարության ձայնը: Այդ ձայնն ասում է, որ ամիսներ շարունակ չմարող անհանդուրժողականությունից դուրս գալու արդար, քաղաքակիրթ ելքը Ձեր կողմից «կրճատված» 100 աշխատակիցների վերականգնումն է:
Իհարկե, քաջ գիտակցում եմ, որ բիզնեսը երբեմն կողմերին քշում է դաժան հարաբերությունների հարթություն: Արդյունքում լինում են փոխադարձ անցանկալի զարգացումներ` վտանգավոր ելքերով: Հարկավոր է կանգ առնել եւ աշխատանքում տեղ գտած հապճեպ որոշումների, ինչու չէ, նաեւ մտածելակերպի եւ հոգեբանական թյուրըմբռնման հետեւանքով ծագած սխալներն ուղղել ճիշտ ժամանակին:
Այդ ժամանակը, պարոն Բոոն, այլեւս բախում է Ձեր դուռը...
Սամվել ՍՄԲԱՏՅԱՆ
13.04.2008
«168 Ժամ». Պատրաստ ենք հրապարակել նաեւ հակառակ կողմի` «Հայփոստի» ներկայիս ղեկավարության տեսակետը:
«ՄԵՐ ՄՇԱԿՈՒՅԹՈՒՄ ԱՅՍՕՐ ՇԱՏ «ԱՂԲ» ԿԱ, ՈՐԸ ՓՈՐՁՈՒՄ ԵՆ ՈՐՊԵՍ ԱՐՎԵՍՏ ՆԵՐԿԱՅԱՑՆԵԼ»,- ԱՍՈՒՄ Է ԱՐՄԵՆ ԷԼԲԱԿՅԱՆԸ
Թատրոնը բոլոր ժամանակների ամենաազդեցիկ եւ ճշմարտությանն ամենամոտ կանգնած վայրն է, որի փոքրիկ դահլիճում ներկայացվում են մոռացված կամ տակավին թարմ մեր հույզերն ու ապրումները, հին ու նոր խնդիրները` նրանց ...«ՔԱՆԴԱԿԸ ՊԻՏԻ ԱՊՐԻ ՔԱՂԱՔԻ ՀԵՏ»
Քանդակագործ եւ բեմանկարիչ Դավիթ Մինասյանը գաղափարներով ու էնտուզիազմով լի ստեղծագործող է։ Մարդկային ու պրոֆեսիոնալ լավ հարաբերություններ ունենալով հայկական շոու-բիզնեսի գրեթե բոլոր ներկայացուցիչների հետ, ...ԵՎՍ ՄԵԿ ՌԱԶՄԱՎԱՐԱԿԱՆ ՀԱՄԱԿԱՐԳԻ ՕՏԱՐՄԱՆ ՓՈՐՁ ՀԱՅԱՍՏԱՆՈՒՄ
«Փոստատարը թակում է երկու անգամ, որից հետո գալիս է հատուցման պահը»
Լուի Ցայֆեր
2006 թ. նոյեմբերի 30-ից ՀՀ փոստային կապի ազգային օպերատոր «Հայփոստ» ՓԲԸ-ի հավատարմագրային կառավարիչ, ...20-ՐԴ ԴԱՐԻ ՀԱՅ ԱՐՁԱԿԻ ՄԱՍԻՆ
Մոտավորապես 18-րդ դարի կեսերից ազգային մշակույթի, ինչպես նաեւ՝ պատմության մեջ որպես արժեք սկսեց գերակշռել հայի կյանքը: Ազգը ծանր սթրես էր ապրում, իսկ ցեղասպանության ժամանակաշրջանում այս հարցն առանձնակի ...ՄԱՇԿԱՅԻՆ ՀԻՎԱՆԴՈՒԹՅՈՒՆՆԵՐ
Մաշկը մարդու մարմնի արտաքին ծածկն է: Մաշկի մակերեսը` կախված քաշից ու հասակից, կազմում է 1,7-2,6 քառ. մետր: Այն մարմինը պաշտպանում է արտաքին վնասվածքներից, պահպանում է ջրի քանակը եւ խոչընդոտում է տարբեր ...ՄԱՇԿԻ ԽՆԱՄՔԸ
Տարբեր տեսակի մաշկային հիվանդությունների համար շատ լավ է հմուլակոնի (ւՎպսՖ) թուրմը: 10 գր հմուլը 20 րոպե եռացնել 1 բաժակ ջրում, թողնել 30 րոպե եւ քամել: 25 հատ հմուլակոնի թուրմը խառնել 1/2 բաժակ սպիրտի ...ՎՏԱՆԳԱՎՈՐ ՆՈՐԱՁԵՒՈՒԹՅՈՒՆ
Մոդելագործ ձեւավորողների ֆանտազիան միշտ եղել է իր բարձունքում: Նորաձեւություն ստեղծողների մտահղացումները ոչ միայն գեղեցիկ են, այլ նաեւ երբեմն՝ շատ վտանգավոր առողջության համար. հագուստի էլեմենտները սարսափելի ...ԳԱՐՆԱՆԱՅԻՆ ԿՈՏԼԵՏՆԵՐ
Անհրաժեշտ է 1 կապ համեմ, 1 կապ մաղադանոս, 1 կապ կանաչ սոխ, 2 հատ ձու, 3 ճաշի գդալ բուսական յուղ, ալյուր: Կանաչիները մանր կտրատել, խառնել ձուն, աղը, պղպեղը եւ այնքան ալյուր, որ հնարավոր լինի գդալով լցնել ...«ԵՐԱԶԱՆՔՆԵՐՍ ՄԵՐ ՊԱՏԵՐԻ ՆՄԱՆ ԿԱՄԱՑ-ԿԱՄԱՑ ՓՇՐՎՈՒՄ ԵՆ»
16 տարեկան Արմենի ընդգծված վախի արտահայտության պատճառը հասկանալու համար ընդամենն անհրաժեշտ է մի քանի ժամ նրանց փայտաշեն խրճիթում վախը հաղթահարելով դիմանալ, բայց դիմանալու համար պետք է ուժեղ լինել:
...«ԲԱ ԿՈՌՈՒՊՑԻԱՅԻ ՀԱՄԱՐ ԻՆՉՈ՞Ւ ՉԵՔ ՆՍՏԱՑՆՈՒՄ»
«Ժողովրդական կուսակցության» նախագահ Տիգրան Կարապետյանը երեկ հրավիրած մամուլի ասուլիսում հայտարարեց, որ դրական է վերաբերվում նորանշանակ վարչապետ Տիգրան Սարգսյանին, քանի որ նա չի պատկանում ոչ ...ԳՐԱՆՏ ԵՆ ՇԱՀԵԼ
Անի ՀԱՐՈՅԱՆԷրեբունի թանգարանի տնօրեն Աշոտ Փիլիպոսյանն, ընդամենը մի քանի ամիս է, ստանձնել է տնօրենի պաշտոնը, բայց արդեն հասցրել է թանգարանում եւ ամրոցում մի շարք աշխատանքներ ու ծրագրեր մշակել: Նա նախատեսում է այդ ...ԸՆՏՐՈՒԹՅՈՒՆՆԵՐ` ՄԵԿ ԹԵԿՆԱԾՈՒՈՎ
Սյունիքի մարզի թիվ 37 ընտրատարածքում (ընդգրկում է Գորիսի եւ Սիսիանի տարածաշրջանները) մայիսի 11-ին կանցկացվեն Խնձորեսկ համայնքի ղեկավարի հերթական ընտրություններ: Առաջադրվել է մեկ թեկնածու` գործող գյուղապետ, ...ՀՅԴ-Ն ԷԼԻ ՓՈԽՈՒՄ Է ՆԵՐԿԱՆ
«Նորընտիր նախագահը կարծես թե գնում է այն ճանապարհով, ինչ որ խոստացել էր, այսինքն` կադրային լուրջ արմատական փոփոխություններ, առանց որոնց, չեմ կարծում, որ հնարավոր է իրականացնել այն ծրագրերը, որոնք ...ԱՄԵՐԻԿՅԱՆ ՀԱՄԱԼՍԱՐԱՆԸ ՄԵՐԺԵԼ Է
Ամերիկյան համալսարանի բիզնես-կենտրոնում երեկ ժամը 14:00-ին պետք է տեղի ունենար «Հիմա» խորագրով երիտասարդական ֆորումը, որտեղ քննարկվելու էր Հայաստանում ստեղծված ներքաղաքական իրավիճակը եւ երիտասարդների ...ԱՆՀԱՆԳՍՏԱՑԱԾ Է
Եվրախորհրդի գլխավոր քարտուղար Թերի Դեւիսն անհանգստություն է հայտնել Ադրբեջանում ԶԼՄ-ների վիճակից: «Ես անհանգստացած եմ այն բանից, որ իրենց դժգոհությունը հայտնող մարդկանց դեմ օգտագործվում են զրպարտանքի ...ՆԱԽԱՐԱՐԻՑ՝ ՏԵՍՈՒՉ
ՀՀ նախագահ Սերժ Սարգսյանը երեկ հրամանագիր է ստորագրել պահեստազորի գեներալ-գնդապետ Միքայել Հարությունյանին ՀՀ նախագահի գլխավոր ռազմական տեսուչ նշանակելու մասին` նրա հետ կնքելով երեք տարի ժամկետով պայմանագիր։ ...ՊԱՀՊԱՆԵԼ ԵՆ
ՀՀ նախագահ Սերժ Սարգսյանը երեկ հրամանագրեր է ստորագրել, որով ՀՀ արդարադատության նախարար է նշանակվել գործող նախարար Գեւորգ Դանիելյանը: Իրենց պաշտոնները պահպանել են նաեւ կոալիցիայի անդամ ԲՀԿ-ական Արմեն ...ՀՐԴԵՀ` ՉԱՐԲԱԽՈՒՄ
Երեկ գիշերը ժամը 00:05-ին հրդեհ է բռնկվել Երեւանի Վերին Չարբախի 5-րդ փողոցի թիվ 26 տանը: Երեւանի տարբեր հրշեջ մասերից դեպքի վայր է մեկնել չորս մարտական հաշվարկ եւ մեկ ջրատար: Հրդեհը մարվել է ժամը 01:47-ին: ...«ՌԴ-Ն ԻՐ ՖՈՐՊՈՍՏՆ ԷԺԱՆ ՏԱՔԱՑՆԵԼՈՒ ՑԱՆԿՈՒԹՅՈՒՆ ՉՈՒՆԻ»
Արմինե ԱՎԵՏՅԱՆ
Հայաստանի նորանշանակ վարչապետ Տիգրան Սարգսյանն իր աշխատանքային գործունեությունը մեկնարկեց գազի գնի թանկացման մասին հայտարարությամբ:
Դա, թեեւ, սպասելի էր, քանի որ ՀՀ կառավարության կողմից գազի գնի սուբսիդավորման ...«ԻՇԽԱՆՈՒԹՅՈՒՆԸ ՀԱՂԹԵՑ ՀԱՍԱՐԱԿՈՒԹՅԱՆԸ»
2008-ի մարտի 12-ին Հատուկ քննչական ծառայությունը հանցակազմի բացակայության պատճառաբանությամբ որոշում է կայացրել կարճել 2007թ. մայիսի 12-ին ՀՀ Ոստիկանության վարչական շենքի բակում Լեւոն Գուլյանի մահվան փաստի ...ՄԱՐՏԻ 1-Ը ՓՈՐՁՈՒԹՅՈՒՆ ԷՐ
ՀՀ նախագահ Սերժ Սարգսյանը Ոստիկանության օրվա առթիվ երեկ ուղերձ է հղել ոստիկաններին ու վետերաններին: «Քաղաքացիների իրավունքների, ունեցվածքի, ինչպես նաեւ՝ հասարակական կարգի պաշտպանության հարցերում ...ՀԱԹԱԹԱ՝ ՆԱԵՒ ՌԴ-ԻՆ
Ադրբեջանի ԱԳ փոխնախարար Արազ Ազիմովը երեկ հայտարարել է, թե պաշտոնական Բաքուն գտնում է, որ «ՌԴ-ն պարտավոր է հայտարարել ԼՂՀ հակամարտությունը Ադրբեջանի տարածքային ամբողջականության հիման վրա եւ նրա ...ԱՐՎԵՍՏԱ(Տ)ԳԵՏՆԵՐ՝ ԱՌԱՆՑ ՄԱՍՇՏԱԲՆԵՐԻ
Նունե ՊԵՏՐՈՍՅԱՆ 1
Ժամանակին Ուկրաինայի հայտնի ռոք երգիչներից մեկը, ով պաշտպանում էր նախագահ Յուշչենկոյին՝ նարնջագույն հեղափոխությունից առաջ եւ դրա ժամանակ, պատմել էր, թե ուկրաինական շոու-բիզնեսի գրեթե բոլոր աստղերն ինչպես ...ՈՉ ՄԻԱՅՆ ՓՈՂԻՎ
1Երեկ ԱԳՆ ղեկավար կազմին նորանշանակ նախարարին ներկայացնելուց հետո, ՀՀ նախագահ Սերժ Սարգսյանն անդրադարձել է նաեւ արտաքին քաղաքականության մի քանի հարցերի: Նշելով, որ Բաքվում որոշակի թյուրիմացություն կա` ...ՍՈՎՈՐՈՒԹՅԱՆ ՀԱՄԱՁԱՅՆ
ԱԳ նախկին նախարար Վարդան Օսկանյանը երեկ հայտարարել է, թե համաձայն չէ այն գնահատականների հետ, թե ՀՀ արտաքին քաղաքականությունն իր նախարար եղած տարիներին նախաձեռնող չէր, ինչի հետեւանքով եղան մի շարք դիվանագիտական ...ԿՈՒՏԱԿԵՔ ՁԵՐ ԹՈՇԱԿՆԵՐԸ
Հայաստանում 2005-2006թթ. սկիզբ առած կենսաթոշակային բարեփոխումների շրջանակներում արդեն հաջորդ տարի հանրապետությունը կարող է անցնել կուտակային համակարգերի ձեւավորմանը: Այդ մասին երեկ հրավիրված ասուլիսում ...ՆՄԱՆ ՆԱԽԱԴԵՊԵՐ ՉԵՆ ՈՒՆԵՑԵԼ
ՀՀ գլխավոր դատախազի մամուլի քարտուղար Սոնա Տռուզյանի վկայությամբ՝ ԵԱՀԿ-ի եւ ՄԱԿ-ի ներկայացուցիչները հայտնել են, որ Երեւանում մարտի 1-2-ին տեղի ունեցած դեպքերի հետ կապված փորձաքննություններ իրականացնելու ...ՀԻՆԳԵՐՈՐԴՆ ԱՇԽԱՐՀՈՒՄ
«Ազատություն» ռ/կ նախագահ Ջեֆրի Գեդմինը երեկ Բաքվում կայացած հանդիպման ժամանակ Ադրբեջանի նախագահ Իլհամ Ալիեւին կոչ է արել հարգել խոսքի ազատությունը եւ պաշտպանել լրագրողներին: Նա մտահոգություն ...ԿԲ-Ի ԵՐԿՐՈՐԴ ԳՐՈՀԸ
Արա ԳԱԼՈՅԱՆ
Հայաստանում կատարվածն ինչ-որ իմաստով կարելի է համարել ՀՀ կառավարությունը «վերցնելու» Կենտրոնական բանկի երկրորդ փորձ: Առաջինը, որ շատերն են մոռացել, տեղի ունեցավ ուղիղ տասը տարի առաջ: Կենտրոնական ...«ՄԱՐՏԻ 1-ԻՆ ԱՆՀԱՄԱՉԱՓ ՈՒԺ Է ԿԻՐԱՌՎԵԼ»,- ՆՇՎԱԾ Է ԵԽ ՄԱՐԴՈՒ ԻՐԱՎՈՒՆՔՆԵՐԻ ՀԱՆՁՆԱԿԱՏԱՐԻ ԶԵԿՈՒՅՑՈՒՄ
Լիլիթ ՍԵՅՐԱՆՅԱՆ
Մարդու իրավունքների ընդհանուր դրությունը եւ արտակարգ իրավիճակի ազդեցությունն ուսումնասիրելու նպատակով մարտի 5-ին հատուկ առաքելությամբ ՀՀ կառավարության հրավերով Հայաստան էր ժամանել Եվրոպայի խորհրդի Մարդու ...ԵԹԵՐԱԶՐԿԵՑԻՆ
Երեկ ժամը 14։00-ի սահմաններում ԳԱԼԱ հեռուստաընկերություն են ներկայացել ՀՀ ԱՆ ԴԱՀԿ ծառայության աշխատակիցները՝ ի կատար ածելու ՀՀ Վերաքննիչ քաղաքացիական դատարանի վճիռը, որն անփոփոխ էր թողել Շիրակի մարզի ...Ի ՊԱՇՏՊԱՆՈՒԹՅՈՒՆ ՎԱՀԱՆՆԵՐԻ
Մարտի 1-ին եւ 2-ին տեղի ունեցած «զանգվածային անկարգությունների» կապակցությամբ երեկ Կենտրոն եւ Նորք-Մարաշ համայնքների ընդհանուր իրավասության դատարան է մուտքագրվել եւս 2 քրեական գործ: ՀՀ Քրեական ...ՄԻՆՍԿԻ ԽՄԲՈՒՄ ԲՌՆՈՒԹՅՈՒՆՆ ԸՆԴՈՒՆՎԱԾ ՉԷ...
«Ես հանդիպել եմ երկու երկրների ԱԳ նախարարների հետ եւ քննարկումներ անցկացրել նրանց հետ: Ինձ մոտ այն տպավորությունն է ստեղծվել, որ կողմերը մոտ են համաձայնության հասնելուն: Կարծում եմ՝ մենք կարող ենք ...ԱՆՓՈՓՈԽ ԵՆ ԹՈՂԵԼ
Երեկ ՀՀ վերաքննիչ դատարանը դռնփակ նիստում մերժել է Սեդրակ Զատիկյանի սպանության գործի առնչությամբ վերաքննիչ բողոքը` Մալաթիա-Սեբաստիա համայնքի առաջին ատյանի դատարանի 2007թ. դեկտեմբերի 29-ի որոշումը թողնելով ...ՆՈ՞Ր, ԹԵ՞ «ՌԱԿԻՐՈՎԿԱ» ԵՂԱԾ ԿԱՌԱՎԱՐՈՒԹՅՈՒՆ
Կարեն ՔՈՉԱՐՅԱՆ
Ավելի լավ է պարտվել սեփական թիմով, քան հաղթել ուրիշների հետ...
Նիկոլո Մաքիավելի
ՀՀ-ում հերթական սպասողական վիճակն է. բոլորը սպասում են նոր կառավարության կազմի հաստատմանը: Մեր քաղաքացիներին լիովին ...ԿՈԱԼԻՑԻԱ Է, ... ՉԿԱ ՆԱԽԿԻՆ ՊՈՊՈՒԼԻԶՄԸ
Նոր ձեւավորվող կառավարությունում «Օրինաց երկիր» կուսակցությունը կունենա 2-3 նոր պորտֆել եւ երկու հանձնաժողովի նախագահ Ազգային ժողովում: Այդ մասին երեկ հրավիրված մամուլի ասուլիսում հայտարարել ...ՉԵՆ ՃԱՆԱՉՈՒՄ
ԱՄՆ պետքարտուղար Կոնդոլիզա Ռայսը երեկ հայտարարել է, թե Lեռնային Ղարաբաղի խնդրի կարգավորումը բխում է Հայաստանի եւ Ադրբեջանի շահերից եւ «կարող է արագ լուծվել, եթե կողմերը քաղաքական կամք դրսեւորեն»: ...ԶԻՆՎՈՐ ԵՔ ԴՈՒՔ
ՀՀ նախագահ Սերժ Սարգսյանը երեկ ԱԳՆ ղեկավար կազմին ներկայացրել է նորանշանակ նախարար Էդուարդ Նալբանդյանին: Ընդգծելով այն փաստը, որ ապրիլի 13-ի իր երկու հրամանագրերով նշանակվել են պաշտպանության եւ արտաքին ...ՍՊԱՌՆԱՑԵԼ ԵՆ
Հրազդանի Վանատուր գյուղի բնակիչները ՀՀ իշխանություններին մեկ ու կես օր ժամանակ են տվել իրենց պահանջը կատարելու համար: Նրանք պահանջում են ազատ արձակել իրենց պատգամավոր Սասուն Միքայելյանին եւ մյուս ազատամարտիկներին: ...«Ո՞Ր ՀԱՅԱՍՏԱՆԻ ՎԱՐՉԱՊԵՏՆ Է ՏԻԳՐԱՆ ՍԱՐԳՍՅԱՆԸ»
Արմինե ԱՎԵՏՅԱՆ
- ՀՀ վարչապետ նշանակվեց անկուսակցական Տիգրան Սարգսյանը: Այդ պաշտոնում ԿԲ նախկին նախագահի նշանակումը հիմնավորվեց հիմնականում նրանով, որ նա գրագետ, պրոֆեսիոնալ տնտեսագետ է եւ կկարողանա այս փուլում երկրի ...ՀՀ-Ն ԿԱՐՈՂ Է ԶՐԿՎԵԼ ԵԽ-ՈՒՄ ՔՎԵԱՐԿՈՒԹՅԱՆ ԻՐԱՎՈՒՆՔԻՑ
Լիլիթ ՍԵՅՐԱՆՅԱՆԱյսօր Եվրախորհրդի Խորհրդարանական վեհաժողովում քվեարկության է դրվելու ԵԽ ԽՎ Մոնիտորինգի հանձնաժողովի պատրաստած` «Հայաստանում ժողովրդավարական ինստիտուտների վիճակի վերաբերյալ» զեկույցի նախագիծը, ...ԳԱ՛Զ ՏՈՒՐ, ՀԱՅԱՍՏԱ՛Ն
Բաբկեն ԹՈՒՆՅԱՆ
Տեւական դադարից հետո գազի գնի թեման նորից հայտնվեց ուշադրության կենտրոնում։ ՀՀ նորանշանակ վարչապետ Տիգրան Սարգսյանն օրերս հայտարարեց, որ գազի գնի սուբսիդավորումը մայիսի 1-ից դադարեցվելու է, եւ հայաստանցիները ...ՓՈԽԱՏԵՂՈՒՄ
Մեր տեղեկություններով՝ ՀՅԴ ԳՄ անդամ, ԱԺ նախկին փոխնախագահ Վահան Հովհաննիսյանը գլխավորելու է ՀՅԴ խորհրդարանական խմբակցությունը: Իսկ խմբակցության ներկայիս ղեկավար Հրայր Կարապետյանը զբաղեցնելու է ԱԺ փոխնախագահի ...ՔԱՐԵՐԸ ՀԱՎԱՔԵԼՈՒ ԺԱՄԱՆԱԿԸ
Այսօր Եվրախորհրդի Խորհրդարանական վեհաժողովում քվեարկության է դրվելու ԵԽ ԽՎ Մոնիտորինգի հանձնաժողովի պատրաստած` «Հայաստանում ժողովրդավարական ինստիտուտների վիճակի վերաբերյալ» զեկույցի նախագիծը, ...ՆԱԵՒ ՋՈ՞ՒՐԸ
«Երեւան Ջուր» ընկերությունը խմելու ջրի սակագինը 10 դրամով բարձրացնելու հայտ է ներկայացրել Հանրային ծառայությունները կարգավորող հանձնաժողովին: Այդ մասին երեկ հրավիրված մամուլի ասուլիսում հայտարարել ...ՄԻՆՉԵՒ ԱՊՐԻԼԻ 25-Ը
Երեկ ԱԺ-ում ավարտվել են Վենետիկի հանձնաժողովի եւ ԵԱՀԿ/ԺՀՄԻԳ-ի փորձագետների հետ քննարկումները՝ «Ժողովներ, երթեր, հանրահավաքներ եւ ցույցեր անցկացնելու մասին» օրենքի շուրջ: Նաեւ ստորագրվել է ...
ԼՂՀ-Ն` ԱՆԿԱՅՈՒՆՈՒԹՅԱՆ ԱՂԲՅՈ՞ՒՐ
«ՍԻՆՈՓՍԻՍԸ» ԳՏՆՈՒՄ Է ԼԱՎԱԳՈՒՅՆՆԵՐԻՆ
ՄԵՐՈՆՔ՝ ԵԱՀԿ-ՈՒՄ
ԽՈՐԱՆՈՒՄ Է ՔՐԵԱԿԱՆ ՀԵՂԱՓՈԽՈՒԹՅՈՒՆԸ
ՄԵՐՍՄԱՆ ՏԵՍԱԿՆԵՐԸ
ԱԶԱՏՈՒԹՅՈՒՆ ՍՈՒՐԵՆՅԱՆՑԻՆ
ՄԵԿ ՖԻԼՄԻ ԽՆԴԻՐՆԵՐԸ ՀԱՅ ԿԻՆՈՅԻ ՀԱՅԵԼԻՆ ԵՆ
ՈՉ ՄԻԱՅՆ ՓՈՂԻՎ
ԱԶԱՏ ԵՆ ԱՐՁԱԿՎԵԼ
«ԲԱ ԿՈՌՈՒՊՑԻԱՅԻ ՀԱՄԱՐ ԻՆՉՈ՞Ւ ՉԵՔ ՆՍՏԱՑՆՈՒՄ»
ՀԱՎԱՏՔ Է ՊԵՏՔ
ՆԿԱՏՎԱԾ ՎՐԻՊԱԿՆԵՐ
Լիլիթ ԱՎԱԳՅԱՆՍԻՐՈՒՄ Է ԱԶԱՏՈՒԹՅՈՒՆՆ ՈՒ ՏԱՏԻԿԻՆ
ԵՐՎԱՆԴ ՔՈՉԱՐ
20-ՐԴ ԴԱՐԻ ՀԱՅ ԱՐՁԱԿԻ ՄԱՍԻՆ
- 1862 Ծնվել է մեծ հայասեր Հ. Ֆ. Բ. Լինչը Լոնդոնում, իռլանդացի ծնողների ընտանիքում: Բացի իրավագիտությունից, նա ճանաչված է որպես գրող, աշխարհագրագետ, քաղաքագետ և ճամփորդ: Ունի աշխատությունների պատմական Հայաստանին նվիրված: 1906թ. ընտրվել է Բրիտանիայի պառլամենտի անդամ: Մահացել է Լոնդոնում 1913թ. նոյեմբերի 24-ին:
- 1877 Ռուսական զորքերի երևանյան ջոկատը գեներալ Տեր-Ղուկասովի ղեկավարությամբ, հայ աշխարհազորայինների հետ միասին 12 օրվա ընթացքում գրավեց Բայազետ քաղաքը :
- 1933 Մահացավ Հայաստանի Հանրապետության խորհրդային նախագահ Ավետիք Սահակյանը (Հայր Աբրահամ):
- 1953 Վերացվում են Երևանի, Կիրովականի և Լենինականի օկրուգները:
- 1958 Կազմակերպվում է ՀԽՍՀ ԳԱ արվեստի ինստիտուտը:
ԼՈՒՐԵՐ ՀԱՅԱՍՏԱՆ
ՕՆԼԱՅՆ ԼՈՒՐԵՐ
ԻՆՖՈՐՄԱՑԻԱ
ԻՄ ԱՐՄԹԱՈՒՆ
Ինչպե՞ս թողնել ծխելը
Ինչպե՞ս գրել Հայերեն Windows XP միջավայրում
Սույն կայքում հրատարակված նյութերը վերցված են բաց աղբյուրներից և պաշտպանված են հեղինակային իրավունքիով։ Արգելված է սույն կայքում հրատարակված նյութերի վերարտադրումը առանց իրական հեղինակի գրավոր թույլտվության։ Եթե ցանկանում եք հանել Ձեզ պատկանող նյութը, ապա ուղարկեք մեզ, պատկանելությունը վկայող փաստեր և տվյալ նութը անմիջապես կհանվի։ Բոլոր նյութերը հրատարակված են միայն ինֆորմացիոն նպատակով և մենք պատասխանատու չենք դրանց հավաստիության համար։