ՆԵՐՔԻՆ ԱՐՆԱՀՈՍՈՒԹՅՈՒՆ
«Ես կյանքում առաջին անգամ չասացի, որ ղարաբաղցի եմ: Հարցրեցին` որտեղացի՞ ես, ասացի` աբովյանցի եմ»,- «ԱրմենիաՆաուի» լուսանկարիչ Անահիտ Հայրապետյանը պատմում է, թե ինչպես մարտի 1-ին Մյասնիկյանի արձանի մոտ յուրաքանչյուր լուսանկարչի ու լրագրողի հարցնում էին, թե որտեղացի է` կատաղած նրանց մեջ ղարաբաղցի փնտրելով։
Ապատեղեկատվություն էր տարածվել, թե առավոտյան Ազատության հրապարակի նստացույցը ցրողները խոսում էին Ղարաբաղի բարբառով։
Բայց դա պատահական չէր, դա Լեւոն Տեր-Պետրոսյանի շարժման առաջացրած այլատյացության դրսեւորումն էր, որի թիվ մեկ թշնամին դարձան ղարաբաղցիները։
Հաջորդ օրը` մարտի 2-ին, տաքսու վարորդը, քշելով Մաշտոցի ավերված պողոտայով, ցույց էր տալիս խանութներն ու բացատրում, թե որը ումն է` ուզելով արդարացնել թալանը՝ սա Լֆիկինն է, սա էլ` ղարաբաղցու։ Լֆիկը օլիգարխ Սամվել Ալեքսանյանն է, ապարանցի։ Իսկ ի՞նչ կապ ունի ղարաբաղցին։ Վարորդը շարունակում է, որ պետք է ղարաբաղցիներին քշել։
Մարտի 2-ի առավոտյան ընդհարման վայրի մոտակայքում մայթի սալահատակն ուսումնասիրող մի մարդ տեսավ պահակություն անող զինվորներին եւ առանց կոնկրետ որեւէ մեկին նկատի ունենալու՝ նետեց նրանց ուղղությամբ. «Ղարաբաղցի շներ»:
Սրանք միակ դեպքերը չեն, սա դարձել է վերջին շարժման ընթացքում տարածված կարծիք։
Ղարաբաղցիների նկատմամբ բացասական վերաբերմունքն առաջացավ, երբ ընդդիմության դեմ իր իշխանությունն ամրացնելու համար Տեր-Պետրոսյանի` Ղարաբաղից բերված գործիչները նրա ձեռքից առան իշխանությունն ու սկսեցին օգտվել նրա ստեղծած կլանային համակարգի պտուղներից։ Եթե համակարգը կլանային է, ապա մարդիկ բողոքում են այն կլանի դեմ, ով իշխանության է։ Առաջ այդ բողոքի թիրախը ՀՀՇ-ն էր` իր լիդերի հետ միասին, իսկ հետո դարձան Տեր-Պետրոսյանին պաշտոնանկ անողները։ Համակարգը նույնն է մնում, եթե վաղը իշխանության գան ախալքալաքցիները, նրանք են օգտվելու։
Լ. Տեր-Պետրոսյանը ղարաբաղցիների նկատմամբ բացասական վերաբերմունքը վերածեց ատելության` հայտարարելով իշխանություններին թաթար-մոնղոլներ եւ ասելով. «Այս երկու մարդու պատճառով վերջին տասը տարում 15.000 մարդ Ղարաբաղից տեղափոխվել է Հայաստան, հիմնականում` Երեւան։ Նրանցից յուրաքանչյուրին պաշտոն է տրվել: Դա բավական չէր, հիմա բիզնեսի ոլորտն է տրվում նրանց» (ո՞վ է ստուգել այս թիվը` անհայտ է)։ Թշնամանքն առաջնորդի գլխավոր զենքն էր 5 ամիսների ընթացքում, երբ նա իր կառավարած տարիների միակ սխալը համարեց Ղարաբաղից երկու գործիչներին բերելն ու միայն դրա համար ներողություն խնդրեց (նա նույնիսկ պաշտպանեց իր ստեղծած կլանային համակարգը` հայտարարելով, որ 1995-ի Սահմանադրությունն ավելի լավն է, քան 2005-ի փոփոխությունները), Հայաստանի բոլոր արատների սկիզբ հայտարարեց 98-ը, մերժեց, թե մինչ այդ ընտրակեղծիքներ ու պետական թալան են եղել՝ իր կառավարման տարիները ներկայացնելով իդեալական։ Դժգոհների զանգվածի համար խարիզմատիկ առաջնորդի խոսքերը քննարկման ենթակա չեն եւ միակ ճշմարտություն են։
Երկրի պրոբլեմները միայն անձերով բացատրելով ու այդ անձանց մեղադրելով մահացու մեղքերի մեջ (Մեղրին հանձնելու համար սարքեցին «Հոկտեմբերի 27»-ը)` նա իր նկատմամբ հավատ ներշնչեց, որ «մինչեւ վերջ գնալու» է, բայց նաեւ Սերժի եւ Ռոբերտի համար իշխանությունը պահելը դարձրեց անձնական անվտանգության խնդիր։
Լ. Տեր-Պետրոսյանը եւ նրա համախոհների քարոզչությունը թշնամության դոզան բարձրացնելով՝ ավելացնում էր նրան ընտրողների թիվը: Նա հայտարարեց, որ Սերժն ու Ռոբերտը տեւական ժամանակ թուրքերին ստորաքարշորեն ծառայել են: Մյուս կողմից` դավաճան ու տականք հռչակեց բոլոր նրանց, որոնք իրեն չեն միանում, ու իր ասած իշխանության մեջ ճաքեր բացվելու փոխարեն՝ հասարակության մեջ թշնամանքի խոր ճեղքեր ճյուղավորվեցին. եթե լիդերը դավաճան է հռչակում մեկին, ուրեմն զանգվածը պատրաստ է նրան ոչնչացնել («168 Ժամում» երգչուհի Շուշան Պետրոսյանը սարսափով պատմում է, որ Սերժ Սարգսյանին աջակցելու համար նամակներ է ստացել, որ ինքը դավաճան է, իր երեխաներին մորթելու են, եւ վախից տղային 2 շաբաթ դպրոց չի տարել։ Իսկ հետընտրական երթերը, անցնելով Վազգեն Մանուկյանի գրասենյակի մոտով, վանկարկում էին. «Վազգեն, դավաճան», քանի որ իրենց լիդերն էր այդպես հայտարարել)։
Սակայն գլխավոր թիրախը մնում էին ղարաբաղցիները. «Ղարաբաղը տանք` լավ ապրենք» եւ «Ղարաբաղցիներից ազատվենք» ոչ հրապարակային ասված ներազգային ֆաշիզմի դրսեւորումները հիշեցնում էին 20-30-ական թվականների Վեյմարյան Գերմանիան, ուր կոռուպցիայի, օլիգարխիայի, արժեզրկման, մոնոպոլիզացված տնտեսության մեղավոր հռչակվեցին հրեաները (1919 թվականին Վեյմարում ընդունված սահմանադրությունը շատ նման է 95-ի սահմանադրությանը, որտեղ ուժեղ կենտրոնացված նախագահական համակարգը թույլ չէր տալիս հասարակությանը մասնակցել որոշումների ընդունմանը եւ նպաստում էր օլիգարխիայի ու մոնոպոլ տնտեսությանը, որը հանգեցրեց որպես ճգնաժամի լուծման տարբերակ նացիստների իշխանության գալուն):
Հակաղարաբաղյան այլատյացության գագաթնակետը հասավ փետրվարյան հետընտրական միտինգներին, երբ Օպերայում մի դասախոս հրապարակում էր այն ուսումնական հաստատությունների ղեկավարների անունները, որոնք պետք է պատժվեն` զանգվածի բուռն աղաղակների ներքո շեշտելով նրանց ղարաբաղցի լինելը, իսկ մի ուրիշ հռետոր էլ հայտարարեց. «Այս հրապարակում հավաքված հայորդիները 3 անգամ ավելի շատ են, քան Ղարաբաղի քաղաքացիները, կեցցեն հայորդիները»։
Ագրեսիայի դեմ որպես բողոք` բլոգներից մեկում ոչ ղարաբաղցիները սկսեցին հայտարարել՝ ես ղարաբաղցի եմ, ինչպես Դինքի սպանությունից հետո թուրքերը հայտարարում էին՝ ես հայ եմ։
Մարտի 1-ին կիրառվեց 5 ամսվա քաղպարապմունքի արդյունքը` Մոլոտովի կոկտեյլների ու ձողերի տեսքով։ Զանգվածը հարձակվում էր ոստիկանների վրա` գոչելով. «Թուրքեր, ղարաբաղցիներ, հեռացեք»։ Ասում են, թե այդ օրը կոտրվեց հայ ժողովրդի ոգին, եթե կոտրվեց, ապա դա գուցե այլատյացության ոգին էր։
Ի տարբերություն Գերմանիայի, որի այլատացությունն ուղղված էր դուրս, լեւոնականի «այլը» ազգակիցն է, այլատյացությունն ուղղված է մոնոէթնիկ ժողովրդի մի հատվածի դեմ։ Ինչպես ազգայնականությունն է ճգնաժամերի համար թշնամի որոնում այլ ազգերի մեջ, այնպես էլ ազգային ծրագրերը ծայրահեղորեն մերժող «պրագմատիկը» ճգնաժամի մեղավոր թշնամի է փնտրում ազգի ներսում, ու ինտելեկտուալի համբավ ունեցող բանաստեղծուհին, ներշնչված հարյուր-հազարների թշնամանքից, ասում է, որ ղարաբաղցիները ընդունակ չեն պետություն ղեկավարել (Լ. Տեր-Պետրոսյանը Ղարաբաղը հանձնելու ակնհայտ ակնարկներ էր անում` հայտարարելով, որ Ղարաբաղը Կոսովո չէ եւ չի կարող հասնել անկախության, իսկ մի հարցազրույցում ասել է, թե Հայաստանը պետք է ֆինանսական փոխհատուցում տա Ադրբեջանին հասցրած վնասների համար)։ Այսպես լիբերալիզմի անունից հանդես եկող լեւոնականները դառնում են ինքնորոշման թշնամի միայն այն պատճառով, որ ինքնորոշվողներն իրենց ազգակիցներն են, եւ նրանց օգնելը դժվարացնում է երկրի վիճակը։
Ի տարբերություն Գերմանիայի, որտեղ ոչ ժողովրդավարական համակարգ ստեղծողն ու այն յուրացնողը տարբեր մարդիկ էին, Տեր-Պետրոսյանը եւ համակարգի ստեղծողն էր, եւ նրանից օգտվողներին գցողը, այսինքն` երկուսը մեկում, որ ձգտում է հեռացնել մի կլանը մեկ ուրիշով փոխարինելու համար եւ ոչ երբեք փոխել այն համակարգը, որի ճարտարապետն է ինքը:
Թե ովքեր էին ուզում իշխանությունը վերցնել, ցույց է տալիս ձերբակալվածների ցուցակը, որի մոտ 80 տոկոսը կամ ՀՀՇ-ից են, կամ նախկին պաշտոնյաների ստեղծած «Հանրապետություն» կուսակցությունից։ Իսկ հետախուզման մեջ գտնվող գործարար Խաչիկ Սուքիասյանը Լեւոնի իշխանության ֆավորիտ օլիգարխն էր, որ թեեւ իր եկամուտներից չէր զրկվել, բայց որոշ դիրքեր զիջել էր Գագիկ Ծառուկյանին։
Ձերբակալվածների եւ Լեւոնի մյուս աջակիցներից շատերը, իշխանությունը յուրացնելով, միլիոններ են կուտակել եւ չեն պատժվել, քանի որ նրանց փոխարինել են համակարգից նույն կերպով օգտվողները։
Լ. Տեր-Պետրոսյանը գործող համակարգի դարանակալ տարբերակն էր ընդդիմության կարգավիճակով, որ հայտարարելով, թե ինքը գործիք է իշխանությունը փոխելու համար, ատելությամբ ներարկված զանգվածը դարձրեց գործիք` հին կլանին իշխանությունը վերադարձնելու համար, եւ արտասանելով «Թող ոչ մի զոհ չպահանջվի ինձնից բացի»՝ զոհաբերեց ուրիշներին («Դուրս գայի, որ ինձ սպանեի՞ն»,- մարտի 1-ին տնից դուրս չգալը բացատրել է Տեր-Պետրոսյանը «Կոմերսանտ» թերթին): Իր դղյակում անվտանգ փակված, կանխահաս վտանգը օդի մեջ՝ կարգադրեց ցուցարարներին չցրվել ու իր զինակից Փաշինյանի բերանով կոչ արեց զինվել ու դիմադրել, որ իշխանությունների վրա եւս մի մահացու մեղք բարդվի՝ ժողովրդի վրա կրակելը։
Դարանակալ համակարգը դրսեւորվեց արդեն ոչ թե խոսքով, այլ գործով` ընտրությունների օրը իշխանության հետ ոտք գցելով ընտրակաշառքներ բաժանելու ու հանձնաժողովներ կաշառելու մեջ ու բռնություններով (մեկ շաբաթ առաջ 7 տարվա ազատազրկման դատապարտվեց Լեւոն Տեր-Պետրոսյանի Անիի շտաբի պետը` Սերժ Սարգսյանի վստահված անձին ծեծելու համար), իսկ Տեր-Պետրոսյանը վատ գործիքներ չէր տվել իր հաջորդներին իշխանությունը պահելու համար. հակաօրինական մեթոդները արդյունավետ աշխատեցնում է նա, ում ձեռքին են իրավապահ համակարգն ու արդարադատությունը։ Իսկ դեռեւս ընտրարկղերը չբացված` Տեր-Պետրոսյանը հռչակելով իրեն առաջին փուլով հաղթած նախագահ, բացահայտեց, որ հետագա պայքարը արդարության համար չի լինելու՝ ի մոլորություն աճող զանգվածի։
Պատմության վայրագությունները հասկանալու համար ամենաանվտանգ ձեւը չէ դրանք մաշկիդ վրա զգալը, բայց պատմության դասագրքերի համեմատ ամենաարդյունավետն է, երբ հասկանում ես, թե ճգնաժամի եւ անարդարությունների հետեւանքով ինչպես է ստեղծվում թշնամու կերպար։
Սեփական քաղաքացիներին ողջակիզելու ժամանակներն անցել են, բայց հալածանքների ու կորուստների հավանականությունը մնում է, եւ կանխագուշակելի է, որ Տեր-Պետրոսյանի հաղթանակից հետո «դավաճանների» որս կսկսվեր, եւ հազարավոր ղարաբաղցիներ անհայրենիք կմնային ու կքոչեին այն երկիրը, որը նրանց սիրով չէր ընդունելու։
Բայց վտանգը չի վերացել. երկու օր առաջ ծանոթիս հարեւանը չի թողել սրսկել իրեն ու տնից դուրս է արել շտապօգնության բուժքրոջը, երբ պարզվել է, որ նա ղարաբաղցի է։
Քանի դեռ 95-ի սահմանադրության (ինչպես՝ Վեյմարյան) Հայաստանը չի բարեփոխվել, քանի պահպանվում է կլանային, կոռումպացված ու օլիգարխիկ համակարգը, ատելության էներգիան եւ «թշնամուն» ոչնչացնելու մոլուցքը դեռ սպառնում է, ու զուգահեռաբար մեծանում է պատերազմի հավանականությունը Ադրբեջանի հետ։
www.armenianow.com
- Վահան ԻՇԽԱՆՅԱՆ
Քննարկում
kamsar գրել է:
kezes lav es grel. Bajz imazi paterazmi jamanak chen linelu kamavorner. Manvel.. Vazgen.. Monte.. u chen krvelu haj eritasardner@.. axr nrank tesan te inchen anum et krvazneri het, voronk krvel en i tarberutjun ajsorva oliarxneri Nemez Rubo. Toxmaxi mher. Ev serjn u robert@ ajt tarinerin arevtri mech ein tukeri het. Menk arten partvel enk. Hujsnert drel ek rusi vra ba vor mior rus@ asi idite naxuj.
184 օր առաջ | 
ՂԱՐԱԲԱՂՅԱՆ ՀԱՐՑՈՒՄ ԹԵԿՆԱԾՈՒՆԵՐՆ ՈՒՆԵՆ ՄԻԱՍՆԱԿԱՆ ԴԻՐՔՈՐՈՇՈՒՄ
- Ո՞ր խնդիրներն են կազմում նախագահի թեկնածուների նախընտրական ծրագրերի հիմքը։
- Որպես կանոն, նախագահի թեկնածուների նախընտրական ծրագրերի միջուկը կազմում են այն խնդիրները, որոնք պայմանավորում են երկրի ...ԸՆՏՐՈՒԹՅՈՒՆՆԵՐ --2008 ԵՒ ՀԱԿԱՄԱՐՏՈՒԹՅՈՒՆ
1
Ստորեւ տպագրված հարցազրույցները շարունակում են Ղարաբաղյան հակամարտության եւ 2008-ի Հայաստանում եւ Ադրբեջանում նախագահական ընտրությունների միջեւ կապի թեման: Ի՞նչ են նախընտրական ծրագրերը մեր իրականության ...ՀՈԳԱՌԱՏ ԳԱՐՈՒՆ ԳԵՂՀՈՎԻՏՈՒՄ
«Մեր գյուղում միայն ճնճղուկներն են մնացել: Ով հնարք ունի, իր գլուխն առնում ա ու փախչում: Էստեղ կյանքն ուղղակի անհնար ա»,- ասում է Գեղարքունիքի մարզի Մարտունու տարածաշրջանի Գեղհովիտ գյուղի ...ԵՐԻՏԱՍԱՐԴՆԵՐՆ ԻՐԵՆՑ ԱՊԱԳԱՆ ԳՅՈՒՂՈՒՄ ՉԵՆ ՏԵՍՆՈՒՄ
«Երեւան տեսնողն էլ գյուղ կգա՞: Հազիվ փախչենք-փրկվենք էս տխուր կյանքից»,- ասում է Մարտունու տարածաշրջանի Գեղհովիտ գյուղի 17-ամյա բնակիչ, ապագա բանասեր Անուշիկ Սաֆարյանը: Նրա համադասարանցի Վռամ ...«ՉԿԱՅԱՑԱԾԻ ՀԱՄԱՐ ԿՈՄՊԼԻՄԵՆՏՆԵՐ ՍՏԱՆԱԼԸ ԴԺԲԱԽՏՈՒԹՅՈՒՆ Է»
«Հետահայաց պեղումներ» ցուցահանդեսը, որը ապրիլի 4-ին կբացվի Ժամանակակից արվեստի թանգարանում, շատ հետաքրքիր ուղերձ ունի մեր համաքաղաքացիներին։ Հինգ հայ նկարիչների՝ Արա Հովհաննիսյանի, Տիգրան ...ՖՈԲԻԱՆԵՐ
Ի՞նչ է ֆոբիան (սեւեռուն ահ)
Ֆոբիան հոգեբանական խանգարում է, որի ժամանակ մարդն ակամայից հիվանդագին վախի զգացում է ունենում, որն էլ իր հերթին ստիպում է խուսափել համեմատաբար վտանգավոր երեւույթներից: Թեպետեւ ...Ո՞ՒՄ ԵՆ ՎՍՏԱՀԵԼ ՏԻՐԱԿԱԼՆԵՐԸ
Բժիշկ դասականներից մեկն իր աշակերտներին ասել է. «Եթե բժշկի ձեռքը հիվանդին դիպչելուց հետո հիվանդը չի լավանում, ուրեմն նա լավ բժիշկ չէ: Բժշկին հավատալն ու վստահելը բուժվելու առաջին գրավականն է»: ...ԲԺԻՇԿ ՀՈԳԵԲՈՒՅԺԻ ԽՈՐՀՈՒՐԴԸ
Հայտնի բժիշկ հոգեբույժ Զուրաբ Կեկելիձեն մարդկանց առաջարկում է փոխել երկարամյա սովորություն դարձած ամառային արձակուրդները եւ մտածել գարնանը արձակուրդ գնալու մասին, հատկապես՝ մարտ եւ ապրիլ ամիսներին, որը ...ԳԱՐՆԱՆԸ ՀԻՎԱՆԴՈՒԹՅՈՒՆՆԵՐԸ ՍՐՎՈՒՄ ԵՆ
Ձմռան ամիսներից հետո բնության զարթոնքին, եղանակային կտրուկ փոփոխություններին, Երկրի մակերեւույթի վրա օրեցօր ակտիվացող արեգակնային ջերմությանն ու մյուս գլոբալ պրոցեսներին ամենաուժգին արձագանքողը մարդկային ...ՎԱՐԱԳՈՒՐՎԱԾ ՍՊԱՆՈՒԹՅՈՒՆ
Գոհար ՔԱԼԱՇՅԱՆ
Մեր օրերի Օթելլոն
Սա այն սպանությունն էր, որը բացահայտելու համար մեգրեներ հարկավոր չէին: Մարդասպանն ինքը, հանցանքը կատարելուց ժամեր անց, ներկայացել էր Ոստիկանություն եւ հայտարարել, որ կենցաղային հարցերի ...«ՈՒՌԱ-ՀԱՅՐԵՆԱՍԻՐՈՒԹՅԱՆ ՇՂԱՐՇԻ ՏԱԿ ՄԵԾ ՎՏԱՆԳՆԵՐ ԵՆ ԹԱՔՆՎԱԾ»
ԼՂՀ ԱԺ Արտաքին հարաբերությունների հարցերի հանձնաժողովի ղեկավար Վահրամ Աթանեսյանն «Ազատությանն» ասել է, որ երեկ ԼՂՀ ԱԳ նախարար Գեորգի Պետրոսյանը խորհրդարանում պատգամավորներին տեղեկացրել է բանակցային ...ՌԴ ԲԱՆԿԻՐՆԵՐԻ «ՍԵՒ ՑՈՒՑԱԿԸ»
Ռուսաստանի բանկը դարձել է երկրի առաջին ֆինանսական կարգավորիչը, որն իր կայքում հրապարակել է այն գլխավոր կառավարիչների-ֆինանսիստների «սեւ ցուցակը», որոնց մեղքով բանկերից հետ են կանչվել թույլատրագրերը: ...ՍԵՐԺ ՍԱՐԳՍՅԱՆԻՆ ՀԻՇԵՑՆՈՒՄ ԵՆՔ
Փոքրիկ տարածության մեջ մի տեսակ շփոթված երիտասարդն արտաքուստ համակրելի եւ խելացի մարդու տպավորություն է թողնում: Հանրակացարանի սենյակի հոգեմաշ դեղնությունն ու գարշահոտը լղոզում են այս տղայի կերպարանքն, ...ԼՂ ԱՆԿԱԽՈՒԹՅԱՆ ՃԱՆԱՉՄԱՆ ԳԻՆԸ
Արմինե ԱՎԵՏՅԱՆ
Մարտի 14-ին ՄԱԿ-ի Գլխավոր ասամբլեան ընդունեց «Ադրբեջանի գրավյալ տարածքներում իրավիճակի մասին» բանաձեւը, որում մասնավորապես ասված է. «Ադրբեջանական հանրապետության Լեռնային Ղարաբաղի տարածաշրջանում ...«ԻՆՔՆԵՐՍ ՊՏԻ ՓՐԿՎԵՆՔ»
2
«Բառերի հետ խաղում ենք առանց հասկանալու, որ դա 25-րդ կադրի նման նստվածք է տալիս մեր հոգեբանության մեջ: Իսկ ամենամեծ սխալն այն էր, երբ սկսեցին ժողովրդին ընտրազանգված անվանել`չպատկերացնելով, թե այդ ...ԳԼԽԱՎՈՐՆԵՐԻՑ ՄԵԿԸ
Վրաստանի նախագահ Միխայիլ Սահակաշվիլին երեքշաբթի երեկոյան Բուխարեստ մեկնելուց առաջ հայտարարել է, թե Վրաստանի գլխավոր խնդիրներից մեկը «Ռուսաստանի հետ բարիդրացիական, գործընկերային եւ փոխհարգալից հարաբերությունների ...ԿՈՉ
ԱՄՆ Կոնգրեսի Ներկայացուցիչների պալատը երեքշաբթի օրը բանաձեւ է ընդունել, որով կոչ է արվում՝ Վրաստանին եւ Ուկրաինային ընդգրկել ՆԱՏՕ-ին անդամակցելու գործողությունների ծրագրում: Ինչպես հաղորդել է Ներկայացուցիչների ...ԽԱՂԱՂ ՈՒ ՇՈՒՏԱՓՈՒՅԹ
Ադրբեջանում ԱՄՆ դեսպան Էնն Դերսին «Թրենդին» ասել է, որ ԱՄՆ-ը «պաշտպանում է ղարաբաղյան հակամարտության խաղաղ կարգավորումը եւ հանդես է գալիս դրա շուտափույթ լուծման օգտին»: Ընդսմին ...ՈՉ ՈՐՊԵՍ ՏՂԵԿՆԵՐ
ՌԴ ԱԳ նախարար Սերգեյ Լավրովը երեկ հայտարարել է, որ Ռուսաստանը մտադիր է համարժեք պատասխան տալ ՆԱՏՕ-ի ընդարձակմանը: «Դա անպատասխան չի թողնվի: Բայց մենք կհակազդենք պրագմատիկորեն, ոչ որպես դպրոցական ...ՆԵՐՔԻՆ ԱՐՆԱՀՈՍՈՒԹՅՈՒՆ
Վահան ԻՇԽԱՆՅԱՆ 1«Ես կյանքում առաջին անգամ չասացի, որ ղարաբաղցի եմ: Հարցրեցին` որտեղացի՞ ես, ասացի` աբովյանցի եմ»,- «ԱրմենիաՆաուի» լուսանկարիչ Անահիտ Հայրապետյանը պատմում է, թե ինչպես մարտի 1-ին ...
«ՍՊԱՍՈՒՄ ԵՆ ՀՐԱՀԱՆԳԻ»
ՆԵ ՎԵՐՅՈՒ
Կարեն ՔՈՉԱՐՅԱՆԵՐԲ ՀԻՎԱՆԴԱՆՈՒՄ Է ԽԻՂՃԸ
ՈՐՊԵՍԶԻ 6-ՐԴ ՎԱՐՉՈՒԹՅԱՆ ԱՇԽԱՏԱԿԻՑԸ ՀԱՆԳԻՍՏ ԾԽԻ
ԱԶԳԱՆՈՒՆԸ ՀԶՈՐ ԲՐԵՆԴ Է ՈՂՋ ԱՇԽԱՐՀՈՒՄ
Անուշ ՄԿՐՏՉՅԱՆ
ԴԱՏԱՐԿ ԶԵՆՔՈՎ
ԱԶԱՏԱԶՐԿԵՑԻՆ
ՆԵՐՔԻՆ ԱՐՆԱՀՈՍՈՒԹՅՈՒՆ
Վահան ԻՇԽԱՆՅԱՆ«ԻՆՔՆԵՐՍ ՊՏԻ ՓՐԿՎԵՆՔ»
ՄԱՀ ԿԱՄ ԻՇԽԱՆՈՒԹՅՈՒՆ
Ավետիք ԻՇԽԱՆՅԱՆՊԵՏՔ ՉԷ ՕԳՏԱԳՈՐԾԵԼ ԻՆՏԵԼԻԳԵՆՑԻԱՅԻՆ
ԿՈՉ ՄԵԴՎԵԴԵՒԻՆ
ԱՅ ՔԵԶ ՆՄԱՆՈՒԹՅՈՒՆ
ՀԱՃԱԽՈՐԴԸ ՄԻՇՏ ՃԻՇՏ Է
Լիլիթ ԱՎԱԳՅԱՆՆՈՐ ԱԼԻՔ
- 1820 Վանի Այգեստան թաղամասում ծնվեց հայ հասարակական-քաղաքական, հոգևոր-մշակութային գործիչ Մկրտիչ Խրիմյանը (Խրիմյան Հայրիկ): (Վախճ.1907թ.-ին, Էջմիածնում):
- 1915 Մահացավ Հայ հեղափոխական դաշնակցության բյուրոյի ներկայացուցիչ Արշակ Վռամյանը
- 1920 Շուշիի հայերի կոտորածը:
- 1922 Մահացավ շվեցարահայ հայագետ և բարեգործ Լեոպոլտ Ֆավրին: Հայկական նահանգներում նա իր ծախսերով որբանոցներ էր պահում:
- 1945 Մահացավ բանաստեղծ, հրապարակախոս, հասարակական գործիչ Վահան Թեքեյանը: (Ծնվ. 1878 թ.):
- 1957 Մահացավ դերասան Աշոտ Շաղաթունին: (Ծնվ. 1882 թ.):
- 1995 Ամենայն հայոց կաթողիկոս ընտրվեց Գարեգին Ա-ն: Նա դարձավ Ամենայն հայոց 131-րդ հայրապետը:
ԼՈՒՐԵՐ ՀԱՅԱՍՏԱՆ
ՕՆԼԱՅՆ ԼՈՒՐԵՐ
ԻՆՖՈՐՄԱՑԻԱ
ԻՄ ԱՐՄԹԱՈՒՆ
Ինչպե՞ս թողնել ծխելը
Ինչպե՞ս գրել Հայերեն Windows XP միջավայրում
Սույն կայքում հրատարակված նյութերը վերցված են բաց աղբյուրներից և պաշտպանված են հեղինակային իրավունքիով։ Արգելված է սույն կայքում հրատարակված նյութերի վերարտադրումը առանց իրական հեղինակի գրավոր թույլտվության։ Եթե ցանկանում եք հանել Ձեզ պատկանող նյութը, ապա ուղարկեք մեզ, պատկանելությունը վկայող փաստեր և տվյալ նութը անմիջապես կհանվի։ Բոլոր նյութերը հրատարակված են միայն ինֆորմացիոն նպատակով և մենք պատասխանատու չենք դրանց հավաստիության համար։