Հրատարակվում է

«ԼԵՒՈՆԸ ՀԱՅՐԵՆԻՔԸ ԾԱԽՈՒՄ Է, ՍՐԱՆՔ՝ ՇԱՀԱԳՈՐԾՈՒՄ»

• 
  - Պարո՛ն Սահակյանց, նախագահական ընտրություններից հետո ժողովրդական բողոքի ակցիաները, դրանց հետեւած մարտի 1-ի իրադարձություններն անգամ ամենաանտարբեր կամ բացառապես իշխանություններին համակրող քաղաքացիներին էլ ստիպեցին մտածել, որ մեր երկրում ամեն բան այնքան էլ լավ չէ: Սակայն Դուք, եթե չեմ սխալվում, այն քիչ մարդկանցից եք, որին որեւէ իրադարձություն չի կարող ստիպել եզրակացություններ անել` հօգուտ այն մարդկանց, ովքեր համաձայն չէին ընտրությունների արդյունքներին:

  - Այն, ինչ մենք ապրեցինք փետրվարի 19-ից հետո եւ մարտի մեկին, մեր պատմության դասագրքերում 1600 տարի անց կնշվի որպես ազգային տոտալ դավաճանություն: Պետք է լինել կատարյալ տխմար` չհասկանալու համար, որ այն, ինչ փորձում էր անել Լեւոն Տեր-Պետրոսյանը, սպառնում էր միայն մի բանով. Հայաստանը պետք է լիներ ՆԱՏՕ-ի ռազմակայան, ամերիկյան, թուրքական գավառ, ընդ որում, վերջում էլ հարեւան Թուրքիայից կմտնեին երկնագույն սաղավարտները, իհարկե, այն բանից հետո, երբ հայերը կթափեին ծով արյուն:

  - Դուք ասում եք այն, ինչ Ձեր կարծիքով կլիներ, եթե... Սակայն շրջանցում եք այն պատճառները, որոնք հարյուր-հազարավոր մարդկանց ընտրություններից հետո փողոց էին հանել:

  - Այն ընտրատեղամասում, ուր ես եմ քվեարկել, չեմ տեսել լցոնումներ: Ինձ, իմ մերձավորներին, ծանոթներին ընտրակաշառք ոչ ոք չի առաջարկել: Հետեւաբար դատել չեմ կարող, թեեւ հավատում եմ, որ ինչ-որ տեղ գյուղերում նման բաներ եղել են: Սակայն այս ամենը խամրում է այն նպատակի առաջ, որն իր առջեւ դրել էր Լեւոնը: Սա այն եզակի դեպքն է, երբ դավաճան 5-րդ շարասյունը բերելու համար բոլոր միջոցներն արդարացված էին: Սա անհեթեթություն է, երբ ասում են` ժողովուրդը գոնե մեկ անգամ թող կատարի իր ընտրությունը: Երբ նայում եմ այդ ժողովրդին` անգրագետ, այդ հարցում ոչինչ չհասկացող... Այն դեպքում, երբ վերլուծական կենտրոններով ուսումնասիրում են արեւմտյան կազմակերպությունների մասնակցության չափն այս հեղափոխությունում, մեզ մոտ ասում են` թող ժողովուրդն ինքնուրույն որոշում կայացնի: Ժողովուրդը մշակվում է` շնորհիվ փայլուն տեխնոլոգիաների:

  - Այսինքն` Դուք եւս կարծում եք, որ այդ տարօրինակ բառերը` «ընտանիք», «հայրենիք», «հաղթանակ», կոդավորված ուղերձնե՞ր են:

  - Այո, միանշանակ: Ինչո՞ւ էին մարդիկ գնացել հրապարակ:

  - Դժգոհ էին ընտրությունների ընթացքից, արդյունքներից:

  - Նրանք չեն պատկերացնում, որ Լեւոնը կարող է կատարել դրսի ուժի, Ամերիկայի կամքը, առաջադրանքը: Այդ մարդկանց ասես` վրադ կծիծաղեն, կասեն` «Որտեղ ենք մենք, որտեղ` Ամերիկան, հի-հի-հի»: Այդ դեպքում, որպես նախագահ եմ առաջարկում Իլհամ Ալիեւին: Նա էլ դուրս կգա ու կասի` Սերժը վատն է: Որպիսի՜ ավանակ պիտի լինել, որ գնաս Իլհամ Ալիեւի հետեւից: Իսկ ի՞նչ է, պակա՞ս ապուշ պիտի լինել` Լեւոնի հետեւից գնալու համար:

  - Դուք գտնում եք, որ այն հարյուր-հազարավոր մարդիկ, ովքեր հրապարակում էին, ապուշնե՞ր էին:

  - Այո՛: Բոլորը: Այնտեղ չկա ո՛չ բարոյականություն, ո՛չ ուղեղ:

  - Այնտեղ` հրապարակում էին բազմաթիվ մտավորականներ, հոգեւորականներ, երիտասարդներ:

  - Այդ բոլորը հաշվարկներ են. մեկը կանգնած էր պաշտոնի համար, մյուսը կողմ է այն մտքին, թե՝ թող ղարաբաղցիները Հայաստանից ռադ լինեն: Ամեն բան այնքան ցածր է, որ քննարկել չեմ էլ ցանկանում:

  - Իրադարձությունները ցույց տվեցին, որ պաշտոնների ակնկալիք ունեին ամենեւին ո՛չ հրապարակում կանգնածները, այլ այն ուժերը, որոնք մտան քաղաքական կոալիցիա:

  - Ինչո՞ւ, գուցե նրանք համագործակցո՞ւմ են: Ես կարո՞ղ եմ Ձեր մասին ասել, որ Դուք ծախվել եք խմբագրին, որ աշխատավարձով աշխատում եք այնտեղ:

  - Կարող եք, եթե ես, մինչ թերթում աշխատելս, խմբագրի մասին հայտարարեի, որ նա կոռումպացված է, գող եւ ապաշնորհ, ապա սկսեի նրա հետ աշխատել: Արթուր Բաղդասարյանը, Վահան Հովհաննիսյանը նախընտրական քարոզչության ընթացքում իշխանություններին մեղադրում էին այնպիսի մեղքերի մեջ, որոնց համար Քրեական օրենսգիրքը ազատազրկման բազում տարիներ է նախատեսում:

  - Կարծում եմ, ռեժիմը շատ լավ հասկացել է, որ Լեւոնի վերադարձի երկրորդ փորձը կլինի մահացու, եւ դա տեղի կունենա շուտով, եթե ռեժիմը չգնա շատ լուրջ բարեփոխումների: Այս ռեժիմը նույնքան անբարոյական է: Ի տարբերություն Լեւոնի` սրանք հայրենիքը չեն ծախում, սրանք հայրենիքը շահագործում են: Հասարակ մարդու համար սա նույն բանն է: Եվ եթե Արթուր Բաղդասարյանը կարգին մարդ դուրս գա եւ առաջարկի աշխատող ռեֆորմներ, նա պիտի համագործակցի:

  - Ինչո՞ւ չընտրեցիք Արթուր Բաղդասարյանին:

  - Որովհետեւ նրան բացարձակ չեմ հավատում, նրա ասածը համատարած պոպուլիզմ է:

  - Այսինքն` ստացվում է, որ նա իր պոպուլիստական ծրագրերո՞վ է մտել կոալիցիա:

  - Մտել է, եւ նախագահը, ուժեղի դիրքից, բռնում է նրա ականջից ու ասում` դե՞-դե՞, տեսնե՜նք:

  - Իսկ ինչո՞ւ չընտրեցիք Վահան Հովհաննիսյանին:

  - Ես կքվեարկեի նրա օգտին, բայց որոշեցի, որ չի կարելի խլել Սերժի ձայներն այն իրավիճակում, ուր կա Լեւոնը: Եթե լինեին մաքուր ընտրություններ, կքվեարկեի ՀՅԴ-ի օգտին:

  - Ինչո՞ւ եք կարծում, որ ՀՅԴ-ի օգտին քվեարկելով` ձայները խլվում էին Սերժ Սարգսյանից:

  - Իմ դեպքում այդպես կլիներ: Գիտե՞ք ինչ տվեց Լեւոնը: Այն, որ ապրել, ինչպես ապրում էինք` դառնալով անխելք, անգրագետ կապիկներ, այլեւս չի կարելի:

  - Չե՞ք կարծում, որ այսպես ապրել այլեւս չի լինի՝ ցույց տվեցին այն մարդիկ, ովքեր դուրս եկան հրապարակ:

  - Ոչ, ցանկանո՞ւմ եք առաջարկեմ իշխանությունների դեմ պայքարելու 500 եղանակ:

  - Առաջարկեք:

  - Դուք ինչո՞ւ եք հարցազրույց վերցնում հենց ինձնից:

  - Ձեր մտքերն ինքնատիպ են:

  - Ասում եք` ինքնատիպ, իսկ շատերն ինքնատիպ մտածողություն չունեն: Այս մտավորականությունը, 15 տարի է` մեկուսացել է, որովհետեւ ոչ մի իշխանությունների հետ չի ցանկացել հարաբերությունները փչացնել: Չեմ ասում` գնացեք, պաշտպանեք Սերժին: Ասում եմ՝ դուք գնացել եք Լեւոնի հետեւից, դուրս գայիք եւ հիմնավորեիք ձեր դիրքորոշումը բոլոր 15 տարիներին: Այսօր այդ մարդիկ չե՞ն ամաչում: Նրանք զայրացած ասում են` ինչպե՜ս, եթե ոչ Լեւոնը, ապա ո՞վ: Իսկ ինչպե՞ս 10 տարի առաջ թույլ տվեցին նրան այդքան հեշտ հեռացնել: Եթե հետեւողական լինեին բոլոր հարցերում, ես նրանց կհարգեի: Ես շատ եմ հարգում Արամ Մանուկյանին` ինչ էլ պատահի: Նա ունի իր դիրքորոշումը եւ գաղափարի մարդ է: Չունենք այլեւս այն մտավորականությունը, եւ նրանց միջոցով ինչ-որ բան փոխելու հնարավորությունը կորցրել ենք: Ունե՞ք պատգամավոր, որը փոխանակ լճում զենք թաքցնելու` ներկայացներ նրանց շահերն, ովքեր իրեն ընտրել են:

  - Դուք թերեւս ակնարկում եք Սասուն Միքայելյանին: Դուք կարո՞ղ եք նույն հեգնանքով խոսել մեկ այլ պատգամավորի` Սեյրան Սարոյանի մասին, որը գուցե իր զենքը թաքցնում է ամենեւին ոչ լճի հատակում, բայց որի որդին օրերս, ինչպես մամուլում հրապարակվեց, ծեծելով` մարդ է սպանել:

  - Չեմ իմացել: Եվ ի՞նչ, ձերբակալվա՞ծ է:

  - Ամենեւին:

  - Կարծում եմ, չեն էլ ձերբակալի:

  - Ունենք շատ այլ պատգամավորներ, որոնք իրենց ներկայությամբ արդեն գործող ռումբի էֆեկտ ունեն:

  - Անշուշտ: Այն գիշերվանից հետո ասում էի, որ ամենասարսափելին, որ կատարել է Լեւոնը, այն է, որ Լեւոնի ու այդ գիշերվա «շնորհիվ»՝ Սերժն այսօր պարտական է նաեւ քրեական տարրերին:

  - Դուք նշեցիք այն մարդկանց մասին, ովքեր ասում են` եթե ոչ Լեւոնը, ապա ո՞վ: Սակայն ավելի շատ են մարդիկ, ովքեր չեն ցանկանում նաեւ Տեր-Պետրոսյանին տեսնել նախագահի պաշտոնին: Սակայն Տեր-Պետրոսյանից բացի` ոչ ոք չստանձնեց գործնական պայքար ապօրինությունների դեմ:

  - Իսկ Իլհամ Ալիեւ՞ը: Տեր-Պետրոսյանը չի էլ թաքցնում, որ ինքն Իլհամ է: Նա ասում է` ղարաբաղցիները թող չքվեն այստեղից: Սա նորմա՞լ է: Նա ասում է, պետք է Ադրբեջանին կոնտրիբուցիա վճարել, սա նորմա՞լ է: 350.000 Բաքվի հայեր, որ կորցրել են ամեն բան, անգամ ապագան, իսկ նա Ադրբեջանին կոնտրիբուցիա՞ է վճարում: Այդ դեպքում, ինչո՞ւ գնալ ոչ Իլհամ Ալիեւի հետեւից: Նա էլ է շատ գրքեր կարդացել, ընտիր կրթություն է ստացել: Կա միլիոն տարբերակ` քաղաքացիական դիրքորոշում դրսեւորելու: Հավաքվեք այս գյուղում, պահանջեք ձեր պատգամավորից, գնացեք հրապարակ` բայց առանց Լեւոնի:

  - Առանց Տեր-Պետրոսյանի են գնում զբոսնելու Հյուսիսային պողոտայում, եւ համատարած ձերբակալում են:

  - Այսօ՛ր: Թող դա անեին չորս տարի առաջ: Գնացեք, կուսակցություններ կազմեք, ելույթ ունեցեք, հեռուստատեսություն կա, շատ են ուղիղ եթերները:

  - Տպավորությունն այնպիսին է, որ Դուք երեւի երբեւէ առիթ չեք ունեցել դիտելու Հ1-ը:

  - Հ1-ն առանձին խոսակցություն է: Դա լատինաամերիկյան ալիք է` զվարճալիքով: Երբ ես այդ մասին խոսում եմ, որպես կանոն` այդ մասը մոնտաժում են` կարծելով, թե ազգակցական կապին ծանր վնաս են հասցնում: Եթե Հ1-ը չունի բավարար պետական բյուջե, որպեսզի տանի պետական քարոզչություն, ուրեմն պետք է բյուջեն ավելացնել: Եթե կա բյուջե, պետք է ամենախիստ տոնով հետաքրքրվել: Բայց ոչ լատինաամերիկյան սերիալները, ոչ այն էժանագին զվարճանքը իրավունք չունեն լինել Հանրային հեռուստատեսության եթերում այդ ժամերին: Եթե Հ1-ը 10 տարի շարունակ կազմակերպեր վերլուծական ծրագրեր, հնարավոր է` կկարողանայինք խուսափել մարտի մեկի բախումներից, այն վիճակից, որը կա երկրում: «Ստրկուհի Իզաուրան»` բացի ամեն ինչից, այնպիսի՜ հրեշավոր ճաշակ է:

  - Վերադառնանք մարտի 1-ի իրադարձություններին, երբ առավոտյան Ոստիկանությունը հարձակվեց խաղաղ ցուցարարների վրա:

  - Խաղա՞ղ, իսկ ի՞նչ էին անում նրանք հրապարակում:

  - Բողոքում էին նախագահական ընտրությունների արդյունքների դեմ:

  - Նրանց 10 օր ասում էին` հեռացեք հրապարակից: Այդ դեպքում, ինչի՞ համար է հանրահավաք անցկացնելու մասին կարգը:

  - Ցուցարարների` հանրահավաքներ անցկացնելու մասին օրինական բոլոր դիմումները քաղաքապետարանը մերժել էր:

  - Եվ լավ էր արել: Թույլ չի տվել` վիճարկիր ՍԴ-ում: 20 տոկոսը բավարար չէ՞: Որտեղի՞ց նա վերցրեց 65 տոկոսը: Սա խուլիգանություն է: Նորմալ երկրում անմիջապես կձերբակալվեր նախագահի տվյալ թեկնածուն:

  - Դուք այս շարժումը խիստ անձնավորում եք, տեսնում եք միմիայն Տեր-Պետրոսյանին` չնկատելով մնացած հարյուր-հազարավոր մարդկանց: Նրանց համարում եք տգետ, լյումպեն...

  - Միայն լյումպեն, քանի որ Իլհամ Ալիեւի հետեւից կարող է գնալ միայն լյումպենն ու դավաճանը: Լավ, ենթադրենք` հասան իրենց ուզածին, ի՞նչ պիտի լիներ` երկրորդ օրը պիտի ստորագրեին Ղարաբաղի պայմանագիրն, ու՝ քաղաքացիական պատերա՞զմ:

  - Դուք այնքան վստահ եք խոսում: Ունե՞ք կոնկրետ փաստեր:

  - Իսկ դուք կարծում եք` Լեւոնը կպաշտպաներ Ղարաբաղը մինչեւ վե՞րջ: Գուցե ասեք, որ Ձեզ դուր են գալիս Վանոն, Բագրատյանը:

  - Դուք անձնավորում եք հասարակության բողոքն ու դժգոհությունը:

  - Միանշանակ, դրանք անգրագետ մարդիկ են:

  - Անձամբ Դուք ինչպե՞ս եք պայքարում այն երեւույթների դեմ, որոնք Ձեզ չեն գոհացնում:

  - Եթե ես ցանկանայի մեծ աղմուկ բարձրացնել, կզբաղվեի քաղաքականությամբ: Ես կզանգահարեի այն մարդկանց, ում վստահում եմ, Գրողների միությունում կհավաքեինք մարդկանց խումբ, որոնք փոփոխություններ կպահանջեին: Թող հավաքվեն այդ հասարակ, աղքատ մարդիկ: Թվում է` քաջությո՞ւն է գնալ Ոստիկանության դեմ: Բացի ստորությունից` ենթադրենք, թե դա նաեւ քաջություն է: Աշխատում է ամբոխի հոգեբանությունը: Իսկ դու ինքդ միայնակ քա՞ջ ես, կարո՞ղ ես միայն դու թքել քո թաղապետի, գյուղապետի երեսին: Եղել են հզոր գյուղացիական շարժումներ: Ռուսաստանում, երբ բողոքում էր Պյոտր Բոլոտնիկովն, ի՞նչ է, նա անպայման թաթար-մոնղոլական խանի՞ն պետք է կանչի ու նրա հետ ապստամբություն անի:

  - Դուք խոսեցիք այլ ուժերին ներգրավելու մասին: Սակայն մի քանի օր առաջ Սերժ Սարգսյանը գնաց Ռուսաստան` իր հավատարմությունը հաստատելու նպատակով: Դա եւ՞ս գնահատում եք որպես թաթար-մոնղոլական խանի դուռը գնալ:

  - Չգիտե՞ք` ո՞րն է տարբերությունը: Ռուսաստանը մշտական դավաճան է, բայց միակ իրական մեր գործընկերը: Ամերիկան... Այդ աղջիկը, որ միայն վերջերս է ծառից իջել, նկատի ունեմ Կոնդոլիզա Ռայսին, չի հասկանում` ինչ ասել է՝ պատմական հիշողություն, Ջուղայի խաչքարեր: Մենք կդառնանք Սինգապուր, ուր բոլորը կունենան անգլիական անուններ ու կլինեն երջանիկ: Ուզո՞ւմ են հայերն այդպես ապրել: Չեմ կարծում: Փոքր երկիրը դատապարտված է համագործակցել որեւէ հզոր պետության հետ: Մենք պետք է ընտրենք. կա՛մ այդ անընդհատ ժպտացող Բրայզային, կա՛մ Ռուսաստանը` դավաճան, անփույթ, սակայն հենց նրա անփութության շնորհիվ է, որ մեզ միշտ հանգիստ կթողնեն, կթողնեն իրենց ռազմակայանները: Եթե Ամերիկան ընդուներ ցեղասպանությունը, պարտադրեր վերադարձնել մեր պատմական հողերը, ճանաչեր Ղարաբաղը, ես 100 տոկոսով կընտրեի Ամերիկան: Ասում եմ` քվեարկել Լեւոնի օգտին կա՛մ անբարոյական է, կա՛մ հիմարություն: Դա նշանակում է՝ չիմանալ, որ Հայաստանը երկիր մոլորակի վրա է, որ Բուշն անձնական նավթային շահադիտություն ունի Իրաքում, հետեւաբար եւ՝ Իրանում: Եթե դու այս բաները չես հասկանում, ուրեմն դու ո՞վ ես, որ գնաս ու ընտրություն անես:

  - Կարծում եք, իշխանության թեկնածուի օգտին քվեարկողները որպես ելակետ են ընդունել Բուշի նավթային հետաքրքրություննե՞րը:

  - Հասկանալի է, որ ոչ:

  - Մարտի մեկին եղան զոհեր...

  - Ողջ աշխարհում թալանողների, ջարդարարների վրա պետք է կրակել:

  - Դուք կկրակեի՞ք:

  - Անձամբ ես` ավտոմատով: Հիմա էլ կբռնեի նրանց ու կկրակեի: Երբ տեսնում եմ կոնկրետ մի թափթփուկի` սպորտային հագուստով, մետաղյա ձողը` ձեռքին, հենց այնպես հարվածում է «Ժիգուլուն», ես նրան կգնդակահարեի: Ես ժամանակ չունեմ եւ այդ ապուշի հետ երկար-բարակ քննելու բան չունեմ:

  - Դուք կձերբակալեի՞ք նաեւ այն քաղաքացիներին, ովքեր ամսի 20-ից հետո ամեն օր դուրս են գալիս Հյուսիսային պողոտա` զբոսնելու:

  - Ոչ, նրանց` ոչ մի պայմանով: Լեւոն Տեր-Պետրոսյանը պետք է բանտում լինի: Միանշանակ: Նա պետք է լինի բանտում: Եթե քրիստոնեական պահանջներ են ներկայացնում իշխանություններին`թողեք բոլորին ազատ, այդ դեպքում եկեք Նաիրի Հունանյանին եւ իր եղբորը բանտից ազատենք: Դե՛, պատահում է, ի վերջո, հայեր են, երիտասարդ են, մի քիչ տաքացել էին: Այդ ինչո՞ւ նրանց չենք խղճում, իսկ խանութից սալաթ գողացող, ցուցափեղկ ջարդող տականքին խղճում ենք:

  - Իսկ Դուք ինքներդ բողոք չունե՞ք կատարվածի դեմ, երբ գիշերը գալիս ու ձերբակալում են Մատենադարանի փոխտնօրենին:

  - Իսկ գուցե նա այդ ժամին բռնաբարում էր անչափահաս երեխայի: Ես ի՞նչ իմանամ:

  - Ձեր արձագանքը դա՞ է:

  - Նրան` գուցե սխալ են արել, որ կալանավորել են:

  - Զրույցի մեջ ասացիք, որ կոալիցիայի հետ հույսեր, այնուամենայնիվ, կապում եք:

  - Թեկուզ միայն Սերժ Սարգսյանի մեծ ցանկության դեպքում, համոզված եմ, այս կոալիցիան կարող է լինել շատ արդյունավետ: Բաղդասարյանի եւ Հովհաննիսյանի մասին ասացի: Գագիկ Ծառուկյանը աշխարհի չեմպիոն է, այսինքն` ունի կամք: Այո՛, ֆեոդալ է, այո՛, ճաշակի հարցում խնդիրներ ունի: Նրա կողքին շատ ինտելիգենտներ կան կարծես, թող խորհուրդ տան փոխել սանրվածքը, վարքը: Նրանք, այդ օլիգարխները, պարզապես դաստիարակված չեն: Մտավորականությունը վախենում է նրանց ներկայությամբ բերանները բացել, իշխանությունն ինքն էլ դաստիարակված չէ եւ չի տեսնում` էթիկետը որտեղ է խախտված: Հետո՞ ինչ, որ ուտելիս չփչփացնում են: Կոռումպացված լինելն էլ նրանց համար մի փոքրիկ թերություն է, ինչպես չփչփացնելը:

  - Անկախ Ձեր անձնական վերաբերմունքից` երկրում վիճակը լարված է: Դուք տեսնո՞ւմ եք լարվածության թուլացման որեւէ ճանապարհ:

  - Եթե ինձնից կախված լիներ, ես կտայի իշխանություններին երկու տարի` ամենօրյա, 24-ժամյա աշխատանքային ռեժիմով` իրավիճակի լավացման ուղղությամբ: Իսկ եթե նրանք իրենց չարդարացնեին, հաջորդ ընտրություններին, եթե ողջ եղա, միայնակ կգնամ բոլորի դեմ: Լեւոնի հետ` երբեք, սակայն ամեն ինչի դեմ: Եվ վստահ եմ, այդպես կվարվի նաեւ երեք միլիոն մարդ:

• Լիլիթ ԱՎԱԳՅԱՆ

• ՍԻՈՐԱՆ (1911-1995)

  Էմիլ Միշել Սիորանին (ռումիներեն` Չորան), ով ծնվել է կարպատյան Ռաշինարի գյուղում, Կաշիլոր գետի մերձակայքում, ուղղափառ քահանայի ընտանիքում, ճակատագիրը նետում է Սիբու, Գերմանատադտ եւ Նադաեբեն: Որոշ ժամանակ ...

• ԱՇԽԱՐՀՈՒՄ ՄԻԼԻՈՆԱՎՈՐ ԲԱԶԿԱԹՈՌՆԵՐ ԿԱՆ ԵՒ ՆՈՒՅՆՔԱՆ ԷԼ՝ ՈՒՂԻՆԵՐ

  Նկարչուհի Զուլեյկա Բաժբեուկ-Մելիքյանի նկարչական ոճը շատ ինքնատիպ է։ Այն բնավ նման չէ իր հայտնի հոր՝ Ալեքսանդր Բաժբեուկ-Մելիքյանի վառ հեքիաթային գույներին, ոչ էլ իր քրոջ՝ Լավինիա Բաժբեուկ-Մելիքյանի պարզ ...

• ԵՐԿՈՒ ԴԻԱԿ

  Գյումրիի Կ. Դեմիրճյան փողոցի թիվ 51 տանը մարտի 29-ին հայտնաբերվել են ամուսիններ՝ 1949թ. ծնված Մկրտիչ եւ 1954թ. ծնված Ասյա Աղաբաբյանների դիակները: Շիրակի մարզի ոստիկանության քննչական բաժնի փոխանցմամբ, ...

• 1 ՄԼՆ ԴՐԱՄ` «ԱՐՓԱ-ՍԵՒԱՆ» ԹՈՒՆԵԼԻՆ

  ՀՀ կառավարությունը պահուստային ֆոնդից 1 մլն դրամ է հատկացրել Տարածքային կառավարման նախարարության Ջրտնտպետկոմին՝ ընթացիկ տարում «Արփա-Սեւան» թունելի անխափան աշխատանքի ապահովման համար: «Հայհիդրոնախագիծ» ...

• ԸՆԹԱՑՔԻ ՄԵՋ ԵՆ

  «ՀայՌուսգազարդ» ՓԲԸ-ի կողմից 2008թ. փետրվարին վերսկսվել են Իրան-Հայաստան գազամուղի` Քաջարան-Արարատ հատվածի շինարարական աշխատանքները: Ընկերության մամուլի քարտուղարի հավաստմամբ` այդ աշխատանքները ...

• «ՊԵՌՆՈ ՌԻԿԱՐԸ» ԳՆԵԼ Է

  «Ասոշիեյթեդ փրեսի» փոխանցմամբ` ալկոհոլ արտադրող ընկերությունների ֆրանսիական «Պեռնո Ռիկար» խումբը 5,63 միլիարդ եվրոյով գնել է «Աբսոլյուտ» օղին արտադրող շվեդական «Վին ...

• ԴԱՆԱԿԱՀԱՐՈՒԹՅՈՒՆ՝ ԴՊՐՈՑԻ ՄՈՏ

  Գոհար ՔԱԼԱՇՅԱՆ   
  Անչափահաս տուժողը 2007թ. հուլիսի 29-ին, ժամը 13:00-ի սահմաններում, Երեւանի 156-րդ դպրոցի մոտ աղմուկ էր բարձրացել: Դա այն անվտանգ, չարաճճի աղմուկը չէր, որով երեխաները սիրում են ողողել դպրոցի շրջակա ...

• ՀԱՄԱՁԱՅՆԵՑՐԵԼ ԵՆ

  Ռուսաստանը, Իրանը եւ Ադրբեջանը «Հյուսիս-Հարավ» միջազգային փոխադրամիջանցքի նախագծի իրացման շրջանակներում համաձայնեցրել են Ղազվին-Ռեշտ-Աստարա երկաթուղու շինարարության կոնսորցիումի ստեղծման պայմանները: ...

• ԱՆՁՆԱԳՐԱՅԻՆ ՎԻԶԱՆ ՎԵՐԱՑՎԵԼ Է

  Եվրամիության երկրների օդանավակայաններում կիրակի օրվանից վերացվել է անձնագրային ռեժիմը Շենգենյան գոտու երկրների համար: Խոսքը վերաբերում է ինչպես արեւմտաեվրոպական տերություններին, որոնք ավելի վաղ կազմում ...

• ԲՈՒԺՈՒՄ ԵՆ ԼՅԱՐԴԻ ՑԻՌՈ՞ԶԸ

  Ճապոնիայի Սապպորո քաղաքի Բժշկական համալսարանի մի խումբ հետազոտողներ հայտարարել են, որ պատմության մեջ առաջին անգամ կարողացել են առողջ վիճակի վերադարձնել ցիռոզով ախտահարված լյարդը: Առնետների վրա կատարված ...

• 3.5 ՄԻԼԻՈՆ ԴՈԼԱՐԻ ԲԺՇԿԱԿԱՆ ՕԳՆՈՒԹՅՈՒՆ` ԱՄՆ-ԻՑ

  «Hope For The City»-ն համագործակցելով «United Armenian Fund»-ի եւ «Cafesjian Family Foundation»-ի հետ, ՀՀ կառավարության հումանիտար օգնության կենտրոնական կոմիտեին է ...

• «ՔԱՇԱԹԱՂԸ ՌԱԶՄԱՎԱՐԱԿԱՆ ՄԻԱՎՈՐ Է»

  «Քաշաթաղի շրջանն ամբողջ հայ ժողովրդի համար ռազմավարական կարեւոր նշանակություն ունեցող մի միավոր է,- ասել է ԼՂՀ նախագահ Բակո Սահակյանը մարտի 28-30-ը ԼՂՀ Քաշաթաղի շրջանի Բերձոր շրջկենտրոնում կայացած` ...

• ՀԱՆՁՆՈՒՄ-ԸՆԴՈՒՆՈՒՄ

  Շարունակվում է Հայկական երկաթուղին «Ռուսական երկաթուղիներ» ՓԲԸ-ին հավատարմագրային կառավարման հանձնման եւ ընդունման գործընթացը: ՀՀ Կապի եւ տրանսպորտի նախարարության մամուլի քարտուղարն «Արմենպրեսին» ...

• ՌՈՏԱՑԻԱ ՔՐԵԱԿԱՏԱՐՈՂԱԿԱՆ ՀԻՄՆԱՐԿՆԵՐՈՒՄ

  ՀՀ արդարադատության նախարար Գեւորգ Դանիելյանը երեկ պաշտոնից ազատել է Նուբարաշենի քրեակատարողական հիմնարկի (ՔԿՀ) պետ Վ.Առաքելյանին: Ըստ Նախարարության Քրեակատարողական վարչության՝ Վ.Առաքելյանը թույլ է տվել ...

• ԿԱՄ ՀԱՂԹԵԼՈՒ ԵՆՔ ԲՈԼՈՐՍ, ԿԱՄ ՊԱՐՏՎԵԼՈՒ ԵՆՔ

  Երեկ հրավիրած մամուլի ասուլիսի ընթացքում «Ազգային համաձայնություն» կուսակցության ղեկավար Արամ Հարությունյանը, անդրադառնալով մարտի մեկի իրադարձություններին, նշել է, որ ինքը դեռեւս քարոզարշավի ...

• «ՄԵԾԱՆԱՄ՝ ԾԱՂՐԱԾՈՒ ԵՄ ԴԱՌՆԱԼՈՒ, ՈՐ ԲՈԼՈՐԻՆ ԾԻԾԱՂԱՑՆԵՄ, ՈՒՐԱԽԱՑՆԵՄ», - ԱՍՈՒՄ Է ԹՇՎԱՌՈՒԹՅԱՆ ՄԵՋ ԱՊՐՈՂ 4-ԱՄՅԱ ԿԱՐԵՆԸ

  Սառնության ու անտարբերության արտահայտությունները դաջվել են 30 տարեկան Ռուզաննայի դեմքի արտահայտությանն ու ոչ մի հարցադրում, ոչ մի անսպասելի երեւույթ այդ արտահայտությունն ի զորու չեն այլակերպել: Խոսում ...

• ԻՆՏԵՐՆԵՏԸ ՇԱՏ ԼԱՎ ԲԱՆ Ա

  Բաբկեն ԹՈՒՆՅԱՆ   1
  Մեր վերջին հրապարակումներում շատ ենք անդրադարձել այն թեմային, որ քաղաքական վերջին իրադարձությունները բացասաբար են ազդել եւ շարունակում են ազդել տնտեսության վրա։ Սակայն, մի քիչ մտածելու դեպքում, կարելի ...

• ԾԱՆՐԱԲԵՌՆՎԱԾՈՒԹՅՈ՞ՒՆ, ԹԵ՞ ԹԵՐԶԻՆՈՒՄ

  Երեկ ամբողջ օրն «ԱրմենՏելի» բջջային կապը գտնվում էր կիսախափանված վիճակում: Ժամերով հնարավոր չէր զանգահարել: Ընկերության մամուլի բաժնից նախ տեղեկացրին, որ այդ վիճակում է միայն Արաբկիր եւ Քանաքեռ-Զեյթուն ...

• ՊԵՏՔ Է ԸՆԴՀԱՆՈՒՐ ԿԱՐԾԻՔԻ ԳԱՆ

  «Վաշինգտոնը գտնում է, որ Ադրբեջանը եւ Հայաստանը պետք է ընդհանուր կարծիքի գան ղարաբաղյան հակամարտության կարգավորման «հիմնական սկզբունքների» շուրջ: Եկել է ժամանակը՝ առաջ շարժվելու «հիմնական ...

• «ԼԵՒՈՆԸ ՀԱՅՐԵՆԻՔԸ ԾԱԽՈՒՄ Է, ՍՐԱՆՔ՝ ՇԱՀԱԳՈՐԾՈՒՄ»

  Լիլիթ ԱՎԱԳՅԱՆ   2
  - Պարո՛ն Սահակյանց, նախագահական ընտրություններից հետո ժողովրդական բողոքի ակցիաները, դրանց հետեւած մարտի 1-ի իրադարձություններն անգամ ամենաանտարբեր կամ բացառապես իշխանություններին համակրող քաղաքացիներին ...

• ԵՐԲ ՔՈ ՏԱՆԸ ՆԱԵՒ ԶԲՈՍԱՇՐՋԻԿ ԵՍ

  Արմինե ԱՎԵՏՅԱՆ   
  2003թ. Հայաստանում զբոսաշրջությունը հայտարարվեց որպես տնտեսության գերակա ճյուղ, եւ դրանից հետո մեր վիճակագիրներն այդ ոլորտում սկսեցին գրանցել տարեկան 20 տոկոսից ավելի աճ: Իսկ անցած տարի այդ աճը հասել ...

• ՔԱՂԲԱՆՏԱՐԿՅԱԼՆԵՐԻ ԱՌԿԱՅՈՒԹՅՈՒՆՆ ԱՆԸՆԴՈՒՆԵԼԻ Է

  «Եվրոպայի խորհրդի անդամ երկրի համար անընդունելի է քաղաքական բանտարկյալներ ունենալը»,- երեկ Երեւանում ՀՀ ԱԳ նախարար Վարդան Օսկանյանի հետ համատեղ ասուլիսի ընթացքում մի քանի անգամ հայտարարել ...

• ԵԿՈՂ ԵՒ ԳՆԱՑՈՂ ՆԱԽԱՐԱՐՆԵՐ

  Լիլիթ ՍԵՅՐԱՆՅԱՆ   
  Այս օրերին քննարկվող հիմնական թեման այն է, թե ապրիլի 9-ին ՀՀ նորընտիր նախագահ Սերժ Սարգսյանի երդման արարողությունից հետո ո՞վ է զբաղեցնելու ՀՀ վարչապետի պաշտոնը: Վարչապետի թեկնածուների բազմաթիվ անուններ ...

• «ՍԵՐԺ ՍԱՐԳՍՅԱՆԸ ՀԱՅՏՆԻ Է ԱՐԵՒՄՈՒՏՔՈՒՄ ԵՒ ՀԱՏԿԱՊԵՍ ՎԱՇԻՆԳՏՈՆՈՒՄ»

  Զեյնո Բարանը 2006թ. ապրիլից գլխավորում է Վաշինգտոնի Հադսոնի ինստիտուտի Եվրասիական քաղաքականության կենտրոնը: 2003-2006 թթ. նա գլխավորել է Նիքսոնի Կենտրոնի միջազգային անվտանգության եւ էներգետիկ ծրագրերի ...

• ԱԳՈՅԻ ԽՈՒՄԲՆ ԱՌԱՋԱՐԿՈՒՄ Է

  Եվրոպայի խորհրդի Նախարարների կոմիտեի մոնիտորինգի՝ Ագոյի խումբը, որը Երեւան էր ժամանել մարտի 29-ին, Հայաստանում ստեղծված իրավիճակը քաղաքական ճանապարհով հաղթահարելու համար ՀՀ իշխանություններին եւ ընդդիմությանը ...

• ՀԱՂԹԵԼ Է

  Հայազգի բռնցքամարտիկ Արթուր Աբրահամը շաբաթ օրը, 7-րդ անգամ պաշտպանելով IBF վարկածով աշխարհի չեմպիոնի կոչումը, Գերմանիայում հաղթանակ է տարել ամերիկացի Էլվին Այալայի նկատմամբ: Մրցամարտը 12-րդ ռաունդում ...

• ԵՎՍ 30 ԳՈՐԾ

  Առաջիկա շաբաթվա ընթացքում հետընտրական զարգացումներին առնչվող 30 մեղադրյալների քրեական գործերը կուղարկվեն դատարաններ: Այս մասին երեկ Եվրոպայի խորհրդի Նախարարների կոմիտեի մոնիտորինգի Ագոյի խմբի պատվիրակության ...

• ԹԵԿՆԱԾՈՒՆ ՅՈՎԱՆՈՎԻՉՆ Է

  ԱՄՆ նախագահի կայքէջի համաձայն` Ջորջ Բուշը պատրաստվում է ՀՀ-ում ԱՄՆ արտակարգ եւ լիազոր դեսպանի պաշտոնում առաջադրել Մարի Յովանովիչի թեկնածությունը: Մ.Յովանովիչը ներկայումս Ղրղըզստանում ԱՄՆ դեսպանն է, իսկ ...

• ՈՉԻՆՉ ՉԻ ԲԱՑԱՌՈՒՄ

  ԱԺ «Ժառանգություն» խմբակցության քարտուղար Ստյոպա Սաֆարյանը երեկ հայտարարել է, թե իրենց կուսակցությունը «ռազմավարության եւ մարտավարության ճշգրտման» խնդիրներ ունի: Իսկ հարցին, թե ...

• 3 ՏԱՐԻ

  Արարատի եւ Վայոց Ձորի մարզերի ընդհանուր իրավասության դատարանը ապօրինի զենք պահելու համար երեկ 3 տարվա ազատազրկման է դատապարտել «Հանրապետություն» կուսակցության անդամ, նախագահի նախկին թեկնածու ...

• ՀԱՆԴԻՊԵԼ ԵՆ

  ՀՀ նախագահի նախկին թեկնածու Լեւոն Տեր-Պետրոսյանը նախօրեին իր տանը հանդիպել է ԵԽ Նախարարների կոմիտեի մոնիտորինգի՝ Ագոյի խմբի ղեկավար Պեր Սյորգենի եւ նրա գլխավորած պատվիրակության հետ: Հանդիպման ընթացքում ...

• ՓՈԽԱԴԱՐՁ ԱՋԱԿՑՈՒԹՅԱՆ ՊԱՅՄԱՆԱԳԻ՞Ր

  Երեկ Ստեփանակերտում` պատասխանելով հարցին, թե ի՞նչ հանգամանքների դեպքում եւ ի՞նչ ընթացակարգով Հայաստանը կճանաչի ԼՂՀ անկախությունը, ՀՀ գործող նախագահ Ռոբերտ Քոչարյանն ասել է. «Հայաստանը կամ պետք է ...

• «ՆՈՐ ՊԱՏԵՐԱԶՄ ԵՆ ԲՈՐԲՈՔՈՒՄ»

  «Համանախագահող երկրները, որոնք այդպես էլ չկարողացան 15 տարվա ընթացքում գտնել ԼՂՀ հիմնախնդրի խաղաղ լուծման ուղիները, կասկածի տակ դրեցին ՄԱԿ-ի Գլխավոր ասամբլեայում ընդունված ադրբեջանական կողմի բանաձեւը»,- ...

• ՊԵՏՔ ՉԷ ՕԳՏԱԳՈՐԾԵԼ ԻՆՏԵԼԻԳԵՆՑԻԱՅԻՆ

  1
  Նկարչուհի Զուլեյկա Բաժբեուկ-Մելիքյանը՝ Ալեքսանդր Բաժբեուկ-Մելիքյանի դուստրը, մեր թղթակցի հարցին, թե «Լինո՞ւմ են պահեր, երբ արտիստի ճակատագրի մեջ է ներխուժում երկրի ճակատագիրն ու փոխում նրան», ...

• ԴԱՏԱՐԿ ԶԵՆՔՈՎ

  

• ԱԶԱՏԱԶՐԿԵՑԻՆ

  

• ՄԱՀ ԿԱՄ ԻՇԽԱՆՈՒԹՅՈՒՆ

  Ավետիք ԻՇԽԱՆՅԱՆ   

• ՊԵՏՔ ՉԷ ՕԳՏԱԳՈՐԾԵԼ ԻՆՏԵԼԻԳԵՆՑԻԱՅԻՆ

  

• ՀԱՑԱԴՈՒԼ Է ՀԱՅՏԱՐԱՐԵԼ

  

• ԿՈՉ ՄԵԴՎԵԴԵՒԻՆ

• ԴԻՄԵԼ ԵՆ ԴԱՏԱՐԱՆ

• ԱՅ ՔԵԶ ՆՄԱՆՈՒԹՅՈՒՆ

• ՀԱՃԱԽՈՐԴԸ ՄԻՇՏ ՃԻՇՏ Է

  Լիլիթ ԱՎԱԳՅԱՆ   

• ՄԻՍՍԵՐԻ ԵՒ ՄԻՍՏԵՐՆԵՐԻ ՊԱՏՄՈՒԹՅՈՒՆԻՑ

  Բաբկեն ԹՈՒՆՅԱՆ   

• 1827  Սկսվում է ռուսական զորքի Երևանյան երրորդ արշավանքը:
• 1848  Անհայտ կորավ Խաչատուր Աբովյանը: (Ծնվ. 1809թ.-ին):
• 1889  Պետերբուրգում մահացավ ականավոր հայագետ, Ռուսաստանի գիտությունների ակադեմիայի թղթակից-անդամ, պրոֆեսոր Քերովբե Պատկանյանը: (Ծնվ. 1833 թ.-ին):
• 1921  Երևանի ազատագրողմը դաշնակցական խռովարարներից:

• am
• ru
• en

ԼՈՒՐԵՐ ՀԱՅԱՍՏԱՆ

• Ա1+
• Ազատ Արցախ
• Ազգ
• Առավոտ
• Ազատություն
• ԱրմենիաՆաու
• Երկիր
• Հայոց Աշխարհ
• Չորրորդ Իշխանութ.
• Պանորամա
• Պանարմենիան
• Ժամանակ

ՕՆԼԱՅՆ ԼՈՒՐԵՐ

• Օնլայն Ռադիո

ԻՆՖՈՐՄԱՑԻԱ

• Եղանակ
• Դրամի Փոխարժեք
• Վիճակագրություն

ԻՄ ԱՐՄԹԱՈՒՆ

• Կայքի Առօրյան
• Ֆորում
• Քվեարկություն
• Լուրերի Էքսպորտ
• Կոդավորվորիչ նոր