ԾՐԱԳՐԱՎՈՐՈՂԸ ՀԷՑ-ԻՑ ՊԱՀԱՆՋՈՒՄ Է ԸՆԴՈՒՆԵԼ ԻՐ ՀԵՂԻՆԱԿԱՅԻՆ ԻՐԱՎՈՒՆՔՆԵՐԸ
- Ամեն ինչ սկսվեց 2002-ի վերջին, երբ կառավարությունը «Հայաստանի էլեկտրական ցանցեր» ՓԲԸ-ն վաճառեց արտասահմանյան «Midland Resources Holding» ընկերությանը, եւ ՓԲԸ-ի գլխավոր տնօրեն դարձավ Եվգենի Գլադունչիկը:
1996-ից էլցանցերի համակարգում աշխատող Հրայր Ավանեսյանը 2003-ի հունվարին ազատվեց ՀԷՑ-ի համակարգչային կենտրոնում իր աշխատանքից: Սակայն դա ծագած վեճի շարունակությունն էր միայն: Իսկ ամեն ինչ սկսվել է այսպես:
Դեռ 1996-1997թթ. Հ. Ավանեսյանը Գոռ Պողոսյանի եւ Գագիկ Մարգարյանի հետ աշխատել է էլեկտրաէներգիայի քանակական եւ ֆինանսային հոսքերի հաշվառման Gold ծրագրային փաթեթի վրա, որն ավարտին են հասցրել 1997-ի հունիսին: Այդ ծրագրի միջոցով հոսքերը հաշվառում է համակարգիչը եւ, փաստորեն, վերանում է մարդկային գործոնը, որը մինչ այդ բազմաթիվ մութ գործարքների հնարավորություն էր տալիս քաղաքացիներին եւ «լույսի մարդկանց»: Ծրագրի հեղինակներն աշխատանքի ավարտից հետո կնքել են համաձայնագիր, ըստ որի` ծրագրի հեղինակային իրավունքի 88 տոկոսը պատկանում է Հրայր Ավանեսյանին: Վերջինս այդ ժամանակ աշխատում էր «Երեւանի էլեկտրական ցանցեր» (ԵԷՑ) ՓԲԸ-ում: Սակայն Ավանեսյանի հավաստմամբ` ծրագրի ստեղծումը տեղի է ունեցել ոչ աշխատանքային ժամերին եւ որեւէ կապ չի ունեցել իր աշխատանքի հետ: Մյուս կողմից` ծրագիրը չէր կարող թղթի վրա մնալ: Հետեւաբար, հեղինակն այն ներկայացրել է ԵԷՑ-ի գլխավոր տնօրենին` Ռոբերտ Նազարյանին, ում համաձայնությամբ էլ համակարգը սկսել է փորձարկվել ԵԷՑ-ի տարբեր մասնաճյուղերում: 1998-ին ՀՀ էներգետիկայի նախարարությունը, Gold փաթեթը երեք այլ ծրագրերի հետ ուսումնասիրելով, որոշել է ՀՀ տարածքում գործող էլցանցերում կիրառել հենց Ավանեսյանի աշխատանքը: Վերջինիս հիմնական մրցակիցը եղել է արտասահմանից ներդրված Abacus ծրագիրը:
Gold-ը պետք է ներդրվեր երեք փուլով, իսկ հեղինակին ամեն փուլի դիմաց պետք է վճարվեր 3000 դոլար, այսինքն` ընդհանուր առմամբ 9000 դոլար: Սակայն նախարարության հետ պայմանագիր կնքելուց առաջ Ավանեսյանը հեռախոսազանգով տեղեկացվել է, որ ամեն դեպքում նախարարությունը չի կարող հրաժարվել Abacus-ից, քանի որ դրան զուգահեռ նաեւ համակարգչային տեխնիկա է բերվում Հայաստան: Նախարարությունից Ավանեսյանին առաջարկել են այսպիսի լուծում. Abacus-ի անունը նույնպես նշված կլինի փաստաթղթերում, բայց ինքը` Ավանեսյանը, փուլ առ փուլ կներդնի իր ծրագիրը եւ «Ինտելեկտ» հիմնարկի միջոցով մաս-մաս կստանա նախատեսված 9000 դոլարը: Այսինքն` ծրագրի գնորդ պետք է նշվեր այդ հիմնարկը: Սակայն շուտով «Ինտելեկտը» փակվում է, իսկ Ավանեսյանն այդ ընթացքում ստացել էր ընդամենը մոտ 800 դոլար: Այնուամենայնիվ, Gold փաթեթի օգտագործման ու անհրաժեշտ տեխնիկական սպասարկման համար Ավանեսյանը «Երեւանի էլեկտրական ցանցեր» ՓԲԸ-ի եւ ՀՀ տարածքում գործող երեք այլ պետական ՓԲԸ-ների հետ (հետագայում այս չորսը միավորվել են «ՀԷՑ» ՓԲԸ-ի մեջ եւ կառավարության կողմից վաճառվել) կնքել է պայմանագրեր, որոնցով, փաստորեն, էներգետիկայի նախարարության ենթակայության տակ գտնվող այդ կազմակերպություններին թույլատրել է օգտագործել իր եւ ընկերների ստեղծած ծրագիրը:
2002-ի նոյեմբերի 1-ին ՀԷՑ-ը դարձել է «Midland Resources Holding»-ի սեփականությունը: Գլխավոր տնօրեն Եվգենի Գլադունչիկի ղեկավարած հիմնարկը 2002-ի դեկտեմբերի 1-ից առ այսօր առանց վճարման եւ հեղինակի համաձայնության օգտագործում է Ավանեսյանի Gold ծրագիրը: Ավելին` 2003-ի հունվարին ՓԲԸ-ի համակարգչային կենտրոնի տնօրեն Ավանեսյանը Գլադունչիկի հրամանով ազատվել է աշխատանքից: Պատճառը նրանց միջեւ ծագած վեճն է եղել: Ավանեսյանի պատմելով` Գլադունչիկն իրենց առանձնազրույցում կոպտորեն մեղադրել է իրեն` ասելով, թե իբր Ավանեսյանը խոչընդոտում է Abacus ծրագրի մուտքը համակարգ: Դրանից հետո բանավոր պայմանավորվել են, որ 6 ամսում ՀԷՑ-ը պետք է ներդնի Abacus-ը` այդ ընթացքում Ավանեսյանի համաձայնությամբ անվճար օգտագործելով Gold ծրագիրը: Հակառակ դեպքում ՀԷՑ-ը վեց ամսից կամ պետք է վարձակալեր Gold-ը, կամ գներ այն: Abacus-ի ներդնումը ձախողվել է, բայց Գլադունչիկը որեւէ պայմանագիր չի կնքել Ավանեսյանի հետ` շարունակելով փաթեթի օգտագործումը:
2004-ի օգոստոսի 26-ին Ավանեսյանը գրավոր դիմել է Եվգենի Գլադունչիկին եւ առաջարկել իր` որպես Gold ծրագրի հեղինակի հետ կնքել փաթեթի օգտագործման համար վարձակալության պայմանագիր, այլապես դադարեցնել դրա օգտագործումը: Նա մասնավորապես գրել էր. «Համաձայն «Հեղինակային իրավունքի եւ հարակից իրավունքների մասին» ՀՀ օրենքի 8-րդ հոդվածի` ես` Հրայր Մարլենի Ավանեսյանս, համարվում եմ ներկայումս Ձեր ձեռնարկությունում առանց համապատասխան պայմանագրի օգտագործման մեջ գտնվող «Էլեկտրաէներգիայի քանակական եւ ֆինանսային հոսքերի հաշվառման Gold ծրագրային փաթեթի» հեղինակը...»: Այս գրությանը Գլադունչիկը 17.09.2004-ին իր իսկ ստորագրությամբ պատասխանել էր. «Gold ծրագրային փաթեթի վերաբերյալ ներկայացված փաստաթղթերը բավարար չեն ապացուցելու վերոհիշյալ ծրագրի նկատմամբ Ձեր հեղինակային իրավունքը...»: Սրանով Գլադունչիկը, փաստորեն, ասել էր, որ ծրագրի հեղինակը Ավանեսյանը չէ:
2007-ի ապրիլին Ավանեսյանը դիմել էր դատարան` մասնավորապես խնդրելով ճանաչել Gold ծրագրի նկատմամբ իր 88 տոկոս հեղինակային իրավունքը, ասել է թե` ճանաչել, որ ծրագրի հեղինակը 88 տոկոսով ինքն է (հեղինակային համաձայնագրով 10 տոկոսով հեղինակ է եղել Գոռ Պողոսյանը, 2 տոկոսով` Գագիկ Մարգարյանը): Հայցում Ավանեսյանը դատարանին խնդրել էր նաեւ պարտավորեցնել ՓԲԸ-ին դադարեցնել ծրագրի անօրինական օգտագործումը եւ աղավաղումը: Նա իր հայցը հիմնավորել է «Հեղինակային իրավունքի եւ հարակից իրավունքների մասին» ՀՀ նախկին` 1996 թ. օրենքով, քանի որ Gold ծրագրի նկատմամբ իր հեղինակային իրավունքը ծագել է 1997-ին, երբ գործում էր վերոնշյալ օրենքը: Ըստ դրա` «հեղինակային իրավունքն առաջանում է երկի ստեղծման փաստով եւ կախված չէ այդ իրավունքի պաշտոնական հաստատագրումից, երկի գրանցումից եւ այլ ձեւականության պահպանումից»: Նույն օրենքով` «երկի առաջին լույսընծայման ժամանակ որպես հեղինակ նշված անձը ճանաչվում է տվյալ երկի հեղինակ, եթե դատական կարգով այլ բան ապացուցված չէ»: 1997-ին ստեղծված ծրագրի հեղինակային իրավունքների վերաբերյալ հայցով ո՛չ ՀՀ էներգետիկայի նախարարությունը, ո՛չ էլ Գլադունչիկի ղեկավարած «Հայաստանի էլեկտրական ցանցեր» ՓԲԸ-ն երբեւէ չեն մտել դատարան: Ավանեսյանն իր հայցադիմումում նշել է կարեւոր մի կետ, որն ապացուցում է նրա հեղինակ լինելը. «Gold ծրագրի հեղինակների տվյալների եւ նրանց կողմից տրված օգտագործման թույլտվության մասին նշում կա ծրագրում, որը կարելի է տեսնել համակարգչի էկրանին»: Սրան հավելենք այն, որ 2004-ի հուլիսի 30-ին Հրայր Ավանեսյանը, Գոռ Պողոսյանը եւ Գագիկ Մարգարյանն իրենց իսկ անուններով աշխատանքը ի պահ են հանձնել «Հայհեղինակ» հ/կ-ին: Կա ի պահ հանձնման համարը` 08/375: Սրա դեմ ոչ ոք դատական կարգով կամ այլ կերպ չի բողոքել:
Իր հերթին՝ «Հայաստանի էլեկտրական ցանցեր» ՓԲԸ-ն դատարանում հայտարարել է, թե Ավանեսյանը, ժամանակին աշխատելով ԵԷՑ-ում, հետո էլ` ՀԷՑ-ում, կատարել է իր ծառայողական պարտականությունները. Gold ծրագիրը պատրաստվել է գործատուի հանձնարարությամբ, եւ այդ դեպքում ՀՀ Քաղ.օր.-ով` «գործատուն համարվում է հեղինակային բացառիկ իրավունքի իրավատեր»: ՀԷՑ-ը նշել է, որ Ավանեսյանը ծրագրի հեղինակային իրավունքի օգտագործման մասին երբեւէ պայմանագիր չի կնքել, ինչը օրենքի պահանջով պիտի գրավոր արվեր: Հետեւաբար, նա ծառայողական հանձնարարություն է կատարել:
2007-ի սեպտեմբերի 5-ին Կենտրոն եւ Նորք-Մարաշ համայնքների առաջին ատյանի դատարանը (դատ.` Էդ. Ավետիսյան) Ավանեսյանի հայցը մերժել է: Վճիռը բառացիորեն հիմնված է «Հայաստանի էլեկտրական ցանցեր» ՓԲԸ-ի առարկությունների վրա, որոնք հատվածաբար արտագրվել են: Դատարանը եզրակացությունում ոչ մի բառ չի նշել մասնավորապես ծրագրի հեղինակների եւ օգտագործման թույլտվության նշման մասին, որ երեւում է համակարգիչների էկրաններին: Ու չնայած դատարանն ապացուցված է համարել, որ օգտագործման պայմանագիր Ավանեսյանը գրավոր երբեւէ չի կնքել, բայց այդպես էլ ծառայողական հանձնարարության մասին որեւէ բանավոր կամ գրավոր ապացույց չի ստացել պատասխանողի կողմից:
Չգիտես ինչու` դատարանին զարմացրել է այն, որ Ավանեսյանը միայն 2004-ին է առաջարկել իր հեղինակային իրավունքի օբյեկտի` ծրագրի օգտագործման մասին պայմանագիր կնքել, որը Եվ. Գլադունչիկը մերժել է: Իր վերաքննիչ բողոքում Ավանեսյանը պատասխանել է այդ զարմանքին` նշելով, որ դա եղել է Abacus ծրագրի ներդրված չլինելը քողարկելու ցանկությունը որոշ պաշտոնյաների կողմից: Սակայն հոկտեմբերի 22-ին ՀՀ վերաքննիչ դատարանը (նախ. դատ.` Դ. Խաչատրյան) իր հերթին հատվածաբար կրկնել է առաջին ատյանի դատարանի վճիռը` մերժելով հայցը: Փաստորեն, դատարանը Ավանեսյանին, անուղղակիորեն՝ նաեւ Պողոսյանին ու Մարգարյանին, զրկել է հեղինակությունից:
«Հեղինակային իրավունքի եւ հարակից իրավունքների մասին» ՀՀ օրենքով եւ ՀՀ Քաղ.օր.-ով ստեղծագործության հեղինակ կարող է լինել միայն ֆիզիկական անձը եւ ոչ իրավաբանական անձը,- ասում է «Հայհեղինակ» հեղինակների իրավունքների պաշտպանության հ/կ-ի տնօրեն Սուսաննա Ներսիսյանը:- ՀԷՑ-ը չի կարող լինել հեղինակ, քանի որ նա իրավաբանական անձ է: Ես չհասկացա, թե վճռով ո՞վ է հեղինակը, որովհետեւ եթե Ավանեսյանին զրկում են հեղինակային իրավունքի 88 տոկոսից, ապա ո՞ր ֆիզիկական անձն է հեղինակը»: Մասնագետը նշում է, որ ՀԷՑ-ը կարող էր լինել միայն հեղինակային իրավունքի իրավատեր, ինչն այլ հարց է:
Մեր կողմից հավելենք, որ ՀԷՑ-ը, փաստորեն, հենց այդ ուղղությամբ էր տարել դատավարությունը, եւ դատարանը շեղվել է Ավանեսյանի հեղինակության 88 տոկոսը ճանաչելու մասին հայցադիմումից. նա պատասխանողի առարկությունների հիման վրա հաստատել է, որ ՀԷՑ-ի նախկին աշխատակից Հ. Ավանեսյանը կատարել է ծառայողական հանձնարարություն, եւ ըստ այդմ` գործատու ՀԷՑ-ը ստեղծագործության նկատմամբ գույքային իրավունքների իրավատերն է: Բայց նույնիսկ այս դեպքում աշխատանքի հեղինակը մնում է Ավանեսյանը: Մյուս կողմից էլ` ՀԷՑ-ը ոչ մի փաստաթուղթ կամ այլ ապացույց չի ներկայացրել, որ ինքը հանձնարարություն է տվել Ավանեսյանին ծրագիր գրել հիմնարկի համար: Այսինքն` նա նաեւ չի կարող լինել ծրագրի նկատմամբ գույքային իրավունքի իրավատեր:
Մի դիտարկում եւս: Չնայած միջազգային օրենքներով ստեղծագործությունն ի պահ վերցնելիս այն փորձաքննության չի ենթարկվում, այսինքն` հեղինակի օրինական-անօրինական լինելը չի ստուգվում, այնուամենայնիվ, ծրագիրը վերոնշյալ երեք հեղինակների անվամբ «Հայհեղինակի» կողմից ի պահ վերցնելը, ինչպես նշվեց, ոչ ոք որեւէ կերպ չէր վիճարկել: Եվ միայն 2007-ի աշնանը` դատական պրոցեսների ժամանակ, իրավաբանական անձ ՀԷՑ-ը փորձել է 08/375 համարի դիմաց գրանցել իր անունը, ինչը, բնականաբար, մերժվել է, իսկ մյուս կողմից` քանի որ առկա է եղել դատարանի վճիռ, հ/կ-ի տնօրեն Սուսաննա Ներսիսյանը Հրայր Ավանեսյանին գրավոր տեղեկացրել է, որ համարը ժամանակավորապես թողնվում է բաց, մինչեւ որ վեճը դատական ատյաններում վերջնական լուծում ստանա: Ավանեսյանը պատրաստվում է դիմել հնարավոր բոլոր ատյաններին: Հունվարի 22-ին նա մտել է վճռաբեկ դատարան, սակայն մինչ օրս նա դատարանի կողմից գործը վարույթ ընդունել-չընդունելու մասին ծանուցում չի ստացել: Ծրագրավորողն ասում է, որ եթե Հայաստանում չկարողացավ վերականգնել իր իրավունքները, անպայման դիմելու է Եվրոպական դատարան: Ամեն դեպքում, եթե պատկերացնենք, որ Եվրոպական դատարանում նրա հայցը կմերժվի (սա անհավանական է թվում, քանի որ ԵԴ-ն պետք է առաջնորդվի ՀՀ օրենքներով, որոնց համաձայն` ստեղծագործության հեղինակը ֆիզիկական անձն է միայն), ապա 08/375 համարը «Հայհեղինակն» անվավեր կհամարի:
Հրայր Ավանեսյանը մեկ ուրիշ հայց էլ է ներկայացրել «Հայաստանի էլեկտրական ցանցեր» ՓԲԸ-ի դեմ: Վերջինս հրաժարվել է վճարել մոտ 590.000 դրամ աշխատավարձի պարտքը գործից ազատված իր աշխատողին (հակառակ վերջինիս բանավոր դիմումների): Ավանեսյանը դատարանին խնդրել է ՓԲԸ-ին պարտավորեցնել վճարել պարտքը եւ Կենտրոնական բանկի դրույքներով հաշվարկված մոտ 425.000 դրամի տոկոսը, որն առաջացել է ՀՀ Քաղ.օր.-ի համաձայն` «ուրիշի դրամական միջոցներն ապօրինի պահելու, դրանք վերադարձնելուց խուսափելու, վճարման այլ կետանցով օգտագործելու, կամ այլ անձի հաշվին անհիմն ստանալու կամ խնայելու դեպքում»: ՓԲԸ-ն դատարանում հայտարարել է, թե իրենք ապօրինի պահումներ չեն արել, պարզապես աշխատավարձերը տալիս են առձեռն կամ փոխանցումով, սակայն հայցվորն իրենց երբեւէ այդ հարցով չի դիմել, ուրեմն տոկոսների մասին խոսք գնալ չի կարող, իսկ աշխատավարձը Ավանեսյանը կարող է ստանալ ընկերությունում: Դատավոր Էդ. Ավետիսյանն աշխատավարձի մասով հայցը բավարարել է, տոկոսների մասով` մերժել: Սակայն իրականում, ինչպես նշել էր Հրայր Ավանեսյանն իր վերաքննիչ բողոքում, 2003-ի հունվարին` ազատման պահին, ՓԲԸ-ի պարտքն իր նկատմամբ կազմել է մոտ 1.2 մլն, որից ինքը հետագայում ստացել է միայն մոտ 650.000-ը: Գումարն ինքը ստացել է հենց ընկերությունում: Դրա եւ մնացած 590.000 դրամ պարտքի մասին հաշվապահության կողմից տրվել են համապատասխան փաստաթղթեր: Այդ դեպքում ինչպե՞ս եղավ, որ ինքն ազատվելուց հետո իբր ընկերությանը չի դիմել նման հարցով. պարզապես ՓԲԸ-ն ապօրինաբար հրաժարվել է վճարել մնացած գումարը, ինչին էլ ավելացել են տոկոսները:
Վերաքննիչ դատարանում Ավանեսյանը բացարկ է հայտնել գործը լսող կազմին` Վարդան Ավանեսյանի նախագահությամբ: Բացարկն ընդունվել է, հաջորդ նիստը նշանակված է փետրվարի 14-ին:
Վահե ՍԱՐՈՒԽԱՆՅԱՆwww.hetq.am
ՀԱՓՇՏԱԿԵԼ ԵՆ ՊԻԿԱՍՈՅԻ 2 ՆԿԱՐՆԵՐ
Շվեյցարիայի Պֆեֆիկոն փոքր քաղաքում, որ գտնվում է Ցյուրիխի մերձակայքում, ցուցահանդեսից հափշտակել են իսպանացի մեծ գեղանկարիչ Պաբլո Պիկասոյի երկու նկար: Գողացվել են «Ձիու գլուխ» եւ «Բաժակ ...ԱՄԵՆԱԹԵԹԵՒ ԲՋՋԱՅԻՆ ՀԵՌԱԽՈՍԸ
Իսրայելի Modu Mobile ընկերությունը մշակել է աշխարհում ամենաթեթեւ բջջային հեռախոսը. ասված է այսօր www.absolutegadget.com կայքում զետեղված հաղորդագրության մեջ, որը մասնագիտացված է համակարգչային տեխնիկայի ...ՀԵՔԻԱԹ ՓՈՒՉ ԸՆԿՈՒՅԶՆԵՌԻ ՄԱՍԻՆ
Ռուբեն ՖԻԼՅԱՆ
1992 թվականին «Նաիրի» հրատարակչությունը լույս ընծայեց Ռուբեն Ֆիլյանի «Քո երկրի դեսպանը» գիրքը` վեպ, պատմվածքներ, մանրապատումներ` Արմեն Շեկոյանի առաջաբանով, որտեղ գրված էր. «Դժվար ...ԵՐԳՈՂ ԱՂԲԱՄԱՆՆԵՐԸ, ԿԵՂԾ ԺՊԻՏՆԵՐՆ ՈՒ ԼԱՎ ԵՐԳԵՐԸ
1
«Մարդիկ լաց են լինում, իսկ ես ուրախանում եմ»,- ասում է Արթուր Իսպիրյանը։ Իհարկե, նա ոչ մոլագար է, ոչ էլ խենթ է։ Նա շատ նուրբ, կիրթ ու գեղեցիկ երաժշտական կատարումների հեղինակ է։ Արթուրը պարզապես ...ԱՐՁԱԳԱՆՔՈՒՄ ԵՆ «168 ԺԱՄԻ» ՀՐԱՊԱՐԱԿՈՒՄՆԵՐԻՆ
Դեռեւս 2004թ. սեպտեմբերից` «168 Ժամի» ստեղծման օրից, մենք մեր թերթի բոլոր համարներում անդրադառնում ենք սոցիալապես անապահով ընտանիքներին, նրանց խնդիրներին:
Շատ ընտանիքներ ու միայնակ մայրեր ...7 ԾՐԱԳԻՐ Է ՀԱՍՏԱՏՎԵԼ
Երեկ տեղի է ունեցել ՀՀ կառավարության Բարեգործական ծրագրերի համակարգման հանձնաժողովի հերթական նիստը: Հանձնաժողովը քննարկել է 7 բարեգործական ծրագիր: Քննարկվել եւ հաստատվել են` «Հայաստան» համահայկական ...200 ՀԱՅ ԿՈՒՐՍԱՆՏ
Ռուսաստանի ռազմական բուհերում ներկայումս սովորում է 200 հայ կուրսանտ, իսկ ակադեմիաներում վերապատրաստվում է 100 սպա: Հունաստանի ռազմաուսումնական հաստատություններում սովորում է՝ 35, Իտալիայում` 4, Գերմանիայում` ...«ԻՐԵՆՔ ՄԵՐ ՎՐԱ ԹՔԱԾ ՈՒՆԵՆ, ՄԵՆՔ ԷԼ ՈՉ ՄԵԿԻՆ ՁԱՅՆ ՉԵՆՔ ՏԱ»,- ԱՍՈՒՄ Է ՏԻԿԻՆ ՌԻՄԱՆ
60 տարեկան Ռիմայի տրամադրությունը դեպրեսիկ է, ու նա խոսելիս չի կարողանում թաքցնել իր անզորությունը։ «Չգիտեմ ինչ է լինելու»,- ասում է բավականին բարեկիրթ ու գրագետ տպավորություն թողնող կինը: ...«ՀԱՅԵՐԻ ՄԵՋ ԹՇՆԱՄՈՒ ԿԵՐՊԱՐՆ ԱՎԵԼԻ ԱՄՈՒՐ Է»
- Արդյոք կարելի՞ է ներկայիս երիտասարդությանը համարել մեր հասարակության ակտիվ քաղաքական հատված։ Ինչպիսի՞ դեր է այն խաղում (կամ կարող է խաղալ) քաղաքական որոշումներ ընդունելու գործընթացում։
- 2007թ. հունիսին ...«ՀԱԿԱՄԱՐՏՈՂ ԵՐԻՏԱՍԱՐԴՈՒԹՅՈՒՆ»
1
Ղարաբաղյան հակամարտության պայմաններում մեծացած եւ նրա ազդեցությունն իր վրա կրող հայ եւ ադրբեջանցի երիտասարդների տարբերությունների եւ նմանությունների մեկ այլ` հասարակական-քաղաքական կյանքում երիտասարդության ...4 ՏԱՐՎԱ ԱԶԱՏԱԶՐԿՈՒՄ՝ ՀԱՅՏՆԻ ԿԱՎԱՏԻՆ
Երեւանի Կենտրոն եւ Նորք-Մարաշ համայնքների առաջին ատյանի դատարանում քննվեց 32-ամյա Իրինա Ենոքյանի գործը: Դուբայում եւ մարմնավաճառների շրջանում նա հայտնի է «Իկուշ» մականունով:
Տարիներ շարունակ ...ՊԱՇՏՈՆՅԱՆԵՐԸ ՍԵՓԱԿԱՆԱՇՆՈՐՀԵԼ ԵՆ «ՊԱՏՄՈՒԹՅՈՒՆԸ»
Հայ երկրաբանների համագործակցությունը մի շարք երկրների հնագիտական ընկերությունների հետ վերջին տարիներին ակտիվացրել է այդ ոլորտի աշխատանքները մեր երկրում:
Արարատյան դաշտավայրում արշավախմբերի իրականացրած ...ՄԻ ԿՐՊԱԿԻ ՊԱՏՄՈՒԹՅՈՒՆ
ՀՀ նախագահի հրամանագրով պարգեւատրված Կոնստանդին Հարությունյանը Հայրենական մեծ պատերազմի վետերան է: Նրա կինը` 2-րդ, իսկ որդին 3-րդ խմբի հաշմանդամներ են: Երեք հոգուց բաղկացած այս ընտանիքը գոյատեւում է թոշակի ...«ԷԹԱՎՈՒՐ ԲԱՆԵՐԸ ՄԵՆՔ ԽԻ՞ ՏԵՆՑ ԻՄԱՆԱԼ»
Լոռու մարզի Ախթալա քաղաքում ամենաազդեցիկ մարդկանցից մեկը ՀՀ ԱԺ նախկին պատգամավոր, Աշխատանքի եւ սոցիալական հարցերի նախարարության Սոցիալական ապահովության ծառայության պետ, Հանրապետական կուսակցության անդամ ...ԾՐԱԳՐԱՎՈՐՈՂԸ ՀԷՑ-ԻՑ ՊԱՀԱՆՋՈՒՄ Է ԸՆԴՈՒՆԵԼ ԻՐ ՀԵՂԻՆԱԿԱՅԻՆ ԻՐԱՎՈՒՆՔՆԵՐԸ
Ամեն ինչ սկսվեց 2002-ի վերջին, երբ կառավարությունը «Հայաստանի էլեկտրական ցանցեր» ՓԲԸ-ն վաճառեց արտասահմանյան «Midland Resources Holding» ընկերությանը, եւ ՓԲԸ-ի գլխավոր տնօրեն դարձավ ...ՀԵՂԱՓՈԽՈՒԹՅԱՆ ՀԱՎԱՆԱԿԱՆՈՒԹՅՈՒՆՆ՝ ԸՍՏ ՍԱԴՈՅԱՆԻ
Արմինե ԱՎԵՏՅԱՆ
Ազգային ժողովրդավարական դաշինք (ԱԺԴ) կուսակցության նախագահ Արշակ Սադոյանը երեկ «Տեսակետ» ակումբում հայտարարել է, թե նախագահական ընտրությունների ժամանակ Հայաստանում կա գունավոր հեղափոխություն ...ԱՍՈՒՄ ԵՆ՝ ՊԱՅՄԱՆՆԵՐԸ ՀԱՎԱՍԱՐ ՉԵՆ
Նախընտրական քարոզարշավի շրջանում Հայաստանի ողջ տարածքում տեղի են ունենում համատարած խախտումներ, մարդկանց ահաբեկումներ, սպառնալիքներ եւ այլն:
Այս մասին երեկ Մամուլի ազգային ակումբում (ՄԱԱ) նշեց ԱԺ ...ԵՊՀ ԴԱՍԱԽՈՍՆԵՐԻ ՀԱՅՏԱՐԱՐՈՒԹՅՈՒՆԸ
ԵՊՀ 37 դասախոսներ, որոնց թվում կան գիտությունների դոկտորներ, դոցենտներ, երեկ հանդես են եկել հայտարարությամբ, որում մասնավորապես ասված է. «Մենք մեր մտահոգությունն ենք հայտնում նախագահի թեկնածու, ...ՕՄԲՈՒԴՍՄԵՆԸ ԲԱՎԱՐԱՐՎԱԾ ՉԷ
Մարդու իրավունքների պաշտպան Արմեն Հարությունյանը դատապարտելի է համարում այն բոլոր միջադեպերը, որ տեղի են ունենում նախընտրական քարոզարշավի շրջանակներում: Գրասենյակում գործում է արագ արձագանքման խումբ: ...«ECHO RESEARCH». ՀՀ-ՈՒՄ ՄԱՄՈՒԼՆ ԱԶԱՏ Է
Զանգվածային լրատվամիջոցների (ԶԼՄ) վերլուծությամբ զբաղվող «ECHO Research» միջազգային ընկերությունը երեկ ամփոփեց «ԶԼՄ-ները Հայաստանում 2008` նախընտրական վերլուծության» տվյալները: ...«ՀԱՍԱՐԱԿՈՒԹՅՈՒՆ» ԲԱՌԻ ԱՐՄԱՏԸ «ՀԱՍԱՐԱ՞ԿՆ» Է
Լիլիթ ԱՎԱԳՅԱՆՀայաստանում 1996 թվականից այս կողմ ընտրությունները կեղծվել են ամենացածր մեթոդներով: Հիմնավորումը եղել է մեկը` ժողովուրդը չի կարողանում ճիշտ կողմնորոշվել, ժողովրդին, խոշոր հաշվով, չի կարելի վստահել երկրի ...«ՄԻԱՍԻՆ ԵՆՔ ԵՐԿԻՐՆ ԱՌԱՋ ՏԱՆԵԼՈՒ»
ՀՀ նախագահի թեկնածու, վարչապետ Սերժ Սարգսյանը երեկ նախընտրական հանդիպումներ է ունեցել Լոռու եւ Տավուշի մարզերում: Ալավերդիում Ս. Սարգսյանի հանդիպումները սկսվել են Սբ Գր.Նարեկացի եկեղեցի այցելությամբ: ...ԱՐՄԵՆ ՍԱՐԳՍՅԱՆԸ ՀԵՐՔՈՒՄ Է
«Եվրասիա տուն» միջազգային կազմակերպությունը (Eurasia House International), որը հիմնադրել եւ ղեկավարում է Հայաստանի նախկին վարչապետ Արմեն Սարգսյանը, հանդես է եկել ստորեւ ամբողջությամբ մեջբերվող ...ԿՐԻՄԻՆԱԼԻ ԱՉՔԸ ԼՈՒՅՍ
Նախընտրական քարոզարշավը սովորաբար զուգորդվում է հավանական ու ամենաանհավանական խոստումներով: Ոմանք խոստանում են վերադարձնել ավանդները, մյուսները ներկայանում են որպես փրկիչներ կամ արարիչներ, իսկ թեկնածուների ...ԶՈՒՍՊ ԵՒ ՍԱՌՆԱՍԻՐՏ ԵՂԵՔ
ՀՀ նախագահ Ռոբերտ Քոչարյանը երեկ խորհրդակցություն է անցկացրել, որին մասնակցել են Ազգային անվտանգության, Ոստիկանության ծառայության պետերը, ՀՀ գլխավոր դատախազը, ազգային անվտանգության ու Ոստիկանության Երեւան ...ԲԵՐԵԶՈՎՍԿԻՆ ՓՈՂ ՉԻ ՏԱԼԻՍ
«Ազգային Միաբանություն» կուսակցության նախագահ (ԱՄԿ), ՀՀ նախագահի թեկնածու Արտաշես Գեղամյանը երեկ այցելել է Մարտունի: Հանդիպման համար պարոն Գեղամյանին տրամադրել էին քաղաքապետարանի փոքր դահլիճը, ...ՑՈՒՑԱԴՐԱԿԱՆ ՀԱՆՐԱՀԱՎԱՔ՝ ԸՆԿԵՐ ՎԱՀԱՆԻ ՀԵՏ
Լիլիթ ՍԵՅՐԱՆՅԱՆ
ՀՅԴ երեկվա բազմահազարանոց հանրահավաքում նախկին իշխանությունների հասցեին հնչեցված բազմաթիվ անանուն մեղադրանքներից ակնհայտ դարձավ, որ ՀՀ նախագահի թեկնածու Լեւոն Տեր-Պետրոսյանի հետ ձեռք բերված նրանց պայմանավորվածությունն ...ԴԻՄԵԼ Է ՍԱՀՄԱՆԱԴՐԱԿԱՆ ԴԱՏԱՐԱՆ
ՀՀ նախագահի թեկնածու Լեւոն Տեր-Պետրոսյանը նախօրեին դիմել է Սահմանադրական դատարան: Դիմումում նշվում է, որ «2008թ. ՀՀ նախագահի ընտրություններում ՀՀ նախագահի թեկնածու Լեւոն Տեր-Պետրոսյանից անկախ պատճառներով, ...ԵՐԿՈՒ ՊՆԴՈՒՄ
Արարատի մարզկենտրոն Արտաշատում փետրվարի 6-ին Հայաստանի նախագահի թեկնածու Լեւոն Տեր-Պետրոսյանի հանրահավաքի ժամանակ տեղի ունեցած միջադեպի առթիվ հարուցված քրեական գործի նախաքննությունը կատարելու համար Արարատի ...«ՉԵՄ ԿԱՐԾՈՒՄ՝ ԼԵՒՈՆԸ, ԲԱՅՑ ԱՏԵԼՈՒԹՅՈՒՆԸ ԿՈՒՅՐ Է»
Լիլիթ ՍԵՅՐԱՆՅԱՆ
ՀՀԿ փոխնախագահ, ԱԺ պատգամավոր Գալուստ Սահակյանը` հակադարձելով ՀՀ նախագահի թեկնածու Լեւոն Տեր-Պետրոսյանի հանդիպումներից մեկում արտահայտած այն միտքը, թե` ընտրելով Սերժ Սարգսյանին, ժողովուրդն ընտրելու է ...«ՆՊԱՏԱԿՆ ԸՆՏՐՈՒԹՅՈՒՆՆԵՐԸ ՀԱՐԱՄԵԼՆ Է»
ՀՀ նախագահի պաշտոնի համար պետք է պայքարել պատշաճ մակարդակով եւ զերծ մնալ փոխադարձ վիրավորանքներից: Երեկ լրագրողների հետ հանդիպման ժամանակ ասել է ՀՀ նախագահ Ռոբերտ Քոչարյանը: Անդրադառնալով Արտաշատում Լեւոն ...ՉԻ ՀԱՄՈԶԵԼ
3Մեր տեղեկություններով, երեկ երեկոյան ՀՀ գլխավոր դատախազի տեղակալ Գագիկ Ջհանգիրյանի նախաձեռնությամբ ԵԿՄ շենքում տեղի է ունեցել երկրապահների հավաք: Նա դիմել է երկրապահներին՝ կոչ անելով առաջիկա նախագահական ...ԽԱԽՏՈՒՄ ՉԿԱ՞
ՀՀ Մարդու իրավունքների պաշտպան Արմեն Հարությունյանը երեկ ասել է, որ նախընտրական այս փուլում իրենց գրասենյակին ուղղված բանավոր բողոքներ են եղել` ընտրողներին ընտրակաշառք առաջարկելու, շտաբների գործունեության ...
ՊԱՏՄԵԼ ԵՆ «ՊԱՇՏՈՆԱԿԱՆ ՎԱՐԿԱԾԸ»
Ո՞Վ ՏԵՂ ՉԻ ՈՒՆԵՆՈՒՄ ԻՐ ԵՐԿՐՈՒՄ
Ռուզան ԶաքարյանՊԱՏԿԵՐԱՊԱՏՈՒՄ. ԱԿՏՈՒԱԼ ՈՒ ԳԵՐԱԿԱ ԱՐՎԵՍՏ
«ԵԹԵ ՉԵՍ ԶԱՐԳԱՆՈՒՄ, ՄԱՀԱՆՈՒՄ ԵՍ»
ՄԻՐՈՍԼԱՎ ԿՐԼԵԺԱ (1893-1981)
ՀԱՆԴԻՊՈՒՄ ԿԱՌԱՎԱՐԱԿԱՆ ԱՄԱՌԱՆՈՑՈՒՄ
ԵՐԳՈՂ ԱՂԲԱՄԱՆՆԵՐԸ, ԿԵՂԾ ԺՊԻՏՆԵՐՆ ՈՒ ԼԱՎ ԵՐԳԵՐԸ
ՉԻ ՀԱՄՈԶԵԼ
ՌԴ-ՈՒՄ՝ ՄԵԴՎԵԴԵՒԸ, ՀՀ-ՈՒՄ՝ ՍԱՐԳՍՅԱՆԸ
ՄԻ ԿԱՐԳԻՆ ԲԱՆ ԱՍԵՔ
ՈՉ ԹԵ ԱԶԳԻ ԿՈՄՊՈԶԻՏՈՐ ԿԱՄ ԵՐԳԻՉ ԴԱՌՆԱԼՈՒ ՀԱՄԱՐ
ԿՄԻԱՎՈՐՎԵ՞Ն
ՊԱՏԵՐԱԶՄԻ ՄԱՍԻՆ ԽՈՍՔ ԼԻՆԵԼ ՉԻ ԿԱՐՈՂ
«ՈՒԶԲԵԿՆԵՐՆ ԱՎԵԼԻ ՇԱՏ ԵՆ ԿԱՐԴՈՒՄ, ՔԱՆ ՀԱՅԱՍՏԱՆՑԻՆԵՐԸ»
ՀԱՅԿԱԿԱՆ ԵՐԳԵՐ` ՖՐԱՆՍԻԱԿԱՆ ՇՆՉՈՎ
- 1818 Կ. Պոլսում ծնվեց պատմաբան Մատաթիա (Անտոն) Գարագաշյանը: (Վախճ. 1903 թ.-ին):
- 1829 Ֆատհ-Ալի շահի հրոսակների հարձակմանը զոհ գնաց Իրանում Ռուսաստանի լիազոր-նախարար, ռուս մեծ բանաստեղծ և հայ ժողովրդի բարեկամ Ալեքսանդր Գրիբոյեդովը:
- 1841 Կ. Պոլսում ծնվեց հասարակական-քաղաքական գործիչ, բանասեր, պատմաբան, Պոլսի հայոց պատրիարք Մաղաքիա Օրմանյանը: (Վախճ. 1918 թ.-ին):
- 1882 Ծնվեց ռազմական գործիչ, ռազմածովային գիտության պրոֆեսոր, նավատորմի 2-րդ կարգի կապիտան Գարսոևը (Գարսոյան):
- 1884 Լոռու Արդվի գյուղում ծնվեց հայագետ, հնագետ, պատմաբան, պրոֆեսոր Աշխարհաբեկ Քալանթարը (Լորիս Քալանթար): Նրա շնորհիվ են փրկվել գիտական կարևոր նշանակություն ունեցող մի շարք նյութեր, նաև Անիի հնագիտական հավաքածուները:
- 1936 Ծնվեց իտալացի ճարտարապետ և արվեստաբան Պաոլո Կունեոն: Նա Հռոմի համալսարանի հայ միջնադարյան ճարտարապետության բաժնի հիմնադիրներից է:
- Մաթեմատիկա՞... համեցեք
- ինչպես կարդալ հայերեն MySql ից
- Տրամաբանական խնդիրներ, գլուխկոտրուկներ, հանելուկներ
- Շուտասելուկներ
- Գրաբարի դասեր
- Հայկական անեկդոտներ – Armenian jokes - Армянские анекдоты
- Գուշակիր, թե ով է նկարի փոքրիկը
- Տնտեսագիտության արագացված կուրսեր
- Գուշակիր պատմության հերոսին
- Network Journal for Men
ԼՈՒՐԵՐ ՀԱՅԱՍՏԱՆ
ՕՆԼԱՅՆ ԼՈՒՐԵՐ
ԻՆՖՈՐՄԱՑԻԱ
ԻՄ ԱՐՄԹԱՈՒՆ
Ինչպե՞ս թողնել ծխելը
Ինչպե՞ս գրել Հայերեն Windows XP միջավայրում
Սույն կայքում հրատարակված նյութերը վերցված են բաց աղբյուրներից և պաշտպանված են հեղինակային իրավունքիով։ Արգելված է սույն կայքում հրատարակված նյութերի վերարտադրումը առանց իրական հեղինակի գրավոր թույլտվության։ Եթե ցանկանում եք հանել Ձեզ պատկանող նյութը, ապա ուղարկեք մեզ, պատկանելությունը վկայող փաստեր և տվյալ նութը անմիջապես կհանվի։ Բոլոր նյութերը հրատարակված են միայն ինֆորմացիոն նպատակով և մենք պատասխանատու չենք դրանց հավաստիության համար։