ՍՊԱՌՈՂԱԿԱՆ ԶԱՄԲՅՈՒՂ. ՀԱՅԱՑՔ «ՆԵՐՍԻՑ»
- «Արմինֆոյի» հաղորդմամբ, Ազգային վիճակագրական ծառայությունը հունվար-մայիս ամիսների համար արձանագրել է ՀՆԱ-ի 10,5%-անոց աճ՝ նախորդ տարվա նույն ժամանակահատվածի համեմատ։ Այն ընթերցողներին, որոնց չոր թվային տվյալները չեն հետաքրքրում, ցանկանում ենք տեղեկացնել, որ դրանց կանդրադառնանք շատ հակիրճ, որից հետո կանցնենք ավելի հետաքրքիր թեմայի։
Տնտեսական աճի ցուցանիշին չենք անդրադառնա. այն ինչ-որ առումով սպասելի էր։ Փոխարենը կխոսենք մեկ այլ տնտեսական ցուցանիշի՝ սպառողական գների ինդեքսի մասին (գնաճ)։ Ըստ պաշտոնական վիճակագրության, նախորդ տարվա համեմատ գներն աճել են 5,7%-ով, իսկ մայիսի գնաճը ապրիլի նկատմամբ կազմել է 2.4%։ Այս տարվա առաջին 4 ամիսների ընթացքում արձանագրված 5,7%-անոց գնաճը գրեթե երկու անգամ գերազանցում է անցյալ տարվա ցուցանիշը. 2005թ. հունվար-մայիսի գները 2004-ի համեմատ աճել էին 2.9%-ով։ Կենտրոնական բանկը գնաճի այս տեմպերը նորմալ է համարում։ «Ըստ էության, գնաճի ցուցանիշները համապատասխանում են ոչ միայն կանխատեսումներին, այլ նաեւ տարեկան առավելագույն 3% նպատակային ցուցանիշի ապահովման սցենարին»,- ասվում է ԿԲ վերաֆինանսավորման տոկոսադրույքի արձանագրության մեջ։ Թե որքանով ճիշտ դուրս կգան ԿԲ կանխատեսումները, ցույց կտա ժամանակը։
ԿԲ-ն հիմնվում է Ազգային վիճակագրության ծառայության տվյալների վրա։ 2006թ. ապրիլից սկսած ԱՎԾ-ն գնաճը հաշվարկում է նոր սպառողական զամբյուղի հիման վրա, որը նախկին 400 անուն ապրանք-ծառայությունների փոխարեն այժմ ներառում է 470-ը։ Ըստ այս նոր զամբյուղի, վերահաշվարկվել են նաեւ առաջին երեք ամիսների ցուցանիշները։
Այստեղ կա մի հետաքրքիր հանգամանք։ Նախկին զամբյուղի հիման վրա հաշվարկված ցուցանիշները զգալիորեն բարձր են նորից։ Այսպես, 2006թ. հունվարին ԱՎԾ-ն արձանագրել էր 3.6%-անոց գնաճ 2005-ի դեկտեմբերի համեմատ, մինչդեռ վերահաշվարկված տարբերակում հունվարի ցուցանիշը դարձել է 2.5%։ Փետրվարի 0.2%-անոց գնաճի ցուցանիշը վերագնահատման արդյունքում չի փոխվել, փոխարենը՝ մարտին արձանագրված 0.4%-ը նոր եղանակով դարձել է 0.1։ Փաստորեն, նոր եղանակով հաշվարկը փոքրացրել է առաջին 3 ամիսների գնաճի ցուցանիշը 1.4%-ով։ Այս նվազեցումը տեղի է ունեցել սպառողական զամբյուղին ավելացած 70 անուն նոր ապրանք-ծառայությունների հաշվին։
ԱՎԾ կայքէջում ներկայացված են բոլոր ապրանքների գների փոփոխությունները, սակայն ավելացած 70-ի գների դինամիկան զարմանալիորեն բացակայում է։ Մեզ չհաջողվեց ԱՎԾ-ից իմանալ դրա պատճառը: Փորձեցինք եղած տվյալներով գլուխ հանել ներկայացված թվերից եւ հայտնաբերեցինք անչափ հետաքրքիր, անհավատալի եւ ծիծաղաշարժ բաներ։
470 անուն ապրանք-ծառայությունների ցուցակի ընթերցումն արդեն իսկ հետաքրքիր է բովանդակային առումով։ Օրինակ, դուք գիտեի՞ք, որ ձեր սպառողական զամբյուղի մասն է կազմում բյուրեղապակյա ծաղկամանը՝ կապ չունի՝ ինչ մեծության, ինչ որակի եւ այլն։ Ծաղկամանը կարեւոր ատրիբուտ է ձեր սպառման մեջ եւ դրա գների փոփոխությունն ազդում է ինֆլյացիայի մակարդակի որոշման վրա։ Իսկ, ասենք, հեռախոսային խոսակցության սակագները մինչեւ 2006թ. ապրիլ ամիսը ներառված չէին սպառողական զամբյուղում։ Պարզվում է՝ ծաղիկները պահելն ու ջրելը շատ ավելի կարեւոր է, քան հեռախոսով խոսելը։ Գալով ծաղիկներին, նշենք, որ դրանք նույնպես չեն վրիպել վիճակագիրների ուշադրությունից, սակայն, չգիտես ինչու, հատուկ ուշադրության է արժանացել միայն մեխակը։
Նման առանձնահատուկ վերաբերմունքի կարելի է հանդիպել նաեւ այլ դեպքերում։ Օրինակ, մի տեղ նշվում է ընդհանուր «պաղպաղակ» ապրանքատեսակի գների փոփոխությունը, իսկ հաջորդ իսկ տողում առանձին նշված է «Թամարա» ֆիրմայի արտադրության շոկոլադային պաղպաղակը։ Իսկ, ասենք, աղացած սուրճի համար, որի տեսակները գնային զգալի տարբերություն ունեն, ներկայացված է մեկ ընդհանուր միջին գին։
Ծխախոտը միջին եւ հատկապես փոքր եկամուտներ ունեցող ընտանիքների բյուջեում բավական մեծ տեսակարար կշիռ ունի։ Այս դեպքում լիովին հասկանալի է, որ դրանց մի քանի տեսակներ ներկայացված են։ Սակայն անհասկանալի է, թե արտասահմանյան «L&M» եւ «Marlboro» սիգարետների կողքին ի՞նչ գործ ունի «Magna»-ն, որի սպառման ծավալները շատ փոքր են։
Մենք նաեւ պարզեցինք, որ սպառողական զամբյուղում գոյություն ունի բավականին մեծ «կոշկեղենի բաժին»՝ 470 տողից 21-ը նվիրված է այս հույժ կարեւոր ապրանքատեսակին՝ էլ կանացի, էլ տղամարդու, կանացի ճտքավոր, բնական կաշվից, արհեստական եւ այլն։ Սա էլ բավական չէ, առանձին տեղ է հատկացված կոշիկի վերանորոգման ծախսերին, եւ ամենազավեշտալին՝ «կոշիկի կրունկի վերանորոգմանը»` առանձին։ Չգիտեինք, որ կոշիկի կրունկի վերանորոգումը չի մտնում կոշիկի վերանորոգման աշխատանքների մեջ։ Նույն հաջողությամբ կարելի էր ավելացնել «տակացու փոխել» եւ այլն։
«Կոշկագիտության» մանրամասն ուսումնասիրության ֆոնի վրա աչքի են զարնում ավտոմեքենաների գները։ Օրինակ, կարող եք հայտնաբերել, որ «Մերսեդեսի» գինը նախորդ տարվա համեմատ իջել է 7%-ով։ Մեքենա վարող ցանկացած մարդ պարզապես կծիծաղի այս տեղեկության վրա։ Ոչ թե այն պատճառով, որ գների նվազմանը չի հավատում, այլ հենց ձեւակերպման վրա։ Խորհրդային տարիներին, երբ «Վոլգան» արտադրվում էր տարիներ շարունակ առանց արդիականացվելու, կարելի էր դատել գների մասին։ Սակայն «Մերսեդեսն» ունի տասնյակ մոդելներ եւ ամեն տարի թողարկում է նորերը՝ նոր գներով։ Կոշիկի համար 21 տեսակ առանձնացված է, իսկ «Մերսեդեսը» ներկայացված է որպես ստանդարտ ապրանք, ինչպես, ասենք, շաքարավազը կամ ծաղկակաղամբը։ Բավական զվարճացրեց նաեւ «սառը ջրի վարձ» հոդվածը, հատկապես` առաջին բառը։
Այժմ զվարճալի բաներից անցնենք մի քիչ ավելի լուրջ թեմայի՝ բնական գազի գնին։ ԱՎԾ-ի խնդիրն այստեղ հեշտ է. պետք չէ ուսումնասիրություն կատարել, համեմատել տարբեր կազմակերպությունների գները, հաշվել միջինը եւ այլն։ Պարզապես հարկավոր է վերցնել Հանրային ծառայությունները կարգավորող հանձնաժողովի ներկայացրած սակագինը։ Թվում էր՝ այստեղ պետք է ամեն ինչ պարզ ու հասկանալի լիներ, քանի որ բնակչությունը շատ լավ տեղեկացված է սակագներին, մանավանդ վերջին թանկացումներից հետո։ Ապրիլ ամսից սկսած ԱՎԾ-ն գնաճի հաշվարկման հիմք է ընդունում 2005թ. գները։ 2005 եւ այս տարվա առաջին 3 ամիսների ընթացքում դրանք անփոփոխ էին՝ ամսական մինչեւ 10.000 խմ օգտագործողների համար 59 հազար դրամ (1000 խմ), 10 հազարից ավելի սպառում ունեցողների համար՝ 79.1 ԱՄՆ դոլար։ Որքա՞ն ենք մենք այժմ վճարում բնական գազի դիմաց։ 59 հազար դրամի փոխարեն վճարում ենք 65 հազար, 79.1 դոլարի փոխարեն՝ 94.5։ Հիշեցնենք, որ պաշտոնական սակագինն ավելի բարձր է (90 հազար դրամ եւ 146.51 դոլար), եւ դրամի մի մասը պետությունը սուբսիդավորում է։ Սակայն եկեք վերցնենք փաստացին։ Քիչ սպառողների համար 1000 խմ գազը թանկացել է 6000 դրամով կամ 10,1%-ով։ Խոշոր սպառողների համար տարբերությունն ավելի զգալի է՝ 79,1-94,5 դոլար, կամ 19.4%։ Ստացվում է, բնական գազի գինը միջինում թանկացել է 14.75%-ով։ Իսկ ԱՎԾ-ն մեզ ներկայացնում է ոչ մի բացատրության չենթարկվող սակագին. նախորդ տարվա հունվար-մայիսի համեմատ բնական գազի գնի աճը կազմել է 3.4%։
Ապրանք-ծառայությունների քանակի ավելացումը, իհարկե, նպաստում է սղաճի առավել ճիշտ գնահատմանը։ Կան այնպիսի ապրանքներ եւ ծառայություններ, որոնք մինչ այժմ զարմանալիորեն հաշվի չէին առնվում գների հաշվարկման մեջ, օրինակ` հեռախոսային խոսակցությունների սակագինը, ինտերնետի վարձը, բջջային հեռախոսի րոպեավճարը, բջջային հեռախոսների, համակարգիչների սակագները եւ այլն։ Սակայն կան շատ բաներ, որոնք այս զամբյուղում բացակայում են։ Օրինակ, 2005թ. դեկտեմբերի 1-ից «ՀայՌուսգազարդը» գանձում է տեխնիկական սպասարկման ծառայության վճար՝ գազի 1 սարքավորում ունեցող սպառողների համար` տարեկան 2400 դրամ, 2 եւ 3 սարքավորում ունեցողների համար` համապատասխանաբար` 5700 եւ 6900 դրամ։ Այս ծառայությունը, որը բոլոր բաժանորդների համար պարտադիր է՝ ցուցակում չկա։ Միգուցե ամսվա կտրվածքով այն այդքան է՞լ մեծ գումար չի կազմում եւ վիճակագիրները չե՞ն կարեւորել այդ ծառայությունը։ Սակայն մյուս կողմից` ցուցակում ավելացել են «մաստակ» եւ «հեռուստացույցի տակդիր» ապրանքներն ու «ավտոմեքենայի լվացում», «վարորդական դասընթաց» հույժ անհրաժեշտ ծառայությունները։ Քիչ էր մնում մոռանայինք «քաբաբի մատուցումը», որը մեր վիճակագիրները կարեւորել են եւ ավելացրել սպառողական զամբյուղում (նշենք, որ խորովածի մատուցումը ներկայացված է առանձին տողով)։
Ահա այսպիսի հետաքրքիր բան է վիճակագրությունը։
- Բաբկեն ԹՈՒՆՅԱՆ
ՄԻՍ
Մսեղենը եւ ձկնեղենը կարելի է պատրաստ համարել, եթե պատառաքաղով ծակելիս կամ գդալով սեղմելիս դրանցից թափանցիկ հյութ է հոսում։
Մեծ կտորներով եփած միսն ավելի համեղ է լինում։
Հոտ ունեցող միսը պետք է կտրատել ...«ՈՍԿԵ ՍՈՒՐԸ»
Պատրաստեց Մերի ՀՈՎՀԱՆՆԻՍՅԱՆԸ
Միխայիլ Լորիս- Մելիքովը ծնվել է 1825թ. հայ ազնվականի ընտանիքում: Ապագա դիկտատորը դաստիարակվել է գվարդիական փոխսպաների եւ հեծելազորային յունկերների դպրոցում: 22 տարեկանում նա ծառայության է անցնում Վորոնցովի ...«ԿԻՆՆ ԱՄԵՆ ՎԱՅՐԿՅԱՆ ՊԻՏԻ ԽԱՂԱ»
Նունե ՀԱԽՎԵՐԴՅԱՆ
«Թե ինչ նկարչական ուղղության մեջ եմ տեղավորվում, չեմ ուզում անգամ իմանալ: Դա արվեստաբանների խնդիրն է: Ես իմ ներսի եղածն եմ հանում ու ցույց տալիս»,- ասում է նկարչուհի Թենի Վարդանյանը, ով իր ճանապարհը թատրոնից ...ՄԱՍԽԱԴՈՎՆ ԱՊԱՍՏԱՆ Է ԽՆԴՐԵԼ
Նախորդ տարվա մարտին ռուսական ուժերի կողմից սպանված Չեչնիայի նախկին նախագահ Ասլան Մասխադովի որդին՝ Անզոր Մասխադովը, ով 1999-ից բնակվում էր Բաքվում, մեկնել է Գերմանիա: Վկայակոչելով Ադրբեջանի չեչենական համայնքը՝ ...ԲԱԳԱՊՇԸ ՍՊԱՌՆՈՒՄ Է
Աբխազիայի նախագահ Սերգեյ Բագապշը հայտարարել է, որ կկարգադրի ականապատել Վրաստանի հետ սահմանը, եթե վերջինս շարունակի պնդել, որ ռուսաստանցի խաղաղապահները պետք է դուրս բերվեն հակամարտության գոտուց: «Հավատացնում ...ԽՈՍՏՈՎԱՆՈՒԹՅՈՒՆ
Երեկ ՄԱԱ-ում ՀՀ Քաղծառայության խորհրդի նախագահ Մանվել Բադալյանը խոստովանել է, որ Հայաստանի բոլոր նախարարությունների եւ գերատեսչությունների քաղաքացիական ծառայության պաշտոնների նշանակումների պարագայում ...ՀԱՅԿԱԿԱՆ ԿԻՆՈՊԱՏԿԵՐ
Նունե ՀԱԽՎԵՐԴՅԱՆ«Ուզում ենք ցույց տալ, թե ինչ ռիթմով են ապրում աշխարհի տարբեր անկյուններում ապրող հայերը»,- ասաց փառատոնի տնօրեն, կինոռեժիսոր Հարություն Խաչատրյանը: Եվ քանի որ այս տարի հայկական լիամետրաժ մի քանի ֆիլմեր ...ՇԱՏ ՊԱՇՏՈՆՅԱՆԵՐ ՀՌԵՏՈՐՈՒԹՅՈՒՆԻՑ ԿԱՂՈՒՄ ԵՆ
Զրուցեց Անուշ ՄԿՐՏՉՅԱՆԸ
Հայաստանի կրթական ոլորտը վերջին շրջանում դարձել է բարեփոխումների մի մեծ դաշտ։ 12-ամյա կրթություն, բուհական նորատիպ խորհուրդների ձեւավորում, ընդունելության քննություններին առնչվող փոփոխություններ, օպտիմալացում, ...ՇՈՒՏՈՎ ԿՐԿԻՆ ՓՈՂՈՑՈՒՄ ԿՀԱՅՏՆՎԵՆ
Լուսինե ՍՏԵՓԱՆՅԱՆ
Երեւան քաղաքում մի անկյուն կա, որտեղ բնակվող մարդկանց կենսակերպը հնարավոր չէ նկարագրել եւ, որոնց գոյության մասին հավանաբար մեր իշխանությունները տեղյակ չեն, քանի որ առանց փաստաթղթերի, առանց գրանցման հանգրվանել ...ԵԹԵ ՁԵՌՔ ՉՄԵԿՆԵՆ՝ ԿԽԵԼԱԳԱՐՎԵՆՔ
Լուսինե ՍՏԵՓԱՆՅԱՆ
«Երեք հերթափոխով էի աշխատում, որպեսզի տնավորվենք: Աշխատեցի-աշխատեցի, 2 ժամվա մեջ փոշի դարձավ»,- ասում է նա, ով կարծես մինչեւ հիմա ցայտնոտի մեջ է եւ չի ցանկանում հավատալ, որ իր ունեցվածքն «անհայտ հանգամանքներում» ...ԱՀԱ ՄԵՆՔ ...
Բուշի ադմինիստրացիան, որը ղեկավարվում է Դիք Չեյնիի կողմից, Իրանի դեմ նախազգուշական հարված է լրջորեն ծրագրում ամառվա ցանկացած պահին: Նախազգուշացումը հիմնված է ԱՄՆ-ի եւ Եվրոպայի ռազմական ու հետախուզական ...ԿՈՆՖԵՐԱՆՍ` ՍՏԵՓԱՆԱԿԵՐՏՈՒՄ
Հունիսի 21-ին Ստեփանակերտում մեկնարկեց միջազգային գիտական կոնֆերանս՝ «Լեռնային Ղարաբաղի Հանրապետություն. անցյալը, ներկան, ապագան» խորագրով, որը նվիրված է ԼՂՀ հռչակման 15-ամյակին: Միջոցառմանը, որը կշարունակվի ...ՈՐՈՇՈՒՄԸ ՂԱՐԱԲԱՂԻՆՆ Է
Այն օրերին, երբ Ստեփանակերտում էին գտնվում Պատանդների, ռազմագերիների եւ անհայտ կորածների միջազգային աշխատանքային խմբի ներկայացուցիչները, ադրբեջանական կողմը նորից սկսեց ինչ-որ հայտարարություններ կամ առաջարկություններ ...ԵԹԵ ՉԵՆՔ ՈՒԶՈՒՄ ԴԱՌՆԱԼ ԻԶԳՈՅ-ՊԵՏՈՒԹՅՈՒՆ
Անդրանիկ ԳԵՎՈՐԳՅԱՆ
ԵԱՀԿ Մինսկի խմբի Եռանախագահները` ԱՄՆ-ը, Ռուսաստանը եւ Ֆրանսիան, վերջին շրջանում առավել կտրուկ հայտարարություններով են հանդես գալիս ղարաբաղյան թնջուկը մոտ ապագայում հանգուցալուծելու անհրաժեշտության վերաբերյալ, ...ԺԱՄԱՆԱԿԻ ԱՌԱՋԱԴՐԱԾ Ո՞Ր ԽՆԴԻՐՆԵՐՆ ԵՆ ՍՏԵՂԾԵԼՈՒ ՆՈՐ ՆԱԽԱԳԱՀԻ ԿԵՐՊԱՐԸ
Ռուբեն ԱՆԳԱԼԱԴՅԱՆ
1. Սոցիալական հասարակությունից դեպի ազգային անկախություն
1988թ. մեր գիտակցության մեջ շրջադարձային տարի եղավ: Վերջին 15 տարիներին (այսինքն՝ 1973-ից) առաջին անգամ մենք անհարմար զգացինք մեր հանրապետության ...ԿԱՆԱԴԱՀԱՅ ԴԱՇՆԱԿՑԱԿԱՆԻ ԱԶՆԻՎ ՄՂՈՒՄՆԵՐԸ
Արմինե ԱՎԵՏՅԱՆ
Բազմիցս անդրադարձել ենք այն խնդրին, որ Արագածոտնը համարվում է դաշնակցական մարզ, եւ մարզի բազմաթիվ բնակիչներ տուժել են այդ կուսակցության «թունդ» ներկայացուցիչների եւ իրենց դաշնակցական ղեկավարների կամայականություններից: ...ԻՐԱՎԻՃԱԿԻ ՓՈՓՈԽՈՒԹՅՈՒՆ ԱՐԱԳԱԾՈՏՆՈ՞ՒՄ
Արմինե ԱՎԵՏՅԱՆ
Արագածոտնում գլխավոր դատախազի եւ դաշնակցականների շահերը հաճախ են բախվում: Երկու կողմերից ոչ մեկին չի հաջողվել մարզն «իրենով անել»: Ապարանում, բնական է, ուժեղ են Հովսեփյանի դիրքերը: Իսկ Աշտարակում հզոր ...ԸՆՏԱՆԵԿԱՆ ՎԵՃ ԵՎ ՇԻԶՈՖՐԵՆԻԱ՞
«Panorama.am»-ի փոխանցմամբ, Երեւանի 2 համայնքներում ծառերից կախված 2 անձանց դիակների հայտնաբերման դեպքերի վերաբերյալ համապատասխան դատախազություններում (Շենգավիթի ու Կենտրոն եւ Նորք-Մարաշի) նյութեր են ...ԱՎՏՈՎԹԱՐ
«Ա1+»-ի փոխանցմամբ, երեկ ավտովթար է գրանցվել Գյումրի-Ազատան ավտոմայրուղու վրա: Նախնական տվյալների համաձայն, Շիրակի մարզային հիվանդանոցին պատկանող Շտապօգնության մեքենան դուրս է եկել մայրուղուց ու բախվել ...ԿԱՐԿՈՒՏ ՇԻՐԱԿԻ ՄԱՐԶՈՒՄ
«Ա1+»-ի փոխանցմամբ, հունիսի 20-ին, ժամը 20.00-ի սահմաններում տեղացած ուժեղ կարկուտի պատճառով տուժել են Շիրակի մարզի Հայկասար, Պեմզաշեն, Հայրենյաց, Բայանդուր, Լուսակերտ, Սարատակ գյուղերը, Արթիկ քաղաքն ...ԱԽՐ Ի՞ՆՉ ԳՈՐԾ ՈՒՆԵՍ ԽԱԼԽԻ ԿՆԿԱ ՀԵՏ
«Ինչո՞վ են մեզ ճանաչում, բացի գողականներից ու կազինո խաղացողներից: Ալիեւը գոնե անգլերեն է խոսում, հայտնի ընտանիքի մեջ է մեծացել, գեղեցիկ կին ունի, բա մե՞նք»,- մեր թղթակցի հետ զրույցում այսպիսի կարծիք ...Ի՞ՆՉ ԿԱՊԵՐ ՈՒՆԵԻՆ
Քենիայի ընդդիմությունը նախօրեին պահանջել է պարզել, թե ի՞նչ կապեր ունեին երկրից արտաքսված հայազգի եղբայրներ Արթուր Մարգարյանը եւ Արթուր Սարգսյանը Քենիայի ղեկավարության հետ: Քենիայի նախագահ Մվաի Քիբակին ...ՍՊԱՌՈՂԱԿԱՆ ԶԱՄԲՅՈՒՂ. ՀԱՅԱՑՔ «ՆԵՐՍԻՑ»
Բաբկեն ԹՈՒՆՅԱՆ«Արմինֆոյի» հաղորդմամբ, Ազգային վիճակագրական ծառայությունը հունվար-մայիս ամիսների համար արձանագրել է ՀՆԱ-ի 10,5%-անոց աճ՝ նախորդ տարվա նույն ժամանակահատվածի համեմատ։ Այն ընթերցողներին, որոնց չոր թվային ...ՀՐԱԺԵՇՏ ԿՏԱ ՊԱՇՏՈՆԻՆ
«Ազատություն» ռադիոկայանի փոխանցմամբ՝ այս ամսվա վերջին ԱՄՆ-ի Հանրային հեռարձակման ծառայության (Public Broadcasting Service - PBS) փոխնախագահի պաշտոնին հրաժեշտ կտա Ջեքոբա Էթլասը: Որոշ վերլուծաբաններ ենթադրում ...ԱՄՆ-ԵՎՐԱՄԻՈՒԹՅՈՒՆ
Երեկ Վիեննայում սկսվել է ԱՄՆ-ի եւ Եվրամիության ղեկավարների տարեկան գագաթաժողովը, որին մասնակցելու նպատակով նախօրեին Վիեննա է ժամանել ԱՄՆ-ի նախագահ Ջորջ Բուշը: Նախատեսվում է քննարկել Իրաքի, Իրանի, Հյուսիսային ...ԱՋԱԿՑՈՒՄ ԵՆ ԱԴՐԲԵՋԱՆԻՆ
«Իսլամական համաժողովի կազմակերպության անդամ երկրների արտգործնախարարների հանդիպման արդյունքներով ընդունվել է հռչակագիր, որում տեղ է գտել Լեռնային Ղարաբաղի հարցում Ադրբեջանի դիրքորոշման աջակցությունը»,- ...«ԲՐԻԼԻԱՆՏ» ՎԻՃԱԿԱԳՐՈՒԹՅՈՒՆ
Կարապետ ԹՈՄԻԿՅԱՆՍակայն, ըստ Ազգային վիճակագրական ծառայության (ԱՎԾ) նախնական տվյալների, միայն մայիսին տնտեսության ցատկը եղել է 33%: Այս ցուցանիշը նախանձ կառաջացներ նույնիսկ Չինաստանի մոտ, որն աշխարհին հայտնի է իր իրական ...ԱՄԱՌ ԺԱՄԱՆԱԿ
Արա ԳԱԼՈՅԱՆՔաղաքներում ամռանը ժամանակը դանդաղ է հոսում։ Նեգրական բլյուզից կամ սպիլիչուելից դանդաղ։ Գյուղերում հեշտ է։ Գյուղացին զբաղմունք ունի` այգի ու բանջարանոց է ջրում, խնամում, բերք հավաքում։ Քաղաքում (հատկապես ...ՀԱՅԱՍՏԱՆԸ ԿԱՌԱՎԱՐՎՈՒՄ Է «ԻՇՄԱՐՆԵՐՈՎ»
Արմեն ԲԱՂԴԱՍԱՐՅԱՆ
Հայաստանի պետական կառավարման համակարգն այսօր կառուցված է բացառապես Ռոբերտ Քոչարյանի անձնական որոշումների, հրահանգների եւ ուղերձների վրա։ Ընդ որում, միշտ չէ, որ այդ հրահանգներն ու ուղերձները հասարակությունից ...ՄԻԳՐԱՑԻՈՆ ԳՈՐԾԱԿԱԼԸ
«Նոր Ժամանակներ» կուսակցության ղեկավար Արամ Կարապետյանը, որ հայտնի է իր ընդգծված ռուսամետությամբ, մեր թղթակցի հետ զրույցում ասել է. «ՌԴ-ն այսօր 11 մլն մարդու կարիք ունի. կարող է մեկ օրում այդքան էմիգրանտ ...ՍՅՈՒՆԻՔՈՒՄ «ՂԱՉԱՂՈՒԹՅՈ՞ՒՆ» Է ԹԵՎԱԾՈՒՄ
Սյունիքի մարզային իշխանությունները հերթական անգամ խոչընդոտել են «Սյունյաց երկիր» թերթի աշխատանքներին: Սակայն այս անգամ նրանք լրագրողներից հաշվեհարդար տեսնելու բավական հետաքրքիր ձեւ են գտել. այն բանից ...ՀՅՈՒՐԱՆՈՑՈՒՄ ԳԻԻՇԵՐԵԼՆ ԷԼ ՄԻ ԲԱՆ ՉԻ
Կարապետ ԹՈՄԻԿՅԱՆՀնարավոր է՝ մինչեւ տարեվերջ Հայաստան ժամանած զբոսաշրջիկների թիվը գերազանցի 350.000-ը: Այսպիսին է ոլորտի պատասխանատուների կանխատեսումը: Ու թեեւ 2005թ. հունվար-սեպտեմբեր ամիսներին զբոսաշրջիկների ընդամենը ...ԻՆՉՊԵՍ ԵՆ ՀԱՅԵՐԸ ԲԼԵՖ ԱՆՈՒՄ
Արմեն ՔՈՉԱՐՅԱՆ
Սիրված կինոնկարի ոչ պակաս սիրված դերասան Ադրիանո Չելենտանոն իր հերոսի շուրթերով անընդհատ պնդում էր, որ «բլեֆ անելիս պետք է մինչեւ վերջ բլեֆ անել»: Գրիգոր Ամալյանի հավանած մոտ երկու տասնյակ հայկական հեռուստաընկերությունները ...ԿԱՏԱՐՅԱԼ ԵՐԿՔԱՂԱՔԱՑԻՈՒԹՅՈՒՆ
Տիգրան ՊԱՍԿԵՒԻՉՅԱՆՈր Ղարաբաղի հարցը չի լուծվելու մինչեւ 2008 թվականի նախագահական ընտրություններն, արդեն, կարծում եմ, ոչ ոք չի կասկածում։ Չեն կասկածում հայերը, չեն կասկածում ադրբեջանցիները, մի քիչ գուցե կասկածում են ԵԱՀԿ ...ԼՂՀ-Ն` ՏԱՐԱԾԱՇՐՋԱՆԱՅԻՆ ԶԱՐԳԱՑՄԱՆ ԾՐԱԳՐԵՐԻ ԽՈՉԸՆԴՈ՞Տ
Արման ԳԱԼՈՅԱՆ
ԱԺ ՀՀԿ խմբակցության պատգամավոր Սամվել Նիկոյանը երեկ «Հայելի» ակումբում ՀՀՇ վարչության փոխնախագահ Անդրանիկ Հովակիմյանի հետ բանավեճի ժամանակ մի ուշագրավ խոստովանություն արեց: Ս. Նիկոյանը համաձայն է Ա. Հովակիմյանի ...ԿՈՒՍԱԿՑՈՒԹՅՈՒՆՆԵՐԻ ԾՐԱԳՐԵՐԸ ԳՐԵԹԵ ՆՈՒՅՆՆ ԵՆ
Ռաֆայել ԹԵՅՄՈՒՐԱԶՅԱՆ
Իրականում կուսակցությունների գերակշիռ մասի ծրագրային հիմնադրույթների մեջ էական ու սկզբունքային տարբերություններ չկան: Բազմաթիվ դեպքերում տարբեր կուսակցությունների ծրագրային հիմնադրույթներ իրարից տարբերվում ...ԸՄԲՌՆՈՒՄՈՎ Է ՄՈՏԵՆՈՒՄ
Ռաֆայել ԹԵՅՄՈՒՐԱԶՅԱՆ
Վերջինս, իր իսկ խոսքերով, տեղյակ էր, որ հեռուստաընկերությունը երկար տարիներ զրկված է եթերից, եւ որ «Ա1+»-ն արդեն 12 անգամ դիմել է ՀՌԱՀ-ին նոր հաճախականություն ձեռք բերելու համար, սակայն 12 անգամ էլ մերժվել ...ԲՈԼՈՐԻ ԱՉՔԸ ԴՐՍԻ ՎՐԱ՞
Արման ԳԱԼՈՅԱՆ
Հայաստանում գնալով արմատավորվում է այն տեսակետը, որ մեր երկրում իշխանություններն ընտրվում են ոչ թե ժողովրդի կողմից, այլ նրանց նշանակում են գերտերությունները: Բանը հասել է նրան, որ որոշ քաղաքական գործիչներ ...ՏՆՏԵՍՈՒԹՅՈՒՆԸ ԴԱՐՁՅԱԼ ԱՃԵՑ
Արդեն երրորդ օրն է` Հայաստանի տնտեսությունը շարունակում է աճել։ Դրանից մի քանի օր առաջ մեր տնտեսությունը մի երկու օր անկում ապրեց։ Դրամի փոխարժեքի տատանումները որեւէ այլ կերպ հնարավոր չէ բացատրել, որովհետեւ ...ՀԱՅԱՍՏԱՆԸ ԿՄԻԱՆԱ՞
«Թըրքիշ դեյլի նյուս» թուրքական թերթը պնդում է, թե երկուշաբթի օրը Թուրքիայի արտգործնախարար Աբդուլա Գյուլը Բաքվում հանդիպել է Ադրբեջանի նախագահ Իլհամ Ալիեւին՝ քննարկելու Հայաստանի հնարավոր մասնակցությունը ...ՀՆԱ-Ն ԱՃԵԼ Է, ԿՅԱՆՔԸ՝ ԹԱՆԿԱՑԵԼ
Ազգային վիճակագրական ծառայությունը վերջապես հրապարակեց պաշտոնական թիվը. հունվար-մայիս ամիսների տնտեսական աճը նախորդ տարվա նույն ժամանակահատվածի համեմատ կազմել է 10.5%։ Ավելի վաղ ԱՎԾ-ն հրապարակել էր նաեւ ...ՎՆԱՍՆԵՐԻ ՓՈԽՀԱՏՈՒՑՈՒՄԸ ՍԿՍՎՈՒՄ Է
Մայիսի 30-ին Կոնդ թաղամասում բռնկված հրդեհի պատճառով այրվել է 10 տուն: Ինչպես նշել էինք, քաղաքապետարանում միջադեպից հետո այրված տների խնդիրներով զբաղվող հանձնաժողով է ստեղծվել, որպեսզի ուսումնասիրություններ ...Ե՞ՐԲ Է ԽՈՍԵԼՈՒ ՏԵՐ-ՊԵՏՐՈՍՅԱՆԸ
Լրագրողներից մեկի հարցին, թե ե՞րբ է ակտիվ քաղաքականություն վերադառնալու ՀՀ առաջին նախագահ Լեւոն Տեր-Պետրոսյանը, ՀՀՇ վարչության փոխնախագահ Անդրանիկ Հովակիմյանը պատասխանեց. «Որեւէ մեկը չի կարող ազդեցություն ...ՀՈ ԼՈՒՍԱԿԵՐՏԻ ՀԱՎ ՉԵ՞Մ
«Եթե ես կարողանամ ապահովել երկրի զարգացման ճիշտ ուղին, ուրեմն ես հայաստանյան թեկնածու եմ, բա ի՞նչ եմ: Ի՞նչ կապ ունի, թե որտեղ եմ սովորել, եթե իմ արվածներն առաջ են տանում: Հայաստանյան է այն թեկնածուն, ...ԱՅՍ ՄԵԿՆ ԷԼ ԱՆՊԱՇՏՈՆ ՉՄՆԱՑ
ՀՀ վարչապետ Անդրանիկ Մարգարյանի որոշմամբ, Գեղարքունիքի նախկին մարզպետ, ՕԵԿ նախկին անդամ Ստեփան Բարսեղյանը նշանակվել է ՀՀ տարածքային կառավարման նախարարի տեղակալ: Հիշեցնենք, որ երբ ՕԵԿ-ը դուրս եկավ իշխող ...«ՀՈՒՍԱԼՔՎԱԾ ՎԵՐՋԻՆ ԱՌԱՋԱՐԿՆԵՐՆ ԵՆ»
Երեկ ՀՀ ԱԳ նախարար Վարդան Օսկանյանը Ժնեւում մասնակցել է ՄԱԿ-ի Մարդու իրավունքների նորաստեղծ խորհրդի բացման նիստին, որին ներկա են եղել նաեւ ՄԱԿ-ի Գլխավոր քարտուղար Քոֆի Անանը եւ Մարդու իրավունքների բարձրագույն ...ՀԱՅԿԱԿԱՆ ՁՎԵՐ` ՎՐԱՍՏԱՆՈՒՄ
Վրաստանի շուկան հեղեղված է հայկական հավկիթներով: «Կովկազպրեսի» փոխանցմամբ՝ տեղական արտադրողը սնանկացել է, քանի որ վրացական իշխանությունները նրանց չեն փոխհատուցել այս տարվա փետրվար-մարտ ամիսներին Վրաստանում ...
ՍՊԱՌՈՂԱԿԱՆ ԶԱՄԲՅՈՒՂ. ՀԱՅԱՑՔ «ՆԵՐՍԻՑ»
Բաբկեն ԹՈՒՆՅԱՆԷԼԻՏԱՐ ՀՈԴՎԱԾ՝ ԳՈՎԱԶԴԻ ՄԱՍԻՆ
Նունե ՀԱԽՎԵՐԴՅԱՆԳԵՈՐԳԻ ԳՅՈՒՐՋԻԵՎ
Պատրաստեց Մերի ՀՈՎՀԱՆՆԻՍՅԱՆԸՀԱՅԱՍՏԱՆՆ ԱՌԱՎԵԼ ԽՈՑԵԼԻ Է ՈՒԼՏՐԱՄԱՆՈՒՇԱԿԱԳՈՒՅՆ ՃԱՌԱԳԱՅԹՄԱՆ ՀԱՄԱՐ
Նաիրա ՄԱՐՏԻՐՈՍՅԱՆԱՄՆ-Ի ՀԵՏԱՔՐՔՐՈՒԹՅՈՒՆՆԵՐԻ ՇՐՋԱՆԱԿՈՒՄ Է ՆԱԵՎ ՍԵՎ ԾՈՎԸ
ԵՐԿՔԱՂԱՔԱՑԻ ՆԱԽԱԳԱ՞Հ ԵՆՔ ՈՒՆԵՆԱԼՈՒ
Ռաֆայել ԹԵՅՄՈՒՐԱԶՅԱՆՖՈՒՏԲՈԼ. ՀԱԿԱԴԻՐ ԶԳԱՑՄՈՒՆՔՆԵՐ
ԸՆՏԱՆԵԿԱՆ ՎԵՃ ԵՎ ՇԻԶՈՖՐԵՆԻԱ՞
«ԻՆՔՆԱԹԻՌՆ ՕԴՈՒՄ ՉԻ ՈՉՆՉԱՑԵԼ»
ԿՈՒՍԱԿՑՈՒԹՅՈՒՆՆԵՐԻ ԾՐԱԳՐԵՐԸ ԳՐԵԹԵ ՆՈՒՅՆՆ ԵՆ
Ռաֆայել ԹԵՅՄՈՒՐԱԶՅԱՆ
- 1828 Ռուսական բանակը գրավում է Ղարսը:
- 1833 Ցարի հրապարակած նոր օրենքով փոփոխություններ են մտցվում հայկական մարզի վարչական կառուցվածքում:
- 1879 Ծնվեց հայ քիմիկոս Ստեփան Ղամբարյանը: (Վախճ. 1948թ.-ին):
- 1956 Մահացավ անգլիագիր գրող Մայքլ Արլենը (Տիգրան Գույումջյան):
- Դավադրություն Հայաստանի Դեմ
- Անկախության 20-ամյակ
- Մեր սիրելի երգերը
- Հանապազօրյա Նավթը և Հայաստանի Աշխարհաքաղաքական Դիրքը
- Armenians and 2011 OSCAR
- Turks and Germans: Partners in Crime and Allies in Court
- Վերջ ապագիտական դեզինֆորմացիային
- Իսկ ե՞րբ մենք պիտի ունենանք մե՛ր Վրեժի Կտակարանը
- 2011 թվականը
- L’ARMENIE OCCIDENTALE ET LE DROIT INTERNATIONAL, AUJOURD’HUI !
ԼՈՒՐԵՐ ՀԱՅԱՍՏԱՆ
ՕՆԼԱՅՆ ԼՈՒՐԵՐ
ԻՆՖՈՐՄԱՑԻԱ
ԻՄ ԱՐՄԹԱՈՒՆ
Ինչպե՞ս թողնել ծխելը
Ինչպե՞ս գրել Հայերեն Windows XP միջավայրում
Սույն կայքում հրատարակված նյութերը վերցված են բաց աղբյուրներից և պաշտպանված են հեղինակային իրավունքիով։ Արգելված է սույն կայքում հրատարակված նյութերի վերարտադրումը առանց իրական հեղինակի գրավոր թույլտվության։ Եթե ցանկանում եք հանել Ձեզ պատկանող նյութը, ապա ուղարկեք մեզ, պատկանելությունը վկայող փաստեր և տվյալ նութը անմիջապես կհանվի։ Բոլոր նյութերը հրատարակված են միայն ինֆորմացիոն նպատակով և մենք պատասխանատու չենք դրանց հավաստիության համար։