8 replies to this topic

[SkyFlyer]

Անգրագետ Ոստիկանը
Վերոհիշյալ տեսահոլովակում տեսուչ Հունանյանը ՀՀ օրենսդրության բազմակի խախտումներ է կատարել

• Չի ներկայանում վարորդին և դա միայն անում է բազմակի պահանջներից հետո միայն։
  
• Չի ներկայացնում վարորդին կանգնեցնելու պատճառը։
  
• Սահմանափակում է վարորդի իրավունքները առանց հիմնավորման (ցանկացած մարդ իրավունք ունի հասարակական վայրում սիրողական նկարահանումներ կատարելու)։
  
• Օրենքի պաշտպանը հորինում է օրենք ("նկարելու իրավունք չունեք ոստիկանության ծառայողին, առանց իր թույլտվության (այն ել հասարակական վայրում)")։
  
• Առանց բացատրության հեռանում է վարորդի փաստաթղտերով հանդերձ։
  
• Ստիպում են քաղաքացուն չնկարել, որը նրա իրավունքների ոտնահարում է։
  
• Պաշտոնական դիրքի չարաշահում է թույլ տալիս անհիմն ուժ կիրառելով քաղաքացու հանդեպ բազմակի անգամ։
  
• Պաշտոնական դիրքի չարաշահում է թույլ տալիս սպառնալով քաղաքացուն ("ապառատեդ կջարդեմ... պռոբլեմ կունենաս...")։
  
• Առանց օրինական կամ օպերատիվ հիմքի "խումբ է կանչում" դրանով իսկ անտեղի մսխելով հարկատուների գումարները։
  
• Վիրանորում է վարորդի արժանապատվությունը ("տուպոյ" ես... առաջի դասարան մինչև հունվար ես գնացե՞լ)։
  
• Հոխորտում են ու սպառնում "հիմար գործ եք անում" արտահայտության պատճառով, որի իրավունքը չունեն (կարող են օրենքի սահմաններում տուգանել, եթե համարում են, որ նման քայլը վիրավորել է իրենց ծառայողական պարտականության կատարումը)։
  
• Եվ վերջապես անգրագետ են, չնայած դա օրենքի խախտում չէ տվյալ դեպքում։

Իհարկե, արդար լինելու համար պիտի նշենք, որ վարորդը նույնպես որոշակի չափով խախտումներ է անում.

• Միանգամից չի կատարում ոստիկանի պահանջը (անկախ դրա օրինականությունից)։
  
• Մեքենայից դուրս է գալիս երթևեկելի մաս (վթարային իրադրություն ստեղծելով ու վտանգելով իր իսկ առողջությունը)։

Սակայն դա չի արդարացնում որտիկանության նման լպիրշ (հաբռգած) գործելաոճը։

Հ.Գ. nabasdak հաճույքով կմուծեի տուգանքիդ կեսը նման հիանալի մերկացման համար։ Հոյակապ գործ ես արել ու համոզված եմ դա արել ես առանց ատելության հանդեպ մեր ոստիկանությունը, այլև սիրով հանդեպ մեր հայրենիքը։ Մենք հաստատ արժանի չենք նման ոստիկանություն ունենալու...



Հուսով եմ համապատասխան մարմինները "պատահաբար" կդիտեն այս հոլովակը ու դրա հիման վրա քրեական գործ կհարուցեն տեսուչ Հունանյանի ու 548 ՈՍ 01 պետհամարանիշով ծառայողական մեքենայի վարորդի հանդեպ պաշտոնական դիրքի չարաշահման, քաղաքացու անձը վիրավորելու և նրա հանդեպ անհիմն ուժ կիրառելու հիմքով։

[SkyFlyer]

[SkyFlyer]

[SkyFlyer]

[ՆԱՎԱՎԱՐ]

Լավ թեմա ես բացել, բայց քո տեղը լինեյի կդարձնեի "հաբռգած ոստիկաններն ու հաբռգած վարորդները:"
Երևի ճիշտ են ասում, որ ասում են յուրաքանչյուր "ժողովուրդ արժանի է իր ղեկավարին":
Երևանում մեքենա վարելուց ներվերդ քայքայում ես ու ստրես ապրում,
ոչ զիջել կա, ոչ հարգանք մեկը մյուսի նկատմամբ, քաոս վիճակ, կարծես ջունգլիներում ջունգլիական օրենքներով ես շարժվում:
Բանգլադեշից դուրս էի գալիս, մի ժամ եմ սպասե,լ որ թեքվեմ դեպի Սեբաստիա, ոչ ոք չէր զիջում, բոլորը արագ գժի նման անցնում էին, կարծես աշխարհի վերջն էր, Քրիստոնյա կոչեցյալներ...
Վերջը մի սև ջիպ կանգնեց, զիջեց, մի ջահել աղջիկ էր քշում, երևի նա էլ արտասահմանից էր...
Ահավոր անգրագետ են քշում, շուրջ բոլորդ ազդանշներ են տալիս, մի րոպե շփոթվում ես, մտածում ես թե ինչ սխալ ես արել, չէ, հետո տեսնում ես, որ էստեղ դա սովորական բան է, գազանանոց:
Մի քանի ստրես ապրելով հետո մի պահ տեսնում ես վարորդները սկսեցին քշել հանգիստ, ոնց որ զարգացած երկրներում, զարմանում ես, ասում ես էս ինչ եղավ էս ժողովրդի հետ,
մեկ էլ տեսնում ես ոստիկան է անցնում, ոստիկանի են տեսել...չհասկացա.
ՈՒրեմն յուրաքանչյուր վարորդի գլխին մի ոստիկա՞ն պետք է կանգնի, որ քաղաքավարի քշի՞
Լոնդոնում եմ քշել, Փարիզում, Բեռլինում...նման խայտառակություն չեմ տեսել...
Հարգելի վարորդներ, ամոթ է, հիմա Հայաստանում շատ տուրիստներ են գալիս, ավտոներ են վարձում, ինչ են մտածելու մեր ժողովրդի մասին, հո երեխաներ չեք որ ձեր գլխին ոստիկան կանգնի նոր խելոք քշեք...հարգեք մեկը մյուսին, զիջեք..
Ինձ մենակ մի տեղ կանգնեցրեցին, այն էլ կարմիրը անցնելու համար, հետո տեսա որ "սվետաֆորը" թաքցրել էին ծառերի մեջ որ չերևա, ես էլ չնկատեցի...

[SkyFlyer]

ՆԱՎԱՎԱՐ, on Jul 31 2010, 09:30 AM, said:

Լավ թեմա ես բացել, բայց քո տեղը լինեյի կդարձնեի "հաբռգած ոստիկաններն ու հաբռգած վարորդները:"
Երևի ճիշտ են ասում, որ ասում են յուրաքանչյուր "ժողովուրդ արժանի է իր ղեկավարին":
Երևանում մեքենա վարելուց ներվերդ քայքայում ես ու ստրես ապրում,
ոչ զիջել կա, ոչ հարգանք մեկը մյուսի նկատմամբ, քաոս վիճակ, կարծես ջունգլիներում ջունգլիական օրենքներով ես շարժվում:
Բանգլադեշից դուրս էի գալիս, մի ժամ եմ սպասե,լ որ թեքվեմ դեպի Սեբաստիա, ոչ ոք չէր զիջում, բոլորը արագ գժի նման անցնում էին, կարծես աշխարհի վերջն էր, Քրիստոնյա կոչեցյալներ...
Վերջը մի սև ջիպ կանգնեց, զիջեց, մի ջահել աղջիկ էր քշում, երևի նա էլ արտասահմանից էր...
Ահավոր անգրագետ են քշում, շուրջ բոլորդ ազդանշներ են տալիս, մի րոպե շփոթվում ես, մտածում ես թե ինչ սխալ ես արել, չէ, հետո տեսնում ես, որ էստեղ դա սովորական բան է, գազանանոց:
Մի քանի ստրես ապրելով հետո մի պահ տեսնում ես վարորդները սկսեցին քշել հանգիստ, ոնց որ զարգացած երկրներում, զարմանում ես, ասում ես էս ինչ եղավ էս ժողովրդի հետ,
մեկ էլ տեսնում ես ոստիկան է անցնում, ոստիկանի են տեսել...չհասկացա.
ՈՒրեմն յուրաքանչյուր վարորդի գլխին մի ոստիկա՞ն պետք է կանգնի, որ քաղաքավարի քշի՞
Լոնդոնում եմ քշել, Փարիզում, Բեռլինում...նման խայտառակություն չեմ տեսել...
Հարգելի վարորդներ, ամոթ է, հիմա Հայաստանում շատ տուրիստներ են գալիս, ավտոներ են վարձում, ինչ են մտածելու մեր ժողովրդի մասին, հո երեխաներ չեք որ ձեր գլխին ոստիկան կանգնի նոր խելոք քշեք...հարգեք մեկը մյուսին, զիջեք..
Ինձ մենակ մի տեղ կանգնեցրեցին, այն էլ կարմիրը անցնելու համար, հետո տեսա որ "սվետաֆորը" թաքցրել էին ծառերի մեջ որ չերևա, ես էլ չնկատեցի...

Համաձայն եմ քեզ հետ ՆԱՎԱՎԱՐ ջան, սակայն պիտի ասեմ, որ դա գալիս է հենց «հաբռգած» ոստիկաններից, որոնք արդարությունը իրենց ախորժակի մեծությամբ են չափում։ Տես, նույն այդ «գազան» վարորդները, որոնք քիչ է մնում իրար վրայից անցնեն Երևանի փողոցներում՝ ԱՄՆ–ում կուռկուռի ձագերի պես երկու ձեռքով ղեկը բռնած ու աչքերն ել 4 արած հանգիստ քշում են, կասես պատրիոտ են։

Ի՞նչ է կարծում ես այստեղ ամեն մի վարորդին մի ոստիկան է հասնում։ Իհարկե ոչ, ուղղակի ոստիկանը այստեղ պաշտպանում է պետության շահերը ու պարզապես անհնար է ներում–բեկում սպասելը՝ ել չասեմ կաշառքով հարց լուծելը։ Ահա և ամբողջ գախտնիքը։

Ինչ վերաբերվում է վարորդների հաբռգած լինելուն, ապա նրանք կարող են լինել ինչպես ցանկանան, իսկ ոստիկանը ո՛չ։ Կանգնի ԱՄՆ–ում ու ճանապարհային ոստիկանին քրֆի։ Նա պարզապես կհանի տուգանքների գրքույկն ու մի կլորիկ գումար կտուգանի։ Ոչ մի անձնական մոտեցում։ Իսկ ՀՀ ոստիկանը ափերից դուրս կգա, կսկսի հետդ «ռազբոռկա» սարքել, զորք կկանչի, կսպառնա, կհրմշտի ու կխփի և այն։ Կարծես վարորդներն են ծառայում իրենց այլ ոչ հակառակը։

Շատ բան կա փոխելու, սակայն պետք է չէ՞ ինչ որ տեղից սկսել...

[ՆԱՎԱՎԱՐ]

Գիտես, քանի որ Հյաստանը իր բնությամբ շատ նման է Շվեցարիային, կարծում եմ հայաստանցիները կարող են ունենալ այդ երկրի նման կենսամակարդակ; եթե ցանկանան :
Այսինքն եթե ցանկանան իսպառ վերացնել կաշառակերությունը, և շատ խիստ օրինապահ լինեն,
օրենքի առաջ հավասար լինեն բոլորը, դեպուտատից սկսած մինչև ամենավերջին "չոբանը",
ինչքան քիչ բան է չէ հարկավոր, միայն ցանկություն է պետք

[SkyFlyer]

ՆԱՎԱՎԱՐ, on Aug 19 2010, 09:27 AM, said:

Գիտես, քանի որ Հյաստանը իր բնությամբ շատ նման է Շվեցարիային, կարծում եմ հայաստանցիները կարող են ունենալ այդ երկրի նման կենսամակարդակ; եթե ցանկանան :
Այսինքն եթե ցանկանան իսպառ վերացնել կաշառակերությունը, և շատ խիստ օրինապահ լինեն,
օրենքի առաջ հավասար լինեն բոլորը, դեպուտատից սկսած մինչև ամենավերջին "չոբանը",
ինչքան քիչ բան է չէ հարկավոր, միայն ցանկություն է պետք

Գիտես, կարդում եմ մտքերդ ու մտածում, միթե՞ այդքան քիչ բան է պետք «մարդավարի» ապրելու համար ու մենք գլխի չենք ընկնում կամ չենք ցանկանում անել։ Նոր ռադիո հաղորդում էի լսում հենց Շվեցարիայի փոքր քաղաքի՝ Բազելի մասին, որտեղ այսօր որոշվում է համաշխարային բանկային սեկտորի ապագան ու բանախոսներից մեկը բացատրում էր, որ այնտեղ հիմա "սպառազինությունների մցավազքի" նման մի բան է կատարվում, երբ Բազելում օրենքներ են ու կանոնակարգեր են ստեղծվում, իսկ աշխարհի բանկերում միլիոնավոր մարդիք մտածում են ինչպես ձևեր գտնել դրանցից խուսափելու։

Կարծում եմ մեզ շատ ավելին է պետք քան ցանկությունը, այլապես ցանկություն ամենուր ունեն մարդիք, բայց ամենուր չէ, որ ամեն ինցհ կատարվում է ըստ օրենքի։ Օրինակ «Ամերիկյան հրաշքի» հիմքում ընկած է ԱՄՆ անկախության հռչակագիրն ու նրանց աշխարհում երևի ամենա պրոգրեսիվ սահմանադրությունը։ Իհարկե այդ փաստաթղթերում իրոք սովորական մահկանացուների ցանկությունն է գրանցված, նրանց իդեալները արդար ու ծաղկուն երկրի մասին և իմ խորին համոզմամբ հենց նմանատիպ փաստաթղթերն ու դրանց տառին հոգեհարազատ մնալու կամքն է, որ կարողացել է ծնել հասարակություններ, որտեղ մարդկանց համար զարգացման հնարավորություններ կա։

Կարծում եմ Հայաստանին Շառլ Դգօլի նման մեկն է պետք կամ նման մի քաղաքական կարող մարդկանց խումբ, որ գան ու ուղղեն մեր հասարակական ու իրավական «անսարքություննրը»։ Մարդիկ ճաշակելով արդար ու մրցակցային միջավայրի քաղցրությունը, համոզված եմ երբեք ցանկություն չեն ունենա հետ նաելու։

Մեզ ցանկությունից զատ պակասում է կամքն ու պարզ ու աշխատունակ մեխանիզմները, որոնք կարգավորելու են ներսոցիալական հարաբերություններն ու մարդկանց մղելու են դեպի ավելի առաջ, ավելի բարձր...

[ՆԱՎԱՎԱՐ]

"Մեզ ցանկությունից զատ պակասում է կամքն ու պարզ ու աշխատունակ մեխանիզմները, որոնք կարգավորելու են ներսոցիալական հարաբերություններն ու մարդկանց մղելու են դեպի ավելի առաջ, ավելի բարձր... "



Իրավացի ես, կարդում եմ "Ազգ" թերթի այս հոդվածն ու մտածում, որ վրացիները հասկացել են դա և շարժվում են առաջ...
Անդրկովկասի ամենակաշառակեր ազգը, վրացիները, ազատվել է կաշառակերությունից:
Սա հրաշք է, շուտով նրանք կհավասարվեն Եվրոպական ամենածաղկուն, քաղաքակիրթ երկրներին, իսկ մերոնք դեռ ննջում են..




ՎԱՐՈՐԴԱԿԱՆ ԻՐԱՎՈՒՆՔ` ՄՈՏ 30 ԴՈԼԱՐՈՎ

Հարավային Կովկասի երկրների համար սովորական է այն գնահատականը, թե այստեղ որեւէ բան երբեւէ նորմալ լինել չի կարող: Ավելի հաճախ էլ մեկս մյուսին նայելով հույս ենք տալիս, թե հարեւանների մոտ էլ իրավիճակը բարվոքությամբ աչքի չի ընկնում: Ու կարծես վատն ընդօրինակելու բացառիկ «ձիրքով» օժտված լինենք, մինչդեռ լավը կրկնելու որեւէ մտադրության չես հանդիպի:

Հայաստանի մաքսային ծառայությունն ու ընդհանրապես ոստիկանական համակարգն ու դրան առնչվող բոլոր հարցերը մարդկանց մեջ արդարացիորեն դժգոհության տեղիք են տալիս. մաքսայինում շատ դժվար է հասկանալ, թե ինչպես ղեկավարվել բազմաթիվ «լուսանցքներ» ունեցող օրենսդրությամբ, ոստիկանությունն էլ ընդհանրապես հավատ չներշնչող կառույց է, որտեղ լավն էլ, վատն էլ նույն դժկամությանն են հանդիպում հասարակության կողմից:

Մի քանի առիթ լրիվ բավարար է, որ, ասենք, Հայաստան դրսից ավտոմեքենա բերող յուրաքանչյուր անձ ուղղակի հիասթափվի ոչ միայն հայաստանյան իշխանություններից, այլեւ երկրից ամբողջությամբ: Թե ինչպիսին են մեքենան ներմուծելու, մաքսազերծելու ու դրան հաջորդող մյուս գործողությունների ընթացքն ու հերթականությունը, մնում է միայն գուշակել կամ, լավագույն դեպքում, զբաղվել օրենսդրության ուսումնասիրությամբ, այն էլ լուրջ ուսումնասիրությամբ: Նույն անկարգ «կարգն» էլ գործում է վարորդական իրավունք ստանալու պարագայում: Այս երկու գործընթացները միասին կարող են մարդու մեջ ոչ միայն վերացնել մեքենա ունենալու ցանկությունը, այլեւ Հայաստանից հեռանալու հարցում հերթական «խթան» հանդիսանալ:

Իսկ հարեւան Վրաստանում, օրինակ, բնավ էլ խնդրահարույց չեն ինչպես վարորդական իրավունք ստանալը, այնպես էլ մեքենայի մաքսազերծումը, համարանիշ ստանալն ու դրան առնչվող մյուս գործերը: Ավելին, պարզվում է, հարեւան երկրում ոչ մի դուռ թակելու, այդուհետեւ էլ սրա-նրա պահանջող հայացքից ճնշված դրամական կլորիկ միջոցներ «բաժանելու» հարկադիր անհրաժեշտություն չկա:

Ամենից առաջ, Վրաստանում ներքին գործերի նախարարությանը կից ստեղծվել ու Ռուսթավի քաղաքում գործում է Ծառայությունների գործակալությունը, որտեղ էլ մարդիկ, հայաստանյան չափումներով, անհավատալի արագությամբ կարող են ստանալ ինչպես վարորդական իրավունք, այնպես էլ մաքսազերծել ներմուծած մեքենան: Գործակալությունը հսկայական ու իրապես թափանցիկ ու բաց մի մեծ շենք է տնօրինում, որտեղ ավտոմեքենայի պետհամարանիշներ ձեռք բերելուց մինչեւ վարորդական իրավունք ստանալու համար քննություն հանձնելն այնքան բաց ու տեսանելի է, որ առավելագույնս դժվար կլինի որեւէ մեկի համար «օգնել» հաճախորդին:

Առաջին, անգամ երկրորդ, նույնիսկ երրորդ անգամ տրամադրված բացատրությունից հետո էլ դժվար է հավատալ, որ Վրաստանում վարորդական իրավունք ստանալու քննությունն արժե 40 լարի, իսկ հենց վկայականի տրամադրումը` ընդամենը 15 լարի: Այսինքն` մոտ 30 դոլարը բավարար է, որ մարդ գնա, հանձնի համակարգչային հիմքով անցկացվող քննությունը, հանձնի նաեւ մեքենա վարելու թեստն ու ստանա վարորդական իրավունքի վկայական: Ընդ որում, քննությունն անցկացվում է մի քանի լեզուներով, այդ թվում` հայերեն, ադրբեջաներեն, ռուսերեն, բոլոր հարմարությունները ստեղծված են նույն տարածքում, իսկ այդ ամենին տրամադրելիք ժամանակն էլ չի գերազանցելու երկու-երեք ժամը:

Քննությունն ու վարելու թեստը հանձնելուց հետո վարորդական իրավունքի վկայականը կարելի է ստանալ տեղում, մեծ ու բաց սրահում նստած վայելուչ աղջիկներից, որոնց աշխատանքային «կաբինետը» երկար ու թաքստոցային տեղեր չունեցող սեղանն է եւ համակարգիչը:

Նույն այդ տարածքում, հարեւան երկար սեղանին այն անձնակազմն է, որ զբաղվում է մաքսազերծման գանձումներով եւ պետհամարանիշների տրամադրմամբ: Փորձիր, լրջորեն ու ջանասիրաբար փորձիր պատկերացնել, որ արտերկրից ներմուծվող մեքենայի մաքսազերծման համար անհրաժեշտ մաքսատուրքը Վրաստանում կարող եք ազատորեն իմանալ` մտնելով համապատասխան ծառայության կայքէջ ու հաշվարկելով շատ պարզ բանաձեւով: Այսինքն` Վրաստանի մաքսային ծառայությունները տրամադրվում են ոչ թե իրենց ցանկությամբ ու տրամադրությամբ սահմանվող մաքսազերծման գումարով, այլ բոլորին հայտնի ձեւով:

Վրաստանում մեքենա մաքսազերծելն այնքան արագ ու էժան է կատարվում, որ հնարավորության դեպքում վրացական գրանցմամբ մեքենան հաստատապես նախընտրելի է Հայաստանում մեքենա գրանցելուց, հատկապես որ այդ պարագայում գործ չես ունենա մեր մաքսայինի հետ, ավելին, չես հայտնվի մեքենան գրանցելիս չգիտես որտեղից հայտնվող «ուզվորների» թակարդում:

Վրաստանում մեքենա մաքսազերծելը ոչ թե կարող է արժենալ մեքենան ձեռք բերելու համար վճարած գնի մի զգալի մասը, ընդ որում, ըստ էության, կամայական հաշվարկմամբ, ինչպես Հայաստանում, այլ ամենապարզ ձեւով որոշվող հարաբերակցությամբ: Ասենք, 2005թ. արտադրության մեքենան մաքսազերծելիս, որի շարժիչի հզորությունը երեք լիտր է, մաքսազերծումը կկազմի մոտ 1000 դոլար: Ամեն դեպքում, մաքսազերծման գումարը հաշվարկելիս հաշվի են առնվում մեքենայի արտադրության տարեթիվը եւ շարժիչի հզորությունը, այլ ոչ թե եղբայր-դրացի-բարեկամ կապերը կամ դրանց բացակայությունը:

Վրաստանում մեքենայի մաքսազերծման համար հորեղբոր ու տատ-պապական կապերի հեռավոր ճյուղերին փնտրելու որեւէ անհրաժեշտություն չկա, ու մաքսազերծման գործընթացն էլ շաբաթների փոխարեն տեւում է առավելագույնը մեկ ժամ, կարելի է վստահաբար ասել, որ այս հարցում մեր հարեւանները քաղաքակրթության հասել են, իսկ մենք դեռ գավառամտության խավարում խարխափում ենք, ինչից, ի դեպ, լավ էլ օգտվողներ կան: Այսինքն` այն, ինչ Վրաստանում հաճելի գործընթաց է դարձել, մեզանում դեռ նյարդաքայքայիչ ու ծախսատար է, իսկ գործընթացներն իրականացնողների համար` «խոպան»:

Այս ամենին մնում է ավելացնել, որ Վրաստանում արդեն մի քանի տարի գործող գործակալության այս շենքը գեղեցիկ ու մաքուր է, ծակուռներ, անհասցե դռներ ու այդ դռներից ներս գտնվող «մաղարիչ» պահանջող մուրացիկներ չունի: Այդ ամենի փոխարեն մեկ ընդհանուր տարածքում են հավաքված անհրաժեշտ ամեն բան` քննության հանձնման, մաքսային, բանկային ծառայությունների, դրամի փոխանակման, թեստավորման, համարանիշ ընտրելու, ըստ այդմ վճարելու եւ դրանք անմիջապես ստանալու համար: Ընդ որում, Վրաստանում թույլատրելի է ավտոմեքենայի համարանիշը որեւէ մեկի անունով ստանալու տարբերակը` համապատասխան վճարով:

Այս ամենը հեքիաթասացություն չէ, այլ այն ամենի ներկայացում, ինչն այսօր առաջարկում է Վրաստանը ավտոմեքենա ունենալու եւ այն վարելու ցանկություն ունեցողներին: Իսկ Հայաստանում մեքենա ունենալը, վարելը եւ, առավել եւս, հետագայում այն վաճառելու փորձերը զուտ տհաճություն բերող գործընթացներ են: Ու չնայած Վրաստանում, այս ամենի կողքին, նաեւ հավատում են, թե ներքին գործերի նախարարության ապակեպատ նոր շենքը կարող է թափանցիկության երաշխիք լինել, սակայն հստակ է, որ գոնե մեքենաների մաքսազերծման ու վարորդական իրավունք ստանալու հարցում, առանց ապակեպատ շենքի էլ, հաջողվել է կովկասյան բարքերից վեր բարձրանալ:

Տեսնես կգա՞ մի ժամանակ, երբ Հայաստանում էլ կաշի քերթելու փոխարեն կմտածեն մարդկանց ծառայելու մասին..

ԱՂԱՎՆԻ ՀԱՐՈՒԹՅՈՒՆՅԱՆ, Ռուսթավի-Երեւան

http://www.armtown.c...820/2010082010/